رواي عذابي وقدري الفصل الخامس عشر بقلم ارسلان جاف
بعدها برووحي طفله تخاف…
لو جاسوا تراجيها…
بعدهه تريد واحد لوبجت…
يسمع بواجيها…
انفتحت باب الغرفه اجه حبيبي جنت منداره مطيته ظهري مسحت دموعي
جنت مقرره اسويله مفاجئه رغم الانكساري
الي صار بداخلي… بس حاولت مابين اله واثبت
للكل اني قوية وكلام احلام مايهزني
ولا تخرب عليه فرحتي بحملي ..
- جنت اكابر رغم وجع الي بداخلي…
- دخل علاء وضحكه تارسه وجهه وشفت بعيون علاء نظره ماانساهه ..واجه حضني شالني ويفر بيه
ويضحك وفرحان حيل…
وكال ارووح فدوووه لحبيبتي وام جهالي
دوووم لفرحه ياربي…
روان منوو كلك… كال اخويه حسن
خرررب عليه المفاجئه … جنت مقرره اني اكلك
علاء… عادي حبيبي اعتبريني ماسمعت يله
روان ..شنووو
كوليلي المفاجئه…
روان… علاء… اني حامل… واقترب مني وباسني
وكال مبرووك حبيبتي…
الله يبارك بيك حبيبي
وخلص اليوم والكل فرحانين بالبيت ماعدا
عمتي احلام وحنان مرت امير اشوف عيونها راح تطلع منها نار كالبات الخلقه
وكلمه مبرووك ماسمعت منهن…
صارن يخبثن ويايه… يذبن الشغل عليه
لو يذبن مي وزاهي على الدرج حتى اتزحلك
واوكع من الدرج…
لو من اصعد لغرفتي يطلعون بوجهي ويخوفوني
بشي نفسيتي تعبت حيل…
جان علاء يكولي كل شهرين ترووحين لاهلج
واني هسه صار 3 اشهر مارايحتلهم…
روان.. علاء حبيبي اريد اروح لاهلي صار 3 اشهر مارايحه مشتاقتلهم ..
-كال ماكووو روحه
-ليش علاء ..
حبيبتي ماعندي فلوس ..
طبعا خلال هالفتره مايشتغل بده يبيع بالذهب
مالتي علمود يصرف على البيت…
ويداوووم بدون راتب والسياره واكفه مايلحك
يشتغل لان دوووام عنده…
سكتت… بدل وطلع… .
نزلت كملت غسل مواعين وتنظيف المطبخ وصعدت
ارتاح… تعبانه
بدلت دشداشتي واباوع على بطني تمددت
على الجربايه وخليت ايدي على بطني احاجي
هااا ماما تعبت يرووحي…
دك تليفوني ..شلته ماما تتصل فتحت خط
الوو. هلو ماما شلونج بابا شلونه
ماما… الحمد لله ماما انتي شلونج والنونو
الحمد لله ماما ..
ماما ..بنتي ديري بالج على نفسج هذا اول حمل الج
ولا تاخذين اي علاج بدون وصفه دكتوره ..
صاار ماما ..
ماما شوكت تجين رنووو… .هااا مادري
علاء يكول مو هسه عندي شغل .
بقينه نسولف بعدهه سديته ونمت…
بلليل اجه علاء اتعشينه وصعد فوك
نزل وكال هذا بابا ..
بابا ..مخابره كايله اريدك تجيب رنووو وتجي
علاء كله لا مااجيبها… وحجايه من علاء
وحجايه من بابا ..
علاء كال لبابا تريد بنتك تعال اخذهه ..
بابا كاله اذا اخذتها بعد ماترجعلك…
كاله تعال اخذها ..
روان ..كال علاء كومي حضري هدومج راح يجون
اهلج ياخذوج طبعا هذا الحجي كله مادري بي
جنت جوه بالمطبخ مادري بالحجي الصاير بينه
وبين بابا ..
-كال روحي وابقي لحد مااهلج يشبعون منج
عوود فكري تجين ..
روان .. حبيبي شبيك…
انكلب هاي الفتره 180درجة صار بس يصيح
على اي شي وماله خلك للحجي
قلبي لعب من تصرفاته متغيير…
-صعدت حضرت ملابسي كم قطعه خليتهم بالجنطه
اباوع عليه عيونه حمر اساله حبيبي بيك شي
يكلي انتي ماعليج خلصي يله وروحي لهلج خلصيني من همج…
بقيت صافنه على حجيه وابجي
روان علاء اني صرت هم عليك ...
لبست فوك لتراك جبه وشال مال خلك ابدل
اخذت الجنطة ونزلت…
-روان اباوع على علاء وهو حتى مباوع بوجهي
قهرني تصرفه حيل نزلت والدمعه بعيني قهرني علاء
واجتي عمتي تاخذني لان بس هيه قريبه بالديوانية
نزلت وتلكتني مرت ابوه احلام تحجي هي
مكضيه نهارها وليلها نايمه شمسويه اشو بس
تخابر ماشفنه منها شي بس شلعان القلب
من وراها ابني انسل حاله بسببها ..
