رواية مريم الفصل الرابع عشر بقلم جمانه السعيدي
عبدلله وصلت فتحتلي الباب بس شافتني كامت تبجي حيل
مريم عبدلله الحجي موزين
عبدلله لاتبجين خلي ايمانج برب العالمين جبير صيري
قويه
كعدت يمه وهي كعدت كبالي
بس قربت على صوت عالي يطلع من صدره مثل الشخير بس عالي
لزمت اطرافه بارده وخاصه رجلي عرفت الحجي جاي ينازع الموت
خابرت على الإسعاف انقله للمستشفى بسرعه
ورجعت خابرت ولده حتى يلحكونا للمستشفى
وصلنا ودخلنا الغرفة الإنعاش جان منتهي على الاخر
حاولو ينعشون القلب حتى عرضو الصدمات كهربائيه
بس بدون فايده
جمانه السعيدي
مات الحجي ومريم كلبت المستشفى بلعياط اتهسترت
حتى ملخت شعرها وتضرب راسها بلحايط
الولد اخذووو يطلعون شهادة الوفاه
واني بقيت يم مريم احاول أهديها ماكووو
ضربت راسها بلحايط وكصتها انجرحت
وتملخ بشعرها
لزمت اديها بلكوووه اريدها تسكت ماكووو
تصرخ
مريم حجي ليش عفتني لمن عفتني
ليش فاركتني
وين بعدك اروح اخذني وياك العمر بعدك ما يسوه
سحبته بلكوه واخذتها للطوارء
اريد اضمد كصتها لان الدم ترس ووجها
كعدتها على الكرسي وهي مستمره تبجي وتصرخ
جبت كطنه وبديت امسح الدم من وجها
وخليت كطنه معقمه ولزكه على الجرح
سمعت صوتهم طلعو وهي ركضت لازمه السديه الي عليها الحجي وتصرخ لاتعوفني على بختك
وين مخليني ورايح
اخذني وياك اني ما اكدر اعيش من دونك
راسا سجاد سحبها بقوه ودفعها وكعت على الكاع
وكاللها رايحين ندفن الحجي ومن نرجع ما اريد اشوفج نهائيا سمعتي
تلمين هدومج وطلعين من البيت
بعدين رجع أشر اشارت تهديد باصبعه
اذا رجعت وشفتج موجوده ادفنج بمكانج
عبدلله دنكت عليها وكومته وهي تبجي وتصرخ
ومنهاره فدمره
مريم عبدلله الحجي عافني شوف شوف وتاشر بايدها ورا شوف شلون راح وعافني
ليش هو مو يكول اني احبج شلون يعوفني
عبدلله حسيته اتهسترت الصدمه قويه عليها حيل وماتكدر تتحمل
اخذتها كعدته على الكرسي ورحت جبت ابره مهدء
وصحت السستر تضربها
اجت السستر وضربتها شويه هدئت بس ما بطلت بجي ابد
اخذتها ورجعته للبيت
خفت اعوفها بلبيت وحدها لاتسوي بنفسها شي
هي دخلت واني بقيت انتضرها بلباب
بس دخلت للبيت
كامت اتصيح حجي حجي وينك
اني اجيت اليوم ما لاكيتني
ولاكتلي مشتاقلج حجي وينك ليش ما ترد عليه
على بختك
انت موكلت انتي اليه ومراح اعوفج ابد
لعد ليش عفتني
انتضرك ترجع
حجي اشكيلك من سجاد ما قبل ا روح وياك
حتى ما خلاني اشوفك للمره الاخيره
تقبل يدفعني ويصيح عليه
وينك ياهيبتي وينك يا اهلي وينك ياعشيرتي
اليوم كسرتني حجي
اني قبل احس نفسي أقوى وحده بلعالم
لان انت وياي بس اني اليوم ضعيفه كلش
بحيث بس دفعني سجاد وكعت
يردون يطلعوني من بيتك خاف اشم ريحتك بي
