رواية كوميديا سوداء الفصل الخامس بقلم ليل ادم
احمد : ينهار اسود فوق يخربيتك
الزوجه : سروجي مات ( و جريت تفتح الباب)
احمد : خودي يا ست هنا الله يكرمك هيودني ابعد من اسكندريه فين تاني سروجي يا سروجي قوم انت قدري ياض ولا اي
زوجه سروجي وسط الإستقبال
الزوجه: يالهوووووووووي يا خسارتك يا سروجي يا خساره شبابك يا اخويا
احمد : خساره مين بس يا خسارتي أنا ادخلي جوه يا بنت الكلب فضحتيني يا سروجي يا سروجي فوق ( وشد جهاز الصدمات وبدأ يصدم سروجي)
سروجي: اه كمان كهربا يابن الجزمه دا انا هطلع عين امك
احمد : ياعم طلع اللي تطلعه بس اوعا تموت في مكتبي
الزوجه: يا حرقه قلبي عليك يا سروجي يالهووووووووووي
سروجي: سروجي مين
احمد : انت
سروجي: مين الاخت دي
احمد : دي مراتك يا عم منك لله
سروجي : هو أنا متجوز
احمد : اه والله قوم بقا خد مراتك ياله النهارده فرحك ياض روح البيت الف مبروك يا سروجي
سروجي: اه الله يبارك فيك هيا فين
احمد : بره اهي تعالي
سروجي: هيا ام شكل وحش دي
احمد : دي قمر ياعم والله أنا بفكر اروح اطلب أيديها
سروجي: جدع روح
احمد : ياعم أنا بحور عليك علشان تسخن وتاخد مراتك وتمشي
سروجي: هو أنا متجوز
الزوجه: ( أول ما شافت سروجي) سروووووووووووجي
سروجي: اي خدمه يا اختي
الزوجه: لا ياله نمشي من المستشفى المعفنه دي الف سلامه عليك يا اخويا
احمد : الحمد لله خلاص يا جدعان كل واحد يشوف حاله هنفضل نتفرج على بعض
راجل عجوز : يا دكتور
احمد : نعم يا جدي
الراجل العجوز: قولي يا عم كامل
احمد : نعم يا عم كامل
عم كامل : (عض شفيفه ) عايز حاجه حلوه
احمد: اي اللي بتعمله ده في اي
عم كامل : بقولك عايز حاجه حلوه علشان أنا عندي مشكله
أحمد: ياعم حاجه حلوه اي انت داخل لاوكسير
عم كامل : مش ده مكتبك
احمد : اه
عم كامل : طب تعالي ( وشد احمد جوه المكتب)
احمد. : (جري منه ورا المكتب) انت متحرش ياراجل عيب عليك أنا دكتور محترم
عم كامل : ياعم انت فهمت اي أنا متجوز أصلا
احمد : وعايز مني اي
كامل : اكتبلي حاجه حلوه عايز أهد العماره على دماغها
احمد : ياحج اهدا منا مش دكتور مسالك بعدين انت لازم تكشف الأول وتعمل شويه إشاعات علشان الدكتور المسؤول عنك يكتب حاجه تمشي مع حالتك
عم كامل : طب اكشف ( وبيقلع البنطلون)
احمد :ياعم عيب بتعمل اي البس بنطلونك انت مجنون
عم كامل: مش بتقول لازم تكشف ما تكشف
احمد : (بيصوت جوه مكتبه ) يا دكتور علي الحقوووووووووني
عم كامل: يابني في اي متخافش
احمد : ياعم اتقي الله البس بنطلونك عيب كده احنا رجاله زاي بعض
عم كامل: لا حياء في العلم
احمد : ياعم انت معندكش حياء أصلا لا في العلم ولا في المطلق
الدكتور علي: (بيفتح الباب شاف المنظر) اي ده ياحج عيب كده
عم كامل : يا دكتور أنا بقوله يكشف في اي يا جدعان
احمد : والنبي يا دكتور علي خد حمدي الوزير ده بره
الدكتور علي: يا أمن يا أمن
فرد الأمن: تحت امرك يا دكتور
دكتور علي: خود المجنون ده بره
فرد الأمن: اي ياعم اللي انت عامله ده
عم كامل: هجيلك تاني خلي بالك مش هسيبك إلا لما تكتبلي حاجه حلوه
احمد : دكتور علي أنا مليش في القلق ده أنا تعبت والله شوفت الراجل بيبصلي اذاي
الدكتور علي: سيبك منه ده راجل عقله مفوت
احمد : دكتور علي والله نفسي انام
الدكتور علي: انت عندك مكان تقيم في
احمد : لا منا جيت من القاهره على هنا
الدكتور علي: خد رقم الراجل ده سمسار محترم هيجبلك شقه حلوه وسعرها كويس وجمب المستشفى
احمد : طب تمام هات الرقم
الدكتور علي: خود اهو وعايزك هنا بكره الساعه تسعه
احمد : نعم
الدكتور علي: بليل مش الصبح
احمد : اه أن كان كده ماشي بعد اذنك ( ولما حجاته وخرج من المستشفى متخفي خايف يقابل عم كامل لحد ما ركب سيارته وطلع رقم السمسار)
احمد : هو قالي اسمه اي الراجل ده أنا نسيت ألو
السمسار: ألو
احمد : أنا الدكتور أحمد خدت رقمك من الدكتور علي كنت عايز شقه مفروشه
السمسار: اه شغل يعني
احمد : اه اه شغل
السمسار: عايزها مفروشه كامله ولا مفروشه ها كده وبتاع
احمد : لا ياعم عايز حاجه بوم البوم أنا تعبان وعلي أخري
السمسار: تعبان اوي يعني
