رواية حور الفصل الثالث عشر
رباب / بصي يا حور يـَ بنتي .. عشان مامتك توافق مفيش غير حل واحد .
حور بإستغراب / ايـه هو ؟.
رباب / لازم تقولي لمامتك يا حور انك بتحبي عمر وعاوزة تتجوزية وانكو بتحبوا بعض من زمان بس كنتي خايفة تقوليلها .
حور بصدمة / اية اللي انتي بتقولية دة يا خالتو !! انتي عارفة كويس ان بابا جابرني علي الجوازة يبقي ازاي بعد ما رفضت وحصلت كل المشكلة دي اروح اقولها الكلام دة واقولها اني عاوزة اتجوز عُمر عشان بحبوا !! ماما استحالة تقتنع .
رباب بحنان/ اسمعيني يا حور اللي بقولهولك دة هو الحل الوحيد لو انتي فعلا عاوزة تخلصي من مشاكل باباكي وتريحي مامتك وانا عارفة ومتأكدة علي فكرة ان مامتك مش هتوافق من اول مرة وساعتها انا وعمر هنساعدك عشان توافق ونحاول نقنعها بكل الطرق ولو فضلت رافضة هنجوزك انتي وعمر ونعرفها وتبقي قدام الأمر الواقع ولو بعدها اضايقت او زعلت نبقي نحكيلها عن كل حاجة .
حور بخوف وتوتر شديد/ انا مبقتش عارفة اعمل حاجة بجد .
*' كان عمر يجلس في صمت ويسمع حديثهم ولكنه لم يتدخل في الحديث ويريد ان توافق حور دون إجبار من اي شخص .*
تابعت رباب حديثها / بصي يحور ، انتي هتروحي دلوقتي وتتكلمي مع مامتك وخوديلها الموضوع براحة وحاولي تقنعيها بالجوازة وانا اكيد هقنعها من نحيتي ولو فضلت رافضة يبقي ساعتها مقدمناش غير اننا نكلم باباكيي ونحدد كتب الكتاب وتتجوزوا .
نظرت حور لعمر بتوتر وخوف / انت ساكت لية ما تقول حاجة !!.
عمر / انا معنديش حاجة اقولها يحور .. الحل معاناا وانا بصراحة مش شايف ان الموضوع هيتحل غير بالطريقة دي .
حور وهي تسمك رأسها / تمام .. هسمع كلامكوا مادام انتوا شايفين كدة .
_اكملوا حديثهم وظلت حور ترتب كلامها امام والدتهاا وكانت متوترة كثيراً وكانت تعرف ان والدتها لم توافق علي زواجها بأي طريقة ''._
" " " " " " " " " "
*كان في ذلك الوقت قد وصل "مروان" الي بيته وبعد ما وصل بقليل سمع صوت طرق علي الباب وكان " علاء "صديقة .*
*ضموا بعض عناقاً حارا ثم جلسوا معاً .*
علاء بإبتسامة / وحشني يا بني والله .
مروان / والله وانت كمان يا علاء وحشتني الاقعدة معاك اوي ؛ طمني عملت ايي برة وشغلك ماشي ازاي ؟.
علاء / كلو ماشي زي الفل الحمدلله .. قررت ارجع اشتغل هنا فترة وبعدها ارجع تاني .
مروان / لسة ناوي ترجع يا علاء ؟ ما تستقر بقي يا بني وتشوفلك عروسة .
علاء بضحك / عروسة مرة واحدة ! لا يعم انا عاجبني حوار السفر دة .. قال عروسة قال .. هي ناقصة نكد الستات .
مروان بضحك / علي رأيك.
نظر علاء ليده بإستغراب / اي دة يا مروان !! دي دبلة !! .
مروان وهو ينظر للدبله والحزن ظهر علي وجهه / اه يا علاء دبلة .
علاء بصدمة / انت روحت خطبت من وراياا يا واطي ؟.. تابع بإستغراب .. شكلك مش مرتاح وعاوز تحكي .
مروان / مش عارف يا علاء والله زهقت .
علاء بإستغراب/ طيب احكي في ايي ؟.
