رواية للحب فرصة اخيرة الفصل الثاني عشر
ف خيط ضعيف رابط ما بينا ودة النصيب
هتخاف عليه هخاف عليه هتسيب هسيب
لحد امتى هخاف لوحدى ياحبيبى
الخيط خلاص مبقاش متحمل
رعشة ايدى.. لو انت عايز نهاية
ولسة هماك الحكاية
صبر قلبى بلمسة احس انك قريب
انت الشمس بس خلاص قربت تغيب
ماهر ضعف وكان هيقرب منها بس هى قوت نفسها ومسكت كباية المياه ورمت اللى فيها ف وشه وكانت المياه ساقعة تلج
ماهر اتصدم وبصلها بعصبية وزقها بعيد عنه وقال بحدة:كدة ينفع؟! يخربيت اللى يقرب منك ياشيخة
ضحى بعصبية:صدقنى اللى عملته حلال فيك دة انت تستاهل مش مياه ساقعة لا دة انت تستاهل مياه مغلية علشان تحرق وشك اللى فرحان بيه دة.وعلشان سمحت لنفسك انك تشدنى بالطريقة الزبالة دى وفاكر انك ممكن تلمسنى ومش همنعك دة انت بتحلم
ماهر بعصبية:ابعدى عن وشى الساعادى ياضحى علشان قسما بالله طاقة تحملى اللى بتخلينى استحملك خلصت اقولك ع حاجة انا اللى خارج من الاوضة..اشبعى بكل حاجة فيها
وسبلها الاوضة وخرج هى ابتسمت بانتصار وقعدت ع السرير وقالت:هو انا زودتها؟! لا انا لسة معملتش حاجة هو ضغط عليا وخلانى اتجوزوا غصب علشان خاطر حمزة يبقى يستحمل منى اى حاجة لحد م نارى تبرد من ناحيته امتى بقا؟! الله اعلم
ف اوضة حمزة
ماهر داخل اوضة حمزة ونام جمبه وخده ف حضنه وكان هيروح ف النوم لولا ابنه اللى صحى وقاله:دادى؟! انت مش المفروض تكون مع مامى؟!
ماهر بضيق:نام ياحمزة ولا انت كمان مش عايزنى معاك؟!
حمزة ضحك وقال:هى مامى طردتك من الاوضة؟!
ماهر بصله وقال:كدة ياحمزة تضحك ع ابوك؟! حسك فرحان فيا علشان مامى عملت كدة...وبعدين انا اللى خرجت من الاوضة علشان مامى كل شوية لازم كلامها اللى زى السم.. شكلنا لما هنتكلم مع بعض مفيش كلام ما بينا غير اللحظات اللى هى كرهتتى فيها
حمزة:استحملها يادادى علشان خاطرى
ماهر:حاضر ياحمزة هستحملها بس محتاجين نقرب من بعض مش عارف اعمل ايه؟!
حمزة:ايه رايك لو نروح النادى مع بعض بكرة؟! انا اجازة ومش رايح المدرسة
ماهر:فكرة كويسة بس تفتكر هى هترضى تخرج معايا ف حتة.. دى كرهانى جدا يعنى
حمزة:مش بتكرهك يادادى لو كانت كدة فعلا مكنتش تقبل انها تكون مراتك حتى لو غصب عنها..اللى عملته معاها كفيل يقويها علشان تمشى وتسيبك..هى بتحبك بس عايزة تربيك شوية
ماهر:بس انا تعبت ياحمزة مش من السهل استحمل تصرفاتها دى
حمزة:خلاص يادادى انا هقنعها باللى اتفقنا عليه ومتقلقش هتوافق انا ليا طريقة بتخليها متقدرش تقولى لا ع حاجة ابدا
تانى يوم
ف اوضة ضحى
ضحى صحيت لقت حمزة بينط ع السرير ويبقول:مامى مامى مامى مامى
ضحى بصتله وشدت ايده وقعدته ع حجرها وقالت:صباح الفل
حمزة:صباح الخير
ضحى:عايز ايه ع الصبح كدة؟! هو انت مش انهردة اجازة
حمزة:ايوة منا عارف ان انهردة جاهزة..علشان كدة انا عاوزة اخرج واروح النادى انهردة وكمان اشوفك وانت بتلعبى كراتيه
ضحى:حمزة انت عايز ايه وقول ع طول؟!