احمد : أه والله على اخري انجزني بس بالله عليك
السمسار: لا دا انت شكلك كده على اخرك اهم حاجه الكاش مش ببلاش ها
احمد : بس أنا مش فاهمك بس تقريباً انت بتتكلم في فلوس
السمسار: اه طبعا مش تعبان يبقا تبرز علشان ترتاح
احمد : ياعم عيوني بس أنجز
السمسار: هبعتلك لوكيشن تعالي عليه
احمد : دا مكان الشقه
السمسار: اه طبعاً
احمد : خلاص تمام سلام (وقفل الخط والله فعلاً شكله سمسار قرد دا حتا مقفلش المكالمة كأن الشقه في جيبه )
وفعلاً بعت السمسار اللاوكيشن ل احمد ووصل احمد تحت المنزل
احمد : ألو
السمسار: اي وصلت
احمد : اه تمام انت فين
السمسار: فوق أطلع
احمد : الدور الكام
السمسار: الرابع ياله
احمد : خلاص ماشي هركن وطالع
السمسار: طب ياله علشان أنا بس حاجزلك حته وربنا كل الناس هنا عنيها منها حتت قشطه
احمد : لا ياعم خلاص بقا أنا خلاص هخدها والله ولو معاك عقد أنا طالع امضي على طول
السمسار: لا لا لا عقد اي مفيش عندنا عقود انت تدفع الليله وشكرا عايز تيجي تاني احنا بتوعك
احمد : لا منا مش عايز كل شويه اغير الشقه علشان كده بقولك نكتب احسن
السمسار: ياعم تكتب على مين انت مجنون اطلع ياعم بقا خلينا نتفاهم هنا الله
احمد : ياعم ماشي سلام
بعد طلوع احمد
السمسار: ادخل يا دكتور
احمد.: اي ده بس ياعم دا لسه أهل البيت قاعدين و خدين راحتهم أنا وقف بره
السمسار: (بيضحك) الحقي دا طلع عسل خش يا مولانا ( وذق احمد جوه الشقه)
احمد : ياعم اي اللي بتعمله ده
السمسار: ايدك على الف جنيه
احمد : ياعم ماشي امسك ( وطلع الف جنيه) اتفضل
السمسار: ياله ادخل
احمد : اقفل وراكم طب و داخل
السمسار: (بيضحك) الحقي يا معلمه الواد ده عسل وربنا أنا حبيته
المعلمه: يا بنات يا بنات تعالوا شوفوا الاستاذ ياخد مين
احمد : يا جدعان وعهد الله أنتو ناس أفاضل وأنا لحد الوقتي مش عايز افهمكم غلط
خرج اربع بنات بلبس شبه عريان تماماً منهم واحده اسمها نعيمه
نعيمه : والنبي اخده أنا يا معلمه دا شكله كيوت اوي
احمد : لحظه بس معلش والنبي يا معلمه هيا دي شقه مفروشه
المعلمه : الله ما تشوف صاحبك يا فوزي
السمسار: اي ياعم كفايه هزار بقا ياله خد وحده وادخل
احمد : اععععععععععععععععع
السمسار: اي يخربيتك هنتفضح
احمد : هتتفضح يعني كل اللي انت قاعد في ده مش فضيحه وأنا اللي هفضحك
السمسار: انت مالك الوقتي خايف ليه
احمد : ياعم انت مجنون سبني امشي هات فلوسي ياعم
السمسار: انت مش بتقول انك تعبان
احمد : ياعم انت فهمت اي أنا قصدي تعبان عايز أنام انت عندك مفيش إلا التعب ده
السمسار: انت اصلك جاي تبع على الدكتور اكيد يعني عايز تنحرف
احمد : ياعم انت بتقول اي دا حتي راجل كبير
السمسار: هو مين اللي راجل كبير
احمد : الدكتور علي
السمسار: اي ده استني يا معلمه شكلي اتلغبط هو انت قصدك علي مين
احمد : الدكتور بتاع مستشفى اسكندريه العام
السمسار: ااااااااخ معلش يا دكتور حقك عليا أصل في واحد تاني برضوه اسمه على بس بيبعت الزبائن على هنا
احمد : ياعم والله ما زعلان هات فلوسي
السمسار: اتفضل
احمد : ألف شكر مع السلامه
باب الشقه بيتفتح مره واحده
محمد بيه: ولا حركه لم يابني الناس دي كلها على القسم
احمد : وعهد الله ما بوست بوسه أنا دكتور محترم وجيت هنا غلط
محمد بيه: هات الكلب ده معاهم
احمد : كلب وابن كلب كمان بس بص معايا شنطه هدومي اقسم بالله الحمار ده عامل فيها سمسار وجابني هنا مكنتش اعرف انها شقه دعاره هو أنا لو اعرف هجيب معايا شنطه هدومي
محمد بيه: وهات معاه شنطه هدومه يابني
احمد : ( طلع تليفونه)
الدكتور علي: ألو
احمد : دكتور علي الحقني أنا اتقفشت اداب
الدكتور علي: ينهار اسود انت بتتكلم بجد
احمد : والله الحقني على القسم بسرعه
الدكتور علي: قسم اي
احمد : يا بيه احنا رايحين قسم اي
محمد بيه: اسم النبي حرصك
احمد : اسم النبي حرصك
الدكتور علي: اسم النبي حرصك دا فين ده يا احمد
احمد : دا فين ده يا باشا
محمد بيه: عند امك
احمد : عند امي
الدكتور علي: عند امك انت بتهزر
احمد : اي ده صحيح هو حضرتك بتهزر يا باشا
محمد بيه: هات ياض التليفون ده هات بدال ما الفك في ملايا
احمد : لا ملايا لأ خود التليفون
