 |
رواية حور الفصل الثاني عشر بقلم يارا البرعي
عند اسيل".
*كانت تجلس وتفكر في حديث مروان وقاطعها صوت الباب ، نهضت لتفتح وتفاجأت بـ شخص يقف علي الباب وينظر الي الارض ولا تظهر ملامحة .*
اسيل بإستغراب/ ايوا نعم ؟ مين حضرتك .
*رفع رأسه ونظر لها في عينيها ونظرت له بصدمة .*
- اية اتصدمتي كدة ليي ؟!.
أسيل بصدمة / انـ انت !! انت عرفت مكاني ازايي ؟.
- عرفت من مكان ما عرفت ، اية مش هتقوليلي اتفضل !!.
أسيل بغضب / تتفضل فين انت اتجننت يا سيف ؟!!
سيف بغضب / شكلك انتي اللي اتجنني ونسيتي مين هو سيف الشرقاوي يا أسيل .
نظرت له أسيل بخوف / افهمني بس يا سيف ماما موجودة ف البيت ومينفعش تشوفك .
سميرة من الداخل / مين ع الباب يا أسيل .
اسيل بخوف / ينهار اسود ، ابوس ايدك يا سيف امشي وانا هبقي اكلمك بعدين .
سيف / لا بعدين اية انا هنزل تحت البيت قدامك عشر دقايق تتصرفي وتنزليلي تحت ولو اتأخرتي دقيقة واحدة يا اسيل هطلعلك هنا واعملك مشكلة .
اسيل بضيق / اووف !! طيب يا سيف انزل بقي بسرعة .
*نزل سيف من المنزل لينتظر أسيل .*
*خرجت والدة أسيل من غرفتها .*
سميرة بإستغراب / مين كان ع الباب يا أسيل؟.
اسيل بتوتر/ لا ي.. يماما مكنش في حد د .. د تلاقي عيل رخم ولا حاجة ر..رن الجرس ومشي .
سميرة بإستغراب/ عيل !!.
اسيل بسرعة / اه اه يماما عيل ، ماما انا هنزل بسرعة اشتري كام حاجة ليا وارجع .
سميرة/ دلوقتي؟.
اسيل / اه يماما م انا كدة كدة كنت لابسة وهنزل ف مجتش من الشوية اللي هنزل فيهم بدري دول .
*لم تنتظر أسيل رد والدتها واخذت حقيبتها سريعاً وخرجت من البيت وكانت والدتها تستعجب كثيراً من أمرها !.*
*نزلت أسيل إلي سيف لتتحدث معة وتعرف ماذا يريد منها .*
اسيل بضيق / ممكن افهم بقي انت عاوز مني اية !.
سيف / انا مش عارف انتي شايفة نفسك اوي كدة علي اية يا أسيل دة بدل ما تقوليلي وحشتني يا سيف .
اسيل بغضب / وحشك قطر يا بعيد !! انت معندكش دم بقي بعد كل اللي عملتوا فياا وكمان ليك عين تيجي لحد عندي ؟.
سيف / انتي عارفة ان انا كنت بحبك ومكنتش قدامي حل غير ان انا اعمل معاكي كدة .
أسيل /بتحبني !! انا حقيقي مشوفتش حد كداب زيك ، انا ضيعت معاك 3 سنين من عمري وانا بحبك وكنت مستعدة اسيب الدنيا كلها عشانك وانت كل دة كنت بتضحك عليا وبتخوني وخلتني اخبي علي ماما علاقتنا دي لحد انهاردة متعرفش ان كان في حد ف حياتي اسمو سيف اصلا ! والحمدلله ان ربنا كشفك علي حقيقتك قبل ما كنت اصدقك ويتضحك عليا اكتر من كدة ! والحمدلله قدرت اتخطاك بعد ما سافرت واختفيت فجأة وقدرت انساك يا سيف وربنا كرمني براجل احسن منك مليون مرة ! بيحبني وعاوزني ومستعد يعمل اي حاجة عشان يسعدني .
سيف بسخرية / ومين بقي الراجل دة ؟ مين دة اللي يقبل ياخد واحدة زيك يا اسيل ! وبعدين مادام مامتك متعرفش .. كنتي خايفة ليي انها تشوفني فوق ؟.
أسيل بغضب / كنت خايفة عشان عارفة انها لو طلعت وشافتك هتسأل انت مين وانت طبعا تموت ف الفضايح ف هتقولها ع كل حاجة وانا معنديش استعداد تحصل مشكلة بيني وبين امي بسبب واحد زيك يا سيف .. هات بقي من الآخر وقولي انت عاوز اية !! .
