رواية كوميديا سوداء الفصل الرابع بقلم ليل ادم
في مكتب استاذه ريهام
باب المكتب بيخبط
استاذه ريهام: اتفضل
جميله: حضرتك فاضيه اقدر اتكلم معاكي قبل ما تحصل مصيبه في المستشفى
استاذه ريهام: يا ساتر يارب مصيبه مره واحده ادخلي يا جميله في اي
دخلت جميله تحكي كل حاجه في حاله زهره ل استاذه ريهام
استاذه ريهام: أنا مش عارفه النهارده مفيش حاجه ورايا إلا الدكتور أحمد وحكايات الدكتور أحمد
جميله: يا استاذه ريهام دي حياه بنت لسه في سن العشرين مش حرام نحكم عليها بالحكم ده مش حرام الدكتور خالد يصمم على رأيه علشان يثبت أنه صح ويدخل البنت تعمل عمليه تنذير مفيش دوله في العالم فكرت تعملها
استاذه ريهام: مش عارفه اعمل اي انتي قولتي زهره موافقة أنا مش عارفه اتصرف
جميله: انتي في ايدك تمنعي دخول الدكتور خالد العمليه خليني انزل اجيب الدكتور أحمد يمكن يكون في حل بدون جراحه ارجوكي
استاذه ريهام: انزلي يا جميله وأنا في غرفه زهره بس خلي بالك الدكتور خالد هيكون معايا
جميله: مش مهم حتا لو اخر يوم ليا في المستشفى أنا مستعد اكتب إقرار على نفسي في حاله حدوث أي شيء أنا المسؤوله
استاذه ريهام: إقرار اي بس الموضوع اكبر من كده انزلي يا جميله هاتي احمد
في جانب آخر
الدكتور علي: يعني انت من يوم واحد معانا عامل تخطيت في دماغك وتعمل مشروع
احمد : دا مشروع العمر والله يا دكتور علي
الدكتور علي: مشروع اي ده
احمد : خد شوف الربح صافي كام والنبي امسك انت مش غريب أنا كاتب كل تفاصيل المشروع هنا
الدكتور علي: ينهار اسود بتاع مخلل (وبيضحك) هيا فتحت معاك اوي كده
احمد : اعمل اي بس انا اتمرمط هنا اوي أنا مش بقالي معاكم يوم بس وربنا ماشاء الله عليكم يعني ناس لطيفه حاسس اني بقالي مليون سنه مش يوم
الدكتور علي: ليه يا فقر بس
احمد : تصدق ب مين
الدكتور علي: بالله
احمد : الساعه معاك كام
الدكتور علي: ١١ وعشره
احمد : أنا من ساعه ونص بصيت في الساعه كانت ١١ تخيل بقالي ساعه ونص في عشر دقائق تخيل للدرجادي المستشفى دمها تقيل على قلبي
باب المكتب بيتفتح
جميله: انا اسفه يا دكتور علي بس بعد اذنك استاذه ريهام و الدكتور خالد عايزين الدكتور احمد حالا
الدكتور علي: انت عملت اي تاني
احمد : والله العظيم أنا ما عملت حاجه أنا قاعد جمبك من ساعه البريك
جميله: مفيش وقت ياله يا دكتور احمد (وبتشد احمد )
احمد : (بص ل دكتور علي) وربنا ما فتحت بوقي انت مش هتقوم معايا
الدكتور علي: لا تعالي جاي معاك
اثناء الذهاب الي غرفه زهره
احمد : أنا خايف يكون الواد سروجي اللي فقد الذاكره جه اشتكاني الواد اللي قولتلك عليه
جميله: احمد ولا في سروجي ولا في اي حاجه فاكر البنت اللي كلمتك عليها بتاعت الفيروس الاوربي
احمد : اه مالها ماتت وربنا ما عملت حاجه برضوه هو اي حد هيعمل مصيبه هنا احمد اللي هيتحط فيها
جميله: ياعم زهره بخير بس أنا سألتها أن كانت فعلاً سافرت قبل كده طلعت كانت عندها منحه في روسيا
احمد : طب ما كده يبقا أنا كلامي صح وخدني ليه ل الدكتور خالد و استاذه ريهام
جميله: علشان تفحص زهره وتشوف اي الطريقه اللي نقدر نعالج بيها زهره
الدكتور علي: أنا مش فاهم حاجه في اي
جميله: اتفضلوا دي غرفه زهره
بمجرد دخول احمد و جميله والدكتور علي
الدكتور خالد: دكتور علي الدكتور بتاعك تدخل في حاله المريضة بتاعتي ولغا عمليه تنذير كانت هتتعمل حالا وحاله المريضة عماله تسوق كل شويه هو ده اتفاقك معايا
الدكتور علي: اي اللي حصل أنا مش فاهم حاجه
استاذه ريهام: يا جماعه من فضلكم كل ده مش وقته بس المهم الوقتي بعد اذنك يا دكتور احمد تقدر تعمل حاجه في حاله زهره
