رواية امتلكني بالاجبار الفصل الثاني والثلاثون
نور بصت عليه بضيق و مردتش . معتز اتنهد بضيق . /مش هينفع يا نور منتكلمش لو سمحتي قربي .
نور بصت عليه بتوتر . و قعدت بهدوء ./اتفضل قول اللي عايز تتكلم فيه .
معتز بضيق./كلمتك كتير و مردتيش ليه .
نور ببرود ./مكنتش عايزه ارد . و لو علي الشغل انا هنزل من بكره .
معتز ابتسم بهدوء. /بجد هتنزلي يا نور . يعن...
نور قاطعته بهدوء . /يعني هعتبر أن محصلش حاجه يا معتز . و لا حاجه حصلت .
معتز بعدم فهم . /يعني ايه . بس انا . انا بحبك يا نور . انا مقولتش كده عشان اهرب من موقفي انا قولت كده عشان كل مره كنت بتخنق فيها لما مترديش عليا . و كل مره بشوفك قدامي و مش عارف اعترفلك بحاجه .
نور بصت عليه بضيق و هي شايفه الصدق في عيونه./بس انا مش هقدر . مش عايزه يا معتز . و لو قربي منك هيخليك تتعب انا هسيب الشغل و مش هتجمع معاك في اي مكان تاني . و هفضل بعيده .
معتز غمض عينه بضيق. /اعتبري مفيش حاجه حصلت فعلا يا نور . و تقدري ترجعي شغلك من بكره . انا شكلي فهمت غلط .
و سابها و مشي . نور بصت عليه بدموع و هي مش عارفه تعمل ايه . بس هي لسه مش قادر تتخطي اللي حصلها .
عند ادهم .....
مريم ضربت ادهم علي صدره بخفه . /ادهم انت نمت .
ادهم فاق و بعدها بهدوء ./لا يلا بينا عشان نلحق نروح .
مريم جابت شنطتها و طلعه . مريم بصت علي كاميليا اللي نامت علي الكرسي . نور قامت بهدوء. /هتمشو .
مريم هزت راسها بهدوء و راحت عند كاميليا تصحيها .
فاطمه طلعت علي صوتهم بضيق ./هتمشي و تروحي فين .
مريم ابتسمت بخبث ./ ادهم مصمم يخلينا نروح .
فاطمه بصتله بضيق ./ مريم محتاجه حد ياخد باله منها خليها قاعده معايا لحد ما تولد.
ادهم سحب مريم بضيق ./ أنا هاخد بالي منها . و حضرتك ممكن تيجي تعدي معانا زي ما تحبي .
فاطمه بصت علي مريم بهدوء./عجبك اللي بيعملوا ده .
مريم هزت كتفها بقلة حيلة . ادهم راح يصحي كاميليا بهدوء و بص علي مريم بخبث . /معلش يا طنط اصلي مبعرفش انام غير و هي في حضني .
مريم نزلت راسها بكسوف . و فاطمه ابتسمت عليهم بحب .
نور ضحكت علي مريم و بصت علي كاميليا ./خلاص يا ادهم هي مش هتصحي سيبها معانا كام يوم .
ادهم اتنهد بضيق . /كام يوم مره واحده .
مريم وقفت جمبه بهدوء./خلاص يا ادهم ما هي معندهاش مدرسه يومين تلاته و نيجي نخدها.
ادهم وقف بضيق ./بكره هبعت السواق يخدها .
كلهم ابتسمو عليه بهدوء . و ادهم سحب مريم و سلم عليهم و مشي .
___________________________________
ادهم دخل الاوضه و هو محاوط ايده بوسطها بتملك .
مريم بعدت بضيق . /هتخطف يا ادهم يعني.
ادهم قفل الباب و سحبها بهدوء . /خلاص حقك عليا .
مريم بصت عليه بتوتر . /هو احنا ممكن نتكلم شويه .
ادهم دفن رأسه في رقبتها بتلذذ . /طبعا ممكن نتكلم .
مريم بصت عليه بضعف و هي مش قادره تبعده . و غمضت عينيها باستسلام و هي بترفع ايديها علي ضهره . ادهم كمل اللي بيعمله بدون وعي . بس مريم جسمها اترعش و بعدت بخوف لما حست بايده بتتحرك تحت هدومها .
ادهم بص عليها برغبه و مسك ايديها بهدوء . /مالك يا مريم . في حاجه .
مريم اتكلمت بخوف . /انا مش عايزه ده . مش عايزه ده يحصل .
ادهم بص عليها بضيق./ليه يا مريم ليه . ما انتي كنتي معايا من يومين و كنتي موافقه و خلتيني احس أن علاقتنا بقت طبيعيه . و لا انتي علي مزاجك .
مريم بصت عليه بدموع و نزلت راسها . ادهم رفع راسها بغضب./لا كلميني يا مريم . ردي عليا مش كل ما اكلمك تعيطي . ليه رجعتي تبعديني عنك . مع ان طريقتك بتقول عكس كده . ليه كل ما بقرب منك بتبعديني .
