رواية رهينة لضباط الفصل الرابع عشر بقلم مرج البحر
أخبروا الحظ بأننا أحياء
فليطرق بابنا ليلةً ...
........
باوعت ع الكتابه المكتوبه جانت مركز الشرطه جنت حاسه هالحجي الحلو ورا سالفه وهسه اتضحلي انو هو جاي يبيع عليه مثاليات حتى اتنازل عن مروه ..
بتسمت ابتسامه مستفزه وضحكت بصوت عالي هو افتر كل جسمه عليه وباوعلي بنضرت استغراب ...
سند... شبيج تخبلتي؟
نور..... ههههههه ليش هو الي يشوفكم ويعيش وياكم ما يتخبل لا والله يتخبل وعقل ما يضل براسه جاي تبيع عليه الكلام الحلو حتى اتنازل عن مروه مو بس والله بحلامك اتنازل
سند..... منو كلج اريدج تتنازلين انه جبتج حتى تكولين انتي اتهمتي مروه بدون دليل وراح تتعاقبين بدالها
نور..... ههههههههه هههههه ااااخ بطني شكلت هههههه مسمعتك عيد بالله
سند..... الي عندي حجيت راح تحجين الحجي الي راح اكوله الج بدون ما تزودين حرف
نور.... لحضه لحضه لتحجي اي احجايه وداعت حبك الامك وروحه لبوك الله يرحمه ما انزل ولا اتنازل لو كدرت تخليني اتنازل ذيج الساعه صدك تخبلت وحتاج مصحه
سند.... لا تختبرين صبررري ونزززلي بدووون حجي زايد لا تحديني وتدرين بروحج تخسرين
نور.... لا ما راح اخسر الي الحق وياه عمررره مااا يخسررر وخلي بالك مسسستيحل يعنييي مستحيلللل
سند.... هسه نشوف
نزل من السيارة متعصب وركع الباب قووي اجه يمي فتح الباب وجراني نزلنه ثنينه من السيارة هو يمشي ولازم ايدي ويتوعد بس يرجع للبيت ينهيني واني ما هتميت لحجيه شنو الي يريد يسوي خل يسوي
دخلنه مركز الشرطه هو يجيبني منا يوديني منا يهو الي يتعده يخزره ومخليني ورا ضهر سئل عن مروه وكم شغله عن محامي ... وهو طلو هالوقت لازم ايدي ...
هو جاي يحجي ويه الشرطي تعده واحد لابس لبس عسكري صارت عيني بعينه بدون قصد غمزلي وتعداني ...
فتحت عيوني ع وسئهن ورجف جسمي ودكات كلبي صارت قويه ... ع شويه اتخربط من الخوف ...
الحمدالله سند ما لاحظ لو ملاحظ جان دفني بنص المركز ... خلص حجي وجراني ودخلنه جانت غرفه بيها طبله وكراسي ...
سند.... اكعدي فضيها هاااي تاليتي ضابط والله هالله ونسواني وحده بالسجن والثانيه حابستها الله ياخذجن ويخلصني جنت شايل فكرتت الزواج ولعبان النفسس هسسه بدال المصيبه مصيبتين ربي لو تاخذهن لو تاخذني
نور.... والله اني اشوف ياخذك احسن هم اني ارتاح وهم العالم ترتاح من شرك وغرورك وشايف نفسك
محسيت غير ركع الطبله بيده قووي وخززرني ورفع ايديه يريد يموتني بس ضرررب الحااايط بيده ودار وجهه ...
