رواية رهينة لضباط الفصل العاشر 10 بقلم مرج البحر

ليش تذبل ... 

ليش حزن الناس موسم 

وانته حزنك ماله تالي

...... 

انمديت كلني بالكاع والتمن صار حوالي سمعت شهكت عمتي بس للاسف مو عليه شهكت لا شهكت ع التمن ... كمت بعصبيه وباوعتلهن ورفعت صبعي بتهديد ...

نور.... منووو منجن سوووت هييج شستفاااديتن

ام سند.... مصيييبه صاابتج بنت الفكررر طشرررتي التمناات ربي يعاابيج ان شاء الله ع هاي السالفه

نور.... عمه والله مو اني

ام سند.... اششش حسسج ما اسمممعه ويلا لميي التمن وانتي ساااكته

كتمت جوواي الغضب ودنكت الم التمن وعيوني ع البنات يتمضحكن ... لميت التمن ومشيت من بيناتهن وحده ضرربتها بمتني قووي والثاني سحكت ع رررجلها حيل ثنينهن فزن ...

بتسمت بستهزاء وخليت التمن ع السنك وعبيته ماي وهنا بعدن عني وصارن يخزرن بيه مهتميت ... خلصت من التمن بديت اسوي الحشوة للتمن وهنا يسولفن ناس تاخذ غيبه وناس تشرح معناتها ويه عماتها وناس تجر عرض وطول ...

مروه اختفت عن الوجود ما ادري وين راحت وعمتي كاعده تدك سوالف واني ما اعرف شسوي ذبن الشغل كله براسي ومدري وين راحن ...

اشتغلت واني مغلسه عن حجي الكل واكو بنيه بيناتهن كل ساعه شامره حجايه عليه تريدني احاجيها بس اني اسمع وغلس ...

طلعت عمتي وخذت وياها النسوان الكبار وبقن بس كم بنيه شابه وكلهن كارهاتني ما عرف شمسويتلهن ..

فتحت الثلاجه اريد اطلع المعجون ما حسيت غير ثنين لزمني وجتفني وثالثه ركعت الثلاجه بيدها ...

- اسمعي يحلوه ديري بالج تندكين بينه هذا جمالج نخربه الج بس تفكين حلكج وتلعبين ويه الي مو بكدج

طلعت بيدها موس وقربته ع وجهي صرررت اراافسس بيديهن .. حجت وحدة من الي لازمتني ..

- يلا حبيبتي اختاري تردين نشوهلج وجهج لو تسمعين الكلام وتصيرين حبابه

نور.... بعدن عني مالي دخل بيجن بس عوفني

هنا ما كالن شي بعدن والموس شمرنه بالزبل وطلعن خليت ايديه ع متني مكان الطلقه بعده يوجعني وحسسه جدفي خد من لزمتهن ..

بقيت احضر بالاكل واني مقهورة وميته قهر احس روحي جاي انذل ومحد واكف وياي وهلي هم جنهم نسوني وما صارو يسئلون ...

كملت الاكل ودمعه تنزل ودمعه امسحها حيل مخنوكه وما اعرف شنو اسوي ..

بدت الناس تجي ودخل سند باوعلي من فوك ليجوه بنضرات غريبه اول مره اشوفه يباوعلي بيهن .. تغرب عليه وسد الباب المطبخ الي يطل ع الصاله .. 

                                          

              

                    

سند.... اشو ما سمعت صوت عركه ولا عياط وقيل وقال 

نور.... لتفكر بسوالف انسوان بدام هنا ما يدخل بيه ولا اني مدخله بيهن ما راح تسمع شي 

سند.... اذا هيج الحمدلله شرايدين غير الهدوء وراحه وقلت الازعاج 

نور... اي شنو اجيت ع مود الغده 

سند.... لا بس اجيت علمود المواعين الغده حتى الشباب يصبون 

نور.... وليش الشباب يصبون؟؟ 

سند.... جا غير الاكل يمهم ومناك يصبون 

نور.... شنو انتم طبختو؟ 

سند.... اي جبنه طبااخ يطبخ خو ما اخليج انتي الي تطبخين وتعبين ترا هاي عزيمه مو نفر نفرين 

نور.... بس امك ما كالتلي خلتني اطبخ وما خليت شي ما سويته تحجون صدك 

سند.... جااا شماالهن ما كللج وخللنج تطبخين 

فتح الباب وطلع بقيت مستغربه حسيته ما تفاجأ وردت فعله عاديه وكنو يدري ... 