مريم قعدت على السرير و حطت ايديها بين وشها بعياط ./خايفه يا ادهم خايفه .
ادهم قعد قصادها بهدوء ./خايفه من ايه يا مريم اتكلمي .
مريم بصتله بدموع ./خايفه منك . خايفه تبعد أو تكرهني .
ادهم حرك أيده علي وشها بحنان./مستحيل يا مريم مستحيل . مريم انا بحبك اكتر من نفسي . فضلت سنتين أنام و اصحي احلم بيكي حتي و انا معرفش عنك حاجه . عندك شك في القلب اللي بقي عايش بسببك ممكن يكرهك أو يبعد عنك .
مريم هزت راسها بدموع . ادهم مسك ايديها بحب ./اتكلمي يا مريم انا سامعك و متخفيش من اي حاجه .
مريم مسكت أيده بقوة و ابتدت تحكيله كل حاجه .
مريم كملت بدموع . /انا كنت بخاف منه يا ادهم . كنت بخاف منكم كلكم . بابا و هو خلوني اكره الرجاله كلهم . كان كل مره يشوفني فيها كنت بخاف من نظراته . كنت بكذب كل الكلام اللي حواليه . بس هو . هو بني ادم مريض يا ادهم مكنتش معايا انا بس كان مع كله . و لما اختفي من حياتي بقيت كويسه بقيت احاول اكون كويسه . بس هو ظهر تاني دلوقتي صورته قدامي دايما مخوفاني و نظراته و كل حاجه .
ادهم غمض عينه بغضب و هو بيحاول يهدي نفسه قدامها . /يعني دكتور انور كان بيتحرش بيكي يا مريم . طب ليه سكتي ليه متكلمتيش من زمان ليه مشتكتيش فيه .
مريم بعياط ./محدش كان بيسمعلي و لا حد صدقني . حتي البنات اللي كانو زي كان بيعرف يسكتهم .
ادهم سحبها لحضنه بضيق . مريم دفنت راسها في صدره بعياط./لما قربت منك كنت عايزه اثبت لنفسي أن انا من حقك انت و محدش يقدر يقرب مني غيرك . انا اسفه يا ادهم .
ادهم خرجها من حضنه و حاوط وشها بايديه ./متتاسفيش يا مريم . انتي كنتي ضحيه لواحد مريض . انا اللي اسف على كل حاجه يا مريم . وعد مني هخليه يندم انه فكر يعمل فيكي و في كل البنات كده . بس انتي دلوقتي زي ما قولتي من حقي انا بس يا مريم .
مريم حطت ايديها علي بطنها بدموع ./نفسي نربيه سواء يا ادهم . مش عايزاه يعيش اللي عيشته . مش عايزاك تتغير معايا مهما حصل .
ادهم حط أيده علي ايديها بحب ./هنربيه سواء و هعوضك عن كل حاجه يا مريم .
مريم دخلت في حضنه بدموع و فرحه . بس شهقت بخضه لما ادهم شالها و حطها علي السرير . ادهم نام جمبها و سحبها لحضنه بتملك ./انتي ملكي انا و بس يا مريم . حبيبتي انا و بس .
مريم ابتسمت بكسوف و دفنت راسها في حضنه اكتر ./انت و بس يا ادهم .
مريم غرقت في نوم عميق . و ادهم فضل صاحي و هو مش قادر ينكر فرحته بكلامها اللي بقي معناه حاجه واحده بس هو لسه مصمم يسمع اعترافها كامل . اتنهد بضيق و هو بيفكر في انور . لحد ما راح في النوم.
________________________________
تاني يوم ......
نصار فتح عينه بتعب و هو بياخد نفسه بالعافيه . الممرضه بصت عليه بخوف و راحت للدكتور بسرعه . الدكتور جه بسرعه و كشف عليه بقلق . بس ابتسم بهدوء ./حمدالله علي السلامه.
نصار بص علي كل أركان الاوضه بخوف . و اتكلم بتعب ./ادهم النصراوي . عايز ادهم النصراوي .
الدكتور بص عليه باستغراب ./هبلغ بنتك انك قومت بالسلامه .
نصار مسك أيده برفض . /عايز ادهم النصراوي .
الدكتور هز راسه بهدوء .
________________________________
معتز فضل يبص علي كاميرات المكتب بضيق لحد ما شفها جت . و فتح الباب بسرعه . نور بصت عليه بتوتر و راحت عند مكتبها . معتز دخل مكتبه بضيق و هو بيحاول يتحكم في مشاعره . بعد شويه نور دخلت عنده .
نور ابتسمت بهدوء ./صباح الخير .
معتز اتكلم بجديه و هو بيحاول يركز في شغله ./صباح النور يا نور . في حاجه .
نور اتكلمت باحراج ./كنت جايبه لحضرتك ملفات الشغل المتاخره .
معتز اتكلم من غير ما يبص عليها ./ماشي . حطيهم علي المكتب .
نور حطتهم و مشت بضيق و هي مضايقه من طريقته اللي مش متعوده عليها . معتز اتنهد بضيق . لنفسه./خلاص يا معتز مش لازم تجبر نفسك علي حياتها اكتر من كده .
