رواية مريم الفصل الثالث عشر بقلم جمانه السعيدي
راح الحجي وقدملي للمعهد وبديت استعد للدوام واحضر نفسي
أكرم سجاد هلمره عدت على خير وابوي تنازل عنك اكعد واسكت لايشد ويانا
هلمره صدك يحرمنا من كلشي
واذا سويت فعاليه ثانيه اعناد ويانا يتنازل الها عن كلشي
سجاد غير اذبحها خلاص
أكرم اي واذا ذبحتها ابوها يورث املاكنا
اسكت وخلي يتونس يومين ونخلي عيونه بالتسجيل العقاري
اذا شفنا شي منا منا ساعته نحجي وياااا
ترا كلما نمنعه منها يتمسك بيها اكثر واكثر
جمانه السعيدي
سجاد ولله نجحت الخطه وكتلها وطردها بس عدها حظ بت النعال رجعها
أكرم رحمه الاهلك اسكت وخلونا نتجمع كلنا ونروح نعتذر منه خل نصلح علاقتنا بي
تريد الصدك كلنا ما كدرنا نتحمله وهي قايمه بواجبه ومتحملته
سجاد اي اني اريد اروح اعتذر منه خاف يضل اباله عليه
ويكتب وصيته واطلع خسران كلشي
مريم بدا الدوام داومت اسبوع الحجي ياخذني ويرجعني بس الطريق على بعيد
لكيت بنات ماجرا تكسي ومحتاجات وحده سجلت وياهن
يوميه يمرن عليه وياخذني
بس ايصير عندي وكت بلدوام اخابر الحجي واسولف ويااا
شكد ولد حاولو يتقربون مني بس اني حيل مبتعده
ما اريد اخون ثقت الحجي بيه ابد
جمانه السعيدي
عبدلله قبل اتحسر على شوفت مريم لان بابهم مسدوده ٢٤ ساعه بس الحجي يطلع للشغل ومن يرجع يسد الباب
بس مريم كامت اداوم يوميه اطلع الكرسي برا وابقى منتضره
هو هذا الوكت الوحيد الي اكدر اشوفها بي
من ترجع تنزل كبالي وتسلم عليه وتدخل للبيت
طول النهار ابقى منتضر هاي اللحضه
هي ماتتاجاوز دقيقه بس عندي اسعد لحضه تمر عليه طول اليوم
مره اجاني واحد متخربط حيل ويريد اشدله كانونه وكان وقت جيتها من الدوام
واني كاعد عيني على الطريق وهو يلح يله كوم
شكلي كانونه اني تعبان
عبدلله انفعلت علي
يا اخي موت قابل اني شسويلك
منا لمن اجت ونزلت من السياره وسلمت عليه يله دخلت للعياده وكتله تعال اشدلك كانونه
هو صفن عليه وكال هاااا هاي الحب
اني انتبهت هذا مركز وياي خرب فضحت الامه العربيه
اني لازم انتبه التصرفات عيب خاف الحجي يوصل للحجي
ومريم تزعل عليه
عبدلله لا خويه لاتكول هيج عيب هذا الحجي
ومرا بقيت انتضرها ومآ اجت
طلعت بيومها ما مداومه لان مريضه افلاونزا ومصخنه
اني واكف برا اريد افتهم ليش ما مداومه
جمانه السعيدي
اجاني الحجي السلام عليكم
عبدلله عليكم السلام
...اليوم مريم مريضه افلاونزا ومصخنه ونايمه بلفراش
اتوسل بيها اخذها للطبيب ماتقبل
ماعندك شي ينزل الصخونه ابره مال التهابات
عبدلله اي حجي هسه اجي وياك بس خل أسد باب العياده
دخلت ويه الحجي ودخلوني الغرفة النوم
جانت لابسه دشداشه ردن وشال يعني محضره الدخلتي عليها
لزمت ايدها حيل مصخنه
صايره حمره من الصخونه ومآ تكدر تحجي لان بلاعيمها حيل مطبكات
طلعت محرار ونطيتها خلته بحلكها