حتى الشي الوحيد الي باقيلي منك يردون ياخذووو
تقبل حجي هيج يصير بيه
انت ليش طلعت بحياتي وخليتني احبك واتعلق بيك
اذا ناوي تعوفني
اني ليش حضي بلدنيا كل إنسان احبه واتعلق بي
يعوفني
امي قبلك عافتني ومآ كسرت خاطرها ابد
واني ادري انت تحبني
بس مراح ترجعلي ابد
عبدلله خفت لايصير بيها شي دخلت وراها
لكيتها كاعده وتبجي
يله كومي كافي لا اعتراض على حكم رب العالمين
يله جمعي ملابسج وغراضج خل اوديج الاهلج
وين تليفونج
مدت ايدها للجنطه وطلعته
عبدلله افتحي خل اخابر ابوج يجي
فتحت الرمز وطلعت رقم ابوها وخابرته
وشرحتله كلشي وكتله تعال ترا مريم وضعها مو زين
كومتها وراحت دخلت للغرفه
طلعت جنطه وكامت تجمع بغراضها
وملابسها
عبدلله اي مستمسك يخصج اخذي لان تحتاجينه
وكل الأشياء المهمه
راسا هي كعدت كالت ما اكدر بعد اليه نفس بغرفتي
اريد اشبع من الهوا الي جان يتنفس منه الحجي
عبد الله ماكدرت اتحمل ولله خطيه شكلها يصعب على الكافر
طلعت برا شويه واجا ابوها وزوجته دخلو عليها
زوجته دخلت عليها وهو اجا يسئلني شنو صار
حجيتله كلشي وكتله ما يردونها بلبيت
احتمال اذا رجعو ياذونها جمانه السعيدي
جيبها وجيب غراضها خل اوصلكم للبيت
مريم بس شافت ابوها رجعت تصرخ حيل وحاضنته بكل قوه
وسميه جمعت غراض مريم وخلتهن بلسياره
شويه وطلع ابوها شايله
لان مفعول المهدء اشتغل وتعبت حيل
وصوتها راح من العياط
صعدت بلسياره ووصلتهم للبيت
وأخذت رقم ابو مريم ورقمها حتى اكدر اتواصل وياهم
مريم بس نايمه ومن تكعد تبقى تبجي
عبدلله اني كاعد بلعزا بس ولله ولده ابد ما متأثرين
علي ولانزلت دمعه وحده من عدهم
حقه الحجي يحب مريم
ويتعلق بيها ذبحت نفسها علي
ثاني يوم للعزا خابرني ابو مريم
وكال اريد تسئل ولده وين المدفن مالتهم
مريم تريد تروح للحجي
رحت وسئلتهم ورجعت خابرت ابو مريم وحددتله مكان الدفن وين
ثالث يوم مريم وابوها راحووو للنجف
بس وصلت جان بعده الكبر ما بانيين فوكه بس تراب
مريم اني قربت وشفت التراب وخالي علي مثل السيراميك زغير وكاتبين اسمه علي
مريم صرخت بصوت عالي عمت عيني حجي ابو روح العزيزه نايم جوه التراب
هاي هي حجي شلون هيج تنام جوه التراب
شلون تقبل تعوفني ليش ما اخذتني وياك
هانت عليك مريم
بعد بطلت تحبني انت مو تكول ما اكدر افاركج ابد
هااا شوفاركتني
بقيت كاعده وابجي منا لمن انفجر راسي من البجي
ابو مريم خفت عليها حيل
كوه كومته من الكبر
نايمه على الكبر وتبجي
ملابسها كلها تراب رحت جبتلها ماي شربتها
وبعدين صعدنا ورجعنا للبيت
مريم الصدمه جبيره على عقلي يوميه اكعد واكول بلكت يطلع حلم ايجوز اني جايه اشوف اهلي
