رواية مريم الفصل العاشر بقلم جمانه السعيدي
وصلت للبيت ونهاريت بجي اول ماشافتني سميه صاحت شبيج ياستار ياربي
شكووو شصاير
هاي منو ضاربج شبي وجهج ليش تبجين
شسويتي يمعزايه لازم سويتي مصيبه
مريم ااكلتني سميه حاصل فاصل واني منهاره فد مره
عندي ألم فضيع
جسمي يوجعني وروحي تتكطع
اني الحجي يشك بيه شنو الي شافه مني ويشك بيه
جمانه السعيدي
ما حجيت اي شي ويه سميه تحجي واني من قهري سديت اذاني ورحت اركض للحمام وسديته عليه
كعدت بلكاع وكمت ابجي
ياناس مقهوره على نفسي
اني ليش هيج جاي يصير وياي
اول شي انحرمت من امي
وثاني شي ابوي تغير عليه
والثالثه سميه ماتسوه قندره بسوك النسوان سوتني خدامه
والرابع ازوج رجال شايب بكد عمري اتلث مرات
وفوك ما اني مغصوبه على هذا الزواج
الكل يصيح ازوجته على طمع
يا طمع هذا واني عايشه انكس عيشه
حتى ما اكدر احلم حالي حال البنات يصير عندي طفل
كل هذا وسكتت وقبلت وكلت هذا نصيبي
لازم اقبل واسكت
زين إلى متى اني راح ابقى هيج
تكفخ بيه الدنيا واني مدنكه راسي وساكته
زين اني مو بشر حالي من حال كل الناس
ليش ما اعيش مثلهم
ليش صايره ملطشه للرايح وللجاي
تعبت كلش من البجي وسميه بعدها تصيح من ورا الباب
شبيج تخبلتي افتحي الباب
مريم سميه روحي جيبلي ملابس داخليه وحفاضه
سميه شنوووو
مريم سمعيني زين
راحت سميه جابته واجت
غسلت واني دموعي يجرن مثل الماي
كالت انتي هي شبيج شصاير شنو المصيبه الي سويتيه
اني سكتت وقررت ما ارد عليها ابد
ملت من الحجي وراحت اسمعها خابرت ابوي وتكله بتك اجت مكتوله وبس تبجي وماتقبل تحجي ويه اي احد
مريم طلعت من الحمام ورحت للغرفه
سحبت جودليه ومخده وجرجف اتمددت وتغطيت وقررت ما احجي ويه اي احد
الحجي دمي كام يفور واني اتخيل مريم نايمه بحضن واحد ثاني
مريم جانت تضحك عليه معقوله اني الهلدرجه جنت غافل
وحده مثل هاي تضحك عليه
اني الصوج مني جمانه السعيدي
اكيد تضحك عليه
اني شلون صدكت بيها وعفته تلعب عليه
اكيد اني شايب بلنسبه الها ومو رجال بعينه
فشلت اتقرب عليها
طبعا ادور بديل غيري
بس يمته ياربي شكد صارلها تضحك عليه
اني غبي لازم افتهم من كامت تبعدني عنها عدها بديل غيري
ياشماتت ولدك بيك
ياشماتت العالم بيك
ضغطي صعد
بلعت حبابه مافاد
رحت طلعت ليمون ادور على المعصاره ماكووو
صحت مريم وين المعصاره
صفنت وكمت ابجي
اي ابجي لان احبها ولله احبها بس الي سوته وياي
شي جبير ومآ اكدر اغفره الها
شمرت اليمون بلكاع وكمت اسحب بلمواعبن واكسر بيهن
اسحب للكوابه واكسر
اربد هاي الحركه تطلع من كلبي ماكوووو
تعبت كعدت بلكاع وكمت ابجي
كلش مقهور على نفسي
اني بعد هذا العمر هيج يصير ببه
راسي كام حيل يوجعني
احسه راح ينفجر
كمت اباوع ايدي مجروحه ورجلي تجري دم
مريم ابوي عاف الشغل ورجع
بس دخل للبيت اجا كعد يم راسي ورفع الغطى
شاف خدي ازرك من الراشدي
ووحده من عيوني تحتها صاير ازرك
....بويه مريم حبيبتي شنو صاير وياج شبيج حاجيني
منو ضربج
الحجي ضربج ليش انتي شسويتي
مريم اني ساكته وبس دموعي تجري حلفت بعد ما احجي ابد
اريد اسكت واخلي الدنيا تكفخ بيه براحتها
