 |
رواية من القاتل الفصل الحادي عشر بقلم يارا البرعي
*مر أربعة ساعات وكان مراد ينتظر معاد وصول بسمة الي الشركة..خرج من مكتبه واتجه إلى مكتبها وتفاجأ بـ أن بسمة لم تصل بعد الي الشركة .*
مراد بصدمة / معقول مش هتيجي !!. لالا اكيد اتاخرت عشان سبب تاني .. بس افرض مجتش خالص وبعدين ؟!.. انا هرن عليها .. لالا يا مراد مترنش ...انا هرن بقي وخلاص .
*اتصل مراد بها ولكن كان هاتفها مغلق .`*
مراد بحيرة / وبعدين بقي .
*ذهب مراد الي مكتبه وهو حزين وخائف من أن تكون بسمة تركت العمل أنها لم تبقي يوم واحد في الشركة !.*
_________________________________________________
*فـي الـقـسـم ''.*
*كان الظابط يجلس في مكتبه وهو يفكر في قضية شهد ومن القاتل ؟!.*
الظابط بتفكير في داخله / طيب زين قال أن مفيش بينه وبين حد عداوة غير عمار و ريهام و اسلام ومكنش في حد من اللي موجودين وقت الغدا ممكن يعمل كده في المجني عليها ( شهد ) سواء باباها أو اخواتها الاتنين أو حد من عيلة الدمنهوري ممكن يعمل كده بإستثناء عمار لأن زين قال أن ده بس اللي فيه بينهم مشاكل .. لو فكرت للحظة أن عمار هو اللي قتلها فين الدليل وليه اسلام كان مستخبي وريهام لا وكانت معاهم رغم أن عمار قال انهم مش بيتقابلوا مع بعض .. طب ليه اسلام كان مستخبي.. لا في حاجة غلط كده كل الشكوك علي عمار و ريهام و اسلام.. في خيط لو وصلتلوا كل القضية هتتحل اكيد .
*نده الظابط علي أحد رجاله ( العساكر )'.*
الظابط / عمار الدمنهوري و اسلام المنشاوي وريهام صاحبتهم مراقبة أربعة وعشرين ساعة وفي كل مكان يروحوا تزرعوا تسيجلات في كل مكان ممكن يتقابلوا فيه .. تتصرفوا وتعملوا كده المهم مش عاوزهم يغيبوا عن عنيكم .
العسكري / تمام يا فندم عن اذنك .
*خرج العسكري من مكتب الظابط ونفذ تعليماته وبدأت المراقبه عليهم بجانب مراقبة رجال مراد لهم `.*
_________________________________________
*كان مراد يجلس في مكتبه ولم يتوقف عقله عن التفكير ابدا "*
*قطع أفكاره صوت طرق الباب`*
_دخل علي واغلق الباب خلفه_
علي/ صباح الخير يـ مراد بيه .
مراد / صباح الخير يـ علي خير في ايي .
علي / الملفات خلصت يا فندم و كده مش ناقص غير أننا ناخد أمضت حضرتك علي الورق .
مراد / تمام هات الورق .. وصحيح يا علي معلش الشغل هيكون كتير عليك الفترة دي لحد ما نلاقي سكرتيرة تانية .
علي باستغراب / سكرتيرة تانية !! هو حضرتك هتمشي الآنسة بسمة ؟!.
مراد بحزن / لا هي اللي مشت .
علي باستغراب اكبر / مشت ازاي يا فندم !! بسمة موجودة في الشركة انهارده ولسه واصلة من خمس دقايق.
مراد بصدمه وفرحة / ايه جت !!! .. طب استناني هنا يا علي .
علي باستغراب من أمره / تمام يا فندم.
*خرج مراد من مكتبه واتجه الي مكتب بسمة بفرحه وسرعه ووجد بسمة تجلس وتنظر الي اللاب توب .*
*دخل مراد الي مكتبها دون أن يترك الباب .*
مراد بهدوء / صباح الخير .
نظرت له بسمة بـ صدمة ثم قالت بجدية / صباح النور يا فندم .. في حاجه ولا ايي ؟.
مراد / عاوز اتكلم معاكي شوية ممكن .
بسمة / حاجة في الشغل يعني ؟!.
مراد بنفي / لا .
بسمة / اسفه يا مراد بيه انا عندي شغل ومش فاضية .
مراد بـ اصرار / لا يا بسمة انا عاوز اتكلم .
بسمة بزهق / اتفضل.
