رواية رهينة لضباط الفصل الحادي عشر 11 بقلم مرج البحر

ما فهمنه الغلط وينه؟ 

مدري بيكم مدري بينه

يوم نلكاكم سندنه

ويوم سجينه بضهرنه

انتو ويانه؟ علينه؟

.......

يصيح بصوت عالي ومتعصب واني بس فاتحه عيوني لا اكدر احجي ولا اكدر اتحرك ولا اكدر انطق حتى بكلمه وحده ... 

اريد اكله مالي دخل وامك ومرتك تبلن عليه وكل حجيهن جذب بجذب بس ما كدرت اسوي اي شي غير اباوع عليه هو مفرفرح من العصبيه وكلامه ما افهمه محتاره بنفسي ... 

ما حسيت غير انفاسه تضرب بوجهي ونضرات الخوف والقلق واضحه بين عيونه خله ايده ع خدي يتلمس وجناتي يمنه ويسره ... 

سند.... نور بيج شي يوجعج شي شنو السالفه من راجدي ذابت روحج 

حاولت احرك ايدي وكله كلبي يوجعني مختنكه بس ما كدرت اسوي اي شي جسمي خدران وما اعرف اسيطر عليه ..

سند....نور انتي وياي جاوبيني شبيج 

ما رديت غمضت عيوني بتعب ورجعت فتحتهن روحي ع اي ساعه تطلع .. 

ضربني هوا ع وجهي وحسيت ع ايدين سند تفتح بالحجاب بعد الحجاب من عندي ويفر بي حتى يضربني الهوا ...

بعد مده كمت اجر النفس وشويه شويه ردت روحي انتجيت ع الحايط بمساعده من سند وعدلت روحي وباوعتله اريد اشكرا ع مساعدته الي .. 

شفت نضراته ع ركبتي نزلت عيوني ع ركبتي وجريت الحجاب من ايده ولبست الحجاب .. 

هو دنك يلعب بصابعه وجر حسرة وسكت ردت اكله شكرا بس هو سبقني ... 

سند.... ماكو داعي للحجاب هاي اولا ثانيا راح اعوفج ترتاحين وبعدها نحجي بموضوع الصار الصبح والحجي والقيل والقال 

نور.... بس والله مسويت شي ولا مثل ما وصللك 

سند.... كتلج هسه ارتاحي وبعدها نسمع الحجي ونشوف هسه راحتج اهم من كلشي بس ما كلتيلي شبيج 

ما ردت اكله كلبي يوجعني ولا اريده يعرف بيه مريضه ويتخذها قوه اله ويستضعفني بمرضي ... 

نور.... ما ادري ع ساعه وختنكت ما اعرف شبيه 

سند.... هسه ارتاحي واذا ما صرتي زينه اخذج لدكتورة تفحصج 

نور.... لا شكرا ماكو داعي لدكتورة صرت احسن 

سند.... انه اقرر اذا جنتي زينه لو لا وكومي روحي لغرفتج ارتاحي لا تبقين هنا تزود حالتج بنازل 

هزيت راسي وكمت هو وصل لباب وكف ينتضرني عدلت حجابي وملابسي ومشيت فتحلي الباب وطلعت قبله هو وراي ... 

                                          

              

                    

جان الكل ملتم والانضار صارت علينه اني عفتهم وصعدت وسمع امه تسئل عن الصار وشنو سوه هو ما اعرف شرد عليها ... 

دخلت لغرفتي وسديت الباب يمكن نوبات القلبيه اجت بوكتها ورحمة بحالي هالمره بس حتمال المره الجايه ما يكدر يرحمني ... 

انتجيت ع تاج الجربايه وخذني التفكير وصفنت واني اتذكر شلون جان يتعامل وياي بحنيه وخايف عليه معقوله مجرد خوف عادي بس اني حسيت بي خايف عليه لو هو صدك خايف عليه ... 

