رواية امتلكني بالاجبار الفصل السابع والثلاثون
مريم كانت صاحيه بترسم دواير واهميه علي صدر ادهم .
ادهم كان صاحي و مغمض عينه باستمتاع . مريم اتنهدت بحب و هي بتركز في ملامحه و ابتسمت بكسوف و هي بتدخل جوه حضنه . ادهم فتح عينه و بص عليها بهدوء و حرك أيده علي شعرها بحنان ./صباح الخير .
مريم ابتسمت بكسوف ./صباح النور .
ادهم باس راسها بحب ./تعبانه .
مريم هزت راسها بكسوف .
ادهم حرك أيده علي خدها بهدوء . و قام سحب هدومه من علي الارض بعشوائية و دخل الحمام .
مريم فضلت تبص في أثره بشرود .
ادهم فتح المياه و غمض عينه بضيق من نفسه أنه ضعف قصادها .
_______________________________________
نور فتحت عينيها بخضه لما لقت معتز قاعد علي الكرسي اللي قصادها .
معتز ابتسم ببرود./مالك شوفتي عفريت .
نور رجعت شعرها وره ودانها بتوتر ./انت دخلت هنا ازاي .
معتز ./معايا نسخه من كل مفتاح . و متنسيش انا قولت ايه امبارح .
نور وقفت بضيق ./انت ايه يا بني ادم مبتحسش . قادر تفرض نفسك عليا و انت عارف اني مش طيقاك . قابلها علي نفسك ازاي .
معتز غمض عينه بغضب . و وقف قصادها ببرود . و سحبها من وسطها لحضنه . نور شهقت بخضه و هي بتبص عليه بتوتر . معتز دفن رأسه في رقبتها ./بتحبيني يا نور . بتحبيني زي ما انا كمان بحبك .
نور اتحركت بضيق بس هو كان رافض يسيبها ./مش بحبك يا معتز . بكرهك .
معتز رفع وشه بهدوء ./بصي في عيني و قولي كده يا نور .
نور بصت في عينه بتوتر و دموع . معتز ضغط على وسطها بغضب ./يلا قولي يا نور .
نور بعدت عنه بدموع ./ايوه بحبك . انت خليتني احبك .بس مش طيقاك مبقتش قادره اشوفك معتز اللي كان دايما جمبي . مش طايقه نفسي عشان حبيتك يا معتز . مش قادره اشوفك قدامي ارجوك افهم .
نور قعدت بانهيار علي السرير . /اسر كان كل حاجه في حياتي . كنت بحبه اوي حتي لما بعد و سافر و لما رجع كنت مصدقاه . في يوم و ليله صحيت علي كابوس و لقيتني بحب واحد كان متجوز و عايش حياته . بس انت صلحت كل ده . انت بقيت كل حاجه في حياتي يا معتز . كل حاجه معاك كان ليها احساس تاني . بس بس انت عملت اسوء منه . خونتني و انا معاك . قولتلي أن مفيش حاجه بينك و بين جومانه . بس انت كان في بينك و بينها حاجات و مش هي بس . ازاي قدرت تخدعني كده يا معتز ازاي .
معتز قعد قصادها بحزن ./مخونتكيش يا نور . والله العظيم ما خونتك . كل ده كان قبل ما اعرفك . نور انا عارف انك تستاهلي احسن مني .بس محدش هيقدر يحبك قدي . انا حبيتك بجد يا نور والله العظيم حبيتك بجد . و بعدت عن كل حاجه و عن حياتي القديمه عشانك . عشان اكون حد نضيف و يستاهلك . اتمنيت انك تدخلي حياتي من زمان اوي . يمكن مكنتش كل ده حصل . بس والله العظيم من يوم ما عرفتك و انا ماسح كل حاجه عن حياتي القديمه .
نور بصت عليه بدموع و قامت خدت هدومها من الدولاب و دخلت الحمام . معتز اتنهد بضيق و خد تليفونه و مشي .