مراد / انا الاول عاوز أسألك سؤال.
بسمة / ايه هو ؟!.
مراد / انتي جيتي انهارده لي بعد اللي حصل انا توقعت أن بعد ما قريتي الرسالة وبعد اللي حصل امبارح مش هتيجي تاني .
بسمة بجدية / انا جيت يا مراد بيه عشان ده شغلي مش اكتر واللي حصل امبارح مش هيتكرر تاني ومش هنسي اللي حصل امبارح لأن اللي حصل مش حاجة عاديه.
مراد / بصي يا بسمة انا نفسي مستغرب انا عملت كده لي بس بجد انا لما بشوفك بحس بحاجة غريبة اويي احساس اول مرة أحسوا ... معرفش ليه والله يا بسمة دي اول مرة اقرب من بنت او اعمل كده بس انا الدم غلي في عروقي لما شوفتك بتضحكي مع علي ده ومش عارف لي .. هتصدقيني لو قولتلك أن دي اول مرة اعتذر من حد واقعد ابررله تصرفاتي ... حاسس ان انا بح...
بسمة بانتباه / انت اي ايي!!.
مراد بتفكير فيما قاله / لا مفيش حاجة بس انا مش عاوزك تزعلي من اللي حصل امبارح.
بسمة / بص يا مراد .. هقولك مراد بس لان احنا بنتكلم فـ موضوع مينفعش يكون فيه رسميات .. لو انت مستغرب نفسك فـ انا مستغربة نفسي اكتر مني .. انا عُمر ما حد قرب مني ولا قدر يعمل اللي انت عملتوا ده واي حد كان بيعمل كده كنت بخليه يدور علي قطع غيار لـ كرامته سنين.. بس اللي انت عملتوا معايا امبارح .. انا معرفش ليه كنت بالحالة ديي و مكنتش عارفة اتصرف ازاي ومتعرفش قد اي انا بعد ما روحت كنت مضايقة لاني معرفتكش حدودك معايا من الاول .. بس اللي جابني هنا مش عشان انا عاوزة يحصل اللي حصل ده تاني ولا عشان انا مش كويسة ومش فارق معايا اللي حصل .. انا اللي جابني تاني الشغل وعشان انا محتاجاه .. ومن هنا و رايح لحد ما اموري تتظبط و اسيب الشغل العلاقة اللي بينا هتكون مدير و موظفة عندوا .. لا اكتر ولا اقل .
مراد بحزن في داخله / تمام يـ بسمة .. انا هخرج عشان عندي شغل وعشان معطلكيش اكتر من كده .
بسمة بحزن ولكن اخفته ببعد الرسمية / تمام يا مراد بيه.
*خرج مراد من المكتب وهو حزين للغاية من حديثها معه بـ هذه الطريقة وأنها قررت أن يتعامل معها كـ مدير فقط .*
*دخل إلي مكتبة ووجد علي مازال جالس .*
علي / انا استنيت حضرتك زي ما قولت بس الظاهر أن حضرتك مضايق دلوقتي فـ عن اذنك اجيلك وقت تاني .
مراد / ماشي يـ علي .. اتفضل .
*خرج علي من المكتب وجلس مراد حزيناً.*
______________________________________________
*_في بيت شاهيناز `_*
_صعدت احلام الي غرفة شاهيناز وتفاجأت بـ أنها لم تنزل من البيت اليوم •_
احلام بإستغراب/ انتي منزلتيش انهارده يا شاهي .
شاهيناز / لا يماما هنزل دلوقتي بس صحيت متأخر .
احلام / ماشي بس هتروحي فين .
شاهيناز / هروح اشوف مراد وبعدها اطلع علي صحابي .
احلام / ماشي ولو في حاجة كلميني .
شاهيناز ببعض الاستغراب / حاضر ماشي.
*خرجت احلام من غرفة ابنتها وارتدت شاهيناز ملابسها واتجهت الي شركة الدمنهوري`*
*ماذا سيحدث يا تري؟!.*
__________________________________________
*فِ مكتب زين '.*
_كان زين في مكتبه ينهي بعض الأعمال حتي وصل منه اتصال من الظابط ''._
زين / الو يا فندم .
الظابط / الو يا استاذ زين .. لو سمحت عاوزك تعدي عليا عشان عاوز اسألك علي كام حاجة كده بخصوص القضية .
زين / تمام مفيش مشكلة.. ممكن كمان ساعة كده عشان بس عندي Meeting (اجتماع) مهم ..هخلص واجي .
