رواي عذابي وقدري الفصل العاشر بقلم ارسلان جاف
فـي صمتنـا ألـف سـر ألـف وجـع ومـسـاحـات لا تنتهـي مـن الخيبـه …
روان… بعد الي سمعته رجعت بدون مااغسل ايدي
علمود مايحسون بيه سمعت حجيهم بقيت صافنه
ليش هيج زين مرت ابوهم شنو السبب الي يخليها
هيج تعاملهم وابوهم وين وامهم شلون ماتت
والف سؤال اجه بالي رحت كعدت يم ماما
شويه وطلعنه من بيتهم…
علاء… حبيبتي نرووح نختار الاخشاب…
كتله لا حبيبي ذوقي وذوقك واحد انت اختار
كلشي اني موافقه…
واحنه نرجع للبيت لان بابل خطية
راح يصير اسبوع عايفية هو واخوتي واخواتي
كال… ماشي اوصلكم اليوم… .كتله ماشي حياتي
بس خلي نرووح لبيت عمتي ناخذ ملابس، مالتنه
ونروووح… كاال ماشي… طلعنه لبيت عمتي
وحبيبي طول الطريق يغني ويباوعلي بالمرايه
واني مخنوكة من تصرف مرت ابوة ومحتارة
والف سؤال بالي…
ليش هيج تسوي ضاع واهسي من كلشي نزلنا
كتله حبيبي ادخل على مااحضر الغراض مالتنه
كلي ماشي حياتي احبج …
رنوووو شبيج ضايجه…
لا يرووحي كلشي ماكووو…
ماشي حبيبتي بس استعجلي علمود اوصلكم وارجع…
فات كعد جوه وكملت…
وعمتي سهاد كالت ليش تروحون ابقوا يمنه
اليوم وباجر روحوا ..
ماما… لا حبيبه تسلمين احنه هم زحمناكم ..
عمتي لا بالعكس،ونستونه وتباوسنه وسلمنه وطلعنه… من بيت عمتي للحلة ..
وحبيبي طول الطريق مشغل اغاني ويغني وياه
الاغاني وفرحان واني صارت بقلبي مثل الغصة
من مرت ابوه ..
وصلنه للبيت وراح ماقبل يفوت…
من رجعت للبيت ماما ..حست بيه ضايجه
كالت ماعليج من مرت ابوة مبين عليها طيبه
بس هيه تسوي هيج…
ومرت الايام وبقيت على نفس الحاله بالليل
اتصل بحبيبي ونحجي وبالنهار شغل بالبيت
وياه ماما بعد ماتركت الدراسة ..
لحد مابقى شي على زواجنا بس اسبوع واحد
وقررور يسوون حفلة الحنة بيت اهلي عادي بس
الزفة من بيت عمتي سهاد…
وعلاء هو الي اختار بدلة .
العرس لان مااكدر اني ارووح لبغداد وارجع ..
الاحد… الصبح رحنه اني وماما لسوك اشترتلي
كولشي الي احتاجه من ملابس ومكياج وعطور كل
الي لازم اخذه وياي كملنه ورحنه للصالون علمود
نتفق وياهه وكالت اريدهه الاثنين والثلاثاء علمود
اسوي شعرها وارتبها ..
رحت وكصيت شعري وصبغته ورتبته وسوتلي تنظيف بشره ومانكير وباتكير…
وخلال هالاسبوع نحجي اني وحبيبي علاء بس
جان دائما خطيه ملتهي ويركض منا ومنا لان
عرسة وعرس اخوه امير بنفس اليوم وبيتهم هوسة
…… ……… ……… . … ..
الاربعاء… يوم الحنة… .
رحت لصالون اني واختي وماما ويانه ودانه اخويه
هيثم سويت تسريحه بسطيه وحلوه ومكياج خفيف. ماردت هواي مكياج ولبست بدلة لون بصلي
مفتوحه من الصدر ومن جوه منفوشه كلش حلوه
كملنه واجه هيثم اخذنه من الصالون دخلت للبيت
والكل موجودين خالاتي وعماتي وبناتهم ولكيت
اخوات علاء من امه وابوه جايات انوار ونبراس
بس لامرت ابوه ولا بناتها ولا وحده جايه منهم
كلت احسن ..
