رواي عذابي وقدري الفصل السابع بقلم ارسلان جاف
مساء الورد 🌺🌺🌺🌺🌺🌺🌹🌹🌹 داده اذا الكه تفاعلكم قوي ارجع لنشر اليومي اريد 200 اعجاب و300تعليق
ايتهـا الأقــدار رفقـا بـنا...
وبقلـوبنا الـتي اتـعبها التـمني..
واتــعبهـا الامــل والانتظــار ...
خابرني علاء... اول مفتحت خط كال رنووو بعد
ماكووو مدرسة انصدمت ...
روان... ليش علاء ..
ماكووو مدرسة من نتزوج اني بيدي اخذج
وارجعج...
انتي ماشفتي ذاك اليوم من اجيت اخذج من
المدرسة شلون جانت نظرات ابو الخط الج
والناس كلها تباوع عليج،...
علاء... مدرسة بعد ماكوووو صيري يمي
ورجعي للمدرسة محد راح يكلج لا داوومين
بس دوووام هناك ماكوووو بعد...
روان ..علاء بسس،...
رنووو خلص مدرسة ماكوووو... لاتضوجيني
سديته وياه وبديت ابجي واحجي ليش اني قبلت
بكلشي... وليش هو مايقبل بمدرستي...
هو يدري اني بدون المدرسة والله امووووت
ليش هيج يسسوي بيه...
ليش يحرمني من اكثر شي احبه... نزلت جوه
واني دموعي على خدودي تنزل
نزلت جوه على بابا وماما علمود يحجون ويه
علاء...
ماما... شافتني شبيج بنتي رنووو
روان... وين بابا
ماما .. كاعد بالهول رحت عليه وماما
اجتي ورايه كعدت وكمت ابجي واحجي منهاره
ماما بابا... علاء يكول بعد ماكو مدرسة
وهاي اخر سنه شلون يريدني اترك دراستي
كالوا احنه متوقعين منه ماراح يخليج تكملين
وكنالج قبل البنية مالها غير بيتها وزوجها...
شنوو نهاية الدراسة بس تعب وسهر وبالاخير
الكعده بالبيت ..
من سمعت برودهم وردهم هيج عرفت ماكو امل
منهم عفتهم وصعدت لغرفتي...
وابجي ودموعي علئ خدودي فتت لغرفتي
وشمرت نفسي على فراشي وخليت راسي على المخده وابجي بقهر بقيت ابجي الليل كله منمت
للفجر... تغييرت معاملة اهلي ... الي
اوووف ياربي...
ليش هيج علاء حرمني من مدرستي وليش ظلموني اهلي... واني شنوو الي سويته...
ثاني يوم للصبح اجه علاء صاحولي منزلت لان
مااريد اشوفه جنت كلش ضايجه منه ومخنوكه
ليش كلشي حلووو يرووح مني...
شويه واندكت الباب عبالي اخوية علي...
كتله ادخل علاوي .انفتحت الباب وجان يدخل
علاء شافني بقى صافن عليه ومارمشت عيونه
اني. جنت لابسه تراك برمودة وفانيله ربع ردن
لون اسود وشعري فاتحته سرح ونازل يوصل
لخصري ولونه جوزي مو اسود ابد ماصابغته ولا
ولا كاصته بس جنت اكص الاطراف ماما ماتقبل
اصبغه تكوول من تزوجين اصبغي...
من شفته ارتبكت وتوترت ماعرف شسوي
سحبت البطانيه ولفيت بيها نفسي ..
روان... هااا علاء شرايد
علاء... رنوو شلونج... منزلتي
وعمه كالت اصعد شوف مرتك ...
روان... هااا يعني متعرف منين ضايجه
علاء... رفع حاجبه وكال لا مااعرف
روان... يعني نسيت شكلت لبارحة
ضايجه على مدرستي الي خليتني اتركها...