بعدت الافكار من بالي من شفته دخل وخال ايدي ورا ضهره وسد الباب برجله واجه وكف كدامي وعيونه تتفحصني من راسي لجدامي ...

سند.... هسه ارتاحيتي الخنكه راحت لو بعدج تعبانه 

نور.... ها لا هسه احسن 

كمت بسرعه وكفت واني اجاوبه هو كعد ع الجربايه صرت اني واكفه كباله هو كاعد كبالي خال رجل ع رجل ... 

يمكن بوقتها راد يستفزني بس اني بالي يم الدكتورة خاف ياخذني ويعرفني مريضه وتورط وياه ويذيني بمرضي ... 

سند.... بدامج ما بيج شي المسرحيه السويتيها جوه شنو هل جاي تستغبيني لو تستغبين ع نفسج 

نور.... يا مسرحيه قصدك مفهمت 

سند.... حلو ليش انتي جم مسرحيه مالفه حتى مخربطه بيناتهن 

وكف كدامي وتصرفاته اشبه بالمختل عقلين رجعت خطوتين لي ورا ... 

نور..... ترا ما جاي افهم عليك مسرحيات شنو اني بحياتي ما ملفه مسرحيه 

سند.... اي تغابي عليه بعد وبعد خلي نشوف من بينه راح ينهي هاااي مسرررحيتججج 

فززيت من صرررخ بييه بلعت ريجي الواضح لا اني الي راح اخلص منه ولا هو الي راح يفكني ... 

نور.... كتلك ما مسوويه مسريحه ليش بعد جاي تصيح احجي بهدوء محد حل شي بالصياح 

سند.... تمام راح احجي بهدوء ليش تماديتي ويه امي بالكلام واصله بيج تغلطين عليها هاي نقطه صارت عليه انتي عديمة الاخلاق وهذيج الفتره جانت تردين تراوينه اخلاقج العاليه وهسه هبطت 

نور.... الخلاقه عاليه تبقه عاليه وما تهبط واذا انته واثق بامك ومرتك ثقه عميه فهاي مشكلتك الك مو مشكلتي واذا تريد تضرب تعال اضرب اذا تحس روحك هيج اخذت حق امك ومرتك 

سند..... سئلتج سؤال لا تردين سؤالي بسؤال ثاني انه الهنانه اسئل وانتي تجاوبين اسئل ما انسئل فهمتي لو تردين اترجملج 

نور.... لا ليش تترجملي اني راح اترجملك كلمه كلمه امك ومرتك لعبنها عليك ويردن يخلقن بينه مشاكل اكثر من الازم واذا انته تشوف امك ومرتك هنا الي ع حق فاني اشوف نفسي الي ع حق 

سند.... صراحه عجبني الكلام وهسه لازم اكعد وجيب ورقه وقلم وكتب اسمائجن وسحب ورقه والي يطلع اسمها هيه الي ع باطل وجاي تجذب لو اكلج عدنه ورد اروح اجيبلي ورده واخذ ع حسب عدد الوركات كلما اسحب وحده اكول جذابه لو صداكه لحد ما تنتهي اوراق الورده ها مو حل حلو شتكولين 

            

              

                    

صفنت بوجها هذا شجاي يكول والمشكله يحجي بجديه وما يتشاقه اني فهيت ع الحجي ... 

نور.... هاااا 

سند.... ومرض وسما حتينه سما بكلبج وبكلب اهلج بنت النعاال تحجييين عدل وياي وتكلييلي ليشش حجيتي ع امي هيج لو تردين اربيج من جده وجديد 

نور..... لا تغللللط ع اهلي تريد تغلط عليه اغلط بسسس اهلي عوووفهم بحالهم ما كااافي الهما بي وانته تدعييي عليهم ليش ما تدعي ع نفسك الله ياخذك ويخلصنه منك ومن شرك 

لززززمني من فجييي قوووي وعصررني بينه وبين الحايط وبيده يغضط ع فجي بكل قووته ...