وهسه ارجع البيتي والكه الحجي منتضرني
تليفونه عندي كل اشويه اطلع رقمي كاتب علي
مريم النبض مالتي
وحافظ صوري بلاستديوووو
اتمرضت حيل كلشي ما اكدر اسوي
ومآ اكدر انام ابد عيوني بس يبجن والنوم مايجيني ابد
طلعت تليفون الحجي وخابرت عبدلله
عبدلله تليفون دك كمزت هذا رقم الحجي
....... الوووو
....الووو عبدلله
...عرفته مريم هلو مريم شلونج
....عبدلله ما جاي اكدر انام ابد وعيوني يحركني من البجي اربد شي ينومني حتلو انام شهر ميخالف
فدوووه عبدلله اني تعبانه حيل
عبدلله صار هسه اجيبلج حب مهدء ويخليج تنامين
اخذت العلاج ورحت اللهم للبيت
ولله خطيه هاي البنيه مسكينه حيل
وين الله وتطلع من هاي الازمه قبل لايصير بيها شي
وصلت وانطيت العلاج الام شهد ورحت
بس خلصت السبعه قررو ولد الحجي يقيمون كل ثروته
وكلمن ياخذ حصته
وجانو محتاجين توقيع مريم لان الها حصه بلورث
راح سجاد الابو مريم
وتعارك وياااا
سجاد بتك فوك الفلوس والذهب الي سحبته من ابوي
هسه حضرتها على الجاهز تريد تشاركنا بكلشي
ومطلوب مني اروح واجيبها توقعلي
يله اكدر اخذ حصتي
حضوظ كاعده وتجيها الفلوس
ابو مريم بتي ما محتاجه الي شي منكم
سجاد اي هذا الكلام سولفه على الدبه اذا ما محتاجه فلوسه ليش ازوجت ابوي
لازم جان عاجبه شبابه وصحته
باجر خل تحضر للمحكمه توقع وتأخذ حصتها
من عساها لاتهنت بيها
جمانه السعيدي
ابو مريم بابا ولد الحجي محتاجين توقيعج علمود توزيع
الحصص حتى كلمن ياخذ حصته
مريم اي بابا تمام
ثاني يوم راحت مريم هي وابوها للمحكمه
وولده بس شافوها كامو يخزرون بيها
سجاد يسمعها
اي سمعت بلورث واجت تركض بت الفكر
بس وصلت للقاضي حتى توقع على اعلان الورث
مريم سيدي القاضي اني اريد اتنازل عن حصتي
ما اربدها
القاضي ليش بابا احد ضاغط عليج
مريم لا سيدي محد ضاغط عليه بس اني خسرت الحجي الي مايتعوض بكل املاك الدنيا
مايهمني الفلوس ابد
بعدين ولده اولى بيها هم اولى بتعب ابوهم مني
ولد الحجي بقو واحد يباوع بوجه الثاني ومآ مصدكين الي صار ابد
مريم وقعت وطلعت
ابو مريم ليش بابا تنازلت هذا حقج
مريم ما اريد منهم شي ابد من ازوجت الحجي لليوم عمري ما فكرت وياهم بطمع لو مصلحه ابد
وصلنا للبيت وسميه سمعت متنازله وهي كلبت البيت كلاب
سميه ليش تنازلت انتي ما تردين احنا نريد
لو عاجبتج هاي الخرابه الي كاعدين بيها
رجعتي على كلبي والنوب ارمله
بعد منو يكلبج على الاقل لو طالعلج بيت جان ضمنتي تزوجين ياخذونج علمو بيتج
لو طالعتلج كاع جان بنيناها وسكنه بيه
انتي فكر هي كوووه الله يطيح حضج على هله المصيبه
وللج فلوس وجايتج للحلك ليش تتنازلين عنها
احسبيها مكافئه خدمه
ولله قهرتيني الله ياخذج مريم
