رواية كوميديا سوداء الفصل السادس بقلم ليل ادم
راح الدكتور علي ومعاه استاذه ريهام الي القسم وفهم ظابط المباحث أن فعلاً احمد سبب وجوده هناك كان غلطه غير مقصودة وأن احمد كان بيدور على شقه يسكن فيها طول فتره وجوده في الاسكندريه وفعلاً خرج احمد معاهم
استاذه ريهام: أتهد بقا كل الفيلم ده اول يوم ليك يا اخي حتا القسم دخلته
احمد : وربنا ما بمزاجي هو أنا لو اعرف انها شقه مشبوهه كنت هروح
الدكتور علي: ع العموم خلاص اتفضل شوف هتعمل اي وخلي بالك من نفسك
استاذه ريهام: ما تيجي تقعد في المستشفى لحد ما تلاقي سكن ما في هناك غرفه للمغتربين
احمد : لا بخاف أنا انام في المستشفى يكون فيها عفريت ولا حاجه بعدين هو أنا طايق المستشفى شغل لما كمان أعملها بيت
الدكتور علي: خلاص براحتك اهم حاجه بكره تكون عندي في الميعاد اللي قولتلك عليه ياله يا استاذه ريهام
استاذه ريهام: ياله
احمد : اي الناس دي ولا حتا حد منهم قالي تعالي اوديك تجيب عربيتك ولا اي حاجه سبوني في الشارع بشنطه هدومي بالمنظر ده
في جانب آخر
أزمات : اي كباكه انت فين
كباكه: انت فين يا أزمات
أزمات : أنا في المكان ومعايا البضاعه أظهر ياعم عايز امشي
كباكه: أنا قصاد باب القسم تعالي
أزمات : منا مش عارفك ياعم
كباكه: مفيش حد وقف قصاد باب القسم غيري
أزمات : في حد يستلم بضاعه قصاد القسم
كباكه: يا عبيط كده محدش يشك فيك ابدا
أزمات : اي ده انت اللي وقف هناك ده
كباكبه: اه تعالي
أزمات : يابن اللعيبه دكتور اي التخفي ده
كباكبه: انجزني بس علشان غيرك عايزني سلام
أزمات : خلاص ياعم منا شوفتك سلام
عربي: اي ده يا كباكبه دا رايح يدي الحاجة للراجل اللي وقف قصاد القسم
كباكه: منا عارف خلينا واقفين لو الحكومه مراقبه أزمات تخده هو واللي معاه إنما لو مش مرقبه هروح اخد الحاجة من العبيط اللي هناك ده
عربي : صايع من يومك
في جانب آخر
أزمات : يالهوي على التخفي اي ده تقولش رايح حفله تنكريه
احمد. : (بص حواليه ) هو حضرتك بتكلمني أنا
أزمات : أطلع من دول يا كباكه امسك
احمد : اي ده
أزمات : المعلم زينهم بيقولك عايز الكاش مجمد بلاش تقطع الفلوس
احمد : يولاد الكلب (وعمال يضحك ويبص حواليه)
أزمات : في اي ياعم مالك
احمد : الكاميرا فين وحيات امك عايز اعمل ل امي بي باي
أزمات : ياعم كاميرا اي انت مجنون
احمد : ياعم والله ما حد هيعرف اني عارف المقلب أنا بحب الحاجات دي اوي فين الكاميرا
أزمات : كده امك اللي هتقولنا بي باي اطير أنا
المباحث: اقف ياض مكانك يلا
احمد : (وقع على الأرض من الضحك) وربنا جامده اوي اي ده هموت من الضحك يخربيتكم
ظابط المباحث: انت طفح اي ياض قوم اقف
احمد : الله هو حضرتك كمان معاهم في المقلب دي غريبه مع أن شكل حضرتك مش بتاع هزار خالص
محمد بيه: مقلب ياروح امك انت مش غريب عليا ياض انت مين
احمد : حضرتك لسه جايبني من شقه مفروشه أنا الدكتور أحمد الله هو ده كمان كان مقلب
محمد بيه: اه هات يابني العيال دي جوه وهات العبيط ده كمان
الأمين: (حط ايده على كتف احمد ) امشي معايا
احمد : الله انتوا حطين كاميرات جوه القسم كمان
