رواي عذابي وقدري الفصل الحادي عشر بقلم ارسلان جاف
روان… فتت للحمام سبحت واني احس ناربجسمي
سبحتني عمتي لان جنت كلش متاذيه وصعدتني
للغرفة لبست روب ابيض طويل ونمت ماحسيت
الساعة 12 لمن اجه علاء…
وهو يتلمس شعري… وهمسلي…
كال حبيبتي اسف اذا اذيتج بس لازم مرت ابوي،
تلكاه الي يوكفها عد حدها سحبني وخلاني بحضنه
حبيبي ادري…
بس مرت ابوك ليش هيج تحجي عليه
اني شسويتلها تعرفني قبل ليش هيج تحاجيني
عبالك وحدة جايه من الشارع .
علاء ..لا حبيبتي ماتعرفج بس تسوي هيج لان
جانت رايده بنت اختها الي واني ماقبلت بيها
وراح تجي الايام وتشوفيها بعينج بنت اختها
شنوو من بشر…
هسه عوفي مرت ابوي خليني بيج شنوو هالجمال
ولج ليش 7 اشهر حارمتني منه شكد خبيثة انتي لعد ضحكت ..
اي ضحكي شعليج انتي اني اريد امووت وانتي
ضحكين عليه وبقينه نسولف…
علاء… اكلج اني راح امووت من الجووع
ماناوية تتعشين الساعه ب وحده ماكلت
روان اني هم جوعانه حبيبي
علاء… يله كووومي لعد امج جابتلنه العشه وخلته
على الميز ..دقيقه راح اجيب الاكل وخلى بالكاع
وكال يله حياتي تعالي ناكل
كعدنه ناكل اكلنه وكملنه ..
روان حبيبي وين الجنط مالاتي ترى ضجت من هذا
الروب اريد البس شي من ملابسي
كال الجنط بالكنتور رحت طلعت شي البسه
وهو نزل غسل وصعد ماكدرت انام كعدت ارتب
غراضي اني كصيره مو طويله قزززومه 😁
اريد اخلي الملابس بالخانة لفوك ماكدر مالوح
هو كاعد على الجربايه لابس تراك ومتمدد
يباوع عليه ويضحك
ومااحسه الا اجه وصار ورايه واخذ الملابس
من ايدي وخلاهم فوك ولزك جسمي بالكنتور
وبقى يبوس بيه…
اندكت الباب… كال هذا ياغثيث هسه وكته
ضحكت عليه صاح منوو
اخته… كالت هذا ماي اني كبل فلتت منه
وصلت يم لباب بس اريد اخلص منه نمنا لساعه 3
كعدت الصبح…
روان .. علاء يله حبيبي كووم اكعد كافي نوم
بلكوه كعدته ..
صعدتلي عمتي وامي باركولي وكالوا احنه لازم
نرووح هسه بيبيتي متخربطة…
وكالوا ان شاء الله… نخابرج ونجي شوفج
بوسوني واني بقيت ابجي نزلت وياهم اودعهم
وراحوا… لاكتني مرت ابوة…
يمه يالعياره تبجي راح تعوف اهلها لعد مابجيتي
قبل لا تزوجين لو كح… تكتلين روحج ع……… .
ماجاوبتها كلشي عفتها وصعدت لغرفتي حسيت
روحي،ضعت بين ناس ماعرفهم وحتى علاء راح
يطلع شنوو اسوي ياربي…
شويه واجتي نبراس اخت علاء كالت لبسي وتمكيجي وانزلي راح يجون ناس من كرايبهم
غسلت وبدلت لبست دشداشه لون كريمي تشبه
الزي المغربي بيها شغل وعلى الخصر حزام
وشلت شعري نصه بالقراصة وخليت مكياج خفيف
ماردت ابين لاحد اني ضعيفه… ونزلت
مرت ابوة جانت كاعده وتباوعلي صفح وتهز بيدهه
اجوي اهل مرت ابنها امير ..…
جان تكول هاي الكرايب مو جايبيلنه وحدة مكطمة
مادري منين اهلها عافوها وراحوا وحتى ماسالوا
عليها بالجذب .
