 |
رواية امتلكني بالاجبار الفصل السادس والثلاثون بقلم ملك عبد المنعم
ادهم سحب مريم من وسطها لحضنه و باس خدها بحب ./قومتي ليه . مش انا قولتلك خليكي و هعملك اللي انتي عايزاه .
مريم لفتله بحب ./يا ادهم مش هينفع افضل كده كتير . و كمان فرح نور بكره قولت اجهز كل حاجه من دلوقتي .
ادهم طلع شنطه من وره ضهره و طلع منها الفستان ./ هيكون حلو علي كاميليا صح .
مريم بصت عليه بانبهار ./جميل اوي يا ادهم . كاميليا هتفرح اوي .
ادهم سحبها لحضنه بهدوء . /فستانك هيوصل كمان شويه . انا قولت اخليه مفاجأة .
مريم ابتسمت بحب و دخلت في حضنه ./ربنا يخليك لينا .
ادهم ./مش ناويه ترضي عني .
مريم غمضت عينيها بهدوء و بعدت بسرعه ./هروح اكلم خالتي عشان اطمن عليهم .
ادهم بص عليها بـ بأس و راح عند كاميليا .
_________________________________
معتز كان قاعد في البيت . بيحضر حاجته و هو مبسوط . لحد ما الباب خبط و راح يفتح بهدوء .
معتز بص بصدمه بس ابتسم بحب ./نور ادخلي في حاجه حصلت .
نور ابتسمت و دخلت بهدوء . معتز قرب منها . /في حاجه يا نور .
نور بصت عليه بخنقه ./تفتكر ايه ممكن يخليني اجي هنا قبل فرحي بيوم .
معتز ابتسم بعدم فهم ./ما انا عشان كده قلقان . في حاجه حصلت .
نور بصت عليه بدموع ./ليه يا معتز .
معتز بصلها بتوتر . /ليه ايه يا حبيبتي .
نور طلعت صور من شنطتها و بصتله بدموع ./ليه ده يا معتز . ليه مقولتليش انك بالقذاره دي . كنت هتجوزني علي نفس السرير اللي كنت بتنام معاها فيه . قدرت ازاي تمثل عليا كل ده يا معتز .
معتز بص علي الصور بدموع و خوف أنه يخسرها ./نور انا عارف اني غلطان و غلطان اوي كمان . بس خلينا نتكلم .
نور ضحكت بسخرية ./نتكلم . هنتكلم في ايه . هتبرري ليه كنت بتنام معاها . دي مش معاها بس . ده مع كتير اوي يا معتز . يا تري كنت بتتعامل معايا علي اني واحده منهم . كنت قادر ازاي اكدب عليا كل ده . كنت هتقدر ازاي بعد ما نتجوز تكمل في التمثيلية دي .
معتز قرب يمسك ايديها بدموع ./لا يا نور انا مكدبتش عليكي . انا حبيتك و حبيتك اوي كمان . عمري ما فكرت فيكي بـ شكل مش كويس . انا عارف انك انضف مني بكتير . بس انا حبيتك و بعدت عن كل حاجه عشان حبيتك يا نور .
نور بعدت عنه و مسحت دموعها بهدوء ./الحمدلله أن كل حاجه بانت قبل ما كنت أطورت معاك اكتر من كده .
معتز بصلها بخوف ./يعني ايه .
نور قلعت الدبله من ايديها ./يعني خلاص يا معتز . مش عايزه اشوفك و لا اعرفك تاني . ياريت تختفي من حياتي للأبد يا معتز .
معتز قرب منها برفض ./لا يا نور متعمليش كده . نور احنا فرحنا بكره .
نور ضحكت بسخرية ./الحمدلله أن الصور جتلي في الوقت المناسب . و الا كان زماني مخدوعه فيك .
معتز مسح علي وشه بضيق ./نور اسمعيني . خليني نتكلم . هعملك اي حاجه عايزاها بس بلاش تلغي الفرح يا نور .
نور ./تقدر تجيب اي واحده تكمل معاها الفرح . بس انا لا خلاص كفايه اوي كده يا معتز .
معتز مسك ايديها بغضب ./لا يا نور انتي مش هتعملي كده . مش هتبعدي يا نور . مش هخليكي تعملي كده .
نور بصت عليه بدموع ./معتز سبني .
معتز بغضب ./لا مش هسيبك تمشي . تقدري تقولي لو مشيتي هتعملي ايه . هتقولي لمامتك ايه . هتقولي لغيتي الفرح ليه .
