رواي عذابي وقدري الفصل السادس عشر بقلم ارسلان جاف
روان -اجتي خاله علاءام علي … كالت انتي
تريدين ترجعين لرجلج…
سكتت…
سكتنه و سولفن دگات الكلوب ..
و عرفنه شيوجعه الفارگله محبوب… .🌺🌺🌺
وكالت اكلج تره اني مو خالت علاء اخت امه
اني اخت مرت ابوة احلام طبعا اني مجنت اعرف
اختها لان دائما من تجي متقبل عليها وتحجي
ام علي -اكلج خاله اختي احلام اعرف بيها متنجرع من يومها وابوي وامي ماتوا وماراضين عليها من
سوالفها اختي شيطانه وبقت تحجي وتبجي واني بجيت وياهه شويه وكامت وكالت اني رايحه
ماعليج اليوم ماتنامين غير بحضن علاء لو يكون
اخر يوم بعمري وطلعت…
- الساعه 7 بالليل اندكت الباب جنه كلنه كاعدين بالهول وعمي سلمان يمنه طلع اخوية هيثم
ورجع كال هذا علاء وخاله وزوج خالته دخلتهم الاستقبال …
- بابا كال لعمي سلمان انت اطلع شوفه شيريد
اني مااريد اشوف وجهه وكاره شوفته بعد الي سوا
طلع عمي وراح للاستقبال…
واني كلبي صاير نار كمت سويت جاي اخذه علي
الهم…
رونق… شبيج روان ..والله خايفه لا تصير عركه
لويش عركه…
حقج متعرفين علاء شلون حاجي ويه بابا من كايله
جيبلنه روان تكول ماما كلش ضاج منه
وكايله تعال اخذ بنتك وابني اخذه من يجي وبابا
متخبل من كلامه… وانوب عمي كريم كملها
وكلي بعد مطبين بيتي…
رونق كولي يالله ان شاء الله ميصير شي
روان ان شاء الله…
عمي سلمان دز اخويه هيثم على بابا وراح وبعد نص
ساعه كالوا راح يجي عمي كريم ابو علاء ويعتذر
وهو ياخذج علمود اذا صار شي هو المسؤل
كدامنه…
صعدت فوك لغرفتنه وغطيت روحي بالبطانية
وبديت ابجي واشهك… يعني رجعتي لعلاء صارت
مستحيله عمي ابو علاء مريض ويمشي ورا احلام
وماراح يجي اكيد تعبت من البجي والتفكير
وشراح يصير حسيت نفسي اختنكت نزلت جوه
وطلعت بالحديقه واسمع حجي بس ماعرف
شنوو يحجون…
اندكت الباب مشفت منوو طلع عمي خال علاء فتحه
ودخل فات لاستقبال وصاح بابا وطلع لشارع
واسمع صوتهم يحجون بيناتهم…
دخلت للبيت سويه وفات عمي سلمان وصاح
روان …
طلعت كال عمي انتي تريدين رجلج كوومي
ماتريدينه ابقى كاعده هنا معززه مكرمه ..
جان قرار صعب انو تختار بين اهلك وبين
الشخص الي تحب…
بابا وماما مقبلوا ارجع لعلاء .. سكتت
عمي كال كومي لبسي عباتج وتعاي وياي لبست
العبايه وطلعت ويه عمي سلمان واكف خال علاء
و سلمت على اهلي ودموعي تنزل
بابا ماشفته وماما رحت عليها ابوسها وخرت مني
وكالت اني ماموافقه ترجعين
واخواتي يحجن ويصيحن…
وطلعت وعفت كلشي ورايه
علاء مو وياهم رايح لبيت خالته ام علي جيران اهلي…
طلعت من بيت اهلي ويه عمي سلمان وخال علاء
فلاح لبيت خالته ام علي وصلنه الهم دكم الباب
طلع علاء فتحه شفته مدري شبيها دكات كلبي
من تشوفه تنسى كلشي وتركض عليه… .
دخلنه اني وعمي سلمان وخاله فلاح كعدنه
بالاستقبال اني وعمي سلمان وخاله فلاح خالته
ام علي وزوجها ابو علي وبقوا يحجون واني
كاعده ومدنكه راسي… والف فكره وفكره اجتي براسي وشلون طلعت بلا موافقه اهلي بس اهلي
اكيد راح اكدر اخليهم يرضون عليه ويسامحوني بس اذا اطلكت شلون بيه وين راح اروح
اني وابني الي بطني بقت دموعي تنزل بصمت
ماحجيت شي ساكته ..
