رواية ورطة زواج الفصل الثالث بقلم لبنى عباس ( نجمة الشمال )
أتى الصباح بعد ليلة متعبة من التفكير لكن لا تظن أنه انتهي بانتهاء الليلة لا عزيزي لم تبدأ الأحداث بعد التشويق ما زال أتى
استيقظ الجميع وذهب من لديه عمل إلى عمله و كان الجد يجلس على الاريكة أمام الباب الداخلي يمسك في يديه المصحف الشريف ولكن عقله لم يكن معه كان شاردا
ي حضرة العمدة أنا قررت خلاص
قال هذة الكلمات راجي الذي أتى منذ قليل لكن الجد كان شاردا فحمحم راجي ولم يرد عليه ايضا
راجي بصوت عالي وهو يضع يديه على كتف الجد :
- ي عمدة روحت فين
عبدالرحمن بشرود وهو ينظر اليه :
- راجي في ايه ومتى جيت
راجي باستغراب :
- معلش ي حضرة العمدة مالك فيك ايه انا بقالي كتيررر بنادي عليك مردتش عليا
عبدالرحمن :
- مفيش حاجه أنا كنت سرحان بس
راجي بجدية :
- انا خدت قراري خلاص
عبدالرحمن بهدوء :
- تمام ي بني
ثم نادي على الغفير وأتى الغفير مسرعا الي الجد
الغفير بطاعة :
- نعم ي عمدة
عبدالرحمن :
- أجمع الكل
الغفير :
- حاضر ي عمدة
حضر الجميع لمعرفة رأي راجي وكان الجميع ينظرون اليه وكانت هالة تنظر إلى راجي بتوجس وعائلته تنظر بخوف من كلامه لا يعرفون اذا وافق أم لا
راجي وهو ياخذ نفس عميق ليبدأ حديثه :
- أنا قعدت امبارح كله أفكر ووصلت في الآخر لقرار
أنا
قاطعه الغفير وهو يركض بسرعة إليهم ويقول :
- الحق ي جناب العمدة
عبدالرحمن بقلق :
- في ايه ي غفير بتجري كدا ليه
الغفير بخوف :
- البلد كلها بتتكلم على الست هالة وراجي
عبدالرحمن بغضب :
- بيتكلموا يقولوا ايه
الغفير بتعلثم وخوف :
- بيقولوا ان الست هالة على علاقة مع راجي وبتروح تقابله هناك في البندر
عبدالرحمن بغضب :
- ازاي يقولوا كدا على حفيدتي اجمع رجالة البلد كلها واشوف مين بيتكلم بالسوء كدا على حفيدتي
فكر راجي قليلاً ثم أتكلم بسخرية بعد ما فهم الموضوع :
- لاء بجد برافو عملتوا كل دا علشان تحطوني تحت الأمر الواقع واتجوزها
عبدالرحمن باستغراب فهو لا يعرف ماذا يقصد راجي اردف بعدم فهم :
- ايه اللي بتقوله ي راجي أنا مش فاهم تقصد ايه
راجي بسخرية لما يحدث ثم اردف بتهكم :
- قصدي انك عملتوا كدا والخبر ذاع في البلد علشان لو موافقش مثلا اتحط تحت الأمر الواقع ووافق علشان فضيحة اللي تحصل
عبدالرحمن بغضب :
- تقصد اني هفضح حفيدتي علشان انت تجوزها انت تفتكرني ايه علشان اعمل كدا
راجي بسخرية :
- والله لما تجبر حفيدتك وتجبرني على زواج بالغصب يبقى مش غريب عليك تعمل كدا كمان
نظرت هالة إلى راجي بغضب والدموع تملي عينيها
فطن عبدالرحمن علي ما ينوي راجي فهو يريد اغضابه حتى يفكر بإلغاء الفرح واجاب بمكر :
- اه فهمت مخططك ي راجي بتعمل كل دا علشان تعصبي وتخليني انا أرفض اجوزك حفيدتي بس لاء أنا هجوزها ليك علشان تتعلم الأدب وتتربى
حبط راجي من كلامه وكاد يتكلم لكن هالة سبقت حين قامت من مكانها وقالت بقوة :
- بعد إذنك ي جدي ان كنت انت موافق على الجواز دا فأنا مش موافقة ومعنديش استعداد اقضي باقي حياتي ما واحد ما بيهتميش إلا بنفسه
