رواية أرض الخناجر الفصل الخامس والثلاثون بقلم ايلول
بعينك صد عليَّ بس بضميرك شوف
بويه تصيح هذا شگد حزن جارع
هذن هيج الشفتهن من عده المضموم
الليشرح جثث ما يگدر يباوع
══━━━━✥◈✥━━━━══
رنـــه :: فاتحه عيني مصدومة وجدي أشرلهم على طــروادة گالهم
شعلان:: هذا ماخذ گيعاني خاوه يفلش ويبني ويزرع بكيفه لا هوه شاريهن ودافع حگهن ولا هوه طالع منهن.
ووي حجايته الجنود انتشروا بالحوش وعمي شاكر وعمي وليد يحجون وي الضابط ويتهمون طرواده اللي مطيني ظهره يعاين بوجه جدي خله ايده بصدر طــروادة ودفعه على كيف وطرواده يرد ليوره خطوه خطوه لمن وصله يم باب الهول وانه روحي رايحه اطك على رجليه واروح واجي مفرفحه خايفه عليه واسمع جدي يحجي وياه همس
شعلان:: ترد لخنجر لمچانه وتحب ايد عمك شاكر وتعتذر منه لو اوديك وره الشمس؟
دار طــروادة يعاين عليَّ من الشباج من سمع صوتي ابجي عليه بخوف عيونه دم مصدوم دار عيونه للجنود ولاعمامي ووگفتهم بباب بيتنا واتهاماتهم اله وهوه وحده بوسطهم رد عاين لجدي حط ايده بصدره ودفعه بكل حيله طيحه بالگاع وصاح بصوت عالي يتراجف
طــروادة:: انااااا كهلان مو شامل وتلوي ذراعي بخنجررر
حجاها والجنود ركض جتفوه وثنوا ركبته مكعدينه بالگاع وهوه بس يريد يهد ويكض جدي.
يابه روحي نمرردت اللطم على رجليه. وافتر بمچاني مثل المسودنه زهره تبجي وحسين ماگدرتله طلع ركض ويدفع بالجنود منن طرواده احتررگت حرك، وعمي وليد ركض الجدي هوه والضابط يگومونه من الگاع وبنفس اللحظة طبوا الولد يتراكضون، صــيهد وسليم هدوا على الجنود الجاتفين طــروادة متسودنين ويدفعون بيهم
صــيهد:: وخررررر، شعلاااان يشهد الحسين اكتلك لو اخذوووه.
يصيح ويتراجف ويدفع بيهم منه وسليم من دفع الجندي ورد الجندي دفعه شال ايده وطكاه على وجهه التموا عليه وجتفوه وجدي يصيح عليهم
شعلان:: يهددوني بالكتل گدامكم اخذوهم
صياح وغلط وناس تجر بناس اعاينلهم وعيوني من البچي غوشن جتفوهم ثلاثتهم وشدوا اديهم بشناطة، وطرواده يررجف كله يغلط ويسب بس يريد يوصل الجدي ويطكه وگف غصباً عليهم وصاح
طــروادة:: عووووف الولد مالهم شغل مشكلتك وياي.
شعلان:: اخذووهم اخذذووهم.
يصيح وهمه بإيد الجنود ثلاثتهم طــروادة وصيهد وسليم بس يردون يهدون عليه، ســليم حتى على ابوه غلط، طبوا سجاد وعبود يركضون، عبود تسودن يجره من اديهم ويصيح على جدي
مصدوم بيه، فتحت باب الهول محتركه روحـــي ما ادري شسوي حلاة روحـــي اريد بس اكض بطرواده واجره يمي، وبريا ووهب بساع جروا الباب سدوه كعدت على حيلي ابجي بحرگه وهمه صوتهم يزيد ما ينقص صاحت زهره وهيه تبجي
-اخذوووه.
گمت اركض للشباج وانه اشوفهم جروهم الجنود يطلعونهم والولد يتعاركون وي جدي وعمامي وهمه ولا مهتمين وعبود ساعة يركض للسيارة وره الشرطة وساعة يرد للحوش مايدري بروحه شيسوي وشلون يقنع جدي
ركضت للغرفه ابجي وايدي ترجف ما ادري شلون گدرت اطلع رقم عفراء يدك يدك وبكل دگه روحـــي يزيد حرگها وصوت طــروادة احسه بعده يرن بأذني حرگت گلبه ماتروح من گدام عيني
عــفراء:: الوو.
سمعت صوتها وزدت بالبچي كوه احجي
-ووولج عفره اخذوا طــروادة.
وهيه سكتت وبس تسمع بچيي ردت گالت
-رنـــه لا تموتيني وانه بعيده حاچيني عدل.
-والله اخذووه والله اخذوه من بيتنا جدي جاب عليه الشرطه وولج راح اموتن.
سدت التلفون بوجهي طلعت بساع على صوت الولد وعركتهم وي جدي وانصدم بيه يصيح
شعلان:: وووينج ولج رنـــه اخذي اخوتج واطلعي.
وعبود يهد عليه وسجاد كاضه اول مره بعمره يغلط على جدي ويسبه فتحت باب الهول امسح عيوني واعاينلهم صاح عبود
عبود:: طبببي جووووه.
رنـــه:: بيتنا هذا بيت ابويه مانطلع منه.
شال عوجيته يريد يطگني دفعها بريا ووگفوا گدامي هوه ووهب يتعاركون وياه
وهـــب :: وين يطلعون ووووين.
وليد:: وهـــب تعااال سد حلكك امشي رد للبيت.
مــيثم :: عمي انتم مو تدرون عمي شامل دافع حگ الگيعان شني هالحجي بعد، جدي ولد ابنك ترى سوايتك الغريب ما يسويها، يمكم طــروادة حذااااكم ليش حاطينه على روسكم.
صيح بوجهم وعمي وليد شال ايده يريد يطگه ماخلاه ووخر خازره، عبود دفع سجاد واجه عليَّ دفعني للبيت وسد باب الهول من بره وگاله
عبود:: تكتلني يله تگدر تعتب باب البيت وتطلعنه منه.
سجاد:: وبوفاضل لو صار بعبود شي من وراكم لا اگطع نسلكم.
صيح يهدد وابوه تسودن يطگه وهوه ما مهتم خازر جديّ ويصيح وجدي شايل ايده ويهدد
شعلان:: هسه أوديكم وراهم تواسونهم، عبيدان اخذ اخوتك وااااطلع يله يله.
بريا:: كاااافي اطلع انتَ بيتهم هذا انتَ التطلع برررره.
وجدي بساع طكاه على وجهه وهوه متسودن يردون بس يكضونه درت وجهي وسديت اذني من عركتهم وصياحهم كعدت بالگاع دايخه وگلبي يدددك بكل حيله ابچي واردد بصوت مخنوك " يمه اخذوه يممه"
ورديت وكفت خايفه على عبود يتخربط وشعلان قافل الا نطلع من البيت لمن اجته جده وصاحت عليه
-وين تروح وهيه بت تريد تشهرنه بالسلف؟ متيهين عرضنه وهاي الفرخة ماتنگدر الدور تجيبلنه مصيبه.
شعلان:: خلهااا خلها تجيب مصيبه لذبحها واكحل عيوني بدددمها.
وبريا صيح متسودن وهاد عليه
بريا:: خررررررب جدك تذبحمن تذذذبحمن؟
عبود:: فنننننك فنك لو وصلتها.
وبعد گمت احس ما اسمع صوتهم اديه ورجليه يرجفن واحس الگاع تفتر بيه اريد اكض بشي ما اگدر، طحت بالگاع فاتحه عيني بس ما اشوفن واضح ولا اسمع، وشه بأذني واحس بگلبي مثل طير بأيد جاهل معصور عصر، وزهره بخوف تطك على خدي وانه روحـــي انخلبت، زهره صاحت العبود وهوه اجه يركض جاب جهاز السكر ايده ترجف واسمع الولد من الباب يصيحون عليه عبالهم مغمي عليه وهوه يقيسلي السكر ويردد
-مابيها شي، مابيهاا شي
ملتمين عليَّ هو وحسين وزهره، حط الحبايه بحلكي شربتها روحي رايحه وسمعت صوت عفراء بالحوش طبت للبيت وجها اصفر ومن شافتني بساع عافت شمس بالگاع وكعدت يمي خايفه
-مابيه شي والله مابيه شي لا تخافين
احجي وعبود يشربني ماي مسحت حلكي ودرت العفراء ارجف
-اخذوا طــروادة.
هزت راسها اي عيونها حمر وگومتني من الهول للغرفة مختنگه ماتگدر تحجي
-عفره عاينيلي شوكت يرد طــروادة ؟
مسحت عيوني كوه تحجي
عــفراء:: يرد يرد لا تخافين سكرج صاعد هواي رنـــه لا تضلين توهوسين اذا مانزل اخذج للمستشفى.
هزيت راسي اي ساكته وگلبي نار وهيه طلعت اسمعها تحجي وي الولد وردت طبت للبيت تحجي وي عبود وتهدي بيه تخاف عليه لا يطيح، ضميت وجهي بالغطا ابجي ميته من القهر والساعات تمر مثل السم عفراء تفتر بيناتنا ومن اسألها
-شلون هسه شراح يصير شوكت طــروادة يرد.
تگلي
-مالج غرض انتِ بس اسكتوا انتِ وعبود.
وعبود يتسودن ويصيح
عبود::لا تگليلي مالك غرض.
وگفت عفراء خازرته وحاطه اصبعها على حلكها
عــفراء:: سدد حلكك من اكلك تكعد تنچب وتكعد سمعتتت؟
وعبود طلع من البيت ركع الباب وراه، وهيه حيره تاخذها رحيره تجيبها يمنه تبين روحها قوية وبس صار الليل سمعتها بغرفة اهلي تبجي.
""""
وهـــب :: المشعول تسودن علينه ياهو اليحجي وخابر عليه الشرطه النوب شلون مصلحه بينهم لو يگللهم اخذوا السلف كله هم يرهمولهم تهمه وياخذونهم.
نروحلهم للسجن نلكاهم متعاركين بينهم لا صــيهد يحجي وي طــروادة ولا طــروادة يحجي وياه
-يابه عليمن تعاركتوا؟
طــروادة :: هيج مالك غرض، وهـــب ديربالك على عبود.
-لا تخاف يمه أم شمس، النوب حتى وي سجاد ماخلته يطلع كضته وخنگته خنگ.
دنك يهز راسه خوش گاله مــيثم
مــيثم :: يخوي علك الخنجر وافتك راح تفوتك امتحانات ومناك گيعانگ ضاله.
هز راسه لا وگام راح حتى مانلح عليه، طلعنه انه وميثم محتارين شلون نحلها لا مشعول راضي يتنازل ولا طــروادة راضي نعلك الخنجر.
ردينه للقريه امي تلوب وبس تبجي على صــيهد
-يمه ترا كاعدين وساكتين كلشي مابيهم عليمن تبجين.
ايمان:: أبوك وينه؟ راضي بسجن صــيهد؟
-عوفيه يمه يرضى المهم شعلان راضي عليه.
مشينا للگيعان نسگيها وعينه على گاع طــروادة جان اليوم لازم يشغل عليها المكاين گال مــيثم .
مــيثم:: نجيها بالليل وره ما الوادم تنام نسگيها؟
-المكاين شلون نشغلهن؟ السلف كله يدري واذا سمع مشعول يودينه للمعامل ويضل عبود مناه اخافن عليه
-مانشغل مكاين طــروادة نشغل مكاين گيعانه شگلك بعدنه ماكاضين سگي ونطير ماي على گيعان طــروادة لا من شاف ولا من دره!
-هاي هيه خوش ب١٢ تعال عليَّ.
اتفقنا وردينه للقرية وي العشا هنيال گلبهم شكد بارد ياكلون ولا چن الولد بالسجن
-انتم شني مكيفين الولد بالسجن ليمت تطلعونهم؟
وليد:: انتَ مالك غرض.
شعلان:: لا عوووفه عوفه خل يحجي وهـــب المستهتر سواليفه كثرت ساعة يجيبله مره مدري منين ساعة يطردها النوبه يردها ووياها فرخ وهسه متشيخ علينه شنهي انتَ ولك محد واكف بعينك؟
-ديله يله على اساس انتم شلونكم؟ واكف شي بعينكم، جا ماتستحون من الوادم ساجنين زلمكم بالحسين سيرتكم على لسان كل السلف ياهو المادره بيكم ساجنين اولادكم.
شعلان:: ينسجن المايتأدب ينسجن هذا الموجود، تريد تروح وياااهم؟
صيح وابوي يخوزر عفتهم وطلعت لعبانه روحـــي منهم رحت لبيت عمي شامل اسأل عليهم ومستحي خاف تسألني شسوينه واحنا ضالين محددين كلشي ما مسوين دگيت الباب رطلعلي عبود وجهه مغضب دخلت وياه للحوش
-شني شبيك؟ اخواتك بيهن شي؟
عبود::لا ماكو شي.
سكتت بحيره لمن طلعت عفراء سلمت عليها ووگفت يم عبود تسأل وتستفسر.
-والله خويه مايرضى يتنازل الا طــروادة يگله اعلگ الخنجر ويعتذر من شكوري.
عــفراء:: الخنجر سالفته سهله بس ما يعتذر من شاكر.
وهـــب:: الله كريم نشوف شلون تنحل.
طلعت من يمهم حاچيت سلطان وسولفتله على اتفاقنا انا وميثم ل١٢ اخذتهم ومشينا للگيعان حتى لايت ما مشغلين، لكينه بريا گدامنه فاتح عبره من گيعانه الگاع طــروادة على الساگيه صدك تبطي يله تنسگي بس احسن من الماكو.
""""
ريـــمه :: انه اخت وماگدرت انام الليل لان ســليم بالسجن وما ادري بيه جوعان بردان وامي وابوي محد منهم مهتم مدري شلون گدروا ينامون ليلهم اعاين الامي شگد تفرق گبل من جدي عاقب سجاد ووداه للمعامل تمرضت عليه ليلها ما تنامه وبس تبجي ياريت لو تحبنه كلنه مثل حبها السجاد.
الحد صلاة الصبح كاعده وفزيت على صوت باب الحوش طب سلطان اهدومه مبلله واديه صايرات زرگ من البروده يرجف وسن يطك بسن
-يمه وين چنت؟
وهوه مايگدر يحاجيني من البروده ذب قميصه بساع شغلتله الصوبه وركضت جبتله هدوم من غرفة ســليم لبسهن وكعد شابگ الصوبه يريد يشيلها ويحطها بحضنه جبتله بطانيه حطيتها على ظهره
-ها سلطان شني السالفه وين چنت؟
سوالي بأيده اصبري عفته يم الصوبه وگمت سويتله كلاص حليب حار ضحكت من سمعت صوت اسنانه بعدهن سن يطك بسن غماني من شافني اضــحك اطيته كلاص الحليب وكعدت يمه
سلطان:: جمدت ولج ردت اطيح بالشارع رجليَّه ضلن مايتحركن.
-سوده بوجهي شوداك جا موكضيتوا الگيعان؟
دار للباب تأكد ماكو احد گالي
-سگينه گيعان طــروادة بس لان بدون مكاين نشل حالنه ضلينه نعبرلهن ماي من گيعانه ومن النهر البالذنايب حفرنه ساگيه،وهم ماسگيناها كلها ماكدرنه لازم نشغل المكاين وجدي مايرضى.
