رواية كوميديا سوداء الفصل التاسع بقلم ليل ادم
بعد ما فتح احمد باب العياده دخل الجميع على احمد
استاذه ريهام: خد رايح فين هتنط في الشارع
احمد : والله أعملها ابعدوا عني
الدكتور علي: طب ابعد بس عن الشباك محدش هيتكللم احكي اللي حصل مع مندوب الوزارة
احمد : حاضر بس أنا معايا الكرت بتاعه وصلت
استاذه ريهام: وصلت احكي بقا
احمد : (بدأ يحكي احمد كل حاجه حصلت مع المندوب معادا كلامه عن الدكتور خالد وعن مس غاده)
مس غاده: المندوب سأل عليا بره بيقولي بطلي تتكلمي علي الناس وشوفي شغلك جاب اسمي منين وعرف اني بتكلم على الناس
احمد : والله ما قولتله كده عنك
مس غاده: طب قولت اي
احمد : دا سر
مس غاده: استاذه ريهام دكتور احمد بيضحك علينا واللي قاله مع المندوب غير اللي بيقوله الوقتي
احمد: وأنا هعمل كده ليه يعني
دكتور خالد: طب قول حصل اي طيب
احمد : بصراحه
مس غاده: اه
احمد : قولت عليكي عقربه
مس غاده: سامعه يا استاذه ريهام
استاذه ريهام: ليه كده بس يا احمد
احمد : معرفش والله بس أنا مش بعرف اعمل كتوم أنا لو حد اتكلم معايا نص ساعة مش هينفع اقوم قبل ما يعرف قصه حياتي
الدكتور خالد: وعرف منين موضوعي
استاذه ريهام: موضوعك ده بقا أنا عايزه اعرفه يا دكتور خالد بعد اذنك تعالي ورايا على مكتبي كل واحد على شغله احمد شوف شغلك متتكلمش مع حد في الموضوع ده تاني من فضلك
احمد : تمام ماشي يكون احسن
خرج الجميع من العياده معادا دكتور علي و دكتور احمد
احمد : خلي بالك نفختك قصاد الراجل نفخه موت
الدكتور علي: يعني اي
احمد : قولت عليك انك حتت السكر بتاعه المستشفى وحتا من عندي بتحب تساعد اي حد ومش عارف اي
دكتور علي: هو أنا مش كده حقيقي
احمد : بصراحه انت كده فعلاً
دكتور علي: خلاص يبقا مش نفخ ولا حاجه شوف شغلك
احمد : (حط ايده على رأسه ) اخ نسيت اهم حاجه
دكتور علي: خير
احمد : نسيت اقوله على الاكل بتاعكم
دكتور علي: التعيين
احمد : تعيين مين انت هتضحك عليا يا دكتور علي امبارح القي مس غاده داخله تديني سندوتش بطاطس صوابع مقلحفه و سندوتش طعيمه والله مقليه ب زيت عربيات اقولها اي ده يا مس غاده تقولي تعيين المستشفى أكل السندوتشات من جوعي (وبدأ صوته يتغير وصعب عليه نفسه)
الدكتور علي: لا والله
احمد : مش دي المشكله المشكلة اني خرجت لقيتها حطا قصادها بره صدر فرخه أد البطه وطبقين شوربة خضار ومش عارف اي كده تاني يعني المستشفى كلها تاكل فراخ وأنا بطاطس وطعميه ليه عندي البرص
الدكتور علي: (بيضحك) يامغفل في تعيين في العالم بيكون بطاطس وطعميه
احمد : والله عندك حق أنا هنزل المطبخ اعرف هما ليه حطين احمد في دماغهم
الدكتور علي: مطبخ اي يا حبيبي افهم كل واحد امبارح كان ليه ربع فرخه وطبق شوربه وطبق سلطة انت مش واخد بالك أن مس غاده كان معاها من كل حاجه اتنين
احمد: قصدك ابعت مس غاده تجيبلي هيا التعين علشان المطبخ تحت في بينها وبينهم حاجه
دكتور علي: يخربيتك انت الاستيعاب عندك في ذمه الله
احمد : ليه بس وبعدين انت بتتكلم كلام الغاز وتلميح وأنا عندي صعوبه مع المعلومات المباشرة
الدكتور علي: طب هسهلها عليك انت عارف مين اللي بيجيب الاكل بتاع الطقم الطبي بتاعنا من المطبخ
احمد : تقريباً مس غاده
الدكتور علي: بالظبط انت بقا اربط الكلام ده في بعضه
احمد : وبعدين
الدكتور علي: شايف اي لما ربط الأحداث