وقالتها كلمتها الأخيرة وهي توجه نظراتها إلى راجي الذي غضب ووجه كلامه إليها وقال باستنكار : لاء أنا اللي بموت في دبابيك وهموت اتجوزك صح
هالة بغضب :
- انت شخص لا يطاق بجد احسن حاجه ان مردش عليك خالص
راجي بتريقة :
- أنا اللي هموت على كلامك اوووي صح ثم اردف بدراما وسخرية :
- حوشوني ي ناس مش قادر على بعدها
عبدالرحمن بمكر :
- خلاص ي راجي مدام مش قادر على بعدها انا هجوزها ليك الاسبوع الجاي
صدم راجي فهو يريد عكس ذلك لا يريد الزواج نهائيا
ضحكت هالة بخفوت على صدمته فكما يقول المثل انقلب السحر على الساحر وأراد راجي إلغاء الزواج فانقلب الأمر عليه فادرات رأسها وقالت لجدها
هالة برفض :
- ي جدي مش عاوزة اتجوز راجي بص اتجوز اي حد إلا هو أن شاء الله حتى لو من الغفر اللي عندنا
عبدالرحمن بجدية :
- خلاص ماشي هجوزك واحد من الرجالة
هالة بقبول :
- تمام ي جدي وأنا موافقة
عبدالرحمن بجدية ولا احد يعلم ما في باله :
- مش تشوفي العريس الأول
ثم اجوزك انتي وريتال تاخد اخو العريس التوأم
ريتال :
- طيب انا مالي ي حج
عبدالرحمن بجدية :
- دا قرار هينفذ مش برضو راجي مش عاوز خلاص انتوا تتزوجوا هاتوا الغفير ........ ( هقول اسمه بعدين)
دخل شخص ما طول يتعدى الباب ما كل خطوة تشعر كأن الأرض تهز بك وقف أمام الجميع وقال عبدالرحمن :
دا عريسك ي هالة اخوه التوأم عريس ريتال
رفعت هالة رأسها لفوق لترى وجهه فهي في طول ساقيه باقي جسمه أعلى من بكثير
هالة ببلاهة :
- هو عادي لو
لم تكمل كلمتها فجأة اغمى عليها
رفعت ريتال هي الأخرى نظرها لتراه لكنها فجأة أيضا اغمي عليها وسقطت بجواره هالة
ريم :
- ي عمدة في عريس ليا واعمل زيهم ولا خليني واقفة
عبدالرحمن بضيق ( دا مش جد البطلة دا عدوها والله) :
- للأسف
ريم :
- اوعي تكمل
ثم اغمي عليها هي الأخرى
ماجدة بفزع :
- بناتي
بشير :
- شيل ي راجي
راجي بعجز وهو ينظر إلى ثلاثة جثث أمامه :
- اشيل مين ولا مين
العملاق بصوت ضخم :
- اشيللللل معاك
راجي بخوف ورعب منه :
- لاء متشكر عاوزينهم سالمين مش مكسرين تسلم ي رجولة
هالة وهي تهلوس فهي تحلم بهذا الضخم :
- لاء ابعد والنبي ابعد بلاش ابعد
ثم انفضت من اغماتها
نظرت حولها وجدت الجميع واقفون حولهم والبعض الاخر يحاولون افاقة ريتال وريم
هالة بصدمة :
- حصل ايه
راجي بسخرية :
- شوفت عريس علشان كدا اغمي عليك
هالة بخوف :
- أنا موافقة على كلامي ي جدي معنديش إعتراض اتجوز راجي ابدا
ع بدالرحمن بغضب :
- انتي كل شوية برأي مش قولت اتجوز من الغفر
هالة بخوف :
- ي جدي ما دا مش واحد اقضه معاه عمري بصي انا هتجوز الراجل دا وماليش دعوة
وهي تشير الي راجي بيدها
راجي :
- حد قالك ان لعبة شوية ايوة وشوية لاء
هالة بتريقة :
- محسسني انك هتموت عليا وانا معرفش
عبدالرحمن بضيق :
انت هتكسري كلمتي تاني
هالة بشجاعة :
- انا قولتك امبارح ي جدي وهقولها تاني لا عاش ولا كان اللي يكسر كلمتك
عبدالرحمن وهو يقرر قراره :
- خلاصة الكلام كتب كتابك والفرح انتي وراجي هيبقى يوم الثلاثاء يعني بعد بكره
راجي بصدمة :
