رواية للحب فرصة اخيرة الفصل الثالث عشر
ضحى بدات تلعب مع ماهر وفضلوا يلفوا وعنيهم متعلقة ببعض..ضحى ضربت ماهر ف بطنه وبعدت عنه بعد كدة برجليها ف بطنه ولكميه ف وشه ولوت دراعه ورا ضهره وزقته جامد ع الارض
ماهر ساب نفسه لضحى يمكن غلها ينقص من ناحيته
ضحى فضلت تضربه بغل وكره وف دماغها كل اللحظات الوحشة اللى عاشتها بسبب ماهر ودة خلة ضربها لماهر يقوى بشكل مبالغ فيه
فضلت تضربه بسرعة لحد م نزف جامد..لحد م تعبت وفضلت تنهج جامد لحد م خدت بالها ان ماهر نزف ومحاولش حتى يدافع عن نفسه علشان لو دة حصل مكنتش هتقدر عليه او يمكن قوتهم هتتعادل
بصتله بصدمة وعيونها دمعت بس ساعتها معرفتش ايه سبب الدموع دى؟!
هو قام من ع الارض وبصلها وقال:اوعى تندمى ع اللى عملتيه ولو دقيقة فاهمة؟!
ضحى:ماهر انت بتنزف
جاية تقرب منه بس هو وقفها ب ايدها وقال:اوعى تقربى منى...انا مستاهلش نظرة الندم اللى ف عنيكى دى؟! متخافيش الجرح اللى ف وشى دة اخره يومين وهيلم بس انتى جرحك عمره مهيلم علشان اتحفر جوة قلبك...حمزة مستنى برة ولو سالك متجاوبيش وسيبينى انا اللى اتصرف
وخرج وساب الندم عرف طريقه لضحى اللى دمعت ومش عارفة هى ازاى عملت فيه كدة؟!
ف العربية
ضحى:حمزة كفايا عياط
حمزة:اصل انتوا مش عايزين تقولوا ايه اللى عمل ف دادى كدة؟!
ماهر:حمزة ملكش دعوة باللى حصل دة حد كان بيعاكس ماما وضربنى وضربته مش لازم تعرف باقى الحكاية
ضحى بصتله وهو اتجاهل نظراتها وركز ف الطريق
ف قصر سعد الشاذلى
ف اوضة يوسف واية
اية:يوسف انت زعلان منى؟!
يوسف:هو فى حد يقدر يزعل منك؟!
يوسف:انا بتكلم بجد انت ع طول بتاخدنى ف حضنك بس امبارح معملتش كدة..ممكن اعرف ليه؟!
يوسف:علشان كنت زعلان منك
اية:شوفت يعنى انا بتكلم صح
يوسف:بس انا دلوقت مش زعلان
اية:انت زعلان منى علشان مانعة نفسى عنك
يوسف:انا بحبك ومستعد اصبر عليكى لحد متيجى وتقوليلى انك عايزانى بس معرفش ليه لما اقرب منك جسمك يترعش ونظراتك بحسها انك شايفانى واحد مؤذى..انا عايزك علشان اعبرلك عن حبى ليكى واثبتلك ان اللى انتى خايفة منه دى حاجة كلها مودة ورحمة وبتكبر الحب وبتولد المشاعر بين اى زوجين..وانى مش زى الجبان اللى عرفتيه..انا عايزك علشان بحبك مش علشان رغبة
اية بعياط:بس انا بخاف كل متخيل نفسى ف اللحظات دى تانى...انت ليه مش عاوز تفهمنى؟!
يوسف حضنها وقال:افهينى انتى..عياطك دة بيموتنى يااية علشان مش شايفله سبب مقنع....ادينى فرصة اثبتلك فيها انى مش حيوان عايزك متعة وخلاص..انا بحبك ومحتاجك يمكن اكتر منتى محتاجانى
اية بصتله بحب وقالتله:قرب بس خد بالك منى
يوسف:انتى بنتى مش مراتى بس
وهنا سكت شهرزاد عن الكلام الغير مباح
اية حبت يوسف يمكن اكتر من الاول ومكنتش عايزة تبعد عن حضنه..حست بالامان والاحتواء..عرفت معنى الحب ع ايده..نامت ف حضنه ولما صحيت لقت نفسها بتبوسه ف خده وقالت:انا عارفة انك كدبت عليا..بس مستنياك تقولى الحقيقة
جت تقوم بس هو مسك ايدها وقال:عارفة ايه يااية؟!
