رواية حور الفصل الحادي عشر
رباب باستغراب/ مين يحبيبي ؟.
عمر / حور .
رباب بصدمة / حـ .. حور !! حور مين يبني ، دِ زميلتك فـِ الجامعة ؟ .
عمر بتوتر / لا يماما ، حـ حور بنت خالتي .
رباب بصدمة/ حـ حور بنت خالـ خالتك ؟؟ حور بنت خالتك هدي !! انت بتهزر يـَ عمر ؟؟.
عمر / لا مش بهزر يماما ، انا قررت اتجوز حور بنت خالتي .
رباب بغضب / انتي حصل حاجة لدماغك ولا ايي يـَ عمر !! تتجوز بنت مكملتش الـ 18 سنة !! واشمعني هي .
عمر باستغراب وبعض الغضب / نفسي افهم انتي اية اللي ضايقك يماما !! دِ بنت اختك حتي ؟.
رباب / هو انا قولت حاجة ، بس البنت لسة صغيرة يـ عمر دِ لسة 2 ثانوي تتجوزها ازاي ف سنها د ؟ وبعدين هل هي موافقة اصلا ولا ابوها هيوافق ، مَا انت عارف دماغ عمك محمد ؟؟ فين مخك ممكن افهم ؟.
عمر / ممكن تهدي بس وانا هفهمك ، حور موافقة ، واصلا ابوها هو اللي طلب مني اتجوز حور وانا من الاول بحب حور يماما وعاوزها .
رباب بذهول / انت يبني عاوز تجنني !! محمد اللي جه وقالك تتجوز بنته انت بتقول ايي ؟ .
عمر / هقولك كل حاجة بالتفصيل والله بصي ... *حكي لها عمر كل شيئ بالتفصيل من اول مكالمة والد حور له حتي تهديد محمد لـ حور و اتفاقة هو وحور ، حتي حكي لها عن مشاعره تجاه حور* .... عرفتي بقي يماما هنتجوز لي ؟.
رباب بصدمة / معقول يعمر ؟ عمك محمد يطلع منه كل دة !
عمر / زي ما بقولك كدة يماما والله دة كل اللي حصل ، لو سمحتي يماما وافقي ، الموضوع مش واقف غير علي موافقتك انتي وخالتو هدي ، ف لو سمحتي وافقي واقنعي خالتو هدي بس من غير ما تعرفيها اللي عملوا عم محمد مع حور والكلام اللي قالهولها .
رباب / وانت هتستفاد ايي لما تتجوزها وتطلقها بعد شهرين يبني ! والبت تفضل بلقب مطلقة بقيت عمرها .
عمر / ما انا مش هطلقها .
رباب / اية اللي انت بتقوله دة يبني ، انت كدة هتضحك عليها !.
عمر / يا ماما و لية متقوليش ان انا هعمل كل اللي اقدر عليه عشان اخليها تحبني ف الفترة دي ولو لاقدر اللع معرفتش ساعتها هبقي اطلقها ، بس انا ان شاء الله هخليها تحبني وساعتها مش هنسيب بعض يماما ونكمل سوا .
رباب / طب حتي لو اتجوزتوا يبني هتقعدو فين !! وشقتك لسة مخلصتش لسة ناقصها حاجات كتير .
عمر / ان شاء الله لو اتجوزنا ناووين نقعد معاكي هنا لحد بس م شقتي تخلص ، عندك مشكلة ف الموضوع دة يماما ؟.
رباب بنفي وابتسامة / مشكلة !! اكيد لا يبني ، حور دي بنتي مش بنت اختي بس وان شاء الله ربنا يكملكوا ع خير وتتجوزوا .
عمر بابتسامة/ ان شاء الله يا امي ، بس كدة في مشكلة .
رباب بإستغراب / مشكلة ايي ؟.
عمر / خالتو هدي رافضة الجوازة نهائي و مش موافقة عليها ، عشان عمو محمد لما فاتحها ف الموضوع رفضت ومش موافقة ع الموضوع خالص .
رباب / متقلقش انا هفاتحها ف الموضوع وان شاء الله هتوافق ، بس الاول عاوزة اتكلم مع حور ف الموضوع عشان نتفق ع الكلام اللي هنقنع بيه مامتها .
عمر بإستغراب قليلاً ولكن وافق / تمام ، هتكلم مع حور وهقولك هتيجي امتي ، وبجد شكرا اوي يا ماما انا كنت عارف انك هتقفي جنبي وتساعديني ربنا يخليكي لياا يحببتي .
رباب بإبتسامة/ يحبيبي انا رغبتي ف الدنيا انك تكون سعيد ومبسوط ، ربنا يكملك ع خير يحبيبي وينولك اللي فبالك .