- بس انا مقولتش قراري
عبدالرحمن بحزم :
- معدش ليه لازمة اسمعه وأنا قررت خلاص ومش هرجع في كلامي اه متخافيش ي ريتال انتي مش هتجوز حد بس لو راجي فكر يعمل حاجه اخته هي اللي هتواجه عواقب فعلته وهتجوزي ظالم
ريتال بصدمة :
- مين ظالم دا
ثم قالت وهي تشير إلى الشخص الذي دخل قبل ما يغمى عليها واردفت ببلاهة
- تقصد الجبل العملاق دا
عبدالرحمن :
- ايوة
نظرت ريتال إلى راجي بصدمة وتوسل وقالت بتأكيد :
- راجي مش هيعمل حاجه يتجوز هالة من غير أي مشاكل
____________________
غادر الجميع وبقي راجي وحده أتت اليه ريتال واردفت بغضب :
- ايه اللي قولته دا ي راجي هالة ذنبها ايه علشان تقول عليها كدا
راجي بغضب :
- ريتال ابعدي عن وشي انا مش ناقص
ريتال بتصميم :
- لاء مش هبعد اتفضل روح اعتذر لهالة
راجي بحدة وهو يتحكم في اعصابه :
- ريتال ابعدي عن وشي قولت
نفخت ريتال بضيق ثم ذهبت من مكانها وظلت تبحث عن هالة وجدتها في الحديقة كانت تبكي بسبب كلام الذي قاله راجي ولقد جرحها كثير
في البداية كانت تعطيه عذر لكن بعد ذلك أي عذر تعطيه له
ذهبت ريتال إليها وربتت على كتفها وقالت بتوتر :
- هالة
مسحت هالة دموعها والتفتت إليها واردفت بابتسامة :
- نعم ي ريتال
ريتال بأسف :
- أنا آسفة بنيابة عن راجي
هالة بقوة :
- انت متغلطش علشان تعتذري ي ريتال اللي المفروض يعتذر هو مش انتي بس انا مش عاوزه اعتذاره دا ولو اعتذر أصلا أنا ماليش كلام معاه ومش هكلمه تاني أصلا
ريتال باستغراب :
- ازاي دا وانتوا هتجوزوا خلاص
هالة :
- مش مهم مبقاتش فارقة بعد إذنك ي ريتال
دخلت هالة القصر وصعدت لغرفتها وهي تكاد تنفجر من الغضب واردات تفريغ غضبها في أحد فقررت النزول اليه فنزلت إلى الأسفل وكانت غرفة راجي في آخر الممر في الأسفل فذهبت إليه
وكان راجي في غرفته يكلم نفسه
راجي بحسرة وهو يندب في نفسه :
- كل دا علشان واحدة بنت رئيس الوزراء وانا معرفش
فتحت هالة الباب ودخلت بدون استنذان وقفلت الباب بعنف
هالة وهي تقف أمامه قالت بغضب وانفعال ونبضات قلبها يكاد يسمع صوتها من القوة :
- اسمع بقى ي اسمك ايه اوعي تفتكر اني هموت واتجوزك او رامية نفسك عليكي أنا الف مين ما يتمناني بس انا أوافق لو تفتكر اني دايبة في هواك وانت فاكر نفسك حاجه احب اقولك انك ولا حاجه
وبما انك هتجوزني فاستعد بقى للدمار علشان مش أنا اللي اسيب حقي
وكلام اللي قولته هرد عليه باللي أقوى منه تمام ي بابا
ثم ربتت على كتفه وتحركت لتغادر لكن فجأة وقفت والتفتت وجدت راجي يمسك يديها
راجي بقوة :
- انت كنت خلصت كلامك فاسمعي كلامي أنا بقى مش أنا اللي هخاف واكش واعيط واطلب السماح لازم تعرفي من دلوقتي أنا عنيد و قوووي كمان فاوعي تفتكري ي إنك ممكن تقدري تعملي اي حاجه ي حلوة انتي اخرك كلام وبس في المرة الجاية اوعي تجي عندي كدا وتطاولي عليا كدا تاني علشان المرة الجاية هعمل حاجة مش هتعجبك أصلا
هالة ببرود :
- ميهمينش
راجي بقوة :
- هنشوف
هالة بسخرية وهي تشير الي يديه وتنظر إليها :
ايه عجبتك عاوز تاخدها
