رواي عذابي وقدري الفصل الثالث عشر بقلم ارسلان جاف
مساء الورد 🌹🌹🌹🌹🌹🌹🌹🌹 داده مثل ما وعدتكم اريد تفاعل يستمر باجر هم بارت اذا بقه تفاعل انزللكم كل يوميه
الكلام الذي لا نبوح به لا يموت ....
ولكنه يقتلنا .....
روان… .
بقيت افكر بكلامها واعيده معقوله اني فكر
وماراح يصير عندي اطفال… زين عمتي ليش هيج
تحجي …
بقيت احجي ويه حبيبي بس بالي وتفكيري يم
كلام مرت ابوه صارت الدنيا لليل… اجوي
يمي بنات عماتي وخالاتي وهوسه صارت وعلاء طلع بقينه نسولف ونتشاقه…
واني بالي يم علاء شلون راح يرجع الصبح
منو اله ويامن ياكل ومنو يغسل ملابسه
اندكت الباب مد راسه علاء حبيبي
وكال ممكن ادخل ترى اشتاقيت لحلالي
البنات ضحكووو ..و كالوله
لا مايصير احنه هم النه حصه بيها شنو بس
الك قابل… روان تعال حبيبي
البنات اقترحوا نلعب لعبة الصراحة وجانت
الاسئلة جريئه وبعضها محرجه كلش …
واني هم زين مانسالت ولا مره صارت الساعه
ب12 حبيبي غمزلي وكاللهم راعوو شعور الاخرين
خطيه مريضه خطيه راح تنام وهي كاعده
واني هم 😁ماجذبت خبر سويت نفسي كمت انعس واتثاوب…
سارة بت خالتي كالت استاذ علاء جنها هاي طرده
بادب… ضحك علاء وكال اني ماعليه ماعوف
رنووو… و صاررر صايح بينهم بشقه
حسيت راسي راح ينفجر اندكت الباب فات بابا
كال سوولي طريق اريد اشوف بنتي😁
شاف علاء… وكال انت شو كاعد هنا اشعندك …
انقصف علاء 😂… .
بابا كله هاي بنتي لو نسيت ..
علاء لا مانسيت بس هي حلالي عشت احلى يوم
نسيت حتى الالم الي عشته وكلشي سمعته
من مرت ابوه بين شقه وضحك صح مريضه
بس جنت نايمه بحضن حبيبي استغليت لموقف
واسمعهم واتشاقه وياهم عادي
نمنا ب 3 وكعدت على حركه علاء بالغرفة جانت
الساعه ب8 كال لازم ارووح يروحي…
روان بعد وكت حبيبي ..
لا حياتي طريق طويل وعندي شغل…
روان علاء اتريكت… كلي اي اتريكت
اجه عليه باسني من خدي وكال ان شاء الله اني اخابرج حبيبي ديري بالج على روحج ..
مااريد اي واحد من ولد عمامج او عماتج او اقاربكم
يطب يمج تدرين اغار عليج…
اي حبيبي بعدين اني مريضه ولولد شعدهم جاين
يمي وبقينه نسولف ونتشاقه لحد ساعه 10
كال يله حبيبتي تاخرت ارووح اني…
طلع واني ماكدر اكوم اطلع وره نزلت دموعي
من طلع حسيت رووحي طلعت وياه…
مااريده يرووح اريده يبقئ يمي…
من ووصل اتصل عليه يطمني…
ورجعنه اني وحبيبي مثل قبل نتصل ونحجي
بالتليفون طول الليل وبالنهار اني نايمه
شنوو الي اريد واشتهى يجي ليمي ..
العلاج ماما تنطي الي بمواعيده وضماد كل
يومين ابدله مااحب يتاخر خلصت 10ايام
عبالك سنة ..ياربي مشتاقه لحبيبي اريده
بعد ماتحمل يكون بعيد عني مشتاقتله
واليوم راح افتح لخياط وعلاء كلي راح اجي
اتاخر خابرني وكال حبي السيارة عاطله ماكدر
اجي خلي اهلج ياخذوج تفتحين الخياطات
ضجت كتله ماشي حبيبي…
بس والله مشتاقتلك ..
علاء اني اكثر يرووحي … كملت وياه وسديته
واخذتني ماما ورحنه لدكتور… وكال بنيتها
ضعيفه خلو بعد يومين ونفتح الخياط
وعاشت ايدج العمليه نظيفه مابيها شي
رجعت للبيت طبيت لكيت حبيبي علاء
واخواني مسويلي مفاجئه ..
