رواية من القاتل الفصل الثاني عشر
شاهيناز بتوتر / كنت بقوله علي موضوع الجواز .
شادي بغضب / ايي .. جواز مين .
شاهيناز / جوازي انا و مراد يا شادي.
هايدي بصدمة/ ايه اللي انتي بتقوليه ده يا شاهيناز .. دي مكنتش خطتنا .
شادي بغضب / لا وانتي الصادقة الهانم حبت مراد ومش قادرة علي بعدوا خليها بقي تتهني بيه .
شاهيناز / ممكن تسمعني بس يا شادي.
شادي بغضب / انا مش عاوز اسمع حاجة منك .. انا مكنتش غلطان لما قولت انك بتحبيه قعدتي تقوليلي لا ومش لا .. ده انا بعمل كده عشان يثق فيا ومفيش واحدة تيجي مكاني ... وشوفي دلوقتي انتي بتقولي اي .
عمر / اهدي بس يا شادي شوية الناس بتبص علينا .
شادي بغضب وتوعد/ انا ماشي بس وحيات امي ما هعدي اللي بيحصل ده علي خير .
*نظر شادي لها بغضب كبير و توعد وذهب من النادي دون أن يحكي شئ'*
_علي ما ينوي شادي يا تري؟!._
عمر / ممكن اعرف ايه اللي انتي عملتيه ده يا شاهيناز !!! انتي من أمتي عاوزة تتجوزي مراد ؟.. ومش احنا خطتنا كانت الفلوس بس ايه اللي جاب الفكرة دي في دماغك ممكن نفهم .
شاهيناز بخبث / انا اكتشفت أن انا فعلا بحب مراد وشايفاه جوزي لكن شادي عمري ما شوفتوا جوزي ولا عمري حسيت أنه ممكن يبقي كده بس انا اتاكدت أن أنا فعلا بحب مراد وبعدين مين قالك أن أنا مش هاخد الفلوس !! بالعكس انا لما اكون مرات مراد الدمنهوري الفرصة هتكون اكبر ووقتها هكون حرم مراد الدمنهوري وكل الناس هتحترمني و كمان مفيش اي واحدة هتقدر تقرب من مراد .. وبالنسبة لـ شادي انا كنت ناوية افهموا بس هو اللي اتسرع و مشي وانا بقي عاوزه اشوف اخروا فين .
هايدي / ايوا يا شاهيناز بس شادي شكلوا مش ناوي علي خير وبعدين لو مراد عرف أن انتي ناوية تنصبي عليه ووقتها انتي كنتي مراته هيبقي الموضوع اصعب ده وقتها ممكن تروحي ورا الشمس.
عمر / هايدي عنها حق يا شاهيناز انتي كده هتبقي في خطر اكبر.
شاهيناز / انا بحب مراد واعرف بطريقتي اخليه ازاي يثق فيا فـ متقلقوش.
هايدي / لا يا شاهيناز اللي انتي فيه ده معناه مش حب خالص ده معناه حاجه تانية بس انا مش هقولهالك و مصير الايام تعرفهالك .. انتي لحد هنا وكفاية .. احنا كده بنتجر معاكي في سكة هتودينا كلنا في داهية .. انا ماشية ولما تعوذيني في حاجه مفيهاش ضرر ليا وقتها بس هبقي معاكي .
عمر / انا مع كلام هايدي .. عن اذنك يا شاهيناز .
*_ذهبوا الاثنان من أمامها |_*
شاهيناز في داخلها/ اعملوا و قولوا اللي انتوا عاوزينوا .. انا هتجوز مراد يعني هتجوزوا حتي لو موافقش دلوقتي هيوافق بعدين وانا هخليه يوافق وعلي رأي المثل .. الزن ع الودان أمر من السحر وانتي يا بسمة انسي انك تكوني لـ مراد .. عشان وقت ما ابقي مراتوا هخليه يطلعك بـ نفسوا من الشركة وبكرة تشوفي .. ده غير أن أنا هكون مرات مراد الدمنهوري من اكبر رجل اعمال في مصر و الوطن العربي وانا هيكون ليا اسم و مركز مهم .. انا بقي لازم اسعي من دلوقتي لـ تحقيق حلمي .