لم يفهم راجي فنظر الي ما تنظر ففهم على ماذا ترمي فترك يدها
فغادرت غرفته بخطوات سريعة وهي تكاد تجري وذهبت الي غرفتها وهي تتوعد له
صرخت بغيظ وغل :
- بارد ماشي ي راجي اما وريتك مبقاش اسمي هالة
____________________
ذهب راجي إلى غرفة والده ليتحدث معه طرق على الباب ثم دخل بعد ما سمع والده يسمح له بالدخول
راجي بأدب :
- ممكن أتكلم معاكي ي أبويا
بشير وهو يشير إلى منطقة إلى منطقة فارغة على الاريكة بجواره وقال بحنان أبوي :
تعال ي راجي أقعد
راجي بعد ما جلس :
- تعرف أن دايما بحل مشاكلي لوحدي لو استصعب على حااجه بجي دايما ليك علشان تساعدني صح
اومأ له بالايجاب فاكمل راجي
عاوز اسمع رأيك انت موافق على اللي بيحصل دا
بشير بصراحة وجدية :
- هقول رأيي بس من غير ما تتعصب ماشي
أنا شايف أن دا خير ليك ي راجي يمكن ربك رايد تكون هالة شريكة حياتك ساعات ربنا بيحط قدامنا حاجات وأحنا بنخاف ونفكر أن دا وحش ومش كويس فنبعد عنه بس اكيد ربنا لما حط حاجات دي قدامنا عارف انها فيها الخير لينا إلا كان بعدها عننا صح ولا لا
راجي :
- يعني انت موافق على كدا
بشير :
- ايوة ي راجي وانت كدا مسيرك تتجوز وفيها ايه لو اتجوزت بدري عن اللي انت مخطط ليه
راجي بأمل :
- متقدرش طيب تتكلم مع جدي عبدالرحمن وياجل الجواز
بشير :
- تمام ي راجي هتكلم معاه ياجل شوية على ما تجهز وشقتك جاهزة أصلا
راجي باستغراب :
- انا بتكلم في ايه وانت في ايه ي أبويا
ثم وعي لما يقوله والده
شقتي جاهزة شقة ايه دا اللي بتتكلم عليها
بشير بابتسامة :
- شقتك جاهزة ايوة ي راجي أنا اشتريت بيت ودا ليك انت جنب بيتنا شقة خلصانة ويعتبر هتجيب الأجهزة ومستلزمات الشقة بس
راجي :
- طيب ي أبويا اللي تشوف بس زي ما قولت ليا اتكلم شوية مع جدي عبدالرحمن
حين ذهب بشير وجده غير موجود فانتظره إلى أن أتى ثم تحدث معه
بشير :
- ممكن اتكلم معاك ي حج
عبدالرحمن :
- تعال اتفضل ي بشير
بشير :
- أنا معاك في قرارك طبعا ي حج بس كنت بقول ايه رأيك لو أجلت الفرح شوية بس علشان تتعرفوا على بعض ويكتبوا الكتاب بس
عبدالرحمن وهو يتفحصه بنظراته :
- راجي هو اللي قالك تيحي تتكلم
بشير بكذب :
- لاء ي حج أنا جيت لوحدي
عبدالرحمن :
- مش مهم خلاص ي بشير أنا مش هكسر بخاطرك وخليهم يكتبوا كتابهم بس والفرح يتأجل لأسبوع ايه رايك
بشير بابتسامه :
- تمام ي حج
ثم قال لنفسه :
- يارب هو بس معترضش على دا ويرضى بيه
قام بشير من على الكرسي وقال لعبد الرحمن :
- بعد إذنك ي حج
وخرج من الغرفة وذهب ليري عمله
____________________
في الأسفل أمام المنزل كان قد اجتمع كل رجال كما أمر العمدة ينتظرون قدوم عبدالرحمن وبعد قليل أتى وجلس أمامهم
عبدالرحمن بحدة :
- عاوز اعرف ايه اللي حصل ايه اللي سمعته دا
أحد الرجال :
- خير ي عمدة ايه اللي سمعته
عبدالرحمن :
- سمعت ان حد اتكلم على حرمة بيتي
رجل آخر :
- لا عاش ولا كان اللي يتكلم ي عمدة
عبدالرحمن بغضب :
- وان كان كدا ازاي تجرأ حد فيكم واتكلم عنها
رجل بخوف :
- والله ي عمدة مكنتش قصدنا بس الولد...... شاف حفيدتك وراجي وهم واقفين مع بعض وألف الكلام دا ووالكل ما صدق يعني