احمد : محتاج اعمل فحص الاول
استاذه ريهام: اتفضل
احمد : ازيك
زهره : ابوس ايدك أديني اي امل أنا هموت من الخوف
احمد : ممكن تديني فرصه بس اكشف عليكي
جميله: زهره استني اهدي خالص سيبي الدكتور أحمد يفحصك
زهره : حاضر
بدأ احمد فعلاً في فحص شامل ل زهره استمر اكتر من نص ساعة في وجود الجميع
احمد : فين التقارير بتاعت زهره يا جميله
جميله: اتفضل
احمد :(شد الكرسي تحت رجل زهره وكشف عن رجليها وبدأ يدخل سن ابره في رجل زهره كانت فاقده الاحساس خالص)
احمد: ملقاط بعد اذنك
جميله: اتفضل
احمد : فيرس النيكولا بيستهدف اشاره المخ واسرع طريقه ممكن يوصل بيها الي المخ هيا خصيلات الشعر علشان كده بياخد مكانه في شعر الرأس ويبتدي يأكسد الصفائح الدموية وبالطريقة دي يوصل الي الإشارة العصبية وقتها الجسم كله يحصل لي لخبطه يعني المخ فعلا بيدي اشاره لأعضاء الجسم بس فيرس النيكولا فقد الأعصاب اي نشاط حيوي ( وبدأ يكشف عن الخصيلات دي في رأس زهره و بأستخدام الملقاط اخد الخصل اللي دخل عن طريقها الفيرس)
احمد : ابره يا جميله
جميله : اتفضل
احمد : (خد الابره على أساس أنها بمجرد ما تلمس رجل جميله تشعر بيها بس للاسف محصلش حاجه من خطت احمد في علاج زهره )
الدكتور خالد: شوفت يا دكتور علي الاستاذ العبقري بتاعنا عايز يدوس على كل التحليلات دي ويرجع زهره تمشي على رجليها ب الملقاط والنبي مش هبل ده
احمد : على فكره يا دكتور خالد دا تقرير فرنساوي مش تأليف مني ف بعد اذنك ممكن تسكت اخد فرصتي كامله بعد اذنك
الدكتور خالد: انت بتقولي ممكن تسكت
احمد : بعد اذنك اسكت من فضلك استاذه ريهام دكتور علي من فضلكم ده جو ارهاب مش شغل ناس عايزه مصلحه المريض
الدكتور علي: دكتور خالد بعد اذنك هدوء شوف حاله البنت نفسها بقيت عامله ازاي
احمد : جميله سنتي ونص ادرينالين
الدكتور خالد: لا انت كده مجنون عايز تحقن البنت ادرينالين افرد ماتت في ايدك شوف يا دكتور علي
احمد : زهره بصيلي بقولك بصيلي
زهره : (بخوف بتبص ل احمد )
احمد : أنا اللي بعمله ده ممكن يشفيكي بأمر الله بنسبة ٩٩ في المئة مش هتموت اسمعي كلامي وفقي يا زهره وفقي
استاذه ريهام: مينفعش تضغط على المريضه يا دكتور احمد من فضلك كده كتير
جميله: هاتي الوثيقه دي بعد اذنك
استاذه ريهام: اتفضلي
جميله: أنا المسؤوله عن اي حاجه ممكن تحصل ل زهره أنا وثقه في كلام الدكتور أحمد
احمد : (قام خد القلم ) وأنا كمان همضي على الوثيقه كده كده انا هفتح محل مخلل لو فشلت وطالما جميله وثقه فيا هخدها معايا بدال ما اجيب عماله اهي موجوده
زهره : دكتور خالد من فضلك أنا موافقه كده كده انا مش هخسر اكتر من اللي أنا في
الدكتور خالد: ممكن تموتي يا زهره
زهره : وأنا موفقه من فضلك سيب الدكتور أحمد
احمد: جميله سنتي ونص ادرينالين
جميله: ثانيه واحده
احمد : الادرينالين ماده يفرزها الجسم لو حس بالخطوره بتلعب على أعصاب الجسم تضغطه وتضغط المخ ترسل إشارات بمقدار ٦٠٠ اشاره في الثانية الواحده يعني لو اجرائي صح هترجع طبيعيه بمجرد ما جسمها يشعر بأي هجوم حتا لو كان الهجوم ده حتت ابره
جميله: احمد الادرينالين
احمد : (حقن احمد جميله ب الادرينالين ورجع مكانه على الكرسي تحت رجل زهره وطلع الابره من جيبه ورفع ايده بدرجه عاليه ل إعطاء احساس الخوف ل زهره أن الابره هتخترق الجسم بسرعه وقوه شديده وفعلاً وقبل ما توصل الابره الي قدم زهره إعطا العقل إشارة إلي القدم أن تتحرك بأسرع صوره ممكنة خوفاً من وجع الابره وفعلاً حركت زهره رجليها بدون قصد )
استاذه ريهام: ( مش مستوعبه اللي حصل)
جميله: شدت رجليها انت اتحركتي يا زهره زهره وربنا رجلك اتحركت