*ظلت شاهيناز تحلم وتفكر في حياتها بعد الزواج وتفكر في كل اطماعها .*
*هل ستتزوج شاهيناز مراد ؟! ام للقدر رأي آخر !؟.*
__________________________________________
_في شركة الدمنهوري وبالتحديد في مكتب بسمة .. كانت بسمة انهت الأعمال التي طلبها منها مراد وبعدها توجهت الي مكتب مراد وطرقت الباب ودخلت مباشراً لان ذلك قواعد السكرتارية ._
بسمة بـ جدية / اتفضل يـ مراد بيه دي اخر الملفات اللي حضرتك طلبتها مني .
مراد بضيق ولكن ليس من بسمة بل من حديث شاهيناز/ هاتيهم يا بسمة .
بسمة باستغراب ولكن لم تبالي / اتفضل .
مراد بضيق/ اديني مضيتهم في حاجة تانية ؟!.
بسمة باستغراب/ في اي يا مراد بيه!.. شكلك مضايق .
مراد / هو انا باين عليا اوي كده ؟! .
بسمة / ايوا باين جداا .. هو في حاجة في الشغل ولا ايي ؟!.
مراد / لالا موضوع كده و مخنوق عشانوا شوية .
بسمة / طب احكيلي لو معندكش مانع يمكن اساعدك يعني انا السكرتيرة بتاعتك وبساعدك في الشغل ويمكن اقدر اساعدك.
مراد / اكيد طبعا يـ بسمة .. اقعدي وانا احكيلك .
جلست بسمة علي الكرسي المقابل للمكتب / اتفضل احكي .
مراد / انتي طبعا عارفة شاهيناز .
بسمة ببعض الضيق / اه عارفاها مالها ! .
مراد / انا و هي بقالنا سنتين مع بعض ولما طلبت منها الجواز من حوالي سنة رفضت لان كان شغلها اهم ومكانتش مستعدة للجواز وانهاردة جت تطلب مني أن احنا نتجوز بس انا مش عارف لي مش مرتاح .. انا مش بنفس الحماس اللي كنت فيه لما طلبت أيدها اول مرة بقيت بحس أن أنا كل يوم بكتشف فيها عيب ومش عارف اعمل اي و مخنوق ومش عارف هبقي مرتاح لما اتجوز شاهيناز ولا لا .
بسمة / بص يا مراد الموضوع مش معقد ولا يخنق ولا صعب انك تاخد فيه قرار .. الموضوع ده هيتحل لو انت اخدت القرار اللي يريحك مش يريح شاهيناز .
مراد / معاكي حق بس انا مش عارف إذا كنت بحبها لسه ولا لا ؟! .. بس ساعات كتير بحسها عاوزاني كـ منظر مش كـ راجل في حياتها يعني زي ما اكون زي اي حد ف حياتها و ف الفترة الأخيرة التعامل مع بعض قل وبقي في خناق كتير وبجد هي بطريقتها دي خلت حبي ليها يقل .. وهي جت دلوقتي تطلب الجواز حاسس ان في حاجه غلط .
بسمة بحيرة / مش عارفة بس لو ده احساسك يبقي هقولك تاني اعمل اللي يريحك مش اللي يريحها .. ولو شايف أن جوازك منها غلط و مش هيريحك يبقي متتجوزهاش بس لو انت شايف انها ينفع تكون مراتك و مسئولة عنك وتشيل اسمك يبقي اتجوزها .
*طبعا بسمة بتقول كل الكلام ده وهي مكسورة بس مش بتبين قداموا حاجه '*
مراد / عندك حق كلامك صح.. بس انا في احساس جوايا .
بسمة / احساس ايي ؟!.
مراد بابتسامة / في بنت تانية انا حاسس ان انا معجب بيها ويمكن لقيت فيها حاجات كتير مش في شاهيناز .
بسمة بحزن اكبر في داخلها/ كمان في بنت تانية خلاص يا بسمة لازم تشيلي مراد من دماغك .
مراد / بسمة .. انتي سرحانة فـ اي ؟!.
بسمة / لا والله حاجه بص يا مراد بيه لو انت شايف أن البنت التانية دي احسن من شاهيناز يبقي تتأكد مش مشاعرك نحيتها و روح اعترفلها .. واكيد هتكون مبسوط وقتها و اكيد هي لو بتحبك هتبين ده ولا مش بتحبك هتعرف برضه بس وقتها هتكون انت عملت اللي عليك و ريحت نفسك من المشكلة دي .