وابني الف وحده تتمناه مادري على شنوو شايفه
روحها…
حنان ..كالت بتكم تحجي على عمتي…
اني نزلت من الدرج ركض بس احس الم بداخلي
كتلني…
احلام مستمره تحجي…
روان كتلها تكدرين انتي تسكتين وماتحجين
اذا اكوو واحد طيح حظي ودمرني فهو انتي ..
على كلشي ساقط… وكح… تصيحيلني…
وهسه صرت نايمه خافي من ربج ليش كل هذا
تسوينه لان تريديله بنت اختج شتريدين تسوين
سوي بعد حتى فرحتي من صار طفل بطني
خربتيها عليه مفرحت مثل البنات ..
جبناها وياج كله مسبه وغلط شنو الي جنيته شنو
ذهب وينه مو خلصه عليج وعلى مصرف البيت
غراضي وين اشوو حتى انام بالحررروساكته
طفون الكهرباء عن غرفتي خاف تطفي المولده
وانتم كل واحد مشغل مبرده ..
كلت ميخالف وسكتت على كلشي ومو لخاطرج تره
كله لخاطر علاء بس… .
-الظاهر حتى علاء هو هم فريتي الج…
تهنى بي اني رايحه لاهلي…
كالت ابني مايطلع من البيت مايرووح
كتلها خلي ابنج يمج ماماخذته اذبحه لو ادزله
جماعه تكتله مثلج…
-جان يطلع عمي كريم من الغرفه … وصااح
انتي ماتستحين انتي كح.. وساقط… ومامتربايه
جايه من الشارع بعد بيتي مادخلينه… .
عمتي اخت ابويه فوزيه رادت تحجي اشرتلها سكتي
روان ..عايفتلكم البيت ورايحه…
وانت تعرف الكح… وبنت الشارع منو عود ربيها
اذا انت رجال…
وقبل لا اطلع جان تكول مرت ابوه احلام
اذا صار شي بالطفل منو يتحمل مسؤليته
باوعلي علاء وكال هي واهلها ..
والله اذا صار شي بابني الا الدنيا اكلبها عليكم
انصدمت من كلامه ..
بس عرفت مو صاحي اكوشي غيره
علاء بيوم وليله ينكلب طلعت من البيت ابجي
بس حسيت براحه ونفسيتي ارتاحت من حجيت
وطلعت كل الي بكلبي من قهر اشهر صار وهي تاذيني تعبت…
بس بقيت افكر بعلاء ابد جان معاجبني
وجهه مايتفسر صعدنه بالسيارة اني وعمتي اخت بابا وخليت راسي بحضنها واشهك وابجي
كالت من شوكت وانتي متحمله كل هذا وساكته
كل هذا يصير بيج وماحاجيه لاحد
ليش ولج هيج سويتي برووحج…
روان ..عمه لخاطري انسى كل الي سمعتي مااريد
احد يعرف شي
روان ..عمه لخاطري انسى كل الي سمعتي مااريد
احد يعرف شي من الي سمعتي وصار كدامج ليوم
بقيت اتوسل بها متكول شي لماماوبابا…
بلكوه قنعتها.
اخذتني عمتي فوزية اخت باباوصلتني لبيت اهلي
لان هيه جانت تقريبه عليه بالديوانية
وصلت للبيت اهلي لليل بس تعبانه حيل…
عرفت مرت ابوة لعلاء مسويتله شي من طريقه
حجيه
طبيت سلمت على اهلي جنت بس اريد انام
من تعب والبجي عيوني ورمت طول الطريق
واني ابجي وعمتي تحجي عليه تكول موزين عليج
واحس راسي راح ينفجر من الصداع نمت بفراشي
واني اشهك وابجي ..اجه بابا كلي شبيج تبجين
كتله عمي كريم كال من طلعين من بيتي بعد
مترجعين… .
كال سهله بعد لا طبينه بقيت بيت اهلي 3 ايام
وعلاء حتى ماكلف نفسه واتصل
مر بية ...
اريد اعرف طريق الشوگ
شنهي وين تالية
مر بية ...
اطش اعيوني
والدمعات
فرحة بخطوة الجية… .
خلال هالفتره مااكل اكلي كلش قليل بلكوه ماما
لو بابا يغصبوني واكل لكمه وابجي النهار كله
والليل وماانام واسمع شعر للصبح وابجي
ليش هيج علاء هالدرجه جنت ثكيله عليك
وماتريدني تريد تخلص مني… .
- اتخربطت ونقلوني للمستشفى خافو يصير عند
الطفل جفاف وهو بطني وضغطي ساعه صاعد
وساعه نازل من القهر… .
-وعلاء مااتصل كل هالفتره اشتاقيت اله ردت بس
اسمع صوته
خابرت عليه ردت بس اسمع صوته اني محتاجته بس كبريائي يمنعني اكله تعال دكيت دكه والثانيه
رد الوووو ..الووو
شسولفلك يغالي شسوه بيه الشوك
تدري شكد الك هالروح مشتاكه
مثل رمش برمش يتوسلن بالعين
يمته العين ترمش حتى نتلاكه… .
