رواية من القاتل الفصل الرابع عشر
*نظروا الثلاثة للجهاز بصدمة وخوف شديد وفجأة قال عمار .*
- مين اللي حط ده هنا ده جهاز تجسس .
ريهام بخوف/ ايه تجسس والله ما اعرف حاجة ايي ده ؟!.
اسلام بتذكر / الراجل اللي كان هنا اكيد تبع مراد أو زين وبيراقبنا .
عمار بخوف شديد/ عندك حق .. احنا لازم نمشي من هنا بسرعه .
ريهام بخوف/ يالا يالا بينا بس هنروح فين .
عمار / يالا بس الاول نركب عربيتي و نروح ف اي حتة يالا بينا .
*خرجوا الثلاثه من بيت ريهام بسرعة وركبوا سيارة عمار بسرعه وانطلقوا بهاا الي مكان ما وكان البوليس وصل واتجه خلفهم بسرعه كبيرة وكان في نفس الوقت رجال مراد توقفوا عن المراقبه ليتصلوا ب مراد وقال له .*
- ايوا يا مراد بيه البوليس دلوقتي بيجري ورا عمار و صحابه .
وقف مراد بصدمة / ايه اللي انت بتقوله ده انت متاكد ؟!.
- ايوا يا مراد بيه متاكد هو خرجوا من البيت وطلعوا بسرعه بالعربيه والبوليس وراهم .
مراد / طب خليك وراهم بسرعه وشغل الـ GPS عشان هتابع تلفونك يالا بسرعه .
- حاضر يا فندم .
_اغلق مراد معه الخط واتجه الرجل الي سيارته واتجه وراء سيارة عمار والشرطة ._
" " " " " " " " " " " " " " " " " .
*علي الناحية الأخري .*
*خرج مراد بسرعه من المكتب واتجه الي مكتب بسمة .*
بسمة / خير في ايي .
مراد بسرعه / تعالي معايا بسرعه .
بسمة / انت بتقول ايي اجي معاك فين .
مسكها مراد من يدها بسرعه ودون أن يحكي شئ/ مفيش وقت للكلام تعالي معايا .
*اخذها سريعا وهو يمسك يدها وركبها السيارة كل هذا وسط زعيقها وهي تقول .*
- ابعد عني يا مراد .
*ركبوا الاثنان السياره واتجه مراد بالسيارة خلف الـ GPS .*
_ماذا سيحدث يا تري ؟! ._
*' ' ' ' ' ' ' ' ' ' ' ' ' ' ' ' ' ' ' ' ' ' ' ' '*
*ع الناحية الأخري في سيارة عمار .*
اسلام وهو ينظر خلفه من زجاج السيارة/ ينهار ابيض البوليس ورانا روحنا ف داهيه روحنا ف داهيه.
عمار وهو ينظر من مراه السياره بخوف / احنا لازم نتوهم.
ريهام بخوف / بسرعه شوية يا عمار الله يخليك البوليس فاضله تكة و يمسكنا.
اسلام وهو مازال ينظر للخلف/ الظاهر أن مش الشرطة بس اللي جاية ورانا في عربية تاني وفيها واحد .
عمار بخوف / ده اكيد تبع مراد ... أمسكوا نفسكوا كويس .
*ستوب ' كانت ريهام تجلس بجانب عمار و اسلام في الخلف .. ربطت ريهام حزام الامان عندما أمرهم عمار بالتماسك وجلس اسلام جيدا حتي لا يتأذي...' باكك.*
*زود عمار السرعة الي درجه جنونية وكان يدخل في العديد من الشوراع حتي يتوه البوليس و سيارة رجال مراد .. ظل يدخل في شوارع عديدة حتي تاهت سيارة رجال مراد و اختفت من أمامها سيارة عمار.*
عمار بخبث/ كده الراجل بتاع مراد مع السلامة .
*ذود السرعة اكتر ودخل في أحد الشوارع الذي يوجد به إشارات مرور ولـ سوء الحظ عندما مر عمار بالسيارة أنارت الإشارة احمر وتوقفت سيارة الشرطة لان السيارات الأخري كانت تعبر الطريق بعرض الشارع .*
عمار / احنا دلوقتي خلصنا منهم لازم نروح ف ايي حته نستخبي فيها .
ريهام بخوف / طب هنروح فين ؟!..
عمار / انا عندي مكان بس اهم حاجه اقفلوا تلفوناتكو خالص ومحدش يتصل ب اي حد .
