رواية رهينة لضباط الفصل الثاني عشر بقلم مرج البحر
نبچي ماندري عليمن
نضحك وماندري ليش
ومادرينه انبعنة يمته
ومادرينة انبعنه بيش
........
فريت راسي عليه واني كوه لازمه نفسي عنه ع هالاسماء الي احسهن اخترقن نص كلبي وهو يكوله ..
سند... هيي ولج بنت الحرامي والنصاب وناهب وشحجي شكول ابوج ما خله سالفه عوجه ما مشه بيها بس يبقه خوش ادمي مو
نور.... خلصت الطابق الفوك وراح ابدي هسه انضف الباقي محتاج شي قبل لا اروح
تمالكت اعصابي ع وهله جنت مستعده ارد عليه رد يخلي يغلي من العصبيه بس اكتفيت اتفاده الموضوع احسن الي بالكت يمر اليوم ع خير ...
باوعتله بنضرات كرهه ع حقد ع غضب اريد افترسه وشرب من دمه بس جاي اصبر نفسي حتى اشوف تاليتها وياه ...
حك نهاية شعر بصبعه السبابه وعيونه عليه اجيت امشي شفت ما منه استجابه واني هم وراي شغل كومه توني فتريت ...
سند.... سويلي جاي وبيض وبصل ولا تكثرين ملح وخلي فلفل حار وجيبي الي هنا وعندج خمسس دقايق
مجاوبته ودخلت لمطبخ خليت الادوات بصف الباب من جهه ورحت طلعت الطاوه وغسلتها وخليتها ع نار ع ما تحمه خليت ماي وهيل وخليت ورق الجاي عليهن وعفته يفور ...
طلعت بيض وبصل وجريت نفس وسويتله الي يريده وكملت فار الجاي صبيتله والحمد الله الصمون حار وديتهن اله جان كاعد بالصاله ... خليته اله ع الكاع وجيت اطلع صاح عليه ...
سند.... بنت النصاب تعاي شيلي ودي الي بالحديقه
ما حجيت شي اخذت الصينيه وطلعتها لحديقه هو وراي وعيونه بتلفونه ... خليتها ع ميز الحديقه ...
سند... ما عجبني والجو بارد مو زين عليه رجعيلي الصينيه للصاله
اللهم طولج ياروح شلتها ودخلتها لصاله وخليتها وطلعت قبل ما يحجي ما اكدر اتحمل كلمه منه بعد راح انفجررر ...
بالشت بالغرف الجوه وعمتي غرفتها مقفوله تركتها وكملت الغرف وبلشت بالاستقبال لان حضرت جناب سند كاعد بصاله ... كملت الاستقبال وفتحت باب الديوانيه شفتها متخربصه ...
عدلتها ونضفتها وشكلت المبخر بيها وطلعت رحت ع الحمامات خليت منضفات وديتول وعقمت ونضفتهن تنضيف قوي طلعت قهرري وضغوطات اهل هالبيت كلهن بالحمامات ...
طلعت منهن احس ظهري شكل تعبت تعب ما صاير واني لا اكل ولا شرب ... باوعت ع الصاله بس هيه بقت عندي وراها الحديقه ...
مديت شويه من راسي حتى اشوفه وين راح مخليه بس عيوني وكصتي وباوع ...
سند.... اشوو محد يمكن كام
نور.... اي مهو كايم وخيرا فحطني
استعووبت الحجي ورفعت راسي شفته ماد راسه وياي ويباوع جفلني خليت ايدي ع كلبي والمصيبه جاي اخذ ونطي ويه بالحجي وحجيت عليه...
سند..... انه مفحطج ليش شمسوي بيج راكض وراج لو حاطج ودك عليج حتى فحطانه من عندي
نور..... شوف هذا شسمه مروه عمتي يردوك اي اني سمعت مروه تريدك
عبررت بسرعه من يمه ورحت ركضض للمطبخ خليت ايديه ع صدري وجريت نفس ... صخام الصخمني شسويت هيه جانت عايزه وتلتم هسه يشد وياي ازيد ...
بقيت واكفه اندب حضي كل شويه جامعني بسند اووف وين انطي وجهي هسه ... مليت واني واكفه داخل المطبخ كمت اباوع من الباب ورجع راسي ..
شفته جايب الصينيه ويمشي بتجاه المطبخ ختلت ورا الباب هو دخل باوع من الباب الخارجي يمكن يدور عليه طلعت من ورا الباب ع كيف حتى لا يشوفني وكفني صوووته ...
سند.... وينننننن مولييييه
درت عليه وما حجيت شي باوعت ع الصابعي سويت نفسي فقيره وافقر مني ما اكو ...
