رواية تحت التهديد الفصل السادس بقلم ليل ادم
عم طارق: حد سأل عليا يا عبده
عبده : ست عائشه اتصلت سألت علشان انت مش بترد
عم طارق: هتصل بيها
عبده: اجيب لك حاجه من القهوه يا عم طارق
عم طارق : لا يا حبيبي خليك
عم طارق: ألو
عائشه: طارق طمني عليك وحشتنا اوي
عم طارق: أنا تمام والله متقلقيش لو كده اقعدي عندك لحد اخر الأسبوع و هاجي اخدك أنا
عائشه: بالله عليك يا طارق ما تعمل حاجه تقهرنا عليك
عم طارق: لا والله خلاص يا عائشه الموضوع منتهي أنا على الفرشه بتاعتي كمان
حبيبه: عم طارق
عم طارق: استني لحظه يا عائشه (وشال التليفون من على ودنه ) انا اعرفك صح
حبيبه:أنا حبيبه صديقه عزه
عم طارق: هات كرسي يا عبده قعد اختك (ورفع تليفونه من تاني) معلش يا عائشه سلام الوقتي
عائشه: حاضر سلام
عم طارق: انتي اللي كنتي في الجامعه لما قابلتك صح كده
حبيبه: (بدأت تبكي) ابوس ايدك اقف معايا
عم طارق: اهدي بس كده وسيبي ايدي انتي زاي عزه بنتي أنا معاكي ومش هسيبك اهدي
حبيبه: أنا ربنا يعلم مش سهل عندي اجي اتكلم مع حضرتك في حاجه زاي كده بس أنا سمعت في الجامعه أد اي انت حنين وبتقف مع اي حد ليه حق
عم طارق: قولي يا بنتي مشكلتك وبفضل الله محلوله
حبيبه: أنا اسمي حبيبه وبحب واحد صاحبي في الجامعه وطلب ايدي من أهلي بس بابا رفض وبعدني أنا ورامي عن بعض
عم طارق: وبعدين
حبيبه: بعد سنه مكنتش قادرة أستحمل وربنا يعلم السنه دي فاتت عليا اذاي قابلت رامي بره الجامعه بعد ما اتحايل عليا كتير قالي احنا نكتب عرفي ونكدب على أهلك نقول انك حامل وساعتها غصب عنهم هيقبلوا ونتجوز رفضت طبعاً بقا يقنع فيا كل يوم وطمني أن الورقه هتكون معايا بعد الضغط عليا منه قبلت وقولت كده كده الورقه معايا بس مفيش يومين وطلب مني الورقه علشان في حاجه لازم تتعمل ضروري وبعد كده يديني الورقه تاني
عم طارق: طبعاً خد الورقه و قالك امك في العشه ولا طارت
حبيبه: مش بس كده دا كمان طلع لا بيحبني ولا غيره طلب مني عشرين ألف جنيه مقابل الورقه وفعلاً أديته وضحك عليا مرضيش يديني حاجه وهددني لو فتحت بوقي هيروح ل بابا يقوله أنا مرعوبه أصلا من أن بابا يعرف من اسبوع لقيته كلمني قالي هاتي ١٠٠ ألف جنيه يا خليكي كده وهقول ل ابوكي برضوه
عم طارق: دا خد الموضوع شغلانه بقا
حبيبه: بالظبط
عم طارق: اتصلي بي الوقتي قوليله الفلوس معايا وخايفه ارجع البيت بيهم اجي اديك الفلوس فين
حبيبه: بس الفلوس مش معايا لسه هروح البنك
عم طارق: بنك اي اتصلي ياستي اعملي اللي بقولك عليه
حبيبه: اه كده وكده يعني
عم طارق: اه كده كده
حبيبه: طب لحظه
وطلعت التليفون تتصل بي
حبيبه: ألو
رامي : نعم
حبيبه: رامي الفلوس معايا وخايفه اطلع بيها البيت اعمل اي خلصني وهات الورقه معاك ابوس ايدك
رامي: لا بيت اي تعالي ع البيت عندي