اسلام و ريهام/ تمام .
*اتجه عمار بـ سيارته الي مكان ما فـ ما هو ؟!.*
" " " " " " " " " " " " " " "
```ع الناحية الأخري في سيارة مراد .'```
بسمة بغضب / ممكن افهم احنا رايحين فين .
مراد ببعض الغضب / البوليس شكله مسك دليل علي عمار و بيجروا وراه دلوقتي .
بسمة بصدمة / طب انت عرفت منين ؟!.
مراد / لان انا كنت مخلي واحد يراقب عمار و هو اللي قالي وانا دلوقتي ماشي وراه بالـ GPS بس معرفش لي ظاهر عندي أنه وقف مكانوا معقول يكون مسكوه ؟!.
بسمة/ مش عارفة بس ممكن ليه لا .. طب كلمت زين ؟! لازم يعرف .
مراد بتذكر / ايوا صح ازاي نسيت .. خدي يا بسمة رني عليه وافتحي الاسبيكر اكلمة.
بسمة / تمام .
*اخدت بسمة هاتف مراد و اتصلت بـ زين وفتحت الاسبيكر واجاب زين بعد لحظات .*
زين / ايوا يا مراد في حاجه ولا ايي .
مراد بسرعه / زين هبعتلك لوكيشن تعالي عليه بسرعه .
زين باستغراب/ لوكشن ايي بس فهمني براحه .
مراد / تقريبا مسكوا حاجه ع عمار تعالي بس بسرعه .
زين / طب اقفل اقفل انا جايي .
مراد / تمام .
*اغلق مراد معه الخط و طلب من بسمة أن ترسل له اللوكيشن ( العنوان ).*
_بعد حوالي سبع دقائق وصل مراد و بسمة الي المكان الذي يقف فيه الرجل '_
مراد / ايه اللي حصل ؟!!.
امير ( المراقب) / انا اسف يا مراد بيه عمار بيه فضل يدخل في شوارع كتير لحد ما تاه مننا خالص حتي كمان قدر يتوه البوليس.
مراد بغضب كبير / اومال انت وراه ليه هو اللي توهك .. كام لازم تفضل وراه يا أمير .
بسمة / ممكن تهدي شوية يا مراد اكيد البوليس هيعرف يوصلوا وكمان الراجل عمل اللي عليه و زيادة يعني مش غلطان فـ حاجه .
*نظر لها مراد بغضب لأنها دافعت عن أمير وجعلت مظهره مذنب أمامه ولكنه صمت .*
*بعد حوالي خمس دقايق وصل زين الي الموقع الذي أرسلة إليه مراد .*
زين / ايه مراد مسكوا ؟!.
مراد / هرب يا زين .. عمار هرب من الشرطة .
زين بغضب / يعني ايي هرب.. والله ليتمسك .
بسمة / يالا نطلع ع القسم اكيد هنوصل ل حاجه .
مراد / يالا و كمان عشان نعرف ايه الدليل .
*ركب الثلاثة سيارة مراد وذهب امير من المكان .. ركب زين بجانب مراد أما بسمة ركبت في الخلف .*
_هل سيتم القبض علي عمار ام سيظل هارب من العدالة؟!._
____________________________________________
*في بيت شاهيناز كانت تجلس في البيت وهي في قمة الغيظ من مراد و لكن قررت الاتصال به .*
*اتصلت به مرتين ولكنه لم يجيب .*
شاهيناز بغضب / يا تري مش بترد ليه يا مراد ؟!! اه اكيد قاعد مع السنيورة وهي اللي شغلاك عني !!.. انا بقي هعرفها والله لاعرفها .
*بدلت شاهيناز ملابسها سريعا و قررت الذهاب لـ مراد الشركة .*
__________________________________________________
*بعد عشر دقائق كان قد وصل عمار الي المكان المقصود ووقف أمام بيت متوسط في منطقة شبه مهجورة (عدد السكان بها قليل ) .*
نظرت ريهام للمكان بإستغراب/ ايه المكان ده يـ عمار .
عمار / انا كنت شاري البيت ده من فترة طويلة و محدش يعرف عنه حاجه ولا حتي عمي ... هنقعد فيه لحد ما نلاقي طريقة و نسافر برة مصر.
اسلام بصدمة/ ايه نسافر برة ؟!! ليه كل ده ما يمكن القضيه تتقفل ومنحتجش نسافر برة ولا حاجه .