_________________________________
مريم صحت و هي بتبص حواليها علي ادهم . اتنهدت بهدوء لما ملقتوش في الأوضه . و قامت دخلت الحمام . بعد شويه وقف و هي بتسرح شعرها بضيق من ادهم عشان مشي من غير ما يصحيها . ادهم فتح الباب و دخل بهدوء . و هي بصت عليه بضيق و راحت قعدت على الكنبه . أدهم قعد جمبها بحب./شكلك لسه صاحيه .
مريم بصت عليه بضيق ./انت كنت فين .
ادهم رجع شعرها لوره بتوهان ./كنت بعمل كام حاجه في المكتب تحت .
مريم اتكلمت بهدوء./فكرتك روحت الشغل .
ادهم بص عليها بهدوء./مكنتش اعرف اني لما ابعد عنك هتضيقي اوي كده .
مريم نزلت عينيها بتوتر ./انا بس خوفت لما ملقتكش جمبي .
ادهم ابتسم عليها بهدوء ./طب يلا قومي البسي .
مريم بصت عليه باستغراب ./ليه هنروح فين .
ادهم نزل أيده علي بطنها بحب ./هنروح نطمن عليكي و علي حبيب بابا .
مريم ابتسمت بفرحه . و قامت تلبس .
_________________________________
نوران دخلت لـ اماني بهدوء . / اخر الاسبوع ميعاد طيارتك و ظبطلك سكن و حساب فيه مبلغ كويس .
اماني ابتسمت بفرحه و هي بتسحب منها الباسبور ./و انا عند وعدي هديكي الحاجه قبل ما اركب الطياره .
نوران اتنهدت بضيق./هتفرق ايه ما انتي معاكي الباسبور .
اماني اتنهدت بهدوء ./هتفرق في الامان . و انا طول ما الفلاشه معايا في امان .
نوران ابتسمت بضيق . اماني كملت بخبث ./مطلاما انتي كنتي بتحبي ادهم اوي كده لدرجة أنك ضحيتي بسمعتك عشانه . ليه اذتيه و بتاذيه .
نوران اتنهدت بهدوء./ ادهم مكنتش عنده اختيار غيري . مكنتش ليه علاقه ببنات غيري . كان ممكن يسهر و يشرب و يعمل كل حاجه . انما انا كنت اقرب بنت ليه . بس رغم كل ده اكتشفت اني فعلا اقرب بنت ليه .بس بعيده اوي . يعني كنت بالنسبه له بنت صاحب باباه مش اكتر . عملت كل حاجه تخليه يشوفني أو يحس بيا . لدرجة اني عملت زي ما قولتي و كان ممكن يكون ناسي فعلا و يتجوزني بالعافيه عشان يصلح غلطته و خلاص . بس كل ده اتحول لكره و اذي و انتقام . بنتقم لعمري و نفسي اللي ضيعتها عشانه .
نهت كلامها بدموع و سخريه . اماني بصت عليها بتوتر . و خدتها في حضنها و هي بتفتكر اللي علي عمله معاها .
نوران حضنتها بدموع ./خايفه ربنا يعقبني و ياذيني في بابا . انا معنديش غيره يا اماني . هو الحاجه الوحيده الصح في حياتي .
اماني طبطبت عليها بحنان./هيفوق و هيبقي كويس والله .
_______________________________
عند الدكتوره .
مريم كانت نايمه علي السرير و ادهم ماسك ايديها بحب و عينه علي الشاشه اللي في السونار . و الدكتوره بتكشف عليها بهدوء .
ادهم عينه لمعت بالدموع بحب ./ ده بيتحرك .
الدكتوره ضحكت عليه بهدوء./هو مش بيتحرك بس النبض بتاع قلبه مخليه يتهز عشان لسه متكونتش .
ادهم ميل علي مريم بضيق و همس . /هي هتعرف اكتر مني . ده ابني علي فكره .
مريم ابتسمت عليه بهدوء . الدكتوره ./ اهو قدامكم في اكبر صوره .
مريم ابتسمت بفرحه . و اتكلمت باستغراب ./هو صغير كده ليه .
الدكتوره بهدوء./حضرتك لسه في الشهر الاول ده طبيعي و كمان هو لسه هيبتدي يتكون .
ادهم حرك أيده علي شعر مريم بحب .
الدكتوره اتكلمت ./هنحتاج شوية تحاليل عشان نطمن . و كمان لازم تخلي بالك من نفسك الفترة الجايه . الحمل بتاعك مش ثابت و محتاج راحه علي طول .
مريم اتكلمت بقلق ./مش ثابت ليه يا دكتوره . هو انا عندي حاجه .
الدكتوره ابتسمت بهدوء ./لا مفيش حاجه انشاء الله احنا عايزين تحاليل عشان نطمن . و بعدين ده طبيعي اول شهرين حمل بيكون في صعوبه شويه عشان مش بيكون لسه ثابت . اهم حاجه الراحه النفسيه و الاكل و الادويه في مواعيدها .
مريم هزت راسها بهدوء و بصت لادهم اللي ابتسملها بحب .
