 |
رواية من القاتل الفصل الخامس عشر بقلم يارا البرعي
*فتحت ريهام التلفاز ونظروا الثلاثة بصدمة و تفجئوا بـ صورهم علي كل القنوات الإخبارية '.*
ريهام بصدمة / ينهار اسود .. احنا كده روحنا ف داهية .
اسلام بخوف / اي حد هيشوف الاخبار اكيد هيبلغ عننا وبالذات البواب .
عمار بصدمة / عندك حق البواب .. انا لازم امشي عم صابر من هنا بـ اي طريقة قبل ما يشوف الاخبار .. ده إذا مكنش شافها .
ريهام / طب اتصرف بسرعه مستني ايي .
*خرج عمار بسرعه كبيرة من البيت و قام بالنداء علي صابر ( البواب ).*
صابر / خير يا عمار بيه في ايي طلبات .
عمار / انت شغلت التلفزيون انهاردة ؟؛.
صابر / لا ي بيه انا مش فاضي للكلام الماسخ ديه .
عمار / طب كويس اويي انا عاوزاك تاخد هدومك و مراتك و ترجع بلدكوا و متجيش هنا تاني .
صابر / لي يا عمار بيه هو حضرتك شوفت مني حاجة وحشة ؟! .
عمار / لالا يا عم صابر مش كده بس انا مسافر الفترة الجاية و مش عارف هرجع أمتي فـ قررت اصفي كل املاكي لـ برة مصر ومش هحتاج البيت ده تاني فـ لو سمحت خد مراتك وارجع البلد وانا هكلف حد يبعتلك مرتبك كل اول شهر .
صابر / لا يـ عمار بيه انا هرجع البلد انا و مراتي بس مش عاوز مرتب لان انا كده هاخد فلوس فـ حاجة انا مش بشتغل فيها .. انا هروح اجهز نفسي عشان ارجع البلد .. عن اذنك يا عمار بيه.
*ذهب صابر الي الغرفة المخصصة له من البيت وجلس يفكر في حديث عمار معه .*
صابر مع نفسه / يا تري ليه عمار بيه طلب مني اني ارجع البلد و اسيب المكان هنا خالص ؟!! وليه سألني علي التلفزيون ؟! انا مش فاهم حاجة .. انا هرجع البلد انهاردة واكيد هناك هلاقي شغل بإذن الله .
سميحة ( زوجة صابر) / مالك يا صابر فيك ايي .
صابر / ابدا يا سميحه بس احنا لازم نسيب المكان و نرجع البلد .
سميحه بصدمة / ايه ؟!! لي يا صابر انت عملت حاجه لـ عمار بيه ولا ايي .
صابر / لا يا سميحه متقلقيش .. قومي يالا جهزي حاجتك عشان نسافر الطريق طويل وعاوزين نوصل قبل ما الدنيا تليل وفـ السكة هحكيلك اللي حصل .
سميحه / حاضر يا صابر .. انا قايمة.
*نهضوا الاثنان لـ ضب اغراضهم لـ ترك المنزل .*
_دخل عمار الي البيت الذي يختبأ به ._
ريهام بخوف / هاا عملت ايي ؟!.
عمار / هيمشي و يسيب المكان انهاردة .. احنا لازم نخلص اجرائات السفر بسرعه و الا كده ممكن اي يحد يشوفنا و يبلغ عننا .
اسلام / ايوا بس اكيد المطارات كلها بقي عندها أمر بـ منعنا من السفر هنسافر ازاي ؟!.
عمار / هنسافر بـ مركب هجرة غير شرعية يعني .. في مركب محملة بضاعه لليونان انا هكلم المسئول عن الكلام ده كله عشان يظبط الأمور .
ريهام بإستغراب / و هو هيوافق كدهه عادي ؟!.
عمار / ايي حد دلوقتي بيعمل أي حاجة عشان الفلوس .. الفلوس دي مفتاح كل حاجة .. عشان تعيشي لازم يكون معاكي فلوس .
```ظلوا يتحدثون عن خطتهم للهروب خارج مصر ..هل سيتم القبض عليهم ام سيسطيعون الهرب ؟!```
_____________________________________________
*وصل زين ، مراد و بسمة الي بيتها '*
*فتحت بسمة الباب يالمفتاح و دخلت ووجدت فرح و والدها يجلسون معا '*
نادر بابتسامه/ اهلا وسهلا.. ازيكم يا ولاد عاملين ايي .