عمر بإبتسامة وهو يضم والدته / يارب يا امي .. يارب .
*بادلته رباب العناق ثم دلف عمر الي غرفته وجلست رباب تدعي ان يتمم لإبنها علي خير وان تراه سعيداً دائما .*
*" " " " " "*
*كانت حور تجلس علي سريرها وهي تفكر في تلك المشكلة التي وضعت بها وتطلب من ربها ان تتخلص من تلك المشكلة فِ اقرب وقت ، حتي أرسل لها عمر رسالة علي الواتساب وهو يقول (" اطمني يا حور ،انا اتكلمت مع ماما وهي وافقت وان شاء الله مامتك هتوافق ف اسرع وقت ، بس ماما عاوزة تشوفك عشان تتكلم معاكي وتتفق هتقولوا ايي لمامتك ، عاوزك متقلقيش وكل حاجة هتتحل والله ، يالا تصبحي علي خير ♡.")*
*نظرت حور للرسالة وهي تبتسم ولا تعرف السبب !*
حور بإبتسامة هادئة جداً بعد ان قرأت الرسالة / عمر بيعمل كل دة عشان يساعدني !! حقيقي مش عارفة اقول ايي ولا عارفة هردله اللي بيعمله دة ازاي ، واحد غيرو كان زمانو ساب الموضوع وقال وانا مالي !!. *فاقت حور من شرودها وانتبهت علي الابتسامة التي تبتسمها* ايي يحور في ايي انتي مالك مبتسمة كدة ، احمدي ربنا ان الموضوع هيتحل وان شاء الله يخلص علي خير .
_" " " " " " " " "_
*إنتهي ذلك اليوم علي الجميع وكل منهم مشغول بمشكلته*
```- كانت اسيل تفكر كثيرا في حديث صديقتها وكانت تريد ان تعرف الحقيقة بأي شكل من الاشكال .```
```- قرر مروان ان يصالح اسيل ويحاول ان يصلح الامور بينهم ولا يفكر في حور نهائياً .```
```- كان محمد والد حور ينتظر موافقة هدي'والدة حور' بفارغ الصبر علي زواج عمر وحور وكان في يفكر في العديد من الأمور .```
```- كانت هدي تدعي لأبنتها طوال الوقت ان الله يبعد عنها كل اذي وتجد حل في مشكلة زوجعا في اسرع وقت .```
```- وكانت رباب تفكر في طريقة لإقناع هدي'اختها' بها ليتزوج كلاً من حور وعمر ووجدت الحل .```
```- أما عن وضع عمر فكان يطلب من ربه ان يحقق له ما يتمناه .```
_" " " " " " " "_
*في صباح اليوم التالي'..*
_استيقظت حور وقامت بالدخول الي المرحاض وقامت بفعل روتينها اليومي .. ثم اتجهت الي غرفة اخواتها ووجدتهم مازالو نائمين وبعدها دخلت الي غرفة والدتها ووجدتها تجلس وتشاهد بعض الفيديوهات علي الهاتف '._
حور بإبتسامة/ صباح الخير.
هدي بإبتسامة/ صباح النور .
حور / أي اللي مصحيكي بدري كدة ؟.
هدي / صحيت عشان اروق البيت وخلصت وقعدت ، عندك دروس انهاردة ؟.
حور / اه ان شاء الله هنزل ع الساعة 12 كدة .
هدي / ماشي يحببتي ربنا يوفقك .
حور بإبتسامة / يارب ، مش عاوزاني اجيبلك حاجة وانا راجعة؟.
هدي / لا يحببتي .
حور / تمام ، هقوم انا بقي اخد دش علي السريع عشتن الحق اجهز وانزل .
هدي / ماشي .
*خرجت حور من الغرفة وهي تخطط لشيئ ما ، ثم دلفت الي المرحاض لتستحم وتنزل وهي نشيطة '.*
```كانت الساعة في ذلك الوقت 10:02 .```
*" " " " " " " " "*
_استيقظ مروان منذ الساعة السادسة صباحاً لانه يعمل ولدية حصة تبدأ من الساعة الثامنة ._
*كان مروان في ذلك الوقت فيه السنتر وكان قد انتهي من حصة الساعة الثامنة ، خرج من القاعة التي يوجد الطلاب واتجه الي يوسف" السكرتير الخاص بالسنتر " .*
مروان / يوسف بقولك .
يوسف / نعم يا مستر .
مروان / كريم مجاش انهاردة ف معلش نزل ع الجروب ان حصة الساعة 10 ونص ملغية ويجوا يحضروا الساعة 12 ونص مع المجموعة التانية .