اية:عارفة انك دكتور نفسى
يوسف اتخض جاى يقوم بس هى منعته وقالت:انا سمعتك وانت بتتفق مع بابا انك هتمثل عليا دور ابن عمى وهتخلينى اتجوزك انا مكنتش زعلانة بالعكس ع فكرة حسيت ان فى حد خايف عليا ومهتم بيا...انا مكنتش مريضة من الاساس انا اللى خلقت لنفسى المرض دة لحد مصدقته وبقيت بمثل حتى ع نفسى..لما شوفتك وشوفت حنيتك عليا حبيتك واختبرت حبك دة لما منعت نفسى عنك الفترة دى بس علشان اتاكد من مشاعرك من ناحيتى
يوسف:واتاكدتى؟!
اية:انا عارفة انك زعلان منى علشان مثلت عليك الفترة دى كلها بس كان نيتى خير والله
يوسف:يعنى انتى دلوقت مش مريضة؟!
اية:لا بس مريضة بحبك يايوسف
يوسف:بقولك ايه؟!
اية:نعم
يوسف غمزلها:متيجى احكيلك حدوتة؟!
اية ضحكت:حدوتة ايه؟!
يوسف شد البطانية عليهم وقال:هحكيهالك حالا...استعنى ع الشقا بالله اصلها حدودته صعبة اوى تعبتنى وحياتك عندى والله
ف اوضة بسملة
بسملة فضلت تعيط بصوت عالى لحد متعبت مسحت دموعها وقررت تمشى من البيت جاية تقوم بس امير دخل وقعد ع الارض جمبها ومسك ايدها وباسها وبصلها بندم وقال:اسف
بسملة:انا اللى اسفة
جت تقوم بس هو مسك ايدها وقال:متبعديش
بسملة:انت اللى بتبعدنى عنك
امير:مش هعمل كدة تانى علشان اكتشفت انك روحى وانا مقدرش اعيش من غيرها
بسملة:انت بتضحك عليا..علشان مش عايز تخسر وش الهام
امير:لا انتى غلطانة..انا مش عايز اخسرك انتى
بسملة:يعنى انت مسامحنى؟!
امير:المفروض انتى اللى تسامحينى يابسملة
بسملة:عايزة اصدقك مش عارفة
امير:طب اعمل ايه علشان اثبتلك انى فعلا بحبك
بسملة:متعملش حاجة ياامير..اهم حاجة انك رجعت
امير باس راسها وقال:تحبى نخرج؟!
بسملة:نروح فين؟!
امير:البسى انتى وملكيش دعوة بحاجة تانية هوديكى ف مكان خيال
ف قصر فؤاد
هيام:يالهوى مين اللى عمل فيك كدة؟!
فؤاد:هاتى علبة الاسعافات بسرعة ياضحى
ضحى:حاضر ياعمى
ماهر مسك ايدها وقال:مش عايز حاجة
ضحى:انا مش بديك هدية علشان تقولى مش عاوز..جرحك بينزف ولو متعقمش كويس هيتلوث ودة غلط..ثوانى انا رايحة اجيب علبة الاسعافات وجاية ع طول
فؤاد شد هيام وقال:تعالى عايزك
هيام:استنى مش لما نطمن ع ماهر الاول
فؤاد:ماهر كويس...يلة تعالى نطلع وهفهمك فوق
هيام:انت تقصد علشان نسيبهم مع بعض طب م الاحسن يطلعوا اوضتهم
فؤاد:ماهر اطلع لمراتك قبل متنزل
ماهر:حاضر
ف اوضة ضحى
ضحى:انت ايه اللى طلعك؟! انا كنت هنزل
ماهر:هاتى علبة الاسعافات انا مش محتاج مساعدة من حد
ضحى:براحتك..انا عملت اللى عليا
اديتله علبة الاسعافات وخرجت هو متوقعش انها هتمشى بالسهولة دى..كان متوقع انها هتقف جمبه بس خذلته هو هيفضل طول عمره غبى..اتعصب ورما علبة الاسعافات ف الارض وبص لنفسه ف المرايا ومسك الفازة وكسر المرايا وهو بيصرخ
ضحى كانت واقفة وسامعة صريخه وهى بتعيط عليه وعليها وعلى علاقتهم اللى وصلت للمنحنى دة؟!
هيام:ف ايه؟! عملتى ف ابنى ايه؟!
ضحى:انا معملتش حاجة عندك ابنه جوة شوفيه شكله كدة اتجنن
ونزلت الصالة وهى بتعيط بحرقة عايزة تاخد قرار بس مش عارفة؟!
هيام:شوفت مقصوفة الرقبة دى عملت ايه؟!
