رواية تحت التهديد الفصل الثامن بقلم ليل ادم
سامح بيه : ادخل
الامين محمد: عم طارق بره عايز يدخل ل حضرتك
سامح بيه: هو الأمين خالد راح فين
الامين محمد: أول ما عرف أن عم طارق جاي اختفي علشان عامل معاه مشكله كبيره
سامح بيه: اي هيضربه هنا في القسم قصاد عنينا
الامين خالد: سامح بيه عم طارق بره مش هينفع الكلام ده الوقتي خلي الراجل يدخل بدال ما يمشي ويفتكر انك قاصد تحرجه
سامح بيه: لا والله
الامين محمد: مش قصدي حاجه وحشه تعيب حضرتك بس ده مش راجل قليل وحضرتك طلبته جالك مع أنه معملش كده ابدا حتى لو مأمور القسم طلبه
سامح بيه: خليه يدخل
الأمين محمد: ( فتح باب المكتب اتفضل يا عم طارق)
عم طارق: يزيد فضلك يا عم محمد (ومد ايده يسلم على سامح بيه) ازيك يا سامح بيه
سامح بيه: الحمد لله
عم طارق: (قعد على الكرسي)
سامح بيه: (بص ل عم طارق في دهشه من جلوسه دون إذن)
عم طارق: طب وبعدين يا سامح بيه
سامح بيه: بعدين اي
عم طارق: بقالك خمس دقائق رافع عينك في عيني علشان قعدت على الكرسي امشي
سامح بيه: لا متمشيش بس مش كنت تستنا اقولك اقعد أفرض أنا مش عايزك تقعد
عم طارق: اه أنا قولت كده برضه بس أنا بحب البدايه تيجي من الطرف التاني سلام عليكم
سامح بيه: انت رايح فين
عم طارق: راجع بيتي لو عايز حاجه متبعتش حد تاني علشان مش هيتقدر لأجلك
سامح بيه: مش هيتقدر لأجلي
عم طارق : آه
سامح بيه: من عيني يا أمين محمد
الامين محمد: تحت امرك يا سامح بيه
سامح بيه: خد طارق على الحجز
الامين محمد: (وقف متسمر مكانه )
عم طارق: (اقترب من سامح بيه حط سامح بيه ايده علي سلاحه )
عم طارق: اوعا ايدك متخفش مش هكلمك هنا بس أنا جاي اقولك اللي هيحصل علشان لحد الوقتي أنا شايفك غريب غرقان بطبش وحظك الدكر حطك على ايد طارق منصور أنا جايلك من المستقبل بقا وهحكيلك
سامح بيه: احكي
عم طارق: أنا هنزل الحجز هخليه رماد علشان تريح دماغك ودماغ اللي مسوحك هتخرجني هخرج بره هتبقا انت شغلنتي دورها في دماغك أنزل الحجز ولا اعتبرك غريب
سامح بيه:(بقلق ) خده ياامين محمد
الامين محمد: علي فين
سامح بيه: على السعودية هيكون على فين يعني على الحجز طبعاً
عم طارق: طب بسم الله الرحمن الرحيم كده اشتري لبس شتوي وأصحا بدري لف حوالين بيتكم لفتين وهات كام بتاع كبير من بتاع البوكس ده درب نفسك عليهم علشان أنا هقطعك
سامح بيه: (بصوت عالي) انت بتهددني
عم طارق: (بصوت عالي) لا بقولك اللي هعمله فيك ( وفتح باب المكتب خرج رايح تجاه الحجز وكان سامح بيه ينظر إليه ويعلم جيداً أن حديث طارق مش تهديد ولا كلام من شخص غير قادر على التنفيذ)
بعد نزول عم طارق الحجز وكل من في الغرفه يعلم مين هو طارق منصور
عم طارق: أنا المفروض اني اعمل مشكله الوقتي وأنا مش عايز افرتك حد منكم اللي مش هيقوم دلوقتي يكسر باب الحجز وصوت نسوان هفرتكه أنا عايز الاوضه كلها تصوت طارق منصور هيقتل حد فينا ياله
فعلاً قام كل من في الغرفه وبدأت دوشه غير متوقعه القسم يتكون من تلات غرف للحجز بمجرد دخول طارق كل الغرف بدأت في إصدار اصوات عاليه جدا مفيش غرفه منهم عايزه طارق منصور يدخل وسطهم استمر الوضع اكتر من ساعتين ومحدش عارف يسيطر على المساجين لا سامح بيه ولا منير بيه ولا اي حد
سامح بيه: هات ابن الكلب ده مكتبي
الامين محمد: تحت امرك يا سامح بيه
وفتح باب الحجز
الامين محمد: عم طارق خلاص تعالي أطلع
عم طارق: تسلموا يا رجاله حلو اوي كده دماغي صدعت يا ولاد الكلب ياله يا عم محمد
