رواية العشق الوهمي الفصل الثالث
خذلتهم في اكتر من موقف واتخلت عنهم في اصعب لحظاتهم ،ريناد صحيت من النوم في مرة وكانت بتصرخ من الالم واتفزعت لما لقت لبسها عليه دم ،.
فضلت واقفه بصدمة وهي مش عارفه تعمل ايه ،جريت عند امها وهي بتعيط وفضلت تخبط عليها كذا مرة ولما فتحت فضلت تزعق ليها وقالت بغضب ،انتي غبية مش انا ماردتش عليكي من اول مرة يبقى تتزفتي وتفهمي اني مشغولة في حاجه مهمة ،اتنهدت بغيظ ،عموما خير عايزة ايه في وقت متأخر زي ده انطقي خلصيني؟ ،كانت جاحدة وعينها عليها غشاوة ،ماشفتش دموع بنتها ومفرقلهاش منظر انهيارها ،كل اللي قالته وقتها ببرود اعصاب ،مالك زعلانة وبترجفي ليه؟ ،.
البنت من ذهولها من الموقف ورد فعل امها أغمي عليها ووقعت في الأرض ،سيلا اتصدمت وصرخت وجنى وسليم صحيو على صوتها ،.
سليم جري عليها وفوقها وجنى لمحت منظر هدومها ،راحت همست لسيلا بصوت واطي وعرفتها بالظرف الجديد اللي جه لبنتها ،واتصدمت من كلامها لما نفخت بزهق ،اه مراهقة وبلوغ وهرمونات وقرف ،بصت لجنى باستنكار ،بقولك ابقي اتعاملي مع الموضوع ده وفهميها تتصرف ازاي لاني ماليش خلق اطبطب ،وبمنتهى القسوة اكتفت أنها يادوب فاقت وشافتها بتتكلم مع ابوها راحت لعندها وقالت بهدوء ،الف سلامة عليكي يا رينو ،حاولي ترتاحي وهتبقي تمام الصبح ،.
سليم باستنكار انتي مشهتخليكي معاها شويا؟ ،سيلا برفض ،لا طبعا انا مضغوطة وسايبة اجتماع مهم اون لاين ولازم ارجع اكمله ،بصلها بقرف وبعدين ودى عينه في حتة تانية ،سيلا اتغاظت منه وقالت بأمر لجنى ،اهتمي بيها واعملي المطلوب وخليكي نايمه معاها يمكن تحتاج حاجه ،جنى بطاعة حاضر ،سيلا راحت همست لجوزها عشان يسيب مساحة لبنته تظبط نفسها ،ساعتها فرح اوي وضمها وقال بحب الله رينو كبرت وهتبقى احلى عروسة ،البنت بارهاق مش فاهمة قصدك يا بابا ،.
جنى ردت بسرعة انا هفهمك كل حاجه ،سليم كره مراته وكان نفسه يرمي عليها اليمين في اللحظة دي بس حاول يهدى عشان ولاده ملهمش ذنب ،.
عدى من جنبها بصمت وعيونه بتوجه ليها سيهام من نار ،سيلا هزت دماغها بلا مبالاة وخرجت معاه من غير اي كلام ،اما ريناد فبمجرد ما أهلها انسحبو انهارت من العياط ،.
كلام امها بيدور في دماغها ،قسوة قلبها وعيونها وهي بتزعقلها قطعو في روحها ،جنى فضلت تهدي فيها وفهمتها الموضوع بسهولة وبحنان اخدتها وظبطت ليها الدنيا وبعدها شربتها يانسون وعطتها مسكن وسهرت معاها لحد ما نامت ،.
ده غير مواقف كتير تانية مثلا في وقت كانت البنت مشتتة وغياب امها مآثر عليها اتعرفت على كام بنت مش تمام وكانو عايزينها تصاحب شباب وتعمل أخطاء بعيدة عن اخلاقها وتربيتها ،.
