رواية امتلكني بالاجبار الفصل الثامن والثلاثون
مريم فتحت عينيها بتعب و هي بتفتكر أن ادهم سابها و نام في اوضه تانيه .
مريم اتنهدت بهدوء و قامت عشان تشوفه . مريم دخلت الأوضه و سمعت صوت المايه في الحمام اتنهدت بهدوء لما اتاكدت أنه لسه هنا . ادهم خرج من الحمام و هو مش لابس التيشيرت . مريم نزلت راسها بكسوف . ادهم بص عليها بسخرية ./عايزه حاجه .
مريم فركت ايديها بتوتر ./ كنت عايزه اتكلم معاك .
ادهم اتحرك ببرود ./انا سيبتلك الاوضه عشان تكوني براحتك . و معتقدش أن في كلام تاني يا مريم .
مريم بصتله بخوف ./ادهم انا...
ادهم قاطعها بجمود ./ مريم انا هروح البس عشان اتاخرت علي الشركه .
مريم بصت عليه بدموع و مشت .
ادهم مسح علي وشه بضيق و خبط بايده علي الحيطه بغضب .
__________________________________
معتز كان صاحي و باصص علي نور بحب . نور فتحت عينيها بنوم و نزلت راسها بكسوف من نظرات معتز .
معتز باسها برقه ./صباح الخير يا حبيبتي .
نور دخلت في حضنه بكسوف ./صباح النور .
معتز حرك أيده علي شعرها ./ايه رايك نخرج انهارده .
نور ابتسمت بهدوء و هزت راسها .
معتز باس خدها بسرعه ./طب يلا قومي اجهزي علي بال ما اخد شاور .
معتز سبها و دخل الحمام . و هي بصت علي اثره بحب .
____________________________________
نوران بصت بضيق ./هنعمل ايه يا علي هنعمل ايه .
علي بغضب. /معرفش قولتلك كل حاجه راحت اي ورق كان معايا اختفي خلاص . مبقاش معايا دليل واحد ضده .
نوران بغضب ./هنسيبه كده بالساهل مستحيل لا . ادهم دمرلي حياتي يا علي دمرلي حياتي . مش هسيبه لحظه يتهني بـ اي حاجه .
علي هز راسه بضيق و فتح المسدج اللي جتله علي تليفونه . علي بص بصدمه ./مستحيل مستحيل .
نوران قرب منه بسرعه ./في ايه يا علي .
علي بغضب ./ابوكي اتجنن يا نوران .
نوران سحبت منه التليفون بصدمه ./مستحيل بابا يعمل كده .
علي بعصبية ./و اهو عمل . ابوكي اتجنن خلاص . كتب كل حاجه باسم ادهم . فاكر نفسه بيكفر علي ذنبه .
نوران اتنهدت بغضب ./خلاص اهدي خلينا نشوف هنعمل ايه .
علي اتكلم بغضب ./الورق ده مش لازم يوصل لـ ادهم . مش لازم انتي فاهمه حتي لو وصلت اني اقتل عمي يا نوران .
علي سبها بغضب . و نوران بصت عليه بصدمه و قلق . و حطت راسها بين أيديها بتفكير .
علي ركن العربيه قدام فيلا نصار . و دخل بسرعه مكتب نصار . و هو بيدور في كل ركن علي الورق بغضب و كره .
ادهم اتكلم بسخرية ./بتدور علي حاجه .
علي بلع ريقه بتوتر ./ انت بتعمل ايه هنا .
نصار حضن ادهم بندم ./ ادهم في بيته يا علي .
علي بغضب ./بيته ازاي . انت كبرت و خرفت . رايح تتنازل عن كل حاجه لـ ده . انت اكيد اتجننت.
ادهم وقف قصاده ببرود . / عارف يا علي . كنت بقول عليك ذكي دايما . بس انت طلعت غبي اوي . يعني مسجل لنفسك و انت بتعترف انك حاولت تقتل امي . مش بس كده مسجل لنفسك انك حاولت تقتلني . مخلي ورق تجارتك الحقيره هنا في البيت . اصلي نسيت اعرفك عاصم اعترف عليك . و قال كل حاجه . و قال إن الشحنات اللي كانت بتخرج من شركتك كانت بتكون فيها المخدرات اللي بتخبيها في اسم شركة عمك .