مراد بابتسامه/ انتي عندك حق انا لازم اتاكد الاول مش مشاعري تجاه البنت ديي وبعدها اقولها .. وهبقي افكر كويس في موضوع شاهيناز ووقتها هاخد القرار اللي يرحني .
بسمة بتمثيل الابتسامه لكنها من داخلها حزينة / بظبط كده .. ياريت تكون ارتحت شوية لما اتكلمت .. عن اذنك انا بقي عشان ورايا شغل .
مراد / شكرا يا بسمة كلامك فرق معايا جدا .. روحي يالا عشان معطلكيش .
بسمة بمحاولة الابتسامة/ العفو .. عن اذنك .
*خرجت بسمة من مكتب مراد واتجهت الي المرحاض وهي تحاول أن تحبس دموعها ولكن عندما دخلت الي المرحاض انفجرت في البكاء .*
بسمة ببكاء وهي تحدث نفسها / لي بيحصل معايا كده .. انا كنت فاكرة أنه مش بيحب شاهيناز وطلع كلامي صح بس طلع في واحده تانية هو معجب بيها هو لي مش حاسس بيا ولا شايفني ؟!.. انا اللي غلطت لما حبيته من الاول وعلقت نفسي بيه .. انا لازم أتجنب الكلام معاه خالص .. بس ازاي!! ده المدير بتاعي يعني اكيد هيكون في بينا كلام .. يبقي اتعامل معاه كـ مدير و بس وانا اصلا اللي غلطانه اني سألتوا مالك .. انا مالي اصلا .. انا كل مرة اللي بجيب لـ نفسي الاذية و وجع القلب .
*غسلت بسمة وجها و بعدها خرجت من المرحاض واتجهت الي مكتبها بسرعه دون أن يلاحظ أحد و اخدت حقيبتها واتجهت الي المرحاض مرة اخلي لتضع بعض اللمسات علي وجها من المكياج ولكنه كان خفيف جداا ويكاد لا يظهر ولكنها وضعته حتي لا يشك أحد أنها كانت تبكي `*
*بعد أن انتهت رجعت الي مكتبها وتابعت شغلها في صمت وهي في داخلها تدعي ربها أن يريح قلبها ويخفف عنها `*
" " " " " " " " " " " " " " "
*في مكتب مراد `*
مراد وهو يحدث نفسه / معقول بسمة مفهمتش أن هي البنت التانية اللي انا معجب بيها ؟!.. بس شكلها مفهمتش قصدي .. كانت طول الكلام مش مهتمه مين هي بالعكس كانت بتنصحني وكأنها عارفة أن البنت دي مش هي ؟! .. طب اعمل ايي ..معقول تكون بسمة مش معجبة بيا زي ما انا معجب بيها ؟!.. طب وانا هعرف اجابة السؤال ده ازاي ؟!! انا لازم اقرب منها اكتر و اصالحها الاول علي اللي حصل مني امبارح وكمان لازم اتاكد من مشاعري نحيتها ولازم كمان اخلص من موضوع شاهيناز دهه لاني بجد اتخنقت منها .
*ظل يفكر كيف يتأكد من مشاعره وكيف يعترف لـ بسمة بها وكيف ينهي علاقته بـ شاهيناز'*
" " " " " " " " " " " " " " " "
_فـي مـكـتـب عـمار `_
```كان عمار يجلس وينهي بعد الأعمال بنائاً علي أوامر عمه (حازم الدمنهوري) وبعد أن انتهي من تلك الأعمال دخل له أحد الموظفين في الشركة'```
الموظف ( سامح) / اؤمر يـ عمار بيه ؟!.
عمار / حبيبة سكرتيرة مراد بيه موجودة .
الموظف ( سامح ) باستغراب / حبيبة !! حبيبة مشت يا فندم من يومين وسافرت برة مصر وفي بنت تانية جت مكانها .
عمار باستغراب/ مين البنت دي ؟!.
سامح / تقريبا اسمها بسمة الغندوري .
عمار بصدمة / بسمة الدمنهوري .
سامح / اه يا فندم .
عمار / طب روح انت دلوقتي .
