رواية كوميديا سوداء الفصل الثامن بقلم ليل ادم
اجتماع في مكتب استاذه ريهام مع دكاترة الأقسام
استاذه ريهام: أنا مش عايزه اي غلطه مندوب الوزارة اللي جاي ده سفاح بمعنا كلمه سفاح كل واحد ياخد باله من قسمه كويس جدا من فضلكم جميعاً
الدكتور خالد: يعني حضرتك تأكدتي أن المندوب ده فعلاً جاي النهارده
استاذه ريهام: ومن شخص موثوق في فعلاً
الدكتور خالد: أن شاء الله تعدي على خير
استاذه ريهام: كل واحد على شغله شكراً ل وقتكم جميعاً دكتور علي بعد اذنك ممكن تنتظر معايا لحظه
الدكتور علي: مفيش مانع
بعد خروج الجميع
استاذه ريهام: أحب على ايدك طلع الدكتور أحمد اجازه النهارده بلاش احمد بالذات
الدكتور علي: (مبتسم) والله من غير ما تقولي أنا كنت هنزل اقوله النهارده اجازه وهو ما هيصدق يسمع كلمه اجازه دي
استاذه ريهام: اه اه معلش لحسن والله مرعوبه منه اوي خايفه المندوب يسيب المستشفى كلها ويدخل على احمد
الدكتور علي: وأنا كمان وبالذات احمد ماشاء الله عليه ملقاط مشاكل
استاذه ريهام: تمام
في جانب آخر
احمد : اي ده خير المستشفى النهارده نضيفه وهاديه اوي مس غاده
مس غاده: نعم يا دكتور احمد
احمد : المستشفى النهارده نضيفه وحلوه كده يكونش النهارده متقدملك عريس (وبيضحك)
مس غاده: ادخل العياده بتاعتك المندوب بتاع الوزاره على وصول
احمد.: (دخل العياده ) يا ساتر يارب حتى مندوب الوزارة جاي يتعالج عندنا
باب العياده بيخبط
احمد : اي الرقي والاحترام ده اول مره حد يخبط ادخل
المندوب: مساء الخير
احمد: مساء الورد تعالي اتفضل
المندوب: لو سمحت يا دكتور ( وكان معاه تحاليل وفحوصات) ممكن تشوف التحاليل دي وتكشف عليا
احمد : بس كده من عيني كفايه انك خبط على الباب وريحه حضرتك الحلوه دي اقعد اقعد
المندوب: أنا مش من اسكندريه بس بصراحه سمعه المستشفى هنا وحشه اوي
احمد : لا ليه بالعكس الناس هنا كلها كويسه معادا العقربه غاده و الدكتور خالد غير كده مفيش حد هنا وحش
المندوب: ليه مالها غاده دي
احمد : بس ياعم ل تسمع اسمها مس غاده دي كبيره الممرضات هنا بس بص حتت عقربه ماشيه على الأرض بتنم على طوب الأرض يا مؤمن عرفت بس حوار الشقه المستشفى كلها بقيت ماشيه تسألني اي حوار الشقه يا دكتور احمد
المندوب: اي حوار الشقه ده في اي
احمد : لا منا مش هفضح نفسي ( وسكت شويه ) والله ل اقولك انت مش غريب
المندوب: قول
احمد: وحيات من جمعنا من غير ميعاد أنا كلمت سمسار قالي تعالي والشقه موجوده وأنا هموت و انام عايز مكان اعيش في مغترب بقا وكده
المندوب: اه شقه تسكن فيها يعني
احمد : اه بس ابن الجزمه طلع وخدني شقه مفروشه
المندوب: ينهار اسود وعملت اي
احمد : مفيش خدت فلوسي منه ولسه هنزل لقيت الحكومه فوق راسي بس بصراحه الظابط تفاهم الموضوع والناس اعترفوا اني مكنتش اعرف انها شقه مفروشه عدت على خير
المندوب: واي موضوع الدكتور خالد
احمد : لا ياعم أنا أحب امشي كافي شيري خري قصدي كافي خيري خري
المندوب: كافي خيرك شرك
احمد : ايوه هيا دي افتح آخر زرار من القميص بالمره علشان يبقا خلصنا كشف
المندوب: يادكتور قولي لحسن البس في فمره حرام عليك
احمد : بس توعدني سر ما بينا
المندوب: اوعدك
في جانب آخر
الدكتور علي: (علي باب عياده احمد رفض الامن يدخله علشان المندوب جوه مع الدكتور أحمد )
الدكتور علي: ألو ريهام مصيبه المندوب مع احمد جوه بقاله نص ساعة
استاذه ريهام: ينهار اسود اقفل بسرعه أنا جايه
في جانب آخر
احمد : بس كده واكتشفت أن المعلم متفق مع معمل التحاليل اللي جمبنا يبعت مرضا وليه نسبه ٢٥ في المئه
