رواية للحب فرصة اخيرة الفصل العاشر
ف قصر فؤاد
ضحى:هو كلمك وقالك انه جاى انهردة
فؤاد:ايوة ياحبيتى
ايات:عن ماذا تتحدثون؟! انا لا افهم شى
ضحى:عمى يقول ان ماهر سوف ياتى من السفر ف خلال ساعات
ايات:اوه..اعتقد انى على المغادرة الان
ضحى:لماذا تريدين المغادرة ايات؟!
ايات:ضحى ارجوكى انا اريد المغادرة حقا..وانا لا اريد ان اغادر وصديقتى المقربة غاضبة منى..ماهر زوجك ولا يقرب لى فكيف اعيش معه ف بيت واحد حتى لو لن اكون وحيدة معه فهذا حرام
ضحى:انتى لا تشعرين براحة ف هذا المكان؟! اذ كان ذلك فغادرى لن امنعك..ولكن ارجوكى ايات كونى ع تواصل معى..فسوف اشتاق اليك كثيرا
ايات:وانا ايضا ضحى...سوف اشتاق اليك كثيرا
ف الكوفى شوب اللى بتشتغل فيه بسملة
بسملة:انا مش عارفة اقوله الحقيقة ولا اسكت؟!
جنى:بس لو كدبتى عليه هتبنى حياتك معاه ع كدبة..ايش ضمنك ممكن عايز يتجوزك علشان يحس بقرب الهام منه..وانتى ناسية ان ابوه شافك وانتى بتهربى من البيت واكيد عرف انك اخت الهام التوام
بسملة بعياط:انتى ليه عايزة تقفلى كل الابواب ف وشى..وانا هربت من بيتنا علشان مشوفش امير بيتجوز واحدة غيرى...مشاعرى كانت هتبقى حاجز بينهم...امير كان ملكى وحبيبى انا بس الهام هى اللى خدته منى...بابا كان عايز الهام هى اللى تبقى ل امير ومقلش لاى حد فيهم انى الهام ليها اخت كان خايف انى اتكلم واقول الحقيقة
جنى:حقيقة انك انتى اللى كنتى بتكلمى امير ع الفيس بوك ب اسم الهام..بس انتى اللى غبية علشان محاربتيش علشان توصلى ل امير وهربتى وعيشتى عيشة ميستاهلوش كلاب السكك انهم يعيشوها
بسملة:طب اقفلى ع السيرة دى علشان المدير جاى علينا
المدير:ممكن نبطل رغى ونشوف شغلنا
بسملة وجنى:حاضر
شوية ودخل امير الكوفى شوب..وعينه فضلت تدور ع بسملة لحد ملاقاها
بسملة:امير
امير:حلو اسمى من ع شفايفك
بسملة بكسوف:انت ايه اللى جابك؟!
امير:يعنى امشى؟!
بسملة:لا مش قصدى اقصد جاى ليه؟!
امير بهزار:كلامك دة بيوحى ان ضيف تقيل عليكى
بسملة:لا متقولش كدة...دة انا شيلك فوق راسى ويبقى ع قلبى زى العسل
امير:انا جاى علشان اعرفك ع عيلتى..بابا عاوز يشوفك
بسملة بتوتر:يشوفنى ليه؟!
امير:مش لغرض حاجة شكلية مش هتاثر ع رايي ف ارتباطى بيكى..ع فكرة شغلك دة عايزك تنسية..وانا مش هضيع وقت كتب كتابى عليكى هيبقى قريب جدا والفرح بعديها بيوم علشان مش عايزك تبعدى عن عيونى لحظة
بسملة:انا بحبك
امير:طب منا عارف
بسملة:وعرفت منين؟!
امير:من عنيكى..قالتلى كل حاجة ف قلبك
بسملة:وقالتلك ايه؟!