زينه وكيك وشموع وموسيقى هادئ عبالهم
شلت الخياطات حفله تخبل من شفتهم فرحت
بحبيبي حضنته حيل وشالني وبقه يفتر بيه
ماما ..كالتله علاء الخياطات بعدهم ماشالتهم
دير بالك مافتحوهن كالوا بنيتها ضعيفه فد يومين
بعد ..
كال ماشي اخذها ومناك اوديها تفتحهم
ان شاء الله…
-الصبح نرووح كافي ماشبعتوا منها
صار كومه عدكم اشتاقيت لحلالي ايامي
بدونها ضياع ..
اكعد الصبح ..وارجع ب12 لو ب 1 بلليل واكل بره
اخابرها وانام واكعد الصبح لشغل هيج اخلص
ايامي بدونها بالليل بعدهه طلعنه للكورنيش
بابا كال اريد اصعدهه بالزورق والدكتور كال تكدر
تمشي ماعليها شي…
اتونسنه ورجعنه…
الصبح كعدنه ودعنه اهلي ورجعنه لبيت عيالي
واني خايفه من الحجي الي راح اسمعه من مرت ابوه والطريق كله ضحك وسوالف وعلاء يضحك
عليه شلون خفت من دكت رونق اختي وصلنه
للبيت نزلت دخلنه للبيت وسلمت الكل موجودين
والكل اجوي سلموا عليه… بس عمتي مرت ابوه
ماسلمت ولا كالت الحمدلله على السلامه بالجذب
كالت هاا شرفت المحروسه الي تريد احد يداريها
ماحاجيتها صعدت لدرج بلكوه لان ماكدر من
الخياطات اجه علاء ساعدني وصعدني
كتله يصيح وحده من اخواته ساعدني ابدل
ملابسي…
راح صاح لانوار خطيه اجتي ساعدتني بدلت
ملابسي وتمددت بفراشي ونمت…
حسيت باب الغرفه نفتح دخل علاء شافني نايمه عافني
وطلع حبيبي لشغل ..
صعدت مرت ابوة ها ساقطه كح… بنت النع….
بدت رحمه الله .. استغفر الله ..
احلام… هاااا ..خاتوون ..
عاجبتج الكعده بيت اهلج وجان تدفعني حيل
وكعت بالكاع ومااشوف غير الدم مادري منين
وشلون غركت بالدم وهي بعدهه تسب وتغلط
وجان تجي وتضربني على بطني برجلها
وتحجي تريد رعايه ومدارات مو هاج وتضرب بيه
اريد امج تجي وداريج هنا هم من شافت الدم
غركني نزلت تركض واني بقيت بالكاع اون
ماكدر اكوم ولا اكدر اصيح شفت الدنيا سوده
واتشاهدت وبعدهه مادري شصار ..
فتحت عيوني ..اني وين ولساني ثكيل حيل
اباوع اني بالمستشفى…
واسمع صوت علاء… حبيبتي يروحي غير تنتبهين
لروحج شلون صار وياج هيج… شفت مرت ابوة
واكفه وراه وتاشر عليه اذا تكوليله اكتله
سسكتت… .خفت اخسر حبيبي
هيج وحده كلشي يطلع منها مو بعيد تسويها
اذكرت من كالت اكتله مره من كالت اكتله مثل
ماكتلت امه… يمه صمله حبيبي
والوجع موتتني ماحس بشي من الالم …
سالني علاء… حبيبي شلون وكعتي ونفتحت
العملية غير ديرين بالج على نفسج هم زين امي
صاعده ولكتج سابحه بالدم وخابرتني…
روان ..جريت حسره شكبرها والله لو تدري
منو الي سوه بيه هيج ماتباوع بوجهه بعد مو
تكللها يمه احجي بكلبي…
حبيبي تعبانه واريد انام… .
ورجعت من
ورجعت من البدايه خياطات جديده ولازم
انام وارتاح كلشي ماسوي 10ايام ابقى بالفراش
اوووف ياربي شدعي عليج…
شراح اسوي يرادلي راحه ومداراه واكل خاص
ويه هاي النسره شسوي ..
علاء كلي حبيبي راح اخذج لبيت اختي تبقين
عدهم لحد متصيرين زينه ونفتح الخياطات
وترجعين للبيت ماشي .
كتله اي…
ورحنه لبيت اخته الجبيره ام دعاء عدهه 3 بنات اكبر
وحده بصف رابع اعدادي واصغر وحده ب 3 بصف ابتدائي…
هيه ربه بيت وزوجها موظف بالنسيج خطيه
رحبت بيه وماقصرت ابد وداريني ..