عبدالرحمن بغضب :
- واحنا هنبقي زي الحريم يعني نسيب حالنا ومالنا ونجري ورا كلام لا بيودي ولا بيجيب
رجل بكره وشماته :
- ما هو غريب ي عمدة الصراحة نسمع الكلام دا وبعد كدا نعرف أن راجي وعائلته عندكم معنى كدا ان الحكاية فيها ان
عبدالرحمن بغضب :
- ولا حكاية ولا رواية ثم أظن أني مش مطالب اجيب ليك تقرير على حصل في بيتي ومين عندي ومين لاء لو على كدا اسيب العمودية بما ان كلامي ملوش لازمة عندكم ولا حد بيحترم أني كبير البلد
أحد الرجال :
- لاء طبعا ي عمدة كلامك مهم ويمشي على صغير قبل الكبير وكله يحترمك كبير وصغير
عبدالرحمن وهو يوضح للكل :
- طيب بما أننا بنتكلم في موضوع حفيدتي فأنا أوضح ليك اللي حصل انتوا برضو في الأول والآخر هتعرفوا راجي شاف هالة في مصر وعجبته وقرر يدخل البيت من بابه فجي طلب ايديها وأنا وافقت وبعد بكره هيكون كتب الكتاب
نفس الرجل بكره وشماته :
- بس مش غريب ي عمدة الزواج سريع دا إلا بقى لو كنت بتداري على عمله وعاوز يتزوجوا بسرعة قبل ما حد يدري
عبدالرحمن :
- لا عمله ولا بتاع ثم إن أنا خلاص مبقاش في عمري كثير وعاوز اطمن على حفيدتي الوحيدة قبل ما أموت فيها حاجه دي ولا انت عاوزني أعمل زي بتوع البندر وخطوبة ثلاث سنين ومعرفش ايه وخروج ودخول من غير أي حاجه
احد الرجال :
- عداك العيب ي عمدة واحنا آسفين على دا مكنتش قصدنا ولا نعرف ربنا يتمم ليهم على خير
عبدالرحمن وهو يتنهد براحة :
- الحمدلله
____________________
دخل راجي اليه ما انهى عبدالرحمن حديثه مع الرجال
راجي بضيق :
- لو تفتكر ي عمدة انك كدا ستويت الوضع فاحب اقولك ان الموضوع باظ خالص والناس كل يوم هتحكي فيه
عبدالرحمن :
- ماليش دعوه بكل دا وبعدين متتعبش نفسك ي راجي انت مهما عملت أنا مش هالغي الزواج تمام روح يلا شوف وراك ايه ي عريس
غادر راجي وظل عبدالرحمن يفكر في كلامه و لم يتنبهوا إلى رجل الذي وقف وراء الشجرة وقد سمع كلام راجي والعمدة
____________________
ذهب راجي الي والده وهو كان يتنظر لسماع مع حدث بفارغ الصبر وما أن سمع صوت والده يسمح له بالدخول حتى فتح الباب ودخل الغرفة
راجي بسرعة :
- قالك ايه وافق
بشير :
- خد نفسك الأول ي راجي
انتظر راجي قليلاً ثم تحدث والده وقال
بشير بابتسامة :
- وافق ي راجي يتأجل الفرح شوية
راجي بفرحة :
- بجد وهيكون امتى
بشير وهو يكمل :
- فرحك بعد أسبوع وكتب الكتاب بس هو اللي هيكون بعد بكره
انطفت فرحة راجي وخيم على وجه الحزن وخيبة أمل تسيطر عليه قال بسخرية :
- اسبوع جاي على نفسه ليه قوي كدا ما يتزوج الواحد دلوقتي بالمرة
بشير :
- دا كويس ي راجي تتعرف على البنت شوية في الأسبوع دا ثم يعتبر انت مش بتقعد معانا غير شهر واحد بس وتسافر وفتزوج وسافر بعدها أهو
تذكر راجي مشكلته فاردف بضيق :
- ممكن المرة دي أطول معاكم ومش هسافر بعد شهر زي ما متعود
بشير بفرحة :
- طيب كويس نلحق نشبع منك
ثم اردف باستغراب :
- بس غريب دايما بتسافر بعد شهر هو في مشكلة في شغلك ولا أيه