حمزة:مش عايزة اروح النادى مع دادى لوحدينا عايزك معانا
ضحى:حمزة انا وافقت انى اكون مراته علشان ابقى جمبك لكن خروجات وفسح.. مع الشخص دة انا مش موافقة
حمزة:ليه يامامى دة احنا هنبقى مبسوطين واحنا مع بعض..ليه عايزة تحرمينى من وجود دادى ومامى حواليا ف نفس الوقت...انا عايزكوا انتوا الاتنين..علشان خاطرى يامامى بليز وافقى
ضحى:خلاص ياحمزة موافقة بس ممكن تخرج علشان اغير هدومى واعمل حسابك لازم تفطر قبل متروح ف اى حتة
حمزة:انا فعلا فطرت مع دادى اول مصحينا..شكلك كدة هتفطرى لوحدك.. ولا اقولك انا هاكل معاكى علشان خليتينى فرحان
ضحى:اهم حاجة عندى انك تكون فرحان
حمزة خرج من الاوضة وساب ضحى ف دوامة من المشاعر والصراع اللى بين قلبها وعقلها اللى مش لاقيه ليه حل
ف الصالة
ماهر:انا لغيت كل الاجتماعات بتاعة انهردة علشان خاطر حمزة
فؤاد:عايزكوا تستغلوا الوقت دة كويس علشان مش هيتكرر كتير
هيام:ايوة واول متيجوا تجهزوا شنطتكوا علشان رايحين العزبة نقعد كام يوم يمكن النفوس تصفى
ماهر:خليها بعد اسبوع ياماما علشان بكرة راحين عند واحد صاحبى عازمنا ف بيته وصمم ان احنا نيجى ونتعرف ع عيلته
فؤاد:صاحبك مين دة؟!
ماهر:عمر الشاذلى
ف عربية ماهر
ماهر:افردى وشك شوية علشان خاطر الولد
ضحى:ملكش دعوة هو وشك ولا وشى؟!
ماهر:حقك عليا
ضحى بصتله وقالت:هو انت بتعمل كدة ليه؟!
ماهر:ايه اللى بعمله؟! انتى اللى بتعملى كل حاجة؟!
انا سيبتك تقولى كل حاجة ف قلبك من ناحيتى وكنت فاكر ان كدة ببرد نارك بس الظاهر انى غلطان انا مضطر استحمل بس مش عارف لحد امتى؟!
ضحى:ايه اللى يجبرك انك تستحملنى..هتقولى انك بتحبنى..حبك دة مظهرش غير لما
ماهر:لو سمحت ياضهر حمزة معانا ومش عايزو يسمع اى حاجة خاصة بالموضوع دة...حاسبى ع كلامك وهو موجود ممكن؟!
ف النادى
ف الكافيتريا
حمزة:دادى ممكن اروح مع صحابى
ماهر:اوك ياحمزة بس تاخدوا بالكوا من بعض
ضحى:ممكن اروح معاه بدل ميروح لوحده؟!
