رواي عذابي وقدري كامله جميع الفصول بقلم ارسلان جاف
مساء الورد 🌹🌹🌹🌹🌹🌹 داده شونكم فاجئناكم حبايب كلبي المهم نبدي من جديد لاتنسون لايك والحوكنت
جميعنا حصل لنا ذاك الحدث الذي غيرنا للأبد .
كسر شيئا كان جميلا بدواخلنا .
ولا زال لا يفارقُ الخيال .
جميعنا نمتلك تلك الأماني المركونة على الأرفف .
ولا نملكُ لها تحقيقها و لا املا .
جميعُنا نمتلكُ أنواعا من خيبات الأصدقاء، وفراق الإحبة و موتُ قريب .
جميعُنا ذاقت ارواحُنا حُزنا لا يفنى ولا يُنسى و نتجرعُ صبرا لعل بعده خيراً...
.
.
.
.
القصة حقيقية ..في احدئ محافظات تحديدا ..
في الحله... في احدى المناطق... الوقت لساعه7:00
كعدت الصبح على صوت ماما... تندهني ..
رنووو... يالله ماما كومي وراج دووام...
فتحت بعيوني... شفت ماما...
اي ماما .. كايمه
طلعت ماما ... واني
كمت من فراشي ...
ونزلت جوه احضرالريوك ويه ماما غسلت وبدلت ملابس المدرسة صدريه والقميص .. واخذت جنطتي...
وطلعت للمدرسه...
اعرفكم بنفسي ..اسمي روان عمري 18 سنه طالبه
صف سادس علمي عائلتي تتكون من بابا وماما
وعندي 2 اخوات رونق ورقية... .و2 اخوان هيثم وعلي واني اكبرهم كلهم ..
بابا يشتغل موظف باحدى دوائر حكوميه
وماما ربة بيت....
طبعا اني جنت المقربه لبابا كلش ..
لان بنته الجبيرة واول فرحه بحياته...
رغم اهلي جانوا منطيني ثقة و مطلق الحريه
بس بنفس الوقت متحفظين كلش ..
ويخافون علينه خصوصا احنه البنات...
خلص لدوووام بالمدرسة ورجعت للبيت ...
فتت للبيت ...
صحت ماما... ماما
هااا ماما تعالي اني بالمطبخ...
فتت للمطبخ... شفتها واكفه على الطباخ...
روان... شنووو هالريحه الطيبه اووويلي...
رحت فتحت الجدوره...
مركه اسبيناغ... اموت عليهه...
يله ماما روحو بدلوو ملابسكم بين ميجي ابوكم
ونتغده...
طبعا بابا مرات يتاخرلساعه 2 يله يجي وهسه ساعه
1 بالوحده وربع ... صعدت للغرفتي و بدلت ملابسي...
وكعدت شيصبرني... عصافير بطني توصوص...
جانت عندي نستله اشتريتها ..
من حانوت المدرسه...
وماكلتها... طلعتها من الجنطة... واكلتها تصبيره
شنسوي...
نزلت جوه...
جنت لابسه دشداشه مخصره لون زيتوني وبيها دلعه من كدام...
وضافره شعري كصيبه...
مريت من يم الهول... سمعت اخويه هيثم صااح
انداريت كاعد على القنفه ومرتاج ومخلي رجل
على رجل...
وصاااح هاي شنوو شلابسه... كتله دشداشه
كام عليه وصاح شنو هاي ضيجه...
وشنو هاي دلعه...
كتله بالبيت لابستها محد يشوفني وماكو احد غريب
بسس بابا وانتوو واخواتي...
كام يصيح... ماما سمعته واجتي تركض ..
شبيكم شصاير...
حسكم واصل لسابع جار ..
هيثم عكس اخويه علي الي قلبه طيب وحباب...
بعكس هيثم عصبي وشخصيته غامضه ..
وعنده اهم شي ..
