رواية كوميديا سوداء الفصل الاول بقلم ليل ادم
الموظف: اتفضل امضي هنا
احمد : هات يا وش الخير انت ( و بيكتب اسمه)
اي ده اسكندريه العام دي في القاهره هنا صح
الموظف: لا طبعاً يا خفيف
احمد : يعني أنا التكليف بتاعي في مستشفى اسكندريه العام
الموظف: أن شاء الله بكره الساعه تسعه تكون مسلم الورقه دي اللي بعده
احمد : اللي بعده اي لحظه بس يعني من قله المرضا في القاهره رايح اسكندريه
الموظف: اه ياعم اللمض اخلص في دكاتره كتير بره غيرك
احمد : لا اصبر بس ما لما أنا اول دفعه رايح. اسكندريه أما بتاع اسكندريه يروح فين
الموظف: يجي القاهره هنا
احمد : طب ليه المرمطه دي ما تسيبه جمب أهله وأنا جمب اهلي
الموظف: ما تنفذ التكليف يا دكتور وانجز نفسك هما تلات سنين وترجع القاهره مالك في اي
احمد : ربنا يولع فيك
الموظف: بتقول اي
احمد : بقولك يارب أهلك تفرح بيك
الموظف: اتفضل امشي
بعد رجوع احمد الي المنزل وعلم والدته
الأم: راشد قوم انت نايم قولتلك شوف اي حد من اصحابك يشوف ابنك رايح فين ابنك رايح اسكندريه
الأب: يعني كان رايح رفح مالك يا وليه
احمد : ياعم هو أنا مش ابنك انت ليه قهرني كده
الأب: عايزك تنشف وتبقا راجل
احمد : هو أنا مينفعش اتعلم الرجوله هنا لازم أتشحطت
الأب: انت مش عايز تروح اسكندريه
احمد : لأ
الأب: خلاص شوف سوبر ماركت جمبينا هنا اشتغل في
احمد : سوبر ماركت
الأم: انت راجل ظالم ليه ما تفتح ل ابنك عياده جمبك ولا مستشفى
احمد : عياده اي يا ست الكل ومستشفى اي هو أنا حلاق هيفتحلي محل
الأم: ليه مينفعش
احمد : لا مينفعش
الأم: اهو قالك مينفعش قوم شوف ابنك
الأب: (قام منفعل ) اعععععععععع في اي
احمد : بس خلاص أنا رايح اسكندريه وخلي بالك هثبت لك اني مش محتاج وسطه من حد
الأب: في داهيه
احمد : هات الف جنيه طب وهات بوسه
الأب: (رفع الجزمه ) امشي من وشي انت و امك من كتر الدلع بقيت عيل مايع
الأم: خد يا حبيبي عايز اي سيبك منه ده راجل ظالم
احمد : الفين جنيه و بوسه
الأم: مش كانوا الف جنيه
احمد : هو أنا عارف هسحب فلوس هناك ازاي انتي اي بقيتي جاحده زاي جوزك
الأم: لا ياحبيبي خد هو أنا عندي غيرك
احمد : قوليله
الأب: خليكي ورا لحد ما يفشل منك
الأم: أول دفعته وتقولي فاشل
احمد : نفسي افهم دماغك نفسي اعرف اعمل اي اكتر من اني اطلع أول دفعتي طب مش زراعه بقا ولا اي قسم من تحت السلم وكمان بتقول فاشل
الأب : بره ياض امشي
في الفجر كان اتحرك احمد علي الاسكندريه لتعينه في مستشفى اسكندريه العام بعد وصول احمد
احمد : لو سمحت دكتور علي فين
الممرضه : شوفو في اي حته انت مش شايف الدنيا زحمه ازي
احمد : ياساتر يارب اي الناس دي
تابع احمد البحث عن دكتور علي لحد ما وصل ليه
احمد : دكتور علي
دكتور علي: مش هنخلص النهارده تعالي بتشتكي من اي
احمد : من المشوار اكون شاكر اوي لو تسبني في القاهره
دكتور علي: انت بتهزر ما تنجز خلينا نشوف غيرك