تحسرت بحيره كاضه ايده وافرك بأصابعه وهوه يشرب حليب
-الولد كلهم چانوا وياك؟
-اي، ولد عمي خليل ووهب، چنه شاعلين نار غاد بالگاع نتدفى بس من حفرنه الساگيه تبللنه وبردنه اجينا شاردين النوب هذول ولد الروسيه صاروا قطعه حمره مايحملون.
حجاها يضحك وجر تلفونه خابر مــيثم حط التلفون على رجله فاتح السماعه ودار علي
-جوعان ماتسويلي ريوك؟
-صار.
كمت اسويله ريوك واسمعه من رد عليه مــيثم ويرجف يگله
مــيثم:: ال.. الو.
-بعدك ترجف؟
-اي ولك عظامي ضلن يصلن من البروده.
-اشربوا شي دافي لا تتمرضون ورانه شغل.
مــيثم :: شنشرب؟ ياهو بيه حيل انا هسه هم اتيه البطانيه شابگها بكل حيلي.
اشتغل ومبتسمه لسوالفهم سد التلفون منهم حطيت الريوك گدامه وسألته
ريـــمه :: وتالي هالسالفه سلطان شني جدي مايتنازل؟
سلطان:: ابوج يحشي براس جدج.
دنكت ساكته لان من حجاها عبالك محملني مسوؤليه كمل ريوگه وراح نام بغرفة ســليم غسلت المواعين وصعدت فوگ يم هاجر نمت شويه وكعدتني امي بدفره ضايجه وتنتر
-گووومي سوي ريوك الابوج.
كضيت خاصرتي وكعدت عدل
-شسالفه حاچيني وانه اكعد الا تدفريني؟
عاينتلي بغضب طلعت من الغرفة وهاجر فزت مخروعه نزلت جوه فرح مرت مرتضى جاي تسوي ريوك وجهالها يبجون
-تعاي عمه فطوم تعاي.
شلتها اسكتها وغسلت الاستكاين احضرهن وهيه وجها مايكصه السيف.
-شبيج فرح؟
دارت علي خازرتني وتحجي بشهگه
فرح::كووون الله ياخذ اهلج بليله وحده ويفكني منهم
خزرتها وهيه دارت وجها تكمل سكتت، فطومه ومشيت للهول اطيتها المرتضي شغل تلفونه وخلاها بحضنه يسولفون هوه وابوي رديت للمطبخ كملت الريوك عنها ووديته الهم،كعدوا يتريگون اعاين لمرتضى اذا هاجر تكعد بصف جهاله يضل بس يخزر بيها جراها ابوي يمه يآكل ويوكلها وهي تعاينلي ومبتسمه
لوره الريوك بساعتين من نظفنه وطبخنه الغده نزلت الاء وغيوثيي بأيدها مسبحته ومبدلتله مدري شعجب اخذته منها ابوسه واللعب وياه وهيه طبت للمطبخ تتعارك وي فرح شلون ما مخليتلها چاي بالقوري تتعاجز تسوي جديد، ردت طلعت للهول عاينتلي.
الاء:: ريـــمه سلطان وين؟
-جان نايم توه طلع.
-صخونه تلفه.
-تلفج يا خايسه عاب حلگج.
وهيه متانيه واحد يرد عليها وتسويلها عركه هدت بعد تضل ساعتين ثلاثه تحجي تحجي تحجي ما تمل منا لمن تكتفي يله تسكت. صاح ابوي على چاي، حطيت غيث على مخده بالهول وگمت للمطبخ سكتت من شافتني راح اسوي چاي حطيت گد استكانين لمن كمل صبيتهن والضل منه بديته بالسنگ ضلت تغلط عفتها اخذت الچاي ومشيت اريد اطب للدوانيه وسمعت ابوي يگل المرتضى.
-اليوم بيت غانم يشوفونها اظن يشترون نصها.
مرتضى::ولو طلع طــروادة شيسكته؟
-خيولي ينچب ويسكت.
دك گـــلبي بخوف فتحت الباب وطبيت حطيت الچاي بينهم ابوي ماد رجله گال
-مرغيلي رجلي بعدها توجعني.
كعدت يمه امرغ بيها وآكل بروحي شنو راح يبيعون گيعانه؟ شلون احصل الولد هسه واسولفهم، كاموا اثنينهم ابوي ومرتضى يردون يرحون الجدي طلعت بساع وكفت بالمطبخ اعاينلهم بس افتروا وراحوا جريت العبايه وركضت وامي تسودنت تصيح وراي ركضت وبساع طبيت لبيت عمي شامل صارت بوجهي عفراء چلبت بأيدها نفسي مگطوع.
-عفراء عفراء.
-اسم الله الرحمن شبيج ريـــمه؟
-راح راح يبيعون گيعانكم البيت غانم.
ووي حجايتي درت لباب الهول عبود واكف وبس سمعني رد للبيت يركض ويصيح جر تفگه طــروادة وعفراء مچلبه بيه وهوه يصيح
عبود:: وخرررري ولج هددديني.
عــفراء:: لا تهد حيلي هددد السلاح.
ماگدرتله جراه منها وركض وهيه طلعت وراه متسودنه صاروا بوجها مــيثم وبريا صاحت عليهم وركضوا وره عبود جرت عبايتها تتراجف ورنه ركضت لباب الحوش خايفه على عبود جابوه الولد مجتفينه وهوه كوه يجر النفس يكح مختنك ووجه احمر واديه يرجفن وعفراء متسودنه گالتله
-تسوووودنت عبود؟
-اسكتي اسكتتتي، والله ما يوصلونها والله اكتلهم والله.
والولد يغسلون بوجهه يم الحوض مطينه ظهرهم وطب سجاد يركض جراه من اديهم متسودن وخايف عليه دارت عليَّ عــفراء تسأل
-جدي وينه؟
-اظنه بالبيت هل راحوله ابوي ومرتضى.
هزت راسها خوش تريد تطلع وصاح عليها عبود مختنك مايكدر يحاجيها گالها مــيثم
مــيثم :: وين رايحه خويه؟
ماردت عليه طلعت ومشيت وراها صاروا بوجهنا يم باب حوّش بيتنا ابوي خزرني من شافني وجدي وكف عدل وحاط اديه على العوجيه مثبتها بالگاع مشت عليهم عفراء وانه وراها واحس بالولد خطواتهم سبقتنا وكفوا يمنه گالتله
عــفراء:: جدي گيعان ابوي ما ينباعن هذن حگ اخوتي وانتَ مستلم فلوسهن من ابوي.
شعلان:: عاين ياهي تحجي ولج عفيره شو طالعلج لسان.
شاكر:: شعدج هناه انتِ ما تولين لعيالج؟
ووي حجايته فزينه على خنجر انشمر يم رجلين جدي درت عيني لعبود واكف وخازر جدي، رنـــه من باب الحوش تعاين وسجاد كاض عبود يريد بس يجره لسياره وياخذه للمستشفى
عبود:: شعلااان هذا خنجرك، وگيعان ابوي محدّ يوصلها وكلام الله بيت غانم لو وصلوا گيعانه بيوتهم احررركها.
وجدي تسودن هد يريد يطك عبود وگفت عفراء بوجهه
عــفراء:: جددي خلّ احاجيك بس اسمعني.
وهوه متسودن يريد يطكها والولد يجرون بيه مــيثم وبريا، سجاد جر عبود گوه عليه حطه بالسيارة وراح لان ضل بس يكح كوه يتنفس،
عــفراء:: عوفه خويه مــيثم بريا عوفوه انه بس خل احاجيه، جدي حجايه بيني وبينك وانتَ بكيفك بعد.
غلط عليها وعلى امها صارت على صفحه هيه وياه شايله راسها وتحاجيه همس اعاين لملامحه فتح عينه حييل مصدوم وبساع شال ايده طگاها راشدي ركض بريا دفعه عنها يصيّح وميثم يحاجيها كضيتها من عبايتها وهوه متسودن
شعلان:: اذبحنج ولج عفيررره .
وهيه واكفه تهز راسها اي ومشت بساع كضت ابوي من ايده وهم جرته على صفحه مدري شحاجته وخلته مصدوم واحد يعاين بوجهه الثاني هوه وجدي گالتلهم
-اطيني الخنجر اعلگه، وكيعان ابوي محد يوصلها.
وجدي وهو خازرها يهز راسه اي محترك گلبه وگالها
-اخوج لو رد للقريه يعتذر من شاكر ويحب ايده.
شاكر:: لا بويه ما اريدن لا يعتذر ولا يحب ايدي هاي هيه خله يرد حتى ســليم يرد گـــلبي يبس عليه.
وجدي بعده خازر عفراء وهيه وجها صار احمر من طكته وتعاينله ببرود مدّت ايدها اله
-وينه خنجر ابوي خل اعلگه وعود وصيهم لحد يوصله لان طــروادة مايهتمله مثل ابوي.
وعاينت الأبويّ دنكت ساكته وجدي مشه لبيتهم يجيب الخنجر وعفراء مشت لبيتهم وميثم وبريا مشوا وراها وكفوا بباب الحوش بره وهيه طبت للبيت اعاين عليها واحس بمرتضى جراني من عبايتي مشيت بأيده طببني للحوش وشال ايده يطگني ويغلط غطيت وجهي منه وطب ابوي يصيح عليه
شاكر:: اكسر ايدك لو مديتها عليها.
مرتضى:: خل تطلع النووورب الا اموتها.
يحجي ويهد وابوي يتعارك وياه طبيت للبيت تلاكت وياي امي تريد تطكني وهم ابوي صاح عليها عافتني صعدت فوگ افكر بعفراء شنو حجت وياهم وسكتتهم هيج؟
"""
رنـــه :: افتر وره عفراء احاجيها وهيه ماترد علي، سوت ممه الشمس حطتها الها وخلت زهره تكضها، ردت لبست عبايتها وطلعت للحوش من طب جدي عاينت من الشباج شمر خنجر ابوي بالگاع دنكت هيه شالته، اعاين يم باب الحوش واكفين مــيثم وبريا، بريا يريد يعارك وميثم كلساع يخزره، عفراء جرت البرميل وگالت الميثم .
-خويه بلا زحمه عليك علگه.
طب مــيثم مدنك عينه اخذ الخنجر منهها وصعد علگه وجدي على وگفته يعاين للخنجر گالها.
-يوم اللي ينزل هالخنجر من مچانه أطردهم.
هزت راسها خوش وگالتله.
عــفراء:: ويوم التوصل الگيعان ابوي كلشي ضامته ببطني يطلع.
ضحك بحقاره وشال ايده، لاف السبحه على اصابعه ويحجي
-امج ماتت بس خلفت شيطانه اكثر منها.
بريا:: الف رحمه على روحها وروح عمي شامل خلفوا سباع.
دار عليه جدي خازره وميثم راحله بساع دفعه طلعه من الحوش وضل بس هوه واكف عــفراء ابتسمت بهدوء ساكته وبس طلع جدي وطلع وراه مــيثم كعدت بالحوش غطت وجها وبچت مارحت يمها ضليت اعاينلها لمن كامت غسلت وطبت للبيت اخذت شمس بحضنها وكعدت ساكته
عفتها ومشيت للغرفه خابرت على عبود شلع گـــلبي يله رد
-شلونك؟
-زين هسه شويه وارد لا تخافين، عفره وين؟
-هاي يمي، راح يتنازل جدي، عفراء علگت الخنجر.
سكت سدّ التلفون حسيته هسه يله عرف جدي وشكد ظالم من ضل يدور على الخنجر وكتله عدي اخذه وشمره جوه رجلين جدي يله ارتاح گـــلبي، اول يوم ماطلعوهم گالوا ثاني يوم يله يطلعون.
كعدت من الصبح هم ماردت اروحن للمدرسه بس عفراء مارضت ودانه عبود داومت وانه ادعي كون من ارد للبيت الكه طــروادة راد گبلي، بالفرصة رحت يم البنات، مــاسه حيل مقهوره علمود صــيهد بس جوري وبدور مالهن شغل عاينت الجوري
-انتِ ماضايجه رجلج مسجون؟
جــويريه ::ضايجه
-شو ما مبين؟
-يعني ضايجه بداخلي ماجاي يبين.
حجتها وضحكت وماسه غمتها گالت بــدور
بــدور:: ولا ضايجه والله انه اعرفها مرتاحه نفسيتها هسه.
مــاسه :: تعاي رنـــه عوفيهن هذن بس انه وياج مقهورات على اخوانه.
كعدت يمها وحده حاضنه الثانيه وجوري وبدور يضحكن علينه، بنات غانم ولا بطلن من عدنه يمشن من يمته يشمرن حجي لو يكعدن مقابيلنه يسولفن ويضحكن بصوت عالي وانه مالي خلكهن متانيه يصير الي خلكهن واكتلهن ببطن المدرسه مو بالشارع، النوب هنه شادات وي بــدور من يشوفنها وحدها يلتمن عليها ويحاجنها يردنها ترد عليهن حتى يكتلنها.
ماصدگت كضه الدوام مشيت بساع للسيارة عبود جايب حسين وزهره، طــروادة جان مخليلي خط بس بطل مدري شماله، اول ماصعدت وي عبود نشدته
-طلع طــروادة؟
-راحوا الولد يجيبونهم.
سكتت فرحانه طبيت للبيت ريحة الطبخ ترد الروح والبيت نظيف يخبل يلمع، تنظيفها يبين احسن من تنظيفي، حاطه الصوبه بالهول ومخليه شمس بفراشها كدام التلفزون، طلعت من المطبخ مبتسمه
عــفراء:: هلا هلاا يله بدلوا وصلوا گبل لا يوصل طــروادة.
طبيت للغرفه انه وياهم كلمن يدورله هدوم ونتسابق على الحمام،كضينه صلاه ورحت يمها للمطبخ الجدوره على الطباخ وسلة الخضره مغسوله ومنشفه على السنگ فاتحه الشباج، وكاعده بالگاع تثرم زلاطه.
اريد احاجيها وبجت شمس مشيت جبتها حطيتها بحضني وكعدت كدام عــفراء متربعه
-عفراء هم تگولين الطرواده جدي طگج؟
شالت راسها تعاينلي
-لا وانتِ هم ديربالج تحجين.
-والله انه لو بمچانچ اول ما يجي اكله شني يطكني واسكت.
ضلت ساكته لاعبت شمس طلعت من المطبخ كعدت بالهول يم زهره وحسين طب عبود اخذ شمس من ايدي يلعب وياها ويبوسها حسين طلع للحوش يعاين ليمت يجون دقايق واجه يركض صاح
حسين:: اجووا اجواا.
طلع يركض وعبود طلع وراه حاجيت عفراء وهيه ضلت بالمطبخ ماطلعت فتحت باب الهول ووگفت متانيه ليمت يجي اسمع هوستهم بباب الحوش ومتانيه بلهفه.
لايذه بسد الباب وماده بس راسي اعاين لباب الحوش مناه لمن طب طــروادة ووگف بمچانه يعاين للخنجر والغصه تصعد وتنزل ببلعومه، طب وراه عبود سد الباب وزهره راحتله تركض شالها من الگاع شبگته تبجي وهوه يبوس بيها مشيت بساع مدلي ايده سلمت عليه والدمعه مچلبه برمشي طب للبيت واحنه مچلبات بيه مناه ومناه.
