 |
رواية من القاتل الفصل الثالث عشر بقلم يارا البرعي
بسمة / ممكن مفيش عليك دليل بس قريب اوي هيكون فيه .. وهتشوف يا عمار .
عمار /بصـ.....
- انت بتعمل اي هنا !.
*نظروا خلفهم بصدمة ووجدوا زين يقف بغضب وينظر الي عمار '*
عمار ببرود/ اهلا بـ ابن عمي الغالي .
زين بغضب / انت بتعمل ايي هنا .
عمار وهو ينظر حوله ببرود / هو ده مكتبك ولا ايي ؟! ده مكتب بسمة سكرتيرة مراد وانا جاي أرحب بيها وانت ملكش انك تسألني بعمل اي هنا وانا ع فكرة بشتغل فـ الشركة ديي وليا الحق اروح المكان اللي يعجبني .
زين / اه المكتب م بتاعي بس بتاع بسمة وبيتهيألي أنها قالتلك تمشي ولا ايي .. ولا انت مبقاش عندك كرامة .
عمار / وانا المفروض بقي اتكسف يعني ولا اعمل ايي .. برضه شئ ميخصكش انا هنا فـ مكتب سكرتيرة مراد يعني لا انت ولا هي ليك الحق انكم تتكلموا معايا .. واضح .
*کان في ذلك الوقت مراد خارج من مكتبه ويمر من أمام مكتب بسمة نظر بصدمة ثم دخل وهو يقول '*
- انت بتعمل اي هنا يا عمار ومين اللي سمحلك تخش لـ بسمة .
عمار بصدمة من رد فعله ولكن حاول أن يستفزهم / هي مش دي السكرتيرة برضه وانا عاوزها فـ شغل .
مراد / بس انت عارف كويس أن السكرتيرة المسئولة عن شغلك هي سكرتيره بابا ( حازم الدمنهوري) يعني انت ملكش شغل هنا .. واتفضل بقي روح علي مكتبك .
زين وهو يحاول أن يحرق دمة / الاول عملت حجة انك بترحب بيها وبعدها قولت أن المكتب مش بتاعي وبتاع بسمة ولما بسمة طردتك قولت ده مكتب سكرتيرة مراد ودلوقتي مراد جه يقولك برة .. مستني ايي يا عمار.. اطلع برة .
_نظر لهم بغضب ولكن حاول أن يخفيه بـ ابتسامة مزيفة وخرج من المكتب دون أن يحكي شئ ورجع الي مكتبة._
زين بغضب / هو قالك حاجه يا بسمة ؟!.
بسمة / لالا يا زين ملحقش هو جه يقول كلام كده أنه بيرحب بيا وبتاع بس .
مراد بغضب/ وانتي متعرفيش تقوليله يطلع برة أو تتصلي بيا ؟!.
بسمة بجدية وبعض الغضب / علي فكرة يا مراد بيه انا طردوا بس هو اللي مرضاش و بعدين انا مش عيلة صغيرة عشان كل ما تحصل مشكلة اتصل بـ حضرتك وكمان زين قام بالواجب برضه ومسكتش ولو مكنش زين جه كنت أنا هتصرف معاه .
زين / خلاص يا جماعة وحدوا الله حصل خير و هو مشي دلوقتي .
*نظر لها مراد نظرة حزن لأنها تتعامل معه بطريقة رسمية ولا تتعامل مع اخوه زين بـ تلك الطريقة.*
*ذهب مراد الي مكتبة دون أن يحكي شئ .*
زين / متزعليش من مراد يا بسمة هو عصبي شوية بس هو خايف عليكي مش اكتر .
بسمة / اللي حصل حصل يا زين خلاص ومعلش لو عطلتك .
زين بابتسامة / لا مفيش عطلة أو حاجه .. يالا انا هروح اكمل شغلي .