سيف بخبث / عاوزك يا أسيل ، عاوز نبقي لبعض تاني واتجوزك ونعيش سوا .
أسيل بسخرية / تصدق ضحكتني !! نعيش سواا !! ونبقي لبعض ؟! اممم قولتلي بقي ، دة لما تشوف حلمة ودنك يا سيف يا شرقاوي ، انت شكلك كدة مسمعتش كلامي كويس .. انا دلوقتي بقيت مخطوبة وفي راجل ف حياتي ف احسنلك تبعد عني وعن حياتي وروح شوفلك حد غيري اتسلي عليه .
*نظر لها سيف بخبث ثم اخرج هاتفة'.*
سيف بخبث / ماشي يا اسيل انا همشي بس قبل ما امشي عاوز اوريكي حاجة ، يمكن تغيري رأيك .
*رفع سيف الهاتف في وجهها لتنظر لها اسيل مصدومة .*
أسيل بصدمة / د.. دة اي..اية دة !!!.
سيف بسخرية / دة انتي يروحي ! هو انتي فاكرة ان صورك اللي كنتي بتبعتهالي واحنا مرتبطين هخلص منها بقي وكدة بسهولة صح !!! تؤتؤ حرام والله صعبتي علياا .. اصل انا كدة يا اسيل بحب احتفظ ب اي حاجة من الحبايب .. وانتي طبعاا اغلي الحبايب .. صورك اللي كنتي بتبعتهالي ونتي بلبس البيت وانتي بلبس مينفعش حد يشوفك بيه اصلاا كل الصور دي معاياا .
اسيل وهي ترفع يدها لتضربة / يا ابن ال*** ي***.
سيف وهو يمسك يدها قبل ان تضربة / انتي لسة مشوفتيش حاجة !! ورحمة ابوياا يا أسيل ، لو مسمعتيش كلاميي ف اي حاجة هقولها لهوصل الصور دي كلها لخطيبك ... هو كان اسمو اية ؟ اهه مروان ، وساعتها بقي هنخلي مروان حبيب القلب يقرر هيعمل معاكي اية .
أسيل بصدمة / انت عاوز مني اي بقي يا اخي ؟! مش كفاية اللي انت عملتوا معايا ! بعد ما وعدتني بالجواز وخلتني اصدقك وأمنلك وابعتلك صوريي تقوم تعمل معايا كدة وبعدين انت هتكون عاوز مني ايي يعني !! انت هتستعبط .
سيف بغضب/ لا بقولك اية احترمي نفسك انا لحد دلوقتي ساكتلك احتراما للموقف اللي انتي فيه لكن ورحمة ابويا يا أسيل انا ممكن اعمل فيكي عمايل تخليكي متعرفيش تبصي ف وش حد تاني .
اسيل/ ايوة يعني انت عاوز اية دلوقتي يعني ؟.
سيف / لا مش دلوقتي ، انا مش فاضيلك هكلمك اول ما افضي واقولك انا عاوز اية .
*ذهب سيف من أمامها وتركها وهي مازالت مصدومة مما حدث ومما رأته .*
```Stop```
*- سيف الشرقاوي' شاب في التاسع والعشرون من عمره ، طويل القامة ، شعره بني فاتح ، عينية عسليتان ، بشرته قمحاوية و جسدة رياضي .. كان حبيب اسيل السابق وكان يمثل عليها الحُب لمدة ثلاث سنوات ثم تركها وسافر مع بنت اخري وعانت أسيل الكثير من الضغوط النفسية بسبب ما فعلة بها ، سيف لا يحب شئ غير نفسة و المال ويمكن فعل اي شيء من أجل مصلحته الشخصية .*
```Back ```
*" " " " " " " " " "*
*ع الناحية الأخري عند مروان .*
*كان مروان قد وصل الي السنتر ولكن كان في حالة ضيق ولا يريد ان يتعامل مع اي شخص .*
يوسف/ المجموعة ابتدت تيجي يمستر مروان هيمتحنوا دلوقتي ولا ف الاخر ؟.
مروان/ لا يا يوسف خليها ف الاخر عشان يكون كلو جه بس معلش وزعهم علي القاعتين لان العدد كبير ودول مجموعتين .
يوسف / تمام ، وانا هتكلم مع مستر صابر عشان عندو مجموعة مع سنة تانية ويخلصهم بدري شوية .
مروان / تمام ماشي .
يوسف / في مجموعة تانية بعد دي صح ؟.
مروان بتأكيد/ اه اه شغالة عادي بس هخلص الأول مع دول .
يوسف/ تمام عشان كذة حد سأل المجموعة ف معادها ولا اتلغت ف هأكد عليهم .
مروان/ تمام .