سند.... كملي فحطتج وغسلي المواعين وع شغلج ولا تنسين الغده ينتضرج
نور.... تمام راح اسوي غده ونضف وغسل المواعين
سند.... اي وديري بالج لا تفحطين زيادة
كال هل كلمتين وراح هزيت ايدي وتالي ويه هالرجال شنو الي يريده بالضبط مرات احسه عنده انفصام بالشخصيه ومرات كامل والكامل الله ومرات مختل ويحتاج دكتور نفسي ...
حتاريت ويه تحليل شخصيته من معقده الئ زياده بالتعقيد ما فد يوم عرفت شنو ممكن يسوي ...
اخذت المواعين وغسلتهن وع السريع طلعت سمج جامد خليته داخل الماي الحار الحد ما تتفتح سمجه عن سمجه ...
رحت ع ادوات التنضيف اخذتهن ورحت لصاله خليتهن بيها وبديت اشتغل وروح منا واجي منا خلصتها ....
رجعت لمطبخ شفت السمج بعد اكو كم وحده ما مفتوحات عفتهن ورحت للحديقه ذبيت ماي للوردات وزكيت شجرة الليمون ولملمت الحديقه ع السريع ...
مروه وعمتي ما الهن حس ما ادري وين يرحن ويجن رجعت ع المطبخ تبلت السمجات جبت تمن ونكعته .. طلعت الي احتاجه وقررت اسوي مقلوبه سمج ...
حضرت كلشي وخليت التمن ع النار وكعدت اسوي السلطه ... دخلت عمتي ومروه بيدهن اغراض دلالتن ع انهن جانن بسوك ...
مروه..... وين سندددد
نور..... الواحد من يدخل يكول السلام عليكم شي من هذا القبيل مو يسئل ع الي ما يتسمه
مروه..... هييي شنوووو الي ما يتسممه طايحة الحظ عمهههه سمعتيهااا شنووو تكووول اله اخلي سند يطيح حضجج الما مترباايه
ام سند..... صدك تربيتج تربية شوارع اكو وحده تكول ع رجلها الي ما يتسمه بس هو مو صوجج صوج ذاك الحيوان الي منطيج مجال
اخذني حاصل فاصل ومروه لكتها من الله راحت تتصل ع سند ... لطمت ع خدي هسه وكتها اجفص كدامهن واذا اجه سند ما يرحمني ...
كمت الهي نفسي بالغده حتى لا افكر شنو ممكن سند يسوي بيه ... نزلت مروه مكشره والضحكه من الاذان للاذن ... اجت كبل صووب المطبخ ...
مروه.... ابشرج اعدامج كرب وطلعتج من هذا البيت صارت اسهل من ما جنه متوقعينها
مجاوبتها بس ما اعرف ليش ما خفت وكيفت اطلع من هذا البيت ورتاح من عدهم واولهم من سند البووخه ...
خلصت الغده وهدرت التمن وكعدت ع الطاوله وعيوني ع الساعه بعد نص ساعه وسند يرجع من دوامه وخاف بعده متحلف بيه لو يجي عصبي ...
طفيت التمن وقررت اصعد الغرفتي وقفل الباب وستر ع روحي وحافظ ع نفسي من عصبيته ..
مرت النص ساعه داخل الغرفه قلق وتوتر وخوف ومشاعر متلخبطه .. ع لحضه فكرت اشرد وخلص منه بس بسرعه تراجعت اذا اسوي نفس غلطة اخته يمكن جزاتي تكون المووت ...
اندك الباب فززيت وكفت بسرعه وحتلني الخوف من سمعته يحجي بهدوء رخت اعصابي ردت افتح الباب بس من الممكن ان يكون هذا الهدوء الي يسبق العاصفه ...
نور..... شوف سند والله سويت كلشي ردته وما خالفت اي شي ولا عاندت بس انته دست بطني قبل لا تروح ولعبت بيه فلقه واني بدون قصد كلت الي ما يتسمه من ضوجتي منك
حجيت بسرعه ما نطيته مجال يحجي حتى خاف ما احصل فرصه احجي الي عندي ع الاقل وفرت ع نفسي فرصه هو ما ينطيني ياها ...
سند..... افتحي الباب وخلينه نحجي وجه لوجه احسن وانه هسه مو عصبي وما راح اسويلج شي
نور..... احلف ما تسوويلي شي
سند..... وداعت عيوونج ما سوي شي
نور..... ادري عيوني ما يسون شي عندك حتى لو انعمي ما يفرق عندك بس اخلف وداعت امك متلمس شعره مني
سند..... عمي وداعت ابوي وامي ما الزم منج شعره
خليت ايدي ع المفتاح واني متردده وبداخلي قلق من بروده وحجيه الطبيعي ... فتحت الباب ورجعت ليوره هو دخل ومروه ورا دخلت وسدت الباب ...