*"خرج زين من مكتب بسمة واتجه الي مكتبه أما بسمة تابعت عملها بصمت ملحوظ وحزن يظهر علي ملامحها `"*
_بعد حوالي ساعتين انتهي العمل ورجعت بسمة الي البيت ورجع مراد أيضا الي بيته '_
*" " " " " " " " " " " " " " "*
```مر عشر ايام علي الجميع .```
```- كانت علاقة بسمة بـ مراد رسمية جداا ولا تحاول أن تختلط به كثيرا حتي لا يتعلق قلبها به ولكنها كانت تفعل ذلك بـ صعوبة كبيرة .```
```- اما مراد فـ كان قد تأكد من مشاعره تجاه بسمة ولكن كان يجد صعوبة بالاعتراف بها خصوصا من بعد المعاملة الرسمية التي تتعاملها معه ولم يعد لـ شاهيناز اي اهمية في حياته .```
```- أما شاهيناز فـ كانت تنتظر اليوم الذي سوف تحدث فيه والدتها مراد في موضوع الزواج ولكن ما كان يعطل أمها أنها سافرت فجاه لـ تتابع بعض الأعمال وتركت شاهيناز تنتظر تلك اللحظه .```
```- شادي كان يرتب لـ خطته وانتقامه من شاهيناز جيداً ولكن كان ينتظر الوقت المناسب .```
```- عمر و هايدي بعدوا تلك الفترة عن شاهيناز ولكن يحاولون حتي الآن معرفة قرار مراد .```
```- كان كل يوم يمر علي زين كان بيبقي اصعب من اللي قبله بسبب فقدان حبيبته ولكن كان يصلي و يدعي لها بالرحمة وان يصل الي اي دليل في اسرع وقت .```
```- أما الشرطة كانت تفعل ما بـ وسعها لـ أخذ دليل علي عمار و ريهام و اسلام .```
```- أما بالنسبة لـ عمار و ريهام و اسلام كانوا منتبهين جيدا علي تصرفاتهم و حركاتهم ولكن هل سيظلوا يهربون من العدالة كثيرا ام سيتم كشفهم ؟!.```
```- نادر و فرح كانوا أيضا يحاولون التماسك بعد فقدان شهد ... فرح اخذت بنصيحة المُعلم (احمد) وحاولت أن تتماسك لتستطيع متابعة دراستها .```
*" " " " " " " " " " " " " " " " "*
_- في يوم جديد استيقظت بسمة وقامت بـ تجهيز الافطار لها ولعائلتها وبعدها اتجهت الي الجامعة وبعدها ذهبت الي الشركة '_
_- وفي قصر الدمنهوري استيقظ الجميع وقاموا بتناول الافطار و بعدها اتجه مراد و زين الي مواعيدهم خارج الشركة واتجه حازم و عمار الي الشركة وبعد ذلك رجع مراد الي الشركة ._
_-في بيت شاهيناز كانت امها رجعت من السفر و قررت أن تذهب لـ مراد أن تحكي معه واتجهت فعلا الي الشركة ._
```" " " " " " " " " " " " " " " "```
*في الشركة بعد أن وصلت بسمة إليها كانت تجلس في مكتبها وأنهت بعض الأعمال هي و زميلها (علي ) وبعدها اتجهت الي مكتب مراد ليوقع بعض الأوراق.*
بسمة بجدية / مراد بيه عاوزين نبعت الورق ده لـ حازم بيه بس لازم توقع حضرتك عليه .
مراد وهو ينظر لها بحزن / هاتي يا بسمة.
*أعطت بسمة له الاوراق .. ووقعها مراد واعطاها له .*
بسمة / عن اذنك.
مراد / استني يا بسمة .
بسمة باستغراب / نعم ؟!.
وقف مراد بحزن أمامها / هتفضلي كده لحد أمتي ؟.
بسمة / كده ازاي يعني ؟!.
مراد بحزن / انتي مش شايفة أن علاقتنا مبقتش لطيفة خالص ؟.
بسمة/ مالها علاقتنا .. علاقتنا كويسة اهو هو حضرتك شوفت مني حاجة وحشة يا مراد بيه ؟!.
مراد بغضب/ بطلي كلمة زفت بيه دي .. متضحكيش علي نفسك يا بسمة انا سبق واعتذرت منك وانتي مش عاوزة تفهمي اي حاجة من مشاعـ....