مراد بابتسامة / الحمدلله يا عمي انت ازيك و صحتك اخبارها ايي .
زين بابتسامة/ الحمدلله يا عمي احنا بخير المهم انت ايه اخبارك ؟!.
نادر بابتسامه/ الحمدلله والله مبسوط اني شوفتكم .. بس ايه الزيارة الجميلة ديي .
بسمة / اصل يا بابا في حاجة مهمة حصلت ولازم نقولك عليها .
نادر باستغراب / حاجه ؟! حاجه ايي .
مراد / اقعد بس يا عمي وانا هفهمك كل حاجة براحة .
*جلسوا الجميع و دخلت فرح الي المطبخ لتحضر لهم شئ يشربوه و بعدها جلست معهم .*
نادر بإستغراب/ خير يـ ولا هو في جديد ولا اي ؟!.
زين / بصراحة .. اه يـ عمي .. انهاردة الشرطة جابت دليل علي عمار ابن عمي و صحابوا بس هما عرفوا أنهم هيتقبض عليهم و عرفوا يهربوا و الله اعلم بقي هما فين دلوقتي .
نادر/ يعني انت كان عندك حق لما قولت أن عمار هو اللي عمل كده فـ بنتي .
زين بحزن / للاسف اه يـ عمي .. لان كل حاجة كانت ضدو ومفيش حد غيروا ليه مصلحة أنه يعمل كده .
نادر بحزن / الله يرحمك يا شهد .. نفسي اعرف ايه السبب اللي يخلي عمار يقتل بنتي و يعمل فيها كده .
مراد / صدقني يا عمي احنا كمان عاوزين نعرف بس مش هنعرف غير لما يتمسك هو صحابوا ويتحقق معاهم بس حتي لو مقالوش السبب فـ هو كده او كده القضية لابساه .
زين / ايوا بس تقريبا انا عارف السبب .
بسمة باستغراب / ايه هو ؟!.
زين / من كام يوم كنت ف الشركة والظابط كلمني و ....
𝐅𝐥𝐚𝐬𝐡 𝐁𝐚𝐜𝐤 ´´
*بعد أن انهي زين الاجتماع ذهب إلي قسم الشرطة لـ مقابلة الظابط '.*
زين / السلام عليكم.
الظابط / وعليكم السلام اتفضل يا زين .
زين / حضرتك اتصلت وقولت عاوز تعرف كام حاجه بخصوص القضية ؟!.
الظابط / مظبوط ياريت بس تقول كل حاجة بالتفصيل لو سمحت .
زين / تمام .
الظابط / ايه كانت نوع العداوة اللي بينك وبين عمار يعني ايه اللي يخليك تقول إن عمار اللي قتل شهد ؟!.
زين / تمام هقول لـ حضرتك .. عمار كان بيحاول ياخد شهد مني لسبب انا مش عارفو بس عمار مكنش بيحب شهد ولا ناوي علي جواز هو بس كان عاوز يبعدها عني ده اللي كنت بلاحظه من كلامه عنها وأنه كان بيستفزني كل شوية بـ كلامه .
الظابط / طب و ريهام ؟!.
زين / مكنش في بيني وبينها حاجة بس كانت علي طول بتحاول تقرب مني وتجر ناعم زي ما بيقولوا .
الظابط بتفكير / لو فكرنا للحظه أن عمار اللي قتلها يبقي كلامك معناه أن ريهام بتحبك و عمار عارف وده اللي كان بيحاول يعمله انه يبعد شهد عنك عشان ريهام تيجي مكانها لسبب برضه معين .
زين / كلام حضرتك صح جداا طب وبعدين .
الظابط / احنا كده بقي معانا تقريبا دليل بس مش واضح بس بـ مراقبه عمار و ريهام و اسلام اكيد الدليل هيكون واضح اكتر .. احنا شددنا عليهم المراقبة .
زين / تمام يا فندم أن شاء الله نوصل لحاجة .
الظابط / أن شاء الله .
زين / عن اذنك .