عمار ببعض الغضب و سخرية من كلامة / هو حد قالك يا اسلام أن البوليس كان عاوزنا نشرب معاهم كوبايتين لمون ؟!!! افهم يا بابا احنا بقي مطلوب القبض علينا يعني لو مسافرناش برة مصر ف اسرع وقت يبقي كلنا هناخد اعدام و هيتلف حوالين رقبتنا حبل المشنقة .
اسلام / وانت ايه اللي مخليك متاكد انهم مسكوا دليل علينا .
ريهام بغضب / هو انت مشوفتش جهاز التجسس اللي لقيناه تحت التربيزة ؟!! و مخدتش بالك من البوليس اللي فضل يجري ورانا .. طبعا هتسأل وتقول ما يمكن جهاز التجسس تبع مراد مش تبع البوليس.. لو كان تبع مراد كان رجاله مراد هما اللي بيجروا ورانا وبعدين عمار عارف كويس الراجل اللي مراد مخليه يراقبنا وواضح جدا يا اسلام أن الراجل اللي جه البيت و طلب ماية أنه مخبر وهو اللي حط الجهاز ... ها ؟! في اي اسئلة غبية تانية .
*صمت اسلام لانه شعر بالقليل من الاحراج وبعدها بـ دقيقة نزلوا الثلاثة من السيارة و دخلوا الي البيت ولكن وقفهم أحد .*
- نورت يا عمار بيه في اي أوامر .
عمار / بص يا عم صابر احنا جايين نقعد هنا كام يوم و مش عاوز مخلوق يعرف أن احنا هنا ولا حتي مراتك .. ابعتها ع بلدكوا .. سامع يا عم صابر .
صابر بخوف لأنه يعرف مدي نفوذ عمار / تحت امرك يا عمار باشا.. عن اذنك واتفضل المفتاح .
*اخذ عمار من صابر المفتاح و دخلوا الثلاثة الي البيت .*
ريهام / احنا هنقعد هنا ازاي الفترة ديي .. احنا مش معانا لا اكل و شرب ولا حتي هدوم .
اسلام / ايوا صح و اكيد اهالينا هيدوروا علينا .
عمار / كل حاجه عاوزينها هخلي عم صابر يجبها و بالنسبة للاهل فـ اكيد هيعرفوا أن أحنا مطلوب القبض علينا .
*نظروا له بخوف شديد وجلسوا في صمت وهم خائفون مما تخبئة لهم الايام ''.*
______________________________________________'
_وصل مراد و زين و بسمة الي قسم الشرطة ونزلوا من السيارة ودخلوا الي الظابط ._
مراد / خير يا فندم ايي الدليل اللي وصلتلوا .
الظابط / والله بعد المراقبه عليهم طلع أن أنا نمسك عليهم دليل ده أمر سهل جدا رغم اني كنت خايف لا الموضوع يطول بس عرفنا نمسك عليهم تسجيل صوت و هما بيعترفوا بـ كل حاجة .
زين / طب و اي الفايدة دلوقتي يا فندم ما هما هربوا ؟!!!.
الظابط / ميمنعش أن احنا هنوصل لهم ف اقرب وقت .
بسمة / ايوا يا فندم بس اكيد مش هيبفضلوا ف مصر كتير ... مش بعيد يسافروا برة مصر .
مراد / ايوا يا فندم .. ممكن فعلا يسافروا برة مصر.
الظابط / اكيد طبعا ده اللي هيحصل و عشان كده احنا هنزل صورهم ف كل حته واللي يقدر يوصل لهم يكون ليه مكافأه مالية وكمان هنبلغ كل المطارات أنهم ميخرجوش من مصر وهنتطلع قرار بـ منعهم من السفر .
زين / طب ده كويس جدا .. ايه اللي ممكن نعملوا الفترة الجاية .
الظابط / والله مفيش اي حاجه ممكن تعملوها غير أننا ندور عليهم وكمان اكيد الناس هتساعد وخصوصا أن هيكون فيه مكافاه مالية يعني أن شاء الله نقدر نوصل لهم ف اسرع وقت .
مراد / أن شاء الله .. عن اذنك .
الظابط / اتفضلوا .
*خرجوا من مكتب الظابط .*
بسمة / أن شاء الله يتمسكوا بسرعه .
زين / أن شاء الله .