كانت مشقادرة تاخد قرار ،مشاعرها مذبذبة وكانت اول مرة تحس انها عايزة تقرب من العالم ده يمكن تنسى اللي حاسة بيه من امها ،بس هي راجعت نفسها وقررت تحكي ليها ولما طلبت منها يقعدوا سوى ،ردت بفتور وهي باصة في الفون ،معلش ياقلبي خلي بابا أو جنى ينفذو اللي انتي عايزاه لاني مشغولة عشان مسافرة بكره ،.
ريناد برجاء بس انا مخنوقة ونفسي اتكلم معاكي يا ماما معقول اهون عليكي؟ ،بعدين انتي هتسافري وتسيبينا؟ ،.
سيلا بعصبية عشان مشعايزة تسمع اي حاجه ضد قناعاتها ،بقولك ايه انا مشبلعب وعندي شغل ،.
كملت بتهكم ولا مشبتهوني ولا حاجه ،مانا جبت جنى مخصوص عشان تقوم بدوري فأظن بقى تبطلي زن وتروحي تخليها تنفذلك اللي عايزاه ،تتكلم معاكي تفسحك تذاكرلك مشمشكلتي صراحة ،.
ريناد اتجمدت من الصدمة ،مستحيل دي تكون امها ،دي ست معندهاش ضمير ،.
ماقدرتش تنطق بحرف ومشيت واقسمت أنها لو بتموت مشهتلجء ليها ابدا ،.
وحكت لجنى وفعلا احتوتها وهدتها للطريق الصحيح وبسببها بعدت عن اصحاب السوء دول وبقت تركز بس في مذاكرتها وخلاص ، ومن وقتها اعتبرت جنى صاحبتها وبقت بتحكيلها كل حاجه بتحصل ليها بالتفصيل ،بقت بتطلب منها تحضر اي اجتماع خاص بالمدرسة ،لو عندها حفلة عيد ام بتخليها تحضر معاها ،مش بس هي ،زياد بردو اتعلق بيها وبقت ليه كل حاجة ،.
ريناد لوهلة اتمنت أنها تبقى مكان امها ومكانتش بتحس بالندم لو داهمها شعور زي ده ،حتى اياد كان ليه نصيب من جحودها ،في مرة وقع واتكسر دراعه وجنى اخدته المستشفى وعملو له اللازم ولما كلمت سيلا يادوب جات بصت عليه ومشيت على طول ،.
وزياد اتخانق مع صاحبه وجه وكان مرعوب واتمنى تاخده في حضنها وتطمنه ،لقاها نادت على جنى وقالت بضيق اوووووووف انا مشناقصة اتعاملي معاه ،ومشيت ومابصتش وراها ،.
جنى كانت مذهولة من كل تصرف غريب بيصدر منها وقررت في الوقت ده تلعب على نقاط محددة وهتسعى توصل للي في دماغها باي شكل ،السكة مفتوحة ومشلازم تفوت فرصة زي دي ابدا مهما كلفها الأمر🤩 .سيلا قاعدة في مكتبها سرحانة ومشمركزة خالص في الورق اللي اصادها ،.
وفجءة لقت اختها بتخبط عليها ودخلت ،استغربت أنها جات وده عشان هي شغالة من فترة وعمرها ما فكرت تيجيليها ،.
ابتسمت بهدوء ورحبت بيها وقالت بتساؤل مرح ،ايه اللي جابك هنا يا بنت وليه معرفتنيش عشان افرش المكان ورد؟.
،ليلى بثبات مافيش يا قمري حسيت أن سيادتك مبقتيش بتيجي عندنا خالص قلت اروح اشوف ايه الشغل ده اللي واخدك مننا ،.