اول يوم زواجي خلصته بجي كل شويه عمتي
تسمعني حجايه شكل كح.. وساقطه ومامربايه
وماعدهه اخلاق اشكال الحجي كل مايجي احد
ذب كدامة حجاية عليه وخلص لليوم…
بالليل جنت كاعده اني وعلاء بغرفتنه اندكت الباب
حيل اخترعت عبالي صاير شي كام علاء فتحه
مرت ابوة تصيح ولك علاء انت كاعد يم مرتك
وابني راح يموت…
نزلنا اني وياه ركض فتنه لغرفه حمايه لكيناه
بالكاع واكع ومخلين بحلكه خاولي عرفت بي صرع
وجايته الحاله خطيه وزوحته واكفه ولاعبالك زوجها بي شي…
تكول اي يطبه مرض كتله لاتشاقه وياي
يستاهل…
اشو هاي عمتي عافتها وجان تجي عليه وتتفل بوجهي وتحجي انتي فكر من طبيتي لبيتنه
ماشفنه الخير جايبلة كح… الله ينتقم منج
بنت الكلب ..
وكامت تقسم عليه بالكلام الحلووو…
طبعا علاء ماسمع هالحجي كله اخذ ابنها للمستشفى وهاي بقت تحجي وتغلط وتعد وتصف
عليه وتسب…
بعد ماكدرت اتحمل غلطها وكلامها الجارح الي
وكفت كبالها وكتلها اكلج اسمعي عدل تره اخاف
عبالج اسسكت الج بعد
لا كافي ..
من البارحة لليوم وانتي كح.. وكح.. تصيحيلي
انتي شايفه وياي واحد ومطلعتج تكوديلي
علمود كحبة بس ظاهر الي يسكت الج تركبي
الزمي حدج وياي احسن…
ومااحس الا وانضربت راشدي وكعني بالكاع ابنها
ويصيح ولج بنت الكلب تعلين صوتج على امي
كلبه بنت الكلب انعل والديج…
علاء ..كل خير مابيه جايبلنه ساقطة وتربات شوارع
لبيتنه لو قابل بوسن شبيها بنت خالتنا على الاقل
تحترم المقابيلها…
صعدت لغرفتي واني اشهك وابجي تندمت لان تزوجت ..زين يالهي شسوي… وياهم
صعدت ورايه اخت علاء انوار رنووو حبيبتي
لخاطر علاء اتحملي ولاتحجيلة شي من الي صار
روان ..زين واني من يتحمل لخاطري،
من اول يوم دخلت بي للبيت ومرت ابوج تكومني
تكلي كح… وتعدني تكلي كح… عيب هالحجي
اني بنت عالم وناس…
انوار والله ياعيني اعرف بعد مرت ابويه السانها
محد يسلم منه ..
عفيه رنووو لا تحجيلة لعلاء اذا حجيتيلة والله
تصير مشكله بين الاخوان ويمكن حتى يكتلونه
اخواته احنه متحملين كلشي،لخاطرة
انتي هم اتحملي مثلنة واي شي يصير لاتوصلينه
لكل احد انسى كلشي عبالك ماصار شي…
بعدهه بقينه نسولف وراحت…
علاء اتاخر مرجع من المستشفى ل3 بالليل
حمايه امير بي حالة نفسية لان صاير عصبي
جايته الحالة اجه حبيبي جنت نايمة مادري لصبح
علاء… كعدي حبيبتي اهلي كاعدين ومتريكين
روان ..فتحت عيوني ليش بيش ساعه. ..