تمشي كلمته على الكل... حتى اذا بابا موجود
هيثم متشوفين بنتج شلابسه...
يمه شبيك على اختك ..قابل شلابسه...
ماما روحي شوفي الاكل لا يحترك...
رحت كعدت بالمطبخ ..
وماما بقت تحجي... وياه اني مهتميت لكلامه
صح ضوجني ...
بس مهتميتله .. جنت كلش جوعانه وريحه لسبيناغ
فاتت بخشمي ..ماتحملت ..
سويت سطوووو..
رحت فتحت الجدر وصبيت الي... ماعون تمن
وماعون مركه... وكعدت اكل...
هههههه الجوع لا دين له ..
فاتت رونق... وصاحت هاي خيانه عظمه
شلون تاكلين ومتصيحيلي... لو عند البطون تعمى العيون ..
هههه ضحكت عليها خرررب ببليسج...
تعالي... اجتي
كعدنه اكلنه وكملنه... وصعدنه فووك ..
نص ساعه واجه بابا واسمع ماما تصيح علينه
روان. ورنق ماما نزلوا اجه ابوكم
نزلنه هااا ماما...
ماما اجه ابوكم صبوو الغده... صار ماما
امي راحت فاتت للغرفه...
واخذت خاولي... وبابا واكف علئ المغسله يغسل
واني فتت للمطبخ حميت الاكل ..وصبيته
فرشنه سفره بالكاع وكعدنه كلنه ناكل...
ماكلت شويه...
كملنه شلنه لمواعين وديناهم بالمطبخ ..
جنت مخليه القوري علئ الطباخ خدر الجاي وطفيته
واخذته هو والاستكانات...
شربنه جاي وكملنه وصعدت اقرااا...
السنه اني سادس بكلوريا...
وكلش صعبه...
اني احب المدرسه وجنت كلش شاطره ..حتى
مدرساتي والمديره يحبوني... لان عمري ماذيت احد
جان كل همي اكمل دراستي واطلع معدل عالي ..
جنت اروووح واجي بخط لان مدرستي بعيده
عن البيت...
وعندي صديقه كلش و مقربه الي...
اسمها تكتم...
حياتي جانت عاديه اكعد الصبح اصلي وانزل احضر
الريوك لبابا حتى يطلع للدوام ويوصل من وكت
يكول ازدحامات...
واتريك وابدل واروح لمدرسه...
جنت ارجع للبيت اتغده وانام ومن اكعد اقرا
عدنه امتحانات...
جانت حياتي طبيعية اكعد الصبح اغسل واصلي
وابدل واسوي ريوك علمود بابا يتريك ويانه
واطلع بالطارمه انتظر الخط،يجي...
رونق... ولج اجه الخط امشي راح نتاخر
ام كرش مشبعتي...
رونق... جايه... جايه
طلعنه للخط وصعدنه بالسياره ورحنه للمدرسة
خلص الدوووام ورجعت للبيت ..
بس ابدل واتغده وانام ومن اكعد ابدي اقرا
لان سادس وضغط علينه واجبات وامتحانات
ماالحك احك راسي...
حلمي اطلع معدل عالي...
وارفع راسي وراس اهلي ومااخلي تعبهم يضيع...
ليوم عندي امتحان فيزياء كلش صعب وفصلين
بقيت اقرا... للصبح... محسيت الا وماما تكعدني
ماما ..كوومي بنتي راح تتاخرين علئ الدوووام
كعدت... اي ماما هسه اكوم
ماما... شبيج بنتي مو من عوايدج تتاخرين بالنوم
مريضه... بيج شي
لا ماما مبيه شي...
بس البارحه منمت عندي امتحان صعب وبقيت اقرا
ماما... كومي بنتي وروحي كعدي ابوج
واخوانج... حتى تتريكون سويت الريوك...
صااار ياست الحبايب...
امووواح... بستها من خدها...