سيلا ابتسمت بحب ،محدش ولا اي حاجه ينفع تبعدني عنكو يا لولي." ،اتنهدت بتعب وقالت بتوضيح ،كل الحكاية اني بقيت من أهم الموظفين في الشركة وده عشان شطارتي وكفاءتي. ،كملت بتفاخر لدرجة أن المدير بقى بيسفرني معاه اي مكان من كتر ثقته فيا ،.
ضحكت بمرح ده بيقولي اني شكلي هاخد منصب المدير التنفيذي قريب لو فضلت بنفس اجتهادي ،.
ليلى ضحكت بعدم تصديق وااو مش ممكن برافو عليكي انا فرحانة بيكي اوي وعايزاكي تطوري من نفسك اكتر ،خلي طموحك فوق في العالي وماتسمحيش لمخلوق يهد احلامك ،سيلا بتفكير ،بس ولادي مبقتش بهتم بيهم خالص ،ده انا تقريبا مابشفهمش الا كل كام يوم ،.
سكتت شويا وقالت بتيه وارتباك ،وحتى سليم علاقتي بيه شبه انتهت ،.
بصت لأختها باستنجاد ،قوليلي انا غلطت لما فكرت اسمع كلامك واشتغل؟.
،ليلى قعدت جنبها وقالت بنفي قاطع ،بالعكس يا سيلا ده انسب قرار اخدتيه طول حياتك ،وزي ما قلتلك ،سليم بيكره ليكي الخير ،ايوا ماتبصليش اوي كدا. ،تفتكري لو كان عايزك تنجحي كان فضل يحاربك ويسمعك كل الكلام القاسي اللي قالو ليكي؟ ،لو بيحبك بجد كان وقف في وشك وسمح لنفسه يقلل من قيمتك ويبقى عايزك تقعدي تخدميه وتفني حياتك مع ولاده!". ،سكتت لحظات عشان تخلي اختها تستوعب كلامها وقالت بدعم ،انتي صح وياريت تبطلي التردد ده وتكملي في طريقك اللي انا شجعتك عليه ،وياستي بالنسبة للعيال فاحنا مطمئنين عليهم مع بنت أمينة وهما بقو بيعشقوها ،.
سيلا كانت مقتنعة بكل ده بس حبت تسمع من حد بتثق فيه ،.
وطبعا مافيش غير اختها اللي مشهتتمنى ليها غير كل خير. ،اخدت نفس طويل وقالت بارتياح وغطت على صوت ضميرها وقضت على اي شعور بالذنب ممكن تكون حست بيه تجاه ولادها ولو بالغلط ،.
ايوا انا صح وشملت المكان من حواليها وهزت دماغها برفض ،مستحيل ارجع لنقطة الصفر تاني ،وبكل اسف فضلت مكملة في اللي هي بتعمله ،.
وفي مرة جنى كلمتها عشان جوزها تعب في الشغل ونقلوه المستشفى وطلبت منها تروحله ،ردت بكل جحود معلش اتعاملي انتي لحد ما ارجع لاني مشغولة دلوقتي سلام ،.
جنى فعلا راحت قعدت معاه واهتمت بكل حاجة تخصه ،ومراته يادوب جات اطمنت وعملت الواجب وقالت بسرعة ،انا مسافرة وهقعد شهر في المانيا وعندي ميعاد طيارة كمان ساعتين ،خدي بالك يا جنى كالعادة مشهوصيكي ولما سليم يفوق من دور الحمة ده ابقي اشرحليه الموضوع ،جنى بعملية ماهي اتعودت على كدا ،حاضر يا فندم تسافري بألف سلامة ومتخافيش انا هتعامل ،.
مشيت بكل ثبات ،سليم ماتفاجءش لما عرف ،بالعكس ده يمكن كان يستغرب لو صدر منها رد فعل مختلف ،جنى فضلت جانبه ليل مع نهار ،مافرقتهوش لحظة. ،بقت زي ظله حرفيا. ،بتهتم بادويته وباكله وشربه. ،بتحاول تهون عليه بهزارها ودمها الخفيف ،بتتكلم معاه في مواضيع مختلفه عشان مايحسش بملل طول إجازة مرضه ،.