راجي بابتسامه :
- لا مفيش ي أبويا بعد إذنك
خرج راجي من غرفة والده وظل يفكر في هذة المشكله فهو ترك عمله ولا يعرف أن كان يستطيع إيجاد عمل آخر ولا يستطيع اخباره والديه هو ليس لديه عمل دائم هو كهربائي يوصل الأسلاك الكهربائية
والعمل الذي كان يعمله عليه تشاجر مع صاحب العمل بسبب الأجرة وكان الرجل لا يعطيه حقه بالكامل وكان راجي يصبر عليه إلى أن انتهى صبره وبدأ يطالب بحقه فبدأ صاحب العمل يماطل معه إلى أن تشاجر راجي معه وترك عمله واخذ حسابه كامل من صاحب العمل لكن لا يعرف ماذا يفعل وإذا فكر فإن الأموال التي معه إذا انفقها في الزفاف لم يبقى معه شيئا وكان قد قرر عمل مشروع بهم ولكن أتت هذة المشكله عليه ولا يعرف كيفية التصرف كل اعتماده الآن على ربه يتنظر ان تحل مشكلة عمله ويأتي عمل جديد إليه
____________________
في اليوم التالي خرج راجي مع أخواته وهالة لكي تجلب شبكتها أي كان ظروف زواجهم فهو لا يريد أن يعيب أحدا أنه لم يجلب شبكة لعروسته فزواجهم أصبح أمرا واقعا ويجب أن يقبله
ركبوا في العربية كانت هالة مع ريتال وريم من الخلف وراجي في الأمام بجوار السائق
وصلوا الي محل الذهب ونزلوا جميعا من العربية ثم دخلوا المحل وطلب راجي من صاحب المحل خواتم للخطوبة فأتى إليه بمجموعه خواتم واخذها راجي ووضعها أمام هالة
راجي :
- اختاري اللي يعجبك
هالة ببرود :
- مش عاوزه
مسك راجي يديها واخذها بعيد عن اخواته قليلاً وقال بأدب
- ممكن اتكلم معاك شوية
هالة بجدية وهو تعقد ساعديها :
- نعم ي راجي
راجي بجدية :
- هالة أنا عارف ان زواجنا لا على هواك ولا هواي بس مش معني كدا ان انسى الأصول دي شبكتك انت تختاري بنفسك
ثم اردف بابتسامه :
- لو ممكن يعني
هالة وهي تومي برأسها وقالت بابتسامه :
- تمام ماشي ي راجي وشكرا على الشبكة
ثم رجعت مكانها مرة أخرى واختارت خاتما بسيط لكنه أنيق ورائع وكذلك اختار راجي خاتما له أيضا ثم اختارت هالة الشبكة وذهبوا بعد كذلك إلى مطعم
لياكلوا جلست ريتال وراجي جوار بعضهم وهالة وريم امامهما كانت هالة خجلة لم تمد يديها فلاحظ راجي ان لا تأكل فمد راجي يديه ووضع الطعام أمامها
ريتال وهي تهمس لراجي وهي تغمز له بعينها :
- ايش حال لو مش مغصوب على الزواج
راجي وهو يضرب يديه على رأسها من الخلف بغضب :
خلي عينك في طبقك ماشي
ذهب راجي للحمام لعدة دقائق
على الطاولة أخرى بعيدة عنهم بعض الشئ كان هناك شابين تهامسوا مع بعض وبداوا يلقون بعض الكلمات ويعاكسون في هالة وريتال وريم
الشاب بمعاكسة :
- بص الثلاث مزز دول
الشاب الآخر :
- اخر جمدان بس أم عيون ملونة دي فظيعة
خرابي عليها
صفر الشاب الآخر بمعاكسة :
- ما تجي تقعدوا معانا نونس بعض
تجاهلوا البنات هؤلاء الشباب لكنهم ما لبثوا ان قاموا من على مقعدهم وتحركوا ناحيتهم :
- ولا نيجى إحنا عندكم أحسن
جلس شاب بجوار هالة والآخر بجوار ريتال
الشاب بمعاكسة :
- ايه القمر دا
لم ترد عليه هالة وكادت تتحرك لتقوم من مكانها حين مسك الشاب يديها
الشاب :
- ايه ي حلو كدا تسيبني لوحدي
وفجأة.....