تلفت يعاين ماشاف عفراء بس سمعها تصب غده بالمطبخ عاين الشمس مشيت شلتها اطيتها اله باسها يحاجيها
طــروادة:: شمس خالي؟
ويبوسها برگبتها وبخدودها.
اخذتها من ايده وطلعت عفراء من المطبخ وهي بالباب گالتله
-الحمدلله على سلامتك.
عاينلها بعتب وهي ماتحط عينها بعينه گالها.
-ليش تتصرفين من يمج؟ كتلج الخنجر مايرد؟
هزت راسها اي كلنا ساكتين وهمه حجيهم بنتر گالتله
عفراء:: انه شفت الأنسب يرجع.
وصيح طــروادة بصوت فززنه كلنا وشمس بچت مخروعه
طــروادة :: مووو بكيفججج.
عبود:: شني السالفه على كيفك:
طــروادة:: انااا گلت ما يرجع وانتَ من وحدج تلعبيين.
عــفراء:: صووتك.
تحجي بهدوء وانه مرتبكه وخايفه من عصبيته يحجي بحرگه وهيه ترد بحچايه وحده وبهدوء وصياح طــروادة احس كل عمامي سمعوه وهيه بس تگله
-صوتك لا تعليه صوتك كهلان.
طــروادة:: شترررردين امشي بكيفهه انااا تردينه يلوي ذراعي مثل ما سوه بأبوي؟؟؟ بكيفج تررردين الخنجر هسه اشمره بحوشهم وانعل سااسهم.
ومشه يريد ياخذ الخنجر دفعه عبود وهيه صاحت عليه
عــفراء:: اي روح روح اشمره جوه رجليَّن جدك وخل يردك للسجن وعبود تفكته وكلساع هاد على واحد وهاي يصعد سكرها وتطيح وگيعانك يفترون عليهن وامتحاناتك تفوتك روووح روح يللله محد هامك غير روحك وحجايتك
شو اني جرعت المرررر علمودكم وافكر بيكم كلكم وانتَ لاااا، اهم شي احجايتك ما تنكسر عبود ينكتل عادي رنـــه تتخربط وعلى ساعة تموت عادي انه متبهذله وبگلبي نار عاادي اهم شي كهلان مايكسر حجايته،
ولك موتتني موتتني اريدن يوم انامن وما خايفه عليكم تعبـــت انه تعبـــت سوي اليريده جدي بس اسلم على عمرك وعلى اخوتك شليت حالي والله شليت حااالي.
تصيح والدموع تجري وهوه تسودن شلون تكله احنا مانهمك
عافته يحجي وطبت للمطبخ تبجي من حرگت گلبها القوري على الطباخ يفور وهيه مدري وين بالها تريد تشيله من مچانه احتركت ايدها من اليده شمرته على الطباخ راد يتبده حطت ايدها تريد تعدله مالحگت انگلب على ايدها صررخت ووي صرختها ركضولها اثنينهم عبود وطرواده
وانه افتر بالهول اريد بس شمس تسكت ماكو روحـــي تلوب. وكفت بباب المطبخ غسل ايدها وكعد بالگاع وعبود بساع جاب عصارة الحرك وطرواده يدهنها يحاجونها بهدوء گالها
طــروادة:: غير تديرين بالج؟
وهيه مدنكه ودموعها يطيحن بحضنها جراها الصدره شهگت تبچي بصوت ضمت وجها بصدره تبچي بحرگه وهره مغمض عيونه وشابگها بكل حيله باس راسها وحجه بغضه
-اعذريني خويه.
عــفراء:: والله علمودك، اخوتك بدونك يتبهذلون، عوف الخنجر معلك شجاي يصير؟
مسح دموعها يحاجيها بهدوء
طــروادة:: هسه يگلي ترد الگيعان الي وتشتغل وي الولد حالك حالهم وانا لو اموتن ما أرد وياهم
-لا لا والله همه هم مايردونه وياهم.
سكت متحسر، كومها من الگاع جابها للهول كاضها من أيدها كعدت واطيتها شمس وطرواده طب يسبح، مشيت للمطبخ گليت الدجاج وكملت الغده لمن طلع طــروادة واجه عبود شال الصينية حطاها بالهول كلساع يعتذر من عفراء ويبوسها ويفلس الها دجاج يخلي گدامها.
وبس كضينه غده اجوه الولد مــيثم وبريا وسلطان ووهب كعدوا بالدوانيه وصوت ضحكهم عالي يسولفوله شلون سگوا الگاع وناصبين على بريا يگلوله
-بس بريا ماساعدنه.
بريا:: والله انا اول واحد رحت كدامهم چلاب هذول لا تصدگهم.
مــيثم:: چذاب كتله رايحين لگيعان طــروادة گالي اريدن انام.
وهوه يحلف ويتعارك وياهم وهمه يضحكون عليه تالي گالهم بالروسي
بريا:: Вы собаки
صفنوا كلهم ما فاهمين وهوه يكلهم
-مدحتكم.
مــيثم :: وروح عمي يگول عليكم يا چلاب
عاين الميثم بعتب مقهوره منه وهمه التموا عليه كتلوه شويه تمددوا كل اثنين يسولفون سوه وطرواده يحجي وي مــيثم اعاين من فتحات الباب الحد ما غفه عفتهم ومشيت.
"""""
جــويريه :: كلها سلمت على صــيهد من طلع بس اني ما شفته جنت فوگ شارده، ضل شويه جوه وراح للمشتمل حتى يسبح، من صعدت مــاسه تاخذ الاوتي كالتلي راح للمشتمل نزلت وهيه طبت الغرفة امها حطت بطانيه بالگاع ومدت دشداشته النيله على البطانية حتى تكويها وخاله ايمان تكلها
-كمل غداجن؟
مــاسه:: اي يمه، جوري بس اعصري ليمونه على الزلاطه وحطي عليها ملح وصبي الطرشي بكاسات.
هزيت راسي اي اريد اروحن صاحت ام صــيهد
ايمان:: لا جوري يمه تعاي، كومي مــاسه خل هيه تكمل كوي دشداشة رجلها وتوديها اله.
بهتت اعاينلها اريد اكلها ما اعرف اكوي وماسه بساع كامت مكيفه وتركص بحواجبها اني واكفه بباب الغرفه دفعتني للغرفه وهي تكول
مــاسه:: اي اي صدك هو رجلج شني انه اكوي اهدومه ياهي مالتي عمي شنهااااي.
وتضحك راحت للمطبخ گالت خاله.
ايمان:: سدي الباب وتعاي.
سديت باب الغرفه وكعدت يم الدشداشة عدلت رداناتها اكوي بيها وهي تباوعلي گالت
-جا يمه ليش يوم الاجه صــيهد شردتي؟
ضليت مدنكه فشلانه واكوي اكوي مسويه نفسي مشغوله واعدل بطبگات الردن گالت
-ولج جويري!!
شلت راسي الها
-شمالج ماتعارفين تتصرفين؟
-اخاف منه خاله ماتشوفينه حاط دوبه من دوبي حسره يشوفني لازم يطلعني خطأ خليني شارده احسن.
-لا شني شارده احسن، هسه روحيله اخذيله دشداشته وسلمي عليه وحبيه.
-يمممه شني احبه.
-يعني بووسيه خيبه شمالج.
-يااا يااا خاله شبييج.
احجي واحس وجهي راح يطك وهيه تحجي عليّ ماراضيه
-جا خيبه ياخذ عليج احسن؟
-اي عوفيه خاله اني اخطبله اصلاً اعرف حبيبته واحبها.
دارت تدور يمها شي تضربني بيه ضحكت وهيه محترك گلبها من عدي
ايمان:: حالج حال الثول العدي شمالجن؟ لا محيلات لا وحده سباعيه وتعارف شلون تحوي الزلمه.
-طالعين عليج خاله جا شوفي حظج بالزلم حويتيه تالي اخذله وحده بگد الحولي.
ضحكت تغم بيه كملت كوي طفيت الاوتي وشلت الدشداشة خليتها على ايدي گالت بجديه
ايمان:: جــويريه بعد امج روحـــي وسلمي عليه وحاجيه بحس حلو الله يساعدك الحمدلله على سلامتك اشتاقيتلك شمالج خايبه.
-انطيه الدشداشه واشرد.
عضت ايدها تريد تضربني طلعت من يمها اضــحك، البنات بالمطبخ عدلت شالي وطلعت بدون عبايه من علوا السياج من يم المشتملات بعد كمنه نطلع للحوش مانلبس عبي، طبيت للمشتمل ادعي الگاه بالحمام حتى بس اعلك الدشداشة وأطفر، تلفتت اباوع للحمام الباب مفتوح وصوت قطرات ماي وريحة الشامبو تثبت هو سابح ومكمل .
مشيت للغرفة لزمت اليده مال الباب وفتحته على كيف صارت فتحه صغيره بالباب شفته واكف يم الكنتورلابس فالينه تعلاكه وبنطرون اسود وبأيده قميص بعده مالابسه يعاين للباب يريد يشوف منو اللي فتحه صارت عينه بعيني فتحت الباب ودخلت وهو شمر القميص على الجربايه سد باب الكنتور واجه يمي همست
-الحمدلله على سلامتك.
واعصر الدشداشه بأيدي راح الكوي وگف گدامي گال
-هلا بيج.
ومد ايده الي باوعت الايده گـــلبي يدك حيل واتذكرت حچي امه شلت عيني من ايده الوجهه يباوع لعيوني ساكت وماد ايده الي حطيت ايدي بأيده سد اصابعه على اصابعي وجراني عليه هبت بساع حطيت ايدي على زنده استند وأيدي الثانيه بأيده ووجهي بصدره شلت راسي اباوع لعيونه مرتبكه وابلعم وهوه نظرته تخوف مضيك عيونه گال
-شني انتِ صاحبي وتسلمين عليَّ هيج؟
حركت راسي لا وهمست
-انتَ، يعني انتَ مديت.. ايدك.
عصر اصابعي بين اصابعه واني رافعه راسي اباوع لوجهه حيل مرتبكه نزل عيونه من عيوني الشفتي گال
-مديت ايدي للدشداشه مو الج.
بلعت ريك احس نار تطلع من اذاني رجعت ليوره أريد ابتعد بساع مد أيده وره ظهري لزمني من خصري وجراني عليه اكثر شهكت وجريت اديه اثنينهن حاطتهن على صدره من طخ جسمي بجسمه وهوه بأيده الثانيه اخذ الدشداشه شمرها على الميز همست صوتي يرجف وبس اريد افلت نفسي منه
-ص صــيهد.
حط اديه اثنينهم على خصري ورفعني من الگاع حطاني على الميز صوت دگة گـــلبي عالي ونفسي يرجف اباوع لوجهه وادنك وهوه حاط اديه على رجليَّ منّ الجهتين وشايل راسه يباوع لوجهي
-هيج تسلمين عليَّ مثل الزلم؟
شلت اديه مسحت وجهي واباوع بكل زوايه الغرفه المهم ما اخلي عيني بعينه همست
-مو البنات مو هنه البنات هيج سلمن عليك.
-تقلدينهن؟
سكتت أعصر بأصابعي وافر بعيوني دك بأصبعه على رجلي فوگ ركباتي باوعت لوجهه عيونه مكحله ورموشه وشعره مبللات بعدهم گال وهز گـــلبي بحچايته
-سلمي عليَّ عدل؟
تحمحمت گـــلبي يدك كل حيله واحس بروحي صخنت عضيت شفتي مرتبكه ومدري ليش اجت ببالي مــاسه تمنيت اعضها هز رجلي بأيده وهوه يگلي
-ييله!
بقيت ساكته بس اباوعله شاربه كلساعه يعلى يريد يبتسم ويضمها گال
-ماتعرفين؟ أنا اعلمج شلون لازم تسلمين عليَّ.
-احم
-هااه؟
حجاها عينه بعيني واني روحـــي رايحه اريد بس احط رجليَّ. بالگاع وادور درب الشرده بس كل ما تحركت حتى انزل يلزم رجليَّ بقوة اكثر قرب وجهه الوجهي فتحت عيني حيل ورجعت ليوره اكثر گال
-ووولج.
حجاها ويسوي روحه اعصاب بس ابتسامته فاضحته وانه بعد حرف مانطقت من گـــلبي يدك هيج اعرف بعد احجي مشكل يالوز واگلب الحجايه الف گلبه، قرب وجهه اكثر واني احس بدكات گـــلبي تزيد ووجهي صخن ميلت راسي على جهه وهوه تقرب وحسيت لحيته صارت على خدي ثبت خده على خدي ونفسه احسه بأذني همس
-انتِ تردين هيج تسلمين عليَّ
حجاها واحس بلحيته تجكجك بخدي بس فاتحه عيني وگلبي يريد يطلع من مكانه، عبالي هاي هيه هيج قصده سلم عليَّ بس هو بسرعة ميل راسه وحط شفته على خدي شهگت مصدومه ثبت شفايفه على خدي، ومد ايده لزم بيها اديه اثنينهم فوك رجليَّ بقى ثابت واني روحـــي رايحه فاتحه عيني وحلكي، الغرفه هدوء بدون اي صوت ومن گد الخوف گمت اسمع دگات كلبي. حرك شفايفه على خدي يبوسني صار صوت البوسه واضح كسر الهدوء
وخر أيده الثانيه خلاها وره راسي ودار للخد الثاني جريت اديه من بين اديه اريد ادفعه لزمهن بقوه وهم خله شفته على خدي الثاني ضحك وثبت شاربه على خدي باسني وما ابتعد
-ص.. صــيهد.
-هممم؟
حركت راسي بس اريد ابتعد ارجف وهوه مثبتني بقوة ولازم اديه حيل حرك شفايفه من نص خدي لطرف شفتي بلعت ريك واحس بوجهي نار تطلع منه احس نص شاربه صار على شفايفهي غمضت عيني اديه بوسط ايده يرجفن وگلبي مثل الطبل دگته، احس شفايفه على نص شفتي باسني بين شفايفي وبين خدي
ابتعد واني مدنگه وجسمي يرجف حرك إبهامه على ايدي وهو يگول
-هيج الزوجه تسلم على زوجها.
جريت ايدي منه بنتر خزرني واني بس اريد انزل من الميز تقرب عليّ اكثر ومد ايده على خصري يريد يشيلني لا ارادياً خليت اديه على اكتافه شالني بتك ايد نزلني للگاع ابتعدت بسرعة أعدّل بملابسي اريد اروح بس اريد اهدئ حتى احجي بدون ما اغلط ماكدرت مشيت للباب وهوه واكف بمكانه فتحت باب الغرفه طلعت من عنده وبقيت لازمه اليده وفاتحته اباوعله همست
-باوع!
وهوه واكف گدامي مكتف اديه هز راسه اي
صــيهد:: جاي اعاين.
-والله بس تتزوجها النجمه راح اكلها جان يتحرش بيه.
فتح عينه حييل بصدمه واني جفلت بفزه بس تحرك خطوه يريد يلزمني طرررت طررت شارده احس بقى وراي بس الدخان طبيت للمطبخ باوعتلي رغد دارت وجهه ورجعت باوعتلي عاكده حاجبها.