كانت بتقعد معاه لوحدهم معظم الوقت بحكم أن العيال في المدرسة ولما بيرجعو بتعمل ليهم جو جميل وبتعوضهم عن حرمانهم من امهم ،.
سليم في الوقت ده كان مشتت ومشعارف يعمل ايه ،هو اول ما جات البنت دي في البيت كان مابيحتكش بيها ابدا ،بيتعامل معاها في أضيق الحدود ،بيصدها ومابيدهاش وش ،.
كان بيفضل لوحده طول ماهي قاعدة مع الولاد ،بيبقى سامع ضحكهم وهزارهم وبيكون نفسه يخرج ويحس بإحساس الانس اللي افتقده من زمان لكن بيتراجع فورا ،.
بس حاليا مبقاش قادر يتجاهل كل الحب والحنان والاحتواء اللي جنى بتقدمهم ليه ،دي بتهتم بادق تفاصيله ،بتستقبله باجمل وارق ابتسامة ،بتحس بيه من غير ما ينطق ،بتفهم طلبه من نظرة عينه ،غصب عنه سمح لنفسه يتأمل فيها ويدقق في ملامحها ،.
كانت جميلة اوي وعيونها تخطف قلب اللي يغرق فيها ،شعرها طويل ولونه يسحر ماهي مش محجبة وبتفرده اغلب الوقت ،.
اما جنى فكانت بتستغل كل ده كويس اوي ،بقت بتتعمد تغريه بطرق كتير ،بتقعد بلبس بيتي مقفول بس خفيف ،بتتكلم معاه في اي وكل حاجه ،بطلت تاخد اي اجازات عشان تفضل اصاده ،.
اي فسحة بتتحايل عليه يروح معاهم وعشان يوافق بتزق العيال عليه ،هو أساسا بمجرد ما خرج معاهم اول مرة حب الموضوع جدا وبقى بيسعى يفضي وقت للخروج ،.
وبمرور الوقت اتعلقو ببعض جدا ،سليم حبها وفرح باهتمامها بيه ماهي جاتله في اكتر فترة ضايع وموجوع من مراته ،.
هي كمان عشقته واقسمت أنها هتعمل المستحيل عشان يبقى ليها ،ده راجل مافيش منه ومشسهل يتعوض ،.
قررت أنها تلمحله عن حبها ليه ،واستغلت يوم العيال كانو في رحلة. وطلبت منه يجي بدري من الشغل عشان يقعدو سوى ،.
سليم استغرب شويا بس اتحمس وفعلا وصل البيت بدري ولما فتح اتصدم من كتلة الجمال اللي اصاده ،.
همس بإعجاب ايه القمر ده ،جنى برقة ميرسي يا باش مهندس ،سليم قفل الباب وقرب منها بحب ،مش آن الأوان انك تشيلي اللقب الرخم ده بقى؟.
،ضحكت بخجل ،لو حابب ابطله هعمل كدا ،اخد نفس طويل وحاول يبقى ثابت ،احم قولي سليم بس ماشي ،.
همست بكسوف ،حاضر يا سليم ،كان نفسه يقول كتير ويعبر عن مشاعره اللي ملت قلبه وغزت روحه ،فضل سرحان فيها وهو باصص جوى عيونها بتوهان وقال بهيام ،جنى انتي حلوة اوي ووجودك اصادي بقى خطير عليا ،.
جنى فرحت اوي وقررت انها تأجل اي حاجه لحد ما يتغدو الاول.
،وقالت بهدوء ،طيب اتفضل غير وانا هجهز الاكل ،بصتله بحماس ، انا عملتلك كل اللي بتحبه ،واوعدك أن انهارده هيكون مختلف ،.