ماهر:لا خليكى متروحيش معاه
ضحى:ليه ياماهر ؟! انا اصلا جاية النادى علشان اكون معاه بعد اذنك انا همشى مينفغش اسيبه علشان مش هبقى مطمنة عليه
جاية تمشى بس هو مسك ايدها وبصلها وقال:انا قولت اقعدى ومتخافيش ع حمزة هو عارف المكان كويس وكل الناس عرفاه مستحيل يحصله حاجة وهو هنا
ضحى بعند:وانا قولت هروح معاه
ماهر بزعيق خلة ضحى تتط ع الكرسى من كتر خوفها
قولت اقعدى مش ناقصة حرقة دم..حمزة روح يلة ولا مش عايز
حمزة:اوك دادى
واول م حمزة مشى ضحى بصتله بعصبية:انا اللى غلطانة انى جيب يلعن قلبى اللى بيخلينى اضعف ويخلينى معاك ف مكان واحد
ماهر:تعالى معايا هوديكى ف مكان بتحبيه
ضحى:مش هروح معاك ف حتة..انا همشى حالا ومتجيش ورايا والا هعملك فضيحة هنا ف النادى وانا مجنونة صدقنى وهعملها
ماهر مسك ايدها وقال بحنية:اخر طلب هطلبه منك علشان خاطرى اسمعى كلامى ومتتعيش قلبى معاكى اكتر مهو تعبان
ضحى شدت ايده وفضلت تمسح ع ايدها مكان لمسته هو قلبه اتوجع وبصلها بصدمة وقال:للدرجادى مش حبة لمستى؟! مكنتش اعرف ان الموضوع تقيل ع قلبك اوى كدة..ع العموم يلة ياضحى واعملى كل اللى ف بالك لحد مييجى يوم وابعد عنك بس مش برضايا صدقينى هيبقى غصب عنى وهيكون بسببك وبسبب الكره اللى جوة قلبك ليا هتدورى عليا ومش هتلاقينى
ومشى وسابها بتفكر ف اخر كلام ليه..هو يقصد ايه بكلامه؟! اكيد بيخوفها..طب ليه قلبها انقبض؟!
خرجها من سرحانها صوته وهو بيقول:مش يلة ولا ايه؟!
فضلوا ماشيين وكل واحد ف تفكيره الخاص لحد م وصله للمكان المطلوب
ف قصر سعد الشاذلى
ف اوضة امير وبسملة
بسملة قاعدة جمب امير وهو نايم وسرحانة في مسكت شعرها المبلول وملست ع وشه هو ربش بعنيه هى ضحكت وعملت نفس الحركة هو فتح عينه وبصلها بحب
لقت نفسها بتغنى وبتقول
اسمع كلامى وصدقوا
انت اللى روحى بتعشقوا
كان حلم نفسى احققوا
انى ابقى ليك
قربنى منك ضمنى
اد ما حبك حبنى
مين غيرك انت يهمنى
دة انا روحى فيك
ملهوفة عليك ومسلمة
تقدر تقول مستسلمة
حاسة انى طايرة ف السماء
واخدنى الشوق
متحيرة ومتغيرة
كانى لسة صغيرة
لو بحلم انا من الحلم دة
مش عايزة افوق
امير:صوتك حلو اوى ياالهام؟!
بسملة بصتله بصدمة وقالت بعياط:بس انا مش الهام يايوسف...انا بسملة
امير بلع ريقه بصعوبة ولقا نفسه بيقول:ايوة منا عارف
بسملة:عارف ايه؟! انت اتلغبط ف اسمى معقولة هى واخدة قلبك وتفكيرك بالشكل دة؟! طالما بتحبها اوى كدة يبقى اتجوزتنى ليه؟!
امير قرب منها وقال:اتجوزتك علشان بحبك..واسف علشان اللى قولتله انا لسة صاحى ومش مركز
بسملة:ساعات عدم التركيز بيخليك تقول اللى ف تفكيرك من غير تردد..والهام واخدة تفكيرك كله..بس اللى مش فاهماه ليه اتلغبط ما بينا؟!
امير بعصبية:ف ايه يابسملة؟! هو تحقيق؟!
بسملة بعصبية:انا عايزة اعرف بتحبنى علشان شبه الهام؟! هو دة السبب اللى خلاك تتجوزنى؟!
امير:وانتى ايش عرفك انك شبه الهام؟!
بسملة بتوتر:عرفت وخلاص
جت تمشى بس هو شد ايدها بعنف وقال بعصبية:ردى عليا؟! عرفتى منين؟!
بسملة بعياط:دراعى ياامير؟! حرام عليك انت واجعنى اوى..سيب دراعى بقا
امير ساب دراعها وقال:عرفتى منين؟!
