رواية من القاتل الفصل العاشر
*_بعد ثلث ساعة وصل عمار الي بيت اسلام ووجد ريهام واسلام يجلسون `._*
اسلام باستغراب/ ليه جمعتنا هنا يا اسلام .
ريهام / اه صح يا عمار ليه .
عمار بغضب/ عشان مينفعش نتكلم قدام اي حد .. لازم محدش يعرف أن احنا التلاته اللي قتلنا شهد.
ريهام / ايوا ماشي بس احنا كل مرة بنتقابل فـ مكتبك في الشركة اشمعني المرة دي ايه اللي حصل .
عمار / اللي حصل أن زين و مراد بقوا شاكين فينا والله اعلم مين تاني شاكك .. وغير كده مراد عرف موضوع الكاميرات اللي كنت فاصلها وبدأ يشك جاامد .
اسلام / طب ما نتقابل في اي كافيه .
ريهام / ايوا صح يا عمار انت ليه يوم ما اسلام خرج من السجن نبهت علينا منتكلمش عن أي حاجة تخص اللي احنا عملناه ؟!.
عمار / عشان مراد مخلي واحد يراقبني والراجل ده كان موجود يوم ما اسلام خرج وماشي ورانا من وقتها .. عشان كده مكنش ينفع غير أننا نتقابل في الشركه او في البيت هنا .
اسلام بصدمه / ايه يعني احنا متراقبين ؟!!! .. طب وانت عرفت منين !.
عمار / سمعت مراد و زين و هما بيتكلموا .
```Flash back ```
*خرج مراد من المكتب وهو متاكد وعلي يقين أن لا يوجد كلمة صحيحه من كلام عمار'*
*اتجه الي مكتب زين وجلس معه ''.*
زين / ها شوفت الكاميرات ؟!.
مراد / شوفتها وكانت متعطله .
زين بصدمه/ ايه !!. ازاي ؟!.
*_حكي له مراد كل شيئ من اول دخوله غرفة الكاميرات حتي خرج من مكتب عمار'''._*
زين / لالا مستحيل عمار يكون ده غرضه من فصل الكاميرات .. اكيد بيعمل حاجه فـ المكتب ومش عاوز حد يعرف .
مراد / ما انا فكرت كدهه بس اكيد بعد ما ترجع الكاميرات تشتغل هو هيعمل اللي كان بيعملوا فـ مكان تاني .
زين / طب وبعدين ؟!.
مراد بحيرة / مش عارف.. ادينا هنشغل الكاميرات والراجل اللي بيراقبه هيقولي لو في جديد واما نشوف بقي ؟!.
زين / اكيد هنوصل لـ حاجه .
مراد بـبعض الامل / أن شاء الله .
*كان في ذلك الوقت عمار يقف أمام مكتب زين ويستمع لكل حديثهم `.*
عمار في نفسه / بقي كده ماشي يا مراد انت و زين والله لخليكوا تلفوه حوالين نفسكوا .. انا كنت فاكر يا مراد انك بتراقبني كام يوم و خلاص لكن شكلك كده مش ناوي تجيبها لـ بر ... انا هعرفكم مين هو عمار الدمنهوري ... كان زين بقي الاتنين .
``` Back```
اسلام / احنا كده لازم نخلي بالنا من كل حاجة بس يا عمار اللي انت سمعتو ده كان بعد ما انا خرجت يعني ممكن يكونوا سمعوا مننا حاجه قبل كده .
عمار / لا متقلقوش انا عارف من الاول ان في حد بيراقبني وخدت بالي من الراجل اللي ورايا فـ كل حتةة بس مكنتش اعرف ان مراد هو اللي بعتوا .. واديني عرفت .
ريهام / يبقي لازم نخلي بالنا بقي ونبعد خالص زي ما قولنا انا معنديش استعداد اتحط في الحبس .
عمار / ما انتو لو تهدوا شوية هنلاقي حل ومحدش هيعرف يمسك علينا حاجة .