سليم اتنهد براحة عشان هترحمه وهيبعد عن كل الشحنات الغريبة دي ،وبعد فترة اكلو سوى وطلب منها قهوة ،ولما جات بيها طلب منها تقعد جنبه ،جنى بسعادة حاضر ،.
كانت بتبصله بعشق واتمنت أنه يكون فعلا حاسس بمشاعرها ،.
سليم بابتسامة ،الاصناف كلها تجنن تسلم ايدك ،قعدت باسترخاء وقالت بسعادة الف هنا ،قرب منها شويا وقال بتساؤل ،جنى ممكن تحكيلي عنك ،انا مستغرب انك معانا من زمان ومعرفش حاجه تخصك خالص ،.
ضحكت بمرح ،ماهي مجاتش مناسبة احكيلك ،سليم بفضول ،طب ياستي اديني اهو سالتك وجه الوقت تتكلمي ،.
جنى اخدت نفس طويل وبدءت حكايتها ،انا اسمي جنى احمد المنصوري ،.
عندي ٣٠ سنة ،حياتي عادية جدا اتخرجت من رياض اطفال واخدت كورسات كتير في التدبير المنزلي ورعاية الطفل ،.
اشتغلت كتير في المجال وبقيت خبرة فيه ،قابلت حد كويس واتخطبنا فترة وقبل كتب الكتاب ،طلب مني واحنا بنجهز الشهادات الصحية نعمل تحاليل عشان نشوف هنخلف ولا لا ،.
دموعها نزلت بقهر وكملت بوجع ،انا وقتها عادي وافقت اهو مجرد إجراء احترازي وخلاص ،.
عملناها واكتشفت الكارثة لما ظهر في النتيجة اني مستحيل اخلف ،.
انهارت اكتر وكملت بصوت متقطع ،انا ساعتها زي ما اكون حد ضربني بشومة على دماغي من الصدمة ،ولما هديت عملت اشاعات كتير ولفيت على كل دكاترة مصر وكلهم اكدو اني عقيمة ومستحيل اقدر احمل ،.
خطيبي ماستناش لحظة وفسخ الخطوبة ورمى الدبلة في وشي جوى عيادة اخر دكتور رحنا ليه ،.
ماهو أصر يشوف كل الاشاعات ويسمع كلام الدكاترة بودانه. ،فاكرة ملامحه ساعتها قالي بكل وقاحة ،جنى انا مش هقدر اكمل معاكي وصراحة انا عايز اجيب اطفال ،وانتي هتبقي عبء تقيل انا معنديش أدنى استعداد اني اتحمله ،ومشندمان ولا هعتذر ليكي على كلامي ،بالعكس انا كنت صريح وقلتلك اللي لازم تسمعيه ،روحي وربنا يسهلك وتلاقي واحد يرضى بعيبك ،اتمنى ماشوفكيش تاني في حياتي ،اتنهدت بوجع ،بعدها قفلت على نفسي ونسيت موضوع الجواز خالص ،.
واهو اديني بشتغل عندكو بقالي مدة ،وبس دي كل قصتي ،.
سليم كان مذهول من اللي سمعه ،معرفش يواسيها بايه ،قال بزعل ،بصي اكيد ده خير ليكي ،وربنا ليه حكمة يوريكي معدن الراجل الواطي ده ،.
اما موضوع الخلفة فإنتي متحرمتيش ولا حاجة يا جنى ،بصتله بعدم فهم فكمل بتوضيح ،ايوا ،عشان انتي بقيتي ام لولاد بيحبوكي من قلوبهم وكنتي احسن من امهم اللي فرطت فيهم ،حبتيهم بصدق وغرقتيهم بحنانك ،كنتي احن عليهم منها ،.
كمل بتعجب ،الدنيا دي غريبة اوي ،.