*حكي له مروان كل شيء عنه من وقت خطبته علي ' اسيل ' حتي رؤيته لحور واعجابة وتفكيره الذايد بها .*
علاء بصدمة / انت بتهزر يا مروان صح ؟.
مروان بضيق / انت متخيل الصراع اللي انا فيه يا علاء !! انا بجد مخنوق وتعبان ومش قادر افكر ولا اعمل حاجة ف حياتي .
علاء / بص يا مروان ، انا اخوك والكلمتين دول خدهم مني نصيحة ، انت لما خطبت مكنتش بتلعب أو بتهزر ، دخول بيوت الناس مش لعبة يا مروان ، انت ربطت مستقبل بنت بيك وجيت بعدها وتقول انك معجب بعيلة !! دة انت لو خلفت تجيب قدها يبني انت عبيط ؟ انا بجد مش عارف انت ازاي فكرت كدة ، انا معاك انك ممكن تكون اعجبت بالبنت دي بس مش لدرجة حبيتها يمروان !! انت اللي بتقوله دة مينفعش .. وبعدين حتي لو انت بتحبها ولو هي حبتك ! هل اهلك هيوافقوا ؟؟ اهلها هيوافقو !! مستحيلل يا مروان .. استحالة اهلها يجوزها واحد فرق السن بينهم كبير كدة !! وبعدين انت مش المفروض بتحب خطيبتك ؟.
مروان بحيرة / مش عارف يا علاء !! انا منكرش اني كنت موافق اني اخطب أسيل بس مش عشان بحبها وافقت عشان شايف اني اتأخرت وكنت شايفها مناسبة وكملت معاها وخصوصاً بعد ما هي اتعلقت بيا وحبتني يس فجأة البنت دي ظهرت ف حياتي .. ظهرت قبل م اخطب بساعات يا علاء !! انت متخيل؟ حقيقي انا متلغبط ومش عارف اعمل ايي بس حقيقي انا متعلق بالبنت دي .
علاء / خلاص ابعد عنها .. صعبة دي ؟؟ يعني مثلا حاول تهتم اكتر بخطيبتك ، تقضي وقت اكتر معاها وتلهي نفسك ف حاجات غير التفكير ، اقعد اشتغل ، اقعد جهز للحصص بتاعتك ، اقعد اتفرج علي فيلم.. علي مسلسل .. علي اي حد بتحب تتابعة ، ولما يجي وقت حصتها معاك تجاهلها تماماً لأن اكيد في حد بيلاحظ نظراتك ليها ، ف ابعد الشك عنك بالطريقة دي ، ومتركز معاها ف الحصة وولا كأنها موجودة وهتلاقي نفسك مع الوقت نسيتها .
نظر له مروان / كلامك كلو صح يا علاء بس بجد انا مش عارف اعمل كدة وخايف من اللي جاي .
ابتسم علاء وقال له / انا لو بتعامل مع واحد مراهق مش هتبقي كدة !! يا مروان كل اللي ف دماغك دة مش موجود وانت حاول تثبت دة !.
مروان / بإذن الله .
علاء / اه وحاجة كمان .
مروان بإستغراب / اية ؟!.
علاء / عاوز اجي معاك السنتر دة معاك فكرة عاوز اشوف الست حور اللي خدتلك عقلك دي .
مروان ببعض الغضب / وانت تشوفها ليي ان شاء الله !!.
علاء بضحك / ياربي منك بجد يا مروان !! دة احنا يبني معداش دقيقتين علي كلامناا !! هتخليني اطلع من هدومي والله .
ضحك مروان معه / انا مش قصدي علي فكرة بس انا استغربت .
علاء / اه عارف عارف ، بس بجد والله عاوز اجي معاك بكرة كدة اضيع وقت شوية عشان لسة مش عارف هعمل اي بعد ما رجعت .
مروان / تمام ، ننزل سوا بكرة ونروح علي هناك .
علاء بحرج / معلش بقي يا مروان مضطر ابات عندك انهاردة وبكرة ان شاء الله هنزل ف فندق لحد م الاقي بيت .