سمعت صوت احلام مرت ابوة يمه تكله يمه والله
بنت اختي وسن تشتريك برووحه شتسوي بهاي
بالاخلاق…
-علاء يكلها يمه وابني … .
تكله منووو يكول ابنك ومنك ..يجوز نغل
واني ماحجيت بس اسمع حجي مرت ابوه
خليت ايدي على حلكي ودموعي تنزل بسكوت
هنا انهاريت سديت الخط …
هو عباله فصل بس بقه الخط مفتوح وسمعت
كلشي ..
اتصلت من رقم ميعرفه غريب اتصلت من تلفون
اختي رونق…
كمت ادك والطم ليش هالكد تكرهني شسويت الها
على صوت بجي وصياح اجتي امي تركض عليه
طلعت من الغرفه للحمامات وترجع
- وحضنتني… شبيج يمه
وصاحت السستراجتي ضربتني ابره ونمت بعدهه
ماحسيت بشي…
وره ساعتين كعدت لكيت امي يمي كاعده كتلها ماما اريد عصير…
طلعت و اخذت تلفوني واتصلت
بعلاء من رقمي…
اول مفتح خط… كال هاااا خير شرايده اذا
ابني صاير بي شي انعل والديج…
- روان ..كتله ابنك مابي شي بس اني بالمستشفى
كال يطبج مرض وسد التلفون بوجهي…
عرفت علاء مو طبيعي واكوو لعبه هالمره صدك
مرت ابوه لافه راسه ومخططه عدل وراح تنطي بنت اختها…
طلعت من المستشفى ومرت الايام وعلاء مااتصل ولا سئل…
وخالة علاء جيران اهلي وصديقه ماما وبيوم اجتي
لبيت اهلي عليه…
وكالت اني اخلي علاء يجي ويرجعج بس اريد
اعرف شصاير حتى اعرف شلون اصرف
بقيت 10 ايام يم اهلي عبالك 1000سنه
صح زعلانه منه وضايجه بس مشتاقتله
اني حامل ومحتاجته يمي…
-حجيتلها كلشي… طبعا بعد اخر مره من اتصلت
عليه بالمستشفى وكلي طبج مرض ماما دخلت
للغرفه شافت بايدي تلفون وابجي عرفت اتصلت
بعلاء مره ثانيه… اخذوا التليفون مني
علمود مااخابره وانزل من كرامتي… بلحظتها
تمنيت ميته ولا سامعه هالكلمه منه
بس اهم شي ابني بخير…
مخابر علاء وامي مجاوبته لان مثل مكتلكم
اخذو مني…
علاء… اتصلت روان فتحت خط وكالت بالمستشفى
كتلها طبج مرض جنت بيومها عصبي ومتعارك
وطلعت مني وسديت الخط…
بعدهه ظل بالي عليها وعلى ابني اتصلت
طلعت امهه …
كامت تحجي كتلها بتكم يمكم وابني خلي يجي
واخذه ومثل مادخلنه بالمعروف نطلع بالمعروف
احسن…
امي فاتت عليه للغرفه شافتني ابجي
وكالت عليمن تبجين على الباعج…
وحجتلي شنوو كايل علاء… انصدمت
وبقيت صافنه بيومها جان رمضان 20
غسلت وتوضيت فوضت امري لرب العالمين ومديت سجاده وكعدت اقره قران
ودعيت رب العالمين يدليني لطريق ماعندي غيره
معين بطلت بجي تعبت وبديت اشكيله همي
لبصدري وارتاح…
- ثاني يوم جنت بالمطبخ احضر فطور صاحتلي ماما وانطتني تليفون سجى مرت حماي كرار متصله وكايلتلها عفيه خاله اريد رنوو بسرعه
اني هيج سمعت رجليه ماتت عبالي علاء بي شي
اخذته منها ..روان… الووو
الووو شلونج رنووو
الحمد لله… انتي شلونج… .الحمدلله
علاء بي شي تفكيري كله يمه…
كالت لا ولج الحكي رجلج عمتي احلام كالتله
وره رمضان اذامارجعت الخاتون ازوجك
-روان… وعلاء شكال
سجى ولج خيه هو كال دورولي وحده…
روان واني بس اشهك وابجي كلشي مكدرت احجي وحسيت الدنيا افترت بيه بعدهه ماحسيت
الا واني فتحت عيوني بالمستشفى
وماما يمي وتبجي… كتلها ماما ابني بي شي
كالت لا يمه كلشي مابيه بخير…
اهم شي صحتج كومي بالسلامه…
الظاهر اني وابوج غلطنه من انطيناج مرة لعلاء
صاير عندي هبوط بالضغط وجايبيني للمستشفى
ماما وبابا ويايه… طلعت للبيت
-واجتني خاله ام علي خالت علاء… كالت انتي
تريدين ترجعين لرجلج…
سكتت…
سكتنه و سولفن دگات الكلوب
و عرفنه شيوجعه الفارگله محبوب… .🌺🌺
شكرا لزيارتكم عالم روايات سكيرهوم