علي بصله بخوف . و ادهم ابتسم بنصر .
علي طلع المسدس بغضب بس البوليس كان دخل و قبض عليه . ادهم ابتسم بهدوء ./نسيت اقولك أن كل الورق و التسجيلات عند الحكومه .
علي بغضب ./مش هسيبك يا ادهم . والله ما هسيبك .
العساكر سحبوه بسرعه .
ادهم راح عند نصار بشكر ./شكرا انك ساعدتني أننا نخلص منه .
نصار بندم ./دي اقل حاجه اقدر اقدمهالك بعد اللي عملوه . و شكرا انك مجبتش سيرة بنتي . ده جميل مش هقدر أنساه .
ادهم ابتسم بهدوء و سلم عليه و مشي .
_______________________________________
فات اسبوع علي نفس الحال . ادهم كان بيدخل كل يوم يبص علي مريم اللي كانت بتحس بيه و يرجع اوضته . و نور و معتز اللي حياتهم بقت سعيده و كل حاجة كويسه .
_______________________________________
مريم اتنهدت بهدوء و هي بتبص علي قميصها قدام المرايا .
مريم اترعشت بخوف لما سمعت صوت عربيته . بس اتنهدت بتوتر . مريم لـ نفسها./ده الصح يا مريم ده الصح .
مريم قفلت النور عشان متاكده أن ادهم هيدخل يبص عليها زي كل يوم .
ادهم وقف قدام الباب بتردد و فتح الباب بهدوء .
ادهم فضل يبص عليها بس مكنتش شايف حاجه من الضلمه . ادهم دخل و قفل الباب وراه . مريم دخلت في حضنه بسرعه . /انا اسفه .
ادهم اتنهد بهدوء و حاول يتحرك بس هي كانت متمسكه بيه .
ادهم همس بهدوء . /هنور النور .
مريم بعدت بكسوف . و ادهم راح ولع النور بهدوء و بص عليها بصدمه و هو بيلعن نفسه في سره .
مريم قربت منه بكسوف ./ادهم .
ادهم فاق بتوتر . /ايه يا مريم .
مريم ضحكت عليه بهدوء و دخلت في حضنه و همست بكسوف ./انا بحبك يا ادهم .
ادهم غمض عينه و فتحها بسرعه و خرجها من حضنه بسرعه . /ايه يا مريم .
مريم ابتسمت عليه بهدوء . و همست قدام وشه ./بحبك يا ادهم . بحبك اوي .
ادهم بص عليها بتقييم . و ميل باسها بتعمق . ادهم بعد بسرعه و سحبها لحضنه و شالها . /وحشتيني اوي .
مريم لفت ايديها حوالين رقبته بكسوف ./و انت كمان .
ادهم نزلها علي السرير بتركيز و ميل باسها بشغف و بعدين...
_________________________________________
تاني يوم......
ادهم صحي و هو بيبص علي مريم بفرحه . ادهم حاول يصحيها بهدوء . ادهم اتنهد بضيق ./الحمل ده بقي يخليكي تنامي كتير اوي .
ادهم ميل يبوس كل أجزاء وشها بتلذذ . مريم فتحت عينيها بضيق . /ادهم .
ادهم بعد عنها و ابتسم بهدوء ./كل ده نوم يا حياتي .
مريم نزلت راسها بكسوف ./ معرفش يا ادهم بس بقيت انام كتير اوي .
ادهم دفن رأسه في رقبتها بتوهان ./ده من الحمل يا حبيبتي متخفيش .
مريم ابتسمت بهدوء . /ادهم ابعد .
ادهم رفع وشه بضيق ./تاني يا مريم .
مريم حركت أيديها علي وشه بدلع ./ في ايه بس .
ادهم بص عليها بهدوء . /بتحبيني بجد يا مريم .
مريم حاوطت وشه بايديها . /بحبك اوي يا ادهم . انت احن و اجمل راجل عيني شافته . و هتفضل اجمل حاجه حصلتلي .
ادهم بص في عينيها بحب . و ميل باسها بتعمق . مريم بادلته بكسوف . و بعدت عنه بهدوء ./ مش هتبطل قلة الأدب بتاعتك دي .
ادهم بحب ./مش قادر اصدق ان انتي معايا يا مريم . انتي اجمل حلم حلمته يا مريم .