قاطعته بسمة ببعض الغضب / حضرتك انا مقولتش أن أنا مش متقبله اسفك بس انا بتعامل معاك علي اساس المدير مش اكتر لكن لو حضرتك منتظر مني حاجة تانية غير كده فـ حضرتك اللي فاهم غلط مش انا خالص وبعدين انا بصراحه مش فاهمه انت مهتم ليه ده انت حتي بتحب واحده وناوي تعترف ليها بمشاعرك علي حسب كلامك ولا ايي انت بقي مضايق لي .. ركز مع البنت اللي انت بتحبها مش معايا .
مراد بغضب اكبر / والله انا بحاول اركز معاها بس هي اللي مش بتشوف .
بسمة بعدم فهم / انت قصدكـ....
*قاطعهم صوت طرق باب المكتب وكان علي .*
علي / انا اسف لو قاطعتكم بس أستاذة احلام رأفت بره وعاوزة تقابل حضرتك .
بسمة / كويس برضه أنها جت دخلها يا علي وعن اذنك يا مراد بيه .
مراد بغضب/ دخلها يا علي .
علي باستغراب من طريقتهم / تمم عن اذنكم .
*خرج( علي ) من المكتب وسمح بالدخول لـ احلام رأفت .*
احلام بابتسامه/ ازيك يا مراد بيه .
مراد وهو ينظر لبسمة بغضب ولكن أخفاه / اهلا بيكي يا احلام هانم انا بخير الحمدلله .
بسمة بابتسامه/ طب عن اذنكم .
*_اتجهت بسمة الي الباب ولكن سمعت احلام تقول .._*
- جيت اتكلم معاك بخصوصك انت و شاهيناز.
*نظرت لها بسمة بحزن وبعدها خرجت من المكتب بسرعة واتجهت الي مكتبها*
جلس مراد باستغراب / بخصوص ايه مش فاهم ؟!.
احلام / بخصوص جوازك من شاهيناز ... من غير ما تستغرب شاهيناز حكتلي عن اللي بينكوا وهي بتحبك اويي وقالتلي أن انت كمان بتحبها وعاوز تتجوزها وانا جيت انهاردة اتكلم معاك في التفاصيل .
مراد في داخله بضيق / يعني عشان رفضت اتجوزك دلوقتي تبعتي امك وتحطيني قدام الأمر الواقع ؟! ماشي يا شاهيناز .
احلام بإستغراب/ قولت اي .
مراد بابتسامه مجاملة / طيب بما أن شاهيناز قالت لحضرتك الموضوع مقالتلكيش كمان أن أنا اتقدمتلها من حوالي سنة وهي رفضت عشان مكنتش شايفة غير حريتها و شغلها ومقالتلكيش أن هي جت وفاتحتني ف موضوع الجواز ده من عشر ايام تقريباً وانا رفضت لنفس سبب رفضها من سنة .. وردي عليها من عشر ايام هيكون هو هو ردي علي حضرتك دلوقتي .. انا مش مستعد اني اتجوز دلوقتي وبالذات شاهيناز لان بصراحه حسيت أن أنا مكنتش اعرفها كويس لان شاهيناز كل يوم بكتشف فيها حاجة انا مكنتش اعرفها وللاسف مش حاجة كويسة خالص لأنها فيها طبع انا مش بحبوا وهو الأنانية وبالطريقة دي انا محتاج افكر كويس قبل ما اخد قرار مهم زي ده ف حياتي .
احلام ببعض الغضب / خد بالك كويس من كلامك يا مراد متنساش أن شاهيناز بنتي وانا مسمحش لاي حد يغلط فـ حقها .
مراد بنفي / انا مغلطش في حقها نهائي علي فكرة انا بقولك اللي أنا شايفه حضرتك جيتي و سألتيني عن الجواز وانا جاوبتك .
احلام في داخلها / ازاي مخدتش بالي ؟!! شاهيناز كانت بتفكر تسرق مراد قبل كده ودلوقتي عاوزة تتجوزوا بس شاهيناز وعدتني أنها رجعت عن اللي فـ دماغها .. لا لا مستحيل بنتي تكدب عليا ... هي اكيد بتحب مراد عشان كده عاوزة فعلا تتجوزوا .
فاقت احلام من شرودها وقالت / خليك فاكر أن انت اللي رفضت بنتي يا مراد وافتكر كمان أن عيلة ابو حطب محدش يقدر يقف قصادها.