فريت ايدي وعفت المطبخ وطلعت ورا جان جاي يرزل بمروه ويحجي ويه امه ... ابتسمت واني اشوفه شلون يدافعلي ... 

مر الوقت والزلم صبو غده والغده الي سويته خليته يبرد وضميته بالمجمده لباجر ...

تغدينه وخلصنه والبنات ابد ما ارتاحيت الهن شغلتهن تحير بس يخوزرن بيه ويتبسبسن بيناتهن شككني بنفسي ....

كل شويه اباوع ع نفسي خاف بيه شي .. مر اليوم الحمدلله بدون مشاكل وسند كبر السالفه اكبر من الازم من حذرني منهن ..

رغم الي صار بالمطبخ مو شويه بس اشوف سند منطهم اهميه اكبر من حجمهم ...

راحت الوادم واني بديت اغسل مواعين ومروه بس راحو صعدت الغرفتها مغلسه وعمتي ع ابو تعبانه هم عافتني وصعدت باوعت ع المواعين بمللل

نور.... هسسسه شيغسللجن لا نوب الماااي بااارد

اجاني صوته ...

سند.... غسليهن وصعدي ارتاحي وباجر لا تنزلين ارتاحي من شغل اليوم شغلوج هواي

نور.... اي والله ع الاقل لو كايلات اكو احد يطبخ جان ما طبخت هواي اكل ولا بذرنه

سند.... يلا ما صار شي تردين ادزلج مروه تساعدج

نور.... اي فدوه ما اكدر اغسلهن هذان كلهن

هز راسه وصعد والصعده صعده لا هو النزل ولا مروه البينت غسلت وخلصت وصارت الساعه ب11 باليل ومروه ما الها حس ..

مسحت المطبخ وكملت وغسلت وجهي وايديه وصعدت واني ع حافه الدرج اسمع صوت ضحكات سند اجاني الفضول اسمع شنو جاي يحجون ...

قرربت اذاني ع الباب اسمع صوت اغاني تقربت اكثر سمعت صوت سند يضحك ويكلها ...

سند.... جنت محتاج هيج جو تدرين بروحج صايره مهمله وع شويه ادور اهتمام يم غيرج

            

              

                    

مروه.... ترا انته الي صاير ما ادري شلونك هاملني ومالك نفس بيه

سند.... من وراج ومن ورا تصرفاتج وناسيه مسؤوليات رجلج واجباته عليج

مروه.... اشوو تعال خلي نجدد ايام عررسنه

سمعته ضحك قووي وصوتهم صار عالي وهيه تتمضحك وصوت اهاتها تطلع سديت اذاناتي بسررعه ودخلت الغرفه وسديت الباب ع كيف وشمرت نفسي ع الجربايه ....

غمضت عيوني...مااا دخلج بيهن نور رجال ومررته انتي ليشش تسسمعيين ليشش هذاا العلمته الج امجج تتنصتين عليهم

صرت اضرب ع راسي وندب حضي وكرهت روحي شلون الفضول جراني وخلاني اصنت عليهم ...

خليت راسي ع مخده تعبانه ومقهورة ومشتاقه الاهلي واريد احضن امي وابجي ... 

اتخذت النوم الوسيله للهروب من الواقع الي جنت احلم يتعدل ويصير مثل تخيلاتي بس بحياة الواقع ما يصير خيال ... 

ولا الاحلام تتحقق ولا الناس تتعدل يبقه الواقع مئلم والحلم خيال مفرح بين ترا وتاره اخره ... 

كعدت ع دكت باب قوويه فرركت عيوني بتعب واني اتمشه بخمول وجسمي احسه خدران ... فتحت الباب صاار كبالي سند منتجي ع الباب وبيده سبحه يفو بيها باوعلي من فوك ليجوه وزفر صوت بعصبيه ... 

سند.... بعدددج ناايمه منووو يسوووينه سقنبوووت خلصيييني نزللللي اريددد اووولي 

نور..... هاا اي ع كيفك هسه راح انزل اسوي شبيك عصبي من صباحيه الله 

سند..... بعددد هاااي الجااانت عاايزززه اتعصبب بمزززاجج ورتاااح بمزااااجج نزلللي خلصيييني 

لزمني من شعرري وجررني عليه هو يحجي بفحيح وع شويه يفترسني شمررني بعتبت الباب ونزل وسمعه من جوووه يصيح ... 

