رواية تحت التهديد الفصل الرابع بقلم ليل ادم
عم طارق: سويقه أطلع هات اختك من فوق وخلي ابنها فوق
سويقه : من عيني ياعم طارق
عم طارق: خلص يا مولانا
المأذون: تمام ياعم طارق
بعد انتهاء الموضوع وطلاق سمر من ناجح غنام من فرحته شدت ايد عم طارق تبوسها
عم طارق: يا عبيطه أنا ابوكي بتعملي اي
سمر : ربنا يخليك لينا وتنصر كل ضعيف على كل خسيس
ناجح غنام: (وشه أحمر وغضبان)
عم طارق: معلش يا ناجح من حرقتها ما انت ضربتها جامد برضوه ياله يا سويقه العربيات فين
سويقه: العربيات كلها جاهزه رهن إشارة منك يا عم طارق
عم طارق: خد اختك واطلع الشقه معاها اللي تقولك عليه نزله انت والرجاله على العربيات عشر دقائق يا سويقة انت واخوتك تكونوا قصاد عيني
سويقه : تحت امرك يا عم طارق ياله يا رجاله
سمر : مفتاح الشقه مش معايا يا عم طارق
عم طارق: في واحده معهاش مفتاح شقتها هات يا ناجح
ناجح غنام: عايز مني اي تاني ياعم طارق
عم طارق: سلامتك يا حبيبي هات المفتاح مش فاضي والله يا ناجح أنجز
ناجح غنام: خد يا عم طارق
عم طارق: خدي يا سمر
بعد ما خدت سمر المفتاح ورجعت على بيتها
عم طارق: خلاص ياعم هاشم كده مفيش اي حاجه قانونية على الراجل ده
هاشم : كده تمام التمام ياعم طارق كده هو يسأل فقط عن نفقه الطفل
عم طارق: ناجح يوم واحد في الشهر مش اتنين مش تلاته وصلت
محمد غنام: في رقبتي أنا يا عم طارق
عم طارق: في رقبتك في رقبه ابنك المهم يوم واحد في تكون الست دي معاها فلوس العيل
محمد غنام: تمام يا عم طارق
عم طارق: تمام ياعم محمد لو عايز تاخد ابنك وتتوكل على الله تمام انت لحد هنا ياعم محمد
عم محمد: خلاص ماشي بعد اذنك يا عم طارق
عم طارق: اتفضل يا عم محمد
بعد مرور أقل من ساعه كانت عربيات عفش سمر وقفه قصاد عم طارق
عم طارق: سمر تعالي اقولك
سمر : نعم يا عم طارق
عم طارق: شوفي يابنتي عايزه تروحي فين بالعفش ده والرجاله معاكي لحد ما حاجتك تنزل مكان ما تقولي وفلوس العربيات مدفوعه ملكيش دعوه بأي حاجة ورقمي معاكي يوم واحد من كل شهر هيوصل من ناجح غنام ٢٠٠٠ جنيه مصاريف ابنه يوم واحد الساعه ١٢ بليل ناجح مبعتش حاجه تتصلي عليا كده يابنتي أنا ظلمتك
سمر: ينهار ابيض ياعم طارق هو أنا كنت احلم بنص ده
عم طارق: ريحيني يا سمر لو الفلوس اللي حكمت بيها متعملش حاجه أنا مستعد اكمل الباقي بس تبقي مستوره ايدك متتمدش لحد
سمر : ربنا يبارك فيك ياعم طارق يارب ويخليك لينا والله ما عارفه اقولك اي ( وبدأت تبكي )
عم طارق: اي بس مالك
سمر : انت مش عارف ياعم طارق أنا كنت في اي الحمد لله اني خرجت من البيت ده اللهم لك الحمد
عم طارق: اي حاجه في اي وقت أنا موجود يا سمر ياله يا سويقه مع سمر مكان ما تقولك
سويقة: تحت امرك يا عم طارق
في جانب آخر
سيد غنام: طلقت عافيه يا خروف
ناجح غنام: (بصوت عالي) سيد متتكلمش في الموضوع ده تاني انت فاهم
سيد : طب قوم معايا مشوار في شفاء ليك
ناجح: فين
سيد : ياعم تعالى ( وشده من أيده )
في جانب آخر
برازيلي: عم طارق كان عايز منك اي يا صقر
صقر : يا راجل دا انا قلبي كان بيدق بطريقه وربنا كنت حاسس قلبي هيقف لما قولتلي عم طارق عايزك وزعلان منك الحمد لله جت سليمه
برازيلي: ايوه برضوه كان عايزك في اي