*في تلك اللحظة وصلت حور .*
حور / سلام عليكم .
يوسف/ وعليكم السلام .
حور / معلش يا يوسف انا نسيت وصل المصاريف انهاردة ف هجيبهم بكرة .
يوسف بإبتسامة / ولا يهمك يا حور انتي علي طول ملتزمة وبتجيبهم .
حور بإبتسامة / تمام شكرا يا يوسف .
مروان في داخلة بغضب / هي بتضحكلة كدة !! .
يوسف / هتحضري العربي و التاريخ صح ؟.
حور / اه هحضر الاتنين .
يوسف بإبتسامة / تمام خشي القاعة بقي .
حور بإبتسامة/ تمام .
مروان بغضب/ ما تبطلوا ضحك بقي .
يوسف بإستغراب/ احناا ؟.
نظر له مروان وهو يجز علي اسنانة / لا طبعاا ، المجموعة اللي جوا اللي صوتها واصل لحد هنا .
*نظرت له حور بإستغراب من نظراته لها التي كانت ترعبها وكان ينظر لها وكأنه يقول ' امشي من قدامي ' .. دخلت حور سريعا القاعة دون ان تتحدث وخرج مروان من السنتر واخرج السيجارة وكان يشربها بغضب كبير وكان يوسف في الداخل يجلس ولا يفهم تصرفاته الغريبة .*
``` داخل القاعة عند حور ```
حور بإستغراب في داخلها / مالو مستر مروان ؟ هي ناقصة يا ربي !! .
_قطع شرودها دخول ' داليا'_
داليا بخبث / هو انا ينفع اقعد هنا جنبك !.
حور ببرود / ما تقعدي هو الكرسي بتاع ابويا .
داليا بخبث / اي دة يعني الكرسي مش بتاع نرمين ! تؤتؤ هو انتوا اتخانقتوا ولا ايي والله زهعلتلـ....
قاطعتها حور بإنفعال / انا ونرمين متخانقناش وهي مجتش انهاردة وبعدين متقلقيش انا ونرمين صحاب بجد ، مش صحاب بتعرف بعدها عشان مصلحتها ..*نظرت لها بإستحقار*.. انا قايمة واشبعي بقي بالمكان انتي و ... وصـحابك .
*وقفت حور بكل برود ونظرت لـ داليا بإستحقار ثم ذهبت لتجلس في اول القاعة*
*كانت داليا ستشيط من الغضب بسبب ما قالته حور وقاطعها دخول " ملك ، الاء "*
الاء بإستغراب / اي دة مالك يا داليا ؟.
نظرت داليا لحور بغضب ثم نظرت لهم/ مفيش حاجة .
ملك وهي تنظر لحور / مممم يبقي حور سمعتك كلمتين .
داليا وهي تجز علي اسنانها / انا هعرفها والله لعلمها الادب واعرفها مين هي داليا .
الاء بضحك / هموت بجد يا داليا ، يعني حور سمعتك كلمتين يعملوا فيكي كدة !! احية بجد مش قادرة للدرجة دي معرفتيش تردي علي كلامها !! .
داليا بغضب / ايوة اية اللي مضحكك اوي كدة يا الاء !! انتي معاها ولا معانا .
ملك / خلاص بقي يجماعة في اي مش حتة بت زي دي اللي هتعمل بينا مشاكل ويالا نشوفلنا مكان ورا نقعد فيه عشان الاقعدة فـِ نص القاعة دِ مش بتاكل همها يالا .
*نظروا الثلاثة لبعضهم ثم إلي حور ورجعوا الي اخر القاعة .*
" " " " " " .
*فـِ الخارج كان مروان يشرب السيجارة بغضب كبير من نفسة*
مروان في داخله / انت غيران عليها لية ها ! احنا مش قولنا نتزفت ونطلع البت دي من دماغناا في ايي يمروان بقي انت هتخيب !!
*قاطعه صوت 'يوسف'*
يوسف/ مستر مروان المجموعة كلها جت والحصة المفروض تبدأ .
مروان/ تمام انا جاي .
*دخل مروان ويوسف مرة اخري الي السنتر وبدأ مروان حصته وكان يحاول عدم التفكير في حور ..*
*" " " " " " " " " " "*
*كان عمر أيضا بدأ المحاضرة وقرر ان تنتهي ويذهب سريعاً الي حور .*
*" " " " " " " " " " "*
```بعد مرور 4 ساعات كانت حور قد انتهت من دروسها كلها وايضاً كان قد انتهي مروان من عمله ```
```خرجت حور من السنتر ووجدت عمر في الخارج ينتظرها وفي نفس الوقت خرج مروان من السنتر ونظر لها ونظر لعمر وهو يحاول ان يتذكرهه . ```
مروان/ مش دة ابن خالتها اللي كان معاها ف الكافيه ؟!.