امير:لا احنا كدة ماشيين ف سكة غلط..اول م يتقفل علينا باب واحد هنسهر للصبح وانا بحكيلك عنيكى قالتلى ايه؟! يلة علشان نلحق نروح القصر وتتعرفى ع العيلة وبعد كدة هوديكى لشقة كنت مأجرها كل حاجة هتحتجيها هتلاقيها مش عايزك تشيلى هم حاجة..بس تقعدى فيها لحد م تكونى مراتى ع سنة الله ورسوله
شوية وسمعوا حد بيصرخ باسم بسملة.. وهو داخل عمال يكسر ف كل حاجة بتقابلوا
بسملة اترعبت منه وشدت ع قميص امير وقالت بخفوت:هيما
هيما دخل واول م شافها مع واحد جرى عليه ومسكه من قميصه وقال:دة انت حفرت قبرك ب ايدك بسبب عملتك ايه؟! تخطف الحتة بتاعتى منى؟! بت يابسملة تعالى هنا
امير بثبات:شيل ايدك من عليا
هيما:احمد ربنا انى مرفعتش المطوة ف وشك اللى هخليه مينفعش لاى حاجة..هاتها والا هتغابى عليك
امير:تعرفيه يابسملة؟!
بسملة بعياط:خليه يمشى من هنا..انا بكره الشخص دة..مش عاوزة اروح معاه ف حتة
امير بصله وقال:عارف ياهيما انا اهو بعرض عليك تخرخ برجليك بدل متخرج من غيرهم..هى قالت مش عاوزة تروح معاك ف حتة..وانا اهو بكلمك باحترام متخلنيش اتعامل معاك بطريقتك
هيما بزعيق:انت بتهددنى
ومسك ازازة وكسرها الكل اتخض وخرج برة المحل والمدير مش عارف يتكلم علشان هيما معروف عنه البلطجة ومفيش حد يقدر يقف ف طريقه
بسملة اتخضت وبصت لامير اللى كان ثابت ومش بيتحرك
بسملة بعصبية وخوف:انت واقف كدة ليه؟!
امير مسك ايدها علشان يخرجوا من المحل بس هيما اعترض طريقهم
هيما:طالما عملى فيها شجيع السيما ومش فارق معاك حاجة يبقى لازم اعلم ع وشك الحلو دة علشان لما تبص ف المرايا تفتكرنى..وبرده هاخد بسملة ودلوقت
جاى يضربه بس امير مسك ايده ولواها وقدر يكسرها..وضربه برجله ف بطنه وايداه لكمية ف وشه لحد م هيما وقع ع الارض وهو بيتالم
امير مسك ايدها للمرة التانية وركبها العربية بتاعته وف طريقهم للقصر
ف المركز
عمر دخل المركز وحيا كل الطلبة الموجودين اللى كانت ايات بينهم اللى بصتله بصدمة وبلعت ريقها بصعوبة وقالت ف سرها:لقد انتهيت
عمر:اعرفكم بنفسى انا عمر سعد وسوف اقوم بتعليمكم اللغة العربية ف وقت قياسى ولكن هذا يتطلب مجهود منكم لذا لا بد من المساعدة وتحمل المسؤلية..لنبدا اولا بالتعارف.
بدا الكل يقولوا اساميهم وجنسيتهم
عمر بدا يشرح الدرس وايات كانت سرحانة ومش مركزة وعمر استغل دة وراحلها وقال بعصبية:انتى ايتهاء السرحانة؟!
ايات:عفوا..لا تتعصب على
وعمر:وماذا يجب ان افعل مع امثالك؟! لماذا لم تركزى معى وانا اقوم بتفسير درس اليوم؟!