الظابط / تمام يـ زين .. يالا مع السلامه .
زين / مع السلامة .
اغلق زين معه الخط وقال في داخله / ياريت يكون الظابط وصل لـ حاجة جديدة .
____________________________________________________.
*بعد ثلث ساعة وصلت شاهيناز الي شركة الدمنهوري `*
*صعدت الي الطابق الثالث حيث مكتب مراد ولكن اوقفتها بسمة .*
بسمة / انتي رايحة فين كده .
شاهيناز بسخرية وغرور/ داخلة لـ حبيبي عندك مانع ؟!.
بسمة بثقة / اه عندي مانع لانها مش وكالة من غير بواب .. مش هتخشي لأن مراد بيه عندوا اجتماع مهم في المكتب وممنوع تخشي قبل ما أقوله .
شاهيناز ببعض الغضب / انتي شكلك كده في حاجة في مخك ... انا قولت هخش يعني هخش .
مسكت بسمة دراعها / وانا قولت مش هتخشي قبل ما اقول لـ مراد بيه .
*وقفت شاهيناز مكانها لأنها تعرف أن مراد لا يحب أن تدخل الي مكتبه بهذه الطريقة `*
شاهيناز بغضب / اتفضلي كلميه .
اتصلت بسمة بـ مكتب مراد / ايوة يا مراد بيه .
مراد / ايه يا بسمة .
بسمة / شاهيناز ابو حطب مستنية حضرتك .
مراد /تمام يا بسمة اول ما تلاقي الناس خرجت دخليها .
بسمة / تمام.. يـ مراد بيه .
*أغلقت بسمة معه الخط.*
بسمة / قالي لما يخلص الاجتماع هدخلك .
شاهيناز / هو انتي فرحانة بـ نفسك كده لي ممكن افهم انتي يدوبك حتة سكرتيرة لا راحت ولا جت فـ متعمليش فيها الكل في الكل هنا .. واعرفي انتي بتتكلمي مع مين انا قريب اويي هكون حرم مراد الدمنهوري .
بسمة بصدمة ولكن اخفتها/ هو انتوا هتتجوزا !!.
شاهيناز باستفزاز/ اه يروحي وابقي اعزمك علي الفرح عشان تمسكي الشمعة .
بسمة باستفزاز اكبر / الشمعه دي امسكلهالك لما تبقي والدة وبصراحه انا لو مكان مراد بيه منزلش النزولة دي واتجوز واحدة مناخيرها في السما كده وبتتخانق مع دبان وشها.. ومتتشعميش كتير لأن مراد بيه عاقل ومش هيتجوز واحدة زيك ومفتكرش أنه بيحبك اصلا ... ممكن يكون وهم مش دماغه مش اكتر .
شاهيناز بغضب/ بت أنتي لـ....
*_قاطعها خروج الوفد الأميركي من مكتب مراد `_*
بسمة / اتفضلي يا شاهيناز خشي .. اه وخلي بالك اكبر دليل علي أنه مش بيحبك أنه قالك تستني ومقالش تخشي عشان لو بيحبك كان اتكلم معاكي حتي لو مين عندوا .
شاهيناز بغرور/ بكرة اثبتلك أن كلامك ده كله غلط .
بسمة بسخرية / بكرة الساعه كام ؟!.
_خرجت شاهيناز من مكتبها بغضب واتجهت الي مكتب مراد ._
*دخلت شاهيناز الي المكتب بابتسامه `*
شاهيناز / ازيك يا حبيبي عامل ايي .
مراد / الحمدلله يا شاهيناز وانتي ازيك .
شاهيناز/ تمام الحمدلله .
مراد / ايه الزيارة الجميلة دي .
شاهيناز بخبث / هي زيارة جميلة فعلا وهتنبسط اكتر لما تعرف السبب .
مراد باستغراب / خير قولي .
شاهيناز / مراد انت عارف ان احنا بقالنا سنتين بنحب بعض وبيتهيألي اتعرفنا علي بعض كفاية .. مش ده وقت الجواز بقي ولا ايي !.
مراد بصدمه / نعم .. جواز ايه يا شاهيناز انتي هبلة ؟!.
شاهيناز / هبلة ؟!!! هبلة عشان بقولك نتجوز يـ مراد هو مش انت بتحبني برضه ولا ايي ؟!.