____________________________________
مريم دخلت مكتب ادهم .
مريم وقفت قصاده بتوتر ./ ادهم انت كويس .
ادهم غمض عينه بضيق و اتكلم بهدوء ./اه يا مريم في حاجه .
مريم قربت منه بدموع ./هو انت زعلان مني .
ادهم بص عليها بتوهان ./ليه بتقولي كده .
مريم ./من ساعة ما صحيت و انت قاعد في مكتبك . حتي مردتش تفطر .
ادهم مسك ايديها بهدوء ./مريم انتي مش مضايقه من اللي حصل امبارح .
مريم هزت راسها بكسوف .
ادهم بص عليها بتقييم ./ليه يا مريم .
مريم بكسوف ./يعني دلوقتي احنا عايشين حياة عاديه و ده من حقك .
ادهم غمض عينه بحزن ./بس .
مريم هزت راسها بعدم فهم .
ادهم ابتسم بضيق و حرك أيده علي بطنها ./كلتي و لا لسه .
مريم هزت راسها برفض ./مردتش اكل عشان كنت فكراك زعلان مني .
ادهم بص عليها بهدوء ./خلاص اطلعي و انا هقول لـ داده عاليه تعملنا الاكل .
مريم هزت راسها بهدوء و مشت .
ادهم اتنهد بحزن ./فهمت غلط يا ادهم لما افتكرت أنها ممكن تحبك .
ادهم ضحك بسخرية .
_________________________________
جومانه فتحت الباب و بصت بسخرية علي معتز . جومانه دخلت و هي بتتكلم ./ مش المفروض صباحيتك انهارده يا عريس .
معتز قفل الباب و سحبها من شعرها بغضب . /حركاتك الزباله دي مش عليا . و يوم ما تفكري تعضي و تخربشي مش عليا و علي حياتي .
جومانه مسكت أيده اللي علي شعرها بوجع ./معتز سيب شعري في ايه .
معتز بغضب ./ قولتلك حركاتك دي مش عليا . اوعي تكوني مش عارفه ان انتي اللي كنتي بتبعتيلي البنات الزباله اللي شبهك و تخليهم يصوروني . انا كنت سايبك بمزاجي . انما حياتي و مراتي خط احمر يا جومانه انتي فاهمه .
جومانه بعدت عنه بغضب ./انت اللي بتقول كده . ده انت اللي كنت بتطلبني كل يوم . دي الناس كلها كان فاكرينه مخطوبين . انت اللي مسبتليش اختيار غير ده يا معتز .
معتز بسخرية ./و انا بردك اللي اقدر انهيلك حياتك في لحظه . مراتي كانت عارفه كل حاجه حصلت معايا زمان . و اللي انتي عملتيه منفعكيش بحاجه . خليكي في حالك و سبيني في حالي . انا مش عايز ائذيكي يا جومانه و لا ادوقك عذابي .
جومانه بصت عليه بتوتر و هو سبها و مشي .
________________________________________
فات اسبوع من غير احداث جديده . كل حاجه كانت زي ما هي .
مريم فضلت صاحيه في البلكونه مستنيه ادهم . لحد ما لمحته وصل و طلعت تشوفه .
مريم وقفت قصاد السلم بضيق . ادهم بص عليها و اتنهد بهدوء . مريم بضيق ./اتاخرت ليه يا ادهم .
ادهم دخل الاوضه و هو بيتكلم ./كان عندي شغل يا مريم .
مريم ./و الايام اللي فاتت كان شغل بردك .
ادهم بصلها بعدم فهم./قصدك ايه .
مريم ضحكت بسخرية ./اقصد انت نفسك . بقالك اسبوع بتيجي متأخر بعد ما بنام و اصحي الاقيك سايبلي رساله . ده حتي كشف الدكتوره المره اللي فاتت مجتش معايا .