شكد حاول بابا يعرف الي صار بس اني سكتت ومآ حجيت اي شي
مل مني وكام واني ساكته بس دموعي تجري
سميه روح للحجي وشوفها شسوت هاي المعزايه
الحجي مايضربها هيج اذا ما مسويه مصيبه
بابا هذا شنو من انسان شلون يضرب هاي الطفله هيج
مهما يكون يجي ويحجيلي المشكله واني اعرف اتصرف
شنو استفرد بيها بلبيت وكام يضرب بيها
شنو شاف قوته عليها
مزين وقابله بي بكد احفاده صايرتله خدامه وممرضه وقابله وساكته
اني ما ادري وين جان عقلي من طاوعت وانطيته اله
شنو ذنب هاي المسكينه يضيع شبابه وجمالها ويه واحد بكد جدها
سميه اي غير نعرف ليش ضربها يجوز هي السبب
بابا لو كلشي مسويه ما يمد ايده عليها
وبعد ما ضربها مستحيل اخليها ترجع اله مره ثانيه
عبدلله بس رجعت من المستشفى اتصل عليه الحجي وكال تعال بسرعه اني تعبان
راسا طلعت حتى بدون ما اتغدا
رحت دكيت الجرص
جنت متوقع تطلعلي مريم لان هو مبين من صوته حيل تعبان
طلع هو فتحلي الباب
دشداشته كلها دم وشاد ايده
اني اتفاجئت شبيك حجي شنو هذا الدم
الحجي عوفك من الدم تعال اريد ابره مثل ذاك اليوم
واذا عندك ابره منوم قوي اضربني
عبدلله حجي غير افتهم شصاير
جاي يمشي كدامي وكامن رجلي يتخربطن
وراسا وكع من طوله
اني راسا سندته خفت راسه ينضرب بلكاع
وكمت اصيح
مريم مريم وينج الحكي الحجي وكع
محد رد عليه عرفت اكو مصيبه صايره
وعلى الاكثر هاي المصيبه الي دبرها سجاد
الضاهر خطته نجحت جمانه السعيدي
مريم ماكو بلبيت والحجي راح يموت من زعله عليها
خابرت الإسعاف سايق الإسعاف صديقي
انطيته العنوان رغم الدوام انتهى بلمستشفى بس كال هسه جايك
نقلنا الحجي للمستشفى
اجا الدكتور فحصه وكال هاي اعراض جلطه
كلت بكلبي الله لايوفقك سجاد ابوك انجلط بسببك
عساك لاتتهنى بلفلوس
دمرت حياة ابوك وحياة هاي المسكينه مريم
ولله حالة حجي حسن تصعب على الكافر
دك تليفون الحجي جان بجيبه
باوعت المتصل ام علي
اني اعرفها ام علي لان دائما تتردد على الحجي
....الوووو عمه ام علي شلونج
...هله منو انت الحجي وين
...الحجي بلمستشفى تعبان حيل عندا جلطه
...يايمه سوده بوجهي هسه جايه
ربع ساعه واجت هي وابنها وولد الحجي اتلاثتهم
الحجي مشكليله المغذي وبي ابر ثنيبن
وشبه فاقد ما يدري شجاي يصير يمه
اني رحت وصيت الممرضين اصدقائي علي
والكادر الطبي الموجود كله
وكتلهم راح اروح للبيت ابدل واتغدا ورجع الكم
رجعت طول الطريق واني افكر بحقارة سجاد
لو الحجي واكع بلبيت وحده ومحد يدري بي احتمال يفقد حياته
وهاي المسكينه ياترى شصار بحالها
وشلون وضعها هسه
مريم بقيت كل النهار ساكته ولا اكلت ولا شربت ابوي حيل اتأثر عليه
راح جاب قراءن وكام يقرأ يم راسي وصلا المغرب يمي
جاب العشى وكعد يمي بتوسل بيه بس اني ابد ماعندي احساس بلجوع
احس مشاعري كله اجمدت
بعدين شاف ماكو فايده اني ساكته ومآ كو اي ردت فعل مني
اسمعه يكول السميه اذا بقت باجر هيج اخذها للمستشفى
البنيه عدها انهيار عصبي
رجع كعد يمي ويقرا قراءن
منا لمن تعب ونام واني هم نمت لان صدك تعبت اليوم
الحجي بين نايم بين كاعد وكل شويه وصاح مريم
بويه مريم
ثاني يوم ابوي توسل بيه اروح للمستشفى واني ما قبلت ابد