نور.... سند انته حلفت بداعت امك وابوك متسويلي شي وما راح تخلف بالوعد صح
رفع ايديه وهو مخلي جكارره بحلكه ومروه مجتفه ايديها ع صدرها ...
سند.... انه حلفت وداعت امي وابوي ما المس شعره منج بس لو مروه لزمتج ما راح يكون كسرت حلفني صح شووفي اذا انتي ذكيه انه اذكه منج بمرتين
نور..... لا سند ما جنه متفقين ع هيج لا
سند.... ما راح انتضر اتفااقججج يلا مرووه مثل ما فهمتج اريد اسمعع صووت اصرريخه وشهكااتها ودموعها تجررري
اجيت اركض للباااب بسس هو تقدم قبلي وقفله وكعد ع الجربايه ويضحك وجكارته بيده ... ومروه ما تقل عنه بنضراتهم الحقد وشمئزاز وحقاره ...
صررت اتضاارب اني وياها هيه كل ما تفكرر تضرربني اني اتفاده ضربتها وضربها صررنه ثنيناتنه نتعارك ومروه بسس تصيح واني طلعت قهري بيها وهيه هم مو قليله ضرباتها توجع ...
عرركه مستمره وتحت انضار سند الي جان يياوع علينه هو يبتسم ويحس بالمتعه هو يشوفنه نتكاتل ... هيه شااالت ايديها عنيي وصاااحت ...
مروه..... كااافي عوووفيني استسللللم اذييتيني حيل شنووو انتي رجال وهيج تضربين
نور.... لا مو رجال اخت رجال والي يندك بيه ما جابته امه وبدامج جربتي ف خافي ع نفسج هواي احسن من ما تتاذين
درت راسي اريد اشمت بسند ما حسييت غيررر لززمت شعرري وضرربت راااسي بحاايط غدررتني غدررر حسيت ع شي نزل ع كصتي وروحي ذابت ..
ما صرت اسمع شي غير دخت وصررت بين احضان سند ....
..........
دخلت للمعهد التعليمي وصلت وتفاجئة من شفت الناس هواي جايه وكلهن نساء وشي كبار وشي متوسطات وشي شابات ... حيل انصدمت بهالكميه من الناس جنت متخيله لو عشر نفرات لو عشرين ...
ابد مفكرتهم هيج ... لكيت كرسي فارغ كعدت عليه جان ع جهتي اليمنه بنيه شابه ويمها بنيه اكبر منها ويسولفن سوه ...
وع جهتي اليسره مره جبيره بالعمر اجت ابنيه شابه هيه الي تعلم القرايه وكتابه ...
وبده مشوارنه الدراسيه اخذنه كم حرف لبدايه اليوم وحبيت فقرة قراءة القرآن الكريم شلون يعلمونه نقره بتجويد والحركات ...
جنت كلش مستمتعد بفقرة القران .. خلص الدرس لليوم ساعه باليوم ندرس بيها ما ياخذون اكثر ... طلعت لكيت مجتبى منتجي ع السيارة وينتضرني رحته صعدنه ومشيه ...
مجتبى.... ها بشرري شلون الوضع عجبج لو لا
فاطمه.... كلش حلوو الشعور اريد اقرر بسرعه
مجتبى.... ههههه حماسج رجع مثل اول واحسن وان شاء الله تتعلمين تقرين وتكتبين وتوصلين مرحله انتي تتمنينها
فاطمه.... امين يارب العالمين
هو سكت واني هم سكتت وصلنه للبيت تلكتني امي تسائلني عن اليوم واني منطلقه اسولف شنو صار والفرحه غامرتني حميده فرحتلي مثل فرحت الاخت لختها وحسيت الله عوضني بيها عن نور ... الي اتمنى هيه وياي بهاي اللحضه وندخل سوه ونشرح شعورنه ...
بعد سوالف واني اوصف حاليتي الهم عفتهم وصعدت فوك شمررت روحي ع الجربايه وضحكت الف الحمد لله والشكر ع عطاءك يا ربي ...
نمت ع شعور الفرحه وكعدت ع شعور الفرحه نزلت جوه كعدت يمهم واني اوزع بتسامات وامي وحميده يضحكن عليه ...
رجعت امي تحجي بموضوع بت خالي وحالفه تخطبها لمحمد تريده يستقر ... هو خطيه مبتليه ما يكدر يرفضلها طلب ومكضيها يأجل بالموضوع ...
متامل من امي تنسه وتشيل موضوع الزواج هاي الفتره بس امي اذا رادت شي ويخص ولدها تسوي ...
كاعدين ع الغده مثل المعتاد كلنه ملتمين ما عده مجتبى عنده محاضرات وما يجي يبقه ورانه يتغده
انفتح موضوع زواج محمد من بت خالي الي فتحه امي وهيه تحجي ويه محمد ...
