رواية دمعه عين الجزء الثانى وحرب المافيا الفصل التاسع بقلم شيماء طارق
خرج سليم من القصر في الوقت ده كان في عربيه مصفحه مليئه بالرجال الملثمين فجاه وقفت امام باب القصر
سليم /انتم مين وايه اللي جايبكم هنا
الملثم/ احنا جايين نرجعلك الامانه دي
سليم/ امانه ايه انا مش فاهم انتوا تبع مين
ملثم اخر رمع شوال في الارض وبعد كده خرجت رجال الامن من القصر او اول ملاحظه وجود العربيات وكمان كانوا سامعين صوت سليم لانه كان صوته عالي جدا
اخذ سليم الشوال وفتحه لقى فيه محمد ومغمى عليه اتخض عليه جدا وكان خايف ليكون حصل له حاجه
تليفون سليم رن وسليم طبعا ما كانش منتبه خالص لانه كان مخضوض على محمد بس التليفون فضل يرن كتير وسليم اخيرا اخذ باله ورد على التليفون
سليم /الو
مجهول/ علشان تعرف ان انا بوفي بوعدي انا عندي كلمتي الولد ده انا اصلا ما كنتش هاذيه انا مشكلتي معاك انت وانا مشكلتي مش هتخلص غير لما اشوفك ميت قدام عيني
سليم بعصبيه /انت مين وعايز من عيلتي ايه وعايز مني ايه يا بني ادم والله لاندمك على اليوم اللي فكرت فيه ان انت تؤذي حد من عيله بدران
المجهول/ انت احقر عيله انا عرفتها انا هندمك على كل لحظه عشتها في حياتي انت وجدك جدك ده احقر بني ادم انا شفته في حياتي
سليم / ما تغلطش في جدي قول لي انت مين وعرفني ايه مشكلتك وانا ممكن اقدر احلها لك ولو ليك حق عند جدي او عندي انا هجيبه لك انا ما يرضانيش الظلم قول لي انت مين
مجهول/ كنت عدلت من زمان يا سليم ربنا ما بيسيبش حق حد وانا مش هسيب حقي ولا حق اللي راح مني سليم ايه اللي راح منك انا عايزه اعرف محمد ماله ايه اللي حصل له
المجهول/هو واخد مخدر وبعد دقائق هيفوق ما تخافش انا مش زيك ولا زي جدك بتقتلوا الاطفال قبل ما تتولد على الدنيا انتم بني ادمين بدون رحمه
سليم/ وانا مش هسيبكم غير ما اعرف انت مين ومين كان سبب مو'ت مراتي
المجهول/ طول عمرك هتفضل مغفل اللي قتل مراتك قدامك بس انت اللي عامل نفسك اعمى ومش عايز تشوفه
سليم/ ايه اللي انت بتقوله ده قدامي ازاي
المجهول /دور وانت هتلاقيه هو قريب منك مش بعيد بس حاول تفتح عينك
سليم/ انت بتشككني في عيلتي يا حقير كان غيرك اشطر انا عيلتي كلها ايد واحده وما فيش حد بيكرهني ممكن يؤذيني الاذيه دي
المجهول/ بكره تعرف ان عندي حق
سليم/ الو رد عليا انت مين
المجهول/ ما فيش رد
وبعد كده قفل التليفون خالص سليم شال محمد ودخله جوه القصر كان في الوقت ده كانت كل العيله في اوضهم
سليم بصوت عالي/ عين تعالي محمد معايا هنا انزلي
عين في الوقت ده سمع صوت سليم وكانت مش مصدقه نفسي خرجت عين من اوضتها بسرعه وكانت فرحانه ان اخوها رجع وان سليم جوزها وحبيبها وفا بوعده معاها وكانت مش مصدقه نفسها ان اخيرا محمد هتشوفه قدام عينيها
عين ببكاء /الحمد لله يا رب انا مش مصدقه نفسي ان محمد بقى قدام عيني
سليم /ما تبطلي عياط بقى انت فرحانه تعيطي زعلانه تعيطي يا بنتي عايز اعرف انتي بتفرحي وتضحكي امتى عين بس بقى يا سليم انا مش فايقه لك انا فرحانه والدموع دي دموع الفرحه
سليم/ الشعب المصري ده طول عمره كده فرحانه تعيطي زعلانه تعيطي يجي العيد تروح المقابر مش عارفه ناويين تبطلوا دموع امتى