مراد بسخرية / هو حضرتك بتهدديني ؟!.
احلام وهي تتذكر أنها يجب أن تقنعوا بـ أمر الزواج ليس لتصنع عداوة / بص يا مراد يا بني انا هسيبك وقت تفكر وافتكر أن شاهيناز بتحبك وانت اكيد مترضاش تكسر قلب حد ولا ايي ؟!... يالا عن اذنك .
*خرجت احلام من المكتب دون أن تسمع منه أي كلمة وكان مراد بين نارين .. بين بسمة التي لا تتعامل معه بطريقة جيدة وبين شاهيناز التي تريد الزواج منه ولا يعرف ماذا يفعل .*
*" " " " " " " " " " " " " " " " .*
*' في مكتب عمار '*
_اتصل عمار بـ اسلام ليحكي معه واجاب اسلام بعد لحظات ''_
عمار / بقولك ايي فضي البيت محتاجين نتكلم في موضوع مهم .
اسلام / مش هينفع انهارده امي رجعت من السفر و موجوده في البيت شوف ريهام تقريبا البيت فاضي لأن أهلها في المنصوره.
عمار / طيب ماشي كلمها ونتقابل عندها .
اسلام / طيب مع السلامه.
```اغلق عمار معه الخط وقام بالخروج من الشركة وكان يتبعه مخبر من القسم ورجل من رجال مراد كل واحد بسيارته الخاصه دون أن ينتبه عمار {للتذكير : عمار عارف ان مراد بيراقبه بس ميعرفش أن الشرطة كمان بتراقبه} اتجه الي بيت ريهام وكان اسلام قد اخبارها بالهاتف.. بعد وقت قليل وصل كل من عمار و اسلام الي بيت ريهام وجلسوا الثلاثه ليتحدثون.```
*كان المخبر يقف في الخارج ويتذكر كلام الظابط '*
المخبر في داخله / الظابط قال لازم نراقب كل مكان يروحوا فيه طب ازاي هقدر اسمعهم وهما جوا ؟!.. بس لقيتها .
*طرق المخبر باب بيت ريهام وفتحت له الباب .*
ريهام بإستغراب / خير مين انت .
المخبر تمثيل / لو سمحتي عاوز كوباية ماية بس جايي من سفر ومش لاقي اي مكان اشرب منه .
ريهام / تمام لحظه واحده اتفضل لحد ما اجيب لك الماية.
*دخل المخبر الي بيت ريهام وكان يمسك في يده جهاز تجسس صغير وكان وقتها يقف في نفس المكان الذي يجلس فيه عمار و اسلام ... وضع المخبر جهاز التجسس أسفل الطاولة دون أن يشعر أي أحد .*
أتت ريهام / اتفضل الماية.
المخبر / شكرا يا آنسة .
_شرب منها وبعدها خرج وشكرها مرة أخري وبعد ما خرج اتصل بالظابط ._
الظابط / الو .
المخبر / الو يا فندم انا زرعت جهاز التجسس في المكان اللي قاعدين فيه ريهام و عمار و اسلام دلوقتي .
الظابط بسرعه / طب تمام اقفل بسرعه .
_اغلق الظابط معه الخط وقام بفتح الهاتف المتصل بجهاز التجسس ليسمع ما يقولون ._
" " " " " "
_عـلـي الـنـاحـيـة الـاخـري'_
عمار / كنا ناقصين عطله احنا يعني مفيش غير بيتك ف كل المنطقة ده راجل غريب اويي !!.
اسلام / خلاص يا عمار ما هو مشي .. اتفضل قول كنت عاوزنا ف ايي .
ريهام / اه صح يا عمار عاوز ايي مش انت قولت أننا منتقابلش الفترة دي لحد ما زين ده يبعد عننا ويبطل يشك فينا.
عمار / المشكلة مش في زين بس لا ده كمان متنسوش ان مراد شاكك فينا ومن كام يوم عرفت أن بسمة اخت شهد كمان شاكة فينا وبتدور علي دليل .
اسلام / طب و بعدين افرض دوروا و لقوا دليل علينا .