سند.... ورب الجلاله اذا ما ندمتج ع كل كلمه كلتيها من انتي بالمستشفى لحد هسه وتدعين عليه بالموووت كووون ربي ياااخذج ويخلصني
حجيت بيني وبين نفسي ... بس اني اشوف ياخذك ويخلصني منك اشرف ع الاقل انته شابع من الحياة اني بعدني ما شفت شي
سند..... ترا سمعتتتج بيج خيررر علي صوتتتج
نور..... شنو حاط ذانك يمي احجي الي اريد احجي حتى بيني وبين نفسيي تريد تدخل
سند..... لازم روحي عنج لان احنه هسه بالمركز خلي نطلع وراويج شلون راح ادخل بنص بطنج مو بس بينج وبين نفسج
سكتت هو اعصابه تلف ما يعرف شيسوي يا يضرب الطالوله يا يدك ع الحايط بيده وعيونه تخوزر بيه ..
جر الكرسي وكعد طلع جكار وكام يشرف خلصت جكارته طلع الثانيه خلص الثانيه راد يطلع الثالثه واندك الباب ...
دخلان ثنين عسكريتين وبنصهن مروه فهيت ع العسكريات معقوله اكو بنات عسكريات اول مره بحياتي اشوف هو اني وين شايفه حتى اشوف ..
خليت ايدي وبقيت صافنه عليهن لحد ما انسد الباب بقينه بس اني ومروه وسند يفتر علينه مثل الذبانه ...
سند.... هسه كللي شسوي بيجن اسجنجن ثنينجن حتى تدادبن لو اموتجن ثنينجن
مروه.... سند اني ما سويت شي انته خليتني اتعارك وياها ما جنت ادري راح تشتكي عليه طلعني فدوه منا انته ما شفت شصار بيه خفت حيل واني بسجن
سند.... ادري وعرف كلش زين نومت السجن ما تراد وهاي جبت نور حتى تتنازل ونرجع لبيتنه سالمين غانمين
نور..... بحلامكم اتنازل كتلك مساع ورجع اكلك ما اتنازل لو تخلولي الشمس بيد وقمر بيد
سند..... نننننننننننوووورررررررررر
فزززني صووووته بس ما هتميت مستحيل اخلي يفرض اوامره عليه كافي الي سوه بيه لحد هاي الحضه ويردوني انهان بعد وبعد بس لهنا وخلص الطوبه صارت بملعبي واني الامر وانهي ....
مروه.... شوفي نور والله التردينه اسوي الج بس فدوه طلعيني من هنا لا تخليني ابوس ايدج اسويلج كلشي وصير زينه وياج بس طلعيني
نور.... صراحه توسلج ما قنعني توسلي اكثر وخلي اشوف عقلي لازم استشيره قبل لا ضميري يستعجل وينطي قرار من كيفه
رفعت عيوني بتكبر اتجاه سند هو مصدوم ومروه تبجي وتناشق بس اني مهتميت ... ما اشوف غير سند حضن مروه ويمسح بدموعها ...
سند.... اشش حبيبتي لا تخافين الليله ما راح اخليج تباتين هنا لو تنطبك السمه ع الكاع واذا ع هاي الحقيرة الماعدها شفقه ولا رحمه بكلبها اتركيها وراي وشوفي شراح اسوي بيها
نور..... تؤ تؤ خطيه الليله راح تنامين بالسجن ومن تطلعين راح يصيحون عليج خريجة سجون شكد راح ازعل عليج
اجاني رااشدددي قووووي من سند هو يحضر ايده حتى يضربني الثاني كمتتت بكل قوووتي ودفعته من منطقة صدره ....
نور...... شتررريد هاااا تريدددد تضررربني موووو ايييي هاااي الرجوووله الي علمتها الك امك والي ورثتهااا من ابوووك موووو هااي رجوولتكم ترررفعون شئن نااااس وتنزلون نااااس هذااا التعلمتووو من اهاليكم
سند..... صوووووتج ما كاااعدين بيت الخلفوووج ولا تعلين صووووتج بوووجههههي لا تشوووفين وجهههي الثاااني
اني وصرررخ وابجي بنفس الوكت مااا اعررف انهاريت كلششش وطاقتي بالصبر خلصت ...