احمد : مس غاده بتضغط على المطبخ علشان يستهبل عليا في اللقمه اللي بتطلع منكم
الدكتور علي: اطلع بره
احمد : في اي بس طيب مالك
الدكتور علي: أطللللللللللللللللللللع
بعد خروج احمد من العياده
احمد : (ياساتر حسه وحش اوي اي ده)
المريض: دكتور (وماشي ورا احمد و كان احمد عمال يكلم نفسه مش سامع المريض والمريض ماشي ورا احمد ) دكتور يا دكتور يا دكتور يا دكتور دكتور دكتور دكتور
احمد : عايز ااااااااااااااااااي
المريض: أنا كنت عندك هنا الصبح كتبتلي على لبوس وعلاج سخونيه
احمد: هو أنا فاكر كلت اي المهم يعني كمل اي المشكله
المريض: أنا عايز افهم ده لبوس اذاي
(وطلع من جيبه امبوب بلاستيك طويل بنفس الاسم اللي كان مكتوب في الروشته )
احمد : يخربيتك اوعي تكون جربته
المريض: اجرب اي هو أنا عبيط هيروح فين كل ده
احمد : اي ده صحيح مين اللي كتب على ده ليك
المريض: انت
احمد : لا ياعم اكيد مش أنا
المريض: يعني أنا أعمل اي الوقتي اخده ولا اي
احمد : انت مجنون ياعم تاخد اي هو انت هتقدر تخده أصلا
المريض: طب امسك أنا عايز حقه
احمد : ياعم كتك الارف امسك اي وسع كده ل تكون جربته مش ناقصه قرف روح الصيدلية خليه يديك العلاج ده بداله
المريض: اي ده لبوس تاني هروح المرادي القي الدكتور مطلعلي عصايه المقشه
أحمد: ياعم انت جرئ جدا مبتتكسفش دا علاج شرب اجري امشي
المريض: هات
جميله: احمد
أحمد: جميله ازيك
جميله : الحمد لله مالك في اي
احمد : مفيش مريض مجنون جايب حاجه كبيره كده مصمم يستعملها في مكان غلط ما تنفضي للموضوع ده
جميله: (بتضحك) خلاص ماشي دكتور خالد عايزك في مكتبه
احمد : لا مش رايح دا وخدني هناك يستفرد بيا
جميله: ياعم تعالى دا عايز يتكلم معاك يمكن تتحل المشكله اللي بينكم
احمد : لا والله
جميله: اه والله تعالى شوف هيقولك اي وبعدين منا جايه معاك
احمد : خلاص تعالي
بعد دخول مكتب الدكتور خالد
دكتور خالد: جميله اتفضلي انتي شوفي شغلك
جميله: حاضر
احمد : حضرلك الخير اي الكلام ده انتي رايحه فين
الدكتور خالد: روحي روحي
جميله: بعد اذنكم
احمد : (حط ايده على الكرسي عايز يقوم يجري )
الدكتور خالد: شوف أنا بتكلم بالراحة اهو
احمد : حصل وأنا هقولك كل حاجه
الدكتور خالد: اتكلم
احمد : أنا روحت علشان اخد شقه اقعد فيها وربنا ما كنت --------
الدكتور خالد: بس بس مش ده اللي عايز اعرفه
احمد : طب هقولك بس بلاش تتعصب
الدكتور خالد: قول
احمد : الواد أزمات دخل عليا وانا وقف اداني كيس بودره افتكرته مقلب من بتوع رمضان ------
الدكتور خالد: (خبط على المكتب وبصوت عالي) احمد
احمد : وحد الله بس مالك أنا أتفه من كده بكتير وربنا
باب المكتب بيتفتح
استاذه ريهام: انت بتعمل اي هنا يا احمد
احمد : دكتور خالد بعتلي والله
استاذه ريهام: على شغلك
احمد : ربنا يكرمك يارب (وقام خرج من المكتب جري )
جميله: اهدا خد تعالي في اي
احمد : الراجل ده شرير وربنا دا شبه عادل ادهم
جميله: أنا روحت جبت استاذه ريهام أول ما طلعني عرفت أنه عايز يتعصب عليك وينتقم من اللي عملته في مع المندوب
المريض: (بتاع اللبوس) دكتور يا دكتور دكتور دكتور
احمد : اععععععععععععع في اي مش شايفني بتكلم عايز اي تاني
المريض: انت مش غيرت اللبوس وكتبت حاجه تانيه بداله وقولت علاج شرب
احمد : حصل
المريض: روحت الصيدله ولقيته مطلع اللبوس ده (وطلع من جيبه خرطوم مطاطي طويل)
احمد : انت بتجيب الأحجام دي منين يخربيتك هتبوظ نفسك
