رواية امتلكني بالاجبار الفصل الثالث والثلاثون
نور دخلت لـ معتز بتوتر ./ معتز انا خلصت شغلي و همشي.
معتز اتكلم و هو بيبص في التليفون ./ماشي .
نور مشت بس رجعت تاني ./هو انت مضايق مني في حاجه .
معتز بص عليها بهدوء ./هضايق منك في ايه يا نور.
نور بتوتر. / حسيت ان طريقتك...
معتز قاطعها بجمود. /طريقة مدير و السكرتيرة بتاعته يا نور . و بعدين كل اللي يجمعنا صداقه محدوده . و لا ايه .
نور ابتسمت بتوتر و هي بتحاول تمسك دموعها. /عندك حق . عن اذنك .
معتز بص عليها بضيق من نفسه.
________________________________
ادهم كان في العربيه و هو بيبص علي مريم بهدوء . لحد ما تليفونه رن .
ادهم ./ايوه انا . طب مينفعش بكره ...خلاص انا جاي .
ادهم قفل التليفون بهدوء .مريم بصت عليه بتوتر ./هو في حاجه .
ادهم بضيق ./نصار فاق من الغيبوبه و عايز يشوفني . الدكتور بيقول أنه مش ضامن لحد بكره هيكون لسه فايق و لا لا .
مريم بهدوء ./انا عايزه اروح معاك .
ادهم بص عليها بعدم فهم و هز رأسه بهدوء .
بعد شويه ... ادهم وصل هو و مريم ....
ادهم وقف قصاد سريره بهدوء ./حمدالله على السلامه .
نصار بص عليهم بتعب ./كويس انها جت معاك .
ادهم بص علي مريم بقلق و مسك ايديها بهدوء .
ادهم بجمود ./قالولي أن حضرتك عايزني . و انا كمان كنت عايز حضرتك في كام سؤال .
نصار اتعدل بتعب ./قول اللي انت عايزه .
ادهم غمض عينه بضيق ./ليلي أو ليلي هانم . تبقي امي .
نصار غمض عينه بضيق./هي اللي قالتلك مش كده .
ادهم ابتسم بسخرية./يبقي كلامها صح . طب ليه معرفتنيش .ليه سبتني كل ده ساكت عن حق ابويا .
نصار اتكلم بدموع ./عشان ده سر ابوك و لما مات كنت فاكر ان السر مات معاه .
ادهم بص عليه بسخرية و دموع ./و ليه محفظتش علي وصية بابا ليك . ليه صدقت عليا اني ممكن اعمل كده في بنتك .
نصار مسح دموعه بضيق ./انا اسف . انا طلبت اشوفك عشان اعتذرلك . نفسي تسامحني قبل ما اموت . عمري ما كنت أتخيل أن أكون مربي في بيتي تعابين . ابن اخويا ..و بنتي للأسف .
ادهم بصله بعدم فهم./يعني ايه . يعني انا مليش دعوه . يعني عرفت الحقيقه .
نصار نزل رأسه بدموع ./سامحني عشان خاطري . انا من الصدمه صدقت بنتي و كدبتك . مجاش في بالي أن انت تربيتي . و ان عمرك ما تعمل كده .
ادهم بص علي مريم و اتنهد بضيق .
ادهم سحب مريم من ايديها و جه يمشي . بس وقف علي صوت نصار ./ خلي بالك من نفسك يا ادهم . و من مراتك . علي مش هيسكت .
ادهم اتكلم بجمود ./يبقي هبعته لابوه .
ادهم سحب مريم و ركب العربيه في صمت . مريم فضلت تبص عليه بتوتر من الوقت للتاني لحد ما وصله قدام الفيلا .
ادهم بجمود ./انزلي و انا هعمل مشوار .
مريم حطت ايديها علي أيده بتوتر ./مينفعش تخلي المشوار بكره . انت مش كويس .
ادهم اتنهد بهدوء ./مش هتاخر يا مريم .
مريم هزت راسها بهدوء و نزلت . ادهم فضل باصص عليها لحد ما اتاكد أنها دخلت و مشي .
مريم طلعت فوق بضيق .
مريم فضلت تلف في الاوضه بضيق . / قلب عليا مره واحده اول ما روحنا للراجل ده . انا كنت عارفه كنت عارفه أنه معملش كده .
مريم قعدت على الكرسي بضيق منه ./ يا تري مشوار ايه اللي فجاه ده . ده حتي ناسي أن عيد ميلاده بكره .
مريم وقفت كلام بتفكير ./عيد ميلاده بكره .
مريم ابتسمت بهدوء و هي بتفكر في حاجه .
_____________________________________
ادهم وقف قدام بيت انور بغضب بس خد نفسه بهدوء و نزل .