نور...... اعليييي صوووتي وغصبنن علييييك انته كمممم وجههههههه عندك عشررررررة لوووو عشررررين يووووميه وجهههه شكل وفوووك هذااا تكول اطلللع وجهييي الثاني قصدك تطلع وجهككك الاللللف انتتههههه احقررررر انساااان شفته بحياااتي عدييييم الحيااااااء
هو تعصب وصار يضرب بيه بوحشيه واني اتماديت صرت اسب بي وبابو الله يرحمه فقدت كلشش ما اعرف منين صارت تجيني الضربات ...
ابتسمت بوجع وحسيت شي نزل ع عيوني هو تبعد عني وعلامات الخوف بعيونه تلمست ايدي مكان العين وبعدها شفت الدم جاي ينزل عليه بس ما اعرف منين ...
كعدت وانتجيت ع الحايط وغمضت بتعب كل مكان بجسمي يوجعني لا اكدر اوكف ع رجليه ولا اكدر اعرف منين صار يطلع الوجع ...
دكااات كلبي تسارعت ونغزززات صارت تقوووه ازيد من الي قبلها خلييت ايدي ع كلبي وحجيت بداخلي سامحيني يمه ما كدرت اجي اودعج بس جانت بنفسي قبل لا اموت اشووفج ونام بحضنج ..
نور.... اشهد ان لا اله الا الله واشهد ان محمد رسول الله واشهد ان علياً ولي اللله
حسيت ايده لفتني فتحت عيوني بتعت وصارت عيني بعينه هو بيده كلينس جاي يمسح الدم عن وجهي ... وهمس ....
سند.... اشش نور لا تكولين هيج مجرد انفتح الخياط وراح ترجعين طبيعيه لا تعوفيني اول مره اطلب منج هالشي لا تعرفيني نور
ابتسمت ولزمت ايده وعيني بعيونه ...
نور..... اني متنازله عن مروه خليها تشوف حياتها والله يرزقكم بطفل يكمل عائلتكم
سند.... ادري بيج ما تردين تتنازلين
نور.... اريد اروح لربي واني راضيته
ما جاوبني شالني وطلع بيه اجاني شعور اريد احضنه وشمه واني ادري هذا يومي الاخير بهاي الدنيه ...
ضميت راسي بصدره وتنفست عطره دخلته الريتي وغمضت عيوني براحه ...
فتحت عيوني واني اشوف نفس بمكان نوراني يخبل وبيت جبير مثل قصر الاحلام وشخص كاعد كدام هذا البيت ...
تقدمت خطوتين للبيت حسيت ع شي صدني وصار بوجهي يمنعني من التقرب اكثر ...
كام الرجال ع حيله وصار هو يتقرب عليه كل ما يتقرب خطوه تتوضح معانيه اكثر وكثار ...
باوعت عليه شايل طفل بيده وشكله شايفته من ركزت اكثر بي ابتسمت بفرح وركضت بس احسن نفسي باقيه بمكاني ما اكدر اتحرك شي مقيد حركتي ....
وصل يمي وهو يبادلني البتسااامه حضنننته واني ابجي بدموع الفرررح ....
- عمووو هذاااا انته اشتاقيتلك هووواي ليش رحت وعفتني والدنيه من بعدك ما رحمتني ولا يوم
- هاي الحياة اخذ وعطه يوم زينه ويوم حزينه وانتي قويه وراح تتجاوزين كل مصاعبها يا حبيبت عمج
حضنته من جهه هو حاضن الطفل من جهه ثانيه تبعدت عنه وباوعت ع الطفل جان ناعم ويخبل ابتسمت ...
- عمو منو هذا معقوله تزووجت ونسيتنه
- هذا الطفل جبته هديه الج ادري بيج تحبين الاطفال
صرررخت من الفرحه وخذته منه هو خله ايده ع متني ومشاني ويمشي وياي كعدنه بحديقه جبيره وحلوه وشجارها عاليه ...
وكعدتنه تحت شجرة من الشجرات والطفل بحضني يناغي ... رفعت راسي ع عمو واني ما مصدكه شفته .. وحضنته بعد غياب طويل ...