*خرج زين من القسم و رجع إلي الشركة مرة أخري `*
𝐁 𝐚 𝐜 𝐤 ´´
زين /و هو ده اللي حصل بيني و بين الظابط .. وفكرنا لو عمار معرفش يبعدها عني ف قتلها عشان ريهام تاخد مكانها .
*- بعد تلك الكلمة ( قتلها ) تجمعت الدموع في عين زين `*
نادر بحزن كبير / الله يرحمك يا شهد .
مراد / طب يجماعه لو هو ده السبب فعلا .. اظن أن عمار و ريهام مش صحاب اويي عشان عمار يخليها تاخد زين الا بقي لو في مصلحة كبيرة من ورا الكلام ده .
نادر / كلامك صح يا مراد يا بني بس ايه هي المصلحه دي .
بسمة / استحالة هنعرف ايه هي قبل ما عمار يتقبض عليه .
مراد / أن شاء الله يتقبض عليهم بسرعه ونرجع حق شهد الله يرحمها.
زين بحرج / معلش يا عمي عاوز اتكلم معاك شوية .
نادر / تمام يا بني اتفضل .
*ذهب نادر و زين الي غرفة اخري لـ يتحدثون '*
'' - كان يجلس مراد و فرح و بسمة معاً ''
*رن هاتف فرح في تلك اللحظه وكانت صديقتها*
فرح / طب عن اذنكم هقوم انا ارد علي التلفون .
*خرجت فرح لتتحدث في الهاتف في حديقة المنزل '' وكانت في وقتها مراد و بسمة يجلسون وحدهم `*
مراد بحزن / انتي لسه زعلانة مني يا بسمة .
بسمة بجدية/ لو سمحت يـ مراد بيه انا مش عاوزة اتكلم فـ اي حاجة دلوقتي .
مراد ببعض الغضب / طول ما احنا برة الشركة مسمعش منك كلمة بيه دي وياريت لو جوه الشركة كمان .. وبعدين انا نفسي افهم حاجة .. انتي ليه معاملتك معايا اتغيرت كدهه .. انا عملت ايه لـ ده كلة ؟!! انا اعتذرت عن اللي انا عملتوا بس انتي من قبلها وانتي مش متقبلة مني ايي كلمة .
بسمة / انا اللي نفسي افهم حاجة .. انت ليه مهتم بكلامي معاك .. اتكلم معاك أو متكلمش .. بيفرق معاك اويي ليه ؟!! ده انت حتي كنت بتحب شاهيناز و في دلوقتي واحدة تانية فـ حياتك .. خلاص يبقي تركز معاهم وسيبني فـ حالي لو سمحت .
مراد بغضب / ما هو انتي لو ذكية شوية كنتي فهمتي أن البنت التانية دي هي حضرتك .
بسمة بصدمة/...........
" " " " " " " " " " " " " " " " " " " "
_عند نادر و زين '_
نادر / خير يا بني اتفضل .
زين بحرج و حزن / انا يا عمي مش عارف اقولك ايه .. كل اللي حصل بسببي انا وبسبب عمار .. عمري ما كنت أتخيل أن عمار ممكن يعمل كده فيا حقيقي انا محروج منك جدا .. انا السبب فـ كل اللي حصل لـ شهد .
نادر بـ نفي / لا يا زين يبني اللي حصل لـ شهد الله يرحمها ده نصيبها ف الدنيا لحد هنا و كمان اللي عملوا عمار فيها ده انت ملكش اي علاقة بية .. انت ملكش اي ذنب أن ابن عمك مش كويس .
زين / بجد مش قادر اقولك انا فرحت قد اي ان انت بتفكر كدهه .. و ان شاء الله عمار هيتمسك و هياخد جزائه.. وحق شهد هيرجع .
نادر / أن شاء الله يبني .
*وقفوا يتحدثون فـِ مواضيع مختلفة '*
" " " " " " " " " " " " " " "
بسمة بصدمة/انت بتقول ايي ؟!! انا البنت التانية ؟! .
مراد ببعض الغضب / اخيرا فهمتي .. بحاول أن أنا افهمك من زمان ده بس انتي مش عاوزة تشغلي مخك خالص وتعرفي أن أنا بحبك انتي .. وكنت بحاول أن أنا اعرفك من بدري بس انتي اللي كنتي مش مدياني اي فرصه و بتتعاملي معايا بطريقة صعبة اويي .. كان لازم تفهمي ده من الاول .