سند.... سااعات احب انسسه ابوج منو واخلقلج اب جديد نسب جديد حتى تحليين بعييني وتوالميني وما اذيج بس كلما نطلع من دوامه ندخل بدوامه ثانيه بعنوان نووور حيدددددر بت النااااهب بنتتتنه

لحضتها اجتاحني شعور هاي اخر لحضات الي اتشاهدت بكلبي هو مستمر يطلع قووته ع فجي مخليه ايده ثنينهن ع ايده اريد ابعدها بس قوواي كلها ما تجيب نص قوته ...

سند..... لو يرررجع بيه الزممن مو مره مررتين مااا افكررر اعقدددد عليج لوو تنكلب السما ع الكاع

شمررني قووي اجه جتفي بحافة الكنتور شاقت روحي بنفس المكان الي ضربتني الطلقه بي بس ما سويت اي رد فعل يبين متوجعه ...

هو اخذ التلفون الي ع الميز وخذ المفتاح من الباب وطلع وقفله وياه ...

كمت بتعب وحس جسمي ما بي اي قوه حتى يستحمل كل هذا الوجع والقسوه منه ...

تمددت ع الجربايه وحضنت المخده وصرت ابجي وصرخ وخفي صرخاتي بالمخده ...

مر وقت واني ابجي ودعي ع نفسي بالموت ويمته ربي ياخذني ورتاح من وجع هاي الدنيا ...

صوت الاذان صلاة المغرب كمت بهدوء ومسحت ادموعي ما عندي بس ربي هو يشفعلي ويداوي جروحي ...

فرشت المصلايه ورحت توضيت واجيت اصلي صليت وخلصت وفتحت القران وبيدي بديت اقرا سور حافضتهن لان ما اعرف اقرا وامي جانت دائماً تكول النه اذا ما تعرفن تقران بس فتحن القران بنية القراءة وقرا سورة حافضاتهن والله يعرف بنيتجن توني بديت اقر وكل شويه دموعي توكع ع القران بس امسحها ...

دخل سند مثل البركان وجنه متقصد القران جررا من ايدي وسده وباسه واخذه وطلع ...

لحضه شبه خياليه كمت اريد افتهم شبي الباب مقفول حتى من قراءة القرآن يردون يمنعوني ...

رجعت اصلي واقرا السور الحافضتهن وردد بيهن خلصت لميت مصلايتي ورحت كعدت ع الجربايه ما عندي شي غير الدموع واواسي نفسي بنفسي ...

نمت بتعب ما كعدت غير ع صوت مفاتيح الباب تنفتح لميت شعري ولبست حجابي دخل سند وجهه ما يكصه السيف ...

            

              

                    

سند..... يلا بنت الملاه المطبخ ينتضرج وملابسي وملابس اهل البيت تحتاج غسل وكوي وها قبل لا انسه الحمامات وياج هم يرادلهن تنضيف هذان مقبلات الصبح والوجبه الرئيسيه راح تكون بعد الغده ولا تخافين من ناحية اليل راح ادورلج شغله تشتغليها

جنت مصدومه بشكله متنق ع اخر حبه وعيوني غصبن عني تباوعله وفصلته تفصيل بس الي خلاني اتخبل هو واكف يتشرط عليه العجيب مو مروه الي تلقي الاوامر هو اليوم ماخذ دورها ...

هزيت راسي ما حجيت شي هو اخذ نضره سريعه ع الغرفه وع الميز الي بصفي وتمشه للباب طلع وسده جريت نفس محسيت غير رجع طب ...

سند.... اشو بعدج كاعد كومي عيني حللي لكمتج انتي هنا تشتغلين وبدامج تصلين وتعرفين الله معناها واجب تشتغلين بدون تقصير بعملج

ما جاوبت اخذت دور الاخرس الي ما يحجي تعبت واني احجي ومحد يحس ع الاقل اسكت احسن وشرف الي ...

كمت بهدوء رغم الدوخه لازمتني من امس واني ع لحم بطني ما ماكله شي نزلت شفتهم يتريكون .. بس سند ماكو ارتاحيت الحمدلله مالي خلك سخافته ..