ايات بكدب:لا لم اكن سرحانة..انت مخطىء
عمر:حقا...عيدى ما قولته لثبتى لى ذلك
ايات بعصبية:لا لن اعيد عليك شى لانى لست مجبرة ع ذلك..وانت لما ذلك الانفعال كأنك تريد ان ترانى اخطىء لكى تحسبنى
عمر بعصبية:اخرجى من هنا الان... لانى لا اريد ان اراكى امامى
ايات:هذا ليس من حقك..انت شخص غريب لا بل مريض..لا اعرف كيف تكون معلم ولا تعرف عن التدريس شى..شرحك ممل ويوحى بالنوم ولايوجد اى شى مثير فيه..تعرف ماذا؟! اعتقد انك اتيت الى هنا انتقاما منى ولكن لن اسمح لك بذلك ايها المريض
عمر بزعيق:اصمتى ايتهاء البلهاء
وجاى يضربها بالقلم هى مسكت ايده وقالت:تجرأت ورفعت يدك على..هذه ليست بمزحة واقسم لك سوف تدفع الثمن غالى...سوف اشتكيك ف المركز وتطرد من العمل لتكون عبرة لكل امثالك..ولن اكتفى بذلك سوف اشتكيك ف السفارة ف انت كدت ترفع يدك ع امريكية مسلمة اعتقد انك ستسجن سنين بسبب تلك العملة
عمر فضل ساكت ومش عارف يتكلم اول مرة يحس انه عاجز قصاد خصمه...عايز ينتقم منها بس مش لاقى طريقة..يعمل ايه علشان يخليها تحت رحمته
ف بيت عبدالحليم
اية:بابا هو يوسف مشى ليه؟! انت مش قولتلى انه هيقد معانا لحد ميشوف بيت؟!
عبدالحليم ف سره:انا شخصيا معرفش هو مشى ليه؟! بس اكيد علشان بنته
عبدالحليم جاى يتكلم بس الباب خبط
اية بفرحة:اكيد يوسف
وفتحت وفعلا كان هو
اية:وحشتنى
يوسف:بس انا زعلان منك
اية:ليه؟!
يوسف قفل الباب وبصلها وقال بغيرة:ايه لبسك دة..مينفعش تفتحى الباب وانتى لابسة كدة افردى حد غريب شافك؟! هيقول عليكى ايه؟!
اية:بس انا ع طول بفتح وانا لابسة كدة
يوسف:نعم ياختى
اية:والله بهزر معاك..انا قبل مفتح بشوف العين السحرية بس الصراحة اول مرة شوفتك فيها مش بصيت فتحت ع طول..انت بتغير عليها؟!
يوسف:ايوة دى حاجة تضايقك
اية:لا مش تضايقنى
يوسف مسك ايدها وقال:اية انتى عايزة تبقى جمبى ع طول؟!
اية:ايوة
يوسف:يعنى تقبلى تكونى معايا انا وليلة بنتى
اية بغيرة:انت قولتلى ان ليلة بنتك بس مقولتش مراتك فين؟!
يوسف:طلقتها ولو عاوزة تعرفى السبب؟! انى عمرى محبتها ولا استريحت معاها لحظة
اية:اومال بتحب مين؟!
يوسف:بحبك انتى
اية:يعنى ايه حب؟! مش هيبقى خروج وفسح ولعب ولا فى حاجة تانى؟!
يوسف:هعلمك كل حاجة تخص الحب بس بطريقتى..اية انا عاوز اتجوزك
اية بعياط:بس انا مش عاوزة اتجوز
يوسف:يعنى مش بتحبينى
اية:لا بحبك..بس ايه علاقة حبى ليك بجوازى منك؟!
يوسف:الحب مينفعش من غير جواز
اية:وهتعمل اللى الجبان عمله؟!
يوسف:اية عايزك تثقى فيا انا مستحيل اعمل فيكى حاجة وحشة الموت عندى اهون
اية:بس عندى شرط صغير
يوسف:شرط ايه؟!
اية:تخرجنى كل يوم انا وليلة..ومتكدبش عليا ابدا
يوسف:ع فكرة انتى قولتى شرطين بس موافق عليهم..بس انا مش هكدب عليكى واقولك ان احنا متجوزين فعلا
اية بفرحة:بجد متجوزين فعلا..يعنى انت دلوقت جوزى؟!