طلعت ماما... واني اصيح ولج ورنق
كووومومي مشبعتي نوووم...
عفيه خليني بس 5 دقايق...
شمرت عليها المخده...
اااخ راسي...
لميت شعري بالقراصه ونزلت... غسلت ورحت
اكعد بابا ..
بابا... بابا كوم... ورحت على غرفه الولد يله
هيثم ..علي اكعدوا ورحت ركض جوه
احضر الريوك ويه ماما...
طلعت الاجبان من الثلاجه قيمر وجبن
وماما طلعت الصمون وسوت بيض...
صعدت ابدل ملابس المدرسه نزلت رونق...
اني بدلت على السريع ونزلت ركض...
وكعدنه الكل نتريك... بابا طلع لدوواني بدلت على السريع ونزلت ركض...
وكعدنه الكل نتريك... بابا طلع لدوووام
واخواني راحوا للمدرسه...
كل واحد اكل لكمه وراحوا...
بس اني كعدت متربعة حتى اتريك زين...
اجه الخط سمعت الهورن...
غسلت واخذت جنطتي وطلعت وركبت بالسياره
وتفتر على بنات ناخذهم وصلنه للمدرسه...
وبدا الدووام... والتهيت بالدروس وامتحنه
والحمد لله جاوبت ..جنت خايفه ماجاوب
بس الاسئله جانت زينه...
الدرس الرابع ... جان عدنه درس احياء ست
صمود... اجتي طالبه... دكت الباب...
وكالت ست من رخصتج...
المديرة تريد طالبة روان... اني متت من لخوف
اول مره دز عليه المديرة...
بقيت بس ارجف كل الي بالي جان قبل يومين
عدنه امتحان كيمياء اخاف درجتي موزينه
بالامتحان وصلت لاداره...
طلعت... ورحت لاداره وصلت لغرفه المديره
شفت ماما كاعده...
لمديره فوتي ماما...
فتت شفت ماما وجها اصفر
وعيونها مليانه دموع...
كتلها ماما... شكوو شصاير... انخمط كلبي...
ماما... بنتي بيبيتج مريضه و متخربطه وخابرونه
بيت عمج سلمان لازم نروح لان كلش تعبانه
وموصيه على ابوج وعمامج وعماتج كلهم
تريد تشوفهم...
ولازم هسه نطلع لبغداد بسرعه...
اخذتلي ماما اجازه من المديرة يومين ... وطلعنه
وصلنه للبيت... واشوف الكل جاهزين ...
بابا كلي ... بنتي رنوو جهزي نفسج بسرعه صعدت بدلت
لبست تنوره لون بيج وقميص لون زيتوني
وجنطه وحذاء بيج... وشال زيتوني...
واخذنه كم غرض لان بابا كال احتمال نبقى كم يوم
وطلعنه وركبنه بالسيارة... ورحنه كلنه اني
وبابا وماما ورونق ورقيه وهيثم وعلي...
وطول الطريق يبجون على بيبي وصار الطريق طويل... وبعيد اريده بس يخلص
اتمنى بس نوصل...
وبعد كم ساعه وصلنه لبيت جدووو...
ودخلنه جوه...
لكينه العشيره كلها هناك...مجتمعه عمامي وعماتي
وبناتهم ولدهم... كلهم موجودين...
سلمنه عليهم وكعدنه ..
عندي 2 عمام واحد اكبر من بابا واحد اصغر منه
الجبير عمو سلمان والصغير عمو احمد...
وعندي ست6 عمات... كلهم متزوجات ..
عمتي سعديه وصبريه هذوله بس يحجون
عليه وعلى امي... ماحبهم...
ميحبون ماما...
وطبعا اول يوم بيت جدي... مانمنه بقينه
سهرانين للصبح...
من الهوسه مكدرت انام...
وهذا ابن عمي سلمان موتني بنظراته حسيت بي
اكلني بنظراته مو نظرات... كصني كص ..