اسلام باستغراب/ طب ازاي ؟
عمار بخبث / انا كنت عاوز نتقابل احنا التلاتة فـ مكان عام بحيث الراجل اللي بيراقبنا يكون شايفنا ونتكلم ونقول أن احنا عارفين مين اللي قتل شهد ونتقول زين الدمنهوري .. و طبعا عشان الراجل تبع مراد فـ هيروح لـ مراد ويقوله ووقتها مراد دمه هيتحرق لانه شك فـ ابن عمه اللي هو انا وهيبلغ عن اخوه يعني حاميها حراميها.
ريهام بخوف / لالا بلاش يا عمار الفكرة مش حلوة وممكن نتكشف ... وبعدين هو أنت فاكر أن حد هيصدق ... وبعدين فين الدليل اللي يخلي زين يقتل شهد .. ده انت اكتر واحد عارف زين كان بيحب شهد جداا .. بلاش تحط خطة وانت مش عارف تحدد نتائجها .
اسلام / ريهام عندها حق يا عمار انت بتفكر بـ طريقة غلط و مينفعش اللي انت بتقوله احنا لازم نفكر بـ طريقة تانية .
عمار ببعض الغضب/ طب انتوا عاوزين تعملوا ايي ؟!.
ريهام / والله انا رأيي مش هنعمل حاجة ونفضل نكمل بـ نفس الطريقة و لما نتقابل في اي مكان عام ونكون متراقبين نتعامل عادي ولا كأننا عاملين حاجة و لو في حاجة مهمه نتقابل في شقة اسلام أو في البيت عندي ولو لقينا مراد و زين هيضرونا فـ حاجة وقتها بقي يبقي حلال فيهم اللي هنعملوا.
اسلام / بظبط كدهه كلام ريهام صح احنا خلينا بالوضع ده لحد ما نشوف هيعملوا ايي .
عمار / طيب ماشي هنعمل اللي انتوا قولتلوا واما نشوف هما ناوين علي ايي .
*_انهوا حديثهم وذهب كل من ريهام و عمار الي بيتهم وهما خائفون من مصيرهم `._*
______________________________
*_بعد يوم طويل من العمل في الشركة وكانت وصلت الساعة الي السادسة مساءً'_*
بسمة بتعب / اوف اخيرا خلصنا .
علي بتعب اكبر / اول مرة الشغل يبقي متعب كده بس الحمدلله اننا خلصنا دلوقتي ومطولناش عن كده .
بسمة / الحمدلله فعلا .. انا هروح اقول لـ مراد بيه أن احنا خلصنا و اوريله الشغل ع اللاب وامشي .
علي / تمام وانا هروح اجيب حاجتي من المكتب و امشي .
بسمة / تمام ماشي يالا عاوز حاجه .
علي بابتسامه/ لا عاوز سلامتك .. اشوفك بكرة بقي أن شاء الله .
بسمة بابتسامه/ أن شاء الله .
*_خرج علي من مكتب بسمة واخدت بسمة الملفات التي يجب أن يراها مراد `_*
*وصلت بسمة الي مكتب مراد وطرقت الباب وسمح لها مراد بالدخول .*
مراد بابتسامه/ خير يا بسمة في حاجة .
بسمة بجدية / ابدا يا مراد بيه انا بس خلصت فرز الاسماء ونقلها علي الكمبيوتر ودي الملفات اللي عليها باقي الشغل .
مراد / تمام يا بسمة.
بسمة / تمام عن اذنك .
مراد باستغراب / انتي مروحة دلوقتي ازاي انتي معاك شغلك بيخلص من ساعة ؟!.
بسمة / انا مرضتش اروح غير لما اخلص الشغل والحمدلله خلصتوا وعلي كان معايا .
مراد بغيره ولكنة لم يعرف أن يفسر الشعور / طب ممكن تقللي شغل مع علي .
