رواية تحت التهديد الفصل السابع بقلم ليل ادم
سويقه : عم طارق محتاج حاجه تانيه النهارده
عم طارق: لا يا سويقه حلو كده النهارده بليل تعالي خد الفلوس
سويقة: حاضر يا عم طارق
محمد بيه: عم طارق
عم طارق: محمد بيه منور الدنيا روح انت الوقتي يا سويقه
سويقة : تحت امرك يا عم طارق
عم طارق: عبده شوف محمد بيه يشرب اي
محمد بيه: لا والله ياعم طارق أنا جاي اودعك قبل ما امشي
عم طارق: اي الكلام ده انت رايح فين
محمد بيه: جالي جواب نقل
عم طارق: نقل طب اذاي هو انت قصرت في حاجه
محمد بيه: اهو النصيب بقا يا عم طارق أنا جاي اودعك و أقولك خلي بالك من نفسك ياعم طارق انت عارف انا بعزك
عم طارق: والله زعلتني يا محمد بيه
محمد بيه: منا بقولك النصيب اشوفك على خير يا اجدع خلق الله
عم طارق: أشوفك على خير يا انضف خلقه
محمد بيه: هكلمك
عم طارق: وأنا هاجي و اقعد معاك ولو وصلت اسيب الدايره كلها لجل عيونك
محمد بيه: حبيبي يا عم طارق مع السلامه
عم طارق: مع السلامه يا راجل يا محترم
في جانب آخر
الامين خالد: اي بقا اعملك اي تاني علشان اشوف منك
ناجح غنام: أنا كنت فاكرك بتاع مجالات بس عجبتني الله ينور عليك يا عم خالد
الامين خالد: نفسي اشوف منك بقا
ناجح غنام: بعتلك ياعم شيك ب ٢٠٠ ألف جنيه اهو علشان تروق كده وتشغل عقلك معايا بس عايزك تنجز شويه أنا وسيد مش عارفين ندخل المنطقة بسبب ابن الكلب المجنون ده
عم خالد: ومين سمعك أنا من يوم اللي حصل مربوط في القسم لو طارق سمع اني على الأسفلت مش هيسكت
ناجح غنام: هو فعلاً خد سلاح مأمور القسم
الامين خالد: اه ابن المجنونه تخيل
ناجح غنام: جبروت طول عمره
الامين خالد: بس جت مصلحة الحركه دي شغلت دماغ منير بيه اوي
ناجح غنام: سبب انك عرفت تنفذ بسرعه أن طارق راجل حر مش هيقبل حد ينط على كتافه
الامين خالد: هو بصراحه مش مقصر معانا هو مغرق مركبه بأيده
ناجح غنام: اي موضوع ظابط المباحث الجديد ده
الامين خالد: طب اقفل وهكلمك تاني علشان شكله وصل
ناجح غنام: هو مين
الامين خالد: ياعم اقفل الوقتي سلام
في جانب آخر كان دخل سامح بيه مكتبه الجديد في القسم
سامح بيه : ادخل
الامين خالد: سامح بيه منور القسم والدنيا كلها
سامح بيه: شكرا يا
الامين خالد: أنا الأمين خالد يا سامح بيه اقدم امين شرطه في القسم
سامح بيه: طب هات القهوه عبال ما اشوف مين بيرن
الامين خالد: قهوه
سامح بيه: عندك مشكله
الامين خالد: تحت أمرك يا سامح بيه قهوتك اي يا باشا
سامح بيه: زيادة ألو مين معايا (وأشار إلى خالد بالخروج من مكتبه )
محمد بيه: سامح بيه أنا محمد بيه ظابط المباحث اللي كنت قاعد مكانك جبت رقمك اقولك كلمتين خدهم من اخ ل اخوه
سامح بيه: قول يا محمد بيه
محمد بيه: انت نازل على راجل جدع اسمه طارق منصور احكم عليه ب عينك وعقلك بلاش تسمع من حد صاحب طارق تاخد عين الدايره كلها غير كده هتتعب
سامح بيه: شكرا يا محمد بيه تعبت نفسك والله سلام
محمد بيه: سلام
الامين خالد: القهوه يا سامح بيه
سامح بيه: خد يا خالد مين طارق منصور ده
الامين خالد: عم طارق دا كبير المنطقة حد كده فارد عضلاته علينا كلنا والقسم كله بيتلاشا الشكل معاه لو فعلاً يا سامح بيه عايز تعمل قلق في الدايره انزل هات طارق
سامح بيه: انت مجنون هتقولي اعمل اي و معملش اي
الامين خالد: أنا آسف يا سامح بيه
سامح بيه: انزل هات طارق منصور قوله سامح بيه عايزك
الامين خالد: ما
سامح بيه: ما اي ما تنطق
الامين خالد: معلش يا سامح بيه أنا مش هينفع انزل ل طارق منصور أنا لو نزلت فيها ضرر ليا
سامح بيه: طب انزل وخلي طارق منصور يلمسك ولا اقولك أنا نازل اجيبه انزل حضر الميكروباص هطلع مكتب المأمور ونزل
الامين خالد: تحت امرك يا سامح بيه