_ذهب سامح الي عمله وترك عمار ._
```عمار وهو يحدث نفسه /يعني بسمة دلوقتي بتشتغل في الشركة ؟!. طب ده حلو جدا ليا وممكن استفيد منها في الخطة بتاعتي ؟!```
*فكر عمار كيف يدخل لـ بسمة المكتب و يتحدث معها ويفكر كيف يستفيد منها .*
_____________________________________________________♪
*قام عمر بـ توصيل هايدي علي البيت وبعدها وقفوا قليلا لكي يتحدثون '*
هايدي / اللي شاهيناز ناوية عليه ده هيوديها في داهية هي فاكرة أنها بتحبوا بس اللي هي فيه ده مش حب يا عمر .. ده اسموا طمع والطمع اخرتوا وحشة جداا .
عمر / عندك حق احنا لو كملنا معاها هنروح فـ داهية وهي لازم تفهم أن مراد مش سهل و لو عرف أن شاهيناز ناوية تنصب عليه هيوريها سواد .
هايدي / احنا لازم نبعد فترة أو نشوف حل و نقنعها أنها تشيل فكرة الجواز دي من دماغها .
عمر / استني كدهه .. هي قالت إن هي طلبت الجواز من مراد ازاي مسألنهاش عن رد فعل مراد ؟!.
هايدي / ايوا صح عندك حق ما يمكن مراد رفض أو يمكن يكون وافق .
عمر/ يبقي احنا لازم نعرف الاول إذا كان مراد وافق ولا لا و كمان انا خايف من اللي شادي هيعملوا .
هايدي / ربنا يستر .
*" " " " " " " " " " " " " " " " "*
_فـي بـيـت شـادي `_
*كان يمشي في غرفته ذهاباً و إياباً وكان يكسر في كل شيئ أمامه .*
شادي بغضب / ماشي يا شاهيناز .. انا هعرفك مين انا .. والله العظيم لاوريكي انا هعمل انا هخليكي تندمي علي اليوم اللي سبتيني فيه و روحتي لـ مراد الدمنهوري .. انا هوريكي يـ شاهيناز '
*جهز شادي خطة ذكية لينتقم من شاهيناز فـ ما هي '.*
" " " " " " " " " " " " " " "
_في بيت شاهيناز'._
```كانت تجلس مع امها في غرفة المعيشة وكانت تفكر في ما حدث معها في ذلك اليوم عند مراد في الشركة ومع شادي في النادي ولا تعرف ماذا تفعل و خصوصا بعد أن مراد رفض الجواز منها في ذلك الوقت ومن شادي الذي كان غاضب جدا منها '```
احلام بإستغراب / في أي يـ شاهيناز سرحانة فـ اي ؟!.
شاهيناز بخبث / مفيش يـ ماما بس عاوزة اطلب منك طلب .
احلام بإستغراب/ طلب ايي ؟!
شاهيناز بخبث / عاوزاكي تروحي بكرة لـ مراد عشان تتكلمي معاه فـ موضوع الجواز .. ممكن ؟
احلام / حاضر يـ بنتي .
شاهيناز / ماشي يـ مامي عن اذنك بقي عشان اطلع ارتاح شوية .
_ذهبت شاهيناز وصعدت الي غرفتها .. وهي سعيدة لأنها ستضع مراد أمام الأمر الواقع عندما تذهب إليه أمها '_
______________________________________________________
_في شركة الدمنهوري'_
*كانت بسمة تنهي بعد الأعمال وهي حزينة جداا علي ما يحدث معها وايضا علي قضية اختها التي لم يتوصلوا الي القاتل بعد .*
- مش تقولي انك اتعينتي هنا ؟!.
```كان ذلك صوت عمار "```
بسمة بصدمه / انت بتعمل اي هنا ؟!.
عمار بخبث / جاي أرحب بيكي يا بسمة .
بسمة بضيق / طيب شكرا .. اتفضل بقي من هنا .
جلس عمار بـ كل برود / هو ده الزوق برضه علي العموم انا جاي اتكلم معاكي شوية .
بسمة بغضب / تتكلم فـ اي اطلع برة يا عمار انا مش عاوزة اتكلم معاك بعد اللي عملتوا فـ اختي .
عمار بتمثيل / انتي كمان مصدقة أن أنا اللي عملت كده .. طب يا ستي الله يسامحك انا معملتش حاجه يا بسمة .
بسمة/ ممكن مفيش عليك دليل بس قريب اوي هيكون فيه .. وهتشوف يا عمار .
عمار / بصـ....
-انت بتعمل اي هنا .
*نظروا خلفهم بـ بصدمة ووجدوا .......*