عين/ وماله الشعب المصري يا سليم بيه انا حاسه في كلامك مش عاجبك البنات مصر
سليم/ هو انا اقدر هم لو كانوا مش عاجبيني كنت اتجوزتم منهم برده انا قصدي على النكد يا عين افرحي اخوك قدام عينك يا حبيبتي بطلي عياط بقى
يسرا /ابعد عن بنتي يا سليم ما تضايقهاش هي زي مامتها تزعل تعيط تفرح تعيط بصره يا عين امك
عين /حبيبتي يا ماما ربنا يخليكي ليا يا قلبي
يسرا /ويخليكي ليا يا قلب ماما من جوه انتي
سليم/ هو انتوا هتفضلوا تحبوا ببعض كده قدامي هو انا قرطاس لب
يسرا / اتكلم كويس يا ولد
سليم /يا ماما بلاش ولد دي انا كبرت انا عندي 36 سنه ولسه بتقولي لي يا ولد انا بقيت هزق قوي كده ده انا بدخل اي مكان بيعملوا لي 1000 حساب بس هنا ماما بتقول لي يا ولد
يسرا /كبرت على اي حد بس انت عندي عيل صغير مش هتكبر هتفضل عندي سليم ابني الطفل الصغير اللي كنت بشيله هو بيعمل كيكي عليا
سليم/ انتي ام اكبر رجل اعمال في مصر وفي الشرق الاوسط واحتمال قريب هيكون في العالم كله ينفع الكلام اللي انت بتقوليه ده
يسرا /الله ما انت اللي عصبتني يا سولي
سليم/ انا غلطان احنا اسف يا كبيره انت فضحتيني قدام الناس كلها اداري وشي من مراتي فين دلوقتي
احمد/ انت اللي جبته لنفسك
سليم/ كده يا بابا بدل ما تيجي مع ابنك ده انا ابنك الكبير حتى
احمد/ اخاف اخد مخالفه وانت عارف عشان اصلح المخالفه اللي انا عملتها هدفع د'م قلبي وبرده مش هكفي
سليم/ شفت الناس اللي خايفه على نفسها
عين/ اتعلم منه
احمد/ ايوه يا ابني من خاف سلم
سليم /تعالي معايا فوق وانا هوريكي هتعلم ازاي
عين /عيب بقى يا سليم انت اتصلت بالدكتور
يسرا / اتصلت بالدكتور يا سليم
سليم/ اتصلت بيه من زمانه وهو على وصول
عين /انا قلقانه قوي عليه انا خايفه يكون حصل له حاجه
سليم /ما تخافيش عليه يا حبيبتي ان شاء الله خير هو واخد مخدر ودقايق وهيفوق ان شاء الله
عين/ يا رب خير شكرا قوي يسليم على كل حاجه عملتها ليا
سليم /انا رجعت محمد علشان انا قلت لك كذا مره انا اعتبرت محمد زي يزن
منار كانت نازله من على السلم اول ما عرفت ان محمد وصل القصر حبه ان هي تطمن عليه
منار /حمد لله على سلامه محمد يا عين
عين/الله يسلمك يا طنط منار الاستاذ نور عامل ايه دلوقتي
منار الحمد لله بخير يا حبيبتي ومحمد ماله وهو نايم ولا ايه
سليم/ لا ما فيش هو بس واخد مخدر ودقايق وهيفوق وكمان انا اتصلت بالدكتور وهيكون هنا بعد شويه
منار/ خير يا رب
دخل سهيله من باب القصر
سليم /هي سهيله طلعت امتى يا منار
منار/ ما اعرفش والله انا لسه شايفاها دلوقتي وهي داخله
سليم/ انتي ايه اللي خرجك يا بنتي من القصر مش انا قلت ما فيش حد يخرج من هنا
سهيله /في فيها ايه يا عمو انا بقى لي فتره محبوسه هنا في القصر ده كنت عايزه اشوف صحابي في النادي شويه عادي يعني انا قلت لبابا وهو قال لي ما فيش مشكله
سليم /ما فيش حاجه اسمها بابا دلوقتي انا هنا اللي اقوله يمشي عليكي انت وابوك
سهيله/ يوووه بقى ايه الكلام ده انت ازاي تتكلم كده على بابا انت مين اصلا عشان تتكلم معايا بالطريقه دي
منار /اخرسي خالص يا بنت انتي ازاي تكلمي عمك سليم بالطريقه دي انتي نسيتي سليم ده مين
سهيله/ ما نسيتش بس حضرته اللي نسي ان انا مش بنته انا بنت صاحبه يعني اصلا مش من عيلته
