رواية دليل برائتي الفصل العاشر بقلم ساره عادل
روز فوقي معايا لازم نخرج من هنا باسرع وقت
روز بتعب:خلاص مبقتش قادرة سبني هنا قعدت مكانها تعيط وخلاص طاقتها بقت منعدمة
سامر:مش هسيبك هنا انتي حالتك متسمحش نطول اكتر من كدا اسمحيلي اساعدك
روز بتعب:أنا مش حاسه بجسمي ارجوك سبني مكملتش كلامها وحست بغمامة سوا قدامها غمضت عنيها واترمت علي الارض
سامر قرب منها بقلق وحاول يفوقها مستجبتش معاه
سامر بقلق:روز روز انتي سمعاني أنا معاكي مش هسيبك هنا فتح شنطته وطلع محلول ركبه ليها وفضل قاعد جمبها
.......
اجيب 10 مليون منين أعمل اي أنا كدا رحت في داهية فكرت في اللي سامر ممكن يعمله فيها لو عرف كانت ماشية جوا اوضتها بقلق اول ما الباب خبط وقفت مكانها بخوف وقالت بتوتر: مين
قاسم فتح الباب بسرعة وقال بدافعية هيكون مين غيري يعني ما انتي عارفة ابوكي مبيفارقش الشركة ومالك كدا مش علي بعضك ليه
ريم بتوتر:انا مالي لا انا كويسة
قاسمبهزار:شكلك كانك ميتلك حد استوعب كلامه وقال بجدية فيه حاجه يريم لو في حاجه قوليلي
ريم بقلق:لا مفيش كنت عايز اي يعني
قاسم بدافعية:عملتي اي في الهدية معدش غير يومين مش عايز حاجه ناقصة
ريم بدافعية وزعيق:هدية اي وزفت اي انت شايف إن دا وقت مناسب
قاسم بضيق:مالك يريم هو انا ضايقتك في حاجه يعني أنا اسف يستي أن طلبت منك حاجه قال كلامه بزعل وخرج هبد الباب وراه
.........
ورقة طلاقي تكون عندي في اسرع وقت ووشك مش عايزة اشوفه تاني وياريت نمشي كل حاجه بالهداوة كفاية كدا
راشد بحزن:تمام عايزة حاجه تانية
ام روز بغضب:يبرودك ياخي بقلك اي بنتي متقربش منها تاني ولا تقول عمها ولا غيره اعتبر نفسك متعرفناش
راشد بغضب:انتي مش عايزاني ابعد عنك ووافقت متدخليش في علاقتي أنا وبنت اخويا كفاية كدا يا شرين
شرين ببرود:لا مش كفاية اتفضل يلا أخرج برا بيتي
راشد بحزن:شرين دي ورق البيت اعتبريه تعويضا ليكي
شرين بصدمة:ورق البيت ازاي واي اللي جابه معاك والورق اللي معايا دا ايه
راشد بهدوء:ممكن تهدي وانا افهمك اخويا قبل ما يتجوزك مكنش حيلته حاجه قلي يعني اني اساعده واديه بيت يستقر فيه مع مراته وانا كنت مسافر وقتها ربنا كرمني وقلت مش هبخل علي اخويا وهكتبله البيت دا بس مرضاش قلي لا دي حقك وانا مقدرش اخد تعبك وشقاك والورقة اللي معاكي دي هتلاقيها نسخه من اللي معايا باسمي وهو اتجوزك وانا مكنتش اعرف انك انتي اللي بقيتي مراته لما جيت وعرفت جيت وقتها لو تفتكري كنت بطردكو من الشقة ووقتها اخويا تعب فيها وانتي شيلتيني ذنب تعبه بس انا عمري ما حبيت ااذيكي ولا ااذيه أنا كنت محروق من جوايا أنه يكون عارف اني عايزك وبعمل كل اللي اقدر عليه عشان اعيشك مرتاحه واجي اتجوزك وفي الاخر يحط عينه عليكي هي دي سبب عداوتي مع اخويا وانا اسف لو في يوم جرحتك
شرين بصتله بصدمه وفضلت ساكته متكلمتش
راشد بندم:أنا مش عايز اكرهك في اخويا الله يرحمه ولا عايز تسامحيني أو تشفقي عليا أنا قلت اللي في قلبي وبس ومتخافيش ورقة طلاقك هتوصلك وهبعد عنك خالص استأذن أنا
شكرا لزيارتكم عالم روايات سكيرهوم