مراد / اسمعي يا شاهيناز .. انا بحبك وكل حاجة بس انا مش مهيأ نفسيا للجواز دلوقتي وغير كده احنا كان لسه عندنا حالة وفاه معداش عليها اسبوع وانتي بتقولي نتجوز .. انتي ليه مش عاملة حساب للناس اللي حواليكي وكل اللي يفرق معاكي انتي ... بصي يا شاهيناز انا اتخنقت من الطريقة دي ولو تفتكري انا من سنة طلبت منك الجواز وانتي رفضتي عشان كنتي مش جاهزة ومش عاوزة تتجوزي دلوقتي ومع ذلك كملنا من غير جواز واهلي طلبوا مني كذه مرة اني اشوف بنت تانية بس مع ذلك انا كنت متمسك بيكي .. انا فعلا الفترة دي مش قد مسئولية الجواز والبيت والكلام ده كله لأن شايف شغلي اهم .
شاهيناز / يعني انا هفضل قاعدة جنبك كده لحد أمتي ؟!.
مراد / لحد ما انا ابقي جاهز للجواز ولو سمحتي مش عاوز كلام تاني في الموضوع ده .
شاهيناز ببعض الغضب/ ماشي يـ مراد عن اذنك .
*خرجت شاهيناز من المكتب ولكن قبل أن تذهب دخلت الي بسمة `*
بسمة / اي ده هو انتي لحقتي ده انتي مكملتيش عشر دقايق جوه ؟!.
شاهيناز بغضب / اسمعي يا بت أنتي .. انتي لو مطلعتيش من الشركة دي ف اسرع وقت انا هدفعك التمن غالي اويي ووحيات امي يا بسمة لهعرفك مين هي شاهيناز ابو حطب.
بسمة بغضب / بقولك ايي انتي شكلك كده مجنونه.. انتي اللي خارجه من عندوا وجيتي علي مكتبي .. وانا متاكده أن انتي دمك محروق بس مراد بيه مش بسببي فـ مطلعيش قرفك عليا واطلعي بره وخلي عندك كرامه .
*نظرت لها شاهيناز نظرة غضب و توعد وخرجت من المكتب بل من الشركة بأكملها دون أن تحكي اي كلمة واتجهت الي النادي لتقابل اصدقائها .*
______________________________________________
*بعد أن انهي زين الاجتماع ذهب إلي قسم الشرطة لـ مقابلة الظابط '.*
زين / السلام عليكم.
الظابط / وعليكم السلام اتفضل يا زين .
زين / حضرتك اتصلت وقولت عاوز تعرف كام حاجه بخصوص القضية ؟!.
الظابط / مظبوط ياريت بس تقول كل حاجة بالتفصيل لو سمحت .
زين / تمام .
الظابط / ايه كانت نوع العداوة اللي بينك وبين عمار يعني ايه اللي يخليك تقول إن عمار اللي قتل شهد ؟!.
زين / تمام هقول لـ حضرتك .. عمار كان بيحاول ياخد شهد مني لسبب انا مش عارفو بس عمار مكنش بيحب شهد ولا ناوي علي جواز هو بس كان عاوز يبعدها عني ده اللي كنت بلاحظه من كلامه عنها وأنه كان بيستفزني كل شوية بـ كلامه .
الظابط / طب و ريهام ؟!.
زين / مكنش في بيني وبينها حاجة بس كانت علي طول بتحاول تقرب مني وتجر ناعم زي ما بيقولوا .
الظابط بتفكير / لو فكرنا للحظه أن عمار اللي قتلها يبقي كلامك معناه أن ريهام بتحبك و عمار عارف وده اللي كان بيحاول يعمله انه يبعد شهد عنك عشان ريهام تيجي مكانها لسبب برضه معين .
زين / كلام حضرتك صح جداا طب وبعدين .
الظابط / احنا كده بقي معانا تقريبا دليل بس مش واضح بس بـ مراقبه عمار و ريهام و اسلام اكيد الدليل هيكون واضح اكتر .. احنا شددنا عليهم المراقبة .
زين / تمام يا فندم أن شاء الله نوصل لحاجة .
الظابط / أن شاء الله .
زين / عن اذنك .
*خرج زين من القسم و رجع إلي الشركة مرة أخري `*
___________________________________
*ذهبت شاهيناز الي النادي وقابلت اصدقائها`*
عمر / ايه يا شاهيناز كل ده .. كنتي فين.
شاهيناز / كنت عند مراد في الشركة .
شادي / نعم كنتي بتعملي اي عندوا .
شاهيناز بتوتر / كنت بقوله علي موضوع الجواز .
شاهدي بغضب/ ايييي.