يوسف بإستغراب/ تمام حاضر .
*بعدها خرج مروان من السنتر وركب سيارته وهو متجه الي مكان ما ..*
يوسف بداخله/ المستر مالو اليومين دول !! و بعدين لو هو جاي تاني الساعة 12ونص اية اللي يخليه يلغي الساعة 10ونص !! عادي ما يمكن وراه حاجة عاوز يعملها ! ايوة بس مستر مروان دة عمرة ما أخر شغله علي حساب حاجة مهما كانت !! وعمرة ما لغي حصة او أجل حصة !! غريب والله ، يالا وانا هعمله ايي يعني .
*بعد ان توقف يوسف عن التفكير في ذلك الأمر ، قام بتنفيذ ما أمر به ' مستر مروان ' ثم عاد الي عمله مرة اخري .*
" " " " " " " " "
*كان عمر في الجامعة في ذلك الوقت وكان يجلس مع رفيقة ' زياد ' .*
زياد / ولسة موصلتوش لحل .
عمر / لسة والله يا زياد ، مستنين ماما تكلم خالتو وان شاء الله توافق علي الجوازة .
زياد / متقلقش خير ان شاء الله .
عمر / ان شاء الله ، انا هطلع بدري انهاردة علي بعض الضهر كدة .
زياد / مش هينفع يا عمر ، انها محاضرة دكتور ايهاب والمحاضرة مهمة عشان البروجيكت " المشروع " اللي مطلوب .
عمر وهو يضع يدة في شعرة / ياربيي !! ازاي نسيت بس والمحاضرة دي مينفعش افوتها ، طب هعمل ايي دلوقتي انا !! .
زياد / انت كان وراك حاجة ؟.
عمر / المفروض اني كنت هكلم حور واشوفها هتيجي لماما امتي عشان نتفق !! كدة الموضوع باظ .
زياد / ولا باظ ولا حاجة احضر المحاضرة وقابلها بعد ما تخلص مش مشكلة يعني .
عمر / ما انا معرفش مواعيدها يزياد .
زياد / طب شوية كدة وكلمها و شوف مواعيدها .
عمر / ربنا يسهل .
*ظلوا الاثنان يتحدثون في عدة مواضيع معاً '.*
" " " " " " " "
*بعد ان وصل مروان الي المكان المقصود وهو " بيت أسيل " ظل جالساً قليلا في سيارته اسفل منزلها وهو يفكر فيما سيحدث .*
*نزل مروان من سيارته وركب المصعد " الاسانسير" وصعد للدور الرابع عند بيت خطييته ' أسيل '.*
*طرق مروان علي الباب وفتحت له والدة أسيل*
والدة اسيل" سميرة " بإبتسامة / مروان ! ازيك يبني اية المفاجأة الحلوة دِ .
مروان بإبتسامة لطيفة/ الحمدلله يا طنط انتي ازي صحتك .
سميرة بإبتسامة/ انا بخير يحبيبي الحمدلله ، واقف علي الباب لية ، ادخل يحبيبي .
*دخل مروان`*
مروان / انا اسف يا طنط اني جيت من غير معاد بس انا جاي عشان اسيل هي مش هنا ولا اية .
سميرة/ لا يحبيبي هي جوة ، ثانية هدخل اناديها ، او ادخلها يحبيبي انت مش غريب هي صاحية من بدري وزمانها قاعدة علي التلفون .
مروان في داخله / ادخلها ! للدرجة دِ مفيش خصوصية !! انت اه خطيبها بس مش كدة ، وكمان أسيل اكيد محكتش لمامتها علي اللي حصل .
سميرة / مروان !! انت روحت فين يبني .
مروان بانتباه / ها !! معاكي اهو ، تمام انا هدخل لاسيل .
سميرة / ماشي يبني ، ادخل الطورئة اول اوضة علي ايدك اليمين .
مروان بإبتسامة لطيفة/ تمام .
*اتجه مروان الي غرفة اسيل وطرق الباب .*
اسيل من الداخل/ ادخلي يماما .
دخل مروان هو يقول / بس انا مش ماما .
*وقفت اسيل من الصدمة .*
اسيل بصدمة/ مروان ! .
مروان وهو يحاول ان يبتسم / مفاجأة صح ؟.
اسيل / والله كويس انك لسة فاكر .
مروان / بصي يا اسيل ، انا جاي اقولك كلمتين .. اولا كدة انا جاي اعتذرلك علي اللي حصل مني ، حقيقي مكنش قصدي اجرحك بالطريقة دي .. بس انتي برضة يا اسيل خطيبتي يعني لازم تبقي عارفة كل حاجة عني ! انا مش بحب ادخل علاقاتي الشخصية ف الشغل واظن انا قولتلك كدة اول م اتعرفنا ! .. كنتي مستنية اية مني لما تجيلي مكان شغلي وقدام الناس اللي شغالين معاياا والطلاب وتحضنيني !! كنتي عاوزاني اعمل ايي .