-عمي سلمان كال علاء اني رجعتها الك على مسؤليتي
هالمره وانت شفت ابوها مقبل يرجعها الك الا
يجي ابوك ويرجعها ..
روان . امنه عندك دير بالك عليها واتمنى الصار مايتكرر ..
علاء… رنووو بعيوني وان شاء الله مينعاد
طلع عمي ..وطلعوا وياه
-واني بقيت كاعده بمكاني على القنفه اجه علاء
كعد بصفي وحضني حيل وكال مشتاقلج
اوووف لو تدري شكد مشتاقه الك بكد رحمه الله احجي بكلبي…
ويحجي مشتاق لعطرج لكلشي بيج اني ضايع بدونج مادري شلون صبرت كل هالفتره من غيرج رنوووو
بقيت يم اهلي 10 يوم .
يحجي وهو حاضني
ولج راح اموت انتي رووحي وام جهالي وحلالي
وكلشي الي ب هالدنيا… اني اسف🌹
على كلشي صااررر…
اني بداخلي حسيت بخوف وقلق رغم اشتياقي
اله بس مرات ننكسر من اعز شخص بحياتنه
كلامه كسر قلبي… مجاوبته ساكته
وخرت عنه و كمت طلعت وكتله انت مو ماتريدني
وتريد نطلع بالمعروف احسن مو هذا كلامك لبابا
مو اتصلت بيك كتلك اني بالمستشفى تكلي
ويطبج مرض خليني يطبني مرض مالك علاقه
بيه اني رجعت هنا لحد مايصير ابني او بنتي
واتحمل علموده كلشي… وانت سوي الي تريده
بعد ميهمني مو موصيهم يخطبولك وحده
على الخير والبركه وربي يسعدك ويتمم على خير
واشوف جهالك منها ان شاء الله واني احجي ودموعي تنزل واشهك اختنكت حسيت راح امووت
شلون يتزوج…
واني احجي كام علاء واجه ضربني راشدي
ولزمني من جتفي بثنين اديه ويهز بيه وصاح
ولج اصحي رنووو كافي حضني وكمت اضرب بي
على صدره وابجي واحجي…
-ليش ولك علاء اني شسويت الك كلشي تحملت
علمودك ولخاطرك هيج جازيني… وهو حضني
بقوه وبقينه نتعاتب ونحجي لساعه 12
لزمني من وجهي وكال شبعتي لو بعدج تريدين تسولفين…
سكتت
علاء ابتسم بمكر وكال اني اعرف شلون اراضيج
جرني من ايدي وطلعنه من الاستقبال وصعدنه
فوك ودخلني بغرفه وكال اعرف شلون اسكتج
اتقرب مني وباسني من شفايفي
ودفعني على الحايط حيل
روان ..علاء شبيك ابني وخرر عني وهو يدفعني
اكثر ماحسيت بنفسي غير نمت بحضنه كعدنه
الصبح سبحت وعلاء بعده نايم مشطت شعري
وخليت شال على راسي ونزلت فتت للمطبخ
سويت ريوك…
اتريكنه وكملنه وغسلت لمواعين بمكان خالت
علاء… وتفكيري كله يم اهلي ..
جنه كاعدين اني وعلاء كلته…
روان ..علاء العصر اريد ارروح لاهلي
علاء ولج شبيج البارحه اجيتي
كتله لا نروووح اني وياك وتراضي امي وابويه
يله نرووح لديوانيه عفيه مااريد ارووح وهمه
زعلانين عليه ..
كال نرووح ورا العشه مو العصر عندي شغله
كتله ميخالف… وطلع
انتظرت الليل يجي بس اريد
انتظرت الليل يجي بس اريد اشوف اهلي
وحبيبي سوه يتشاقون ويضحكون
مثل قبل…
لليل اجه علاء اتعشينه وكملنه واني كاعده على نار
وره العشه كتله هااا حبي نروووح
كال يله علمود نجيب ملابسج هم.
