رواية امتلكني بالاجبار الفصل الاول
ابتسمت بهدوء /بس انا مش هغير رأي و معنديش اي سبب يخليني اغير كلامي انا صحفيه و مهمتي اني انقل الحقيقة للناس
رد عليها ب غرور/بس انتي عندك اسباب كتير يخليكي تغيري رأيك حضرتك لو دورتي في سجلات الشركه اللي فاتت هتلاقي أن دي اول مره تقل المبيعات والتسويق بالطريقه دي
وقفت بهدوء/ انا قولت اللى عندي و مفيش اي سبب يخليني اغير رأي ده اسمه تزوير
وقف قدامها بشموخ /تتجوزيني
عينيها احمرت من الغضب و قالت/انت بني ادم قليل الادب
رد عليها بغضب و عصبيه اكتر /الزمي حدودك و اعرفي بتتكلمي مع مين انا مقولتلكيش نقضي ليله سواء مع ان دي حاجه مطوليهاش اصلا و لا تحلمي بيها انا قولتلك نتجوز و اظن ده سبب كافي يخليكي تغيري كلامك و لا ايه يا انسه....و بص بوقاحه...و لا حضرتك مش انسه
لسانها وقف من وقاحة و نظراته فضلت عدم الرد عليه و سبته و مشت و كلها غضب
بص على شرودها بغضب و في ثواني كانت كل حاجه علي المكتب في الأرض بعصبيه و هو بيلعن وجودها في سره
و اتكلم في التليفون و هو بيقول بكل غضب/الصحفيه مريم جلال عايز كل حاجه تخصها من يوم ما اتولدت لحد انهارده
و رمي التليفون بغضب و عينه بتطلع نار من الغضب
___________________________
في مكان تاني....
كانت بنت هاديه جدا في عمر 10 سنين
نور دخلت عليها بابتسامة/يلا بقي عشان تفطري عندك درس كمان ساعتين
ردت البنت بهدوء/مريم هتوديني النادي انهارده صح
نور /ايوه صح و كمان مريم كلمتني و قالتلي انها خلصت شغل بدري و زمنها جايه كمان بس قومي افطري عشان متزعلش منك
البنت قامت بفرحه شديده و حضنت نور و بستها من خدها بحب /انتي اجمل بنت خاله والله انا نفسي تعيشي معانا على طول
نور ضحكت بحب/يبنتي ما انا معاكم علي طول انا بروح بيتنا زياره اصلا
البنت ابتسمت و سمعت صوت المفتاح بتاع الباب اتكلمت بفرحه/مريم جت
و طلعت تجري علي بره
مريم قربت منها و هي بتحضنها بحب و مبتسمه كأن هي ملجأها الوحيد و كأنها بتستخبي في حضنها من كل العالم
كاميليا طلعت من حضن مريم /مبسوطه اوي انك جيتي بدري انهارده
مريم /بس انا مش مبسوطه بقي عشان انتي مكلتيش
كاميليا قالت بسرعه/لا لا هروح اكل اهو
مريم /طيب يلا على بال ما اغير هدومي و اجي اقعد معاكي
كاميليا مشيت و هي مبسوطه اصل مريم مش بس اختها دي امها و حياتها كلها هما الاتنين ملجأين لبعض بيستخبو في حضن بعض من قسوة العالم
نور / كاميليا كل يوم حالتها بتتحسن عن اليوم اللي قبله
مريم اتنهدت بحزن /بحاول اعوضها عن كل حاجه يا نور
نور/كاميليا مش محتاجه غيرك
مريم ابتسمت بحزن و كملت بمرح/بس انتي ماشيه فين بقي
نور /لا كفايه عليا كده انا عايزه اروح البيت انتي عارفه خالتك بتقلق جامد
مريم/ماشي يحبيبتي سلميلي عليها و لما توصلي طمنيني انا بتعبك معايا بس انتي عارفه لحد ما اعرف اضبط مواعيدي
نور/ايه اللى بتقوليه ده انا اتعبلك لاخر يوم في عمري المهم تكوني بخير انتي و كاميليا
مريم حضنتها /مش عارفه من غيرك كنت هعمل ايه انتي مش بس بنت خالتي انتي اكتر من اختي يا نور
نور حضنتها بحب و بعد شويه سبتها و مشت
________________________
في مكان تاني...
ابتسم بخبث/مش شايف أني هحتاج اكتر من كده
رد عليه الشخص التاني/انت ناوي علي ايه
ابتسم بغضب و هو بيفتكر اللى عملته/ناوي اعرفها مين ادهم نصار
ووووو....