فؤاد:ربنا يكون ف عونها محدش يعرف ايه اللى قلبها غير ربنا..خشى يلة
واول م دخلوا لقوا ماهر قاعد وبيعيط زى العيل الصغير
هيام خدته ف حضنها وفضلت تعيط هى كمان
فؤاد ضرب كف ع كف وقال:لا حول ولا قوة الا بالله....اوم ياماهر صلى ركعتين لله يمكن ترتاح..ادعى لربنا يمكن يصلح حياتك اللى متلغبطة دى...ومتنساش اللى بيحصلك دة واللى لسة هيحصلك بسببك مش بسبب حد تانى
ماهر فضل يعيط بيعيط بيفتكر اسوا لحظة عاشها مع ضحى
فلاش باك
ف الشركة
شهاب:عرفت اللى حصل
ماهر:ايه اللى حصل؟!
شهاب:صدقنى مش عارف اقول ايه؟! بس انا مصدوم ومش قادر اصدق لحد دلوقت..ازاى ضحى تعمل كدة؟!
ماهر بقلق:ضحى عملت ايه؟! متتكلم ياشهاب
شهاب:مش عارف صدقنى..امسك التليفون وشوف انت
ماهر مسك التليفون وشاف ضحى ف وضع مش حلو...الدم غلى ف عروقه ورما الموبايل وشده من قميصه وقال بزعيق:حد غيرك شاف الفيديو؟! وهو وصلك ازاى اساسا
شهاب:الفيديو دة وصل لمواقع التواصل الاجتماعى بسرعة كبيرة جدا ووصل لملايين الناس علشان ضحى تبقى مراتك ف اكيد الموضوع كبر بسرعة اوى..اكيد ضحى مظلومة مستحيل تعمل كدة ولا انت شاكك فيها؟!
ماهر مسك موبايله وفعلا شاف الفيديو اللى حقق ملايين المشاهدات وشاف تعليق من كذا حد
ياعم دى شمال اخرها يوم ولا يومين وترميها
بس البت صاروخ عليا النعمة يابخت اللى كانت معاه
هى فعلا واحدة زبالة علشان خانت جوزها وهى عارفة يبقى مين؟! يعنى لو مش متجوزة كانت عاملت ايه؟!
واحد رد عليها: كانت هتبيع نفسها كل يوم علشان خاطر الفلوس
ماهر رما الموبايل ع الارض وقال:انا لازم ابلغ مباحث الانترنت واطعن الفيديو دة بالتزوير
شهاب:اكيد هنعمل كدة بس لازم تواجها الاول وتتاكد انها ملهاش علاقة بمحتوى الفيديو علشان لو طلعت هى كدة هتبقى متهمة وشرفك هيبقى ف الارض
ف القصر
صفعة قوية خدتها ضحى من ماهر اللى شدها من شعرها وقال:انتى اللى ف الفيديو دة ولا لا؟!
ضحى بعياط:الفيديو دة وصلك ازاى؟!
ماهر بزعيق:ردى عليا..انتى اللى الفيديو دة ولا لا؟!
ضحى بعياط: انت بتسالنى ياماهر؟! معقولة تصدق عنى حاجة زى كدة؟! وبعدين الفيديو دة وصلك انت بس ولا وصل لكل الناس؟!
ماهر:انتى اتفضحتى ياهانم وكل الناس شافتك ف الوضع الرخيص دة
هيام:يبنى انت لازم تطلقها وتخليها تبعد عننا..الناس بتحب الفضايح ومهتصدق تتكلم عليكوا
ضحى:حتى انتى يامرات عمى مصدقة عنى انى ممكن اعمل حاجة زى كدة؟!
ماهر شدها من شعرها وقال:انا عايز اعرف الحقيقة؟! ضحى بعياط:انت ظالمنى ياماهر..وانا اللى اتفضحت مش انت...انا مش هعرف اورى وشى للناس بسبب الفيديو دة وانت لازم تاخدلى حقى
ماهر بعصبية:اللى زيك ملهومش اى حقوق..انتى واحدة رخيصة والله اعلم الفيديو دة اتصورتيه امتى؟! يمكن وانا مشغول عنك..ويمكن كمان علشان تنقمى منى علشان روحت اتجوز دعاء من غير معرفتك مش كدة..كويس انى عملت كدة ومسلمتش قلبى لواحدة زيك..انتى طالق ياضحى
باك
ماهر عيط بصوته كله..ولقا نفسه بيصرخ صرخة وجع هزت جدران البيت لحد م اغمى عليه
هيام بصريخ:ماهر
ضحى اتخضت وجريت ع اوضة ماهر...
