رواي عذابي وقدري الفصل السادس بقلم ارسلان جاف
صباح الخير داده تفاعلكم بل بارت الي فات مو زين راح أرجع القصه بين يوم ويوم تحياتي الكم
روان ..اتصل علاء وقبل لا ارد فكرت بكلام بابا
شراح يكولون عليه عمامي وعماتي ..اذا عفت
علاء شراح يصير بابا …
انتهت المكالمة ورجع علاء اتصل مره ثانية
قررت اجاوبه وفتحت خط…
كلت الووو بصوت تعبان… كوه اجر النفس
علاء ..الووو يعافيتي شبي صوتج شصاير وياج
روان ..ماكووشي فلاونزا…
علاء… تريديني اجي…
لا حبيبي ماكوو شي الصبح اصير زينة
علاء… شكلتي عيدي…
روان ... كلت فلاونزا وللصبح اصير زينة
لا كلتي حبيبي ..تروحلج فدوه عشيرة حبيبج ..
روان… بعد كل الي سمعته منه قررت اكون وياه
واكمل رغم كل الي حجاه…
اني فكرت بيني وبين نفسي كلت اكيد هو يريدني
ويحبني لومايريدني جان مايحجيلي هذا كله ..
واني احجي وياه وهو بده يحجي عن اهله
بالبيت 17 نفر مرت ابوة شتسوي بيهم
وشلون تعاملهم… وامه شلون توفت بسبب
مرت ابوة الي ان صارت الساعة 2 بالليل
علاء… حبيبي باجر عندج دووام ..
روان… اي حبيبي ..
ماشي يرووحي روحي نامي هسه وباجر نحجي بس يعمري قبل لا تروحين… بالنهار نحجي
رسائل لان بالشغل ومااكدر اخابر…
بالليل اخابرج… ماشي حبيبي
روان ..تصبح على خير حبيبي
وانتي بالف خير يعمري…
باي .. باي ..
سديته وياه ..
وذكرت نطرات مرت ابوة شلون جانت كلها حقد
وكره بيوم العقد ..
نمت وكعدت الصبح اتريكت وبدلت ورحت لدووام
وخلص الاسبوع واحنه بالليل نتخابر ونبقئ
لساعة 3 نحجي ..وبالنهار رسائل لحد مايوم
كلي علاء صااار عندي شغل ..
روان… خير شنووو هالشغله ..
علاء… باجر راح اجي للحلة وابقى بيت واحد من
اصدقائي كم يوم ..وامر عليكم حبيبتي ..
واذا اكدر باجر بالليل اجيكم…
روان… تجي بالسلامة حبيبي …
الله يسلمج حبيبتي ..
سولفنه وكملنه سديته وياه ونمت وللصبح كعدت
بدلت ورحت للمدرسة…
اجه حسين ابو الخط طلعت صعدت بالخط…
صباح الخير…
نور اخت حسين صباح الورد…
مرينه على بقيه البنات اخذناهم ويانه… .
وصلنه للمدرسة نزلت…
وخلص يومي بين الواجبات والدروس عادي ..
خلص دوام وطلعت…
شفت علاء واكف باب المدرسة…
هذا شجابه وشلون اجه لمدرسة…
تكتم… شبيج خبلة من نخطبتي كمتي تكطين
خيط وخيط…
هذا منو الي شجابه .. باوعت ولج هذا صاك
يخبل… منووو كتلها علاء
تكتم ..خطيبج ..
اي وشعرفه بالمدرسه شمدريني .
بقيت صافنه عليه طالع يخبل وشخصيه فدوه
جان لابس هم قميص اسود وبنطرون اسود
وساعه لون ذهبي…
ماعرف شنووو قصته ويه اللون الاسود كلما اشوفه
لابس اسود صاار عندي فضول اعرف السبب…
رحت عليه شافني ابتسم…
هلا حبيبتي .
هلا بيك الحمد لله على السلامه
الله يسلمج حبيبتي ..