يزيد جه من ورا منار وضرب سهيله بالقلم على وشها الكل كان مش مستوعب اللي حصل الالم كان مفاجئ من يزيد لسهيله
يزيد/ اول حاجه حضرتك نسيتي ان بابا علمنا اللي احنا ما نيجي نكلم حد اكبر مننا لازما نتكلم بطريقه محترمه ومؤدبه يعني ما ينفعش تكلمي حد في سن باباكي بالطريقه دي دي اول حاجه ثاني حاجه دي اوامر بابا قبل اوامر عمو سليم ان ما فيش حد يخرج من القصر وتاني حاجه ان حضرتك كدبتي على عمو سليم وقلتي له ان انتى استاذنت من بابا وانا عارف اللي بابا ما يعرفش اصلا ان انتى خرجتي لا وكمان انا كنت مراقبك من وقت ما انتي خرجت من البيت يا انسه سهيله اتفضلي اعتذري من عمو سليم دلوقتي وهو ليه القرار يسامحك او لا واي حاجه عمو سليم هيقولها هتمشي علينا كلنا تمام
يزيد بعصبيه/ اتفضلي اعتذري
سهيله بلجلجه/ انا اسفه يا عمو سليم مش هخرج تاني بره من غير ما اقول لحضرتك وانا اسفه على طريقه كلامي مع حضرتك
سليم /تمام اتفضلي على اوضتك
طلع سهيله اوضتها وكانت بتعيط لان اخوها ضربها بالقلم قدام العيله كلها في الوقت ده محمد بدا يفوق محمد مسك ايد عين
عين بدموع الفرحه/ ايه يا حبيبي عامل ايه
محمد /الحمد لله انا فين
سليم/ حمد لله على سلامتك يا بطل
محمد/ عمو سليم وعين انا بجد هنا معاكم انا مش بحلم
سليم /ايوه يا حبيبي انت هنا في بيت العيله ومش هتخرج منه تاني وهتفضل عايش مع اختك
محمد/ بجد يا عمو سليم يعني انت هتخليني اعيش معاكم، على طول
يسرا /طبعا يا حبيبي هتفضل عايش هنا معانا واي حاجه انت عايزها اطلبها مننا احنا عيلتك يا محمد
في الوقت ده دخل الجد حامد البدران ونوح
الجد بهزار/ طبعا انت هنا هتكون فرد من عيله البدران وما ينفعش تخرج منها واللي بيدخل عيله البدران ما ينفعش يطلع منها تاني يلا خد قرارك بقى يا بطل
محمد بابتسامه/ انا هيكون ليا الشرف حضرتك
الجد بعطف /ماشي يا حبيبي انا جدك حامد اكبر واحد في العيله دي
محمد/ تشرفنا يا جدو
يسرا/ وانا مامت سليم
محمد /تشرفنا يا تيته
يسرا /ايه تيته دي انت شايفني اسناني متخلعه ولا ايه قل لي يا سوسو
احمد/ سوسو مين يا يسرا
يسرا/ بهزر يا احمد في ايه قل لي يا طنط عادي او قول لي يا ماما يا ريت تقول لي يا ماما احسن انا اعتبرت عين بنتي وانت هتكون ابني الثالث
محمد ابتسامه فرحه
محمد بفرحه طفوليه/حاضر يا ماما
يسرا/ احلى ماما في الدنيا انا كل ما بكبر كل ما بجيبلك عيال اكثر افرح يا احمد علشان تعرف ان انا هفضل طول عمري صغيره
احمد /طول عمرك هتفضلي صغيره يا يسرا وعمرك ما هتكبري في نظري ابدا انا شايفك دلوقتي بنت العشرين
يسرا /ما انا بنت العشرين ولا حضرتك عندك راي ثاني يا احمد بيه
احمد /هو انا قلت حاجه
يسرا برفعت حاجه/ بحسب
نوح/ وانا عمك نوح انا عم سليم
محمد /اهلا وسهلا بحضرتك
في الوقت ده دخل عز ومعاه زين
زين /السلام عليكم ؟
العيله كلها/ عليكم السلام ورحمه الله وبركاته
عز /ازيك يا بطل
محمد/ الحمد لله
زين /ايه اخبارك يا معلم تعبتنا لحد ما رجعت
محمد /هو انا عملت حاجه؟
زين/ لا يا حببيى بهزر معاك انا كنت عايزه اعرف يا منك شويه المعلومات ؟
محمد /معلومات زي ايه
زين/ انت شفت وش الخاطفين او اي حد من اللي خطفوك
محمد /انا واصحابي كنا قاعدين في اوضه مقفوله علينا وكنا بيدخل لنا الاكل مع حد كان لابس اسود وشه متغطي بالكامل