في جانب آخر
عم طارق: شويه عيال مفاجيع يخربيتكم ملحقتش صباع كفته
برازيلي: اي ده اي ده يعني عامل عزومه ومتتصلش على برازيلي منا يتيم وربنا زاي العيال دي
عم طارق: اترزع انت كمان عبده روح هات رغيف كفته ل اخوك
عبده : تحت امرك يا عم طارق
برازيلي: من الكبير ياض يا عبده
عم طارق: اسمه عبده اي ياض دي
برازيلي: من الكبير ياعم عبده حلو كده يا عم طارق
عم طارق: ياض عايز أعلمك الاحترام (وبيضحك)
في جانب آخر
منير بيه: انزل يا سامح بيه انت مش محتاج تطلب مني انك تنزل تجيب حد شاكك في
سامح بيه: تمام يا منير بيه بعد اذنك
منير بيه: خلي بالك يا سامح طارق منصور غدار ومش محترم وظالم اوعي تنزل عليه ترحمه خليك ناشف معاه سبب نقل ظابط المباحث اللي قبلك أنه كان طري مع طارق وكان خواف
سامح بيه: تحت امرك يا منير بيه بعد اذنك
منير بيه: اتفضل
نزل سامح بيه خد الحمله وطلع فعلاً على فرشه عم طارق في جانب كان عم طارق وقف يتكلم مع زبون
عم طارق: اتفضل
الزبون : ( من خارج المنطقة ميعرفش عم طارق ساب العيش بطريقه وحشه قصاد عم طارق)
سامح بيه: شكلها جت في وقتها الوقتي يضربه وتبقا مرسومه
الامين محمد : مين ده اللي يضربه
سامح بيه: طارق
الامين محمد: لا يا سامح بيه انت كده متعرفش عم طارق
في جانب آخر
عم طارق: طب ليه كده ياعم مش عجبك سيبه
الزبون : انت مش عاجبك كمان أنا ممكن اعمل معاك مصيبه الوقتي
برازيلي: انت مجنون ياعم انت ولا اي
عم طارق: (بصوت عالي) برازيلي اقعد مكانك لو حد منكم فكر يلمسه حسابه معايا وانت يا استاذ أنا ماسك نفسي عنك اتفضل فلوسك معاك انت راجل غريب مش من هنا وأنا مش هفتح بوقي معاك (وقعد على الكرسي مع الرجاله وكان سامح بيه وقف بعيد يراقب اللي هيحصل من غير ما عم طارق يشوف الحمله )
الزبون: يعني هتعمل اي يعني لو تعرف تعمل حاجه وريني ما تقوم
عم طارق: ( قام من مكانه وبصوت عالي) ياعم ياعم ابوس دماغك انت مش أد حطت ايدي عليك تعالي معايا ( وشد الزبون فتح باب عربيته) اتفضل اركب عربيتك راسك أبوسها تمشي اسمع مني علشان كده أنا خلاص
برازيلي: ياعم طارق انت سبته ليه دا عايز يتربا
عم طارق: غريب وغلبان مينفعش
سويقة : بس هو فعلاً ياعم طارق قليل الأدب
عم طارق: بس مش صايع ولا مفتري أنا عارف انا بقول اي الواد ده غلبان وأنا مجيش على ضعيف
في جانب آخر
سامح بيه: خد يا محمد
الامين محمد: تحت امرك يا سامح بيه
سامح بيه: هو كده على طول ولا هو شافني
الامين محمد: لا يا سامح بيه عم طارق كلنا نحبه وراجل جدع ابن اصول
سامح بيه: أما في اي
الامين محمد: مش فاهم
سامح بيه: طب روح قوله كده سامح بيه عايزك في القسم بس مش عايزه يعرف اني وقف
الامين محمد: تحت امرك يا سامح بيه
سامح بيه: الوقتي يبان فعلاً لو هو زاي ما خالد قال
في جانب آخر
الامين محمد: عم طارق
عم طارق: عم محمد تعالي قوم يا عبده رغيف كفته ل عم محمد
الامين محمد: لا والله دا سامح بيه عايزك في القسم
عم طارق: والله هتاكل ونروح مع بعض
الامين محمد: لا لا بلاش مش هقدر ياعم طارق
عم طارق: عيب بقا الواد زمانه جاي
الامين محمد: طب لحظه ياعم طارق أكلمه معلش
عم طارق: اه اتفضل كلمه
الامين محمد : ألو
سامح بيه: اي يا محمد أنا شايف بس مش سامع في اي
الامين محمد: قفش فيا أكل معاه وبعدين نيجي لحضرتك القسم
سامح بيه: خلاص ماشي يا محمد هاته معاك مستنيكم في القسم
الامين محمد: تحت امرك يا بيه
عم طارق: تعالي اقعد يا عم محمد ولا قالك بلاش
الامين محمد: لا قالي كلوا و تعالوا على القسم
عم طارق: لا ابن اصول لو كان قال غير كده كنت هقول عليه ناقص اقعد الف هنا
بعد الانتهاء من الاكل اخد الأمين محمد عم طارق الي مكتب سامح بيه