راح للمستشفى يسئل على حالتي شنوووو
يعني يشرح الهم الحاله واذا كالو جيبها ياخذني للمستشفى
سميه كتلها الفضول تعرف شنو القصه
لبست عباتها وراحت البيت الحجي تعرف منه شنو ااموضوع
لكت البيت مقفول
رجعت للبيت وقررت العصر ترجع البيت الحجي تسئل مره ثانيه
رجعت العصر هم البيت مقفول وماكو احد
الدكاتره الي بلمستشفى كلهم اكدووو هذا انهيار عصبي
ولازم ينقل مريم للمستشفى
مريم لمن طلع بابا وسميه من البيت اني رحت غسلت
وبدلت الملابس الداخليه
اخذت من سميه ملابس داخليه جديده
ولكيت عدها حفاضات بلمجر لبست ورجعت اتمددت
اجا بابا وتوسل بيه وكال اذا ماترحين وياي للمستشفى
ازعل عليج وبعد ما احجي وياج ابد
هنا كطعت الصمت وحجيت
مريم لاتخاف بابا اني مابيه شي شويه تعبانه وبس
بابا زين منو ضربج الحجي
مريم ما اريد احجي بهذا الموضوع ممكن
بابا اي براحتج لمن تشوفين نفسج مستعده تحجين وياي اني موجود
ولاتخافين واني ابوج اني واكف بضهرج ومراح اقبل اي احد ياذيج
واي شي تقررينه اني وياج
بعد مستحيل اضلمج مره ثانيه
كافي انضلمتي هواي
مريم نزل دموعي وكتله الله يحفضك اليه
ثاني يوم الحجي حالته اتحسنت قررو ولده يطلعونه للبيت
ويديرون بالهم علي
واتفقو ويه عبدلله يجي يوميه يشوف حالته. وينطي علاجه
جمانه السعيدي
يوميه واحد من ولده يجي يبقى يمه ويشوف طلباته
وعبدالله يشرف على حالته الصحيه
خلال أسبوع صارت حالته احسن بهواي
بس ابد ما حجه شنووو السبب الاي احد
سجاد بويه شد حيلك وخليها تولي احنا من البدايه كلنا كلناك ماتفيدك ماخذتك على طمع
همزين كشفت حقيقتها
الله يحبك واكشفها الك
الحجي وشلون عرفت بلي صار اني ماحجيت الاي احد ومحد يعرف الي صار غيري اني وياها
سجاد هااا بويه مبينه ماطول انت وكعت وهي مو بلبيت
اكيد شفت عليه شي موزين وطردته البيتهم
الحجي اني اكيد راح اتحقق من الي صار ومراح اضلم بت الناس كبل
سجاد وشلون تتحقف
الحجي مالك شغل اني عندي معلومات عن هذا الولد وراح اجيبه واذا طلع يعرفها اطلكها واذا احد دازه عليها
شرط اله اذبه بلسجن هو والي حرضه على هاي العمله
السوده
حته اذا الي حرضه ابني هم اذبه بلسجن لان المتاجره بأعراض الناس حرام
وربك ما يضيع حق واحد مضلوم
وخاصه اذا جانت ابنيه مسكينه لاحول ولا قوه
الحجي حجه هيج لان شك بسجاد ورا هذا الموضوع
من الكلام الي كاله
سجاد تطلع منه هيج شغلات
الحجي من سمع سجاد يحجي عليها وكانه يعرف الي صار
وهو ما كايل الاي احد علي
صار عندا شك هاي القضيه مدبره علي وعلى مريم
ومحد اله مصلحه يفرقهم غير سجاد
جان منتضر صحته تصير احسن وبعدين يتأكد من هذا الموضوع
مريم اني طول هذا الأسبوع بس نايمه وماليه شغل بكلشي
كل شويه ومتعاركه وياي سميه شنو نايمه واني اخدمج
شني اني خدامة الخلفوج
واني مطيته الطرشه
جني ما اسمعها
عود تعاقبني تاكل هي وااجهال ومآ اجيبلي اكل
واني ياما طبخت وخليت كدامها
بس بابا من يرجع ما يقبل ياكل اله اكل ويااا
وهي مفروسه مني
اتكول انتي مو مريضه انتي عياره شبيج
الزلم كلشي تسوي والنسوان تتحمل
اكو وحده تعوف الفلوس والخير وترجع للفكرة
بس انتي مو وجه نعمه ابد
هو الفكر يبقى فكر
