رواية تحت التهديد الفصل الثالث بقلم ليل ادم
عم طارق: تسلم ايدك يا عم حسن الاكل ذاي العسل والله
عم حسن: تسلم ياعم طارق كله من خيرك يا معلم ودائما مجمعنا في الخير والفرح يارب
عم طارق:اللهم امين بس بلاش معلم دي ياعم حسن ما انت عارف مش بحبها
صقر : مع انك معلم ياعم طارق
عم طارق: (ابتسم ل صقر وطبطب على كتفه وقام وقف ) عبال عندكم جميعاً يا رجاله
في جانب آخر
سمر : يعني اي هو افترا يا أتنازل عن كل حاجه يا تاخد مني ابني
ناجح غنام : بالظبط هو افترا
سمر : تمام وأنا مش عايزه اعيش معاك مش بحبك يا اخي طلقني وسبلي العفش بتاعي مش عايزه حاجه منك
ناجح غنام: لا يابنت -------- ولا عفش ولا ابنك وهضربك كمان ( وفعلاً مسك مراته ضربها ضرب مبرح )
في جانب آخر
علاء: أنا همشي أنا بقا ياعم طارق عايز مني حاجه
عم طارق: بدري كده يا دكتور ينفع يعني
علاء: لا عندي نبطشيه ليليه والله يا عم طارق
عم طارق: خلاص يا حبيبي محتاج حاجه طب متتكسفش انت ابني
علاء: ربنا يخليك يا عم طارق تمام والله
عم طارق: مع السلامه يا حبيبي
في جانب آخر
سمر : والله ل اروح ل عم طارق يجبلي حقي منك انت متحامي في عائلتك علشان أنا ابويا مش هيعرف يعمل معاكم حاجه
ناجح غنام: روحي للي رجلك تبعتك عليه هو أنا هخاف يابنت الكلب (وضربها بالقلم)
سمر: منك لله يا بعيد في راجل يضرب مراته كده
ناجح غنام: أنا داخل انام لو سمعت صوتك انتي حره (ودخل غرفته سمع صوت الباب بيفتح خرج جري كانت نزلت سمر من البيت طلع تليفونه ) ألو
غنام : اي يا ناجح
ناجح : انت فين يابا
غنام : في البيت في اي
ناجح : لم اخوتي كلهم والرجاله كلها البت سمر بنت الكلب راحت تشكيني ل طارق منصور
غنام : ليه انت عملت اي ضربتها تاني صح
ناجح : اللي حصل بقا يابا
غنام : انزل عندي حالا تعالا قبل ما توصل ل طارق
ناجح : حاضر يابا حاضر
في جانب آخر
سمر : ( شايله ابنها وبتجري حافيه وقعت على الأرض قصاد عم طارق )
عم طارق : ( شد سمر ) في اي مالك
سمر : والنبي يا عم طارق جوزي بيجري ورايا عايز ياخد ابني مني ونازل ضرب فيا
عم طارق: هو اللي ضربك كده
سمر : اه والله منه لله
عم طارق: اهدي خلاص انتي معايا
خد يا سويقه
سويقه : نعم يا عم طارق
عم طارق: خد اختك طلعها ل ست عائشه قولها خليها عندك لحد ما ارجع
سويقه : تحت امرك يا عم طارق
عم طارق: اطلعي مع اخوكي
سمر : والنبي يا عم طارق ما تسبني أنا ابويا راجل غلبان ومش حمل حاجه
عم طارق: أنا ابوكي جوزك اسمه اي
سمر : ناجح غنام
عم طارق: ابن غنام
سمر: هو
عم طارق: خدها يا سويقه على البيت
ولسه هيروح منزل غنام لقي الشارع كله ماشي ورا منه
عم طارق: معلش يا رجاله كل واحد مكانه أنا سمعت من طرف اروح اسمع من التاني أنا راجل بتاع حل مش بتاع افترا
رجع الجميع مكانه
وراح عم طارق منزل عائله غنام
عم طارق: محمد يا غنام
غنام : عم طارق عامل اي
عم طارق : الحمد لله يا محمد يا غنام لو في حريم لم الدنيا علشان عندي كلام مع ابنك ناجح
غنام : خش ياعم طارق تعاله
عم طارق: متجمعين عند النبي
غنام : خير يا عم طارق
عم طارق: بنتي جت مضروبه وبتقول أن ابنك عايز ياخد ابنها منها وتهديد وشغل قله قيمه الكلام ده صح ولا غلط يا ناجح
ناجح : بنتك مين ياعم طارق أنا مالي ومال بنت حضرتك
عم طارق: لا يا ناجح أنا مش جاي اخد و ادي انت عارف أن الكلام علي مراتك خليك دوغري علشان مزعلش منك
غنام : في اي ياعم طارق بس
سيد غنام : هو بيتكم كده ليه يابا
عم طارق : ( بص ل سيد غنام وبصوت عالي) أطلع بره ياض
سيد غنام: بتطردني من بيتي
عم طارق: خلاص أنا اللي خارج يا محمد يا غنام
محمد غنام : لا والله ابدا اطلع بره ياسيد وخد اخوتك كلها معاك
عم طارق: (بصوت عالي) بره ياض
خرج سيد غنام ومعاه إخوته واصحابهم وفضل ناجح غنام ومعاه أبوه بس
عم طارق: ربي عيالك يا غنام
