رواية تحت التهديد الفصل الخامس بقلم ليل ادم
عائشه: في اي يا طارق ماله مأمور القسم عايزك ليه
عم طارق: اديني رايح افهم منه اهو يا عائشه
عائشه: طب خلي بالك من نفسك طب انت مستعجل كده ليه
عم طارق: خليها على الله
ونزل عم طارق على القسم دخل مكتب مأمور القسم
منير بيه: اقعد يا طارق
عم طارق: يزيد فضلك يا منير بيه خير
منير بيه: شوف يا طارق أنا عارف انك خدمت القسم هنا كتير وخدمت ناس كتير في الخير
عم طارق: وبعدين
منير بيه: أنا مش عايزك تتدخل تاني في شؤون القسم اي حد عنده مشكله احنا أبوه وأمه خليك انت في حالك
عم طارق: انت جايبني لحد مكتبك علشان تقول الكلام ده
منير بيه: اي مليش حق اعمل كده
عم طارق: ما في حاجه اسمها تليفون تقول في الكلام ده وخصوصاً أن انت عارف اني مش هنفذ منه حرف انت ابو وام اللي جالك خبط على بابك وطلب المساعدة منك إنما أنا اي حد هيجي علي مظلمه طول ما أنا عايش أنا أبوه وأمه وأخوه واخته وكل حاجه
منير بيه: انت بتتحدني يا طارق
عم طارق: لا أنا بنورك بس
منير بيه: الظاهر خالد كان عنده حق انت شميت نفسك علينا اوي
عم طارق: ليه يا منير بيه كنت قبل كده خدت منك المصروف ولا حاجه اوعا تتكلم كده مع طارق منصور انت فاهم
مأمور القسم: والله ما تشوف الشمس تاني يا
طارق منصور: يا أي كمل خليني
دخل محمد بيه حط ايده علي بوق طارق منصور قبل ما يشتم مأمور القسم
منير بيه: خد الواد ده على الحجز
عم طارق: واد مين اللي يروح على الحجز انت فاكر نفسك بتكلم عيل بتاع برشام فوق يا منير أنا طارق منصور وعزه وجلالة الله لو نزلت الحجز ما هخلي راجل ولا مره في القسم ده إلا وخدت روحه
محمد بيه: طارق عيب كده تعالى معايا
طارق منصور: ايدك يا محمد بيه من عليه
منير بيه:(حس ب الأهانه رفع سلاحه في دماغ طارق منصور)
قرب منه عم طارق وشد اجزاء سلاحه
عم طارق: اضرب علشان ورحمه امي لو ما قتلتني هاخدها منك النهارده بكره هاخد الطبنجه اللي اترفعت عليا دي منك
محمد بيه والامناء خدو عم طارق بره مكتب مأمور القسم
محمد بيه: ليه كده يا طارق قولي اعمل اي الوقتي أنا
عم طارق: وكتاب الله ما هحله وهو ورا الباب وسامع صوتي وعزه وجلالة الله يا منير ياشاكر ما هحلك وانت يا خالد خلي سيد غنام يصرف علي عيالك بعد ما أقطعك نصين
الامين خالد: لا أنا مالي ياعم طارق وربنا ما أتكلمت
محمد بيه: طب اسكت يا طارق بالله عليك تسكت خليني اعرف أحل الموقف
عم طارق: لالالا مش عايزك تحل حاجه انتوا كده كده اخركم حبسه سنه مليون بس هخرج إنما طارق منصور وعزه الله ما هيحل كلب في القسم
محمد بيه: ياعم طارق عيب كده هو في اي انت بتغلط في الكل كده
عم طارق: هو حد شاف غلط
في جانب آخر
مأمور القسم: (بيكلم أمن القسم بقلق) طلعوا الحراسه عايز امشي من مكتبي حد يطلع ياخد طارق منصور الحجز
كان محمد بيه خد عم طارق على مكتبه علشان يهدي الموقف
محمد بيه: اقفل الباب يا خالد
عم طارق: اطلع بره يا ------
الامين خالد: سامع يا محمد بيه
عم طارق: ( قام جري على الأمين خالد مسك محمد بيه عم طارق)
محمد بيه: عم طارق احترمني مش كده
عم طارق: يطلع بره ولو شوفته على الأسفلت ورحمه امي هخرطه
محمد بيه: أطلع بره يا خالد اهدا بقا ياعم طارق
عم طارق: (خبط على مكتب محمد بيه بكل قوه ) دا بيرفع سلاحه في راس طارق منصور ينهار اسود على اللي هعمله
محمد بيه: علشان خاطري خليك معانا هنا لحد ما أحل الموقف
عم طارق: ورحمه امي لو نزلت الحجز يا محمد بيه هخلي بلاط الحجز يدعي عليكم
محمد بيه: علشان خاطري
عم طارق: (قام خرج من المكتب متجه الي باب الحجوزات )
محمد بيه: طب اهدا رايح فين
عم طارق: نازل الحجز افتح يا امين احمد