رغد:: شبيج؟
سكتت اباوع لوجهه ووجه مــاسه وامسح بوجهي گالت مــاسه
مــاسه:: وجهج احمر طگج صــيهد؟
ندى:: زمخ عليها مايحتاج يطگها انطيه يصيح هوه
مشيت للسنك بسرعة اريد اغسل ورغد ضحكت خنك وماسه غلست واني ودي اروح الامه واكلها بسته ارتاحيتي، مــاسه صبتله اكل واخذته اله للمشتمل ورغد ودتلهم غداهم للهول واحنا يم ام صــيهد بالغرفه اخذتلها ماي بعدهن البنات ماجايات باوعت لوجهي وگالت.
-ها شواربه خشنات؟
درت عليها فاتحه عيني كلها وهيه تضحك مغطيه حلكها كتلها
-ضربني .
لطمت على رجلها مصدومه
ايمان:: ييمه ليش؟ طاحظه كون.
-گتلج ابنج مسودن خاله.
-عليمن طكاج؟
-لان ردت ابوسه .
باوعتلي بشگ وشالت ايدها تحجي وتحلف
ايمان:: ولحسين جذابه.
ضحكت وطلعت من يمها للمطبخ جبنا غدانه وكعدنه يمها دارت الماسه گالتلها
-وديتن غده الولد عمجن؟
مــاسه :: دنگت أكلّ ساكته وهي تبسمر بينا كل شوي وگالت اذا يضلون وراجن يموتون من الجوع، واني اغلس ساكته، وبس خلصنه الغدا اخذت رضا من ندى وطفرت فوك اطيه التلفون وانه ادرس مابقى شي لامتحانات نصف السنة، بالليل وره العشا الساعة بالعشرة خابرني صــيهد جاوبته بس گتله
-الو
-تعاي للمشتمل.
وسده بوجهي، كمت لبست شالي ونزلت طبيت للمشتمل اسمعه يسولف دكيت باب الغرفه وفتحته لكيتهم كاعدين هوه ووهب ارتاحيت من شفتهم هادئين عاين الوهب گاله.
-روح انتَ.
وهـــب:: شني اروح ؟ جا غير اتفقنا سوه نحاجيها شو اختلفت عليَّ.
وانه اعاينلهم مافاهمه هوه يدخن ويگل الوهب
-لا والله روح روح ما اعارف احاجيها اذا انتَ موجود.
ضحك وهـــب شال جكايره من الگاع حطاهن بجيبه وطلع وانه اطكطك بأصباعي اعاين لصيهد متوترة حاط مخده بالگاع كاعد عليها ومنتجي على الچربايه أشر على مچان گدامه گال
-تعاي اكعدي.
تقدمت كعدت على اركبي گدامه طفه الجكاره بالنفاضه وحط النفاضه بصف الميز عاينلي گال بهدوء
صــيهد:: مــيثم رد حاچاني عليج.
دنگت بلعت ريك متوتره گال
-مــاسه بله سولفيلي عوفي امي على صفحة وحاجيني الصدك ادري بيج ما راضيه بميثم انتِ ولا رايدته وادري جنتِ هاويه الزباله محمد بس بله احجيلي سولفيلي الصدك وشني التردينه.
شلت راسي اعاينله بخوف گال
-والله عادي احجي مو اعصاب انا بارد والله.
هزيت راسي اي احس اريد احجيله الصدك بس بعدني متردده گال
-سولفي ولا تخافين انا اريدن اسمع منج حتى ما تنظلمين.
-عاين يعني هسه انتَ عليمن تسألني؟
-مو مارضيتي بميثم انتِ ليش رديتي كلتي ارضى.
-علمود امي لان ضاجت من گتلها ما اريده وتخربطت.
-تدرين حرام؟
سكتت اعاينله مافاهمه گال
-بأعتبار انتِ مجبوره وبالعقد من تكولين اي موافقه بس بداخلج ماراضيه راح يصير عقدكم باطل يعني زواجج منه كلّه حرام.
-لا يمه آسم الله
حجيتها كاشه ومسحت زندي گال
صــيهد:: اسألي جوري من عقدت عليها شگتلها؟ گتلها اذا موافقتج بس نطق لسان ما اعقد كون الموافقه من گلب ولسان.
هزيت راسي اي ساكته استمعله گال
-وانتِ ليش بله ماتردين مــيثم وكتلتي رووحج على هذاك الزباله.
تحمحمت اعاين لوجهه هادئ وبس گتله
-اكرهه مــيثم ويعني امي وخالتي من الاول گالن انتِ لمحمد وصرت يعني صرت شويه افكر بيه.
ضيك عيونه وجر باكيت الجكاير شعل جكاره
-امم كملي.
-اي هوه بس هيج النوب امي گلبت خلي محمد يولي وارضي بميثم حسيت روحـــي ضايعه بعد ما اعرف افكر بس الادري بيه ومتأكدة منه كلش اضوجن من مــيثم.
-هممم.
حجاها وحط الجكاره بين اصابعه جر منها نفس طويل زفره بوجهي عاكد حاجبه وگال بجديه
صــيهد:: مــيثم شحاچي وياج؟
سكتت متوتره اعاين لوجهه شال ايده يحذر
-ديربالج تچذبين علي!
دنكت بخوف ما ادري شنو احجي گال
صــيهد:: مــاسه سولفي لا تخليني اتسودن.
-ماتطگني؟
-اشوفن حسب اذا حجيتي الصدك واقتنعت خوش وإذا جذبتي وعرفتج تجذبين الا اكتلج بالخيزرانه تذكرين من كتلتج بالسادس ابتدائي لمن جذبتي عليَّ وگلتي ماعدي امتحان؟
هزيت راسي اي گال
-هسه اذا جذبتي اكتلج نفس الكتله.
-احجي الصدك ما تكتلني؟
-لا والله اكتل مــيثم.
-خوش والله ما اجذب.
هز راسه خوش ومن نفس الجكاره شعل جكاره ثانيه خلاها بحلكه والجكاره التريد تطفى خلاها بطرف الجديده وجر نفس بسرعة تورثت.عاينلي متاني احجي گتله.
-وديتلهم اكل وگالي محمد ما يفيدج اخذي اي واحد غير محمد انا مايهون علي اسلم عرضي لواحد مابراسه غيره.
رفع حاجبه ماعاجبه ويسوي
-هممم؟
-اي
-بس هيج؟ وانتِ شگتيله؟
دنكت الوي باصبعي احس راح يتكسرن گد ما طكطكت بيهن
-گتله مالك غرض ودعيت عليه گتله الله يحرك گلبك مثل ماحرگت گلبي رخليت أمي تبطل.
-وولج لا تجذبين كليلي بالحرف الواحد؟
-نسيت بس جاي اكلك يعني المختصر انه بساع رديت للبيت ولعباس هسه هم مجذبه من الحوش حاجيته ورديت.
وي حجايتي مد ايده وجر اذني حيل جلبت بيها وهوه طك الجكاره بالنفاضه يجدد جمرتها وقربها من عدي يهدد
صــيهد:: وانتِ ياهو گالج تحاجين مــيثم زماله؟
-بعد ما اعيددها.
-اچويچ؟؟؟
-لاااا.
هد اذني خازرني حطيت اديه بالگاع أريد اكومن نتر
-اكعدددي.
كعدت امسح بوجهي ما اريد ابجي وهوه كام من يمي افتر بالغرفة ضايج شويه ورد كعد على طرف الچربايه گال.
صــيهد:: خل احاول انسى مــيثم محاچيچ
هزيت راسي اي مسح وجهه گال.
-مــيثم خوش ولد مــاسه ما اجبرج ووياج بالقرار التردينه بس جاي احجيلج حتى تالي ما اتندم ليش ما كعدت يمها وفهمتها.
عاينــي زلمه وسبع وعاقل والله العظيم العاقل الوحيد بينه هوه مــيثم ترى خل اكلج شغله احفاد شعلان كلها مسودنه والله بس مــيثم طالع طفره شوي عاقل
-ما ادري انه أشوفه حتى هوه مسودن.
حجيتها بهدوء ماخذه راحتي وهوه بساع خزرني وأشر على نفسه يسأل؟
-اخوتج مسودنين؟
هزيت راسي لا گال
-انعم الله عليج.
دنكت ساكته وهوه كمل كلامه
صــيهد:: عاينــي ابن عمج وخوش ولد ويشتغل خارج القريه، لا ام لا ابو لا اخوات ويشلن حالج، هوه بس بريا وترى اربعه وعشرين ساعة طالع مايضل بالبيت
مو احسلج من ماتاخذين عد عيال وهوسه خالتج عبير عدها ثلث زلم متزوجين بنفس البيت وطن بنات وتتذكرين گبل من جنتن جهال انتِ وبدور وترحن وي امي الاخوالي من تردن تكليلي بنات خالتي عبير يغلطن علينه ويكولن معيديات!
-لا ما اتذكر نسيت.
-انا ما انسى جنتن تجن تبجن شلون يكولن عليجن معيديات والساناتهن زفره
-يجوز من جانن صغار هسه كبرن وعقلن.
سكت يدخن ورد گال
-المهم فكري وباجر رديلي جواب انا كتلج كل العدي مــيثم انا أأمن عليج يمه تكملين دراستج وتتخرجين وتتعينين محدّ يحاجيج مو احسن من ما تطيحين بواحد چلب يكعدج من المدرسة ترى لو تزوجتي وبطلوج انا ما اتدخل ياهي مالتي رجلج ولي امرج، بس لو مثلاً اخذتي مــيثم وضوجج بشي اشعل اهل اهله لان ابن عمي واطيح حظه مو مثل الغريب.
دنكت ساكته افكر كال
صــيهد:: الج مناه لباجر، اول شي اذا راضيه ما اريدن علمود امي ترى اعارفج من تسوين هاي السوالف وتتنازلين علمود احد، أطيح حظج، واذا فكرتي وشفتي مو هوه الشخص التردينه هاي هيه وبعد موضوع مــيثم ما ينفتح للأبد حتى لو وره يوم انتِ اجيتي وگتيلي لا تراجعت اريد مــيثم هم ما اخليج تاخذينه بعد لو تمووتين، باجر تطيني كلمه نهائيه خوش؟
هزيت راسي اي وگمت بحيره طلعت من يمه لگيت ندى بالمطبخ تعجن ورغد كاعده يمها گتلها
-رضا وين؟
ندى:: نومته شل حالي.
رغد:: على كيفج وياه شويه شويه يتعلم.
سكتت كعدت يمهن بحيره ندى گامت غطت العجين وغسلت اديها گتلهن
-انتن متزوجات واحس عاقلات وتفهمن احجيلجن وتنصحني.
عاينلي اثنينهن وندى غسلت أديها واجت كعدت يمي گالت
ندى:: سولفي شصاير؟
حجيتلها مختصر شنو صار وشلون قروا الفاتحه وبعدين كلشي تغير بس ابد ماجبت طاري تهديد مــيثم الي بالصور خليت هالشي بگلبي هوه اكثر موقف طيح مــيثم من عيني حتى من احاول اقنع روحـــي بيه يضل موقفه گبالي، حجيتلهن على صــيهد وحجيه گالت ندى
ندى:: چا شبيه مــيثم؟ ارضي بيه وره العقد تحبينه اسألي مجرب.
رغد:: لا مو شرط يجوز عمرها كله ماتحبه اذا بالها يم غيره، مــاسه انتِ تحبين محمد ابن خالتي عبير؟
رفعت اكتافي ما ادري
مــاسه :: احس اي يعني هو واحد شلون يعرف نفسه حاب مو يضل قبل ما ينام يفكر بالشخص اللي يحبه؟
انا چنت گبل ما انام افكر بيه.
رغد:: لا عيوني انتِ بوادي والحب بوادي لو تحبين شخص ما تگدرين تشيلينه من بالج لحظة من اول ما تفتحين عينج هوه على بالج اذا سويتي اكله حلوه تتمنين هوه اول شخص ياكل منها اذا كشختي وعاينتي لروحج بالمرايه تتمنين تشوفين روحج بعيونه اذا ضجتي من سالفه تتمنين تحجيله اذا خفتي تتمنين وجوده حتى تحسين بالامان.
لو كاعده بوسط الف شخص ويحجون وياج اذا تفكرين بيه ماتسمعينهم ما تسمعين غير افكارج بيه
بنص حزنج لو اجت صورته لعيونج تبتسمين وتحسين ملامحه گبالج مرسومه تحفظين معالم وجهه على الغيب.
صوته تكدرين تسمعينه وتسترجعينه شوكت ما تردين
حركاته ضحكته كلشي يخصه ينطبع بعقلج ويشغلج طول اليوم.
تحجي وعيونها بالفراغ مدمعات والغصه خانگتها، ندى مسحت على ايدها بحيره عاينتلي رغد متحسره گالت
رغد:: انتِ ماحبيتي محمد انطي فرصه لميثم والله اشوفنه حباب وخوش ولد تخيلي لو مــيثم ابن عمي شاكر والله اكتلج بالنعال وما اخليج ترضين بيه.
ندى:: مــاسه والله صدك اقبلي برأيي وهم تبقين يمنا تكدرين كل يوم تجين يم عمتي ما تفارگينها.
-ما ادري محتاره وصيهد يگلي باجر ترجعيلي جواب صــيهد حيل مقتنع ويريد بس يقنعني وانه اثق بصيهد احس مايختارلي شي مو زين بس هوه مــيثم غلط بشي وياي وماجاي اگدر آنسى موقفه.
رغد:: شسوه؟
-ما اريد احجي.
-شنو تحرش بيج؟
طكيتها على ايدها مصدومه
-لااا استغفرالله شبيج رغد؟
-جا شسوه شو كل الزينات بيه، ليش ما ترضين،
-ما ادري الله كريم الباجر، خلي اروحن انام.
عفتهن وصعدت فوگ بــدور نايمه وجوري تدرس كعدت يمها سولفتلها كلشي وهي الوحيده تعرف موضوع الصور گالت
جــويريه:: اني اكول اقبلي شنو رأيج؟
-هيه مال رأي جوري حزوره هيه؟
-صلي استخارة، اني من صليت استخاره علمود اخوج طلعتلي لاا بس مارديت.
ضحكت طكيتها على ايدها وتمددت بفراشي افكر وهي هم بفراشها وفززتني من صاحت
جــويريه:: اقبلي حتى تلعبين بلي براحتج مو بالختلات.
-هوه شطيح حظي غير البلي.
ضحكت ونامت وانه التفكير اكل عقلي غفيت بدون ما اقرر اقبل لو ارفض.
""""
ندى:: بقت رغد يمي بالغرفة نسولف لحد الساعة بالوحده يله راحت يم امها واني بدلت وتمددت على الچربايه بصف رضا بالبداية جنت افرش بالگاع من شفت وهـــب ما يجي نمت على الچربايه على مخدته.
هو معتبرني ما موجوده اني والماكو سوه يدخل للبيت ويطلع مايخلي عينه بعيني وعاذرته وعلى كل تصرفاته اگول حقه
تحسرت اباوع لوجهه رضا
"ميخالف كلشي الخاطرك يهون"
غفيت واني حاضنه ابني واحس بأيد وخرت شعري من وجهي مافتحت عيني ماصاحيه ورجعت حسيت ايده على صدري فتحت عيني اباوعله كاعد يمي بالگاع وماد ايده الصدري ويلعب بدگم قميص النوم اللابسته باوعت لعيونه مرتبكه احس اصابعه من يطخن بجلدي باردات باوع لعيوني سحب ايده ووگف
وهـــب:: اكعدي آريد اسألج.