- عمو شنو اسمه هذا الحلو
- عباس ع اسم كفيل زينب الي راح يكفلج بعد جرم الحياة بيج وبگلبج
- عباسس؟ منو سمه هيج؟
- ليش اسمه ما حلو؟
- لا كلش حلوو بس اخافن لو كبر ما يشبه صفات اسمه ولا يستحق هذا الاسم
- لا تخافين عمو راح يصير اخو خيته وحامي ستر امه وخواته
ابتسمت ... وسكتت حسيت الابتسامه رجعتلي بعد وقت طويل ومحد كدر يخليني ابتسم غير عمي هو الي فاهمني وعافني وراح ... بعدني كاعده العب ويه الطفل عمو كال ...
- شنو حبيبت عمو ما ناويه تروحين
- لا عمو ما اريد اروح اريد ابقه يمك محد بيهم يحبني هناك بقيني يمك وانته عندك بيت حلو وهذا الطفل راح اساعدك بتربيته فدوه عمو
- لا حبيبتي ما اكدر ابقيج امج وخوانج ينتضروج ترجعين اخاف لو بقيتي يمي يزعلون
- بس عمو ما شبعت منك خليني بعد شويه
- روحي رجعي لحياتج واني انتضر ازيارتج الي انتي وطفلج وتعرفيني عليه مثل ما عرفتج ع هذا الطفل الي مونسني هنانا
- لا عمو اني ما اريد اطفال اخاف يعيشون نفس معاناتي ويكرهوني لو يكرهون ابوهم وحياتهم مثل ما اني هسه اكره ابوي
- لا تفكرين هيج عمو عيشي حياتج وربي اجيال يستحقون الفخر ويرفعون راسج وهسه عمو لازم اروح انطيني عباس
اخذه مني وراح ركضت الحكهم اريد اودعهم بس فجأه اختفو وصار المكان مظلم وصوات تخوف حاوطتني صرت افتر وصررخ ع عمو بس هو ميجاوبني ...
لزمني شي من ايدي ونبت اسنانه بيهن وحسيت ع رجلي تشررمخ باضافر حااده وضهرييي ضربات قووويه ... اختنكت من هووول المووقف وصررت اركض بالظلمه والصوات ما تفارك مسااامعي ...
ناديت باعله صوووتي .... ياااا علي ياااا داحي البااااب خلصني يااااا اميرررر المؤمنيننن ياااا عليييي ياااااا عليييي ....
طحت ع وجهييي ونزلت دموووعي ع خدي ولساني ما كف عن ذكر الامام علي حسيت ع ضوء خافت صار امامي وصار الضوء يسطو اكثر واكثر ...
انرمت عليه قمااشه بيضه غطة كل جسمي وعيوني قوشن محسيت بعدها ع شي غير اني ...
.............
كعدت يمي واني بتسمت وهسه بتسمت بتسامه قويه بينن اسوونها البيض يلمعن لمع ...
- اني روحانيه وانتي شنو اسمج
فاطمه.... اني فاطمه تشرفت
روحانيه.... انتي اليوم ويانه بالخط جديده ف حبيت اتعرف عليج عن قرب وتكدرين منا وجاي تصيحيلي روحيه كله تناديني بالاسم
فاطمه.... تمام روحيه وبتسمت
وهيه هم ابتسمت واضح عليها بسرعه تاخذ وجهه واجتماعيه وتحب تاخذ وتنطي بالحجي .. بده الدرس وهيه كل ساعه وتتثاوب ...
خلص اليوم وطلعنه نتضر السايق يجي وهيه واكفه ع الحايط وتفرك بعيونها مثل الي منايم ونعسان ..