حبيبه: نعم البيت عندك اي
عم طارق: ( أشار ليها هز رأسه)
رامي: خلاص مش عايز حاجه خليهم معاكي
حبيبه: لا خلاص هاجي البيت فين
رامي : هبعتلك العنوان حالا
حبيبه: ماشي سلام
عم طارق: ياله
حبيبه: هنروح فعلاً
عم طارق: طبعاً هو أنا بهزر معاكي قومي
حبيبه : أنا معايا عربيه
عم طارق: طب ياله
وقبل الوصول إلي منزل رامي
عم طارق: بس نزليني أنا هنا
حبيبه: ليه
عم طارق: علشان هو وقف مستني يشوف معاكي حد ولا لأ أنا هنزل وانتي امشي على أقل من مهلك عينك في المرايا طول ما أنا وراكي خليكي لحد ما توصلي علشان اعرف انتي. روحتي فين وجيتي منين تنزلي من العربيه اطلعي هو في الدور الكام
حبيبه: التاني
عم طارق: ياله امشي
نزل عم طارق من العربية وفعلاً عينه متابعه حبيبه عن بعد لحد ما وصلت البيت وطلعت الوقت اللي رامي كان وقف فعلاً منتظر وصول حبيبه للتأكد من وجودها وحيده وبعد دخول حبيبه منزل رامي أقل من خمس دقائق كان باب شقه رامي بيخبط
رامي : استني افتح الباب
حبيبه: ماشي
رامي : حضرتك مين
عم طارق: (دخل البيت حط ايده علي كتف رامي وقفل الباب ) أنا عمك طارق يا حبيبي
رامي : عم طارق مين انت عايز اي شيل ايدك
عم طارق: (لف ايده بكل قوه على رقبه رامي ) ولا أنا مش جاي اخد وادي معاك بروح امك ورقه البت دي فين
رامي : (بصوت خافت وضيق نفس) هموت هموت
عم طارق: اهو يا روح امك علشان متمتش أخلص فين الورقه
رامي : في الاوضه جوه والله
عم طارق: تعالي (وشده من رقبته) طلع الورقه
رامي : سيب رقبتي هموت
عم طارق: اخلص ياض
رامي : اهي اهي
عم طارق: اي الورق ده كله ياض هاتي كده الورق ده يا حبيبه شوفي في اي
حبيبه: ينهار اسود كل دي عقود جواز
عم طارق: حلو لمي كل العقود دي فين تليفونك ياض
رامي : اهو
عم طارق: لا مش كفايه انت لازم تيجي معايا ل تكون عامل مصيبه تانيه انزلي ياحبيبه افتحي العربيه وأنا هاخد الواد ده وجاي ياله
حبيبه: حاضر
وفعلاً خد عم طارق حبيبه و رامي وكل العقود ورجع المنطقة طلع البيت عنده ربط رامي
عم طارق: افتحي العقود دي يا حبيبه اللي تعرفي من البنات دي خليها تيجي تستلم العقد بتاعها الوقتي
حبيبه: اه اعرف منهم اربعه معانا في الجامعه
عم طارق: كلميهم
حبيبه: حاضر
رامي: أنا مش هسكت وعهد الله هشتكيك في القسم
عم طارق: ( ضرب رامي بالقلم ) وعهد الله أن فتحت بوقك وقولت كلمه غير اللي عايز اسمعها منك هنزل افك رعد ولو طلع هنا أنا من امبارح مدخلتش عليه لقمه انت حر
رامي : هو احنا عايشين في غابه
عم طارق: تمام أنا قولتلك لو فتحت بوقك قولت كلمه غير اللي عايز اسمعها هنزل افك رعد ومع ذلك عصيت كلامي لحظه واحده ( ونزل فعلاً عم طارق فك رعد وطلع بي البيت اول ما رامي شافه بدأ يبكي )
رامي : هقولك كل حاجه وربنا خلاص
عم طارق: الكلمه بحساب لو كلمه طلعت زياده حلال عليك رعد وانت حلال عليه هششش