مريم ابتسمت بكسوف . و ادهم باس خدها بحب . / هخلي داده عاليه تحضرلنا الفطار .
_______________________________________
ادهم اتحرك بضيق في المطبخ . و مريم كانت بتابعه من بعيد بضحك .
ادهم قرب منها بخبث ./فاكره بتهربي مني كده يعني . عزمتيهم عشان تهربي من ايدي.
مريم ضحكت بهدوء و حركت ايديها علي كتفه بدلع. /والله ابدا . انا لقيتك اجازه قولت اعزمهم عندنا .
ادهم حاوط وسطها بتملك ./طب و الغلبان اللي زي مصعبش عليكي في قرارك ده .
مريم ضحكت بهدوء ./خلاص يا ادهم متكبرش الموضوع و بعدين ما انا معاك هو انا هطير .
ادهم ميل يبوسها بس مريم حطت ايديها علي بوقه بضحك ./الباب بيخبط .
ادهم غمض عينه بضيق و ابتسم بتصنع ./يلا يا روحي يلا .
مريم ضحكت عليه بهدوء و مشت معاه . ادهم فتح الباب بهدوء . معتز دخل بمرح و معاه نور ./في ايه يا ادهم ساعه عشان تفتح و لا احنا جينا في وقت غلط .
ادهم ابتسم بتصنع و حضنه بسرعه و همس ./اهدي يا حبيبي اهدي .
نور حضنت مريم بحب . و مريم سحبتها معاها المطبخ .
معتز بص علي ادهم بتقييم./لا ده شكلك مش طايقني خالص . قطعنا عليك و لا اي .
ادهم ابتسم بهدوء ./ اتلم عشان دي ممكن مشوفهاش لمدة سنه لو سمعتك .
معتز وقف بمرح ./ايه رايك فيا و انا عريس .
ادهم ضحك عليه بهدوء ./بقيت تافهة اكتر يا حبيبي .
معتز قعد بفخر ./نور بردك بتقولي كده .
ادهم ضحك بهدوء . /طمني عملت ايه .
معتز اتنهد بهدوء ./كل حاجه تمام متقلقش .
ادهم ابتسم بهدوء .
عند نور .....
نور ابتسمت بهدوء . /طب اقعدي شويه و انا هكمل . يبنتي انتي حامل .
مريم ابتسمت بهدوء ./هتعمليلي زي ادهم . و بعدين الدكتورة قالت طول ما انا كويسه اتحرك عادي .
نور ابتسمت بقلة حيلة . /و حبيب خالتو ولد و لا بنت .
مريم ضحكت بهدوء ./الدكتوره قالت لسه مش عارفه تحدد نوعه ايه .
نور ابتسمت بهدوء . /مبسوطه يا مريم .
مريم هزت راسها بهدوء ./ يلا بينا نجهز الاطباق .
نور بقت تجهز معاها . و كملو اليوم كلهم سواء بين حب و ضحك و هزار .
____________________________________
فات اربع شهور من غير أي أحداث جديده . مريم و ادهم كانت حياتهم بتتطور يوم بعد يوم .. و نور مبقتش عارفه تتعامل في حياتها الجديده خصوصا بعد ما عرفت انها حامل بس معتز بيساعدها دايما . و ادهم بقي مضايق من غياب كاميليا معظم الوقت عشان فاطمه رافضه تسيبها .
___________________________________
مريم كانت واقفه في المطبخ بتعب . ادهم حضنها من ضهرها بحب و باس خدها ./اتاخرت عليكي بس غصب عني كان في شغل كتير .
مريم هزت راسها برفض و ابتسمت بتعب ./ ربنا معاك يا حبيبي .
ادهم لفها ليه بهدوء و حرك أيده علي بطنها ./كلها شهرين و حبيب قلب بابا ينور بالسلامه .
مريم ابتسمت بتعب ./هروح احضر العشاء .
ادهم هز راسه بهدوء . مريم مشت خطوتين و وقفت بتعب .ادهم قرب منها بشك ./مريم في حاجه .
مريم هزت راسها برفض . ادهم رفع وشها ليه بقلق ./اومال مالك يا مريم . حتي رجلك باين عليها وجعاكي .
مريم دموعها نزلت بتعب ./مش عارفه يا ادهم . حاسه اني تعبانه من الصبح .