كافي الي سمعته من عنده من صباح الله خير دخلت للمطبخ شفته منتجي ع الحايط وكدامه ادوات التنضيف ...

سند.... يلا عندج عشر دقايق اريد الطابق الفوك يلمع لمع وراج الطابق الجوه والحمامات تنتظرج يعني يكفي عشر دقايق لتنضيفهن

نور.... بس شلون ابلش بالتنضيف واني ما متريكه اتريك ونضف لا تهتم ترجع من الشغل تلكه البيت كامل

سند.... اي عفيه ذكرتيني نسيت اكلج اكل من السواك الي اجيبه انه ما مرخوصه تاخذين بختصار مطره تنتضرين بالكت الله واحد من خواني يحن ويقرر يتسوك للبيت ساعتها الج حق تاكلين

باوعتله وهزيت راسي اموت من الجوع ولا اذل روحي الك اخذت ادوات التنضيف بدون ما احجي وياه اي كلمه وصعدت لطابق الفوك ...توني نزلت الاغراض ع الكاع وسمعته صااح عليه .... 

سند.... نضفي الغررف وياااج يحتاجلهن تنضيف ولا تطوين كاعد بالصاله انتضرج حتى تكملين الي اكلج عليه 

جريت نفس وين جنه وين صرنه هذا كله لان كتلك امك ومرتك جذابات ودعيت عليه صار وياي هيج بس بسيطه تالي ما تالي نشوف منو بينه راح يتهنا ... 

بديت انضف ودخلت لغرف الطابق الثاني كلهن نضفتهن ما يحتاجلهن شي بس اشياء بسيطه لان ولدهم ما شاء الله من وحدهم مرتبين ما يحتاج احد يرتب وراهم ... 

خلصت الغرف وصار لازم ابدي بغرفه سند ومروه قررت ما انضفها بس بعدين كلت ما اريد مشاكل دخلت وشوفها مزبله ... 

الواضح هو ومرته متفقين عليه نضفتها ع السريع لميت الملابس الي تحتاج تنضيف وكلشي ومسحتها وعطرتها وطلعت وبديت بصاله الي بين الغرف مسحتها وشكلت المبخره ع السريع ونزلت الملابس التحتاج غسل وادوات التنضيف ... 

            

              

                    

صار كبالي سند كاعد وعيونه بتلفونه اجتني فكره اروح اكتله وخلص من شره بس استغفرت ربي ... 

مشيت للمطبخ اتسحب حتى ليشوفني ويروح يلقي عليه محاضره مثل الصبح وخاف الوصها بالحجي واني حالفه اليوم ابقه ساكته ... 

بيني وبين المطبخ كم سانتيم واجاني صووته هو يصيحني بابششع اسسماء ... 

........ 

مسافه بينه وبين حياة جديده خاليه من ضمير ابوي من تحكماته تسلطاته افعاله من كلشي يخصه ... وصلنه للبيت الي جان لازم يكون لامي من وقت طويل بس يمكن هالمره الحظ لعبها صح وخلاها تستلمه متاخر حتى لا تنحرم منه بدون شوفته ... 

لو ابوي جان يدري بالبيت جان باول فرصه اخذه وسجله باسمه وامي تخسر الاول والتالي وتبقه ع الحديده بس ما نكول غير الحمد الله ع كل شي ... 

نزلنه من السيارة والكل مبتهجه وجوهم وجناتهم عليها اثر الابتسامه والفرحه الي غمرتهم ... 

رفعت راسي ع البيت اباوع عليه من الخارج جان اشبه بالحلم وتحقق بيت من شكله الخارجي مبين طابقين وجبير ... 

كطع صفنتي هذاك الصوت الرجولي الي غصبن عني خلاني ابتسم ودور راسي بتجاها ... 

باوعتله واكف بناقه وشكله زايد وسامه بالاسود جان يسولف ويه محمد واني نضراتي فصلته تفصيل .. 