بسمة باستغراب / نعم ؟! .. ده المساعد بتاعي يبقي ازاي اقلل شغل معاه .. وبعدين انا نفسي افهم انت ايه مشكلتك مع علي ؟!.
*_وقف مراد واقترب منها وظلت تتراجع حتي اصطدمت بالحائط مرة أخري `_*
مراد بهدوء / انا مش بحب حد يجادلني اللي اقوله يتنفذ.
بسمة بخجل وهدوء/ بس هو المساعد بتاعي وبعدين انت ملكش حق ان انت تقولي اكلم مين ومكلمش مين .
*_امسكها مراد من خصرها وجذبها إليه لتصطدم بـ صدره العريض وهي في قمة الخجل وتشعر أنها تعجز عن الابتعاد عنه ``_*
مراد بـ نبرة حب / مش عاوز جدال يا بسمة اللي اقوله يتنفذ .
بسمة بخجل كبير / لو سمحت ابعد عني مينفعش كدهه.
مراد وهو يقترب من وجهها برومانسية/ ششششش مش عاوز اسمع اي كلمة .
*_اقترب مراد من وجهها وكاد أن يقبلها وهي كادت أن تذوب كلياً ولكن في ثانية تمالكت نفسها وقامت بـ دفعوا بعيد عنها `_*
بسمة بغضب / عيب اويي اللي انت بتعمله ده بس انا اللي غلطانه اني سمحتلك تتعامل معايا بالطريقه ديي .
*خرجت بسمة من المكتب وهي في قمة الغضب و الخجل مما فعله مراد معه `*
بسمة بغضب في داخلها/ انا ازاي سمحتلوا يقرب مني كده!! انا عمري ما سمحت لاي حد يعمل معايا !!! لي جيت قداموا وضعفت ليي !! بس بقي يا بسمة اركني مشاعرك دي علي جنب بس بقي ... شكلي اصلا مش هكمل فـ الشغل ده .
*_خرجت بسمة من الشركة وركبت سيارتها وهي متجهه الي بيتها `._*
" " " " " " " " " " " " " " " " "
_علي الناحية الأخري في مكتب مراد ''_
مراد بغضب وهو يكسر ويحدف كل شيى من المكتب / غبييي .. انا بجد غبي .. ازاي اعمل كده و لي اصلا !!! لي بضعف كده قدام بسمة لي بضايق لما بشوفها مع علي ؟!!! بحس معاها بـ شعور عمري ما حسيتوا مع شاهيناز ؟! اكيد بعد اللي حصل ده بسمة مش هتيجي الشغل تاني ؟!! لالا مستحيل انا لازم اتكلم معاها .. بس ازاي دي اكيد مش هترد عليا ؟!! طب وبعدين !!.. لازم اتصرف و أكلم بسمة.. انا مش هينفع اخليها تسيب الشركة.
*فكر مراد في فكرة جيدة ورجع الي البيت وهو خائف أن تترك الشغل بسبب ما فعله معها '''*
__________________________________________
*_بعد ربع ساعة وصلت بسمة الي بيتها وهي لم تصل بعد الي قرار معين ''_*
*دخلت الي بيتها ووجدت والدها يجلس هو وفرح '*
نادر بخوف / ايه يا بنتي كل ده وتلفونك مقفول لي ؟!.
بسمة بتعب/ معلش يا بابا بس كان في شغل كتير ومرضتش أمشي غير لما اخلصوا والتليفون فصل مني .
نادر / طيب يا بنتي الله يكون في عونك .
بسمة / المهم انتوا اتغديتوا ولا لأ ؟!.
فرح / اه يـ بسمة اكلنا خشي انتي غيري هدومك وانا هجهزلك الغدا .
بسمة بابتسامه/ ماشي يا حببتي .