نور بصتله بقوة ./هقولهم حقيقتك .
معتز بعصبية ./محدش هيصدقك يا نور . الناس هيقوله أن العيب فيكي . كنتي مخطوبه قبل كده و سبتيه . و دلوقتي هتلغي كل حاجه قبل الفرح بيوم . يبقي العيب فيكي . او خايفه تنكشف حقيقتك .
نور بعدت عنه بدموع ./انا ازاي مخدتش بالي من حقيقتك . ازاي مكنتش شايفه قرفك . معقول كنت مخدوعه فيك للدرجادي .
معتز ببرود ./اعقلي يا نور . متبوظيش سمعتك بايدك .
نور قعدت علي الكرسي و حطت وشها بين أيديها بعياط . معتز بص عليها بأسف معتز لـ نفسه ./مينفعش غير كده يا نور . لازم يحصل كده .
معتز قعد قصادها بجمود ./دلوقتي انا هوصلك للبيت . و هننسي اللي حصل هنا . و فرحنا بكره يا نور . انتي عارفه كلام الناس كتير ازاي . و اوعي يا نور تحاولي تهربي أو تعملي حاجه . وقتها انا هتصرف بطريقتي فهماني .
نور رفعت عينيها و بصتله بدموع . معتز وقف بجمود ./يلا عشان تلحقي تجهزي حاجتك يا عروسه .
________________________________________
تاني يوم ...
ادهم باس مريم من خدها بحب ./صباح الخير .
مريم فتحت عينيها بتعب ./صباح النور . الساعه كام دلوقتي .
ادهم ./الساعه داخله علي ١١ .
مريم اتعدلت بهدوء ./طيب كويس علي بال ما البس و اروح لـ نور .
ادهم حرك أيده علي شعرها بهدوء ./انا كلمتهم و قولتلهم انك مش هتقدري تروحي .
مريم بضيق ./ليه يا ادهم .
ادهم اتنهد بهدوء ./عشان انتي تعبانه يا مريم . و الدكتوره قالتلك بلاش حركه خالص و انا مش مستغني عنك انتي و البيبي .
مريم ./بس هي كانت عايزاني معاها .
ادهم حرك أيده علي خدها بحب ./يا حبيبتي هي مقدره اللي انتي فيه .
مريم هزت راسها بهدوء و متكلمتش .
__________________________________
عند نور كانت بتجهز بحزن و كلام معتز بيتكرر في دماغها .
فاطمه قربت منها بهدوء ./مالك يا حبيبتي في حاجه .
نور هزت راسها بدموع ./زعلانه عشان هسيبك .
فاطمه مسحت دموعها بحب ./ مين قال كده . انتي هتجيلي في اي وقت . و معتز فاهم ده كويس . ملهاش لازمه الدموع دي . افرحي بيومك يا حبيبتي و فرحك و خطيبك اللي بيحبك . و لا انتي عايزاني اغير رأي في الجوازه دي .
نور ضحكت و حضنتها بدموع . لحد ما تليفونها رن .
نور ردت بضيق ./ في حاجه .
معتز بجمود ./السواق اللي هيوديكم للاوتيل تحت البيت .
معتز قفل بجمود و مسح علي وشه بضيق . /انتي السبب يا نور . انتي اللي هتخليني اكون حد تاني معاكي . مستعد اخليكي تكرهيني يا نور بس متبعديش .
معتز قام يجهز و يروح الاوتيل .
_____________________________________
بالليل.....
عند نور في الاوتيل .
نور بصت علي نفسها في المرايا و ضحكت بسخرية . مكنتش مصدقه أن اجمل يوم في حياتها يكون بالشكل ده .
معتز دخل بهدوء بس ابتسم بسرعه اول ما شفها بالفستان . معتز قرب منها بحب . /زي القمر يا حبيبتي .
نور رفعت عينيها بدموع . معتز قرب من ودنها بهمس ./مامتك و الناس تحت . مش محتاج اقولك أن اي تصرف منك غلط ممكن يخليني اعمل فيكي ايه .
معتز بعد بهدوء و باس راسها . و سحبها من ايديها و نزله .
ادهم دخل بهدوء و هو محاوط مريم من وسطها . و ماسك ايد كاميليا من الناحيه التانيه .
ادهم قرب من معتز و نور بهدوء . و حضن معتز بحب./ أخيرا فرحتني بيك .
معتز خرج من حضنه بهدوء . و ادهم بص لـ نور ./مبروك .
نور ابتسمت بضيق . معتز سحب ادهم و وقفه علي جمب .