مروان بغضب / انت شكلك مخك ضرب ، أولا دة بيتك انت كمان مش بيتي لوحدي ؛ انت اخوياا يا علاء ومفيش مرواح ف حتة انت هتفضل قاعد معايا وبعدين متنساش ان انت اللي مجهز معايا الشقة دي قبل م تسافر وبعدين احنا لوحدنا يعني مفيش لا احراج ولا زفت علي دماغك .
علاء بإبتسامة/ خلاص يا عم مالك قفشت كدة لي؟ تسلملي يا اخوياا والله ما اعرف من غيرك هعمل ايي .
مروان بضحك / والله ولا تعرف حاجة ، يالا بقي قوم غير هدومك وارتاح شوية لحد م اشوف هناكل ايي ومعلش بقي فضلت ارغي معاك ونسيت انك راجع من سفر .
نظر له علاء نظرة تدل علي الغضب / انا هدخل ارتاح عشان منخسرش بعض يا مروان .
مروان بضحك / طيب .
*دخل علاء ليبدل ملابسة ويرتاح قليلاً وكان مروان يجهز الطعام ليتناولوا سوياً.*
*علاء هو الصديق المقرب لمروان ويحبون بعض كثيراً وهو اكثر شخص يرتاح له مروان في الحديث معه ويكون يضحك ويمزح علي عكس شخصيته مع باقي الاشخاص .*
" " " " " " " "
*بعد ان رجعت حور الي بيتها دخلت غرفتها لتبدل ملابسها وتفكر في الحديث الذي سوف يدور بينها وبين والدتها ..*
حور / انا هروح اتكلم معاها واللي يحصل يحصل .
*قبل ان تذهب جائها اتصال من والدها 'محمد' واجابت عليه .*
حور بضيق / نعم ؟.
محمد / هو اية اللي نعم !! ما تتكلمي عدل يا بت بدل م اظبطك !! قولتي انك وافقتي ومفيش حاجة حصلت ، قدامك كتيرر عشان نخلص من الحوار دة !!.
حور بضيق / انا قولتلك اني موافقة واديني وقت لحد م اقنع ماما ومتقلقش مش هتستني كتير .
محمد بتحذير / قدامك لحد بكرة بليل لو مكلمتنيش وقولتيلي تعالي عشان نحدد كتب الكتاب ، هوريكي ايام اسود من قرن الخروب .. سامعة !! .
*ثم اغلق الخط دون ان ينتظر رد منها وكان ينتظر موافقة ' هدي ' علي هذا الزواج حتي يتخلص من ابنته ومسئوليتها .*
حور ببكاء بعد ان تركت الهاتف/ حرام بجد .. هو لية بيعمل فيا كدة ! هو انا عملتلوا اي عشان عاوز يخلص مني ! لي عاوزة يرميني الرمية دي .. لية يا بابا لي تخليني اكرهك بالطريقة دِي !! كان نفسي اكون من البنات اللي قريبة لأبوها و يكون ابوها عندهم بالدنيا .. كان نفسي يكون ابويا حِنين علياا و محتويني ويكون سند لياا وواقف جنبي وميسمحش لأي حاجة تكسرني .. مش يجي هو اللي يكسرني و يدوس علياا بالطريقة دي ! يارب ريحيني من الهم اللي انا فيه دة .. انا حقيقي تعبت ومش قادرة اكمل ف الوضع دة ، حقيقي مش قادرة بجد .
*ظلت تبكي في مكانها بغزارة وبعد دقائق حاولت ان تتماسك ومسحت دموعها وقررت الذهاب الي والدتها لكي تقنعها من فكرى زواجها من عمر .*
حور وهي تمسح دموعها وتحاول ان لا تظهر شيئاً / اهدي كدة يا حور .. خلاص المفروض تتعودي علي اللي بيحصل دة ، مش اول ولا اخر مرة ابوكي هيكسرك فيها .. لازم اقف مع ماما واخواتي عشان با.. بابا ميئذيهمش .. مش هسمحلوا يدمرهم زي م ما دمرني كدة .
*بعدها ذهبت حور سريعاً الي غرفة والدتها .*
حور بتوتر/ م..ماما .
هدي بإستغراب / نعم .
حور / انا عاوزة اقولك حاجة مهمة.
هدي/ قولي يحببتي .
حور / انا عاوزة اتجوز عمر.
هدي /............!