كعدت على حيلي ودرت عيني الرضا رايح الطرف الجربايه كلش وهوه مخليله مخدات يلزمنه، مشه يم الكنتور ذب دشداشته بالسله لبس ملابس بيت ودار يباوعلي أشر بأيده
-تعااي.
مسحت وجهي ونزلت من الچربايه اعدل بملابسي القميص قصير حرير والبجامه لازكه، باوعلي من فوگ ليجوه گال.
-شهاللبس؟
دنكت احجي وامسح على زندي
-ماعبالي تجي
جراني من ايدي بنتر لطرف الجربايه دفعني يكعدني شلت راسي اباوعله وگف گدامي گال
-ليش ما حجيتي الصدك من الاول؟
دنكت ساكته نتر
وهـــب:: لا تسكتييين لا تخليني اسودنج بهالليل
باوعتله وباوعت للباب خازرته
-صووتك.
-نززلي عينج.
-شو تصيح انتِ؟؟
وگفت گدامه حط ايده بجتفي ورجع دفعني شايل ايده يهدد
وهـــب:: اكعددي وتحجين مثّل الأوآدم
-ااي نصي صوتك مو تسمع بيهم
فتح عينه حيل خازرني جراني من أيدي وكفني لازم زندي بقوه يعت بيه مناه ومناه
وهـــب:: شوو صاير الساانج طويل وتتمادين انتِ؟
چلبت بأيده ارجف محترك گـــلبي وكوه احجي بهدوء
-ايدي وهـــب جاي تأذيني.
عاف ايدي. وابتعد يمسح بوجهه اباوعله وكوه على روحـــي احجي بهدوء
-شتريد تسأل؟
نتر
-ليش ما حجيتي الصدك من البدايه؟؟؟
-بالبدايه انتَ غريب ماگدرت اثق بيك وبعدها من عرفت بيك تشرب خفت منك خفت تستغلني اذا عرفت اني مو بنيه، وراها ماگدرت احجي ما اعرف ليش خفت اخسر نظرتك الي خفت بعد ماتباوع لوجهي وتكرهني.
حجيت والدموع تارسه عيني دنك يهز راسه يضحك مستهزئ
وهـــب:: چم مره توسلت بيج تحجين؟
-ماگدرت والله ما گدرت چنت خايفه وهـــب فـــدوه افهمني.
بجيت ميته من القهر وهوه اعصاب ويهز راسه لا
وهـــب:: انا شاريج بروحي لو حاجيتلي الصدك اردلج ابنج الحضنج وانا الممنون بس بجذبچ خسرتيني.
هزيت راسي لا امسح بدموعي وهوه عينه بعيني
وهـــب:: كرهتج.
حجاها بصوت يرجف وزفر نفس بحسره، حسيت گـــلبي وي حچايته نمرد
وهـــب :: وخاف عبالج لان متزوجه گبلي لا ويشهد ربي ما هامني بمقدار ذرة والدليل علمودج انتِ وابنج انا مستعد اطلع من القريه ومن العشيره كلها المهم تعيشون انتِ وياه بسلام.
كرهتج لان على صدري وتچذبين بيت اديه واسألج ما تحجين الصدك والف جذبه ألفتي كرهتج لان انا يمج واضح وما مجذب وياج بحرف وانتِ يمي جان حچيچ مابيه كل صدك.
كعدت بالگاع لامه رجليَّه الصدري ابجي بحرگه وهوه سكت ومشه للكنتور جر فراش شمره بالگاع خله مخده وغطا تمدد واني على كعدتي بعد ما باوعلي منطيني ظهره ويباوع التلفونه كمت من يمع طلعت بره دخلت للحمام ابجي وألوم بروحي حيل بيه أستاهل شما أذاني بحچيه.
نص ساعة مرت وندك الباب گمت بسرعة غسلت وجهي خاف واحد منهم مسحت وجهي ووگفت فتحت الباب صار بوجهي باوع لعيوني وگال
-شسوين هناه؟
-اغسل.
-امشي نامي.
مشيت للغرفة وهوه اجه وراي تمددت يم وضا وهوه رجع لفراشة بقيت اباوعله يگلب بالفيسبوك الحد ما نام يله گدرت اني هم انام.
"""
مــاسه :: من كعدت الصبح للصلاة صليت ودعيت ربي ينطقني باللي بيه صالح إليّ واذا مــيثم من صالحي كون أنسى موضوع الصور وأنسى وكفته گدامي وتهديده الي.
ومارجعت نمت ضليت اراجع وي جوري نزلنه جوه مبدلات لكينه رغد تخبز وندى تسوي ريوك وسعاد تگلها
سعاد::حطي الحليب على الطباخ العمي وعمتي ، الغبره.
وندى عاينتلها مضيگه عينها اخذت جدر وراحت التنك الحليب دلو فافون بيه يده ومسدود يودونه النه من المرعى، فتحت القبق وصبت من عده بجدر سدته واخذت البالجدر حطته على الطباخ گالتلها
سعاد:: الخوثة مو تفور وتفوح على الطباخ.
ندى:: ليش ماتجين انتِ تسوبن الريوك وتسكتين.
سعاد:: يااا جا يمه وانتِ شني شغلج؟
ندى::اللهم صبرج يا روح.
وسعاد طگت ايد بأيد تكلها
سعاد:: هم نزل وهم يدبچ على السطح.
حجتها ومشت للهول وهيه خازرتها أشرتلها تسكت
-ميخالف ندى غلسي منها.
ندى:: لا والله ما اغلس خل تحجي بعد الا احط راسها بجدر الحليب اشو اريد اصير ادبسز وام لسان.
-ههههه شبيج؟
حجيتها وعاينت الباب المطبخ الخارجي صــيهد اجه راد يطب ومن شاف ندى ضل بره بس گال
-مــاسه تعاي.
همست بيني وبين نفسي"دخيلك يا علي"
مشيت وراه واني الحد هاللحظة مره اكول اي مره اگول لا خيولي، طب للمشتمل وطبيت وراه دار عاينلي وگبل گال
-اي لو لا؟
باوعتله ساكته مرتبكه انطيني مجال أفكر انطيني مجال آخذ قرار رجع گال.
صــيهد:: من الاخير اذا ما مقتنعه گولي لا واذا موافقه بس علمود امي ترى اطيح حظج.
متاني جوابي واني بس ادعي ربي ينطقني اللي من صالحي ما ادري شحجي وهمست بصوت يرجف
-اي.
عاينلي گال
-شني اي راضيه يعني؟
بلعت ريك اهز راسي أي گال
-لا ما مقتنعه مبينه علمود امي حيوانه انا موكتلج لا تجذبين عليَّ.
-لاا لا والله فكرت هواي وكلت ربي يهديني والله هداني وگلت اي.
-عاينــي اذا طلعتي جذابه وبگلبج ما راضيه ترى حرام عليج
هزيت راسي اي گـــلبي يدك حيل گال
-يله روحـــي گلي الامج عگب باجر عقد القران.
فتحت عيني بصدمة نتر
-هااااه؟
طلعت من يمه شني عگب باجر طبيت بساع يم آمي احجيلها وهيه مكيفه عسى ما باجر همّ ترضى بس انه انقهرت واحس بروحي خاف اتردد ما انطاني مجال افكر زين بله ترددت شلون
افكر هيج ومن يحاجني البنات ويحمدن بميثم اگول لا يله اقتنعت.
وبالليل جنت باچيه متعاركه وي بــدور على غسل الهدوم وبجيت هواي ورمن عيوني، ومن وديت الچاي الجدي وابوي اثنينهم انتبهولي باجيه جدي بساع طكني يغلط يصيح
-عاشگه ابن خالتها تبجي عليه.
وگفت اعاينلهم وابوي يگله
وليد:: والله لو تبچي دم ماتاخذه.
اريد اكلهم ابچي من وره غسل الهدوم وسكتت من طب صــيهد يعاين الجدي بطرف عينه ودار عاين الابوي گاله
صــيهد:: مــيثم يريد مــاسه انا ما راضي اذا اجه وگالك اريدن مــاسه كله لا ما اطيها.
عكدت حاجبي ما فاهمه شبيه صــيهد مناه لهنا حجيه اختلف وجدي كمز گاله
شعلان:: شني ما ترضى شني بكيفك هيه؟ تريد تطيها الابن خالتها العاشگته؟؟؟
صــيهد:: احجي عدل ولا تگول عاشگه.
شعلان:: انچب انچب مالك غرض انتَ مــاسه الميثم محد ياخذها غيره.
صــيهد:: اختك لو اختي هيه؟ شني بكيفك؟
وخرت يم باب غرفة امي مصدومة ليش هيج صــيهد غيّر رأيه وليش خله السالفه بحلك جدي هسه بعد مايفك من عندي وابوي نتر
وليد:: انا ولي أمرها تكسر حچايتي صــيهد؟ انا من زمان گايل مــاسه الميثم تطلع عن شوري انتَ وتكسر حچايتي؟؟؟
صــيهد:: لا يابه ما اكسر حچايتك بس انا ادري بأختي ماتريده شني نجبرها؟
شعلان:: واحنا من ليمت ناخذ شور البنات هاااه؟
يحجون وهوه يرد عليهم ببرود خفت من حجيهم وخفت صاير شي وخلاه يتردد وتورطت انه بميثم. دموعي بلا صوت تجري گالهم
صــيهد:: اذا مــاسه ما ترضى بيه لو يموووت ما اطيها اله.
ضلوا يغلطون عليه وهوه عافهم واجه يمي جراني من ايدي ودخل الغرفة امي دنك باسها ودار علي مبتسم أشر تعاي، كعدت يمه على اركبي حضن وجهي بين اديه مسح دموعي وهوه يحجي بهمس
-حچيت هيج لان لو دروا انتِ راضيه بميثم وانا مقتنع يعاندوني مايرضون.
-خوفتني والله عبالي صار شي واني تورطت.
-هههههه افا تتورطين وانتِ اخت صــيهد؟
يحجي مبتسم وامي الضحكه تارسه وجها گالي
-من ابوي يسألج گليله يابه انا صغيره وما اريدن اتزوج وهوه راح يقنعج ومدري شني ضلي ساكته خوش؟
هزيت راسي خوش وصدك بس طلع طب ابوي الغرفة امي سلم عليها وهيه ولا ردت عليه غطّت رأسها عاينلي گعد على المخده گال
-تعاي بويه تعاي.
مشيت كعدت گدامه گال
-مــيثم ابن عمج وخوش ولد مالج غرض بحجي صــيهد يريد يطيجن للغريب وجدج ما يرضى لو تاخذين مــيثم لو تضلين طول عمرج بلا زواج.
-بس بويه انه بعدني ادرس
-اي ميخالف جا مو هاي بت عمتج عاقد عليها صــيهد وهيه تدرس شكو بيها؟
دنكت ومدري شبيه لزمتني البچيه لان ماشفت منه حنيه واهم شي يمشي كلمة جدي علينا گال
-تعاي كلي الجدج بكيفك جدّي ارضى بالتريده انتَ.
حجاها ووگف كاضني من ايدي طلع من غرفة امي لغرفة جدي متمدد بفراشه هوه وجده گاله
وليد:: بويه مــاسه تريد تحاجيك.
عاينلي وكعد عدل
-جدي بكيفك شتريد انه راضيه.
شعلان:: عفيه عفيه هوه انا دوم اكولن عليج عاقله وسباعيه بعد جدج.
سكتت جريت ايدي من ايد ابوي وطلعت بساع صعدت فوگ من صدك بچيت بسبب موقف ابوي حيل يحز بخاطري اتمنى مايهمه احد غير كلمتنه، ثاني يوم من الصبح جدي وابوي يحجون ويقهرون بصيهد ويگلوله باجر نعقدلهم ما يدرون هوه مخطط الكلشي گبلهم.
وامي گالت الرغد ياخذها وهـــب للسوگ تجيبلي فستان للعقد جلبتلها
-اريدنه ابيض وبيه خرز.
-عقد هوه اجيبلج لون تفاحي بنفسجي بصلي.
-لا اريدن ابيض واريدن حجاب ستن ابيض.
جــويريه:: تلبسين حجاب؟؟
-اي مالجن شغل والله ترى ابطل.
ايمان:: يله بكيفج شتردين يجيبلج.
رفعت راسي مكيفه تهديدي مشه عليهن درت الامي گتلها
-اريدن احف واريدن باجر اروحن للصالون.
حجيتها آكل بأظافري احنا العقد عدنا مكياج خفيف بالبيت ماكو صالون، گالت امي
-رغد تمكيجج ومكياجها يكتل شني بعد؟
-جا اريد احف.
ندى:: اني احفج والله احفافتي تخبل.
-خوش جا خل اصبغ شعري.
ايمان:: خايبات جيبنها اللي مــاسه ضلت تدور على كتلتها.
وبدور ما صدكت جرتني الامي وامي بأيد وحده كتلتني وخرت منها امسح بزندي واكلها
-الا ابطل ما اتزوج.
ضحكن البنات رغد چلبت بندى تريدها تروح وياها للسوگ اخذنه منها رضا يلعب ويانه فوك ساعه يسوينه حمير ويصعد على ظهرنه ساعه يريدنه ننبح حقه جان رابي وي حيوانات خالته ورجل خالته
بــدور:: لا تنبحين لا مــيثم يسمع ويبطل.
جــويريه :: ما يبطل حتى لو تنگلب چلب هم ما يبطل مچلب بأديه ورجليه.
ضحكنه مشاعري عاديه ساعة اگول زين سويت هيج ساعة اخاف.
البنات اجن من السوك متسوگات هواي شغلات اخذت الفستان منهن قماشه مثل الجرجيت مبطن وبيه خرز ابيض بس بالصدر وبالردن دگم بيض سطر سديتهن اعاين الروحي بالمرايه مثل ما تمنيت من جنت طفله اتمنى البس هيج فستان ورغد تعرف شنو ذوقي جابته كلش مثل ما اريد، لبست الحجاب وياه وشديت اطرافه ليوره وضميتهن ماخليتهم طالعات وطلعتلهن اخذ رأيهن.
بــدور :: الفستان حلو بس عوفي الحجاب
رغد:: بدون حجاب نسرح شعرج وجبتلج هذا الطوگ يخبل.
ندى:: والله اشوف اذا شعرج يضل مفتوح احلى
جــويريه:: لا عوفنها هيه تحس ترتاح بالحجاب خلنها بالحجاب هاي هيه.
مــاسه ::سكتت بس ابد ما ترددت اريد البس حجاب لان خاف گـــلبي بالعقد يطلع جذاب ما راضي حتى ما اخليه يشوف شعري ما ادري شنو تفكيري بس جنت خايفه من ترددي، كعدت گدام ندى تحفلي وجهي ماحفته كله گالت
-ما بيه وحرامات نحفه كله خاف يتحسس وباجر العقد.
-جا سوي حواجبي بس مو تسوينهن مثل حواجب سعاد.
ضحكت ترتبلي حواجبي وتكصهن باوعت بالمرايه راضيه عن نفسي، واحترمني لان باجر عقدي ماخلني انظف وياهن هنه التهن بالتنظيف وانه بس ادور مكياجات بالنت حتى اتشرط على رغد.