واحدة زيك تبقى محرومة من مشاعر الأمومة ،فربنا يسبب الأسباب وتيجي عشان تكملي اللي ناقص عندك وفي نفس التوقيت ،بنشوف ام ربنا من عليها بتلات اطفال زي الورد وهي بتتخلى عنهم بمنتهى الجحود والأنانية ،.
جنى بصدق وحب كبير ،انا روحي في الولاد واعتبرتهم جزء مني ،.
سليم بص في عيونها وقال بمكر ،طب وانا ياترى ايه شعورك تجاهي؟.
،جنى بابتسامة يعني مشهتزعل لو اعترفتلك؟
،سليم بسرعة مسك أيدها لاول مرة وسط ارتباكها وتوتره وقال بنفي ،لا خالص." ،اعتقد أن مشاعرنا واضحة لبعض من زمان لكن محتاجين نبوح بيها بلساننا عشان نحط النقط على الحروف ،.
جنى اتنهدت بصوت عالي وهمست برقة ،عندك حق وانا مشهخجل منك وهقولك اني بحبك اوي يا سليم ،.
عشقت كل حاجة فيك ،.
حبك لولادك واهتمامك بيهم. ،صبرك على تصرفات مراتك اللي مافيش مخلوق يتحملها.
،حبيت شهامتك مع أهلها رغم كل الاسباب اللي تخليك تكرههم ،عشقت رجولتك وحنانك على الصغير قبل الكبير . ،انت راجل عظيم يا سليم وبجد اللي يبقى في دايرتك بيكسب كتير اوي ،.
انا مشندمانة اني حبيتك رغم انك متجوز ،هي استغنت عنك ورمتك بطول دراعها ،مع انك قدمت ليها كل حاجه وكانت عايشه معاك ملكة متوجة.
،انا بشكرها من كل قلبي عشان انا استاهلك وهي لا ،.
سليم بذهول ،انتي بتفكري بالشكل ده من امتا؟
،قامت وقربت من كرسيه وهمست بدلع من اول ما عشقتك ياروحي ،سليم انت كنز غالي اوي وانا سعيدة اني عرفتك ،.
سليم ضمها عليه وهو باصص جوى عيونها بحب وهمس بفرح من كلامها ومدحها فيه. ،انا كمان بحبك اوي وعايز اكمل حياتي معاكي قلتي ايه؟ ،.
جنى حطت دماغها على كتفه باستسلام وهمست بعذوبة ،موافقة على اي شيء تؤمرني بيه ،.
سليم مسك وشها بين أيده ولمح استجابة لتصرف معين باين في عيونه ،.
قرب منها وهو لاغي عقله تماما ،هو ماشفش غير جمالها اللي طير عقله وبس وهي استسلمت ليه بكل جوارحها 🤍ليلى في بيتها بتكلم اختها وهي مسافرة فقالت بهزار ،ايوا بقى على الناس اللي بتلف العالم ،يابختك عمالة تشوفي اماكن مختلفه كل شويا ،
سيلا بضحك والله بشتغل طول الوقت ومعنديش دقيقة لاي حاجة تانية ،كملت بتساؤل ،قوليلي يا لولو بتشوفي الولاد؟ ،
ليلى بإنكار لا خالص مشبيجو عندنا مانتي عارفه ،بس ماما راحت تشوفهم في بيتك البنت الشغالة قالت إنهم نايمين ،بس صراحة يا سيلو شكلها قربت منهم اوي ،دي ماما بتحكيلي أن اياد صحي مفزوع ولما راحت تجيبه وتسكته فضل يصرخ ومرضيش يسكت غير لما جنى دي اخدته ،مع انك عارفه هو كان بيحب ماما اد ايه ومتعلق بيها ،
سيلا باستغراب يااه ده بجد ،بس عادي ده طبيعي على فكرة ،هي معاه طول الوقت ومشبيشوف غيرها ،ليلى بتأكيد صح عندك حق ،وقالت بثبات انا هقفل وانتي حاولي تنامي ،