صقر : موضوع الموقف وصله وحظر لو حصل تاني هينزلي
برازيلي: وانت ناوي تعمل اي
صقر: لا والله خلاص مفيش منه تاني بعدين بصراحه انا كنت اسمع عن الراجل ده على طول بس مفيش مره اجتمعت بي سبحان الله ياجدع قعده وحده بقيت حاسس اني ممكن رقبتي تقع تحت رجله عادي
برازيلي: هو عم طارق كده راجل مظبوط مش هتقابل النوع ده تاني
صقر: عمري ما شوفت مسجل جدع ومش خاين ومحترم وليه كلمه وعهد
برازيلي: ياجدع شوفت نزل خد كابوريا اذاي
صقر : اي ياعم صحيح الجبروت ده
برازيلي: شوفت رعد
صقر: إلا رعد ده اي ياعم ده مش كلب دا وحش
برازيلي: الكلب ده عند عم طارق من يوم ما كان عمره أسبوع هو اللي عمل كده في الكلب ده خله شرس بالطريقه دي
صقر : لو معايا رعد ده أنا أعمل بي عوء مجاش قبل كده
في جانب آخر
الامين خالد: اي ياعم سيد كل ده تأخير
سيد غنام: امسك ياعم فلوسك اهي
الامين خالد: عشره تلاف جنيه هو في اي ياعم سيد أنا سايبك خارب المنطقة برشام وعم طارق مشمش عنك ريحه حته ولا القسم يسمع بيك
سيد غنام: اه كويس انك فتحت السيره دي هو عم طارق الوصي علينا بقا ولا اي
الأمين خالد: اشمعنا بس مالك انت ب عم طارق الرجل مش مقصر مع حد والمنطقة كلها تحبه ومن ساعه ما طلع علينا مفيش مشكله وصلت للقسم إلا حاجات بسيطه والكل مترضي انت شوفت منه حاجه
ناجح غنام: خالد مليون جنيه مني ليك
الامين خالد: مليون جنيه
ناجح غنام: بالظبط كده
الامين خالد: مقابل اي
ناجح غنام: توقع طارق مع القسم ويبقا بينه وبين القسم مشاكل وانت اقدم امين عندنا وتعرف تعمل ده كويس أوي
الأمين خالد: انت بتحطني مع طارق منصور لا ياعم الطيب أحسن
ناجح غنام: اللي تشوفه ياله يا سيد
الامين خالد: استنا بس نتفاهم
ناجح غنام: مليون ونص اشوف طارق منصور شايل ليله مش بتاعته
الأمين خالد: لا دي عايزه موضوع تاني
سيد غنام: يعني موفق
الأمين خالد : طبعاً موافق بس علشان الموضوع ده يتم لازم الأول نوقع طارق مع منير بيه مأمور القسم
ناجح غنام: مش بتاعتي أنا عايز اللي قولت عليه تمام
الامين خالد: تمام التمام
ناجح غنام: سلام
في جانب آخر
عائشه: رايح فين يا طارق
عم طارق: رايح ل عزه قولت أعملها مفاجأة
عائشه: انت تعبان ريح جسمك شويه يا طارق
طارق : لا خليني اروح بقالي كتير سايب البت رايحه جايه كده من غير اي رقيب قولت اروح اشوف الدنيا كده العيل برضوه مهما كان كويس محتاج يحس أن في حد مراقب متابعه
عائشه: خلاص يا اخويا اللي تشوفه
عم طارق: لو اتصلت عليكي متقوليش ليها اني رايح ماشي
عائشه: خلاص ماشي
في جانب آخر كان رجع الأمين خالد القسم وصل مكتب مأمور القسم
مأمور القسم: ادخل
الأمين خالد: منير بيه مساء الورد عليك
منير بيه: اقعد يا خالد شهر مشفتش وشك على مكتبي يعني
الامين خالد: اهو انت عارف يا منير بيه مش باجي إلا ومعايا اخبار ل حضرتك
منير بيه : اتكلم يا خالد
الامين خالد: والله يا منير بيه الموضوع بقا ممل اوي والقسم هيبته ضاعت ومحمد بيه سايب طارق منصور سايق واحنا كلنا ماشين ورا طارق منصور مش ورا ولا بلاش
منير بيه: كمل يا خالد سكت ليه مش عايز تقول انكم بقيتوا ماشين ورا طارق منصور مش ورا مأمور القسم