الأمين احمد : اهدا يا عم طارق منير به خرج من ربع ساعة
عم طارق: علشان ابن ------- خواف لو راجل كان وقف قصادي
الامين احمد: طب اهدا مش هينفع كده كلنا خايفين عليك
عم طارق: لا يا عم احمد أنا عايزكم كلكم كده دخلت عليكم بالصلاة على النبي تخافوا مني علشان القسم ده مش جاي معايا في الدايره يا طارق منصور يا القسم حاجه تاني ياعم
محمد بيه: خلاص ياعم طارق تعالي معايا مش هتنزل الحجز
عم طارق: محمد بيه لو طارق منصور لحد الوقتي مقدر حد يبقا انت افتح الحجز خليك بعيد عنها
محمد بيه: طب اي يرضيك
عم طارق: اخرج من القسم حالا يا انزل الحجز حالا برضوه
بدأت المساجين تعمل دوشه جامده جدا
عم طارق: ( بصوت عالي وغضب شديد) بس يابن --------- انت وهو
عم الهدوء في كل أرجاء القسم
محمد بيه: روح ياعم طارق
لف طارق وخرج من باب القسم رجع المنطقة فتح باب الوحش وأخرج رعد من مكانه
عم طارق: ( بغضب شديد) رعد عايزك تقطع انت فاهم امشي
وخد عم طارق رعد وراح منزل مأمور القسم خبط على الباب فتح ليه واحد من أطفال مأمور القسم ذقه جوه البيت ودخل طارق جري على غرفه نوم منير بيه
منير بيه شاف طارق أتسمر مكانه مش مستوعب اللي بيحصل لسه هيرفع السلاح كان رعد نط عليه خد عم طارق السلاح منه وأمر رعد يبعد عنه وشد الأجزاء على مأمور القسم
منير بيه: انت بتعمل اي يا طارق عيب كدت
عم طارق : أنا قولتلك هاخد منك السلاح وخدته ورحمه امي يا منير اشوف كلب تبعك على باب بيتي هاخد روحه وهاجي أولع فيك وفي عيالك طارق منصور لأ يا منير ياشاكر طارق منصور اي رد ياض
مأمور القسم: طارق منصور لأ
طارق منصور: راجل اربط دماغك عليا يا منير (وخد السلاح ورعد ورجع المنطقة من تاني طلع البيت )
عائشه: طارق في اي وسلاح مين ده انت مالك عامل كده ليه
عم طارق: خدي بنتك وعلى اسكندريه اليومين دول يا عائشه
عائشه: في اي يا طارق حصل اي
عم طارق: (بصوت عالي) طارق منصور غضبان يا عائشه خمس دقائق مش عايز حد في البيت
عائشه: ( كان لازم امشي الحاله اللي كان فيها طارق لا تسمح لأي شخص يفتح بوقه معاه معنا أنه يقول إنه غضبان أن في ناس كتير هتقع ربنا يستر عليك يا طارق ويكفي الناس شر غضبك وفعلاً خدت بنتي عزه ورجعت بيت اهلي في الاسكندريه)
في جانب آخر
منير بيه: محمد بيه طارق منصور نط عليا في بيتي ومعاه الكلب بتاعه وخد سلاحي وكتاب الله ما هسكت حضر حمله حالا تنزل تجيب طارق منصور أنا جاي على القسم
محمد بيه: منير بيه من فضلك اهدا وعهد الله الحمله اللي هتنزل تجيب طارق مش حل أنا عارف طارق من عشرين سنة طارق لو قال بيعمل لو خدته حبسته عشره عشرين سنة انت معملتش حاجه كل اللي عملته انك حبست وحش في علبه مستني يخرج منها بفارغ الصبر علشان يقبض ارواح
منير بيه: انت بتهددني يا محمد بيه
محمد بيه: وعهد الله ابدا مصلحه حضرتك مصلحتي بس الطريقة اللي اتعملت بيها مع طارق منصور كانت غلط متزعلش مني حضرتك كان المفروض ترجع ليا أنا كنت هعمل اللي حضرتك عايزه بس بالطريقة اللي ترضي طارق منصور
منير بيه: وسلاحي اللي خده يا محمد بيه
محمد بيه: هيجي والله هجيبه بس بالله عليك بلاش تكبر الموضوع طارق منصور مش علاجه الحبس طارق منصور علاجه طلقه في دماغه وده صعب لانه ماشي صح اوي يعني اهدا علشان نعرف نفكر إنما كده هندخل في صدم مع الدايره كلها دا طارق منصور
منير بيه: شوف هتعمل اي يا محمد سلام سلام
محمد بيه: سلام
محمد بيه: امين خالد
الامين خالد: تحت امرك يا محمد بيه
محمد بيه: عايز حد يكون ليه دلال على طارق اوي
الامين خالد: انت يا محمد بيه بعد اللي حصل خلاص كده مفيش ميكروباص تبعنا هيقدر يدخل المنطقة روح بعربيتك اسمع كلامي
محمد بيه: أنا رايح ل عم طارق
في جانب آخر