*_دخلت بسمة الي غرفتها وقامت بتبديل ملابسها وليس في رأسها غير ما حدث معها في شركة مراد ولا تعرف ماذا تفعل'''._*
*كانت فرح جهزت الغداء لـ بسمة وقامت بسمة بـ تناول الغداء وبعدها دخلت الي غرفتها لتنهي دراستها `*
*" " " " " " " " " " " " " " " " "*
_علي الناحيه الاخري`_
*وصل مراد الي القصر و صعد الي غرفته دون أن يتحدث مع اي شخص وقام بـ أخذ حمام دافئ وقام بتبديل ملابسه وجلس علي الاريكة ومسك هاتفه `*
مراد مع نفسه / انا هبعتلها رساله واعتذر فيها ويارب تقبلهاا .
_ارسل مراد الي بسمة رسالة علي الواتساب وكان مضمونها {💭 بسمة انا اسف بجد انا مش عارف ازاي عملت معاكي كدهه انا بجد ضعفت اويي قدامك و معرفش لي عملت كده اصلا ولي اتضايقت لما كنتي مع علي .. انا اسف يا بسمة ياريت تقبلي اسفي وارجوكي متسيبيش الشركة ... انا اسف كمان مرة و تصبحي علي خير .}_
*ارسل مراد لها الرسالة وهو ينتظر ردها `*
' ' ' ' ' ' ' ' ' ' ' ' ' ' ' ' ' ' ' ' '
*_كانت بسمة تجلس في غرفتها بعد أن انتهت دراستها ووصلت لها رساله من مراد علي الواتساب '_*
بسمة في داخلها بعد أن قرأت الرساله / طب ارد عليه ولا مردش ؟!... لالا انا مش هرد خليه كده عشان يتعلم الادب أما بقي موضوع الشركة ده فـ مش عارفة اروح تاني ولا مروحش بس اعتذاره مش هقبله دلوقتي .
*_اغلقت بسمة هاتفها بعد أن قرأت الرسالة و دخلت في نوم عميق`_*
" " " " " " " " " " " " " " "
*_عند مراد `_*
مراد بـ حيرة/ يوه بقي دي شافت الرسالة و مردتش طب وبعدين معقول تكون مقبلتش اعتذاري ومش هتيجي .. لالا أن شاء الله تكون قبلته .. يوووه بقي طب وبعدين .
*ظل مراد يفكر وهو خائف و في حيرة كبيرة وظل طوال الليل يفكر ولم ينام ابداً`*
_______________________________________
*مرت تلك الليلة علي الجميع حزينة علي البعض والبعض لا `*
_عند بيت نادر كان الجميع نائم ما عدا بسمة التي نامت وهي متوترة وخائفة ولا تعرف ماذا تفعل !!_
_- في قصر الدمنهوري كان زين في غرفته وهو يحتضن صورة حبيبته التي اشتاق لها كثيرا واشتاق الي حديثها معه وتشجيعه علي ان يكون انجح رجل في العالم ترك صورتها ووعد نفسه أنه لم يهدأ له بال الا عندما يرجع حق حبيبته `_
_- في غرفة مراد كان يفكر طوال الليل ولم ينام ابدا بسبب التفكير في بسمة '_
_-في غرفة عمار كان خائف جدا من مراد و زين ولكن كان يفكر كيف يبعد الشكوك عنه وعن أصدقائه '_
_في بيت شاهيناز كانت تفكر كيف تدخل علي مراد بـ فكرة الزواج منه لأنها اعترفت لـ نفسها أنها تحب مراد و أمواله ولا يجب أن تتركه من أجل شادي .. وايضا كانت تفكر كيف تقنع شادي بالموضوع`_
" " " " " " " " " " " " " " "
*_آتي الصباح علي قصر الدمنهوري ونزل حازم و عمار الي الاسفل لتناول الإفطار وبعدها نزل زين وجلس معهم وبعدها مراد وهو يبدوا علي وجهه الارهاق و التعب_*
حازم / مالك يا مراد في ايي مال وشك عامل كده ليه و عنيك حمرا ؟!.