زين/ معلش يا محمد تقدر تقول لي المكان ده عامل ازاي
محمد/ كل اللي انا فاكره اللي هي اوضه كانت صغيره قوي وكنت قاعد فيها انا واصحابي والمكان كان هادي جدا بس انا كنت حاسس المكان ده قريب جدا من البحر ؟؟؟؟
عز /طب ليه قلت ان هو قريب من البحر
محمد/ كان في واحد صاحبي عايز يهرب واحنا حاولنا نساعده وفعلا فضلنا نجيب كل حاجه في الاوضه واحنا سندناه لحد ما وصل للحيطه هو شاف من الشباك الاوضه ان قدامنا بحر وبعد كده كان خلاص هينط بس دخلوا علينا الخاطفين وعرفوا ان احنا كنا بنحاول الهرب وبعد كده نقلونا لمكان تاني وبعديها ما اعرفش اي حاجه غير ان انا فتحت عيني لقيت نفسي هنا ونايم على الكنبه ده
زين/ تمام يا محمد لو افتكرت اي حاجه يا حبيبي لازما تبلغنا على طول
محمد/ حاضر
سليم/ انا عايزك يا زين انت وعز جوه في المكتب
عز/ تمام يلا يا زين
زين /حاضر يلا
زين وهو داخل خد باله ان هو ما شافش تولين من وقت ما جاء
زين / هي فين تولين
نوح /هي في اوضتها
زين/ هي كويسه يعني
نوح /هي عندها شويه برد وقالت هترتاح شويه في اوضتها وهتبقى كويسه
زين/ طب دقيقه اطلب لها دكتور
نوح /هي خدت علاج وهترتاح وشويه كده هتلاقيها نازله
زين /اكيد هتكون كويسه
نوح /روح بس انت شوف سليم يمكن لحد ما تخلصوا تكون هي صحيت
زين/ تمام
زين وعز وسليم فى المكتب سليم قاعد على الكرسي المكتب الرئيسي
سليم/ اتفضلوا اقعدوا
قعد زين وعز
سليم/ اول حاجه طبعا الكلام اللي انا هقوله دلوقتي مش هيخرج من بينا احنا التلاته دلوقتي المجهول اللي هو كلمني قال لي ان الخاين حد من عيله البدران انا مشتت مش قادر افكر وحاسس اللي دماغي هتنفجر من كتر التفكير
عز/ وانت هتصدق الكلام ده يا سليم
سليم/ انا مش مصدق بس انا لازما احط قدامي جميع الاحتمالات
عز/ انت عرفتني ليه دلوقتي ما انا واحد من عيله البدران اللي حضرتك شاكك فيهم
سليم /انا مش شاكك فيهم بس انا بقول لك لازما ناخد بالنا من اى التفاصيل وعلى فكره المجهول ده هو ليه طار مع عائله البدران وانا ما اعرفش لحد دلوقتي احنا عملنا له ايه بس الطار ده معايا انا بالذات وكمان جدي هو الهدف الرئيسي يعني انا وجدي اللي مقصودين من كل اللي بيحصل ده
زين /حامد بيه انسان محترم وكويس جدا وكل الناس بتشكر فيه انه هو انسان عنده مبادئ واخلاق يعني ما اعتقدش ان هو يكون عمل حاجه مش كويسه في اي حد حامد بيه اكبر من كده بكثير
عز/ انا جدي انضف انسان انا شفته على وجه الارض ما يجيش واحد زباله زي ده يشككنا فيه
سليم/ انا مش بقول لك ان جدي في اي عيب انا جدي هو قدوتي المشكله اني انا وجدي اللي مستهدفين والمشكله كانت معانا احنا وانا لحد دلوقتي ما اعرفش انا عملت ايه او جدي عمل ايه
عز /انا كلمت الفريق بتاعي واكيد لو وصلوا لاي حاجه هيعرفوني وانا في شويه خيوط انا ماشي وراها وربنا يسهل
زين /انا جالي اخبار ان كان في قضيه ما بين عيلتكم وواحد اسمه عبد الرحمن مدبولي كان رافع على عيله البدران قضيه من 15 سنه والقضيه كانت بسبب ان هو بيتهم عيله البدران ان هم اجهضوا مراته من غير علمه