أزمات: انت ياجدع انت اهبل مالك يا كباكبه في اي
احمد : كباكه مين أنا
أزمات : امال امي
احمد : (بيضحك ضحك هستيري والامين رفعه من الأرض مش قادر يقف من الضحك) لا كده كتير هموت هموت وربنا ناس عسل اوي اي ياعم ده أنا شكلي كده هحب البلد دي
محمد بيه: خد العيال دي على الحجز وسيب الاهبل ده في مكتبي
الامين: تحت امرك يا بيه
بعد دخول محمد بيه و احمد المكتب
محمد بيه: ممكن تبطل ضحك بقا علشان تفهم أنا عايزك في اي
احمد : منا مش قادر أصل الواد دخل عليا ممثل ممثل ابن الاي لا وكلامه عسل عايز دكتور تخاطب
محمد بيه: والله ما حد عايز دكتور تخاطب غيرك امسك
احمد : لا معايا تليفون
محمد بيه: طب تمام كلم بقا الناس اللي كانت هنا قولهم يرجعوا علشان حضرتك في نفس القسم ومعاك كيلو بودره
احمد : لالا مش هينفع اعمل مقلب فيهم دول دمهم تقيل ممكن استاذه ريهام ترميني بره المستشفى
محمد بيه:(خبط على المكتب بكل قوة) انت ياض عبيط ولا اي إحنا مش بهزر معاك انت في القسم بجد وهتتحبس لو متكلمتش
احمد : (بص ل محمد بيه وعايز يضحك) أنا بدأت اخاف هو الموضوع بجد وأنا مش فاهم ولا اي
محمد بيه: بالظبط ف أنجز بقا وقولي تعرف الواد ده منين ومين كباكبه ده
احمد : وربنا ما اعرفه أنا وقف دخل عليا قالي امسك والمعلم زينهم عايز الفلوس مش عارف جامده ولا مجمده وكلام غريب
محمد بيه: وخدته منه ليه
احمد : وربنا ما اعرف أنا بتفرج على التيك توك بيعملوا مقالب في الناس قولت ده مقلب وهتشهر وبتاع هو الكلام ده بجد
محمد بيه: كلم حد يجي
احمد : استر عليا الناس دي لو رجعت هترمي في الشارع وربنا أنا ما بتاع الكلام ده انا دكتور محترم هو حضرتك مش واخد بالك من لبسي
محمد بيه: امين يا امين
الامين : تحت امرك يا بيه
محمد بيه: هات أزمات من الحجز وانت ياعم المحترم كلم حد
احمد : (طلع تليفونه متردد مش عارف يعمل اي اتصل على الدكتور علي)
الدكتور علي: اي يا احمد
احمد : عامل اي يا استاذ علي
الدكتور علي: يابني أنا لسه سايبك من نص ساعة لحقت اعمل حاجه علشان تقولي عامل اي
احمد : أصل بصراحه انا مش عارف اشكرك ازاي على اللي حضرتك عملته معايا في القسم من نص ساعة بس كان عندي طلب اخير أن أمكن يعني
الدكتور علي: خير
احمد : هو ينفع نعيد المشهد بس حضرتك تيجي لوحدك تخدني من القسم
الدكتور علي: (بيضحك) نام يا احمد نام بكره عندك شغل
احمد : لا منا مش هينفع انام هنا انت بس مش عايزك تفضل تضحك وتاخد الموضوع ب هزار علشان والله بكلمك جد أنا في القسم بس الحمد لله المرادي الظابط خدني ب حاجه بسيطه جدا
الدكتور علي: انت بتهزر بجد صح
احمد : وربنا ابدا تعالي بس وهتفهم
الدكتور علي: ليه تاني حصل اي
احمد : مفيش كنت واقف مكان ما سبتني لقيت واحد دخل اداني كيس بعد اذنك يا محمد بيه الكيس كان في اي
محمد بيه: كيلو بودره
احمد : كيس بودره بيقولك
الدكتور علي: ينهارك اسود أنت بتقول كيس بودره كأنك بتقول كيس جبنه قريش
أحمد: منا مش فاهم في حاجه غريبه والله
محمد بيه: اخلص يا روح امك احنا هنحب في بعض