بسمة بصدمة/ انـ... انا ... انا مش عارفة اقولك ايي بجد بس اللي انت بتقوله ده مش هينفع يا مراد .
مراد / قبل ما اعرف سبب رفضك عاوز أسألك سؤال .
بسمة باستغراب/ اتفضل !!.
مراد / بتحبيني يا بسمة .
نظرت بسمة في عينيه بـ حب كبير ظاهر في عينيها / لو قلتلك هتفرق معاك .
مراد / اكيد طبعا و هتفرق كتير اوي كمان .
بسمة بحزن/ وانا مش هقدر اقولك حاجة غير أنه مينفعش .
مراد / ايه اللي مينفعش ؟! ايه اللي معطل الموضوع من وجهه نظرك ؟!.
بسمة / شاهيناز .
مراد باستغراب/ مالها شاهيناز !! ما انتي عارفة أن انا و هي خلاص مبقاش في بينا حاجة .
بسمة / شاهيناز مش هتسيبك يا مراد .. انت متعرفش حاجة .. اللي شوفته منها يأكد أنها مش هتسيبك بالسهولة ديي وبعدين انت مسبتهاش يا مراد انت يدوب رفضت فكرة الجواز دلوقتي .
مراد / انا رفضت الجواز منها دلوقتي و هرفضه بعدين و هي بقي تفهم زي ما تفهم .. وبعدين انتي شوفتي ايه من شاهيناز انا مش فاهم .
بسمة / ملوش لازمه الكلام دلوقتي يا مراد .
مراد باستغراب/ اومال أمتي يعني ي بسمة .. بتحبيني يا بسمة .
بسمة بابتسامه/ منكرش اني انجذبت ليك بس الكلام ده مش هينفع دلوقتي عشان الظروف و كده .
مراد بابتسامة/ ماشي .. هستناكي بكرة ف الشركة .
بسمة / ماشي .
*بعدها خرج زين و نادر من الغرفة وخرج مراد و زين من بيت نادر الغندوري و رجعوا علي بيتهم '''.*
_______________________________________________________.
*بعد وقت طويل من سفر عم صابر و زوجته ( سميحه ) وصلوا الي بلدهم ( دمياط) و دخلوا الي بيتهم وجلسوا يتحدثون'*
سميحه بإستغراب/ والله اللي انت حكيته ده ميطمنش خالص يا صابر .. ما هو عمار باشا علي طول بيسافر بس بيسيبنا عادي .
صابر بـ شك / شغلي التلفزيون كده .
سميحه بإستغراب/ حاضر.
*فتحت سميحه التلفاز ووجدت صور لـ عمار*
سميحة بـ شهقةة / الحق يا صابر شوف مكتوب ايه .
صابر بصدمة/ ايه ده ؟!!!
سميحه وهي تقرأ الخبر / عاجل هروب ثلاثة أشخاص من العدالة بسبب ارتكابهم في جريمة قتل و مكافاه مالية قدرها اثنان مليون جنية لم يعثر عليهم .
صابر / بس فهمت .. اكيد مشاني عشان معرفش أنه مطلوب القبض عليه .
سميحة / طب و هنعمل ايه دلوقتي .. هتبلغ عنهم ؟!!.
صابر بـ نفي / لالا يا سميحة احنا ملناش دعوة بـ حاجة زي دي مش عاوزين مشاكل .
سميحة / ايوا بس يا صابـ....
صابر بعصبية / سميحة أنا قولت خلاص .. احنا ملناش دعوة بـ اللي بيحصل .. كويس اصلا أن احنا مشينا .
سميحة / ماشي يا صابر .
*سكتت سميحه ولكن كان في فكرة في رأسها فـ ما هي ؟!*
___________________________________________
*رجع زين و مراد الي البيت ووجدوا والدهم يجلس .*
حازم / حمدالله ع السلامة ... اومال فين عمار.. تلاقيه عندوا شغل زي العادة .
مراد بتوتر / لا يا بابا اصل عمار بصراحه...
اكمل زين / عمار اتقبض عليه .
حازم بصدمة/...........