عمه بعينه...
خلص اليوم الاول...
وصار اليوم الثاني ..
هم نفس الحاله البيت هوسه ومخبوصين بيبي
وكل شويه بابا يجيب الدكتور للبيت ...
يشوف حالتها...
وادعى تتحسن حالتها حتى نرجع لبيتنه ونرتاح
صار يومين لا نومه مثل الناس ولا اكله مثل الناس
ولا كعده هوسه ...
واني متخبله مو يومين عبالك سنتين... لا نومه ولا راحه
ناس طالعه وناس فايته...
وماكو غرفه فارغه .. احد ينام بيها ويرتاح
صعدت فوك فتحت غرفه لكيتها فارغه
وماكو احد بيها... كلت فرصه انام شويه
نمت ومااحس الا على ايد تتلمس رجلي ..
فزيت من نومي مفزوعه...
لكيت محمد ابن عمي سلمان هو الي يتلمس
برجلي كمت... وعدلت نفسي...
وصحت عليه انت شسوي هناا ..
هاااا ..انت متستحي امشي اطلع بره لا الم عليك
الناس هسه ..
بهالاثناء... فات اخوية علي للغرفه
شكووو... شبيج تصيحين ..
اباوع عليه كام يبلع بريكه ويمسح العرك من كصته
بايده... وساكت
كتله ماكوو شي... علي
بس راح اتخبل منايمه صار يومين وتعبانه...
مكلت شي... سكتت
علي ..باوع على محمد... وكاله شسوي هناا ..
كاله ..هااا دخلت بالغرفه بالغلط جنت ادور
على عمتي صبريه... عبالي موجوده هناا
علي... هسه شفتها بالمطبخ...
وصارت بيبيتي زينه... الحمد لله...
اني عفتهم ونزلت...
وبكلبي الله ياخذك ياحقير...
شفت ماما كاعده بالهول يم عماتي وبناتهم
كعدت يمها وشاورتها... ماما تره الاحد عندي
امتحان لازم نرجع للحله...
وبيبيتي الحمد لله صارت زينه ..
ماما... بنتي خلي اكول لابوج واشوفه شيكول
عمتي... صبريه... هااا شبيجن تتبسبسن
متحجن بصوت عالي...
ماما... لا عيني ماكو شي...
وكامت تعوج بحلكها .. معاجبها...
لليل واحنه كاعدين على العشه... كلنه
عمي الجبير سلمان... كال لازم نقلل الهوسة
الي بالبيت لان امي مريضة والدكتور يكول
لراحه والهدوء...
وهسه الحمد لله صارت زينه ..
ولازم كل واحد يروح لبيته...
وثاني يوم السبت قررنا نرجع... للبيت
بعد ماودعنه الكل وحضرنه الجنط وخلوها الولد
بالسيارة...
مشفت محمد بعد... احسن...
طلعنه اجتي مريه يطلع عمرها بالثلاثينيات
جوارين بيت جدي...
وصديقة خالتي لان شايفتها يم بيت جدي ..
وكالت رايحين...
ماما... كالتلها اي... البنات والولد عدهم مدارس
كالت... يااا مو اني جايتكم بشغله ...
بابا... كللها شنوو شغلتج ..
كالت اريد اخطب بنتكم روان لاخويه ..
واني انصدمت 😲
اني كل همي اكمل دراستي واطلع معدل وهاي
جايه تريد تخطبني لاخوهه... والله يالله
واهز بايدي واحجي بكلبي شنو هالعطلات...
بابا... كال طلبج على عيني بس هسه
مو وكته خل نروح للبيت ونرتاح ونفكر
بكلامج وننطيكم الخبر ..
ورونق واكفه بصفي ..ومبتسمه
اسرع خطبه بالعالم... بالشارع
خرررب حظي 😒
راحت... واحنه صعدنه بالسيارة واني مامصدكه
بس اريد اخلص ..منهم...