لميت شعري وكعدت دمعتي شبي هذا البارحه ما بي شي شبي اليوم ... غسلت وجهي بسررعه وخذت حجابي ونزلت دخلت للمطبخ شفته كااعد ع الطاوله توترت بس ما بينت اله سويتله بيض اكل وطلع وركع باب المطبخ ورا ...  

فزييت ع صوت ركعت الباب وغمضت عيوني ورجعت فتحتهن وتالي ويه هاي النماذج ... 

بدو يجرون كل ساعه واحد كاعد ودي جيب مبين بدايته هذا اليوم تعب بتعب ... 

مروه تباوعلي وتمضحك غلست عنها ما بيه عرك وياها الي بيه كافيني ما بيه حيلها ... 

طلعت الاكل مالت البارحه حتى احمي الهم وياكلو اشو دخلت مرروه وعمتي للمطبخ شالان الاكل وذبنه ... 

ام سند.... حضرت جنابج تردين توكلينه اكل بايت بس العتب مو عليج العتب ع اهلج الفكر الما عرفو يربوج ولا يعلموج 

نور..... كاافي اذا انتي تشووفين الفقر عيب وذل هذاا الشي مو مشكلتي مشكلة عقللج الزغيرر وافتخررر بنفسي بت نااس فقراء ولا مثلكم نعمة الله هااي وشمررتوها وتستنكفون تاكلوها باجر من تقابلون الله شنو راح يكون منضركم كدامه 

            

              

                    

مروه.... هيييه انتي منو وترفعين صوتج ع عمتي هيج اهلج ما علموج التربيه 

نور.... الحمدلله تربيتي تعداج وتعده الي وراج شوفي بالاول تربيتج وبعدها احجي ع تربية غيرج 

عمتي ما حجت شي وراحت ومروه راحت وراها توز براسها هيه من كاعها كارهتني ومروه تزيد كرها عليه

نغزني كلبي تاففت بضجر ربي اخذذني وربي امتحانك صعب حيل والله الي شفته بطفولتي ومراهقتي وشبابي كافي عليه ربي طالبتك تريح كلبي وتخلصني من هاي الناس الي ما تخاف الله ... 

غصبني عني وع وجع كلبي سويت الهم الغده شنو ذنبهم الولد يجون جوعانين وما يلكون شي ياكلونه.. 

حضرت الغده وخلصت كعدت ولعصر جهة كلبي اريده يرتاح والله قريت سورة الكرسي محفضتها النه امي شويه ورتاح كلبي ... 

التمو الولد ع الغده وكلها كعدت تتغده اني نفسيتي مزدوده لا ريوك ولا غده ... 

خلصو غده وخذت المواعين اريد اغسلهن ورجعت النغزات تضرب بكلبي كوه كدرت اوكف جريت نفس وما بينت الهم شي ونكلت المواعين بالكوه بالف ياعلي يلا خلصتهن ... 

غسلو وطلعو وديت الهم الجاي وكفت اريد اغسل ما اكدر روحي كلش سحنت ... 

سمعت صررخات سند وصوت مروه تجيب وتسفط بالحجي وهيه وعمتي ما يخافن الله ... سوني ضاربه عمتي ... 

اجه سننند ركع بااااب المطبخ ررركعه كسر الجاامه طشررها باوعت بتعب كلمه ما اكدر انطق ... 

انجرررريت من ايدي قوووي وبااوع ع سند شبه مغوش اجاااني راججججدي صحاني من الغماء .. 

اريد انطق بحرف ما اكدر حواسي كلها وكفت ... ما حسسسيت غيررر انيي بالمخزن وسند كبالي وجهه احمر ودماراته باارزه وشكله متخربط تخربط ... 

.......... 

ركضت للغرفه خليت حجاب ع راسي واجيت دخل ولد واني وحميده وحده واكفه بصف الثانيه وكف سلم ع امي وباسها من راسها واني عيوني تتنقل ع شكله مبين كشخها وفلوس ... 

جان لابس قميص اسود وبنطرون اسود وشعره عالي والواضح من شكله حزين لان ممعدل نفسه ... 

بعدني اتصفن بي وبشكله وبجسمه القميص لازك ع جسمه لزك وع شويه يطك .. 

لفت انتباهي حديثه هو امي من امي صارت تبجي هو دنك راسه دنست حميده ... وهمست ...