بسملة:انا ابقى بسملة اخت الهام التوام
امير بصدمة:هى الهام ليها اخت
ف اوضة سميرة وسعد
سميرة:يعنى بسملة تبقى اخت الهام؟! طب ازاى امير مخدش باله وهو بيكتب الكتاب؟!
سعد:انا اللى عملت كدة..مخليتش امير ياخد باله علشان لو عرف الجوازة دى مكنتش هتم
سميرة:وهيفضل لحد امتى مش عارف؟!
سعد:اكيد بسملة هتقوله علشان هى بتحبه ومش هتخليه عايش ع وهم انه بيحب الهام واتجوز بسملة علشان يحس بقرب الهام منه
سميرة:وتفتكر هيكمل معاها؟!
سعد:مش عارف جواب السؤال دة عند امير نفسه
ف اوضة بسملة وامير
امير بعصبية:اومى هنا وكلمينى..الكلام اللى بتقوليه دة معناه ايه؟! انتى متعرفيش انى بكره الكدب؟! ازاى تقبلى انك تعيشى معايا ع كدبة..ليه مقولتيش الحقيقة؟! ليه الانانية دى جواكى؟!
بسملة بعياط:علشان بحبك
امير بعصبية:دة مش حب دة جنان
بسملة بعياط:مجنونة علشان بحبك..هو انت مش شايف نفسك غلطان؟! انت اتجوزتنى مش علشان بتحبنى لا انت اتجوزتنى علشان شبه الهام ..عايز تحس بقربها وحضنها وريحتها..كنت واخدنى وسيلة مش اكتر ودى الانانية بعينها...انا ابقى اختها وهربت من بيتنا علشان مكنتش عاوزة اشوفك معاها وهى واحدة انانية زيك بالظبط عارف ليه؟! علشان قبلت تكون مراتك وهى عارفة بحبى ليك وعارفة انك بتحبنى انا...ايوة انت بتحبنى انا مش هى علشان انا اللى كنت بكلمك ع الفيس بس باسمها..لما ماتت زعلت عليها بس حسيت انى قربى منك بقا ممكن بعد مكان مستحيل..مكنتش عارفة اخليك تشوفنى ازاى لحد مجت من عند ربنا
امير قعد ع الكنبة وحط ايده ع راسه وقال:انا مبقتش فاهم حاجة؟! ولا عارف المفروض اعمل معاكى ايه علشان مبقتش فاهم حتى نفسى؟!
بسملة مسحت دموعها وقعدت جمبه وقالت:انا مش عايزة اضغط عليك..ولو عايز تطلقنى براحتك علشان مفيش ست ف الدنيا تقبل تعيش مع واحد مش بيحبها
امير بصلها وقال:انتى عايزة تبعدى عنى؟!
بسملة:لو كنت عايزة مكنتش قربت
امير:انا مش هطلقك بس محتاج ابعد شوية
بسملة بخوف:مش فاهمة..تبعد ازاى؟!
امير:محتاج اعرف انا عايز ايه؟!
بسملة:انا ممكن اساعدك
امير:مينفغش..انا محتاج اسافر
بسملة بعياط:وتسيبنى
امير:اسف يابسملة بس هو دة الحل الموجود..انتى كدبتى عليا ومقولتيش الحقيقة
بسملة:بس انا مش هقبل بدة
امير بعصيية:غصب عنك هتقبلى..انتى واحدة كدابة
بسملة بزعيق:وانت انانى وكداب..وانا هطلق منك حالا..طلقنى ياجبان
امير اتعصب وضربها بالقلم هى صرخت بسبب قوة القلم وفضلت مش مستوعبة انه فعلا امير ضربها
امير بصلها بحزن وندم..وكان عايز يهرب من الموقف ملقاش حل غير انه يخرج من الاوضة
ف النادى
ضحى:انت عايز تلعب معايا كراتيه؟!
ماهر:ايوة
ضحى:انت مش ادى ف بلاش..
ماهر:جربينى
ضحى:هتخسر
ماهر:عايز اشوف هتخسرينى ازاى
ضحى:ماشى بس افتكر ان دة اقتراحك انت...