ومرت اخوه الجبير علي هم جايه وبدت الهلاهل
سلمت عليهم وكعدت وجانت الحفلة كلش حلوه
وتونست بيها واخذنه كوومه صور…
بس فرحتي جانت ناقصة جنت اتمنى لو حبيبي
وياي واخذ اني وياه صور بس مكدر يجي لان الحنة مالتهم بالبيت واصدقاء وناس يمهم
طبعا من جنة بالصالون دزلي رسالة وكلي اخذي
صور ودزيلي خلي اشوفج ومن اخذت صور دزيتهم اله كملت الحفلة وباتوا يمنه عماتي وخلاتي
واخوات علاء…
صعدت فوك تعبانه نزعت ملابس ولبست تراك
لون بنفسجي فاتج…
وماكدرت انام وهم بقوا يجهزون غراضي
علمود الصبح نطلع من وكت لبغداد،لبيت عمتي
واني الم ملابسي وغراضي وابجي واحس اكو شي راح يصير مادري شنوو.
كعدت الصبح غسلت وبدلت ونزلت الكل كاعدين وجاهزين ودعت اهلي واحس نفسي بعد مااشوفهم ودعت اخواني وبابا وصعدت بالسيارة
ويايه ماما واخواتي رونق ورقية واخوات علاء
انوار ونبراس وعماتي 3 منهم وخالاتي 2
وبناتهم وحركت السيارة ومشينه وطلعنه من
المنطقة مالتنه واني طول الطريق دموعي تنزل. واحس نفسي مخنوكه مادري ليش وشنو راح ينتظرني ..
ودعيت ربي يسهل امري،..
اجتني رسالة من حبيبي كاتب بيها
واخيرا راح تصيرين يمي وبحضني احبج
كتبت واني هم احبك يعمررري ..
علاء طيب وخوش ولد بس جنت خايفه من مرت ابوه بعد الي سمعته منها وسبب تعاملها مع اخواته ..
وصلنه لبيت عمتي… مانزلت غراضي وملابسي اخذوهن لبيت علاء ..
خلولي بس الملابس الي لبستهم وانطوني البدلة
بيت عمتي علمود اشوفها تصير عليه لو لا
حبيبي مختارهه وكال ليوم حياتي لبسي البدلة
بدون حجاب وانتي راح يلبسوج عليها شي
يعني ماراح اي رجال يشوفج جانت البدله دلعه
ومن الصدر مفتوحه وبيها شغل حلوو يوصل للخصر ومن جوه مفرشه…
كدرتهه وطلعت على قياسي ضبط .
وره اشويه اجت سيارة علمود نرووح لصالون
متفقين وياهه ورحنه الساعه ب 12 الظهر
والزفة ب5 العصر ..ام الصالون من بعد 12 ل 5
تكول مالحك اكملج وصلت ونصدمت شفت مرت
ابوة لعلاء وياهه ابنية مو حلوه حيل…
ومبين اكبر مني ب4 سنوات او اكثر وبناتها
اني راحت ويايه ماما واخت علاء الجبيره
واختي رونق اول مدخلت كلت السلام عليكم
جان تجاوب مرت ابوة اهوووو لا هلا سويت نفسي ماسمعت سلمت عليها وهي تحجي من وره خشمها وتافففف…
عرفت من اخت علاء هاي البنية زوجت ابنها
واليوم زواجه ويانه وراح نطلع سوه من الصالون
لان مرت ابوة رايده هيج ..