في مكتب سامح بيه
عم طارق: أنا نصحتك قبل اي حاجه حصل
سامح بيه: منير بيه عايزك
عم طارق. : اهلا بيك و بمنير بيه كمان
منير بيه: طارق أنا جبت اخري منك انت عايز اي
عم طارق: انت جبت اخرك أنا بقا نقطه كده ومن اول السطر علشان كل اللي فات كان هزار راكب مركب سامح بيه ولا انت ملكش في العوم
منير بيه: احترم نفسك عيب كده
سامح بيه: احنا تعبين نفسنا ليه احنا ننزله نيابه من بكره (وفتح درج مكتبه طلع سلاح ابيض وكيس بودره وقطعه حشيش كبيره ) ها يا طارق تختار اي منهم
عم طارق: (مد ايده خد التلاته ) الكداب مش جدع خدت التلاته اكتب المحضر وهات امضي عليه
سامح بيه: (وقف من الذهول ) يعني انت مش خايف
عم طارق: اخاف منك انت يا سامح يا عيد
سامح بيه: دا انت عارفني كويس بقا
عم طارق: قبل ما ادخل مكنتش اسمع عنك علشان انت مغمور (وأشار بأصابع ايده بتقليل حجم سامح بيه) إنما انت جاي وعارف مين هو طارق منصور
منير بيه: طارق سيب اللي في ايدك ده اجري امشي يا طارق
طارق منصور: شوفت اللي جرب فهمان و رحمه امي ل تعيش جحيم المعرفه وتحس انك كنت عايش في نعيم الجهل
منير بيه: طارق بقولك امشي انت مش مستكبر لاي حد
طارق منصور: لأ ( وبص للاتنين نظره غضب ) سلام
وخرج عم طارق من مكتب سامح بيه متجه الي الاسكندريه
منير بيه: عرفت احنا بنتعامل مع مين
سامح بيه: طب ليه سايبه يعمل فينا كده
منير بيه: علشان طارق منصور ماشي دوغري ولا هتعرف تاخده معاه سلاح ولا حبايه ولا حتت حشيش حتا
سامح بيه: ما الحاجة اهي وكانت في أيده وقالك أنا معترف على نفسي
منير بيه: لو ده حصل الدايره كلها هتنزل تشهد في النيابه علينا انت مش عارف مين طارق منصور بالنسبة للناس دي
سامح بيه: والعمل
منير بيه: لازم نجيب طارق ومعاه الحاجة قصاد كل الناس خارجه من بيته فهمت يا سامح
سامح بيه: ما حضرتك لسه بتقول أنه ماشي دوغري وعمره ما يتمسك ب حاجه
منير بيه: بس ممكن نحط احنا في بيته حاجه
في جانب آخر
بعد وصول طارق إلي عائشه وعزه
عم طارق: عائشه عايزك في مشوار معايا
عزه : هقوم البس
عم طارق: لا خليكي يا عزه عايز عائشه بس
عائشه: حاضر يا حبيبي تعالى
خد عم طارق عائشه ورجع القاهره مكان ما أول مره تدخل عائشه المكان ده
عائشه: في اي يا طارق
عم طارق: هتعرفي كل حاجه المهم حفظتي المكان ده
عائشه : اه بس مش فاهمه حاجه
عم طارق: ادخلي وهتعرفي
دخلت عائشه مع عم طارق فتح باب الشقه اللي كانت عباره عن مخزن فلوس عينك ما تجيب آخرها
عائشه: ينهار اسود اي كل ده يا طارق
عم طارق: اهدي هتفهمي
عائشه: فهمني
عم طارق: دول ٥٠٠ مليون اخضر نصيبي من المقبره يا عائشه
عائشه: يعني فعلاً كنت بتدور على آثار من عشر سنين يا طارق
طارق منصور: اه يا عائشه وده حق الخمس سنين اللي خدتهم في السجن بعيد عنكم
عائشه: ليه جاي تقولي الكلام ده يا طارق
طارق منصور: علشان خلاص يا عائشه المواجهة اللي كنت عمال أأجل فيها جه وقتها هاتي تليفونك
عائشه: خد
عم طارق: (كتب رقم و اتصل عليه )
عم طارق: ألو اللي قولتلك عليه نفذه صاحبه الرقم ده مراتي وبنتي معاها
الطرف الآخر: تمام النهارده هيكون كل حاجه جاهزه
عم طارق: تمام
عائشه: أنا مش فاهمه حاجه
عم طارق: هيتصل بيكي بليل اللي يقولك عليه أعمليه
عائشه: وانت يا طارق
عم طارق: أنا راجع بس لما (وسكت)
عائشه: لما اي يا طارق كمل
عم طارق: عائشه مفيش وقت ياله بينا
وخد عم طارق عائشه على الاسكندريه من تاني وبعد ما وصل عائشه رجع الي القاهره من تاني بس الرجوع كان أشبه بالعاصفه