دك تلفوي بأيدي ارتبكت من شفته رقم مارديت وعفته كضت الدكه وحدها وبساع وصلتني رسالة مكتوب بيها
*بلا زحمه عليج بس ردي ضروري اسمع منج حتى اذا انتِ ما راضيه انا اعرف شلون ارفض واسد السالفة لا تخافين محد يگدر يجبرج*
قريتها وبساع رجع يدك ووي الاتصال گـــلبي يدك بخوف اخذت التلفون وطلعت من الغرفة للحمام ارجف فتحت خط ساكته وهوه ساكت شويه وهمس
مــيثم :: الو.
بقيت ساكته اعض بأيدي شلون رديت تحسر وهوه يگول
مــيثم :: تسمعيني مــاسه؟
بلعت ريك اهفي على وجهي گوه احجي
-اي.
سكت وانه الخوف يدبي بجسمي فتحت ماي الحمام بالسطل خاف احد يسمع صوتي رجع گال
-جبروج؟
-لا.
-انتِ رضيتي بيه؟
سكتت ما ادري شحجي وهوه يسكت ووين يله يحجي
مــيثم :: لا تخافين لو انتِ ما راضيه بس كليلي انا اعرف شلون ابطل هالسالفه كلها.
-ما ادري
همست وعضيت اصبعي حيل اريد اكله انه راضيه بس مقهوره منك علمود هددتني گال
مــيثم :: لا تحيريني انا بلا ما احاچيچ ضال بينّ نارين خاف ارضى بحچيهم خاف تطلعين مجبوره، خاف ابطل خاف ترحين الغيري واموتن.
سكتت مرتبكه وعركانه من البخار مال الماي الحار مسحت وجهي گـــلبي يدك حييل وصوتي گوه يطلع گتله
- اريد ارضى بس انقهر من اتذكر انتَ هددتني بصوري وخليتني ابچي واخاف من اخواني حيل أكرهك من اتذكر سويت بيه هيج.
زفر نفس حسرته وصلتني
مــيثم:: ارضي وآعوضنج عن كل دمعه أنّا سببها حگج عليَّ بس كلشي سويته علمودج وحگ عيــونج الخاطر مصلحتج سويت كل هذا رضيت تكرهيني وتشوفيني مو خوش زلمه بس حتى ما ترحين الواحد نگس ما يستاهلج.
عضيت شفتي ساكته مدري شبيه ضليت ارجف ومچلبه بالتلفون عاصرته حيل عبالك راح يطير من أيدي سكت فترة ورجع گال
-هسه شني ماسه اطمن وأفرح انتِ راضيه ومحد غاصبج؟
نبلع صوتي ما اگدر احجي مرتبكه حيل واهز برجلي وامسح العرك من وجهي انصلخت من وره الماي الحار گال بهدوء
مــيثم:: مــاسه.
-همم
-راضيه لو لا؟ خليني ارتاح والله تعلعل گـــلبي من التفكير.
-اي، بس مو كلش علمود منّ هددتني.
ضحك وانه غطيت وجهي واغم بروحي شجاي احجي گال
مــيثم::ميخالف انا غلطان وياج من السماء للگاع صيري على ذمتي واعوضج ضحكات بضعف دموع البچيتيهن وأمان ينسيج الخوف السبتته الج.
بقيت ساكته قطرة دم مابقت بيه وصخنت ومناه البخار خلاني اصب عرگ گال
-يله راح اروحن انا ما اريدن احاچيچ بالحرام باجر وره العقد نسولف.
-صــيهد ما يرضى.
-ههههه يله الله كريم نشوف شلون ترهم.
-خوش
-مــاسه هذا التلفون منيلج؟
-خالتي عبير جابته الي من قروا الفاتحه ذيج المره.
-همم فرمتي ورجعيه الهم انا باجر اطيج تلفون.
سكتت وگبل ماهوه يسد الخط سديته انه گمت سديت الماي ومشيت للباب أريد اطلع اول ما فتحته طاحن بحضني جوري وبدور.
-يمممه وگفتن گـــلبي.
بــدور:: ويااامن تحجين ليش فاتحه الماي كلشي ما سمعنه.
غميتها ومشيت للغرفة اخذتلي هدوم ورجعت للحمام سبحت غير كوّنّ آنسى حچاياته اغمض عيوني. وافرك وجهي حيل اريد التهي وانسى شلون حجيت وياه ما گدرت.
وره العشا نزلت يم امي لگيت يمها ميلاد وتحاجيها بغضب سكتت من اجيت وامي گالتلها
-مالج مره يمنه، بس رغد السلطان ماتاخذ غيره وباقي ولدج دوريلهم نسوان.
-اكرهه مــيثم ويعني امي وخالتي من الاول گالن انتِ لمحمد وصرت يعني صرت شويه افكر بيه.
ضيك عيونه وجر باكيت الجكاير شعل جكاره
-امم كملي.
-اي هوه بس هيج النوب امي گلبت خلي محمد يولي وارضي بميثم حسيت روحـــي ضايعه بعد ما اعرف افكر بس الادري بيه ومتأكدة منه كلش اضوجن من مــيثم.
-هممم.
حجاها وحط الجكاره بين اصابعه جر منها نفس طويل زفره بوجهي عاكد حاجبه وگال بجديه
صــيهد:: مــيثم شحاچي وياج؟
سكتت متوتره اعاين لوجهه شال ايده يحذر
-ديربالج تچذبين علي!
دنكت بخوف ما ادري شنو احجي گال
صــيهد:: مــاسه سولفي لا تخليني اتسودن.
-ماتطگني؟
-اشوفن حسب اذا حجيتي الصدك واقتنعت خوش وإذا جذبتي وعرفتج تجذبين الا اكتلج بالخيزرانه تذكرين من كتلتج بالسادس ابتدائي لمن جذبتي عليَّ وگلتي ماعدي امتحان؟
هزيت راسي اي گال
-هسه اذا جذبتي اكتلج نفس الكتله.
-احجي الصدك ما تكتلني؟
تستمر القصة أدناه
-لا والله اكتل مــيثم.
-خوش والله ما اجذب.
هز راسه خوش ومن نفس الجكاره شعل جكاره ثانيه خلاها بحلكه والجكاره التريد تطفى خلاها بطرف الجديده وجر نفس بسرعة تورثت.عاينلي متاني احجي گتله.
-وديتلهم اكل وگالي محمد ما يفيدج اخذي اي واحد غير محمد انا مايهون علي اسلم عرضي لواحد مابراسه غيره.
رفع حاجبه ماعاجبه ويسوي
-هممم؟
-اي
-بس هيج؟ وانتِ شگتيله؟
دنكت الوي باصبعي احس راح يتكسرن گد ما طكطكت بيهن
-گتله مالك غرض ودعيت عليه گتله الله يحرك گلبك مثل ماحرگت گلبي رخليت أمي تبطل.
-وولج لا تجذبين كليلي بالحرف الواحد؟
-نسيت بس جاي اكلك يعني المختصر انه بساع رديت للبيت ولعباس هسه هم مجذبه من الحوش حاجيته ورديت.
وي حجايتي مد ايده وجر اذني حيل جلبت بيها وهوه طك الجكاره بالنفاضه يجدد جمرتها وقربها من عدي يهدد
صــيهد:: وانتِ ياهو گالج تحاجين مــيثم زماله؟
-بعد ما اعيددها.
-اچويچ؟؟؟
-لاااا.
هد اذني خازرني حطيت اديه بالگاع أريد اكومن نتر
-اكعدددي.
كعدت امسح بوجهي ما اريد ابجي وهوه كام من يمي افتر بالغرفة ضايج شويه ورد كعد على طرف الچربايه گال.
صــيهد:: خل احاول انسى مــيثم محاچيچ
هزيت راسي اي مسح وجهه گال.
-مــيثم خوش ولد مــاسه ما اجبرج ووياج بالقرار التردينه بس جاي احجيلج حتى تالي ما اتندم ليش ما كعدت يمها وفهمتها.
عاينــي زلمه وسبع وعاقل والله العظيم العاقل الوحيد بينه هوه مــيثم ترى خل اكلج شغله احفاد شعلان كلها مسودنه والله بس مــيثم طالع طفره شوي عاقل
-ما ادري انه أشوفه حتى هوه مسودن.
حجيتها بهدوء ماخذه راحتي وهوه بساع خزرني وأشر على نفسه يسأل؟
-اخوتج مسودنين؟
هزيت راسي لا گال
-انعم الله عليج.
دنكت ساكته وهوه كمل كلامه
صــيهد:: عاينــي ابن عمج وخوش ولد ويشتغل خارج القريه، لا ام لا ابو لا اخوات ويشلن حالج، هوه بس بريا وترى اربعه وعشرين ساعة طالع مايضل بالبيت
مو احسلج من ماتاخذين عد عيال وهوسه خالتج عبير عدها ثلث زلم متزوجين بنفس البيت وطن بنات وتتذكرين گبل من جنتن جهال انتِ وبدور وترحن وي امي الاخوالي من تردن تكليلي بنات خالتي عبير يغلطن علينه ويكولن معيديات!
-لا ما اتذكر نسيت.
-انا ما انسى جنتن تجن تبجن شلون يكولن عليجن معيديات والساناتهن زفره
-يجوز من جانن صغار هسه كبرن وعقلن.
سكت يدخن ورد گال
-المهم فكري وباجر رديلي جواب انا كتلج كل العدي مــيثم انا أأمن عليج يمه تكملين دراستج وتتخرجين وتتعينين محدّ يحاجيج مو احسن من ما تطيحين بواحد چلب يكعدج من المدرسة ترى لو تزوجتي وبطلوج انا ما اتدخل ياهي مالتي رجلج ولي امرج، بس لو مثلاً اخذتي مــيثم وضوجج بشي اشعل اهل اهله لان ابن عمي واطيح حظه مو مثل الغريب.
دنكت ساكته افكر كال
صــيهد:: الج مناه لباجر، اول شي اذا راضيه ما اريدن علمود امي ترى اعارفج من تسوين هاي السوالف وتتنازلين علمود احد، أطيح حظج، واذا فكرتي وشفتي مو هوه الشخص التردينه هاي هيه وبعد موضوع مــيثم ما ينفتح للأبد حتى لو وره يوم انتِ اجيتي وگتيلي لا تراجعت اريد مــيثم هم ما اخليج تاخذينه بعد لو تمووتين، باجر تطيني كلمه نهائيه خوش؟
هزيت راسي اي وگمت بحيره طلعت من يمه لگيت ندى بالمطبخ تعجن ورغد كاعده يمها گتلها
-رضا وين؟
ندى:: نومته شل حالي.
رغد:: على كيفج وياه شويه شويه يتعلم.
سكتت كعدت يمهن بحيره ندى گامت غطت العجين وغسلت اديها گتلهن
-انتن متزوجات واحس عاقلات وتفهمن احجيلجن وتنصحني.
عاينلي اثنينهن وندى غسلت أديها واجت كعدت يمي گالت
ندى:: سولفي شصاير؟
حجيتلها مختصر شنو صار وشلون قروا الفاتحه وبعدين كلشي تغير بس ابد ماجبت طاري تهديد مــيثم الي بالصور خليت هالشي بگلبي هوه اكثر موقف طيح مــيثم من عيني حتى من احاول اقنع روحـــي بيه يضل موقفه گبالي، حجيتلهن على صــيهد وحجيه گالت ندى
ندى:: چا شبيه مــيثم؟ ارضي بيه وره العقد تحبينه اسألي مجرب.
رغد:: لا مو شرط يجوز عمرها كله ماتحبه اذا بالها يم غيره، مــاسه انتِ تحبين محمد ابن خالتي عبير؟
رفعت اكتافي ما ادري
مــاسه :: احس اي يعني هو واحد شلون يعرف نفسه حاب مو يضل قبل ما ينام يفكر بالشخص اللي يحبه؟
انا چنت گبل ما انام افكر بيه.
رغد:: لا عيوني انتِ بوادي والحب بوادي لو تحبين شخص ما تگدرين تشيلينه من بالج لحظة من اول ما تفتحين عينج هوه على بالج اذا سويتي اكله حلوه تتمنين هوه اول شخص ياكل منها اذا كشختي وعاينتي لروحج بالمرايه تتمنين تشوفين روحج بعيونه اذا ضجتي من سالفه تتمنين تحجيله اذا خفتي تتمنين وجوده حتى تحسين بالامان.
لو كاعده بوسط الف شخص ويحجون وياج اذا تفكرين بيه ماتسمعينهم ما تسمعين غير افكارج بيه
بنص حزنج لو اجت صورته لعيونج تبتسمين وتحسين ملامحه گبالج مرسومه تحفظين معالم وجهه على الغيب.
صوته تكدرين تسمعينه وتسترجعينه شوكت ما تردين
حركاته ضحكته كلشي يخصه ينطبع بعقلج ويشغلج طول اليوم.
تحجي وعيونها بالفراغ مدمعات والغصه خانگتها، ندى مسحت على ايدها بحيره عاينتلي رغد متحسره گالت
رغد:: انتِ ماحبيتي محمد انطي فرصه لميثم والله اشوفنه حباب وخوش ولد تخيلي لو مــيثم ابن عمي شاكر والله اكتلج بالنعال وما اخليج ترضين بيه.
ندى:: مــاسه والله صدك اقبلي برأيي وهم تبقين يمنا تكدرين كل يوم تجين يم عمتي ما تفارگينها.
-ما ادري محتاره وصيهد يگلي باجر ترجعيلي جواب صــيهد حيل مقتنع ويريد بس يقنعني وانه اثق بصيهد احس مايختارلي شي مو زين بس هوه مــيثم غلط بشي وياي وماجاي اگدر آنسى موقفه.
رغد:: شسوه؟
-ما اريد احجي.
-شنو تحرش بيج؟
طكيتها على ايدها مصدومه
-لااا استغفرالله شبيج رغد؟
-جا شسوه شو كل الزينات بيه، ليش ما ترضين،
-ما ادري الله كريم الباجر، خلي اروحن انام.
عفتهن وصعدت فوگ بــدور نايمه وجوري تدرس كعدت يمها سولفتلها كلشي وهي الوحيده تعرف موضوع الصور گالت
جــويريه:: اني اكول اقبلي شنو رأيج؟
-هيه مال رأي جوري حزوره هيه؟
-صلي استخارة، اني من صليت استخاره علمود اخوج طلعتلي لاا بس مارديت.
ضحكت طكيتها على ايدها وتمددت بفراشي افكر وهي هم بفراشها وفززتني من صاحت
جــويريه:: اقبلي حتى تلعبين بلي براحتج مو بالختلات.
-هوه شطيح حظي غير البلي.
ضحكت ونامت وانه التفكير اكل عقلي غفيت بدون ما اقرر اقبل لو ارفض.
""""
ندى:: بقت رغد يمي بالغرفة نسولف لحد الساعة بالوحده يله راحت يم امها واني بدلت وتمددت على الچربايه بصف رضا بالبداية جنت افرش بالگاع من شفت وهـــب ما يجي نمت على الچربايه على مخدته.
هو معتبرني ما موجوده اني والماكو سوه يدخل للبيت ويطلع مايخلي عينه بعيني وعاذرته وعلى كل تصرفاته اگول حقه
تحسرت اباوع لوجهه رضا
"ميخالف كلشي الخاطرك يهون"
غفيت واني حاضنه ابني واحس بأيد وخرت شعري من وجهي مافتحت عيني ماصاحيه ورجعت حسيت ايده على صدري فتحت عيني اباوعله كاعد يمي بالگاع وماد ايده الصدري ويلعب بدگم قميص النوم اللابسته باوعت لعيونه مرتبكه احس اصابعه من يطخن بجلدي باردات باوع لعيوني سحب ايده ووگف
وهـــب:: اكعدي آريد اسألج.