محمد غنام : حقك عليا يا عم طارق
عم طارق: ضربت البت الضرب ده كله ليه مش عايزها طلقها ولا أنا غلطان يا محمد
محمد غنام : من الاخر يا عم طارق هو فعلاً مش عايز البت بس هو عايزها تتنازل ويطلق
عم طارق: خلاص ماشي مفيش مانع تاخد حاجتها وتتنازل وتطلق وتصرف علي ابنك وهيا في بيت أبوها
ناجح غنام: لا ياعم طارق تاخد حاجه اي
عم طارق: عفشها
ناجح غنام: مش هينفع معلش يا عم طارق
عم طارق: (قام وقف ) مش هينفع دي لو أنا باخد رايك أنا بقول اللي هيحصل عرفت الفرق ولا لسه
محمد غنام: مالك بس ياعم طارق شادد على عيالي ليه كده
عم طارق: علشان عيال مش رجاله واحد بيقولي بتتكلم كده ليه والتاني يقولي مش هينفع أنا لولا بحب اللمه اللي انت فيها كنت خدتهم معايا يامحمد يا غنام بس مش عايز احرق قلبك عليهم
محمد غنام: ياعم طارق اي بس الكلام ده
عم طارق: ( بصوت عالي) محمد يا غنام بكره العصر الموضوع يكون منتهي المحامي والماذون هيكونوا تحت بيتي في وسط الشارع بعد صلاة العصر لو ربط حد من عيالك دماغه على كلامي هاجي المغرب اخد دماغه من على كتفه وسط اخواته سلام ( وخرج من البيت متجه الي منزله )
ناجح غنام: اذاي بس تسكت يابا هو احنا قليلين في المنطقة احنا ولاد غنام
سيد غنام : انت كسرتنا يابا قصاد طارق منصور
محمد غنام: مش عايز كلام تاني خلاص بكره العصر تاخد حاجتها
ناجح غنام: أنا مش رايح يابا ويحصل اللي يحصل بنت الكلب دي مش هتاخد مني كرسي عافيه
في جانب آخر
عم طارق: هيا فين البت يا عائشه
عائشه: دخلتها اوضه الضيوف البت يعيني متقطعه ده كلب لايمكن يكون راجل
عم طارق: ربنا يعديها بكره على خير يا عائشه علشان أنا طول عمري بكره بيت غنام وخايف كرهي معاهم يسبق شهادة حق ربنا حطها على لساني
عائشه: لا يا طارق انت طول عمرك تعرف الحق وملكش غيره اوعا تعمل اي حاجه ساعه غضب تشيل ذنبها طول عمرك
عم طارق: خليها على الله يا عائشه بكره بعد العصر الواد جاي يطلق البت وهتاخد العفش وابنها ويصرف على ابنه وتعيش في بيت أبوها
عائشه: وهيا كانت بتتكلم معايا مش عايزه غير كده
عم طارق: علشان ده حق ربنا ولا ظالم البت ولا ظالم ابن غنام
عائشه: ربنا يعينك على خدمه الناس يا ابن الأصول
عم طارق: ربنا يخليكي يا عيوشه
في اليوم التالي وبعد صلاة العصر كان الجميع في الموعد إلا ناجح غنام
عم طارق: اقعد يا عم محمد
محمد غنام: تسلم يا عم طارق هيا البت فين
عم طارق: في بيتي لما نجهز ونعطل عليها هتنزل ابنك فين
محمد غنام: ها
عم طارق: ابنك
محمد غنام: جاي يا عم طارق جاي
وبعد وصول المأذون والمحامي ومر اكتر من ساعه وسط لمه اهل المنطقة كعاده عم طارق لحل اي مشكله
عم طارق: محمد يا غنام ابنك جاي ولا اروح اجيبه.
محمد غنام: عمال اتصل عليه مش عايز يرد عليا ياعم طارق اديله بس كمان عشر دقائق أن شاء الله يكون جه
عم طارق: لا معلش يا عم محمد لجل حظ ابنك انك جيت قعدت إلا ما كنت قدرت البيت كله بس كده هقدر قعدتك وهروح اجيبه من غير إذا ( وقام فتح الباب على رعد)
محمد غنام: انت واخد الكلب ليه ياعم طارق
عم طارق: هات تليفونك يا محمد يا غنام
محمد غنام: اهو يا عم طارق بكلمه والله
عم طارق: لأ فين صوره ابنك
محمد غنام: اه اه لحظه اهو ياعم طارق بس فهمني في اي
عم طارق: (خد التليفون وفتح الصورة قصاد رعد ) تعالي يا رعد خد يا محمد يا غنام
محمد غنام راح ورا عم طارق
عم طارق : روح اقعد مكانك يا عم محمد لو جيت ورايا مش هشوف حد انت حر
محمد غنام: تمام تمام يا عم طارق
راح عم طارق الي منزل عائله غنام قصاد الجميع وخبط على باب البيت بكل غضب أول ما الباب اتفتح
عم طارق: رعد خش هاته
دخل رعد البيت شد ناجح غنيم في بوقه من قدمه وخرج بيه
ناجح غنام: ينفع كده يا عم طارق
عم طارق: لولا ابوك كنت عرفتك اللي ينفع امشي ياض