كملت الساعه ب 4 ونص سوتلي تسريحه بسيطه
مو كلش عاليه ومكياج خفيف بسيط ونازك
لبست البدلة جانت كلش حلوة عليه واخذت
بالصالون صور قبل لا نطلع جانت اكوو حديقة
جبيرة بالبيت الي بي الصالوبالصالون صور قبل لا نطلع جانت اكوو حديقة
جبيرة بالبيت الي بي الصالون اجتي اخت علاء
كالت يلا رنووو كووومي مادام الزفة بعدهي
خلي اخذلج كم صوره بالحديقة حلوة وكلها خضار
كمت واخذتني امي واختي للحديقة
ومرت ابوه تباوع وتهز بايدهه وتعوج حلكها
اخذت كووومة صور كملت ورجعت دخلت لصالون
وكعدت ننتظر يجون…
مرت ابوم كالت ام الصالون جنتي احلى مووو
وتباوع عليه ..
كالتلها لا عيني هاي البنية ماشاء الله طلعت تخبل
ههههه قصفتها ارض جوووو…
كالتلها انتي متعرفين شي… .
وره شويه سمعت صوت موسيقى وصوت سيارات
بشارع باوعوا بنات كالوا اجتي الزفة…
قلبي احسه راح يطلع من صدري من الخوف
والارتباك ماادري شصار بيه…
بالاثناء ..دخل حبيبي علاء طالع يخبل لابس
البنطرون والستره لون اسود والقميص ابيض
ورباط اسود ورافع شعره ومحدد لحيته طالع الا بشده
وصل يمي عطره كفخني وتقرب وباسني من خدي
ولزم ايدي ايدي ترجف
علاء حبيبي… شبيج لاتخافين بعدهه دخل اخوه
علمود ياخذ عروسته بس مبين عليه ضايج
ليش مادري طلعنه من الصالون وصعدنه بالسيارة
ماما واختي ساعدوني صعدت كل شوية حبيبي
يبوسني من خدي ولازم ايديه اثنينهم
ويكول اليوم انتي الي وبس انتي حلالي ..
افترينه شويه وبعدهه رحنه لاستوديو اخذنه صور
وجنت اشوف عيون مرت ابوه مليانه حقد وغل
وكره ماعرفت شنوو السبب وليش هيج تسوي
تباوعلي وليش اصرت نتزوج احنه وابنها بنفس
اليوم ونطلع من الصالون نفسه والاستوديو هم ..
اخذنه صور وكملنه وطلعنه للبيت وصلنه دخلنه
جوه وكعدنه جانوا الي يمي ماما واختي وعمتي
واخوات علاء انوار ونبراس يسولفون ويايه
والبقيه كلهم ملتهين بزوجه ابنها المصون
هنا اني عرفت اكوو تفرقه ورادت تزوج ابنها
علمود تبين للناس محد مهتم بعلاء…
غير خواته واخوه علي…
والديجي يشتغل والكل ملتهين يركصون واجتي
وحدة اتوقع من جيرانهم ماعرف اول مره اشوفها
جان تكول لمرت ابو علاء ..ماشاء الله مرت علاء
تخبل جان تكلها اسسكتي،… خيه جايبلنه وحده
كحبه يريد يسويها ام بيت هنا… اني اتخبلت
صارت غصة بقلبي حتى الفرحه بعرسي مفرحت
لازم ليوم اني اسعد وحده بالدنيا واني من اول يوم
طلعتني ماعندي لا تربية ولا اخلاق ساقطة
وكح… كدام الناس لان بس كالولها احلى من مرت
ابنج تجمعت الدموع بعيوني…
اخت علاء… لزمت ايدي باوعت عليها مبين سمعت
كلامها…
دخل علاء وياه اخوه علي وهلاهل وركص
صارت الساعه ب 8ونص علمود يدخلونه لغرفه
يزفونه زفوا اخو قبلنه جانت غرفتهم جوة
انكلبت الغرفه مالتهم كلاب الكل وياهم ولهلاهل
اني وحبيبي غرفتنه فوك صعدونه لغرفتنا
الي صعدوا ويانه عم علاء واخوه واخواته وامي
وعمتي بس دخلونه للغرفه…
واني بين الخوف والارتباك وبين الحجي الي سمعته دمرت فرحتي ماعرف احتاريت ليش
هيج تسوي دمرت حتى فرحتي ليش تكرهني
شسويتلها اني ودمرت فرحتي بحبيبي ويومي كله
بس رغم هذا فرحت بكلام حبيبي الي بعد مدخلونه
للغرفه وطلعوا اهلي واخواته بقيت بس اني
وعلاء بالغرفه سد الباب واجه كعد يمي وكال
انتي حلالي والي وحدي حبيبتي ومن هذا اليوم
هذا بيتج واني ابوج واخوج وزوجج وحبيبج
وكلشي بالدنيا حياتي،واي شي يصير بالبيت
تحملي لخاطري وماعليج بيهم واريدج تصيرين
قوية رنووو تحملتي هواي واريدج بميه رجال
يرووحي واني ساكته وقلبي يرجف بصدري
وخايفه ..