وطلعت كانونه شكلتها بايدها
وخبطتلها ابرتين وضربتها
وكلت للحجي خل تشرب شي دافي حتى بلاعيمها تنفتح
اول مره اكون هلكد قريب منها بس خطيه حيل مريضه
جمانه السعيدي
عبدلله راح اعوف الكانونه بايدها وبليل ارجع اضربها ابره مال التهابات وراح تصير زينه لاتخاف عليها حجي
وار العشى خابرت الحجي اطمن عليها
وهي ردت عليه لان الحجي يصلي
مريم الوووو
عبدلله عرفته صوتها مريم
...اي مريم
...شلون صرتي
...الحمد لله احسن
....تحتاجين بعد ابرة التهابات حتى تصيرين زينه
...اي هسه بس يخلص الحجي اجيك اني ويااا
...ليش مو اني اجي خاف متكدرين
...لا صرت احسن رحمله والديك
...زين انتبهي النفسج
الحجي منو بويه
مريم عبدلله يطمن عليه ويكول اضربي بعد ابره
حتى تتحسن حالتج
الحجي اي هسه اخذج اله اريدج تمشين شويه النوم موزين عليج
الي ينام للفلاونزا تتكسر عضامه تكسير
بس سويتلج شوربت دجاج اكلي شويه حتى تتقوين زين
اكلت شويه ولبست الرداء والشال وطلعنا رحنا العبدلله
ضربني الابره
عبدلله لا صرتي احسن الحمد لله باجر تكعدين تمام
اخذها الحجي وراحووو يتمشون شويه
عبدلله ولله خايف لا تفلت اعصابي ومآ اكدر اسيطر عليها
اعرف هذا التفكير حرام عليه
لان هي بذمت رجال ثاني
والبنيه ثكيله ومودبه كلش
بس شسوي الكلبي الي طايح حضه
#مريم
كملت هاي السنه ونجحت والحمد لله
وبلعطله سافرنا اني والحجي رحنا عمرا
شكد تعلقت بلحجي واحبه من كل كلبي احبه واشوفه هو وبس وابد ما حاسه بفرق العمر بينا
لان هو طيب وحنيين كلش
السنه الي بعدها من بدا الدوووام والحجي صحته مو تمام
كام يتعب حيل
ودائما ضغطه صاعد حيل
اني حتى من اروح للدوام يبقى بالي يمه
وكل شويه اخابره
والايام الي احسه حيل تعبان ما اداوم
مره انتكست حالته حيل
اكثر شي يتعب من الجكاير صدره مقبط يلكف النفس بلكوووه
والضغط صاعد رغم الاكل كله بدون ملح
دخلنا مستشفى واني دخلت وياااا
وعبدالله ابد ما عافنه كاعد ويانه ليل نهار
وولده هم يجون ويرحون
مطمئنين علي لان يمه اني وعبدلله
عبدلله انتكست حالت الحجي ودخل مستشفى وهاي المسكينه مكابلته وتبجي ولا تقبل تاكل ولاتشرب ولاتنام اذا تنام تنام وهي كاعده على الكرسي ولازمه ايده
اني ويااها ولا فاركته ابد لان خطيه تخاف وحدها
حتى العصر ما افتح العياده ابد
كاعد بلمستشفى وياها وساكت
وولده يجون بالنهار يبقون ويااا كل واحد ساعتين ويروح ويجي الثاني
بس مربم ما تقبل تعوفه ابد
عبدلله ليش ما ترحين تبدلين وترتاحين وترجعين
مريم اني راحتي من يكوم الحجي بلسلامه
...اي بس غيري ملابسج واسبحي ونامي شويه
افردي ضهرج كله تنامين على الكرسي
مريم الله عليك عبدلله الحجي زين يعني يرجع وياي للبيت
عبدلله انشاء الله
مريم كلبي خايف خاف افقده
عبدلله لاتكولين هيج ابد