المندوب: لا والله
احمد: اه والله وانا وقع معاه في حوار كبير علشان كتبت على خروج ل اتنين مرضا كان كاتب ليهم تحاليل وبتاع
المندوب: أما مديره المستشفى فين من كل ده
احمد : استاذه ريهام لا متعرفش منا خوفت اروح اقول بقولك كافي شيري خري أنا
المندوب: طب و استاذه ريهام دي اي بقا
احمد : لا بجد ست عظيمه بمعنا الكلمة تحب تساعد اي حد كويسه جدا جدا والله
المندوب: ومين المسؤول عن القسم بتاعك يا دكتور احمد
احمد: الدكتور علي لا ده بقا حتت سكر راجل بمعنا الكلمة يقف على الحق مهما كان لو هينفصل من هنا مش مهم بس يكون راضي ضميره
المندوب: طب والله كويس
احمد : منا بقولك مفيش حد هنا وحش هما الاتنين دول بس
المندوب: طب وانت
احمد : أنا مالي
المندوب: حكايتك اي هنا بقا
احمد : شوف وربنا أنا حظي عجيب
المندوب: اذاي
احمد : يعني ممكن يدخل واحد معاه مشكله وهيحصل عليه مشكله كبيره يسيب كل دكاترة القسم ويدخل غرفتي والله زاي ما بكلمك طب هنروح بعيد ليه انت عارف المستشفى بره كلها مقلوبه علشان في حد مهم جاي
المندوب: اه (وبدأ يتأكد أن فعلاً احمد مش عارف أن هو المندوب)
احمد : اهو أنا متأكد أن المندوب ده هيسيب المستشفى كلها ويدخل عليا أنا بالذات و النهارده هعمل مصيبه وهترفد
المندوب: (بيضحك ضحك هستيري)
احمد : اه والله أنا عارف حظي بس مش مهم أنا كده كده لو اترفدت من هنا عارف هعمل اي
المندوب: هتروح الوزارة طبعاً
احمد : وزارة اي وكلام فاضي اي هما دول بيعملوا حاجه
المندوب: نعم
احمد : اه والله يا عم حسن دا انا من القاهره وبعتني اخدم في اسكندريه وبتاع اسكندريه يروح يخدم في القاهره بالذمه ده عقل
المندوب: علشان ننمي فيك حتت التكيف مع كل الظروف
احمد : أنا مش عايز التكييف ده أنا عايز اقعد في بلدي انت متأكد أن التقارير دي بتاعتك
المندوب: اه ليه
احمد : لا يمكن في حاجه غلط
المندوب: خير بس
احمد : الفحوصات كلها بتقول انك عندك ضعف في عضله القلب والكلام ده غلط
المندوب: يعني أعيد كل التحاليل دي تاني
احمد : من غير ما تعيد انت قلبك تمام
المندوب: وعرفت منين
احمد : شعرك و ضوافر ايدك ومن عينك
المندوب: ياه يعني معقول كشفك صح وكل الفحوصات دي غلط
احمد : اه طبعا أنا متأكد من كلامي انت بس عندك نسبه انيميا خفيفة جدا والدوعامه اللي مركبها في قلبك كانت محتاجه توسيع في شكل دائري اكتر من كده
المندوب: عرفت منين اني مركب دعامه انت مشفتش الجرح
احمد : من شفايف حضرتك
المندوب: (بص ل احمد نظره اعجاب ) برافو عليك انا فعلا عامل دعامه وكانت محتاجه توسيع بس كله قال توسيع اول مره حد يقولي توسيع دائري
احمد : لا انت محتاج توسيع دائري شوف العرق الموصل من الرقبه عندك حط ايدك عليه كده وبص في ساعه حضرتك هتلاقي النبض أقل من المطلوب
المندوب: والمطلوب اي
احمد : عشرين نبضه في الثانية عندك ١٥ نبضه
المندوب: بيضحك
احمد : والله بكلمك بجد
المندوب: انت متاكد انك دكتور تحت التدريب
احمد : اه ليه
المندوب: انت دكتور استشاري مش طالب ابدا بسم الله ماشاء الله عليك اقوم أنا بقا
احمد : على فين استنا خد العلاج ده
المندوب: سيتوكين ألف مره كل يوم ونقاط هيدروليك اربع مرات تلات مرات في اليوم
احمد : بالظبط وعلى فكره دا افضل علاج ل حالتك
المندوب: انت عارف انا علشان اوصل ل العلاج المناسب اللي انت كاتب اسمه في حتت كشف عملت اي
احمد : اي
المندوب: عملت فحص كامل وتحاليل كامله عرفت ليه بقولك انت مش طالب انت استشاري