بسمة /انا لازم اروح اعرف بابا باللي حصل .
مراد / لالا استني .. احنا هنيجي معاكي نوصلك و بالمرة نحكي لـ عمي ع الحكاية .
زين بمواقفه ./ والله فكرة كويسة .. يالا بينا .
بسمة / تمام يالا.
*ركبوا الثلاثة السيارة واتجهوا الي بيت بسمة '.*
________________________________________________________
*وصلت شاهيناز الي الشركة وصعدت الي الطابق الثالث حيث مكتب مراد*
شاهيناز باستغراب/ يا تري فين بسمة مش في مكتبها ليي ؟!! اه طبعا اكيد عندوا في المكتب .
*اتجهت شاهيناز الي مكتب مراد وفتحت الباب ولكن لم تجد أي أحد.*
شاهيناز باستغراب / حتي مراد كمان مش هنا ؟! ومش بيرد علي تلفونه وبسمة مش هنا ؟!! لازم اسال ايي حد .
*اتجهت شاهيناز الي مكتب علي وو جدته يجلس و ينهي بعض الأعمال ''*
شاهيناز بغرور / بقولك ايي .
علي بإستغراب/ افندم ؟!.
شاهيناز / فين مراد بيه ؟!.
علي/ مراد بيه خرج من شوية هو و الأنسة بسمة من الشركة .
شاهيناز بغضب / قولت خرج مع مين .
علي / مع بسمة !!.
شاهيناز/ طب متعرفش راحوا فين ؟!..
علي وهو يحاول التماسك / لا معرفش .. هو جه أخدها من ايديها جاامد وطلعها معاه بالعافية و محدش يعرف راحوا فين.
*خرجت شاهيناز من المكتب بغضب كبير وظلت تتصل بـ مراد ولكن لم يجيب .*
شاهيناز بغضب/ رد بقي يا مراد ... ماشي يا بسمة وحيات امي لاهعرفك مين هيا شاهيناز ابو حطب.
*خرجت من الشركة وركبت سيارتها واتجهت الي بيتها بغضب كبير ووجدت والدتها تجلس و تشاهد التلفاز''*
وقفت أمامها بغضب وقالت / اسمعي بقي .. انتي لازم تساعديني اني اتجوز مراد .. اعملي ايي حاجه عشان اتجوز مراد الدمنهوري ف اسرع وقت .
احلام بغضب / هو انتي معندكيش كرامة ؟!.. هو شكلوا مش عاوزك يا شاهيناز ... ابعدي عنه بقي .
شاهيناز بغضب / ابعد عنوا ؟!! علي جثتي .. مراد الدمنهوري ليا انا و بس .. ومفيش غير شاهيناز ابو حطب اللي هتتجوز مراد الدمنهوري .
احلام / ليه هو في واحده تانية ف حياته .
شاهيناز. بغضب / اه في .. أو هيبقي فيه .
احلام / ومين ديي .
شاهيناز بغضب/ دي بسمة الغندوري .. السكرتيرة بتاعتوا هي دي عارفة العلاقه و بتحاول تاخد مراد مني ز انا مش هسمح لها .
احلام / اهدي يا بنتي .. انا مكنتش اعرف ان الموضوع كدهه .. انا شوفت البنت دي لما كنت هناك وباين عليها مش من مستواه ولا مستواكي خالص وانا مش هسمح لاي حد ياخد مكانك .. و اوعدك يا بنتي ان مراد هيكون ليكي .
شاهيناز بفرحه / بجد يا ماما .
احلام / ايوا يا بنتي انا مش هسمح لحد ياخد منك سعادتك .. اطلعي ارتاحي وسيبي موضوع مراد ده عليا ..
شاهيناز بخبث / حاضر ي ماما .
*صعدت شاهيناز الي غرفتها بسعادة كبيرة لأنها علي يقين أن أمها ستنفذ وعدها لأنها توعدت علي ذلك من صغرها .*
*علي ماذا تنوي الام و ابنتها يا تري ؟؟!*
_________________________________________________'
*عند عمار و ريهام و اسلام''*
عمار/ الحاجه دي عم صابر جابها ياريت بقي مش كل شوية طلبات عشان الراجل ميشكش فينا .
اسلام / طيب .
ريهام بزهق / هفتح التلفزيون أما اشوف حاجه تسلينا.
*فتحت ريهام التلفاز ونظروا الثلاثة بصدمة و تفجئوا بـ ......*