احمد : يا دكتور علي أنا دكتور احمد التكليف بتاعي معاكم
الدكتور علي: حلو اوي سلم الورقة دي ل مسؤول التعيين وتعالى بسرعه تكليفك بدأ من النهارده
احمد : تكليف اي انا منمتش من امبارح
الدكتور علي: اخلص يا دكتور هات الورقه دي
احمد : اتفضل
الدكتور علي: غاده ادي الورقه دي ل مس ورده
وانت يا دكتور احمد البس وخد مكانك
احمد : اي ده في اي سيبي الشنطه يا غاده فيها ادواتي
غاده : والنبي فيها ادواتك يا كتكوت (وبتضحك)
احمد : كتكوت هاتي كتك البلا (وجهز نفسه وخرج)
احمد : نعم يا دكتور
دكتور علي: سميره دخلي حد ل دكتور احمد
سميره: تحت امرك يا دكتور علي (خرجت ودخلت ومعاها راجل كبير في السن مش قادر يتنفس)
احمد : اقعد يا حج
ابن المريض: ابويا بقاله ساعه مش قادر ياخد نفسه ابوس ايدك يا دكتور شوف ابويا
احمد : سيب ايدي طب اشوفه ازاي أنا كده ( وحط السماعه على ضهر المريض) قول اه يا حج
المريض: اه ه ه
احمد : الشارع اللي وراه
ابن المريض: نعم
احمد :ولا كلمه ابوك عايز محضر ابن لذينه دا مش بيشرب سجاير ده اكيد عنده محل
ابن المريض: اه بيشرب كتير
احمد : هات التذكره دي
ابن المريض: أبويه هيموت يا دكتور
احمد : ياعم سيب ايدي يموت اي ما زاي الجن اهو خد اديله الجلسه دي وهاته وتعالي اكتبله على علاج
سميره: اجيب ليك مريض تاني يا دكتور احمد
احمد : مريض مين حلو كده أنا النهارده اول يوم في التكليف
فجأة واحد فتح الباب وشه كله دم قفش احمد من رقبته
المريض: وشي باظ صح
احمد : (اتخض ) اعععععععع اه باظ يخربيتك هموت
المريض: شوف وشي بسرعه
احمد : شوفته سبني علشان اعرف اتنيل
المريض: اهو
احمد : هاتي شاش وقطن هاتي كل حاجه تتفعنا مع الكائن ده
المريض: وشي باظ
احمد : ياعم اسكت بقا خليني اعرف اشوف وشك ده (بعد ما مسح وشه من الدم ) أنت صاحبه
صاحب : المريض اه
احمد: روح هات الخيط اللي كتبلك اسمه هنا
المريض: خيط اي ده
احمد : خيط تجميل ياعم انت كل شويه تمسكني من رقبتي ما تشوف يا دكتور علي أنا جاي هنا اتهذء ولا اي
صاحب المريض: ممعيش فلوس
المريض: ولا أنا
احمد : انتوا بتهزروا ولا اي ممعكش عشرين جنيه انت وهو
المريض: سبها هخدهم في البيت على أيدي
احمد : هما فمين غسيل ما كنت اخرت المشكله لما يبقا معاك زفت (وطلع من جيبه خمسين جنيه) هات ياعم الخيط ل صاحبك
صاحب المريض: هات
الدكتور علي: دكتور احمد بلاش الكلام ده هتشوف هنا كتير امسك نفسك
المريض: هو بيقولك اي
احمد : ياعم سيب رقبتي التعويره في وشك مش في ودنك
صاحب المريض: الخيط
احمد : فين الباقي
صاحب المريض: جبت عصير علشان الدم
احمد : وعهد الله ما عندكم دم انتوا الاتنين
ظابط المباحث: دكتور علي خلصت وش الواد ده
احمد : انتوا جايين في مصيبه ولا اي
المريض: ياعم سيبك منه وشي اهم حاجه باظ
احمد : انت سبت الواد يعمل فيك كده ليه
المريض: وربنا ما هسيبه هخليه يجيلك هنا وشه اتنين