شفته ابتسم ابتسمت ع بتسامته بدون وعي مني ومن انتبهت النفسي شسويت درت وجهي بسرعه وخليت نضري ع البيت ... 

بس كلبي ما ينطيني كل شويه استرق النضر .. صاح علينه محمد رحنه صوبه صرنه كلنه يم الباب ... 

مجتبى.... اعزائي الحضور راح يتم افتتاح هذا المشروع بتداءاً من اليوم واشكر حضوركم وتواجتكم ويانه بهاي الفرحه الكبيره 

كلنه ضحكنه وليد تقدم خله المفتاح بيد امي وامي بتسمت ... انفتح باب البيت والكل جان متحمس صرنه نمشي بين ممرات البيت وكل واحد ماخذ جهه معينه يتفحص بيها بعيونه .. 

ترخص وليد من امي وراح رغم امي اصرت عليه يبقه وقت اطول بس هو تحجج بالشغل وراح اما احنه ف تفحصنه البيت من الطول للعرض .. 

جان الطابق الثاني عباره عن ست غرف وحمامات وصاله وستقبال ومطبخ .. بيت كامل بس ما مفصول .. عن الارضي ...

الطابق الارضي بي ثلاث غرف وستقبال ومشتمل خارجي ومطبخ وحمامات وصاله درج ملوي وحديقه جبيره واسعه وكراج ...

بحياتنه ما جنه نحلم بهيج بيت لا وكل هذا البناء حديث والاثاث احدث ونضيق ما مستعمل ..

الغرف الفوك اني اختاريت الغرفه التعجبني ومحمد اخذ غرفه ومجتبى ... حميده اخذت وحده جوه لان حامل مو زين عليها الصعده والنزله وامي اخذت يم حميده ما تريد فوك تكول ينشلع كلبي ...

            

              

                    

الغرف جانت كلهن ولادي لان الجانو ساكنين هنا كلهم ولد وامهم وابوهم طبعاً ... وذوقهم بالتنسيق جان حلو ... 

بعد ما كل واحد استقر بغرفته صار وكت تعزيل المكان وتعديله رغم متعدل ع اكمل وجهه ... بس امي تحب تضيق تعديلاتها ... 

مرت الايام حلوه واني استعديت لكوني راح اتعلم القرايه والكتابه وحماسي الها جان حيل عالي .. 

بيت خالي اجونه مرتين والصدمه جانت وليد متزوج وعنده طفل ... واشكر ربي جانت احاسيسي شي عابر بالعكس ما ضجت من البنيه ... 

سلمت عليها بكل رحابت صدر وطلع عنده خوات ثنين هو وحيد ابو ... 

امي من يوم شافت بنات خالي وهيه صارت تلح ع محمد خلي اخطبلك بت خالك الجبيره هو يروح ويرجع يكلها لا تستعجلين ... 

هاي اخر سنه لمحمد ويخلص كليه وامي قررت تسلمه شغل المحلات وكتله منك الك ما الها دخل بيهن جانن ثنين ومجتبى تنازل عن المحل الثاني وامي حلفت تسجلهن بس محمد ... 

هو رافض هذا الشي .. حميده وضعها ويه الحمال مو تتمام ومجتبى خايف عليها وجاي يمشي معاملة طلاكها من ابوي غيابي ... 

حميده عمرها زغير حيل واكبر خطأ سوته من راحت ويه ابوي وهيه عمرها كله 18 سنه ولا وهسه حامل البنيه بهيج عمر تفكر تلبس تطلع شنو تحط الوجها .. 

اما هيه فكل ضنها ان الزواج شي حلو ممكن تعيشه بس نسة مسؤولياته وتعبه وشكه ولازم اختيار شريط الحياة يكون صح وبعض الاحيان نحتاج نستشير القريبين منا بهيج مواضيع ... 

وكفت كدام لمرايه اعدل العبايه عليه جانت حيل نازكه عليه .. طلعت لسوك وشتريت الي احتاجه وخواني ما خلو شي بخاطري ... 