علاء ..كوومي بدلي يله يعمري
طلعت ملابس سيت نوم ابيض
كمت ابدل اريد افتح السحاب البدلة جان بيها
من ورا بعيد عن ايدي متوصل لسحاب ماكدر افتحها
حاولت صعبه… التفت كال ديري
درت ودنكت راسي…
كلي كعدي كعدت ..بدا يفتح بالتسريحة وهو
يهمسلي احبج ياحلالي اهم شي لا تخافين
حياتي لازم اثبت للكل مرتي اشرف من الشرف نفسه بس انتي لاتخافين ياقلبي واني هزيت راسي
بس بداخلي خايفه ومرتبكه حيل…
كمل التسريحة وفتح السحاب ونزلت كال اشتعلوا
اهلج لج هذا كله الي وانتي ضامته عني حياتي
واقترب مني
وكال اهلي بره منتظرين لازم اثبتلهم
انتي رايه بيضه ومابيج شي ..
من كال هيج مادري حسيت كلامه اذاني
نزلت دموعي مسح دموعي بايده وكال حبيبتي
لاتبجين بعدهه باسني ودفعني على الجربايه
وصار فوكايه ونزعني كلشي جنت لابسته
وهو يهمس باذني حبي لا تخافين والله مااذيج
تقرب مني اكثر صار جسمه قريب من جسمي
اني بس دموعي تنزل لان تاذيت حيل كمل وكام
وكال هسه صرتي حلالي مرتي مو بس على الورق لا بالصدك وباس راسي وكال راح انزل اثبت للكل
انتي شريفة وحجي مرت ابوي غلط هو راح نزل
واني مادري شصار بيه جسمي صار كله يرجف
صعدت وحده من اخواته هو كايللها صعدي لرنوو
لان مبين عليها تاذت وهي باقية تحجي عليه
كايللها موقصدي اذيتها بس شسويلها هي ماتتحمل
شافتني ارجف غطتني بطانية واني ارجف
كتلها ماما وين كالت رنووو حبيبتي،خطية امج
هسه اصيحلها تخاف عليج راح اصيح عمتج
كتلها ماشي ..نزلت صاحتها اجتي عمتي
باركولي وكالوا لازم تنزلين تسبحين جوه
ماكوو حمام فوك نزلتني اخت علاء وعمتي
علمود اسبح تلكتني مرت ابوة باب الحمام
والله وكت مسويه نفسها خايفه وخجلانة ليش
كح… هم تستحي الساقطة من شوكت صارت شريفه
الله يعلم علاء شسوه علمود يثبت للناس شريفة
كص ايده شسوه واني دموعي تنزل جمر
ليش هالحجي متخاف الله تتهمني شتريد مني
وكالت هاي يالله مادري شكم واحد نايم وياهه
وهسه صارت شريفه بس صوج هذا الكواد الي
ملفيله وحده ساقطة وادبسز بالبيت ..
اجتي عمتي وسكتت… .
وهي تهز بايدهه وراحت ..
... كلاً يّرىْ النّاسَ بِعَينْ طَبعّه… .
شكرا لزيارتكم عالم روايات سكيرهوم