لساعه ب7ونص…
روان… كايمه حبيبي كعدت بدلت ونزلت جوه
طبيت للمطبخ اسوي ريوك لعلاء قبل لا يطلع لشغل
وجان تجي احلام مرت ابوة…
اكلج كح… عود صبيلي وياج جاي
روان ..ماشي بس اتوقع لكح… الها اسم مثل الناس
يصيحوهه بي سكتت ..ماحجت بعد
واني هم غلست وسكتت ..
وكلت بلكي الوكلت بلكي اليوم الله يهديها بس كلمة الكح…
ماتفارق السانها وصارت عدهه عاديه كل اشويه
اسمعهه منهم…
كملت الريوك اتريك علاء وطلع لشغل شلت لمواعين وغسلتهم واكوو مواعين مالتهم هم وياي
غسلتهن بعدني ماكملت اجت مرت حماي امير
حنان كالت العجين والخبز يومية على وحدة
روان ..باعي عليه اني خبز ماخبز واهلي هذا اول
شي كابوا الهم تريدين اعجن العجين الج ادللي
بس خبز ماخبز…
اني حجيت هيج لو قامت القيامه…
اشتغل الصايح والغلط عليه من عمتي كح….
وساقطة وووووو… ..
وهم تشرط علينه وتريدنه خدم جوه رجليها
مالها رداد هاي… اني اعيد تربيتها واربيها
هاي عمتي احلام… .لزمت ايدهه وصعدت
اجه حماي الجبير كرار… .
اول مرة اسمع واحد بيهم يحجي الحق ماعرف
ليش ضربني البارحة واليوم يدافعلي ويكون وياي
كام يصيح… شراح اسوي وياهم ياربي ساعدني
اني ماكدر عليهم…
مرت حماي كرار سجى كالت كرار رايدكم بالاستقبال بسرعة رحت اني وزوجته ومرت امير
حنان واخوات علاء انوار ونبراس شافنه واكفات باب الاستقبال كال طبن وسدن الباب
طبينة كلنه وسدينه الباب وكعدنه…
كال اني متزوج صار 6سنوات وهاي مرتي واشر
على سجى زوجته واي شي يصير بالبيت ماتكلي
بيه وخاصة سوالف النسوان التعبانة بس اني هسه
سمعت مرت امير شلون تحجي…
واني خلي اكلج روان من رحنه خطبناها ابوهه
كال مريضة وماتخبز مال تسويلج سالفه ومنوو
اعلى صوت هاي ماترهم عدنا تلبسين عباتج
ولاهلج…
حنان مرت حماي امير… كالت اني شعليه غير عمتي كالت الشغل كل يوم على وحده…
نوب شسوي اصير خدامه والله روان ماتعرف تخبز
حماي كرار…. انتي مو تكولين يوميه على وحدة
كالتله ..اي
كاللها اليوم الي على روان اني اجيب من السوك خبز بمكان علاء…
حنان… لاخوية اني اخبز الخبز شالقضية ..
روان .. كتله مشكور خويه
كرار… كال اعتذر خويه منج ضربتج البارحة
جنت مو بوعيي من سمعتج تحجين على امي
بصوت عالي ماتحملت…
روان عادي خوية ماصارشي،..
كال اتحملي ندري طبع امي مر وماينحمل بس
تحملي عندج علاء دره مال الله…
الله يخلي الي ان شاء الله
كمت طلعت من الاستقبال بس فتحت الباب شفت
عمتي احلام كاعده على الدرج…
كالت هايالساقطة اكلتي عقل ابني مثل مااكلتي
عقل علاء…
روان استفغر الله بكلبي ماحاجيتها عفتها…
صارتقسيم الشغل بالبيت الصبح الريوك كلمن
يسوي لنفسه والغده على اخوات علاء انوارونبراس
اثنينهم اما الخبز على حنان مرت امير
والعشه عليه اني ومرت كرار سجى…
حتى لا تصير مشاكل هاي كاعده وهاي تشتغل
صبوا الغده ماتغديت علاء طالع بعده بالشغل مموجود جنت بالمطبخ…
عمتي واكفه باب المطبخ هااخاتون لازم ماعاجبح
اكلنه لو متعلمه تاكلين من المطعم بنت الكلب…
كتلها شكرا الف عافيه
بس ماعرف اكل اذا مو علاء موجود وراح انتظر يجي علاء…
طلع من الصبح يشتغل بالسيارة لان العرس والمصاريف ماباقي عنده شي وكلها عليه
ومحل الملابس طالع منه ..