كالت هاي البنيه الويانه .... روحيه خابري عمج شوفي وين صار باعي ما بقه احد بس كم بنيه
روحيه.... اووف ابتليت بعمي خو ما ابتليت هسه تلكينه نفس كل يوميه ع ما يكعد ويسفت الجاي ع كيفه ويوكف كدام المرايه بالساعتين يعدل بشعره يله يجي
جاوبتها البنيه.... وشلون بينه يوميه ويتأخر اذا يبقه هيج اشوف غير بعد ما اجي وياكم
روحيه.... لا تجين زين ومنه جاي ياخذج ويانه وينزل بدرابين لخاطر عيونج ست الحسن والجمال وفوكاها تريد تشوفين غير شووفي وخلصينه منج
يمه اكلت البنيه اكل والبنيه سكتت ما حجت شي وصل عمها وخيرررا وصعدنه وهيه استلمته ...
روحيه.... بعد وكت جان سبحت ورحت شفت مروان وطلعتو تغديتو يلا مريتنه تدري اليوم جاي علينه من وكت حتى اني استغربت
جود.....انجبي وسكتي ترا بعد ما اخذج ويانه هذا الموجود عجبج اهلا وسهلا ما عجبج لا تجي
روحيه.... شوووف ترا عمي ومحترمتك لا تخليني اكل الجدو عليك وهو يتصرف وياك ما طلعت هاي يوميه متاخر ع الاقل عيب اليوم من البنيه الجديده ويانه
جود..... سكت فهمت نوب اجيجن قبل نص ساعه هييج يعجبج سنيورا
روحيه.... فديتك عمو شنو هالتشبيه الحلو مثلك
هو ضحك وهيه تضحك وياه وصلنه البنيه لبيتهم ونوب وصلوني وراحو ... دخلت للبيت واني اسمع امي ومحمد يتناقشون ونقاشهم قووي ...
فاطمه..... السلام عليكم
ردو... وعليكم السلام
محمد.... تعاي فاطمه انتي مو جبيرتنه تعاي سمعي امي شنو تكول
فاطمه..... شصاير اصواتكم عاليه
ام فاطمه.....كلشي ما صاير بس خطبت لخووج بدره ومتانيه يردونه الخبر
فاطمه..... يااا ليشش يمه محمد هو راح يعيش وياها مو انتي ليش تجبرينه ع شي ما يريده
محمد..... شوووفي يمه حتى فاااطمه فهمتني وانتي ماااكو قااافله ع بدرره كتلج يمه مااا اريدهااا واذا جبرتيني عليها اكتل روووحي وخلصص
طلع محمد وامي حالفه لو بدره لو ماكو ومجلبه بحلفانها ... صعدت الغرفتي بدلت ونزلت ودخلت للمطبخ اشوف حميده حاطه عصير ليمون وتشرب ...
سحبت كرسي وكعدت كدامها هيه صافنه مو يمي اصلان ما حست بيه من دخلت ... دكيت ع الطاوله مرتين يلا فزت من صفتها ...
فاطمه.... وين صاافنه؟
حميده.... هلا فطوم شوكت اجيتي
فاطمه... هلا بيج من عركت امي ومحمد واني موجوده
حميده..... خطيه محمد كاسر خاطري ليش امج تريد تجبره يمكن هو عاجبته سدن ليش تكسر كلبه
فاطمه.... والله شكلج حتى اني مقهور ع محمد ادري بي يكرها شخص يفرض عليه شي وخاف لا يكره امي
حميده.... لا حبيبتي لا تكولين هيج ان شاء الله ما يكرها بس امج لو تقتنع وتخطب سدن والبنيه خجوله وهادئه
فاطمه.... ما تقتنع ترا امي ومحمد نفس الطبع اذا قفلو ع شي خلاص قفلو الله اليستر بس من الي راح يجي من ورا هاي السالفه
حميده..... اي والله الله اليستر ما كتيلي شلونه يومج راح عن بالي اسئلج
فاطمه..... زين بس تعرفت ع بنيه اسمها روحيه لو تشوفيها هيه صح حلوه بس لسانها متبري منها تذكرني بجسارت نور وطولت نسانها
تنهدت وحميده خجلانه جاي تحمل نفسها مسؤليات خراب بيتنه ... لزمت ايدها ورفعت راسها بيدي ..