روان -لان اني من طلعت ويه عمي كلشي مااخذت
من سبحت لصبح دشداشتي مالت البارحه لبستها
بين بيت اهلي وبيت خاله علاء ام علي 4 بيوت
بنفس الشارع…
بس وصلنه دكيت الباب وقبلها جانت دكات كلبي
اقوه واسرع سبقت دكه ايدي للباب
فتحه ابن عمي محمد لان همه يمنه…
سالته بابا هنا…
كال اي الكل كاعدين بالاستقبال فتنه جوه
جنت خايفه من رده فعلهم خصوصا من طلعت
بدون رضاتهم علاء حس بخوفي وقلقي
لزم ايدي وفتنه جوه سوه سلمت عليهم
بالبدايه ماما وبابا زعلانين على علاء…
ردو السلام كعدنه وعلاء راح على بابا وباس راسه
وكاله عمي سامحني لحضه غضب
وباس راس امي وتسامح منهم وعدهم هالشي
ماراح يتكرر مره ثانيه…
ورجعوا ضحك وسوالف… من شفتهم فرحت
من كل قلبي…
وحمدت وشكرت ربي كدرت ارجع عائلتي مثل ماجانت…
-بس جان علاء بالي ليش من جنت يم اهلي مااتصل
ولا سال…
خابرتني اخت علاء الجبيره وكالت رنووو
ديري بالج من ترجعين للبيت وطبين لغرفتج
كتلها شبيها ..
كالت ولج هاي مرت ابوي احلام عدهه سوالف السحر والشعوذه بقيت لازمه قلبي مكدرت احجي
كدام اهلي كاعدين يمهم ولا اكدر اجاوبها
بقيت مثل الي بالع الموس وساكت لا يكدر يبلعه
ولا يكدر يطلعه…
بقت تحجيلي ..واني بس اكلها… اي
كالتلي من ترووحين فتحي كنتورج اي شي
تشوفي من ملابسج بي دهن ذبي لا تلبسي
والغرفه غسليها حتى الحياطين غسليها لاتخلين
مكان جلفيها من فووك ليجوه…
وفتحي قران بغرفتج 3 ايام
يله اني اترخص وسوي مثل ماكتلج
مع السلامه .. مع السلامه
وسدته واني ضليت صافنه شنو سحر
علاء… عمي احنه اجينه ليوم نعتذر منك ونتراضى ونسلم عليكم…
وكام باس راس بابا وكال باجر نرجع لديوانيه
لان عندي دوووام…
واخذت ملابسي وطلعنه لبيت خالته ام علي
بتنه يمهم وثاني يوم العصر طلعنه لديوانيه
اخذنه تكسي وطول الطريق دايخه ونفسي
تلعب ومالي نفس لكلشي نساتي اذتني حيل
اذا اشرب مي اذبه و اكره ريحته الاكل …
اذا شميت ريحته استفرغ وصرت احب اي
شي حامض طلعت نساتي بالحامض
وصلنه لبيت عيالي وروحي طالعه جان رمضان
وطبينه ويه الفطور…
جنه 16نفر بالبيت دخلنه جوه
لكينه الكل كاعدين على السفره سلمت محد رد السلام مهتميت تعودت عليهم هاي مو اول مره
كالوا اتعشوا اني كتلهم مااشتهي شي…
نفسي تلعب وصعدت فوك لغرفتي لحكتني انوار
اخت علاء سلمت عليه وبوستني…
فتنه للغرفه وكالت اعوفج ترتاحين
اول مطبيت شفت الغرفه اخترعت هاي شنوو
عبالك عايفته صار سنة مو 10 ايام… تراااب
الكنتور مفتوح وملابسي وملابس علاء مطشره
الي بالكاع والي على الجربايه ..
عبالك داخله حرب مو غرفه ..
بجيت ياربي شراح ينظفها الي
واني هيج بلكوه اجر النفس…
فات علاء… شافني ابجي كال شبيج
كتله ماكوو شي ..كال حبيبتي راح اطلع وارجع بلليل
كتله ماشي حبي
بديت انظف الغرفه من 8 ل 11 انكسر ظهري
طلعت كلشي بيها والاخشاب دنيته عن مكانه
ومسحته
وغسلت الغرفه والملابس جمعتهن بسلات اثنين
ونزلتهن جوه حتى اغسلهن…
لكيت المواعين مكومه بالمطبخ حدث بلا حرج كومه عمتي شافتني كامت تقسم كح… مو
رجعتي ليش لمواعين بعدهه مغاسلتهن لو مكيفه
ام الوصخ الخايسه… محاجيتها
ابو طبع ميبدل طبعه للمووت
خليت السلات مالت الملابس بالحمام ورحت
للمطبخ شهلت ردان دشداشتي وبديت اغسل
لمواعين واني دموعي تنزل وتوكع على ايدي
كملت واحس روحي انتهيت…
زين ياربي والملابس شلون بعدني مغاسلتهم
بيه مابيه سحلت رووحي وغسلهم ماكملت
شغل لساعه ب 1 بالليل
علاء بعده مارجع وهمه محد يحاجيني بيهم
شكرا لزيارتكم عالم روايات سكيرهوم