وحبيبي علاء يجي بالليل يبات يمي والصبح
يرووح عدهم غرفه جوه جهزوها الي
بيوم بس اني وياهه بوحدنه بالبيت زوجهه بالدوام
والبنات كلهم مدارس .
كتلها ام دعاء ..
كالت هااا حبيبه كوولي تريدين شي
روان ..اكدر اسالج سؤال وتجاوبيني بصراحه
كالت اسالي اذا اكدر عليه اجاوبج
عمتي امج شلون ماتت وعمي شلون اخذ ام كرار
يعني احلام مرت ابوهم ..
وليش هذا اسلوبها وحجيها وياي
هاا وتره راح اكلج شي علاء مايدري بيه هيه
صعدت لغرفتي وكتلتني وانفتحت عمليتي
وهددتني اذا احجي شي من الي صارر تكتل علاء
واني خايفه ترووح تسوي شي لعلاء
كالت راح اسولفلج … .بس هذا الحجي تنسي
وره مانخلص وحتى ويه رووحج لا تحجينه
هزيت راسي ..اي
كالت اني مااحب مرت ابويه احلام ..
قبل ابويه جان يشتغل بالنقل البري وعنده سيارة
جبيرة تريله يسموهه ويطلع بيها للاردن ولسوريا
بوكت صدام مو هسه وجان يرووح يبقى اشهر
وايام ومحد يدري عنه اكلنه شربنه متنه وحنه جنه بالنجف مو هنا بغداد
ومره اجانه واحد للبيت وكال شفت سياره ابو علي
علي اخو علاء من امه وابوه الجبير…
بفلان مكان… بوكتها امي الله يرحمهه جانت تشتغل خياطه تخيط لجوارين والناس حتى تعيشنه
لان مثل ماكتلج ابوي يرووح ويغيب
عنه اشهر ومحد يدري عنه ..كتلها اي
امي لبست عباتها واخذت اخوتي علي وعلاء
وراحت للمكان ولكت بس السيارة ومن سالت
بالمنطقة كالوا هذا بيت اهله هنا ..
يقصدون على ابويه ..وره شهربيوم طب ابويه
للبيت وياه مرية وبيدهه ولد وحامل…
وكال هاي مرت صديقي ويتيمة وماعدهه احد
غيري وراح تبقئ يمنه شهر لحد مااشوف شلون
الله يحلها ويه رجلها…
طبعا امي من اهل الله ماحجت سكتت وصدكت
بكلام ابويه…
وبيوم امي فزت بالليل على صوتهم سمعتهم
يضحكون وطلعت تشوف… وسمعت الصوت من
غرفة احلام فتحت الضوه عليهم ولكتهم اثنينهم
سوه وماتحملت وكعت وراسا صارت بيها جلطة
واخذناهه للمستشفى وبقت اسبوع بالعنايه
المشدده وعدت على خير بعدهه صار عدهه
ضغط وعرفت هاي مرته وهذا ابنه وحامل منه هم
جانت مو هالكد حلووه بوكتها جانت انوار
مصايره حامل بيها امي…
وبعدهه عرفنه مرت ابويه جانت تشتغل بيت موزين مشبوه وابوي شايفها وضاحكه عليه ومتزوجها
وشتكول لابوي يسوي ..
وامي الله يرحمها كالت…
- يمه اني ماضامنه عمري الج ازوجن مادامني
عدله مااريد مرت ابوجن تتحكم بيجن بس
خوفي على الي بطني والله خايفه عليها
اجتي قسمتي وزوجتني اني ورايه ام احمد
وام غيث نبراس بس نبراس وره ماماتت
امي طلكت وبقت خدامه لمرت ابويه احلام
هي واختي انوار ..
وبيوم امي كالت مشتهيه تشريب لحم ابيض
جان عيد وكلنه مجموعين يمها وملتمين
وسوينه التشريب غده بيومها اصرت احلام انو هي تصب
الغده وعزلت غده امي وحدهه بيومها مافتهمنا
ليش ماحطينه بالنه شي…
اتغدت امي وخلصت وجان توكع ركضنه بيها
للمستشفى بيها جلطه وذبحه بقت بالانعاش
4 ايام وتوفت امي وعافتنا وراحت بدنيا ماترحم
جان بوكتها علي عمره 12 سنة وعلاء 9سنوات
روان… حماتي تحجي واني فاكه حلكي وصافنه
هاي شمسويه بيهم…
هاي شيطان مو بشررر…
والله جنت اخاف منها قاط صرت اخاف 10 قوط
منها موهينه هالمره ابد شمسويه بيهم ..
شكرا لزيارتكم عالم روايات سكيرهوم