علاء شلونج ..رنووو… كتله تمام الحمد لله
انت شلونك…
من شفتج كبالي صرت كلش زين…
يله حبيبتي…
- روان وين علاء
وين للبيت اني اوصلج حبيبتي…
روان… والخط شلون…
كليلهم اروح وياه خطيبي يوصلني…
روان ..شفت حسين ابو الخط واكف ويباوع على علاء والشرار يطلع من عيونه…
صحت رفل بنية ويايه بالخط وكتلها رفل
- اني ماراح ارجع وياكم بالخط خطيبي راح يوصلني كولي لابو الخط ..
رفل… ماشي… شكرررا
جرني علاء من ايدي وصلنه للسيارة وكال يله صعدي و فتحلي…
باب السيارة صعدت ليكدام يمه سد الباب واندار
صعد بالسيارة …
روان… حبيبي ليش دائما تلبس اللون الاسود
علاء… الاسود سيد الالوان… واني من يوم
الي توفت بي امي الله يرحمهه لبست اسود واحبه
روان… الله يرحمهه…
وشغل اغنية كاظم الساهر ( احبيني )
احبيني بلا عقد وضيعي في خطوط يدي…
احبيني لاسبوع لايام لساعات … .
فلست انا الذي يهتم بالابد … .
احبيني… احبيني… احبيني…
وحرك السيارة ومشينه وهو يغني ويه الاغنية
ولزم ايدي واني اتخربط كل كياني ودكات
كلبي زادت وجسمي رجف…
وبقى لازم ايدي وماهدها ويغني وباسها وهمسلي
احبج عمررري ..
انتي حلالي…
انتبهت اشووو راح بطريق غير طريق لبيتنه…
خفت وارتبكت…
روان… علاء حبيبي هذا مو طريق البيت وين
رايحين…
علاء اعرف حبيبتي خلي شويه نفتر بالسيارة
مشتاقلج وبعدهه ارجعج للبيت…
روان… لا علاء عفيه اخاف اتاخرر رجعني للبيت
علاء… ماراح يطير البيت ..
روان ..واهلي راح يضل بالهم عليه…
علاء ..معليج بيهم خليهم عليه…
خفت كلش وتوترت… سكتت
ورجع باس ايدي وكال رنووو حبيبي لج اريدج
صاار اسبوع واني اكابر بس مااكدر بعد اريدج
ولزمني من وجهي واقترب مني وكال اريد
اضوك من العسل الي بشفايفج وهو يحجي
بصوت ناصي بهمس ويباوع لشفايفي
وصارت انفاسه لحاره كلش قريبه مني ولفحت
وجهي … .
ياربي اني بشنوو وكعت نفسي…
روان… علاء عفيه لا تسوي شي…
علاء… وولج من اشتعلت عشيرة علاء كلها
منووو يكدر يشوف كل هالجمال كباله ويبقى
عقل براسه ..
انتي خبلتيني… اقترب خفت وغمضت عيوني
ولثم شفتي بوسة،…
مااحس الا صارت شفايفة على شفايفي وباسني
من شفايفي…
ماادري شصار بيه عبالك كهرباء لزمتني…
دفعته بسرعه من صدره باثنين ايديه
صح شعور حلووو واول مره احس بي ..
بس نزلت دموعي وبجيت ماهانت عليه نفسي
صح هو خطيبي وراح يصير زوجي بس مايصير هالشي،…
كتله علاء رجعني للبيت…
هو صاار عصبي… وصاح رايحين ماراح يطير للبيت…
وصلنه للبيت وفتحت باب السيارة بس اريد انزل
صاح روان…
كليلهم علاء وياي علمود انزل اسلم على عمي
وعمتي نزلت ودكيت الباب فتحته ماما…
ماما… ولج شبيج ليش اتاخرتي ..
روان ماما علاء وياي الباب…
ماما… صاحت واحد من الولد حتى يدخله علاء
لان بابا ماموجود
ماما… صاحت واحد من الولد حتى يدخله علاء
لان بابا ماموجود بالدووام مايجي لساعة 3
ماما… فاتت للبيت صاحت لاخويه علي
طلع يدخل علاء واني صعدت كبل لغرفتي
فتت رونق… هااا تاخرتي…
روان اجه علاء اخذني من المدرسه
هلا هلا بالحب… وصل للمدرسه
صعدت ابدل ملابسي جان اكو دبدوب على ميز لمرايه
ضربتها بي…
رونق اخخخخخ
ولج استحي… لبست تنورة لون اسود وقميص
لون سمائي وشال سمائي وتمكيجت وتعطرت
وطلعت…
ونزلت وفتت للمطبخ احضر الغده وياه ماما
صبينة الغده وكعدنه كلنه سوه نتغده
وهو يباوعلي ويضحك لو يغمزلي ..