ادهم خبط علي بيت انور بهدوء مخيف . انور فتحله باستغراب بس ابتسم بهدوء ./ادهم عامل ايه . اتفضل تعالي .
ادهم دخل بهدوء ./كنت قريب من هنا قولت اعدي عليك .
انور ابتسم بتوتر . /انت تيجي في اي وقت . تشرب ايه .
ادهم ابتسم بهدوء مخيف ./عايز كوباية مايه .
انور هز راسه بتوتر و مشي . ادهم فضل يبص علي كل ركن في البيت لحد ما عينه وقعت علي اللاب توب . ادهم بص علي انور بهدوء لما اتاكد أنه لسه في المطبخ . و راح عند اللاب توب بحرص .
ادهم بص علي أنور اللي جاي من بعيد . و سحب الفلاشه بسرعه .
انور بص عليه بتوتر . /فين ايام زمان يا ادهم .
ادهم رجع لوره بهدوء ./تعرف أن مريم افتكرت ايام الجامعه من يومين . و قالتلي نفس الجمله دي .
انور بلع ريقه بتوتر . /ما هو دايما كده كل ما الإنسان بيكبر بيحن لايام زمان اكتر .
ادهم بص عليه بسخرية . و متكلمش .
___________________________________
مريم فضلت تبص من البلكونه بضيق لحد ما شافت ادهم وصل . مريم راحت تتطفي النور لحد ما ادهم ييجي .
ادهم طلع فوق بضيق ./ايه الضلمه دي .
ادهم دخل الاوضه بقلق علي مريم . ادهم وقف وره الباب . /مريم انتي صاحيه .
مريم اتحركت بهمس و حطت ايديها علي عينه . ادهم اتنهد براحه و حط أيده علي ايديها و سحبها قدامه . و راح نور النور . ادهم رجع و هو مصدوم من شكل مريم اللي كانت لابسه فستان لحد ركبتها و منزله راسها بكسوف . ادهم راح عندها و اتكلم بتوهان ./كنت خايف عليكي علي فكره .
مريم رفعت عينيها بكسوف ./ليه .
ادهم رجع شعرها وره ودانها ./عشان عارفك بتخافي من الضلمه .....قرب منها بخبث .... بس لو اعرف ان شكلك كده مكنتش فتحت النور .
مريم حطت ايديها علي صدره بكسوف ./استني .
مريم مشت من قدامه و رجعت تاني . مريم رفعت نفسها و باسته من خده بكسوف ./ كل سنه و انت طيب .
ادهم بص عليها بانبهار و فرحه ./تعرفي أن دي اول مره احتفل بعيد ميلادي .
مريم ابتسمت بحب و هي بتديله الهديه .
ادهم ابتسم بهدوء و هو بيفتح الهديه . ادهم بص للساعه بفرحه . مريم اتكلمت بهدوء ./ عجبتك .
ادهم مسك ايديها بحب . /تعرفي أن انهارده عيد ميلادي بجد . عشان انا اتولدت من جديد علي ايديكي يا مريم . في عالم تاني مفيهوش غيرنا . انا بحبك اوي يا مريم .
مريم دخلت في حضنه بحب ./ربنا يخليك ليا يا ادهم .
ادهم حضنها بتملك . و خرجها من حضنه بهدوء . ادهم حرك أيده علي خدها بحب و ميل باس شفايفها بحب . مريم بادلته بكسوف و لفت ايديها حوالين رقبته . ادهم شالها و نزلها علي السرير و هو دافن رأسه في رقبتها بتوهان . ادهم بعد عنها بتوتر . مريم نزلت عينيها بكسوف . ادهم قام بضيق دخل الحمام و هو بياخد نفسه بالعافيه و بيحاول يهدي نفسه من شكلها . مريم فضلت تبص أثره بتوتر و هي مش فاهمه ازاي بعد عنها و ان دي اول مره يعملها .
بعد شويه ادهم خرج و بص علي مريم بهدوء . و قرب نام جمبها بهدوء . /نامي يا مريم نامي .
مريم اتنهدت بضيق و عدم فهم ./هنام .
ادهم خد نفسه بهدوء و غمض عينه . و مريم فضلت تتقلب بضيق منه لحد ما نامت . ادهم فتح عينه لما اتاكد أنها نامت و سحبها لحضنه بهدوء .
_______________________________
تاني يوم .....
عند نصار في المستشفى .
نوران دخلت بسرعه و حضنته بدموع . /بابا حمدالله على سلامتك يا حبيبي .
نصار بعدها بجمود ./اومال شريكك فين .
نوران بدموع ./شريك ايه يا بابا .
نصار بسخرية ./علي فين و لا ضحك عليكي .