_كانت حور ع الناحية الاخري تسلم علي ابن خالتها " عمر " ثم ذهبوا سريعا لبيت عُمر لتقابل حور "رباب " خالتها وتتفق ماذا ستقول لوالدتها ._
مروان بإستغراب/ من امتي وهو بيجي ياخدها اصلا !! غريبة وبعدين اكيد في بينهم حاجة دي مش علاقة واحدة وابن خالتها بس !! .. اياً كانت العلاقة انا مليش دعوة .
*ركب سيارته واتجهه الي بيته وهو يحاول ان لا يفكر في ذلك الأمر .. ولكن قبل ان يركب سيارته جائة اتصال من ' علاء ' الذي كان في تركيا منذ سنتين ولم يقابل صديقة .*
مروان/ اي يعم كل دة متسألش ، الغربة نستك صحبك والله ايي يواطي .
علاء بضحك / هو انا اقدر انساك برضة !! المهم انا لسة نازل من الطيارة وعاوزة اشوفك .
مروان/ انت بتهزر يا علاء !! جيت امتي يا بني و ازاي متقوليش قبلها ؟.
علاء / حبيت اعملها مفاجأة وبعدين انت مظهرش عندك ان المكالمة من مصر !.
مروان / مركزتش يبني والله معلش ، المهم تعالي ع البيت عندي ونقعد فيه براحتنا .
علاء / تمام ماشي ، هاخد عربية واجيلك ، نفس العنوان صح ؟.
مروان / اه هو هو ، متتاخرش .
علاء / لا متقلقش مسافة السكة .
*اغلق مروان معه الخط وركب سيارته واتجه الي بيته سريعاً ، لأنه كان يشتاق لرؤية صديقة .*
*كان في ذلك يقفون كلا من ' الاء و ملك و داليا ' .*
ملك بإستغراب / غريبة !! مين اللي مشت معاه حور دة .
الاء بإستغراب / مش عارفة اول مرة تروح مع حد يعني .
داليا بضيق/ دة ابن خالتها .
الاء / و انتي عرفتي منين .
داليا / لما كان رقمها عندي كانت منزلاله مرة استوري عشان عيد ميلاده .. وعشان كدة عارفاهه .
ملك / بس انتوا مخدتوش بالكو من حاجة تانية .
داليا و الاء / ايية ؟.
ملك / مشفتوش مستر مروان كان مركز معاها ازاي وهي ماشية مع عمر دة .
داليا بسخرية / يبنتي بطلي هبل بقي ، مدرس اية دة اللي يعجب بطالبة عندو !!.
الاء / علي فكرة يا داليا كلام ملك مش هبل ! انتي بجد مش شايفة نظراته عاملة ازاي ! جربي تبصي للموضوع زيناا وفكري فيها ، وبعدين مش بتلاحظي انه بيركز معاها اويي ف الحصة وغير كدة لما يبقي قاعد مع يوسف السكرتير وهي واقفة ؟ انتي مش بتاخدي بالك من كل دة .
داليا / بس دة خاطب ؟.
ملك / واية يعني خاطب عمرها ما حصلت قبل كدة مثلا ؟!.
داليا بتفكير وخبث/ دة لو طلع كلامكو صح !! دة احنا هنتسلي تسلية !! انا عندي فكرة حلوة يا هتأكد كلامكوا دة يا هتنفيه .
الاء / فكرة اية ؟.
داليا بخبث/ اسمعوا بقي ..
*شرحت لهم داليا علي ما يدور بعقلها وقرروا تنفيذ الفكرة في اليوم التالي ..*
```""""""""""```
*وصل عمر و حور علي بيت خالة حور " رباب " ووالدة عمر .*
حور بتوتر / تفتكر مامتك هتحل الموضوع .
عمر بإبتسامة ليعطيها الامان/ متقلقيش يا حور ، انا متأكد ان كل حاجة هتمشي كويس .
حور / ان شاء الله.
*فتحت لهم رباب الباب واستقبلت حور بأحسن استقبال .*
رباب / اقعدي يبنتي ، مش عارفة اقولك اية يا حور بجد مكنتش متوقعة ان باباكي يعمل كل د ...
قاطعها عمر / احم .. ماما احنا مش جايين نقول ياريت اللي جرا ما كان ، احنا جايين عشان نعرف هنتصرف مع خالتو هدي ازاي .
رباب / بصي يحور يبنتي ! عشان مامتك توافق مفيش غير حل واحد .
حور بإستغراب/ اية هو ؟!!..
رباب/.....!
حور بصدمة /........!.