واني بطبعي خجوله…
كعدنه اني ورونق… اريد ابلع اللكمه ماكدر كوه
اكلت شويه
علاء… كعدنه نتغده وكلسع اباوع عليهه كوة تاكل
روان… كملنه غده وشلنه المواعين والسفره
رونق… اني اغسل لمواعين اخذي الجاي
اخذت الجاي وفتت قدمته الهم وظلبت كاعه يم علاء
همسلي اني زعلان منج ..ماراح ارضى الابوسه
فتحت عيوني على وسعهن…
عززززه ياربي هذا شبي ميستحي …
مدايشوف امي واخويه علي كاعدين…
اوووف ياربي هذا شيحجي صاحي مخبل ..
طلعت…
ودزلي رسالة مكتوب بيها .. ماعليه ابوسج واروح
وراي هواي شغل حبي…
كتبتله علاء حباب علي اخويه وماما موجودين
استحي والله عيب…
علاء… مااعرف اريد بوسه ليوم…
علاء والله مااكدر عيب ..
علاء ..مااعرف… ..
لعد جيبيلي خاولي اريد اغسل ايديه…
روان… ماشي…
روان… دخلت يمهم علاء كال اريد اغسل ايدي
علي ..بالكليدور…
ماما… روان روحي دلي خطيبج خلي يغسل ايده
رحت وياه وجنت اعرف هاي سالفة من سوالف
علاء… دخل للحمام يغسل وجرني من ايدي
وسد الباب وكال هسه هم امج وعلي يمج…
يله حبي بوسه…
واني حمريت وصفريت من الخجل…
وهو صااح خررب عمي وولج تريدين تموتيني
فديته الخجول اني…
شنووو هالخدود… شنوو هالجمال ولعيون
دفعني على الحايط وحصرني وقرب جسمه
على جسمي هو جان اطول واضخم مني
وعنده عضلات يلعب حديد .. دفعته ماكدرت
وفتح الحجاب… جمدت
روان ..علاء شتسوي لا حباب خلي اطلع لا يجي
احد من اهلي ويشوفنه والله يموتوني ..
علاء… ولج انتي حلالي محد يكدر يلمس
شعره منج… تعرفين شنوو حلالي
وخله ايده على شعري وسحب خصله منه
وخلاها على وجهه ويشم بيهه ..
حسيت انفاسة تسارعت وصارت كلش قريبه
عليه وقرب شفته من شفتي غمضت عيوني
باسني من شفايفي واني رحت بعالم ثاني ..
وحسيت باحساس حلووو وتجاوبت وياه
وبادلته البوسه بعدهه نزل شفايفه على ركبتي
وباسها بقوه حسيت على نفسي ودفعته
كال هاي علمود تذكريني يوميه…
طبع على ركبتي بوسة خلى ركبتي مكان البوسة
ازرك… خررب شلون اذا شافوها اهلي شراح اسوي
عفته وطلعت ركض وعدلت الشال ورحت
كعدت يم ماما بالاستقبال…
هو غسل واجه ورايه شافني كاعده
ضحك وكاللهم اني اترخص عندي شغل
ويباوعلي ويحجي…
ان شاء الله… امر غير يوم ..وطلع…
شويه ودزلي رسالة مكتوب بيها…
ماشبعت منج…
روان عزززه مايستحي خجلت ماجاوبته
مااعرف شرد عليه…
العصر كعدت قريت دروسي لان بالليل اعرف
علاء راح يخابرني…
تعشيت وصعدت لغرفتي تقريبا لساعة9
خابرني علاء… اول مفتحت خط كال رنووو
بعد مدرسة ماكوووو…
روان… ليش علاء
علاء ..ماكووو مدرسة بعد خلص…
حاولت اقنعه ماكووو… سديته وياه
وكمت ابجي ونزلت جوه… على ماما وبابا
شكرا لزيارتكم عالم روايات سكيرهوم