رامي : (هو دماغه )
عم طارق: كل البنات دي طالب منها فلوس
رامي : اه
عم طارق: تليفونك اهو طلع ارقامهم
رامي : حاضر
وبدأ رامي يطلع رقم رقم يتصل بي وعم طارق يكلم كل بنت منهم يطمنها أن الورق في امان لو عايزه تجيب حد معاها تاخد ورقتها أو عايزه تيجي لوحدها تيجي وفعلاً بدأت تيجي البنات على بيت عم طارق وكل واحده تاخد عقدها وكان شرط عم طارق قبل ما تمشي تضرب رامي وتاخد حقها منه وفعلاً كانت كل بنت بتضربه ضرب مبرح حتي انتهت كل العقود
عم طارق: طبعاً انت فاكرها انتهت صح
رامي : والله مفيش حاجه تانيه
عم طارق: ولا أنا اللي اقول في ولا لا
رامي : حاضر
عم طارق: في صور بنات على تليفونك
رامي : (بص ل رعد ) اه في
عم طارق: حبيبه امشي انتي
حبيبه: حاضر يا عم طارق بس ممكن بكره اجي لحضرتك
عم طارق: ماشي ياله انتي الوقتي
حبيبه: حاضر
عم طارق: مفيش حد معانا مش عايزين نفضح بنات الناس بروح امك شغل مخك بدال ما رعد يتعشا بيه ورعد عشقه الكبده والمخ انت حر
رامي : لا والله ما هكدب
عم طارق: (بدأ يفتح الصور وكان مندهش من كم البنات اللي ضاحك عليهم رامي وبداء ياخد من رامي اسم كل بنت ويتصل بيها يخبرها أن ملهاش حاجه عند رامي والصور اتمسحت من عنده ولو حصل منه أي تهديد ليهم و ساب عنوانه لكل بنت ترجع ل عم طارق في حاله تهديد رامي ليهم)
عم طارق: خد
رامي : سبني امشي بقا
عم طارق: لا خليك مع رعد يومين تعرف أن الله حق علشان انت عايز تتربا
في جانب آخر
الامين خالد: محمد بيه مأمور القسم عايزك
محمد بيه: ماشي يا خالد
وقام راح فعلاً محمد بيه الي مكتب مأمور القسم
منير بيه: ادخل
محمد بيه: تحت امرك يا منير بيه
منير بيه: اقعد يا محمد
محمد بيه: تحت امرك يا فندم
منير بيه: شوف يا محمد أنا لا انكر ابدا كونك ظابط مباحث شاطر وبقالك في الدايره هنا سبع سنين والكل يحبك
محمد بيه: الحمد لله دي شهادة كبيره من حضرتك والله
منير بيه: بس دا مش موضوعي اللي جايبك علشانه
محمد بيه: أما اي الموضوع يا فندم
منير بيه: انت أتنقلت دايره تانيه وفي ظابط مباحث جديد من بكره هيكون في مكتبك دا جواب من الداخلية في كل التفاصيل اللي تخصك في شغلك الجاي
محمد بيه: اذاي الكلام ده مين اللي طلب نقلي
منير بيه: نفذ الأمر يا محمد بيه ياله علشان عندي شغل اشوفك على خير
محمد بيه: يعني اي
منير بيه: (خبط على مكتبه بكل قوه ) قولت نفذ الأمر
محمد بيه: تمام يا فندم (وخرج من المكتب)
الامين خالد: ينصر دينك هو ده الحل محمد بيه هو سبب نفخه طارق علينا وسامح بيه ظابط المباحث اللي جاي ده مفيش دايره دخل فيها إلا قالوا عليه عضمه ناشفه هان كل الاشقيه قبل المحترمين
منير بيه: هو أنا هسيبك يا طارق يا منصور إلا لما افرتك أسطورتك قصاد كل اهل الدايره وبعد كده أخد حقي منك