اليوم يصادف اول يوم الي اروح اتعلم بي اجتاحني شعور الخجل وشلون راح اخلص يومي واني بهالعمر وتعلم قرايه .. 

بس مع ذالك تخطيت شعور الخجل بخطوه ونزلت الدرج جان مجتبى ينتضرني حتى يوصلني وبعدها يجي الولد صديقه يوصلني ... 

وصتني امي هواي توصيات واني اهز براسي ومجتبى يضحك عليه ... صعدت بالسيارة والتوتر حيل عالي عندي وحس روحي بدت اثار الصخونه تبين عليه ... 

مجتبى.... شبيج متوترة ترا الشغله عاديه حيل تروحين وتتعلمين احلى من هيج شنو اكو 

فاطمه.... بحياتي ما مخالطه الناس ولا طالعه ولا ماشيه اكيد اتوتر مو مثلك مفتر العراق كله 

مجتبى.... ههههه ولج فطييم حاطه عينج ع هل كم مكان الي اروحهن واجيهن عمي هاي هيه سكتت اريد اشوفج من ترجعين شمصخمه 

فاطمه.... مجتبى اشو هونت ما اريد اروح خلي نرجع وبعدين نجي من اكون مستعده 

مجتبى.... هو شنو نرجع وبعدين تجين شوفي فاطمه هاي فرصه والعمر يمشي بيج استغلي هاي الفرصه وكوني نفسج لا تستسلمين تقدمي للحياة شوفيها 

فاطمه.... خايفه وبنفس الوقت مترردده البارحه كله افكر شلون احجي شلون ارد اذا احد سئلني شي 

مجتبى.... عيشي ع طبيعتج جاوبي ع نفس عادتج لا تتقدين باحد ولا تصنعين طبيعه غير طبيعتج كدام الناس راح تتعبين حيل 

فاطمه.... تمام راح اهدء نفسي وان شاء الله يمر اليوم ع خير 

مجتبى.... جنت اتمنى مو اوصلج بس انتي اوصل نور وياج بس فات الاوان ع وصولها 

فاطمه..... لو نور بمكاني جان شفتها شنو سوت تموت ع شي اسمه قرايه وكتابه اتذكر شلون صارت تبجي من سمعت بنات عمي داومن مدرسه وهيه ما يحقلها تدرس ولا تصير مثلهن 

مجتبى.... اااخ فاطمه بس لو يرجع بيه الزمن يومين قبل لا تروح جان سويت الها الجانت تريد تدرين قصصها الجان يجيبهن الها عمي الله يرحمه بعدهن عدها 

فاطمه.... اي جانت دائما تكلي راح اقراهن بس اتعلم اقرا ومن تطلب من عمي يجيب الها قصه جان ما يكسر واهسها رغم يدري هيه ما تعرف تقرا 

مجتبى.... اكثررر شي متندم عليه وبقه طول عمري متندم عليه من تجي تطلب مني اقرالها القصص وتبتسم بوجهي واني اكسر واهسه واخذ القصص وشكهاا 

فاطمه.... الله لا يعيد ذيج الايام كبرت وصارت ماضي ونور لو تجي تشوف حنيتك راح تسامحك 

مجتبى.... ما اريدها تسامحني غلطت بحقها هواي اريدها ترجع اريد اعوضها عن كل وجع سبيته الها 

فاطمه.... الله كريم وهسه انزل لو تبقه تسولف 

مجتبى.... ههههه ديري بالج ع نفسسج وانتضريني اجي عليج قبل نص ساعه ونتضرج بنفس المكان. 

فاطمه....تماام 

ودعته وباوعت ع المكان وكلبي رف يعني هاي هيه راح اقرا وكدر اقرا قران بدون حفظ ... دخلت وقريت سورة الفتح بنية التسهيل والله يفتحها بوجهي .. 

شكرا لزيارتكم عالم روايات سكيرهوم