عمار / مستحيل محدش هيقدر يمسك علينا دليل واحد احنا قتلنا شهد بس كنا مرتبين لـ كل حاجة قبلها ومحدش لحد دلوقتي عرف يمسك علينا دليل وبعدين متنسوش ان احنا قتلنا شهد عشان زين يتجوز ريهام ووقتها ناخد من العيلة دي كل الأملاك وتبقي بـ اسم عمار الدمنهوري و بس !!.
ريهام / طب و هنخرج ازاي من الورطة ديي ؟!.
عمار بخبث / مش عارف بس انا عاوز اخلص من مراد وزين ب اي طريقة ابعدهم عني فترة لحد ما الأمور تهدي معانا .
ريهام / طب عاوزنا نعمل ايي .
عمار بخبث / اسمعوا .
" " " " " " " " " " " " " " " " " ".
*علي الناحية الأخري في قسم الشرطة .*
الظابط / يبقي كل الاحتمالات كانت صح هما التلاته اللي قتلوها .... *نده أحد الظباط* .. اطلع بسرعه ومعاك قوه علي المكان اللي المخبر (سعيد) قال عليه يالا بسرعه .
الظابط²/ تمام يا فندم بس المسافة بعيده من هنا ل هناك ع الأقل عاوزين ساعه وربع .
الظابط ¹/ اطلع بسرعه علي هناك هما كده كده ميعرفوش أن احنا بنراقبهم يالا بسرعه .
الظابط²/ تمام يا فندم .
*خرج الظابط من القسم ومعاه عدد من العساكر واتجه الي العنوان .. هل سيتم القبض عليهم ام سيحدث شئ يغير كل شيء؟!*
____________________________________________________
*كانت بسمة تجلس في مكتبها تفكر في حديثها مع مراد .*
*بسمة وهي تتكرر نفس الجمله في ذهنها (والله انا بحاول اركز معاها بس هي اللي مش بتشوف ).*
بسمة في داخلها / يا تري كان يقصد مين بالكلام ده ولي كان متعصب اوي كدهه للدرجه دي افرق معاه ؟!.. حتي لو انا قررت خلاص أن أنا اشيلة من دماغي بلاش هبل بقي .
*_انتهت من تفكيرها وتابعت عملها في صمت ._*
_________________________________________________________
*رجعت احلام الي البيت واستقبلتها شاهيناز بحماس كبير .*
شاهيناز بلهفة / ها يا ماما وافق صح الفرح أمتي بقي ها يا ماما قولي ساكتة لي ؟!.
احلام / ممكن تسكتي شوية عشان اعرف اتكلم .. لا في فرح ولا زفت مراد شكله رافض الموضوع ولا عاوز يتجوز ولا نيلة.
شاهيناز بصدمة / ايه اللي انتي بتقوليه ده اومال انا بعتك لي ؟!
احلام / والله انا حاولت اتكلم معاه بس هو اللي رافض قال أي بسبب الشغل وان انتي متغيرة ف قولتله هديك وقت تفكر وتعرف الصح من الغلط ومشيت .
شاهيناز بغضب / ماشي يا ماما لا كتر خيرك .
*صعدت شاهيناز الي غرفتها بكل غضب واغلقت الباب عليها بـ احكام وقالت .*
- لا يا مراد مهما عملت انت ليا .. ليا انا وبس مش شاهيناز ابو حطب اللي تخسر ابدا واكيد بسمة هي السبب انا بقي هدفعها التمن غاليي اويي وهخليك تجيلي يا مراد وبكرة تشوف .
*علي ماذا تنوي أن تفعل شاهيناز ؟!..*
____________________________________________
_نرجع تاني لـ بيت ريهام:)_
_بعد أن شرح لهم عمار الخطة قالت ريهام ._
-الله عليك بجد ده انت دماغ .. انا بقي عشان الكلام الحلو ده هقوم اجيب حاجة نشربها .
*وقفت ريهام ولكن وهي تمشي التوت ( اتكعبلت) قدمها وقبل أن تقع قامت بالسند علي الطاولة ولكن لاحظت شئ غريب .*
ريهام بصدمة وهي تزيل جهاز التجسس من الطاولة / ايي ده مين حطوا هنا ؟!! .
*نظروا الثلاثة للجهاز بصدمة وخوف شديد وفجأة......'*