ادهم قعدها علي الكرسي بسرعه ./تعبانه مالك يا مريم . و مكلمتنيش ليه .
مريم بعياط ./مش عارفه يا ادهم . وجع جامد اوي في بطني .
ادهم شالها بسرعه و حطها في العربيه و اتحرك بقلق .
ادهم وصل بسرعه المستشفي و شالها و دخلها لجوه بقلق و كانت فقدت الوعي . الدكتوره بعدته بسرعه . و هو وقف بقلق .
الدكتوره اتكلمت بسرعه ./لازم تولد دلوقتي .
ادهم بصدمه و خوف ./دلوقتي ازاي . ميعاد ولادتها لسه بدري .
الدكتوره ./اكتر من كده هيبقي في خطر عليها و علي اللي في بطنها . الجنين نزل من الرحم و لازم تولد دلوقتي .
ادهم وقف يبص عليها بخوف . و الدكتوره خدتها بسرعه .
بعد تلت ساعات . ادهم كان واقف قدام العمليات بخوف . الدكتوره خرجت بتعب و هي شايله البيبي ./مبروك يا استاذ ادهم .
ادهم خد منها البيبي بدموع و خوف ./طب مريم . مريم عامله ايه .
الدكتوره ابتسمت بهدوء ./متقلقش هي كويسه و نقلناها اوضه عاديه . هو بس الطفل لازم يدخل الحضانه عشان مولود بدري شويه .
ادهم هز راسه بهدوء و دخل لـ مريم .
بعد شويه مريم فاقت بتعب ./ادهم .
ادهم مسك ايديها بحب ./حمدالله على سلامتكم يا حبيبتي .
مريم فتحت عينيها بدموع ./انا ولدت يا ادهم .
ادهم حرك أيده علي خدها ./ولد زي القمر شبهك يا روحي . بس هو دلوقتي في الحضانه عشان مولود بدري شويه .
مريم اتعدلت بخوف ./ حضانه ليه يا ادهم ليه .
ادهم حضنها بحب ./ متخفيش يا حبيبتي ده بس عشان يطمنو علي صحته .
مريم بصتله بدموع ./ عايزه اشوفه يا ادهم .
ادهم هز راسه بهدوء و طلب من الممرضه تجيبه .
مريم خدته منها بدموع ./ ده صغير اوي يا ادهم .
ادهم ضحك عليها بهدوء ./يا حبيبتي ده عشان لسه مولود .
مريم باسته بفرحه ./هنسميه ايه يا ادهم .
ادهم ابتسم بهدوء ./ عز . ايه رايك .
مريم بصتله بفرحه و هزت راسها بدموع . الممرضه جت خدته منها . ادهم حرك أيده علي خدها بحب ./انا كلمت طنط فاطمه و عرفتها و هي صممت تجيلك .
مريم هزت راسها بتعب و رجعت دماغها لوره .
بعد شويه . فاطمه وصلت هي و كاميليا . ادهم كان قاعد جمب مريم و ماسك ايديها بحب . فاطمه قربت منهم و حضنتها بفرحه . /الف مبروك يحبايبي . ربنا يباركلكم فيه .
مريم ابتسمت بتعب ./الله يبارك فيكي يا خالتي . ..... كاميليا حضنت مريم بسرعه ./انا عايزه اشوفه دلوقتي .
ادهم ابتسم بفرحه ./خليت الممرضه تجبهلكم .
الممرضه دخلت و هي شايله عز . فاطمه خدته منه بفرحه و بصتله بدموع ./مشاء الله ربنا يحميه .
كاميليا بصت عليه بفرحه و باسته بحب ./اسمه ايه .
ادهم ابتسم بهدوء./سميناه عز . عجبك .
مريم بصت عليهم بفرحه .
كاميليا هزت راسها بفرحه . فاطمه قربت من مريم ./خدي شوفيه لو محتاج حاجه .
مريم خدته بفرحه . بس بصتله باستغراب . و بصت لـ ادهم بدموع ./ده مش ابني يا ادهم .
ادهم ./بتقولي ايه يا مريم .
مريم بدموع ./ده مش ابني . مش ده عز اللي كان معانا من شويه يا ادهم .
ادهم قرب منها بسرعه . و بص عليه بصدمه . و
ووووو...