احمد : المهم خليه يجي معاه فلوس منا مش هصرف علي اهليكم يا شويه صيع خده يا ريس
ظابط المباحث: تعالي
المريض: بتسلمني يا دكتور ماشي
احمد : ياعم روح انت شايف حاجه اتشطر على الواد اللي فرتكك
المريض: وربنا ل تشوف هعمل اي فيه
احمد : أما نشوف ياله ياعم
دخل الراجل العجوز ومعاه ابنه
احمد : ها خد الجلسه
الابن : اه الحمد لله
احمد : عامل اي الوقتي ياحج
الابن : الحمد لله ارتاح شويه
احمد : يا ابني اسكت انت عايزه هو يتكلم عامل اي الوقتي يا حج
هو بيبصلي كده ليه هو أنا عملتلك حاجه يا حج
الابن : مش هيرد يا دكتور
احمد : ليه أن شاء الله مش عجبه شكلي
الابن: بابا اخرس
احمد :ما كان بيقول اه أول ما دخل ولا وهو تعبان بينسا أنه اخرس
الأبن: ما اه دي مش محتاجه واحد اخرس ولا بيتكلم اي حد ممكن يقول اه
احمد : اه والله عندك حق الشعب كله ماشي يقول اه تعالي اكشف عليك تاني ياحج
بعد الكشف
احمد : تمشي على العلاج ده ويخف سجاير وأن شاء الله هيكون تمام والله عايز اقولك تلعب ساعه كوره كل اسبوع بس خايف ترجعلي عندك الصليبي انت ساكن في الدور الكام
الأبن: الرابع
احمد : حلو اوي عايزك كل يوم كده يا حج تنزل السلم وتطلع مرتين قبل الفطار شويه رياضه تفك صدرك ده هز راسك ولا قول اه ولا اي حاجه خليني اعرف معايا ولا لأ
المريض: هز رأسه
احمد : حلو اوي الف سلامه
سميره: ادخل غيره
احمد : لالالا حلو كده بقا منمتش وربنا من امبارح
الدكتور علي: برافو عليك يا دكتور احمد
احمد : مش هتثبت أنا بجد عايز أنام
الدكتور علي: دكتور خالد معاه حاله روح اقف معاه الأول
احمد : فين دكتور خالد ده كمان
الدكتور علي: سميره ودي احمد ل دكتور خالد
سميره: تعالي يا دكتور احمد
بعد وصول احمد ل دكتور خالد
احمد : أنا دكتور احمد
دكتور خالد: عارف عارف خد الفحص ده عبال ما الإشاعات والتحاليل تتعمل وتيجي وهاتها على مكتبي
احمد : ماشي ( بعد خروج دكتور خالد)
فين أهل الطفله دي
سميره : بره
احمد : دخليهم
بعد دخول الأب والام
الأب: دكتور بنتي فيها اي
احمد : اهدا بس بنتك قصادك كويسه اهي
الأم: الحمد لله دي كانت قطعه النفس ومش عارفه فيها اي
احمد : بص ولا تعمل اشاعات ولا تحاليل بنتك كويسه هيا بس كانت سخنه حضرتك أديتها علاج حبس السخونيه جوه جسمها فضلت ترفع لحد ما المؤشرات الحيوية كلها وقفت تخلص المحلول المتعلق ده وخد بنتك وامشي تمام
الأب: يعني اي مش محتاجه اي حاجه
احمد : لو محتاجه كنت قولتلك بعد اذنكم
سميره: انت عملت اي بس كده دكتور خالد هيزعل منك
احمد : ليه يزعل
سميره : أصل الدكتور خالد عامل إتفاق مع المعمل اللي جمبنا هو يبعت حالات وليه نسبه ٢٥ في المئة علي كل حاله
احمد : ينهار اسود بس ده حرام دي ناس ممعهاش فلوس لو كان معاهم كان زمانهم راحوا مستشفى خاصه دي طفله وخايفين عليها أي الكلام ده أنتي اكيد بتكدبي
سميره: لا انت لو معرفتش النظام هنا هتتعب اوي خلي بالك الفصل الثانى من هنا