الامين خالد: معلش يا منير بيه بس هيبه القسم وقعت في عين الكل اي حد الوقتي معاه مشكله يطلع على طارق منصور هو احنا هنا بنعمل اي نقفل بقا ونروح نقعد جمبه على الفرشه
منير بيه: قولي يا خالد عملته اي في تأفيل محاضر السنه
الامين خالد: مفيش تأفيل يا منير بيه احنا عندنا محاضر أصلا احنا خلاص اي حد عنده حوار رايح على طارق منصور بدال ما ينزل القسم وعم طارق شادد حيله على الكل وحقه محمد بيه سايب الدنيا كلها تحت رجله
منير بيه: روح ابعتلي محمد بيه يا خالد
الامين خالد: تحت امرك يا منير بيه بعد اذنك
منير بيه: اتفضل
في جانب آخر
عزه : اي المفاجأة التحفه دي تعالي تعالي
عم طارق: يابت بتشديني ليه
عزه : تعالي أعرفك على الدكتور بتاعي
عم طارق: تعالي انتي أنا مش محتاج اسأل عليكي أنا عارف زوزتي كويس أنا بس زعلان منك علشان بقالك يومين كده وخده مني جمب وحاسس انك متغيره مع أبوكي
عزه : مقدرش اتغير معاك انت بالذات ياحته من قلبي والله ل تشرب عصير على حسابي في الكافتيريا ياله
عم طارق: ياله
بعد الوصول إلي الكافتيريا
عزه : اقعد خمس دقائق و راجعه
عم طارق: رايحه فين
عزه : اقعد بس يا طارق
عم طارق: (بيضحك) يابنت الكلب
كعادته عينه لفت المكان كله في ثواني وتابع التمعن في النظر حتى رجعت عزه
عزه : اتفضل يا طروقه
عم طارق: استني هنا ثانيه يا عزه (وقام من مكانه توجهه الي بنت قاعده في مكان بعيد شويه عن الجميع ظاهر عليها حزن شديد)
عم طارق: مساء الخير
حبيبه: مساء الخير
عم طارق: أنا عم طارق والد البنوته الحلوه اللي شبهك هناك دي
حبيبه : اه عزه أنا عارفه عزه كويس
عم طارق: خير يا بنتي مالك
حبيبه : مفيش حاجه تمام
عم طارق: ( بص في عين حبيبه ) يعني مش عايزه تتكلمي
حبيبه: ها لا مفيش حاجه بعد اذنك
عم طارق: استني
حبيبه: نعم
عم طارق: لما تحبي تتكلمي تعالي في ايد اختك عزه وأنا مش هسيبك لو مظلومه سلام
عزه : بابا في اي
عم طارق: مفيش حاجه
عزه : كنت وقف مع حبيبه بتتكلم حصل حاجه
عم طارق: لا مفيش حاجه تعالي نشرب العصير
في جانب آخر
منير بيه: يا محمد بيه كلامك كله مفهوم عرفت أن طارق محترم وابن اصول وساعد القسم كتير بس خلاص مش عايز المساعده دي تاني من وصلت يا محمد بيه
محمد بيه: تمام اللي تشوفه حضرتك
منير بيه: مش هتكلم في الموضوع ده تاني وخلي بالك متابع بنفسي كل اللي جاي لو وصلت انزل المنطقة بنفسي هنزل اتفضل و ابعت لي الأمين خالد
محمد بيه: تحت امرك يا فندم
في جانب آخر كان رجع عم طارق المنزل
باب منزل عم طارق بيخبط
عائشه: مين
الامين خالد: معلش يا ست عائشه عم طارق هنا
عائشه: موجود اقوله مين
الامين خالد: قوليله الأمين خالد بره بيقولك منير بيه مأمور القسم عايزك
عائشه: ثواني ( ودخلت ل عم طارق)
عائشه: طارق يا طارق انت لحقت تنام
عم طارق: خير يا عائشه في اي
عائشه: واحد بره اسمه خالد بيقولك مأمور القسم عايزك
عم طارق: خالد الأمين
عائشه: اه هو
عم طارق: (قام خرج ل الأمين خالد)
الامين خالد: معلش يا عم طارق منير بيه عايزك
عم طارق: خلاص ماشي روح وأنا جاي
الأمين خالد: ( بخوف ) معلش ياعم طارق أصله قالي مرجعش إلا بيك
عم طارق: ( نظره حاده وغضب شديد ل الأمين خالد )
الامين خالد: بس أنا هسبقك على القسم عبال ما تيجي مش هعرفه اني وصلت
عم طارق: دي مشكلتك انت سلام
الامين خالد: سلام