نوران بلعت ريقها بتوتر. /بابا انت مش فاهم حاجه .
نصار بدموع ./لا انا فاهم كل حاجه بس فهمت متأخر للأسف .
نوران بدموع ./بابا عشان خاطري اسمعني .
نصار ./ليه عملتي كده . دمرتي حياته و حياتك خلتيني اقسي عليه و انتي عارفه ان انا عيلته و أنه ملوش غيري .
نوران مسحت دموعها بحزن ./حبيته يا بابا . و هو مختارنيش بس انا حبيته اكتر من نفسي . ضحيت بكل حاجه عشانه يا بابا .
نصار ابتسم بسخرية . /و انتي بتسمي ده حب . دمرتي حياته و كرهتي فيه اللي حواليه و بتحبيه . انتي مبتعرفيش تحبي يا نوران . انتي بنتي اه بس انا شكلي ربيتك غلط .
نوران بصت عليه بدموع و نزلت راسها .
نصار بجمود ./عايز ارجع ملاقكيش في الفيلا . خدي مفتاح الشقه و اقعدي فيها مش عايز اشوف وشك امشي .
نوران مسحت دموعها و مشت بحزن .
__________________________________
مريم بصت علي ادهم بضيق .
ادهم اتكلم و هو بيظبط هدومه ./ خليت داده عاليه تعملك الفطار . معلش بقي يا حبيبتي مش هلحق افطر معاكي انهارده.
مريم ابتسمت بضيق . ادهم قرب منها بهدوء ./مالك يا حبيبتي . في حاجه تعباكي.
مريم هزت راسها برفض./انا كويسه .
ادهم ابتسم بخبث و قرب باس راسها ./معلش يا حبيبتي لازم امشي عشان اتاخرت.
و سبها و مشي .
مريم اتنهدت بضيق من تصرفاته و كملت نوم .
______________________________________
فات شهر من غير أي أحداث جديده . مريم اللي ابتدت تضايق من بعد ادهم عنها . و اماني اللي بقت مش عارفه تتصرف ازاي بعد ما نوران اختفت . و معتز اللي لسه بيتعامل مع نور بنفس الطريقه و ده مضيقها جدا .
_________________________________
نور دخلت مكتب معتز بضيق ./معتز ممكن نتكلم .
معتز بص عليها بهدوء ./اه طبعا في حاجه في الشغل .
نور رمت الملف بغضب ./ لا مفيش حاجه كل حاجه تمام و ظل حاجه كويسه . انت اللي بقيت تبعد عني و بقيت تبعدني عنك . و بقي لازم كل كلامنا يكون في الشغل و بس .
معتز وقف قدامها بخبث ./ و هو احنا بينا حاجه غير الشغل.
نور اتكلمت بضيق ./اه بينا .
معتز قرب منها بخبث ./ايه اللي بينا .
نور بصت عليه بتوتر ./معتز ابعد .
معتز قرب اكتر بخبث . /و لو مبعدتش .
نور حاولت تتكلم بس توترها غلبها . لحد ما عيطت . معتز سحبها بضيق من نفسه ./نور خلاص اهدي .
نور قعدت علي الكرسي و هي لسه بتعيط . /انا تعبت يا معتز . مبقتش فاهمه حاجه . مبقتش طايقه اجي الشغل و انت بتعاملني كده . انا مش عايزه المعامله دي . انت مكنتش معايا كده .
معتز اتنهد بهدوء ./نور انا بعدت عشان مبقاش بضغط عليكي . و قولت كل واحد يركز في حياته . بس انا مكنتش اعرف اني هحبك اكتر و اتعلق بيكي بس انا مش هقدر اغصبك علي حاجه مش عايزاها يا نور .
نور دفنت وشها بين أيديها بعياط . معتز بص عليها بعدم فهم ./بتحبيني يا نور .
نور رفعت وشها بدموع ./معرفش معرفش . بس انا مش عايزاك كده . عايزاك معايا عادي مش عايزه أحس إنك بتبعدني عنك . انا مش كويسه يا معتز مش كويسه خالص و بسببك . معرفتش اكمل حياتي طبيعي . انا اتعودت عليك في الفتره الصغيره دي انك معايا في كل حاجه يا مع...
معتز قاطعها لما باسها من شفايفها بغضب . و هو بيلعن نفسه . نور دموعها نزلت في صمت . بس مقدرتش تمنع مشاعرها و بادلته بكسوف .
معتز بعد عنها و هو مقرب وشه من وشها ./ انا بحبك يا نور . و عايز اتجوزك انهارده قبل بكره . و مستعد احاول معاكي لآخر يوم في عمري . كفايه حبي ليكي قادر يخلينا سعداء احنا الاتنين مع بعض .