مريم حضنت نور بحب ./معرفتش اكون معاكي انا اسفه .
نور حضنتها بدموع . مريم خرجت من حضنها بشك ./نور انتي كويسه .
نور مسحت دموعها بسرعه و ابتسمت ./ايوه كويسه .
مريم ابتسمت بشك ./ انا هروح اشوف خالتي عشان مسلمتش عليها .
نور هزت راسها بشرود . و بعد شويه معتز جه و سحبها عشان يرقصه .
معتز بص علي ملامحها بتقييم ./افردي وشك .
نور ابتسمت بضيق . معتز ضغط علي وسطها بضيق ./ اوعي تكوني حكيتي لمريم حاجه انتي فاهمه .
نور هزت راسها بدموع .
مريم كانت واقفه تبص عليهم بفرحه . بس دموعها نزلت لما افتكرت قد ايه كان نفسها تعيش يوم زي ده و أن كان نفسها تكون زي اي عروسه بفستانها الابيض .
مريم فاقت من شرودها لما ادهم حضنها من ضهرها . مريم مسحت دموعها بسرعه و اتكلم بكسوف ./ادهم ابعد . في ناس .
ادهم ابتسم بهدوء ./و انتي مراتي .
مريم بعدت بكسوف ./ بس مينفعش بقي .
ادهم بص عليها بحب ./كل حاجه فيكي بتسحرني يمريم . حتي هروبك مني وقت كسوفك . كل حاجه فيكي مميزه زيك يا مريم .
مريم ابتسمت بحب و نزلت راسها بكسوف .
ادهم ضحك عليها و قربها منه بحب .
بعد شويه الفرح خلص و كل واحد روح بيته .
__________________________________
عند معتز .
نور اول ما دخلت البيت دخلت اوضتها بسرعه و قفلت علي نفسها .
معتز اتنهد بضيق و فضل باصص علي الباب مستنيها تطلع .
نور فضلت جوه كتير و معتز قلق عليها .
معتز قرب خبط علي الباب . نور اترعشت بخوف ./ايوه .
معتز بقلق ./نور انتي كويسه . انتي بقالك كتير اوي جوه .
نور بقوة ./روح اي اوضه تانيه .
معتز اتنهد بضيق ./نور افتحي و خلينا نتكلم .
نور بدموع ./معتز امشي من هنا مش قادره اسمع صوتك .
معتز بغضب ./نور لو مفتحتيش الباب دلوقتي انا هكسره .
نور قامت بخوف و قربت فتحت الباب . معتز بص علي فستانها و ضحك بهدوء ./انتي لسه مغيرتيش .
نور نزلت راسها بكسوف . معتز قرب منها بخبث . نور رجعت لوره بتوتر ./في ايه يا معتز . ابعد .
معتز حاصرها بين أيديه بخبث ./مش عايز ابعد .
نور بلعت ريقها بتوتر ./معتز عشان خاطري ابعد .
معتز دفن رأسه في رقبتها بتوهان ./انا اسف يا نور .
نور غمضت عينيها بدموع . بس بعدته بغضب ./اوعي تقرب مني تاني يا معتز . انا مبقتش طايقه ريحتك و لا قربك مني .
معتز اتنهد بضيق ./ نور انا هسيبك انهارده بس ده مش معناه اني ساكت علي كلامك ده .
معتز سبها و مشي . و هي بصت عليه بقرف و قفلت الباب بسرعه و حطت وشها بين أيديها بعياط .
_____________________________________
ادهم ركن العربيه بهدوء .
و بص علي مريم اللي كانت راحت في النوم . بعد ما فاطمه صممت تاخد كاميليا عشان متبقاش لوحدها .
ادهم شال مريم و طلع فوق بهدوء . مريم فتحت عينيها بنوم و ابتسمت بهدوء و هي بتلف ايديها حوالين رقبته .
ادهم بص عليها بحب و نزلها علي السرير بحرص .
ادهم شالها الاكسسوارات و بص علي فستانها بضيق . ادهم ./ مش هتعرفي تنامي كده اكيد .
ادهم غيرلها هدومها بهدوء و هو خايف احسن تصحي .
ادهم فضل قاعد جمبها و بيبص علي ملامحها بحب .
مريم فتحت عينيها بنوم و ابتسمت . ادهم حرك أيده علي وشها بحنان . و لمس شفايفها بايده و ميل باسها بهدوء . مريم فتحت عينيها و لفت ايديها حوالين رقبته .
ادهم قربها منه اكتر و بعدين .....