فاطمه....شكو ليش امي بجت شنو كلها 

حميده....بالج وين الي فهمته هذا ابن خالج 

فاطمه.... خالي اني عندي خال لا متوهمه 

حجيت بصوت عالي بدون ما انتبه سمعت محمد حمحم واشرلي بصبعه اشش ... 

سكتت وباوعت ع امي حاضنه الولد وتبجي لحضه من البجي والنوح محمد تدخل وسند امي ومشاها لصاله ومجتبى دخل الولد واشرلنه نلحكهم .. 

            

              

                    

دخلنه وكلها كعدت والولد كاعد بصف امي وشبه حاضنها امي خلت شيلتها ع وجهه وتنعي وتبجي اريد واحد يفهمني شجاي يصير هنا محد حجه شي .. شويه وكال ... 

مجتبى.... يمه ترا وليد اجه يشوفج ما اجه يريدج تبجين 

وليد.... اي والله يا عمه اجيت اشوفج واطمن عليج والي راح خلي نشمره ورا ضهورنه وابوي اخذ جزاته بالدنيا كبل الاخر وكل الي سوا بيج بعدج تبجين عليه 

ام فاطمه.... يا يمه شما يسوي الاخو بخته يبقه من لحمها ودمها وعمر الظفر ما طلع من اللحم وراح اخي وانه ما شبعانه من ريحته ولا حضنته ودعته 

وليد.... الله يسامحه ويغفر اله انه اليوم اجيت علمود حلالج وريدج تبرين ابوي الذمه والله هو الي يعلم بالخافي والمستور 

ام فاطمه.... مسامحته من زمان ما شايله بخاطري عليه الله ينور قبره ويرزقه السكينه 

وليد... والله ما جذبت امي من كالت ماكو بطيبتج وبحنيتج بس ابوي ما عرف يحتوج ع العموم هذا البيت والمحلات جدي تركهن باسمج وابوي ما كدر يحولهن اله اله بتوقيع منج وراد يجي يجبرج توقعين بس تراجع خاف زوجج يدري وياخذهن منه 

محمد.... الله يبعدنه الحقد والحسد

وليد.... ما انكر ابوي حاقد ويتمنه الفلوس بس اله بس مع ذالك هسه انه جاي ارجع حلالكم وتكدرون من باجر تجون وتاخذون البيت والمحلات 

محمد.... ليش البيت ما انباع؟ 

وليد.... لا ابوي ما كدر يتصرف بالبيع كل ما يجي شراي ويسمع البيت بسم امكم وما تكدر توقع من يمه ينهي الموضوع ما مستعدين يواجهون القانون لو تكون المستدات مزور ابوي ما باعهن بس اشتغل بيهن اجرهن وياخذ اجار كلش عالي بيهن وانه هم مستعد انطيكم فلوس الايجارات مالات كل السنوات الراحت 

ام فاطمه.... لا يمه انه موكعتهن لبوك وحسبهن صدقه جاريه مني لابوك وفلس احمر ما اريد منك وليدي يكفي اجيت وتعبت نفسك 

وليد.... لا عمه هذا حلالج ما يصير هيج وها كل شهر الكم ارباح من المشروع 

ام فاطمه.... يا مشروع 

وليد.... ذهب امج الله يرحمها تركته كله الج وهذا حقج وابوي باعهن ودخل بيهن شراكه وطلع ارباح يا ارباح وهسه الارباح جاي تصعد 

ام فاطمه.... ابوك صح الي سوه زين اله بس ضلمني بعز عمري الله يغفله ويسكنه فسيح جناته 

وليد.... ونعم من اصلج عمه صدك لو كالو انتي بت اصل وتبقين بت اصل وهسه انه استاذن وهاي سندات البيت والمحلات شراكة ابوي بمشروع وكلشي تكدرون تستطلعون عليه وشنو تردون انه حاضر بالي تامرون بي يجرالكم تردون الصكوك والشيكات المدفوعه وشكد ربحنه هم انه حاضر

محمد... ونعم منك خويه هيه بس جيتك كافي وهذا الشي بينك وين عمتك احنه ما النه دخل بي 

ام فاطمه.... وليدي وين رايح ابقه ع الغده ما شبعت منك 

            

              

                    

وليد.... والله عمه عندي شغل بعد ورا اوزع ورث ابوي ع خواني ولازم اراجع ديون ابوي القديمه ما اريد يبقه دين بركبت ابوي هو بقبره بالكت يشفعله هذا الشي 

ام فاطمه.... عفيه عليك يمه مهما سوه ابوك جازي بالحسنه وربك يكتبلك اجر ان شاء الله 

وليد... ان شاء الله يلا استئذن من رخصتكم 

راح وليد الي اجه فجأة وراح فجأة واني مثل اصنم ما فاهمه شي وحميده بنص الكعده وكامت حملها متعب كلش ... ونساوتها مو زينه ...