اسيل ببعض الغضب/ وانت بقي خايف من الطلاب واللي بيشتغلوا عندك ؟.
مروان وهو يحاول ان يتماسك / خايف !! لا مش خايف ،، بس انا طول حياتي راجل جد ومحدش بيحاول ياخد مني كلمة وصارم جدا مع كل اللي بيشتغلوا معايا .. حتي الطلاب .. روحي كدة اسألي اي حد من اللي بياخد معاياا !! انا طول الساعتين شرح ولت بهزر مع بستظرف ولا بضيع وقت الحصة ومن الاخر زي م الناس بتقول علياا وانا بسمعهم ان انا تنك و مغرور وشايف نفسي !! بس انا مش كدة ؛ الحكاية كلها ان انا بدي كل حاجة ف حياتي حقها .. وقت الشغل شغل ووقت الهزار هزار !! ممكن انا مكنتش لطيف معاكي الفترة الاخيرة بس دة كان ضغط شغل !! انا .. انا لو م عاا..عاوزك يا اسيل مكنتش خطبتك وبعدين انا مش مدرس رسم يا اسيل انا مدرس فيزياء !! يعني لازم اكون جامد كدة عشان اللي معايا يفهموا !! ف انتي فكري ف موقفي لما يبقي السنتر كله بيعملي الف حساب ومحدش يقدر يقول ف حقي كلمة غلط لانهم شايفني تنك ومغرور ونكدي وتيجي انتي تحضنيني قدام كل دول !! انتي عارفة كام واحد اتكلم بعد اللي عملتية !! .. فهمتي قصدي يا اسيل ! انا مش عاوزك تزعلي من رد فعلي واعرفي ان انا اكبر دليل علي صحة كلامي اني جيتلك لحد عندك .
أسيل بإبتسامة/ انا اسفة يا مروان ، حقيقي مكنتش عارفة ان اللي عملتوا دة ضايقك للدرجة دي واوعدك انه مش هيتكرر تاني ، حقيقي يمروان انا بحبك اوي ومش عاوزة اخسرك وكفاية اوي عندي انك جيتلي عشان تصالحني.
مروان بإبتسامة لطيفة/ الحمدلله انك فهمتي وجهه نظري يا اسيل .
*ابتسمت له اسيل ثم اقتربت منه وقامت بعناقه وبادلها مروان العناق بعد تردد بعد لحظات ابتعد عنها .*
مروان بإبتسامة/ مبسوط انك فهمتيني والخلاف اتحل .. انا حقيقي لازم امشي يا اسيل انا مأجل مجموعة عشان اجيلك .
أسيل بإبتسامة/ ماشي يحبيبي ربنا معاك يارب .
*- وَدع مروان اسيل ثم خرج ليودع والدتها التي كانت تحضر العصير ولكنه اعتذر وبعدها خرج من المنزل بأكمله .*
ركب سيارته وهو يقول في داخلة / يارب تسكت بقي وتبطل تفكير فيها !! ياربي حتي وانا مع اسيل بفكر فيها !! يوم م احب احب عيلة !! اوف بجد .
*قاد سيارته واتجه الي السنتر مرة اخري .*
" " " " " " " " .
*بعد ما مرور الوقت كانت حور انتهت من ارتداء ملابسها وودعت والدتها ونزلت من بيتها وقامت بالاتصال ب عمر .*
حور / اي يعمر عامل اي .
عمر / انا تمام الحمدلله وانتي ازيك .
حور / انا بخير ، بقولك يعمر انا ورايا درسين دلوقتي وهخلص علي الساعة 3 ونص او 4 كدة وبعدها هروح علي مامتك .
عمر / طب تمام اوي ، انا كمان ورايا محاضرة هخلصها تقريبا قريب من معادك لو كدة هخلص واجيلك علي السنتر اخدك ونروح .
حور / تمام ماشي ، واول م تيجي رن علياا .
عمر / تمام ماشي ، يالا عاوزة حاجة ؟.
حور / لا عاوزة سلامتك ، يالا مع السلامة.
*اغلقت حور معه الخط واتجهت الي السنتر وكانت تسير وحدها لان نرمين لم تذهب معها .*
*" " " " " " " " " "*
عند اسيل ".
*كانت تجلس وتفكر في حديث مروان وقطعها صوت الباب ، نهضت لتفتح وتفاجأت بـ....*