دخل علاء بنص الغرفه واقترب مني وكال
راح تعرفين ليش بطلتج بس موهسه كلشي بوكته
جنت واكفه وملفلفه روحي بالبطانيه جرها مني وجرني من ايدي ودفعني علئ الجربايه ..
وصار فوكايه وبدا يبوس بيه...
واني ادفع بيه ومااكدرله نزلت دموعي
روان ..علاء وخررر وادفعه مااكدرله لان اضخم واكبر مني واني اتوسل بي بس هو ولا يمه ..
باوع عليه وكال تعرفين ليش بطلتج لان هذا الجمال
كله الي وحدي وبس محد لازم يشاركني بيه
وكام من يمي...
بعد ماخله ركبتي زركه واني ابجي سحبني حيل عليه وكال صورتج الي عد حبيبج حييل حلوووه
روان... هنا اني حسيت مثل الصاعقه اجتي على
راسي...
ياصوره ويا حبيب علاء انت شتحجي بيك شي
واي حبيب الي انت تكول عليه واني ماعندي اي
شخص احجي وياه...
وبعدين شنوو حبيبج...
دفعني وكعت بالكاع وهو عافني وطلع...
بقيت بس ابجي كلام علاء خلاني مااعرف شسوي
بقيت افكر واعيد كلامه براسي وابجي
ومااعرف شسوي،شكول المن احجي واني اعرف بنفسي بريئه وماعندي شي...
ياربي طلعني من هالمصيبه...
دقايق ودك تلفوني فتحته اجتي رسالة من علاء
مكتوب بيها... اني حجيتلج كلشي ومضميت عنج شي عبالي انتي هم ماراح تضمين عليه ..
بس جنت غلطان ومن اليوم بعد كلامي الي يمشي
وطلعه من الباب بعد ماكووو.. اذا مو اني موجود
روان... شنوو حبيبج شبيك علاء... وهذا الحجي شنووو
كال بالليل اجي واراويج شنوو هذا الحجي
بقيت بغرفتي نايمه مانزلت على الغده ولا اتغديت كتلهم راسي يوجعني اريد انام ...
مااريد اشوف احد كارهه كلشي...
نمت واني ابجي وماكعدت للمغرب كمت غسلت
وصليت ودعيت ربي اخلص من هالمصيبه
باوعت على لمرايه عيوني صايره حمر من البجي
وركبتي زركه طلعت شال من الكنتور وخليته على
ركبتي اخاف اهلي يشوفوهه ونزلت...
اتعشيت وره العشه بشويه اندك جرس الباب
جنه كاعدين بالهول طلع اخويه هيثم
اجه كال هذا علاء اني من سمعت
ماادري شصار بيه خليت ايدي على كلبي واحس
اختنكت بعد مابيه اتنفس وكلت هاهيه راح يكول
لاهلي....
- دخل علاء وسلم... السلام عليكم
الكل وعليكم السلام...
باوعلي وكال عمي من رخصتك اريد احجي ويه
روان شويه بالحديقة...
طلع للحديقه وطلعت وراه...
ومااحس الا لزمني من ايدي بقوة ونار تطلع من
عيونه وكال اني مو مضحكه عندج علمود
تضحكين عليه...
روان... شبيك علاء ايدي توجعني وهو يضغط،
عليها اكثر حسيتها راح تنخلع بايده
وصك على اسنونه وحجه انتي شوكت تروحين
للمدرسة لو مخلصتها وياه حسين يوميه بمكان
روان ..علاء انت شجاي تحجي جان يكولي هاج
شوفي... انطاني لموبايل هاي مو صورج لو لا
صوره الي جانت بتراك وصوره برموده وكيمونه
اتخبلت...
وكال تريدين تعرفين هذني منين الصور هاج شوفي طلع مراسلة حسين ابو الخط على الفايبر
من شفتها انصدمت... .
منين جاب رقم علاء وصوري بقيت بس ابجي
واشهك...
روان... علاء والله جذب والله ماعندي وياه شي
علاء... راح اصير احس منج وماانزل راس اهلج
مايستاهلون هيج تسووين بيهم...