علاء مااجه لساعه 2 الظهر ميت من التعب لسياره
كال حضريلي الحمام اريد اسبح
حضرتله ملابسه وخليتهم اله بالحمام…
فات يسبح واني رحت للمطبخ اسويله غده
دا اسوي زلاطه فاتت مرت ابوة احلام عمتي
المصوون هايالساقطة شتسوين
روان غده لرجلي مثل ماتشوفين
راح تزقنبين وياه… .
لا مااكل
طلع علاء من الحمام كاللها يمه تره اني تعاركت
وياابو محل الملابس وطلعت منه يعني حاجي الولد
خلي واحد منهم يشيل مصروف البيت وياي
اني على شغل السيارة ومالحك مثل قبل ..
كالت ها فرحتي يافكر وجهج يكطع الرزق بعدج
ماجيتي بطلتي الولد من شغله ولو شترجة
من وحدة فكر تجيب خير وياها… ماحاجيتها كلشي
خليت الاكل لعلاء بالمطبخ على الميز
صاحلي تعالي اكلي وياي…
كتله اتغديت ماريد ..
طبعن نسيت اكلكم طاح حظي من لمواعين
من 12 ونص ل 2 واني اغسل بيهن
وبدون اكل وانوب سمعت حجي عمتي السم هذا
انسدت نفسي،…
خليت الاكل لعلاء وصعدت فوك كمت اشهك وابجي
ماريد ابين ضعيفة كدام احد…
سمعت صوت علاء صاح روان اريد جاي
مسحت دموعي ونزلت صبيتله جاي شرب وصعد
فوك كملت لمواعين وعزلت المطبخ ونظفته
وصعدت لكيته نايم على الجرباية ومخلي ايده
جوه راسه ويباوع على التلفزيون
فتت وسديت الباب .
علاء شبيج اشو ضايجه صاير شي بالبيت
لا يعمري كلشي ماكوو ماصاير شي، حبيبي مبين
عليك تعبان ..
فتح ايده وكلي تعالي بحضني واني ارتاح يرووحي
روان ..ماشي حبيبي بس غمض عيونك
علاء ولج شكووو
عمض عيونك اريد ابدل ..
ولج اني رجلج اغمض علمود تبدلين شبيج تخبلتي
اي علاء استحي منك… تغمض عيونك لو اجي
انام يمك بهاي الدشداشه الي كلها ماي
اي اي راح اغمض وامري لله…
روان شفته عمض عيونه ركض فتحت الكنتور
ولبست دشداشه لو سمائي ربع ردن كصيره
توصل شويه جوه الركبه وفتحت شعري
وخليت مكياج خفيف وتعطرت… كملت
يله حبيبي فتح عيونك… كال اشتعلوا اهل حبيبج
ولج شنو هاي اليوم تعالي شيخلصج مني
كتله انت الزمني بالاول بعدين شيخلصني منك
بقيت اركض بالغرفه وهو يركض وراي
خله رجله كدامي وكعت على الجربايه
علاء هااااا لزمتج لو لا بقينه نضحك ونتشاقه
وخلاني بحضنه وباسني ورحت وياه لعالم ثاني
بعدهه كام وكال كوومي حضري هدومي اريد
اسبح نزلت وخليت ملابسه بالحمام
صعدت لكيته نايم نمت بحضنه كعدنه على صوت
الباب مرت ابوه كسرت الباب علينه وعلاء
جان موجود وهي كامت تقسم عليه بالكلام الحلوو
شكرا لزيارتكم عالم روايات سكيرهوم