مربم ما اعرف ليش هلمره اني حيل خايفه اني ما اكدر اعيش بدونه ابد
عبدلله الحجي قوي لاتخافين علي
.... يارب فدوه ادعيله عبدلله الله لايحرمني منه ابد
عبدلله يارب
طلع الحجي للبيت بس مو مثل قبل حيل تعبان
ولا يكدر يطلع للشغل
جمانه السعيدي
الحجي بويه مريم روحي داومي اني صرت زين
...وينك زين حجي فدوه اني خايفه عليك
...لا اني احسن وباجر ترجعين للدوام فهمتي راح اضيع عليج السنه حرامات
...فدوه الك حجي بس انت صير زين
مريم بليل ما انام ابقه اباوع علي واذا انام اخلي راسي يم راسه حتى ابقى اسمع صوت النفس مالته
اريد اسمع صوت الشخير
اذا يشخر يعني بعده موجود يمي
ثاني يوم رحت للدوام بس ماليه واهس ابد عقلي وكلبي يمه وكل شويه اتصل علي
اريد بس اسمع صوته
بس ما اعرف هلمره اني ليش هلكد خايفه
خايفه افقده
وين اروح اذا فقدته هو وطني ومسكني
شلون راح تكون حياتي واني ما اشوفه
القلق اكل كلبي واني يوميه اشوف حالته تنتكس اكثر واكثر
مايكدر يطلع ويمشي مثل كبل
حركته قليله
بقا اربع اشهر وهو على هاي حالته ما تحسن ابد
الرئه مدمره من الجكاير
والشرايين والشعيرات الدمويه المحيطه بلدماغ
متورمه بسبب الضغط عليها
حالته مستحيل تتحسن وعندا تليف حول الدماغ
مريم حالتي بلويل اروح وارجع للدوام واني عقلي بمه
كل يوم اطلع من البيت اخاف ارجع ومآ الكا بلبيت
من غير الحجي الي اسمعه من ولده من يجووون
#جمانه السعيدي
يكولون عليه
فكر من دخلت للبيت فكرتنا ابونا اتمرض
ما يهمها يوميه مبدله وطالعه للدوام مو بحاله
تواعد بلولد بلدوام وتروح كاشخه علمودهم
قشمرت الحجي وخلته يدخلها معهد اهلي ودفعلها ذيج الحسبه
كل الحجي جنت اسمعه مثل السم وينزا على كلبي
واكول ميخالف
خاف احجي وطردوني من البيت وبعد ما اشوف الحجي ابد
مريم الحجي جان اغلب الوقت نايم بسبب المسكنات الي ياخذها
بس ما ناسيني ابد بس يفتح عيونه يصيح وين مريم
فدوه تروحلك مريم
من يشوفني ينزلن دموعه ويكول لاتعوفيني
مريم شلون اعوفك لو يصير انطي من عمري على عمرك
انطيك صحتي
من يكعد الحجي يسكتون ومآ يحجون عليه ابد
بس يشوفونه نايم لو تعبان يبدي الحجي والغلط عليه مثل المطر
قبل امتحانات اخير السنه بشهر واحد
حلمت حلم خوفني
كنما نمشي اني والحجي مثل الغابه واني خايفه حيل وهو يكول لاتخافين ابد اني وياج
جني وكعت ومن رفعت عيني مالكيت الحجي
كمت اصرخ وأصيح بصوت عالي
بس بدون فايده
التفتت شفت الحجي يمشي بعيد عني
صحت علي ومآ التفت عليه ابد
كعدت كلبي مقبوض حيل
رحت كعدت يمه وبست راسه وبست ايده
فتح عيونه باوعلي وكال مريم وسكت
حسيت نفسي خايفه حيل علي
لان مبين تعبان مو مثل كل يوم
بس وحدي جنت يمه وما كو واحد من الولد
طلعت تليفون الحجي وخابرت عبدلله
عبدلله الووو ها حجي
مريم اهي اهي عبدلله فدوه تعال الحجي اليوم ما عاجبني ابد
عبدلله اي هسه جاي