زهره : (خايفه تحرك رجليها يطلع كانت تهيأت)
الدكتور علي: زهره حركي رجليكي متخافيش حركي
زهره : أنا حاسه ب ايدك على رجلي
الدكتور علي:( بص ل احمد فرحان ب أسراره ونجاحه ) برافو عليك يا احمد برافو عليك
الدكتور خالد:(خرج من غرفه زهره بدون حديث)
زهره : رجلي بتتحرك أنا حاسه اني اقدر احرك جسمي كله هو أنا ينفع اقف
احمد : هز رأسه (مش مستوعب أنه نجح فى علاج زهره وبالسهوله دي)
جميله: واحده واحده هاتي ايدك قومي أنا معاكي ( وفعلاً وقفت زهره وحضنت جميله وبدأت تبكي)
احمد : عليه النعمه أنا بطل انا استاذ كبير أنا ما تقول حاجه
الدكتور علي:(مبتسم) اقول اي بعد اللي عملته ده عاجز عن الكلام قولي انتي يا استاذه ريهام
استاذه ريهام: ( قطعت الوثيقة اللي مضا عليها احمد و جميله) مبروك يا زهره تسلم ايدك يا دكتور احمد ويسلم عقلك وموهبتك
الدكتور علي: ياله بينا على الاستقبال يا استاذ عندنا شغل كتير و بالمره اعرف لسه مصمم على مشروعك ولا خلاص مش ناوي
احمد : ألف سلامه عليكي يا زهره
زهره : مش عارفه اقولك اي ربنا يبارك فيك ويوفقك يارب الف شكر الف شكر والله انت رجعت حياتي من تاني (وبتبكي)
أحمد: دكتور علي هعيط أنا دمعتي قريبه ياله ننزل
الدكتور علي: ياله
في جانب آخر كان الدكتور خالد في حاله من العجز والحزن الشديد بعد انتصار احمد عليه في أول مواجهة ما بينهم
في جانب آخر
الدكتور علي: أنا مبسوط منك بشكل
احمد : أنا مش عارف انت حبيتك بسرعه كده ازاي بس أنا بحبك يا استاذي
الدكتور علي: وأنا كمان بحبك يا دكتور احمد بس عايز المستشفى دي كلها تتكلم عن شغلك عايز الناس كلها تدخل من باب الإستقبال تسأل عن الدكتور أحمد اتفقنا
احمد : اتفقنا
بعد عوده احمد الي مكتبه
باب المكتب اتفتح
زوجه سروجي : والنبي يا دكتور بعد اذنك جوزي تعبان اوي
احمد : ماله
الزوجه : جه المستشفى هنا الصبح ووقع مع دكتور حسبي الله ونعم الوكيل فيه معندوش ضمير
احمد : ليه بس كده عمله اي
الزوجه: ادا جوزي برشامه خليته فقد الذاكره
احمد : فين زوج حضرتك
الزوجه : لحظه واحده ( وفتحت الباب ) يا سروجي يا سروجي
سروجي: (بيشاور على نفسه ) أنا
الزوجه: اي يا سروجي في اي تعالى جننت امي
سروجي: تحت امرك يا اختي عايزه اي
احمد : ( أول ما شافه افتكر أن ده المريض اللي كان بيضرب دماغه في الحيطه وعرف أن كل الكلام ده عليه)
الزوجه: يا عم ارحمني مليون مره اقولك أنا مراتك مش غريبه
احمد : اتفضل اقعد
سروجي: هو أنا عيان
احمد : شكلك كده ياعم
سروجي: وريني وشك كده شكلك مش غريب عني
احمد : اوريك وشي على اساس اني كده مديك ضهري وبتاع ولا ده وش رجلي مش وشي
سروجي: اه بحسب اني اعرفك
الزوجه: كتك وكسه انت تعرف ناس نضيفه كده
سروجي: مين دي
احمد : معرفش
سروجي: اي خدمه يا اختي
الزوجه: اععععععععععععععععععع طلعت عيني اتهد اسكت
احمد : بس يا سروجي انت عايز تبدأ في العلاج الطبيعي تمام
سروجي: تمام
احمد : تمام اي انت عارف يعني اي علاج طبيعي
سروجي: اه يعني أكل أعشاب
احمد : اعشاب
سروجي: اه مش دي طبيعية
الزوجه: دكتور بعد اذنك سيبك منه أنا معاك قولي انا
سروجي: (بص ل زوجته حاول يفتكرها ) اي خدمه يا اختي
احمد : اسكت بقا يا اخي قعدت ترزع دماغك في الحيطه لحد ما فقدت الذاكره
سروجي: هو انت اللي عملت فيا كده (وقفش احمد من رقبته)
احمد : ياعم والله ابدا انت اللي جيت علشان عايز تشرب كيتامين وقلبك بيوجعك
سروجي: اه افتكرت أنا ليه قلبي بيوجعني هو أنا قلبي ضعيف
احمد : تقريباً كده
سروجي: اذاااااااااااااااي ( وضرب دماغه في الحيطه ووقع على الأرض فاقد الوعي )
الزوجه: يالهووووووووووووي