سليم /ازاي الكلام ده ومين عبد الرحمن ده انا اول مره اسمع الاسم ده وكمان في الوقت ده انا كان عمري تقريبا 21 ازاي في الوقت ده انا هعمل مشاكل مع حد وانا اصلا كنت بدرس لسه يعني ما كنتش لسه اتدخلت في شغل العيله ولا اشتغلت مع جدي او مع اي حد انا كنت في الوقت ده بدرس وكنت مسافر بره مصر
زين/ هي دي التحريات اللي وصلتنا ولحد دلوقتي ما نعرفش اي حاجه تانيه غير كده
سليم /طب انا عايز كل حاجه عن عبد الرحمن ده وصحيح يعز لو سمحت روح جيب فاطمه من المطار هي على وصول
عز /طمطم جايه النهارده
سليم / ايوه يا سيدي اخيرا وافقت ان هي تيجي تقضي معانا كام يوم في مصر ربنا يهديها
عز /انا مش عارف عمتي فاطمه هي ليه بعد بعيد عن العيله احنا عندنا شركات كثيره في مصر ليه مصممه تكون في الشركه اللي بره مصر احنا عندنا مجلس اداره كويس جدا وقادر يدير الشركه يعني وجودها ما لوش اي لازمه وجودها وسط عيلتها كان هيبقى احسن بكتير
سليم/ انا هحاول اقنعها المره دي ان هي تستقر هنا انا عايز العيله كلها تكون مع بعضيها علشان ما حدش يقدر ياذيها
عز/ تمام يا سولي انا هروح علشان اجيب طمطم
سليم/ يلا مع السلامه وانا هطلع اشوف نور علشان اطمن عليه بيوحشني ابن الذين
زين/ ربنا يخليكم لبعض ويديم المحبه
سليم/ يا رب
زين/ وانا هطلع اشوف مراتي اللي بقى لي فتره ما شفتهاش بسبب مشاكل عيلتكم
سليم/ اتكل على الله وروح شوفها لو عايز تاخدها من دلوقتي يلا اديك جيت على نفسك وانتحرت بدري
زين/ هو الجواز دلوقتي بقى اسمه انتحار
سليم بهزار/ انت نسيت ان انت واخد بنت نوح البدران يعني بناته بالنسبه له كنز ربنا يسترها عليك يوم الفرح يا مسكين انت واخويا عز كنت ناس طيبين والله
زين بخوف /ربنا يطمن قلبك
سليم /بطل رغي بقى واطلع شوف مراتك
زين ما تزقش انا كده كده طالع
طلع زين الاوضه تولين🥰♥️
وسليم طلع عند نور كان نور نايم 💙
سليم /شكل جيت متاخر
منار/ هو كان صاحي دلوقتي
سليم/ خلاص ابقى اجي له الصبح اطمن عليه
سليم كان خارج من الاوضه نور
نور عامل ايه يا سليم
سليم/ اوعى اكون ازعجتك
نور الابتسامه/يا راجل ما تقولش كده ده انت تزعج بلد
سليم/ يا راجل انا مش هرد عليك عشان انت راجل مريض وتعبان مش هتكلم معاك اما تخف هيكون لينا كلام ثاني
نور/ بلاش كلمه مريض دي ده انا اسد
سليم/ ما انا عارف يا اخويا ده انت مفضوح على كل وسائل التواصل الاجتماعي نور الفخراني انصاب برصاصه في القلب في حاله ميؤوس منها
نور /ايوه انا عارف ان كل الناس عارفه ان انا خلاص بموت سليم بعد الشر عليك يا وحش
نور /اديك اعترفت اهو ان انا وحش
سليم/ مش قوي يعني
نور /اثبتلك
سليم/ والله العظيم انا مش فاضل هزارك يا نور انا عايز اقول لك على حاجه علشان انا مش متعود اخبي عليك اي حاجه بتحصل معايا اول امبارح اتخطف محمد اخو عين بس ما تقلقش الحمد لله رجع
نور/ يا عم وقعت قلبي في رجلي وبعدين مين اللي خطفه
سليم/ ما انا لحد دلوقتي ما اعرفش مين الشخص المجهول اللي خطفه هو قال لي ان انا اتنازل عن كل شركات البدران لنديم شكري
نور/ يا نهار اسود واتنازلت
سليم /ايوه طبعا اتنزلت حياه الولد اهم من املاك الدنيا كلها
نور/ ضاعت فلوسك يا جحا
سليم/ ما بهزرش والله
نور بحزن/ دلوقتي هنعمل ايه هنرجع الشركات دي ازاي تاني
سليم/ ما هي الشركات ما ضاعتش
نور / ازاي ما ضاعتش
سليم/ انا كتبت الشركات باسم؟؟؟؟