احمد : طب سلام يا دكتور علي علشان محمد بيه شكله مستاء مني الوقتي
الدكتور علي: مستاء منك اقفل يا احمد اقفل أنا جاي
احمد : العشم برضوه يا دكتور علي في رعاية الله
الدكتور علي: ماشي ياعم اجري امشي بقا (وقفل في وشه)
احمد : شوفت قفل في وشي محدش مصدق أن واحد محترم شبهي يكون معاه كيس اسمه اي ده اللي بتقول عليه
محمد بيه: ياض اسكت انت بالع راديو
الامين : أزمات يا محمد بيه
محمد بيه: خد يا أزمات انت تعرف مين ده
أزمات : اه دا كباكبه
محمد بيه: كباكبه مين
أزمات : اللي جاي ياخد مني الحاجة دي
محمد بيه: تعرفه منين
أزمات : أنا أول مره اشوفه أنا جاي على طريق التليفون
محمد بيه: طب تمام فين التليفون ده
أزمات : اهو هو أنا هكدب يا محمد بيه انت عارفني أنا ابيع بودره اه إنما اكدب لأ هو أنا شيطان
احمد : لا صاحب مبدأ يا معفن
محمد بيه: اسكت انت
احمد : منا بس بقوله
محمد بيه: ياعم اااااااااااااااسكت اسككككككككككككككت
احمد : شوفت عملت اي في الراجل ياحتت كداب انت
محمد بيه: وعهد الله هنزلك الحجز انت مبتفهمش
احمد : (حط ايده علي بوقه) اهو سكت خالص
محمد بيه:هو ده الرقم اللي كنت بتكلمه
أزمات : اه هو ده رقم كباكه
احمد : ما أنا دكتور في مستشفى يعني ممكن اي حد يجيب رقمي
محمد بيه: هو انت اسمك كباكه
احمد : لأ
محمد بيه: أما اي اللي اي حد يجيب رقمك انت بتحط نفسك انت غبي وحمار
احمد : أرد ولا اسكت
محمد بيه: اسكت (ورن على الرقم طلع مقفول ) هات تليفونك
احمد : اتفضل
محمد بيه: يا امين فتش الدكتور لو معاه تليفون تاني طلعه
الامين : ماشي
احمد : لا مش معايا هو حضرتك عايز تلفون تاني ليه علشان أخرج من هنا يعني
محمد بيه: يابني اسكت
باب المكتب بيخبط
محمد بيه: ادخل
الدكتور علي: خير يا محمد بيه دا لسه خارج اكيد يعني مش هيلحق يشتري كيلو بودره اكيد في حاجه غلط
احمد : قوله يا دكتور علي
الامين : مفيش حاجه معاه يا محمد بيه
محمد بيه: خد يا أزمات تليفونك
أزمات : ماشي
محمد بيه: رد على أزمات ياعم انت كمان
احمد : حاضر اهو
محمد بيه: خده بره يا امين اطلع بره كلم أزمات في التليفون
احمد : حاضر
بعد ما كلم احمد أزمات في التليفون
محمد بيه: هو ده الصوت اللي كان بيكلمك يا أزمات
أزمات : لا مش هو خالص
محمد بيه: متأكد
أزمات : عيب يا محمد بيه هو أنا عبيط
محمد بيه: دكتور علي اضمنه بعد اذنك
دكتور علي: تمام مفيش مانع
محمد بيه: (بص ل احمد) اطلع بره مشفش وشك على مكتبي تاني انت فاهم
احمد : احلي حاجه بعد اذنك جاي معايا يا دكتور علي ولا قاعد مع البيه
الدكتور علي: لا ياله
بعد الخروج من القسم حكا احمد ل الدكتور علي كل حاجه حصلت
الدكتور علي: دا انت مصيبه يا اخي حد يعمل كده في نفسه مقالب اي بس
احمد : اللي حصل بقا والله ما كنت اعرف حاجه
الدكتور علي: المهم الوقتي عربيتك فين
احمد : تحت الشقه اللي اتخدت فيها
الدكتور علي: وهتيجي تنام في المستشفى مش هسيبك إلا لما تيجي معايا أنا تعبت لف وراك
احمد : منا بخاف انام فيها والله
الدكتور علي: وأنا عندي تخاف احسن ما تجرجرني وراك كل شويه على القسم اركب نروح نجيب العربية