عم طارق: (قصاد منزل عائله غنام) محمد يا غنام
محمد غنام: عم طارق خير
عم طارق: سيد وناجح فين
محمد غنام: مش هنا
عم طارق: ( ضرب الباب بالرجل دخل البيت دور على سيد وناجح ) هما فين يا راجل يا ناقص
محمد غنام: في اي بس ياعم طارق
عم طارق: في أن طول ما طارق منصور بيتنفس عيالك متدخلش البيت ده لو خايف عليهم ورحمه امي يا غنام ل أحرق البيت بيك وبيهم ( وخرج من البيت)
محمد غنام: ياابن الكلب يا ناجح عملت اي مع طارق منصور فتحت علينا بركان نايم من سنين ما كنا خلصنا من الموضوع ده
زوجه محمد غنام: طارق منصور لأ يا محمد يا غنام أنا مش عايزه أدفن عيالي شباب اعمل اي حاجه يا محمد ( وبدأت الاصوات تعلوا في المنزل وبين أهل المنطقة الكل يتسأل اي حصل منهم حول عم طارق كده محدش معتاد يشوف طارق منصور كدا كان محمد بيه وصل المنطقة تحت منزل عم طارق)
محمد بيه: عم طارق ممكن ادخل نتكلم
عم طارق: ادخل يا محمد بيه
محمد بيه: ليه كده يا عم طارق
عم طارق: لا يا محمد بيه خلاص محدش يقولي ليه اللي جاي مش حلو أنا غضبان
محمد بيه: من اي بس ياعم طارق انت دخلت بيت مأمور القسم وخدت سلاحه انت خرجت من القسم بعد ما سمعت الجميع الكلام غضبان من اي بس
عم طارق: لا رفع سلاحه في دماغي ينفع بقا هو ده طارق منصور في عنيكم
محمد بيه: لا والله عيب متقولش كده انت كبير طول عمرك
عم طارق: لا يا محمد بيه انتوا علشان طارق منصور خد كف خير وكفا نفسه شر القتال جت معاكم غلط وأنا خلاص عيالي ماتت وعايش معاكم بطولي هتحبس اخرج اقطع فيكم وتحبسوني واخرج أقطع فيكم وانت عارف أخركم ومحدش منكم يعرف أخري
محمد بيه: لا والله ياعم طارق انت كده عايزني ازعل
عم طارق: لو عايزك تزعل انت عارف كويس مكنش زمانك قاعد معايا الوقتي بس انت عارف كويس أن طارق منصور بيحبك علشان كده جاي تاخد سلاح منير شاكر بالحب صح ولا غلط
محمد بيه: علشان خاطري خليها تمشي حلوه ربنا يخلي عيالك ولمتك معاهم أنت لما جيت طلبت مني الواد سبتك تمشي بيه كرامه ليك ينفع امشي من غير السلاح وامشي زعلان من بيت طارق منصور
طارق منصور: ياعم محمد انت عارف انا مبحبش ازعل حد مني هزعلك انت
محمد بيه: يبقا هات السلاح
عم طارق: ورحمه امي من اجلك بس معلش علشان أكون مرتاح
محمد بيه: اعمل اللي يريحك بس هات السلاح
عم طارق: ( خد السلاح ونزل الشارع رفع السلاح ضرب طلقه في الهواء وسط حضور كل اهل المنطقة)
محمد بيه: تمام كده ياعم طارق
عم طارق: علشان السلاح اللي يترفع على طارق منصور وينزل من غير دم تمامه بعد كده ضرب الهواء مش صدور الرجاله يا محمد بيه سلاح مأمور القسم اهو لجل عيونك وبس
محمد بيه: ماشي يا عم طارق بعد اذنك
وخرج محمد بيه وسط ذهول كل اهل المنطقة بعد علمهم أن السلاح كان سلاح مأمور القسم
عم طارق: كل واحد على أكل عيشه مش عايز لمه ياله (وطلع البيت )
طلع عبده وسويقه ورا عم طارق
سويقة : ليه كده بس يا عم طارق
عم طارق: متقلقش ياض هيا كده خلصت
سويقة: اذاي بس ياعم طارق هو الحكومة ينفع معاهم كده
عم طارق: ينفع بس لو صاحب الحوار طارق منصور غير كده كنت تتفرج على نمره ببلاش بس كل واحد منهم عارف اني لو عايز احرقها هحرقها النمره اللي حصلت دي علشان بس أحط الختم على قلب منير شاكر علشان من يوم ما نزل وهو سامع عن طارق منصور كان لازم يشوف
سويقة: ما كانت خلصت في القسم ياعم طارق
عم طارق: ياض القريب مطال إنما العضمه اخره طلقه وأنا كده كده عارف اني أخري طلقه ف خليها ميري في نص دماغي احسن ما تيجي من مسجل وقف علي أول النصيه
عبده: بعد الشر عليك يا عم طارق
عم طارق: انزل أعمل حمله دعايه أن طارق منصور بيدور على ناجح غنام وسيد اخوه ياله
سويقة: تحت امرك يا عم طارق