كعدت على حيلي ودرت عيني الرضا رايح الطرف الجربايه كلش وهوه مخليله مخدات يلزمنه، مشه يم الكنتور ذب دشداشته بالسله لبس ملابس بيت ودار يباوعلي أشر بأيده
-تعااي.
مسحت وجهي ونزلت من الچربايه اعدل بملابسي القميص قصير حرير والبجامه لازكه، باوعلي من فوگ ليجوه گال.
-شهاللبس؟
دنكت احجي وامسح على زندي
-ماعبالي تجي
جراني من ايدي بنتر لطرف الجربايه دفعني يكعدني شلت راسي اباوعله وگف گدامي گال
-ليش ما حجيتي الصدك من الاول؟
دنكت ساكته نتر
وهـــب:: لا تسكتييين لا تخليني اسودنج بهالليل
باوعتله وباوعت للباب خازرته
-صووتك.
-نززلي عينج.
-شو تصيح انتِ؟؟
وگفت گدامه حط ايده بجتفي ورجع دفعني شايل ايده يهدد
وهـــب:: اكعددي وتحجين مثّل الأوآدم
-ااي نصي صوتك مو تسمع بيهم
فتح عينه حيل خازرني جراني من أيدي وكفني لازم زندي بقوه يعت بيه مناه ومناه
وهـــب:: شوو صاير الساانج طويل وتتمادين انتِ؟
چلبت بأيده ارجف محترك گـــلبي وكوه احجي بهدوء
-ايدي وهـــب جاي تأذيني.
عاف ايدي. وابتعد يمسح بوجهه اباوعله وكوه على روحـــي احجي بهدوء
-شتريد تسأل؟
نتر
-ليش ما حجيتي الصدك من البدايه؟؟؟
-بالبدايه انتَ غريب ماگدرت اثق بيك وبعدها من عرفت بيك تشرب خفت منك خفت تستغلني اذا عرفت اني مو بنيه، وراها ماگدرت احجي ما اعرف ليش خفت اخسر نظرتك الي خفت بعد ماتباوع لوجهي وتكرهني.
حجيت والدموع تارسه عيني دنك يهز راسه يضحك مستهزئ
وهـــب:: چم مره توسلت بيج تحجين؟
-ماگدرت والله ما گدرت چنت خايفه وهـــب فـــدوه افهمني.
بجيت ميته من القهر وهوه اعصاب ويهز راسه لا
وهـــب:: انا شاريج بروحي لو حاجيتلي الصدك اردلج ابنج الحضنج وانا الممنون بس بجذبچ خسرتيني.
هزيت راسي لا امسح بدموعي وهوه عينه بعيني
وهـــب:: كرهتج.
حجاها بصوت يرجف وزفر نفس بحسره، حسيت گـــلبي وي حچايته نمرد
وهـــب :: وخاف عبالج لان متزوجه گبلي لا ويشهد ربي ما هامني بمقدار ذرة والدليل علمودج انتِ وابنج انا مستعد اطلع من القريه ومن العشيره كلها المهم تعيشون انتِ وياه بسلام.
كرهتج لان على صدري وتچذبين بيت اديه واسألج ما تحجين الصدك والف جذبه ألفتي كرهتج لان انا يمج واضح وما مجذب وياج بحرف وانتِ يمي جان حچيچ مابيه كل صدك.
كعدت بالگاع لامه رجليَّه الصدري ابجي بحرگه وهوه سكت ومشه للكنتور جر فراش شمره بالگاع خله مخده وغطا تمدد واني على كعدتي بعد ما باوعلي منطيني ظهره ويباوع التلفونه كمت من يمع طلعت بره دخلت للحمام ابجي وألوم بروحي حيل بيه أستاهل شما أذاني بحچيه.
نص ساعة مرت وندك الباب گمت بسرعة غسلت وجهي خاف واحد منهم مسحت وجهي ووگفت فتحت الباب صار بوجهي باوع لعيوني وگال
-شسوين هناه؟
-اغسل.
-امشي نامي.
مشيت للغرفة وهوه اجه وراي تمددت يم وضا وهوه رجع لفراشة بقيت اباوعله يگلب بالفيسبوك الحد ما نام يله گدرت اني هم انام.
"""
مــاسه :: من كعدت الصبح للصلاة صليت ودعيت ربي ينطقني باللي بيه صالح إليّ واذا مــيثم من صالحي كون أنسى موضوع الصور وأنسى وكفته گدامي وتهديده الي.
ومارجعت نمت ضليت اراجع وي جوري نزلنه جوه مبدلات لكينه رغد تخبز وندى تسوي ريوك وسعاد تگلها
سعاد::حطي الحليب على الطباخ العمي وعمتي ، الغبره.
وندى عاينتلها مضيگه عينها اخذت جدر وراحت التنك الحليب دلو فافون بيه يده ومسدود يودونه النه من المرعى، فتحت القبق وصبت من عده بجدر سدته واخذت البالجدر حطته على الطباخ گالتلها
سعاد:: الخوثة مو تفور وتفوح على الطباخ.
ندى:: ليش ماتجين انتِ تسوبن الريوك وتسكتين.
سعاد:: يااا جا يمه وانتِ شني شغلج؟
ندى::اللهم صبرج يا روح.
وسعاد طگت ايد بأيد تكلها
سعاد:: هم نزل وهم يدبچ على السطح.
حجتها ومشت للهول وهيه خازرتها أشرتلها تسكت
-ميخالف ندى غلسي منها.
ندى:: لا والله ما اغلس خل تحجي بعد الا احط راسها بجدر الحليب اشو اريد اصير ادبسز وام لسان.
-ههههه شبيج؟
حجيتها وعاينت الباب المطبخ الخارجي صــيهد اجه راد يطب ومن شاف ندى ضل بره بس گال
-مــاسه تعاي.
همست بيني وبين نفسي"دخيلك يا علي"
مشيت وراه واني الحد هاللحظة مره اكول اي مره اگول لا خيولي، طب للمشتمل وطبيت وراه دار عاينلي وگبل گال
-اي لو لا؟
باوعتله ساكته مرتبكه انطيني مجال أفكر انطيني مجال آخذ قرار رجع گال.
صــيهد:: من الاخير اذا ما مقتنعه گولي لا واذا موافقه بس علمود امي ترى اطيح حظج.
متاني جوابي واني بس ادعي ربي ينطقني اللي من صالحي ما ادري شحجي وهمست بصوت يرجف
-اي.
عاينلي گال
-شني اي راضيه يعني؟
بلعت ريك اهز راسي أي گال
-لا ما مقتنعه مبينه علمود امي حيوانه انا موكتلج لا تجذبين عليَّ.
-لاا لا والله فكرت هواي وكلت ربي يهديني والله هداني وگلت اي.
-عاينــي اذا طلعتي جذابه وبگلبج ما راضيه ترى حرام عليج
هزيت راسي اي گـــلبي يدك حيل گال
-يله روحـــي گلي الامج عگب باجر عقد القران.
فتحت عيني بصدمة نتر
-هااااه؟
طلعت من يمه شني عگب باجر طبيت بساع يم آمي احجيلها وهيه مكيفه عسى ما باجر همّ ترضى بس انه انقهرت واحس بروحي خاف اتردد ما انطاني مجال افكر زين بله ترددت شلون
افكر هيج ومن يحاجني البنات ويحمدن بميثم اگول لا يله اقتنعت.
وبالليل جنت باچيه متعاركه وي بــدور على غسل الهدوم وبجيت هواي ورمن عيوني، ومن وديت الچاي الجدي وابوي اثنينهم انتبهولي باجيه جدي بساع طكني يغلط يصيح
-عاشگه ابن خالتها تبجي عليه.
وگفت اعاينلهم وابوي يگله
وليد:: والله لو تبچي دم ماتاخذه.
اريد اكلهم ابچي من وره غسل الهدوم وسكتت من طب صــيهد يعاين الجدي بطرف عينه ودار عاين الابوي گاله
صــيهد:: مــيثم يريد مــاسه انا ما راضي اذا اجه وگالك اريدن مــاسه كله لا ما اطيها.
عكدت حاجبي ما فاهمه شبيه صــيهد مناه لهنا حجيه اختلف وجدي كمز گاله
شعلان:: شني ما ترضى شني بكيفك هيه؟ تريد تطيها الابن خالتها العاشگته؟؟؟
صــيهد:: احجي عدل ولا تگول عاشگه.
شعلان:: انچب انچب مالك غرض انتَ مــاسه الميثم محد ياخذها غيره.
صــيهد:: اختك لو اختي هيه؟ شني بكيفك؟
وخرت يم باب غرفة امي مصدومة ليش هيج صــيهد غيّر رأيه وليش خله السالفه بحلك جدي هسه بعد مايفك من عندي وابوي نتر
وليد:: انا ولي أمرها تكسر حچايتي صــيهد؟ انا من زمان گايل مــاسه الميثم تطلع عن شوري انتَ وتكسر حچايتي؟؟؟
صــيهد:: لا يابه ما اكسر حچايتك بس انا ادري بأختي ماتريده شني نجبرها؟
شعلان:: واحنا من ليمت ناخذ شور البنات هاااه؟
يحجون وهوه يرد عليهم ببرود خفت من حجيهم وخفت صاير شي وخلاه يتردد وتورطت انه بميثم. دموعي بلا صوت تجري گالهم
صــيهد:: اذا مــاسه ما ترضى بيه لو يموووت ما اطيها اله.
ضلوا يغلطون عليه وهوه عافهم واجه يمي جراني من ايدي ودخل الغرفة امي دنك باسها ودار علي مبتسم أشر تعاي، كعدت يمه على اركبي حضن وجهي بين اديه مسح دموعي وهوه يحجي بهمس
-حچيت هيج لان لو دروا انتِ راضيه بميثم وانا مقتنع يعاندوني مايرضون.
-خوفتني والله عبالي صار شي واني تورطت.
-هههههه افا تتورطين وانتِ اخت صــيهد؟
يحجي مبتسم وامي الضحكه تارسه وجها گالي
-من ابوي يسألج گليله يابه انا صغيره وما اريدن اتزوج وهوه راح يقنعج ومدري شني ضلي ساكته خوش؟
هزيت راسي خوش وصدك بس طلع طب ابوي الغرفة امي سلم عليها وهيه ولا ردت عليه غطّت رأسها عاينلي گعد على المخده گال
-تعاي بويه تعاي.
مشيت كعدت گدامه گال
-مــيثم ابن عمج وخوش ولد مالج غرض بحجي صــيهد يريد يطيجن للغريب وجدج ما يرضى لو تاخذين مــيثم لو تضلين طول عمرج بلا زواج.
-بس بويه انه بعدني ادرس
-اي ميخالف جا مو هاي بت عمتج عاقد عليها صــيهد وهيه تدرس شكو بيها؟
دنكت ومدري شبيه لزمتني البچيه لان ماشفت منه حنيه واهم شي يمشي كلمة جدي علينا گال
-تعاي كلي الجدج بكيفك جدّي ارضى بالتريده انتَ.
حجاها ووگف كاضني من ايدي طلع من غرفة امي لغرفة جدي متمدد بفراشه هوه وجده گاله
وليد:: بويه مــاسه تريد تحاجيك.
عاينلي وكعد عدل
-جدي بكيفك شتريد انه راضيه.
شعلان:: عفيه عفيه هوه انا دوم اكولن عليج عاقله وسباعيه بعد جدج.
سكتت جريت ايدي من ايد ابوي وطلعت بساع صعدت فوگ من صدك بچيت بسبب موقف ابوي حيل يحز بخاطري اتمنى مايهمه احد غير كلمتنه، ثاني يوم من الصبح جدي وابوي يحجون ويقهرون بصيهد ويگلوله باجر نعقدلهم ما يدرون هوه مخطط الكلشي گبلهم.
وامي گالت الرغد ياخذها وهـــب للسوگ تجيبلي فستان للعقد جلبتلها
-اريدنه ابيض وبيه خرز.
-عقد هوه اجيبلج لون تفاحي بنفسجي بصلي.
-لا اريدن ابيض واريدن حجاب ستن ابيض.
جــويريه:: تلبسين حجاب؟؟
-اي مالجن شغل والله ترى ابطل.
ايمان:: يله بكيفج شتردين يجيبلج.
رفعت راسي مكيفه تهديدي مشه عليهن درت الامي گتلها
-اريدن احف واريدن باجر اروحن للصالون.
حجيتها آكل بأظافري احنا العقد عدنا مكياج خفيف بالبيت ماكو صالون، گالت امي
-رغد تمكيجج ومكياجها يكتل شني بعد؟
-جا اريد احف.
ندى:: اني احفج والله احفافتي تخبل.
-خوش جا خل اصبغ شعري.
ايمان:: خايبات جيبنها اللي مــاسه ضلت تدور على كتلتها.
وبدور ما صدكت جرتني الامي وامي بأيد وحده كتلتني وخرت منها امسح بزندي واكلها
-الا ابطل ما اتزوج.
ضحكن البنات رغد چلبت بندى تريدها تروح وياها للسوگ اخذنه منها رضا يلعب ويانه فوك ساعه يسوينه حمير ويصعد على ظهرنه ساعه يريدنه ننبح حقه جان رابي وي حيوانات خالته ورجل خالته
بــدور:: لا تنبحين لا مــيثم يسمع ويبطل.
جــويريه :: ما يبطل حتى لو تنگلب چلب هم ما يبطل مچلب بأديه ورجليه.
ضحكنه مشاعري عاديه ساعة اگول زين سويت هيج ساعة اخاف.
البنات اجن من السوك متسوگات هواي شغلات اخذت الفستان منهن قماشه مثل الجرجيت مبطن وبيه خرز ابيض بس بالصدر وبالردن دگم بيض سطر سديتهن اعاين الروحي بالمرايه مثل ما تمنيت من جنت طفله اتمنى البس هيج فستان ورغد تعرف شنو ذوقي جابته كلش مثل ما اريد، لبست الحجاب وياه وشديت اطرافه ليوره وضميتهن ماخليتهم طالعات وطلعتلهن اخذ رأيهن.
بــدور :: الفستان حلو بس عوفي الحجاب
رغد:: بدون حجاب نسرح شعرج وجبتلج هذا الطوگ يخبل.
ندى:: والله اشوف اذا شعرج يضل مفتوح احلى
جــويريه:: لا عوفنها هيه تحس ترتاح بالحجاب خلنها بالحجاب هاي هيه.
مــاسه ::سكتت بس ابد ما ترددت اريد البس حجاب لان خاف گـــلبي بالعقد يطلع جذاب ما راضي حتى ما اخليه يشوف شعري ما ادري شنو تفكيري بس جنت خايفه من ترددي، كعدت گدام ندى تحفلي وجهي ماحفته كله گالت
-ما بيه وحرامات نحفه كله خاف يتحسس وباجر العقد.
-جا سوي حواجبي بس مو تسوينهن مثل حواجب سعاد.