سيلا بحب حاضر ياقلبي ،وبمجرد ما حطت الفون لقت الباب بيخبط ،استغربت شويا بس راحت تفتح ،واتفاجءت بالمدير اصادها ،سالت بتعجب خير يا فندم في حاجة ،،ابتسم بغموض وقال بكذب ،مافيش انا بس حسيت بزهق ومكانش جايلي نوم فقلت اجي نقعد سوى شويا ،
سيلا باستنكار بس حضرتك عمرك ما فكرت تقعد معايا غير لو هنشتغل ودلوقتي الاجتماعات انتهت وبقينا في نص الليل ،بصلها شويا وهو ساكت بعدها زقها بعنف ودخل وقفل الباب ،
سيلا شهقت بصدمة ولسه هتصرخ لقته كتم بوقها بايده وهمس بغضب ،اوعي تخرجي صوت ،انا هاشيل ايدي لو سمعت نفسك مشهتفاهم معاكي وهنفذ اللي في دماغي ،
سيلا برعب هزت دماغها بموافقة ولما بعد زعقت بحدة ،ممكن افهم ايه اللي حصل ده وازاي تتهجم عليا وتدخل أوضتي بالطريقة دي؟
،قرب منها وقال بخبث ،تفتكري واحد هيجي لست قمر في اخر الليل عشان ايه ،سيلا بصدمة انت اكيد مجنون ولو ماخرجتش هبلغ أمن الفندق يتعاملو معاك ،
شدها بقوة وهمس بجنون انا هعمل كل اللي تحبيه ،هخليكي تبقي مديرة الفرع كله بس خليني اقضي وقت معاكي ،زقته وقالت بعياط اخرس يا حيوان انا هوديك في داهية ومشعايزة اشتغل معاك تاني ،
ضربها على وشها وقال بغضب تفتكري انا باخد رايك انا بعرفك وكدا أو كدا هعمل اللي انا عايزه ،سيلا حطت أيدها مكان الكف ودموعها نازلة مطر من عيونها ،
همست برجاء عشان خاطري ابعد عني ،زعق بصوت عالي ،تفتكري انا شغلتك عندي كل الوقت ده ليه اكيد مش عشان كلام الانشا اللي سمعتهولك يوم ما جيتي تشتغلي ،بصتله بعدم فهم فقال بسخرية ،انتي زيك زي غيرك ، مؤهلاتك ماتختلفش كتير عن مؤهلات الف بنت زيك ،
فوقي يا سيلا انتي مشمميزة ولا خارقة على فكرة ،في احسن منك الف مرة ،وانا كنت بسفرك معايا عشان احاول الاقي فرصة استغلك فيها مش اكتر ،انما شغلك مش واو ولا يخليكي تكوني في مكانتك دي ،انا اللي رفعتك بسرعة الصاروخ لهدف معين ،
سكت لحظات وقال بمكر ،ولو جردتك من كل الامتيازات اللي عطتهالك هترجعي نكرة زي مانتي ،
سيلا بذهول وعدم تصديق ،يعني ايه تعبي ده كله راح في الهوا ،ده انا اتخليت عن ولادي وجوزي وكل حاجه عشان اوصل اني ابقى اكبر سيدة أعمال ،
ضحك بشر وقال بسخرية والله مشمشكلتي انك واطية وبعتي الغالي بالرخيص ودلوقتي كفاية رغي وخلينا ننجز عشان الظروف مشفي صالحنا ،
سيلا بعصبية مسكت دماغه رزعتها في الحيطة ،اتالم وفي لحظة هجم عليها وسط صراخها وفضل يضرب فيها وهي تقاومه بعزم ما فيها لحد ما في ناس سمعو صراخها ونادو الأمن وكسرو الباب ،ولحسن الحظ لحقوها من أيده بالعافية ،راحت المستشفى وعالجو الكدمات اللي في جسمها والمدير دخل الحبس ،