فاطمه.... حميده انتي ما الج اي ذنب بالي صار كل الي صار ذنب ابوي مو ذنبج لا تحملين نفسج ذنب ما سويتي
حميده.....وكفتج انتي واهلج محد وكفها الي حتى اهلي امي باس بالبدايه ومن عرفت بيه حامل تخلت عني واني كلشي السويته ع مودها
حجيت واني اسوي روحي ما ادري عن شنو جاي تحجي ...
فاطمه..... ليشش امج شدخلها بزواجج؟
حميده.... هااا قصدي ما وكفت وياي ولا سانتتني بس سمعت بيه حامل كطعت بيه فرد كطعه
فاطمه..... هسه تلكين كلبها نار عليج بس زعلانه منج الي سويتي غلط وهيه ضايجه عليج هسه تلكيها
حميده.... الي سويته جنت مجبوره عليه مو بيدي اذا اهلي تخلو عني منو بقالي بالدنيه
فاطمه.... سولفيلي اذا تحبين جاهزه اسمعج؟
حميده.....ما اريد افتح موضوع صار ماضي وخاف احجي وانقهر ويصير ع طفلتي شي
فاطمه.... تمام براحتج لا تحجي بوكت تحسين بروحج مستعده تحجين واني راح تلكيني مستعده اسمعج وكت ما تردين
حميده.... ونعمه الاخت الله ما رزقني بخت حتى اشوف حنيتها بس الله رزقني بيج وبامج امج صارت نعمت الام وانتي صرتي نعمت الاخت
فاطمه.... هههههه ومجتبى نعمت شنو
حميده.... هههههههه نعمت الرجال والصديق والاخ
فاطمه..... الله يبرد نار كلوبكم ويحنن اهلج عليج وتجيبين بسلامه ولا تنسين احنه هم اهلج
حميده.... انتم صرتو اكثر من اهلي واحن عليه منهم ربي يخليكم الي ولا يحرمني منكم
فاطمه.... يكلبي انتي
كمت حضنتها وهيه حضنتني ... يمكن الله دز حميده النه حتى تخفف علينه حمل فراغ نور الي ليليه ادعي ربي يخليها الي ويعزز الفرصه للقاءنه
محمد ما اجه للبيت تغدينه وتعشينه هو ماكو امي ضلت تحجي ع نفسها وتلومها ... اما مجتبى فطلع يدور عليه ويشوفه وين راح ...
ل11 باليل يلا دخلو ثنينهم وامي ارتاح كلبها من شافتهم بس محمد شايل بخاطره ع امي سلم عليها وصعد ...
مجتبى تطوع هو يحجي وياه ويشوفه ... مر اليل ع كل واحد من عدنه يفكر بشنو ضامتله الحياة وشنو راح يكون صباحه الجديد حلو لو مر ....
فزيت الصبح ع صوت حميده تدك الباب عليه علمود المعهد ... كمت غسلت واني جنت مصليه صلاة الفجر بوقتها ... دخلت للمطبخ شفتهم كاعدين ياكلون ومحمد بس صافن ع الجاي كعدت ...
ام فاطمه..... شوف يمه محمد راح اخابر مرت خالك وشوف شنو ردهم رغم اني ادري بيهم راح يوافقون من كلام امها لاحضتهم موافقين وما عدهم اشكال
محمد عاف الطاوله وكام وخذ كلاص الجاي وطلع ومجتبئ لحكه واني باوعت ع امي بقهر جاي تشوف محمد تعبان بس همشي تاخذ الي تريدها ....
رحت جبت تلفون المي الها واجيت انتطيته الها ودعيت بكلبي ما يوافقون ويخربوون علاقة محمد وامي ....
اتصلت امي وردت عليها مرت خالتي وهنااا كانت الصدمه الي خلتنه اني وحميده وحده تباوع لثانيه ...
شكرا لزيارتكم عالم روايات سكيرهوم