مراد بتعب / مفيش يا بابا بس منمتش كويس .
زين بقلق / لي كده يا مراد .
مراد / متقلقوش انا كويس .
حازم / خلاص بلاش تروح الشركة انهارده .
مراد / لالا انهاردة بالذات لازم اروح ... متقلقوش انا هبقي كويس .
عمار بتمثيل / الف سلامة عليك يا مراد .
مراد بعدم اهتمام/ الله يسلمك .
*_انهوا الجميع فطورهم واتجهوا الي الشركة و أولهم مراد رغم أنه يعرف أن بسمة إذا أتت لم تأتي إلا بعد الظهر .`_*
____________________________________________
*_في بيت بسمة كان كل من فيه استيقظوا وقاموا بتناول الإفطار واتجهت فرح الي المعهد ونادر الي عمله واتجهت بسمة الي جامعتها ولم تقرر ماذا ستفعل بعد ذلك `_*
بسمة في داخلها وهي تقود سيارتها / طب اروح الشركة بعد الجامعة ولا لا ؟! انا بجد مش عارفة اعمل ايي .. المشكلة أن أنا محتاجة الشغل ده جداا .. لا بس ده مش معناه اني اكمل فـ الشغل هو برضه اللي عملوا مش قليل ... ربنا يحلها من عندو .
" " " " " " " " " " " " " " " "
*_في بيت شاهيناز `_*
_استيقظت شاهيناز من نومها وقامت بتبديل ملابسها لأنها تنوي علي الخروج ... نزلت من غرفتها ولكن لم تجد أمها في كل البيت اتصلت بها وأجابت ._
شاهيناز باستغراب/ الو يا ماما انتي فين .
احلام / ابدا يا بنتي انا في الچيم .. لي في حاجة ولا ايي ؟!.
شاهيناز / لا ابدا بس قلقت .. طب انا نازلة ماشي .
احلام / طيب وابقي كلميني اول ما تخلصي يومك .
شاهيناز / طيب ماشي .. سلام.
احلام / سلام .
*_اغلقت معها الخط وهي تبتسم لـ خطتها الجديدة وقامت بالخروج من المنزل واتجهت الي النادي لـ تقابل اصدقائها`_*
*علي ماذا تنوي شاهيناز يا تري ؟!.*
_______________________________________________________
*وصل زين الي الشركة وذهب الي المسئول عن الأمن ودخول و خروج الناس من الشركة.*
المسئول / اؤمرني يا زين بيه ؟.
زين / الأمر لله وحده .. من يومين تقريبا عمار ابن عمي طبعا أنت عارفه كان بيجي الشركة ويقعد لحد وقت متأخر وكان بيفصل كاميرات مراقبه المكتب بتاعه فـ انا كنت عاوز اعرف منك بما انك المسئول عن الأمن وكاميرات المداخل و المخارج اذا كان في حد كان بيجي يقعد معاه أو حاجة .
المسئول / لحظه واحده بظبط يا زين بيه واعرف مين اللي جه ودخل فين .
زين/ تمام .
*_نظر المسئول في كاميرات المداخل و المخارج ووجد أن من كان يأتي لـ مقابلة عمار هم ريهام و اسلام ._*
المسئول / هما دول يا فندم اللي كانوا بيجيوا .
زين/ بس يبقي كده مفيش مبرر عشان يخرج نفسه منها .. طب لو سمحت انا عاوز التسجيلات دي .
المسئول/ مفيش مشكله يا فندم لحظه واحده.
*_ارسل المسئول التسجيلات الي زين وبعدها خرج زين وذهب الي مكتبه._*
*" " " " " " " " " " " " " " " "*.
*_مر أربعة ساعات وكان مراد ينتظر معاد وصول بسمة الي الشركة خرج من مكتبه واتجه الي مكتبها وتفاجأ بـ ......_*