اني عيوني تاخذني ع وليد وترجعني عليه لحد ما كام واني فاكه عيوني عليه .. بس طلع ضرربت نفسي صخااام صار الي سااعه مخليه عيوني عليه هسه شيكول عليه مشاايفه ولد .... 

دخل محمد ومجتبى وجوهم مستبشره خير وكعدو يسولفون ويه امي وامي بنص السالفه تذكرت اخوها مات كعدت تدك وتبجي كولي يا الله ... 

ماكو عافتنه وراحت الغرفتها اجيت اروح الها منهني محمد ... عفتها براحتها واني صعدت فوك ارتاح بغرفتي وبالي كل شويه يسرح بوليد ... 

ما ادري يمته غفيت كعدت ع مجتبى يكعدني محمد مسوي اجتماع نزلنه كلها التمت وامي كاعدة بصافه ما حسينه غير محمد كام باس راس امي وباوع علينه وكال ... 

محمد.... حضررر روحكم رااح نشيل 

فاطمه.... شنووو؟ ليش شبي بيتنه؟ 

ام فاطمه.... ما اريد اي ذكره تبقالي من ابوكم وعمامكم من عهد عملات ابوكم الما تشرف الواحد يحجي بيهن وهما متبرين منكم ما بقالكم بس بعضكم نشيل ونبيع هذا البيت ونبدي حياة من الصفر 

مجتبى.... ومنها ابوي لو حاول يرجع يلفي علينه ما يلكانه اثر وانتي حميده تردين اطلكج غيابي 

حميده.... التشوفنه صح سوه اني من ايدكم هاي ليدكم هاي 

محمد.... لا تكولين هيج انتي اخت غاليه علينه وحالج حال فاطمه وبس تجيبين بسلامه مكانج موجود بيناتنه ما راح يفرق شي بس نزيد نفر بعاله وهيه بجيت الزغيرونه 

حميده ابتسمت وبجت من الفرحه محمد صدك حاسبها اخت اله بس مجتبى لا ويه امي بموضوعها وكلها بس تجيب اعقد عليها ... 

وامي هم كيفت تكول وين تلكه احسن من حميده وهيه هم تابت وبدلت لبسها ومتندمه ع الي سوته وخلاها تعيش التعيشه ... 

بدت مسيره تجهيزات الشيل وبدينه نلم اغراضنه وكلشي يخصنه بهاذ البيت خلاص راح نترك ماضينه بهذا البيت وكلشي يخصه ... 

خلصنه تجهيزات وكلها كم يوم وننقل حميده دخلت بشهر الخامس وجاي تمشي بي واكثر واحد فرحان بجيت البنيه مجتبى يريد يعوض حرمانه بالبنيه ويخليها تعيش حياة حلوه ... 

امي فرحانه والفرحه ما شايلتها خلصت من ابوي واجه الدور تتخلص من كل ذكره الها وياه وكفنه كلنه كدام البيت كل شخص شايل بيده جنطه وباوعنه اخر نضره ع البيت جان تكول امي ... 

ام فاطمه.... مات كلشي بهذا البيت ضرب الاهانه الذل الحرمان ترك بينه هذا البيت لوعات ليالي ودمعه تلالي بين كل وحد بينه بس هسه راح نتركك ونعيش حياة احنه نختار قوانينها 

مشت امي وحنه مشينه وياها وصعدنه كلنه بسيارة راح تاخذنه للبيت الجديد كعدت كدام المرايه وباوع ع الشوارع وخيراا شفنه الدنيا جنت اتمنى ضوه شمس هسه اكدر اشوف الشمس والقمر بنفس اليوم .. 

خليت ايدي ع الجامه اتحسس برودتها حجيت بيني وبين نفسي ... حياة جديده امل جديد احلام حقيقيه ... 

شكرا لزيارتكم عالم روايات سكيرهوم