روان والنبي حسين ماعندي شي وياه بس جان ابو الخط مالتنه ياخذني ويرجعني غير شي ماعندي وياه...
علاء... اشششش اسكتي ولا كلمه ..عافني وطلع
كعدت على المرجوحه وبقيت ابعلاء... اشششش اسكتي ولا كلمه ..عافني وطلع
كعدت على المرجوحه وبقيت ابجي والله اني
مامسويه شي... والله مظلومه وماعندي شي...
ذكرت صديقتي تكتم ..كلت لازم اخابرها واحجيلها
مسحت عيوني وفتت للبيت وركض صعدت لغرفتي
فتحت جهازي واتصلت بيهه...
دكيت اول دكه طلع المشترك مشغول...
رجعت دكيت مره ثانيه...
علاء... رجعت من الشغل تعبان ساعه 10 سبحت
وبدلت وصعدت انام اتمددت على فراشي وغمضت
عيوني دك التلفون... كلت اكيد هاي الحب مالتي
فتحته اجتني رساله على فايبر والرقم غريب
مااعرفه كلت يمكن واحد من اصدقائي،فتحتها
اول مافتحتها شفت صور لروان وهي بتراك البيت
وبرموده والفانيله كيمونه طالعه زنودها
وشعرها مفتوح... اتخبلت ماضل عقل براسي
كتله انت منوو. وهاي صور خطيبتي شسوي
عندك ضحك وكال اني حسين هاي حبيبتي
روان والدليل هاي صورها عندي...
ذكرته بيووم رحتها للمدرسة شفت نظراته جانت
غريبه... مارتاحيتله
لهذا منعتها من الدوووام... انقهرت عليها بيومها
بس اني احبها واغار عليها...
وبقيت الليل كله الووب منمت طلعت الفجر ولصبح وصلت للحلة...
رحت كبل لبيت اهل روان...
منزلت جانت زعلانه مني... .
امها كالت اصعدلها فوك صعدت شفتها عقلي طار
شنوو من جمال متحملت اقتربت منها وبستها
بس من ذكرت حسين دفعتها وطلعت...
وهي تبجي وتكول مظلومه لعد هاي الصور شنو ..
........................
تكتم... جنت احجي ويه بنت خالي دكت عليه روان
مره ورجعت دكت مره ثانيه استغربت جان وقت
تقريبا ساعه 9... نهيت الاتصال ورديت عليها ..
تكتم... هلووو خبلة ..
روان... اني ابجي واشهك ..
شبيج روان احجي منوو وياج... ليش تبجين
روان ..تكتم تعالي ..
كالت 10 دقايق واني يمج...
هي بنفس منطقتنه ..اندكت الباب ونزلت ركض
فتحتلها واخذتها وصعدنه فوك لغرفتي ..
وبديت احجيلها واني ابجي...
تكتم ..ماعليج خلي السالفه عليه
روان ..والله ماعندي شي ويه حسين هو من حاجاني اني رفضته وكتله ماافكر بس بدراستي
وماعندي شي الك اخي واتمنى تعتبرني اختك
تكتم... والصور منين هذني
روان اذكرت من جانت تجي عليه نور اخت حسين وتكتم
ونكعد نقره سوا..
كتلها انتي شكم مره اجيتي انتي ونور اخت حسين لهنا علمود نقرا سوة وهيه اخذتهن...
تكتم... ياحقيره...
خلص باجر اني راح اكلج شنو اسوي ..
روان ..شلون واذا اهلي عرفوا وعلاء يمكن ماراح
يسكت ولج شسوي راح امووت والله ..
تكتم ..معليج انتي اني احلها ..
- وعلاء بعده هنا بالحلة...
روان ..اي
ماشي وطلعت من يمي... وخلتني محتاره ..
والتفكير موووتني...
شكرا لزيارتكم عالم روايات سكيرهوم