ضحكت ترتبلي حواجبي وتكصهن باوعت بالمرايه راضيه عن نفسي، واحترمني لان باجر عقدي ماخلني انظف وياهن هنه التهن بالتنظيف وانه بس ادور مكياجات بالنت حتى اتشرط على رغد.
دك تلفوي بأيدي ارتبكت من شفته رقم مارديت وعفته كضت الدكه وحدها وبساع وصلتني رسالة مكتوب بيها
*بلا زحمه عليج بس ردي ضروري اسمع منج حتى اذا انتِ ما راضيه انا اعرف شلون ارفض واسد السالفة لا تخافين محد يگدر يجبرج*
قريتها وبساع رجع يدك ووي الاتصال گـــلبي يدك بخوف اخذت التلفون وطلعت من الغرفة للحمام ارجف فتحت خط ساكته وهوه ساكت شويه وهمس
مــيثم :: الو.
بقيت ساكته اعض بأيدي شلون رديت تحسر وهوه يگول
مــيثم :: تسمعيني مــاسه؟
بلعت ريك اهفي على وجهي گوه احجي
-اي.
سكت وانه الخوف يدبي بجسمي فتحت ماي الحمام بالسطل خاف احد يسمع صوتي رجع گال
-جبروج؟
-لا.
-انتِ رضيتي بيه؟
سكتت ما ادري شحجي وهوه يسكت ووين يله يحجي
مــيثم :: لا تخافين لو انتِ ما راضيه بس كليلي انا اعرف شلون ابطل هالسالفه كلها.
-ما ادري
همست وعضيت اصبعي حيل اريد اكله انه راضيه بس مقهوره منك علمود هددتني گال
مــيثم :: لا تحيريني انا بلا ما احاچيچ ضال بينّ نارين خاف ارضى بحچيهم خاف تطلعين مجبوره، خاف ابطل خاف ترحين الغيري واموتن.
سكتت مرتبكه وعركانه من البخار مال الماي الحار مسحت وجهي گـــلبي يدك حييل وصوتي گوه يطلع گتله
- اريد ارضى بس انقهر من اتذكر انتَ هددتني بصوري وخليتني ابچي واخاف من اخواني حيل أكرهك من اتذكر سويت بيه هيج.
زفر نفس حسرته وصلتني
مــيثم:: ارضي وآعوضنج عن كل دمعه أنّا سببها حگج عليَّ بس كلشي سويته علمودج وحگ عيــونج الخاطر مصلحتج سويت كل هذا رضيت تكرهيني وتشوفيني مو خوش زلمه بس حتى ما ترحين الواحد نگس ما يستاهلج.
عضيت شفتي ساكته مدري شبيه ضليت ارجف ومچلبه بالتلفون عاصرته حيل عبالك راح يطير من أيدي سكت فترة ورجع گال
-هسه شني ماسه اطمن وأفرح انتِ راضيه ومحد غاصبج؟
نبلع صوتي ما اگدر احجي مرتبكه حيل واهز برجلي وامسح العرك من وجهي انصلخت من وره الماي الحار گال بهدوء
مــيثم:: مــاسه.
-همم
-راضيه لو لا؟ خليني ارتاح والله تعلعل گـــلبي من التفكير.
-اي، بس مو كلش علمود منّ هددتني.
ضحك وانه غطيت وجهي واغم بروحي شجاي احجي گال
مــيثم::ميخالف انا غلطان وياج من السماء للگاع صيري على ذمتي واعوضج ضحكات بضعف دموع البچيتيهن وأمان ينسيج الخوف السبتته الج.
بقيت ساكته قطرة دم مابقت بيه وصخنت ومناه البخار خلاني اصب عرگ گال
-يله راح اروحن انا ما اريدن احاچيچ بالحرام باجر وره العقد نسولف.
-صــيهد ما يرضى.
-ههههه يله الله كريم نشوف شلون ترهم.
-خوش
-مــاسه هذا التلفون منيلج؟
-خالتي عبير جابته الي من قروا الفاتحه ذيج المره.
-همم فرمتي ورجعيه الهم انا باجر اطيج تلفون.
سكتت وگبل ماهوه يسد الخط سديته انه گمت سديت الماي ومشيت للباب أريد اطلع اول ما فتحته طاحن بحضني جوري وبدور.
-يمممه وگفتن گـــلبي.
بــدور:: ويااامن تحجين ليش فاتحه الماي كلشي ما سمعنه.
غميتها ومشيت للغرفة اخذتلي هدوم ورجعت للحمام سبحت غير كوّنّ آنسى حچاياته اغمض عيوني. وافرك وجهي حيل اريد التهي وانسى شلون حجيت وياه ما گدرت.
وره العشا نزلت يم امي لگيت يمها ميلاد وتحاجيها بغضب سكتت من اجيت وامي گالتلها
-مالج مره يمنه، بس رغد السلطان ماتاخذ غيره وباقي ولدج دوريلهم نسوان.
ميلاد:: انتِ مابيج صوج بس عمي مو گد كلمته هوه الگال بناتج النه وبناتنا الكم.
وگامت طلعت ضايجه هزّت ايدها آمي گالت
-تلعب ميلاد چا ولدي تزوجوا المن اخذ ريـــمه الجدي؟
وبناتي ما اريدن اطيها ماينعاش وياها الولد زينين وسباع بس هيه ما تتواطن بعيشة الله.
-شنو لان عرفت راح نعقد انه وميثم؟
-اي تكلي جا موكلتوا الكم هيه وبدور، جنتوا جهال من جدج گال فلان لفلانه.
سكتت وامي خابرت خالاتي كالتلهن وخابرت حتى خالتي عبير، ضليت يمها ساعة وصعدت من التفكير بساع نمت اول وحده وعبالك ورانه حرب كعدتني رغد من الصبح تريد تطب تسبحني
-جا شبيه انه وصصخه عاايني عاايني اديه يلمعن والله مگطعه الليفه عليهن.
ضحكت طكتني على ايدي نزلت وياهم، جابوا طباخ طبخ غده مستغربه ليش هيج اهتموا يختلف عقد مــيثم عن عقد اخواني گالت رغد
- لان لا ام ولا أب ما يردونه يحس بشي، كأنما همه اهل الولد مو البنيه
-ها خوش، اكلج شنو رنـــه وعفراء وريمه وهاجر مايجن؟
-رنـــه ما اظن تجي
صعدت فوگ خابرتها اول ماردت علي گالت
-ها العروسه
-ولج رنـــه صدك ماتجين
رنـــه :: مايخلوني توسلت بطرواده لمن مليت مارضى.
-لا فـــدوه وعلي اموتن من القهر.
رنـــه :: والله بچيت وزعلت قافل يگول محد يوصل هوه راح يروح الميثم البيتهم يتباركله بس ما يجي بالعقد يمكم، ومارضى نجي لا انه ولا عــفراء.
-اخلي صــيهد يخابره؟ رنـــه جا انقهر هيج وعلي.
وهيه تحاجيني والعبره خانگتها
رنـــه :: انه هم مقهوره بس ما اريدن طــروادة يضوج يله عود صوري ووديلي صورج.
ضليت احجي وياها شويه وسديته منها حيل مقهوره لان ما تجي بس ما بأيدي شي سكتت، بدت الوادم تجي والولد يستقبلونهم مشيت وي رغد لغرفة ندى بعد ما ادري شسووا وبعدها تقنع بيه تخليني بدون حجاب بس انه قافله اريدن حجاب حسيت استحي بدون حجاب، تريد تخليلي مكياج وكلساع صايحين عليها لو وهـــب لو صــيهد تعوفني وتركض ل٢ وبعدنه كلشي ما مخلصين والنسوان بدن يجن والهوسه كلها بالهول وخالاتي طبن يم امي للغرفه رجعتلي بساع وانه مغمضه وهي كلساع وتريد تجيبني براشدي من اتحرك.
لمن كضت كالت شوفيه عاينت بالمرايه زيّن عاجبني بس لون الحمره
-ماحبيت الحمره شني احمر عرس هوه؟
-اهووه بت وليد كلشي ماعاجبها، وعلي اذا خرب المكياك الا اغسل وجهج واطلعج اله بدون مكياج اشرد الولد.
رجعت كعدت يمها تمسحلي الحمره بحذر خاف تتملطخ غيرت لونها وكفت عاينت لروحي
-اي هسه حلوه مبين شكلي حبابه بهذيج الحمره چني وحده وكحه محد يگدرلها.
رغد:: ووولج فضيها راح يجون.
كضتني الرجفه بعد حتى حجاب ماعرفت البس جوري سوته الي وضمته جوه الفستان وبدور تلبسني بالحذاء لمن كملنه اعاين لروحي مبتسمه فرحانه بشكلي جرتني رغد تريد تطلعني
-لا لا ما اطلع استحي يمه اضل كاعده كدامهن وهنه يعاينلي.
رغد:: يمه راح تجلطني يييمه
-بردت بردت بس خلّ اتدفى شويه.
ومشيت كعدت يم الصوبه اجت علي جرتني گوه وطلعتني والنسوان هلهلن وانه حطيت راسي بالگاع كعدتني رغد على الكرسي والجهال ملتمين علي معجبين بيه، والنسوان منهن تكوم تسلم علي وانه ولا اعرف وحده منهن بس اباوس واوزع ابتسامات لمن طلعن خالاتي من يم امي سلمت عليهن واخر وحده جانت خالتي عبير عيونها حمر نخمش گـــلبي من شفتها مدري شبيه سلمت عليها گالت
-الله يسعدج ويهنيج حبيبتي.
كعدت بمكاني وكلساه اعاينلها تبچي وخالاتي يحجن عليها تمسح دموعها، راحت رغد للمطبخ من صــيهد صاح وردت تركض گالتلهن السيد راح يطب يعقدلهم .
واخذتني من ايدي الغرفة بيت وهـــب بلعت ريك ارجف كلساع اريد آمسح وجهي ورغد تكضني دنكت ارجف من دخلوا حاطين كراسي الهم كعدوا ابد مارفعت عيني بس من صوتهم عرفت صــيهد وابوي وميثم والسيد اليعقدلنه غير كون انطق غير احجي من يسألني صوتي يرجف لمن اجه صــيهد يمي يله گدرت احجيها.
ودنكت حيل اعاين بس لحذاء مــيثم يلمع وي بنطرن اسود قماش، من كملنه العقد وگام السيد يريد يطلع رفعت راسي بساع شفته منطيني ظهره بالباب يريد يطلع لابس بدله سوده بنطرون وسترة ومن يم الردن مبين القميص ألأبيض وايده تلمع بيها سبحه سوده هوه يريد يطّلع وياهم ورغد گالته.
-تعال غاد حتى تلبسون الحلقات.
رد التفت عليَّ دنكت بساع واسمع صــيهد گاله
-لا زحمه الوادم تسلم عليك تعال سلم ورد البس الحلقات.
طلع وياهم ونسد الباب وراهم حطيت ايدي على گـــلبي ودرت الرغد احاجيها
-يممه گـــلبي.
رغد:: فـــدوه لگلبه شكد مرتب ولج وجهه صار احمر بس ماعاينلج يستحي ههههه.
-لا يعاين لا يعاين ما اريد يعاين شني هذا العقد ليش ما كتلي هلكد يخوف ويرجف.
ضحكت جرتني من ايدي نطلع والنسوان يهلهلن مشيت الامي سلمت عليها عيونها مدمعه بست ايدها وهيه تگلي
-كون الله يسعدج ويهينج ياماسه يا رويحتي.
-يابعد روحـــي يمه فـــدوه اروحنلج.
بست اديها وطلعت كعدت بالهول گدام النسوان ورغد كلساع مرتبه الحلقات على الميز الگدامي ، سكتن النسوان وكلها ركضت تعاين من السياج على صوت الهوسات گالت جوري
-شيوخ جاي يهوسوله.
بــدور:: اصورلج تشوفين؟
هزيت راسي اي تلفوني عدها ركضت للمطبخ صورتهم بساع واجتني اريد اشوفن واستحي بس النسوان محد تعاينلي التهن بالزلم اخذت التلفون من إيدها اعاين كلها واكفه وزلم معگله، وهوه واكف بين ابوي وبين عمي شاكر قربت الصوره عليه اريد اركز بيه ولا مره شايفته عدل، بأيده سبحه وكلنس،
خزرتني رغد عفت التلفون بساع وكعدت عدل صوت الزلم من يهوسوله حيل حلو ويكزبر الجلد.
لمن سكتوا يله گالت رغد
-العريس راح يدخل يلبسون الحلقات بنات حجاباتجن.
دنكت مرتبكه وابلعم ورغد طلعتله للباب هيه وجده طببنه كعد يمي واباوع حط على الميز گدامي وردات حمر من حديقتهم وشادهم بشريط احمر ابتسمت وانه مدنكه شكد جنت اتمنى اشلع ورد منهن بس اخافن يشكون.
حطت الحلقه رغد بأيده حتى يلبسني مديت ايدي ترجف وبارده ثللج كض اصبعي بين اصابعه الدافيات وخله الحلقة بأصبعي وهنه يهلهلن ورغد اطتني الحلقة مالته حتى البسها اله كضيتها بين اصابعي ومديت ايدي الثانية الايده اريد اكضها حتى اللبسه بس لان ارجف ومتوتره طاحت الحلقه من ايدي شلت راسي فشلانه باوعتله مبتسم وعيونه لونهن بلون الماي تلمع همس
-حورية، دخيل الله لا تعاينيلي اموتن.
هديت ايده ارجف وهوه مسح وجهه والحلقه مدري وين راحت جابنها من جديد اخذتها من رغد ورديت كضيت ايده لبستها اله اريد اسحب ايدي ماهدها كضاها ونزلها بيني وبينه يمسح عليها بأبهامه ورغد تصور بينه طلع تلفونه ومداه لبدور يريدها تصورنه صاحن خالاتي
-اضحكي يمه شمالج؟
ابتسمت وكل تركيزي بأصابعه الدافيه اللي تمسح على ايدي وكفتنا رغد علمود الصور ومن راد يطلع حط ايده وره راسي وتقرب يبوسني بكصتي غمضت عيني جامده بمكاني واحس بشفايفه على كصتي كلبي دك حيل باسني متحسر بعد شفايفه شويه عاين لوجهي وهمس بيني وبينه
مــيثم :: ما ودي اعوفنج اريد اكابل عيــونج لمن أشبع منها.
حجاها و وراح طلع ، كعدت گـــلبي يريد ينفجر واعاين بالوجوه احس بروحيّ صخنت.
جــويريه ::صورنه وياها فرحانات لان هيه فرحانه بس من تباوع لخالتها تنقهر صاحت علي ندى
-صــيهد بالمطبخ يريدج.
طلعتله بساع ماد راسه من باب المطبخ گال
-تعاي هاج.
وكفتله وره الباب وهوه حط بأيدي ضبت فلوس يريد اضمهن عاين الوجهي وضحك بطرف شفته
-حاطه حمره!
-اي غير عدّنا خطوبه.
-لايگه لشفايفج.
باوعتله مرتبكه گال
-لا تمسحينها من تروح الوادم تعاي للمشتمل انا امسحها الج.
-لا شكراً اني اعرف امسحها.
هز راسه متحلف
-خوش سهله.
درت وجهي اريد امشي گال
-بلغت الوادم اول يوم عطله عرسنا أحسبي حسابج
جوري
شكرا لزيارتكم عالم روايات سكيرهوم