ام فاطمه.... يمه لو توافق ع البنيه تراها ام بيت ومعدله ومنها انه افرح بيك وشوف فريخاتك
محمد..... يمه ع بختج هذا الموضوع مو حجينه بي وكتلي راح تسدينه بعد هسه ليش رجعتي فتحتي خلي اخلص هالسنه والله كريم
ام فاطمه.... ما كايلين شي عقد ع البنيه وبعدها ورا ما تتخرج تتزوجون
محمد.... هااي هيه يمه صاايرين التردينه يجرالج روح البيت خالي وشطلبون احنه حاضرين
كام ومشه مسافه واني وحميده بس نباوع ما تدخلنه رجع هو باوع ع امي وكال ...
محمد.... بس من هسه اكلج يام محمد زواج ما تزوج من بدره تخطبيلي سدن اقبل ما عندي مشكله اعقد وتزوجها قبل التخرج بس اذا بعدهي بالج بدره فلا تتعبين بابهم ما اوصله
خله وصعد الغرفته امي هزت ايدها وباوعتنه اني ضحكت بوجهه ...
ام فاطمه.... شبيج انتي الثانيه تتضحوكين
فاطمه.... يمه صعدك يعني هاي هيه نويتي ع محمد تزوجينه ولا من كرايبنه وين الي جانت تكول جنتي اله غريبه لو لان ابوي جان قصده بكرايبنه ع بنات عمي
ام فاطمه.... لا تجيبين طاري ابوج ع السانج لا يطلع بوجوهنه يعابي الله ع السوه ولا يراوي يوم زين بحياته
حميده..... اي والله ويطلعه مرض ما منه علاج لا دنيا ولا اخر وياخذ حقي حق هاي الطفله منه
فاطمه..... هسه كافي نسوانه ثنينهن كارهاته
حميده وام فاطمه.... طليقاااته
سكرت من الضحك من حجن سوه وامي ضحكت وحميده هم واني اضحك ع اشكالهن من كلت زواجته ...
خلصنه غده وكفيت السفره وغسلت المواعين ورحت الغرفتي ... مرات اليام تجر نفسها ما كو شي جديد غير اروح للمعهد التعليمي ورجع والي ياخذني مجتبى خطيه صديقه بعده ما لزم ويانه خط ...
صارت عنده حالة وفاة ام امي فتريد بدره جنه الها ومحمد اخوي معاند ع سدن وشانه الحرب بيناتهم ..
امي تريد بدره تكول جبيره ومن عمره يتفاهمون ويوالمها وتوالمه ... بس محمد يشوف الزغيرة انسبله وما اعرف بشنو يفكر ...
مجتبى تدخل بالموضوع واسطت خير يقنع امي الزغيره اريح لمحمد بس امي كلتله وانه كلت الجبيره مجتبى بعد الحجي الحجه شاف امي مصره ع رايها شال ايده من السالفه ...
وبقه محمد وامي هما يتصافون وحدهم ... الحلو بحياتي تعلمت شلون اكتب اسمي واسم نور واسم مجتبى ومحمد ... حميده الها فضل جبير بحياتي من ارجع من المعهد تساعدني وسهلت عليه التعلم اسرع ..
تعلمت كم كلمه ع الاصابع ولا زلت مستمره ع تعلم الحروف حتى اضبطها ...
جان يوم خميس وامي كل خميس تسوي ختمه قرانيه لامها وابوها ....
امي جانت طالبه بس ما كملت جان عمرها ب 12 سنه وتوفو ابوها وامها وخوها زوجها لابوي وابوي جان اكبر منها ب 10 سنوات عمرها بعد بال13 وهيه حامل شافت من طفولته ومراهقتها ...
ويمكن بسبب هالشي امي رافضه فكرت زواج محمد من سدن لان سدن عمرها 17 سنه وبدره 20
بدام اليوم خميس معناها امي ما تطلع لحد ما تخلص الختمه اني رحت كلتلها راح اروح للحديقه الورانيه اتمشه لان ماكو اليوم درس بالمعهد .. تمشيت .. للحديقه ورحت بعدني مسافه جاي امشي وسمعت صوت حجي ...
ضميت روحي ورا خلفية الحايط حتى ما ابين ومديت راسي واني اشووف مجتبى عصبيي وحميدده كااعده يمه تبجي ...
اجيت امشي وعوفهم بس بوقتها انتابني الخوف ع حميده ليش جاي تبجي ومجتبى شنو مسويلها وليش هو عصبي بقيت اتسمع عليهم ...
سمعته كال واني شهكت وخليت ايديه ع حلكي صخاااام الصخمناااا ...
شكرا لزيارتكم عالم روايات سكيرهوم