ادهم اتنهد بهدوء . و راح ياخد هدومه من الدولاب . مريم راحت عنده بغضب ./ادهم هو في ايه . هو انت كل مره يحصل بينا حاجه هتفضل تعاملني المعامله دي .
ادهم بصلها بسخرية و متكلمش . مريم بضيق ./ادهم كلمني زي ما بكلمك .
ادهم بص عليها بعصبيه ./عايزه ايه يا مريم . في ايه تاني عايزه تقوليه .
مريم بغضب ./عايزه اعرف في ايه . و ليه من اخر مره كنا مع بعض فيها بتبعد عني . و متقوليش شغل انت بقالك اسبوع كده .
ادهم اتكلم بضيق ./عايزاني اعمل ايه . عايزاني انام جمبك و تكوني في حضني و انا شايف مراتي معايا عشان خاطر البيبي اللي في بطنك . اكون عايش معاكي و انا حاسس انك بتحاولي تمشي حياتك معايا عشان توفري حياه كويسه . طب و انا . انا فين من كل ده . انا لو كنت فضلت معاكي كل ده . كان علي امل انك تحبيني علي امل انك تشوفيني صح . بس مفيش اي حاجه اتغيرت يا مريم و لا اي حاجه .
مريم قربت منه بدموع ./بس انا مش قصدي كده . انا مش قصدي كل ده يا ادهم .
ادهم رجع بجمود ./انتي قصدك كده يا مريم . في كل مره كنت بقرب منك كنتي بتحسسيني بكده . بتمشي حياتك عشان تكون حياة طبيعيه . بس انتي مش عايزه كده يا مريم . و انا هعملك اللي انتي عايزاه .
مريم بصتله بعدم فهم ./يعني ايه يا ادهم .
ادهم غمض عينه بجمود ./يعني حتي لو كنت بحبك يا مريم بس مقبلش انك تعيشي معايا غصب عنك أو تكوني بتقربي مني عشان تديني حقوقي و خلاص . احنا هتفضل لحد ما تولدي يا مريم . و تقدري تعتبريني مش موجود . و بعد ما تولدي هطلقك . و اظن ابننا هتكون حياته كده احسن .
مريم بصتله بصدمه . و هو سحب هدومه بجمود و دخل الحمام .
______________________________________
نور كانت واقفه في المطبخ بشرود .
معتز جه من وراها و حضنها من ضهرها بتملك .
نور بصت عليه بضيق و بعدت بسرعه . معتز مسح علي وشه بضيق ./و بعدين يا نور . هنفضل لحد كده امتي .
نور بصتله بسخرية ./لحد ما تطلقني يا معتز .
معتز قرب منها برجاء ./كفايه يا نور كفايه . انا مبقتش قادر انام و انا حاسس انك شيفاني كده . نور والله العظيم ما حبيت غيرك و لا خونتك . انا معاكي أن كل ده غلط بس كل ده كان قبل ما اعرفك والله .
نور بصتله بهدوء و متكلمتش . معتز اتنهد بهدوء ./انا روحت لـ جومانه تاني يوم فرحنا .
نور بصت عليه بسخرية ./للدرجادي مش قادر علي بعدها .
معتز ابتسم بهدوء و طلع التليفون ./روحت عشان اثبتلك مع ان كان نفسي تصدقيني من غير إثبات .
معتز سمعها التسجيل و هو مسجل لكل حاجه حصلت بينهم .
نور بصت عليه بصدمه و دموع . معتز سحبها لحضنه بهدوء ./مش عايز منك اي حاجه . كفايه اني بقيت واثق انك مصدقاني .
نور بصت عليه بدموع و ندم و دخلت في حضنه بحب ./انا بحبك يا معتز .
معتز غمض عينه بفرحه و شالها بحب ./بحبك اكتر يا عيون معتز .
معتز نزلها علي السرير بهدوء و هو باصص في عينيها بحب . معتز قرب باسها بتعمق . و نور رفعت ايديها تقربه اكتر .
ووووو....