يوسف:انتى مش متضايقة؟!
اية:طالما قولتلى الحقيقة ومكدبتش عليا يبقى اضايق منك ليه؟!
يوسف:يعنى موافقة تيجى تعيشى معايا مع عيلتى؟!
اية:موافقة بس بابا يكون معانا
يوسف:اكيد هيكون معانا انا مش هسيبه
ف قصر سعد الشاذلى
سعد:مش معقول
امير:بسملة يابابا اللى حكيتلك عنها
سميرة:انا عمرى مشوفت حد شبه حد بالطريقة دى..دول كأنهم توام
بسملة ف سرها:مينفعش الحقيقة تظهر دلوقت...امير هيبعد عنى وانا مصدقت انه قرب منى وهيكون ليا..يارب انا هقوله ع كل حاجة ومش هكدب عليه ف اى حاجة بس ف الوقت المناسب هقوله
سعد:ع بركة الله يبنى انا موافق كتب كتابك الاسبوع الجاى وبعديها بيوم الفرح
بليل
يوسف:انا عاوزة اتكلم معاكم ف موضوع مهم
عمر:ف ايه يايوسف اتكلم؟!
يوسف:هو مش امير هيتجوز الاسبوع الجاى؟!
عمر:ايوة
يوسف:انا عاوز اتجوز معاه ف نفس اليوم
امير:انت لسة مطلق يايوسف
يوسف:وفيها ايه يعنى..هو انا ليا عدة وانا معرفش؟!
سعد:ومين اللى عاوز تتجوزها؟!
ليلة:اية يابابا صح؟!
يوسف:ايوة ياحبيتى..موافقة؟!
ليلة:انا حبيتها علشان طيوبة بس يارب هى كمان تحبنى
يوسف:اكيد ياحبيتى دى جاية القصر مخصوص علشان تبقى جمبك وتلعب معاكى
وبص لابوه وقال:ها يابابا موافق؟!
سعد:يبنى مش لما نشوفها الاول
يوسف:صدقنى هتوافق عليها
امير:شكلك وقعت وانت واقف
يوسف:حقيقى انا حبيتها جدا...وعاوزها تبقى ف بيتى ف اقرب وقت
عيلة الشاذلى كلهم راحوا بيت اية اللى كانت مبسوطة وف نفس الوقت خايفة لما تفتكر اللحظات اللى جمعتها بطليقها اول ليلة..خايفة من تكرار اللحظات دى مع يوسف..عبدالحليم رحب بيهم وارتاح للعيلة واطمن ع بنته وهى ف وسطيم..سميرة حبت اية بسبب براءتها وكسوفها اللى ملهوش حدود..واتفقوا ع كل حاجة..بس اكتشفوا ان يوسف كتب كتابه ع اية من غير معيلته تعرف وفضل يعتذر ليهم كتير لحد م تقبلوا الموضوع ساعدوا ع دة عبدالحليم
سعد فضل الشك مزروع جواة بخصوص بسملة هو وافق علشان حاسس انها اختها..وشاف ف عنيها الحب اللى بتكنه ل امير
والتوسل انه ميقولش الحقيقة
عدا اسبوع وجى ميعاد فرح يوسف واية وبسملة وامير
بسملة وامير قضوا ليلة مع بعض ولا الف ليلة وليلة
اما يوسف مقدرش يقرب من اية بسبب خوفها وقرر انه يصبر عليها لحد مهى تيجى لوحدها وتقوله انها عايزاك
اما ايات وعمر من ساعة اللى حصل وهما متجاهلين بعض تماما..ايات محاولتش تاذيه باى وسيلة وهو ف دماغه حاجة بس مش عارف يعملها ازاى؟!
لحد م القدر هيجمعه بيها بطريقة لم تكن ف الحسبان