احمد : مش عارف اقولك اي بس بتكسف أرد على المعجبين (وبيضحك)
المندوب: اشوفك على خير يا دكتور احمد
احمد : اشوفك كمان اسبوع من النهارده يا استاذ حسن
المندوب: أنا مش حسن حسن ده اسم وهمي مكتوب في التحاليل إنما أنا الدكتور طارق عبد الحميد مندوب الوزارة
احمد : يا صلاه النبي (وقام وقف عمال يدور على مكان يستحبا في)
المندوب: (بيضحك و بيمسك احمد ) ياعم اهدا في اي مالك
احمد : دا انا خربت المستشفى ينهار اسود دا انا حكيت كل اللي في قلبي انا مش بقولك المندوب هيسيب المستشفى كلها ويدخل على عندي (وبيلطم)
المندوب: انت خايف من اي بس انت مقولتش حاجه
احمد : والدكتور خالد والعقربه مقولتش حاجه دا انا عمال اقولك كافي خيري خري تعمل فيا كده
المندوب: اهدا بس أنا مش هعمل اي حاجه أنا بس كل اللي هعمله هوصي انك تاخد الفرصه كامله لانك عبقري وتستاهل بجد مكان افضل من ده
احمد : والدكتور خالد
المندوب: هكتفي بتحذيره بس عايز منك وعد
احمد : تحت امرك
المندوب: الكارت بتاعي اهو أن رجع تاني يعمل مع المرضا اللي بيعمله اتصل بيا ممكن
احمد : اكيد طبعا إنما لو اترفد الوقتي يبقا مفيش حد عامل المصيبة دي غيري
المندوب: اي حد يعملك اي حاجه اتصل بيا حالا تمام
احمد : تمام
المندوب: بعد اذنك اشوفك على خير منتظر ليك مستقبل كبير خلي بالك اسمك اتحفر في راسي
احمد : ربنا يخليك يا دكتور
المندوب: (فتح باب العياده كان الدكتور علي و استاذه ريهام في انتظاره )
استاذه ريهام: دكتور طارق اتفضل المستشفى نورت
المندوب: منوره بيكم جميعاً فين دكتور خالد
دكتور خالد: تحت امرك يا فندم
المندوب: جالي شكاوى كتير جدا بسبب اللي بتعمله مع المرضا طبعاً انت اعقل من انك تسأل بتعمل اي او تنكره أنا بسبب الدكتور أحمد هسيبك تاخد فرصه تانيه بس أنا كملت في اللي بتعمله انت حر تمام
الدكتور خالد: تمام تمام شكرا يا دكتور طارق
المندوب: انت الدكتور علي
الدكتور علي: اه يا فندم
المندوب: برافو عليك استمر في اللي بتعمله برافوا عليكي يا استاذه ريهام برافو عليكم جميعاً
استاذه ريهام: ربنا يخليك يا فندم شكرا على كلامك الجميل ده
المندوب: خلي بالك الدكتور أحمد ده من النهارده ابن من أبنائي خلي بالك منه جدا انا منتظر منه حاجه كبيره اوي ماشاء الله عليه
استاذه ريهام: فعلاً الدكتور أحمد عبقري
احمد : (وقف ورا المندوب بيطلع لسانه للجميع)
المندوب: بعد اذنكم سلام
بعد خروج المندوب وكل الناس اللي معاه قفل احمد ع نفسه باب العياده وكل المستشفى بتخبط عليه وهو وقف ورا الباب مرعوب
استاذه ريهام: طب افتح قولي قولت للراجل اي يخربيتك
الدكتور خالد: بتشكيني للمندوب وربنا ما هسيبك يا دكتور الندامه قال عبقري قال
احمد : ( من ورا الباب ) وربنا ما قولت عليك حاجه يا دكتور خالد دا انت ابويا
الدكتور علي: يا احمد افتح الباب عيب كده
احمد : وربنا ابدا هيا وصلت معاكم تضربوني
استاذه ريهام: محدش هيعملك حاجه وعد مني افتح بقا الباب
احمد : هفتح بس وكتاب الله لو حد لمسني هتصل بي أنا معايا رقمه
الدكتور علي: ياسيدي ماشي بس افتح
احمد : أنا كافي شيري خري وربنا هو اللي دخل عليا
مس غاده: كتك البلا في لسانك اسمها كافي خيري شري
الدكتور علي: افتح طيب
احمد : حاضر بس وربنا لو حد عملي حاجه هطلع عليكم الوزاره أنا قولت اهو
الدكتور خالد: افتح عيب كده احنا دكاترة محترمه
احمد : انت بالذات متعرفش ربنا ابعد عن الباب
الدكتور خالد: سامع يا دكتور علي الواد
الدكتور علي: افتح بقا يا احمد عيب كده
